O portugués Miguel Gomes recibirá este venres o primeiro dos Premios Cineuropa que se outorgan nesta XXIX edición do festival. Autor de A cara que mereces (2004), Aquele querido mês de agosto (2008), ou Tabú, premio Alfred Bauer e FIPRESCI na Berlinale de 2012, Gomes é recoñecido, en palabras de Martin Pawley, como “un gran escoitador e iso fixo del un dos máis grandes fabuladores do noso tempo”. Tras a entrega do Premio estrearase o primeiro volume do seu último traballo: As Mil e Uma Noites, unha visión do actual Portugal da austeridade, a crise e os tecnócratas a través da mirada da bela Sherezade. A fábula, fermosísima fábula, é utilizada por Miguel Gomes para dar a coñecer a situación do seu país. A entrada á cerimonia de entrega do Premio Cineuropa e á proxección da película será gratuíta, previa recollida de convite no despacho de billetes do Teatro Principal.
Pero As Mil e Uma Noites non é a única estrea do día. Ás 19:45 h proxectarase o Macbeth de Justin Kurzel no Salón Teatro. Kurzel ofrece unha nova perspectiva da traxedia de Shakespeare, humanizando a uns protagonistas interpretados polos carismáticos Michael Fassbender e Marion Cotillard, e devolvéndolle ao texto o seu espírito orixinal. Un Macbeth obsesivo e grandilocuente e unha Lady Macbeth menos manipuladora do que nos teñen afeitos outros directores. A crítica coincide en describila como unha película tan elegante como violenta e de estilizada posta en escena.
Ás 23:00 h no Teatro Principal estrearase o último de Peter Greenaway, Eisenstein in Guanajuato, un biopic sobre a etapa mexicana do cineasta ruso durante a rodaxe de Que viva México!. Segundo José Luis Losa, director de Cineuropa, Greenaway toma “uns camiños insólitos: o descubrimento e desfrute do cineasta dunha homosexualidade festiva, case en ton de voldevil, e moi afastada da gravidez doutras obras do británico”.
Este venres será a última oportunidade de asistir ás proxeccións de The misplaced world, de Margarethe von Trotta (ás 16:00 h no Teatro Principal), Songs My Brothers Taught Me, de Chloé Zhao (a continuación, ás 18:00 h tamén no Principal), Cop Car, de Jon Watts (no Principal ás 00:45 h), Slow West, de John Maclean (ás 17:45 no Salón Teatro), e o último de Ulrich Seidl, Im Keller (In the Basement), que se proxectará ás 21:45 h tamén no Salón Teatro.
A profusa programación da xornada (20 películas o día de hoxe) complétase con outros filmes pertencentes a diferentes seccións e de entrada libre até completar aforamento, que se proxectarán en catro das cinco sedes desta edición: Teatro Principal, Salón Teatro, CGAC e sede Afundación.
PROGRAMACIÓN COMPLETA DO VENRES 13
TEATRO PRINCIPAL
12:00 THE SHANGHAI STORY (AVENTURA EN SHANGAI)
Frank Lloyd
16:00 THE MISPLACED WORLD Margarethe von Trotta
18:00 SONGS MY BROTHERS TAUGHT ME Chloé Zhao
GORPAAF
20:00 PREMIO CINEUROPA: MIGUEL GOMES
AS MIL E UMA NOITES: VOLUME 1 Miguel Gomes
23:00 EISENSTEIN IN GUANAJUATO Peter Greenaway
00:45 COP CAR Jon Watts
SALÓN TEATRO
16:00 EL PASEO Flavia de la Fuente
WORK IN PROGRESS: IT’S CALLED LISTEN Alejandra
Pombo
17:45 SLOW WEST John Maclean
19:45 MACBETH Justin Kurzel
21:45 IM KELLER (IN THE BASEMENT) Ulrich Seidl
23:15 MARCELLO MASTROIANNI: MI RICORDO, SÌ, IO MI
RICORDO Anna Maria Tatò
CGAC
16:00 Coa presenza do director IDIOTAS
Fran Estévez 16:45 SPLIT SECOND (O INSTANTE
DECISIVO)
Dick Powell 18:15 NEVER LET ME GO (NON ME
ABANDONES) Delmer Daves
20:00 DE MAN DIE ZIJN HAAR KORT LIET KNIPPEN (O
HOME DO CRANIO RASURADO) André Delvaux
21:45 HEITAI YAKUZA (HOODLUM SOLDIER) Yasuzo
Masumura
SEDE AFUNDACIÓN
16:30 AYN RAND: IN HER OWN WORDS Robert Anderson,
John Little
18:00 THE FOUNTAINHEAD (O MANANCIAL) King Vidor
20:00 TRIAL (A FURIA DOS XUSTOS) Mark Robson
