Fundación Araguaney - exposición do noies Nacho C. Beiro


A Fundación Araguaney inaugura a exposición do noiés Nacho C. Beiro

A Fundación Araguaney inaugurará este venres, día 25 de Maio, a obra retrospectiva do artista noiés Nacho C. Beiro. “Diálogos de cor” é o nome da mostra composta por 20 cadros, na súa maioría acrílicos sobre tea, onde hai un claro predominio das cores cálidas. Nacho C. Beiro decidiu expor na Fundación Araguaney a súa obra retrospectiva, que elaborou nun taller que posúe en Noia, o seu pobo natal e onde reside habitualmente.


A inauguración será este venres, día 25 de Maio, ás 20,00 h da tarde. As obras estarán expostas na Sala de exposicións do Hotel Eurostars Araguaney desde o 25 de Maio ata o 15 de Xuño. O horario para visitar a exposición será de Luns a Venres de 11,00 a 13,00 e de 18,00 a 21,00 h.

Sobre o pintor

Nacho C. Beiro cursa estudos na Escola de Artes Aplicadas e Oficios Artísticos de Barcelona en 1967. Anos despois trasládase a Berlín onde traballa conxuntamente con grupos de Arte Transvanguardista. Alí proxecta as escenografías de varias obras de teatro.

Entre outros traballos, Beiro ilustra diferentes portadas de libros, entre eles Informe 0?A educación en Galicia, da Universidade de Santiago ICE, así como dez capítulos da edición príncipe de ?O Quixote? de Xuntanza Editorial. Participa, ademais, nos tres días de arte en Xirona con montaxes e espazos creativos, funda conxuntamente a sala de arte ?Triángulo? e realiza os trípticos ?Tempos de Mar? para a casa dá cultura ?Avilés de Taramancos? (Noia) e ?Andan ó Mar? para a confraría de pescadores de Portosín.?É tamén o encargado de pintar a bóveda do teatro Coliseo de Noia e de deseñar diversos espazos comerciais: Cafeterías Iacobus (Santiago)...?Ademais de todo isto, imparte cursos de acuarela, debuxo, pintura, gravado, pintura mural, para diversos estamentos.?


As obras de Nacho están repartidas por diferentes museos e países, así como en numerosas coleccións particulares. expuxo de forma individual e colectiva en lugares como: Galería Temps (Barcelona), Galería Riba (Barcelona), Galería do Gall. San Cugat do Vallés (Barcelona), Galería Bennassar. Pollença (Mallorca), Galería Dama, Galería Vilas-Art, Museo Vale Inclán (Pobra do Caramiñal), Galería Catro (A Coruña), Galería Pardo Bazán (A Coruña), Sala de Arte Triángulo (Santiago), Bienal de Branco e Negro (Madrid), Bienal do Deporte nas Belas Artes, Bienal de Pontevedra, Salón de Outono (Sagunto), Real Maestranza de Cabalería de Sevilla, Bienal do Deporte ?Fútbol Club Barcelona?, Concurso Internacional de Debuxo ?Inglada i Guillot?, Mar de fondo. San Martín Pinario (Santiago), Pintores para unha colección (A Coruña)?

Desde que obtivo en 1967 o seu primeiro premio de acuarela das Corts (Barcelona), non deixou de recibir numerosos recoñecementos polo seu labor como artista.

Ningún comentario: