Ordes - o alcalde asegura que o ministerio de Facenda confía na xestión do concello


Regos asegura que o ministerio de Hacienda confía na xestión económica do Concello de Ordes

O alcalde ven de asinar un convenio con La Caixa para o cobro de Plan de Pagamento a Proveedores


Ordes 24 maio 2012. “A recente aprovación ó Plan de Pagamento a Proveedores e o visto bo do ministerio de Hacienda ás facturas que enviamos é o mellor aval para os nosos veciños e veciñas de que a situación económica do Concello de Ordes está controlada e é factible”. Así de taxante se mostraba esta mañá Manuel Regos, alcalde de Ordes, ante as críticas verquidas polos populares ordenses nas que se manifesta que “o Concello se asoma ó abismo peosupostario”.

     Onte mesmo o alcalde asinaba un convenio co director da sucursal de La Caixa ubicada na vila para o pagamento das facturas englobadas en dito plan. “Os primeiros cobros levaranse a cabo a partir da vindeira semana, polo que o Concello de Ordes cumplirá coas súas obrigas. O contador está a cero porque nós non temos nada agochado en ningún caixón. É o mesmo Goberno Central actualmente em mans dos populares quen autorizou o crédito e quen dixo que a nosa situación é factible porque estamos capacitados para facerlle frente” puntualiza Manuel Regos. Tamén lle parece “moi paradóxico e significativo que mentres en Madrid a xente do PP apoia as nosas iniciativas os de Ordes se empeñen en levarlles a contraria”. Unha situación que xa se viviu no último pleno cando os populares, acompañados polo BNG, votaron en contra do Plan de Pagamento a Proveedores ideado e aprobado polo ministerio dirixido por Cristobal Montoro.

   Manuel Regos defendeu a política de investimentos realizada nos últimos anos “na que primaron os servizos e infraestructuras sociais para beneficio, uso e desfrute dos nosos veciños e veciñas”. Neste sentido  lembrou todo o tempo no que rexentado por gobernos conservadores o Concello de Ordes caracterizábase pola escasa inversión en bens e servizos. “Se o Concello gastou é porque nestes últimos anos fomos nós os que tivemos que facer o que outros deixaron pendiente” asegura o alcalde, que invita a quen queira a “dar unha volta polas parroquias e polos inmobles públicos ou ben a falar cos milleiros de veciños e veciñas que teñen participado nos cursos e actividades organizadas polo Concello” para comprobalo.

     O alcalde tamén amosou o seu descontento co feito de facer oposición “usando o nome do interventor e doutros empregados municipais”, tal e como nos ten afeitos o PP de Ordes. Dende a alcaldía critícase e denúnciase a utilización dun informe do departamento de Intervención con data do ano 2009 “para crear alarma social e intranquilidade no sólo entre os veciños, senón tamén entre os empresarios e posibles inversores que queiran instalarse en Ordes. Isto é algo ilóxico xa que a realizade económica de entón non ten nada que ver ca de agora”. Por todo elo dende o Goberno Local reclaman máis responsabilidade ós populares na política comunicacional que están realizando e unha maior veracidade nas informacións publicadas.

Ningún comentario: