Axenda sábado 13 de decembro - música, poesía, teatro, catas, exposicións

Santiago - Área Central - Mercado da chuvia

A Estrada - Concerto de Aspergillus

Ordes - Eran outros tempos, ou non?

Teo - Mercado de segunda man 

Santiago - Casa das Crechas - El kanka 

Brión - Vagalumes no vento

Ames - La Cesta Natural - III tunel do viño

Santiago - Borriquita de Belem - Alejandro Vargas Trio

Outros Concertos + info

Exposicións

Santiago - Iconos Rusos (Casa gótica) (ata o 31 de decembro)

Santiago - Museo das Peregrinacións - Imaxes de Santiago (ata o 31 de decembro)

Santiago - Museo do Pobo Galego - Barriga Verde, de feira en feira (ata o 11 de xaneiro)

Santiago - Fundación Araguaney - Manuel Vázquez Alemán (ata o 29 de decembro)

Santiago - Auditorio de Galicia - Xulio Maside (ata xaneiro 2015)

O Tempo

Psoe Teo - O PP rexeita a iniciativa de transporte escolar para a urbanización Campos de Mirabel

O martes día 9 o deputado socialista Vicente Docasardefendeu na Comisión de Educación e Cultura do Parlamento de Galicia a necesidade dunha solución urxente as demandas da comunidade educativa do Colexio de Educación Infantil e Primaria A Igrexa, de Calo, relativas á creación dunha nova parada ou creación dunha nova ruta do servizo de transporte escolar para dar servizo á veciñanza da urbanización Campos de Mirabel.

O responsable socialista levou á Comisión de Educación esta demanda de nais e pais destes escolares, apoiada de forma decidida pola ANPA deste centro, e que foi trasladada polo PSOE de Teo ao grupo parlamentario socialista. 

Docasar sinalou que actualmente dita urbanización conta cun total de 67 nenos e nenas en idade escolar, entre 0 e 12 anos, abocados a un desprazamento ata a súa escola a través dunha estrada sen beirarrúas e un centro educativo que non está habilitado para acoller a un número elevado de vehículos privados nos horarios de entrada e saída.

Instou ao goberno galego a “gobernar escoitando con atención o que nos están a dicir os cidadáns e cidadás”, “antes de que teñamos que lamentar algún accidente precisamente pola perigosidade do traxecto entre a urbanización e o colexio”, veciños que presentan unha proposta “razoada e razoable”,ata o punto de que unha iniciativa neste sentido presentada polos Socialistas de Teo foi aprobada hai uns días por unanimidade no pleno do Concello, incluíndo aos representantes do PP.

O secretario xeral técnico da Consellería de Educación e Cultura, JesúsOitavén, recoñeceu que a reivindicación era razoable, e o seu carácter reiterado desde o ano 2010, pero rexeitouna apoiándose tanto na normativa que marca a distancia de 2 km para a creación dunha nova ruta como no “elevado coste” do reforzamento da liña xa existente. Ante a argumentación da perigosidade do traxecto a pé, Oitavén responsabilizou á administración municipal da falta de beirarrúas.

Ante a negativa da Consellería, Uxía Lemus, concelleira do PSdeG-PSOE de Teo, sinalou que “seguiremos buscando solucións a este problema.A total unanimidade na Corporación neste tema, incluídos os votos dos concelleiros populares, debe servir como medida de presión ante unha Consellería xordaás demandas veciñais teenses.

A Consellería amosa unha total desconexión coa realidade deste veciñanza, xa que incluso Oitavén, na súa intervención no Parlamento de Galicia, comparou este problema, cun traxecto de gran perigosidade incluso recoñecido pola Policía Local, e o existente entre a Praza de Galicia e o colexio Pío XII, en Santiago de Compostela.

Desde o PSOE de Teo recomendamos ao señor Oitavén que veña ata Teo e que chame a un dos concelleiros do PP no noso concello, para que de primeira man lle amose o traxecto diario a pé dos escolares desde a Urbanización Campos de Mirabel ata o CEIP da Igrexa, e así poda coñecer as diferencias entre unha zona urbana e unha estrada sen beirarrúas nin pasos de peóns ”.

Casa das Crechas - El Kanka volve este sábado ás Crechas co seu segundo disco, ‘El día de suerte de Juan Gómez’

A Casa das Crechas acolle este sábado o concerto de El Kanka, un dos cantautores con máis futuro do panorama español, que nos presentará o seu segundo álbum de estudio, “El día de suerte de Juan Gómez”. Este artista malagueño rebosa talento e bo humor. Os seus concertos provocan felicidade colectiva e cada novo fan ten a necesidade de compartir o seu descubrimento coa xente á que aprecia. 

El Kanka combina como ningúen temas para sorrir con cancións de amor de letras fabulosas. O cantautor malagueño preséntanos o seu segundo álbum de estudio. Un traballo para o que contou con Juan de Dios Martín (Amaral, Marlango, Xoel López) na produción e con colaboracións de artistas como o inconfundible Lichis, a gaditana Carmen Boza ou o polifacético Toni Zenet.

Un esperado lanzamento que vén precedido por ‘A desobedecer’, primeiro tema do álbum que se presentou o pasado 10 de abril e que desde entón non parou de recoller boas críticas tanto de prensa como de público. Un tema cargado de actualidade e positividade no que non faltan os ritmos alegres e un retrouso pegadizo e que acumulou máis de 20.000 visitas en Youtube en menos de dúas semanas.

“El día de suerte de Juan Gómez” é un paso adiante na carreira do cantautor. Un traballo que recolle a súa madurez e crecemento como artista e que supón a súa confirmación como compositor, escritor e intérprete de gran talento. Un álbum que deixa paso a varios estilos, sen deixar de lado as súas xa famosas letras ás veces reflexivas, outras frescas e irreverentes e a raíz da súa voz, a súa guitarra e a súa música. En total, 12 temas escritos e compostos polo Kanka na súa totalidade. 

El Kanka está de xira por toda a Península para presentar o seu novo álbum. En Galicia para o venres na sala coruñesa Mardi Gras, o sábado nas Crechas e o domingo no Aturuxo (Bueu).

Brión - Hoxe "Vagalumes no vento"

Brión acolle este sábado “Vagalumes no vento”, un espectáculo de poesía e música a cargo do Grupo Ouriol destinado a un público familiar

O centro social polivalente de Brión acollerá este sábado, a partir das 18:30 horas, o espectáculo “Vagalumes no vento”, do Grupo Ouriol. Trátase dun espectáculo pensado para un público familiar, que poderá disfrutar da poesía de grandes escritores en voz da poetisa e recitadora Eva Veiga combinada coa música de Bernardo Martínez e Fito Ares. A asistencia é libre e de balde.

Os escritores escollidos para este recital en Brión son Rosalía de Castro, Álvaro Cunqueiro, Xosé Neira Vilas, Uxío Novoneyra, Manuel María, Pura Vázquez, García Lorca, Xosé María Álvarez Blázquez, Antonio García Teijeiro, Fran Alonso e Luz Pozo. O obxectivo é combinar os textos destes escritores coa música para conseguir atraer deste xeito a un público novo.

Ordes - Ordes acollerá este domingo o espectáculo familiar ‘A cantar con María Fumaça’

Trátase dunha representación musical protagonizada pola cantante Uxía, que estará acompañada de Santiago Cribeiro e Héctor Lorenzo

Ordes 10 decembro 2014. O vindeiro domingo ás 19 horas a casa da Cultura de Ordes acollerá a representación do espectáculo ‘A cantar con María Fumaça’. Un musical para nenos e adultos no que participan a cantante Uxía, que estará acompañada por Santiago Cribeiro (acordeón) e por Héctor Lorenzo (guitarra e voz).

‘A cantar con María Fumaça’ nace como unha idea de Uxía para agasallar a Ruí, o seu afillado, o cal presenta unha discapacidade. As cancións que cada Nadal se cantaban cada ano para Ruí, por parte de Uxía e outros amigos artistas e músicos, é a base na que se inspira ‘A cantar con María Fumaça’. A través del e durante unha hora ponse de manifesto que a diferenza pode vivirse con normalidade e que amplía horizontes. Todo iso cun contaxio xeral de alegría e musicalidade.

A dita convocatoria englóbase dentro do programa Nadal en Rede, promovido pola Rede de Dinamización Lingüística a través da Secretaría Xeral de Política Lingüística, e conta coa colaboración do Concello de Ordes.

Santiago Futsal - 1ª Edición Campus Tomás de Dios

· El Santiago Futsal organiza un campus de Nadal de fútbol sala dirixido por Tomás de Dios os días 22 e o 23 de Decembro

· O prezo será de 35€ xeral e 20€ para nenos do Santiago Futsal

· O Campus englóbase nas accións que Tomas de Dios está levando a cabo fomentando a metodoloxía de traballo do Santiago Futsal

Aproxímase o Nadal, pero o fútbol sala non descansa na capital galega. O Santiago Futsal organiza un Campus de Nadal de fútbol sala dirixido polo ex entrenador, e actual embaixador do clube, Tomás de Dios.

O Campus de Nadal Tomás de Dios preséntase como un campus que servirá como medio de inserción social, posto que haberá sesións de adestramento con nenos con discapacidades físicas e intelectuais.

O Campus celebrarase os días 22 e 23 de Decembro cun horario de mañás de 10h a 14h e de tardes de 16.30h a 19.30h.

O prezo será de 35€ para os nenos que non xoguen nalgún equipo das diferentes categorías do Santiago Futsal, e de 20€ para xogadores do base do clube. Coa inscripción os nenos recibirán unha camiseta e ofreceráselles merenda.

Para calqueira dúbida ou realización de inscripcións, enviar correo electrónico a administracion@santiagofutsal.com, chamar ao número de teléfono 981 115 038 ou acudir ás oficinas do Santiago Futsal (Rúa Diego Bernal s/n, Multiusos Fontes do Sar).

Dito Campus de Nadal englóbase nas accións que Tomás de Dios está levando a cabo para promocionar o clube, así como o fomento da filosofía e metodoloxía de traballo que o clube leva implementando nos últimos 10 anos.

Tomás de Dios ofrecerá diferentes sesións informativas e de adestramentos durante todo o mes de Decembro por toda a xeografía española:

16 Decembro- Universidade Pontificia de Salamanca- Sesión informativa e ponencia

17 Decembro- Club Fútbol Sala Salamanca- Sesión informativa e ponencias e adestramento con xogadores da base e seniors

18 Decembro- Club Torrejón Sala (Madrid)- Sesión informativa e ponencias e adestramentos con xogadores da base e seniors

19 Decembro- Club La Paloma (Madrid)- Sesión informativa e ponencias e adestramentos con xogadores da base e seniors

27 Decembro- Alicante- Sesión informativa e ponencias

28 Decembro- Alboralla (Valencia)- Sesión informativa e ponencias

Ordes - Hoxe comeza o nadal coa obra de teatro "eran outros tempos, ou non?"

Ordes estrea este sábado o seu programa de Nadal coa obra teatral ‘Eran outros tempos, ou non? 

A obra está dirixida para un público a partir de 12 anos 

O Concello de Ordes arranca este sábado o seu programa de Nadal coa obra teatral ‘Eran outros tempos, ou non?’. A cita está posta para as 20.30 horas no auditorio da casa da cultura, e está especialmente dirixida para aqueles e aquelas que teñan de 12 anos en adiante. 

A obra, da compañía Disfunción Teatro, está dirixida por Jouse García e no reparto figuran Bea del Río, Natalia Carbajal, Sara Andújar, Marí Porto, Clara Iglesias, Guille Pose, Alejandro Picallo, Manuel Rosende e Manu Mougán.

Area Central - Hoxe Mercado da chuvia con máis de 100 artesanos

Area Central se llena este fin de semana de cerca de 100 artesanos en la edición de navidad del “mercado da chuvia”

El sábado también tendrá lugar el festival de Navidad de la escuela de baile “Alfaia”

Este sábado 13 y el domingo 14 Area Central acoge a cerca de 100 artesanos en la edición especial de Navidad del Mercado da chuvia, que como en las anteriores ediciones traerá un amplio número de actividades paralelas.

La edición de este mes es especial ya que durará dos días en los que los artesanos asistentes pondrán a la venta sus productos artesanales hechos con diferentes materiales como tela, cuero, barro, bronce o madera. De esta forma, los visitantes podrán adquirir regalos muy originales para poder obsequiar estas Navidades a sus allegados.

El “Mercado da chuvia” se celebra todos los segundos sábados de mes en Area Central de 11.00 a 21.00 horas y desde que se lleva celebrando se ha convertido en una cita de referencia para todas las personas que valoran la artesanía y los productos hechos a mano en los que destacan la imaginación y la originalidad de sus creadores.

Edición tras edición, el “Mercado da chuvia” continúa consolidándose como un gran mercado de artesanía en donde se pueden adquirir productos únicos hechos desde una mirada creativa. El “Mercado da chuvia” nació en octubre de 2013 como una iniciativa de un grupo de artesanos compostelanos en colaboración con Area Central. Se trata de una propuesta comercial diferenciada en Santiago de Compostela en un marco diferente, como son las calles acristaladas de Area Central. 

Además, este fin de semana diferentes zonas de Area Central se llenarán de nuevo con diversas y muy diferentes actividades que complementarán, ya de por sí, el gran Mercado da chuvia. Los visitantes más pequeños de esta edición de Navidad podrán participar en talleres de pintura y de manualidades. 

Festival de Navidad de “Alfaia” y rifas del sorteo de las cestas

Dentro de las actividades del Mercado da chuvia, a partir de las 19:30 horas será el turno de más de 60 alumnos de los profesores de la escuela de danza Alfaia, academia ubicada en la planta primera de Area Central. En su actuación, los alumnos demostrarán todo lo aprendido en los últimos meses en sus clases de danza moderna, danza contemporánea y breakdance.

Ya por último, los establecimientos comerciales de Area Central repartirán a partir de este viernes las rifas para participar en el sorteo de las 51 cestas de Navidad por compras superiores a cinco euros. El sorteo de las cestas de Navidad tendrá lugar el próximo sábado 20 y el domingo 21 a partir de las 19:30 horas en el escenario principal.

Santiago - Concerto conxunto das Bandas de música de Santiago e Pontevedra

Será este domingo ás 12.00h no Auditorio de Galicia, dirixidos por Juan Miguel Romero LLopis

· Concerto extraordinario da Banda Municipal de Música de Santiago e a Banda de Música de Pontevedra con motivo do 110º aniversario desta última

A Banda Municipal de Música de Santiago e a Banda de Música de Pontevedra actuarán conxuntamente este domingo 14 de Decembro na sala Ángel Brage do Auditorio de Galicia ás 12.00h con motivo do 110 aniversario da banda pontevedresa. Máis de 60 músicos baixo a batuta do mestre Juan Miguel Romero Llopis os cales interpretarán obras, ca danza como nexo de unión, como:

-Celebration de Phillip Sparke (1952) na que se celebra o optimismo do espírito humano, transmitindo á vez paz, seguridade e tamén moita enerxía.

-Dionysiaques de Florent Schmitt (1870-1958) unha das máis fascinantes obras de repertorio para banda, aínda que non é realmente programática, o seu título suxire unha orxía dionisíaca ou unha danza macabra de gran intensidade e contrastes.

-Sansón et Dalilla de Camille Saint-Saëns (1835-1924) na que o compositor presenta a súa visión do mundo oriental empregando a escala hispanoárabe recurrentemente.

- L’oiseau de feu (O paxaro de lume) de Igor Stravinsky (1882-1971) estreada en 1910. É unha obra moi orixinal e extremadamente colorida cunha magnífica instrumentación que fai patente a oposición entre o mundo humano e o máxico superpoñendo melodías e ritmos sincopados.

Con este concerto, que será de entrada libre, a Banda Municipal de Santiago de Compostela da por comezada a súa tempada de concertos de Nadal

Teo - Case trinta postos participan nunha nova edición da Feira Local de segunda man

· Este domingo continúa o Cantateo e volve a realizarse no CSC da Ramallosa, despois das obras de arranxo no local

Case trinta postos de venda participan mañá sábado 13 de decembro na feira local de segunda man organizada polo Concello de Teo. Esta edición celébrase no pavillón da Ramallosa e funcionará en horario de 12:00 a 14:30 horas e de 16:00 a 20:00 horas. Sobre as 13:00 horas haberá unha actuación do grupo Alvariza e pola tarde a partir das 18:00 horas animación para os/as máis pequenos/as. 

A entrada ao recinto é de balde e neste mercado participan asociacións do Concello como Aspamite, a Asociación Recreativa e Cultural Os Tilos e Teenses pola Igualdade e os particulares que quixeron anotarse. Normalmente nestas feiras pódense atopar libros, xoguetes, obxectos de decoración usados pero en bo estado e a prezos reducidos. A feira local de segunda man xa se realizou en ocasións anteriores cun notable éxito de participación tanto de vendedores coma de visitantes. 

Dende o Concello participarase cun posto do Roupeiro municipal. A recadación desta venda doarase ao Banco Veciñal de Alimentos que recollerá entregas solidarias durante toda a xornada no recinto. 

Cantateo

Pola súa banda este domingo continúa o encontro de voces corais Cantateo. A actuación será no Centro Sociocultural da Ramallosa, que xa está listo para o seu uso despois das obras de arranxo realizadas no teito e nas vigas nas últimas semanas. Co auditorio da Ramallosa recuperado as corais teense volven actuar alí como en anos anteriores. 

O domingo 14 contaremos coa actuación do Grupo de canto Aleceia dos Tilos, o Coro parroquial de Cacheiras e a Coral polifónica de Luou. 

Pechan este encontro anual o 21 de decembro o Coro da igrexa evanxélica da Ramallosa, a Coral da Asociación Cultural Cruceiro do Monte e o Coro parroquial de San Francisco de Asís dos Tilos. As actuacións comezan ás 17:00 horas e a entrada é de balde.

PP Santiago - Reunión de Agustín Hernández e Alberto Núñez Feijoo cos afiliados

Agustín Hernández traslada aos afiliados unha mensaxe de unidade e traballo conxunto para gobernar Compostela

No encontro que mantivo esta tarde co obxectivo de felicitarlles as Festas e no que participou tamén o presidente do PPdeG, Alberto Núñez Feijoo

Os presidentes do Partido Popular de Galicia e do Partido Popular de Santiago, Alberto Núñez Feijoo e Agustín Hernández, mantiveron esta tarde un encontro con varios centenares de afiliados e simpatizantes da capital de Galicia co obxectivo de felicitar as Festas e trasladarlles unha mensaxe de unidade e de traballo conxunto de cara aos vindeiros comicios municipais.

O responsable do PP local e alcalde de Santiago, Agustín Hernández, lembrou que o PP logrou máis do 49% dos votos en Compostela en cinco convocatorias electorais, a última delas nas municipais de 2011, e sempre foi a forza política máis votada agás en 2003.

“Cheguei nunha situación complicada, de forma inesperada, pero agora creo que é posible volver a gañar e gobernar en Santiago si somos capaces de abrir o partido á sociedade”, afirmou Hernández.

Para elo pediu unidade e xenerosidade por parte dos militantes, e prometeu “ilusión e esforzo” co obxectivo de trasladar á cidadanía de Santiago “que a renovación e a rexeneración política a vai protagonizar o Partido Popular”.

