Santiago - axenda sábado 26 e actuacións policía local


Sábado 26

11.45 h
Na piscina de Santa Isabel, o concelleiro de Deportes, Adrián Varela, fai entrega das medallas a todos os escolares participantes no programa Á AUGA PATOS.

12.00 h
Na Galería Sargadelos, a concelleira de Educación e Normalización Lingüística, Rebeca Domínguez, asiste á sesión especial de contos e música para as familias que clausura a XII Campaña Municipal de Animación á Lectura, organizada pola concellería de Educación e Kalandraka Editora. O acto contará coa colaboración do alumnado da Escola Municipal de Música.


12.45 h
No pavillón do Restollal, o concelleiro de Deportes, Adrián Varela, asiste ao MEMORIAL LORENZO DE LA TORRE. (Máis información sobre os horarios dos partidos de exhibición en www.santiagodecompostela.org).

19.00 h
No Teatro Principal, Chévere presenta 'Citizen, a triloxía completa'. Dirixida por Xesús Ron e con Patricia de Lorenzo, Manuel Cortés, Miguel de Lira, Mónica García, Arantza Villar, Nekane Fernández e Iván Marcos.

20.00 h
No CSC das Fontiñas, faladoiro interactivo “Cine e ciencia: verdades e mentiras da ciencia ficción”, participan David Rodríguez e David Ballesteros (Ceo Aberto). Dentro do programa Cine Classics’12, organizado pola Concellería de Centros Socioculturais.

20.00 h
No pavillón de Santa Isabel, o concelleiro de Deportes, Adrián Varela, asiste ao desfile dos equipos finalistas no torneo de Liga e Copa de Fútbol Sala e á entrega de premios, dentro da campaña de fomento do fútbol sala, organizada pola Agrupación de Deportistas Veteranos co patrocinio do Concello. (Máis información sobre os horarios dos partidos en www.santiagodecompostela.org).

20.30 h
No Auditorio de Galicia (Sala Mozart), concerto de Omega Brass Ensemble dentro do ciclo Música de Cámara.

Letras Galegas
11 h, no Local Sociocultural de Nemenzo e 18 h, no Local Sociocultural de Villestro, O conto viaxeiro [Participamos na elaboración colectiva dun conto ilustrado guiados por un escritor e un ilustrador. Cada sesión terá un desenvolvemento independente e incluirá un contacontos propio.]
11 h e 18 h, na Praza Roxa/Centro Sociocultural do Ensanche, Títerehop (actividade promovida pola Rede de Dinamización Lingüística). [Para saber algo máis do hip-hop e da súa historia, aprender a facer rimas e crear as nosa propias letras, coas que gravaremos un videoclip valéndonos de monicreques]. A partir de 12 anos.


SERVIZOS PRESTADOS POLA POLICÍA  LOCAL
(Dende as 08:00 h do día 24 ata as 08:00 h do día 25 de maio)

ACCIDENTES

Nas últimas 24 horas o Equipo de Atestados da Policía Local rexistrou UN accidente na cidade:

- Ás 12.20 horas, na vía Diesel, entre un turismo e unha carreta elevadora, con resultado de danos materiais.

INTERVENCIÓNS

- Ás 10.45 horas, identifícase na rúa Dublín a 5 alumnos, 4 deles menores, fumando haxix. Intervénselle a un dos menores unha boliña desta mesma substancia e ponse o feito en coñecemento do director do Instituto Antón Fraguas e dos pais.
- Á 01.35 horas, acódese ao Miradoiro de Fontiñas, onde se producira un pequeno incendio nunhas matogueiras. Foi sufocados por unha dotación de bombeiros.
- Confecciónase un parte de abandono dun vehículo con matrícula portuguesa que se atopaba estacionado na avenida do Cruceiro da Coruña.
- Na rúa Doutor Teixeiro, identifícase unha persoa por ouriñar na vía publica.

AUXILIOS

-Acódese á rúa do Hórreo, onde unha señora de 92 anos caera no baño e non podía levantarse. Préstaselle axuda e queda ao coidado da súa filla.
b>, u� e P� �y� �n desa nova cultura de facer  política de Ames Novo, unha iniciativa cidadá na que ten cabida moita xente que non atopa vía nos partidos políticos tradicionais.
Ames Novo leva actuando politicamente de forma autónoma desde hai tempo, e o seu grupo municipal, Anxo Doval, Susana Mayo e Olalla Alvite xunto a súa portavoz, Pilar Candocia, son o principal motor do Concello, ben coas súas iniciativas, ben coas propostas alternativas aos recortes e retrocesos do Partido Popular. Este acto tamén valeu para vincular a Ames Novo coa proposta que está nacendo nas coordenadas do galeguismo/nacionalismo e do progresismo/esquerda, a súa vontade é contribuír a esta alternativa clave para o futuro do país.
En palabras de Pilar Candocia:
“Ames Novo é un proxecto de futuro, queremos ser unha ferramenta para o avance da cidadanía amesá. Motívanos mellorar a calidade de vida da xente, promover o benestar, facer que o público xogue un papel principal no avance da sociedade, de todas e todos.”
O acto serviu para recoñecer que Ames Novo é unha forza como moito aval social, con grande simpatía entre a cidadanía, que vai implicando cada vez a máis xente nun novo xeito de colaborar na mellora de Ames. Unha forza próxima, que dialoga coa sociedade, con iniciativa e con moita capacidade impulsar unha alternativa ambiciosa para Ames, pensada para o benestar social e a participación cidadá.

Ningún comentario: