O Concello de Silleda
convoca un proceso de selección para o servizo do Grumir
-O principal requisito para optar ás prazas (9 operarios e 3 capataces)
será estar desempregado/a e inscrito na bolsa municipal de emprego
-Primaranse criterios coma a experiencia nas tarefas propias do servizo,
coñecementos relacionados coa actividade ou as cargas familiares
Silleda, 25 de maio de 2012. O Concello de Silleda vai iniciar o proceso de selección para cubrir as
12 prazas (9 de operario e 3 de capataces) do Grupo Municipal de Intervención
Rápida (Grumir). O principal requisito para aspirar aos postos é estar en
situación de desempregado e figurar inscrito/a no programa Silleda Emprega, a
bolsa municipal de emprego.
Para a selección establecense distintos criterios. Así,
valorarase estar en posesión de carnés específicos para vehículos especiais
y/ou de emerxencias (como por exemplo o
permiso C, BTP ou ADR) e a experiencia non só na extinción de lumes, senon
tamén en tarefas coma o desbroce ou traballo de xardinería.
Do mesmo xeito, tamén se terán en conta os coñecementos ou
cursiños relacionacionados con esta actividade (prevención, primeiros
auxilios…), a existencia de cargas familiares ou a antigüidade na situación de
desemprego. Tamén se limita a idade dos aspirantes, que se situará entre os 21
e os 60 anos.
A partir do martes día 29
O proceso de selección con todas aquelas persoas que cumpran
os requisitos antes mencionados iniciarase o vindeiro martes día 29 a partir
das 12.00 horas. Os contratos do Grumir formalizaranse ata o 31 de decembro deste ano.
A alcaldesa, Paula Fernández Pena, advirte que con este
proceso “estamos a cumprir co principio de trasparencia, para que os
desempregados de Silleda poidan concorrer libremente a estas prazas en igualdade
de oportunidades”.
Ningún comentario:
Publicar un comentario