Axenda venres 12 de decembro - Charlas, música, teatro, exposicións

Santiago - Capitol - ONYX & Mucho Muchacho 

Santiago - Auditorio - Real Filharmonía de Galicia - Mesias de Haendel

Santiago - Zona C - Pan! Pan!

Santiago - Teatro Principal - Luar Na Lubre

Santiago - Kunsthalle - Excépticos en el Pub - Las caras de Belmez

Ames - Encendido do alumeado de Nadal

Outros Concertos + info

Exposicións

Santiago - Iconos Rusos (Casa gótica) (ata o 31 de decembro)

Santiago - Museo das Peregrinacións - Imaxes de Santiago (ata o 31 de decembro)

Santiago - Museo do Pobo Galego - Barriga Verde, de feira en feira (ata o 11 de xaneiro)

Santiago - Fundación Araguaney - Manuel Vázquez Alemán (ata o 29 de decembro)

Santiago - Auditorio de Galicia - Xulio Maside (ata xaneiro 2015)

O Tempo

Santiago - ONYX con Mucho Mu e Puma Pumku, acompañados de Fogbound, no Compostela Rock

O departamento de Cultura propón hoxe dous concertos dentro do ciclo Compostela Rock. Ás 21.00h na Sede SGAE poderemos escoitar a Puma Pumku que presentan o seu traballo ‘Is it in you?’ acompañados dos coruñeses Fogbound. E ás 21.30h chegan á Sala Capitol, ONYX, o grupo de rap nativo de Queens, para presentar o seu novo disco ‘Wakedafucup’. Antes deles poderemos escoitar a MUCHO MUCHACHO, o rapero español tamén coñecido como Mucho Mu.

Puma Pumku e Fogbound na Sede SGAE

Moito, e moi ben, leva falándose durante este último ano sobre Puma Pumku. Un nome tras o que se refuxian Amadeo Varela, Guillermo Cavero -Pamper-, Francisco Varela, Óscar Raña -Pulpo- e Álvaro Dosil -Coque- . Cinco amigos que, tras tocar en diversas formacións, uniron os seus camiños a través dunha personalísima visión da psicodelia, o dream pop, o space rock e a música experimental.

Todos os elementos que agora coexisten en ‘Is It In You?’ atopábanse xa dalgunha maneira no seu primeiro EP, unha maqueta de nome homónimo (Puma Pumku, 2013) que facía presaxiar as dotes alquimistas da banda á hora de traballar os sons, coidar os matices e crear atmosferas tan desconcertantes como adictivas.

A principios de 2014, mentres se curten con concertos por toda Galicia e Portugal, gravan o seu primeiro álbum con Roberto Mallo e Rodrigo Caamaño (Triángulo de Amor Bizarro), encaixando así as pezas dun quebracabezas que soa á vez clásico e moderno, salpicado de guitarras que se entrelazan e voces que falan de mundos que non están neste. Os sons resultantes poden por momentos lembrarnos a Deerhunter ou Brian Jonestwon Masacre, bandas referente para os mozos galegos, xunto a indispensables como Pink Floyd, Neu!, Can ou King Crimson.

'Is It In You?' é unha declaración de intencións que destila enerxía, ambición e inquietude, porque a experimentación está no ADN destes rapaces, cuxa mocidade é a antesala de algo máis grande que está por vir.

ONYX e Mucha Mu na Sala Capitol

Desde EEUU, ONYX. Unha das bandas máis potentes de HIP HOP do panorama internacional, presentarán o seu novo traballo ‘Wakedafucup’ xunto a todos os seus grandes HITS, facendo só dúas datas exclusivas en España. Santiago de Compostela e Barcelona, despois de ser o grupo cabeza de cartel do Festival Internacional MONEGROS 2014. Por outra banda contaremos con MUCHO MUCHACHO (7 notas 7 colores), o máximo expoñente do HIP HOP en España, que fará un repaso de todos os seus grandes éxitos.

As entradas para este concerto teñen un prezo de 18 euros anticipada e 22 euros o día do cocnerto e poden adquirirse no despacho de billetes do Teatro Principal que abre de 18.00 a 21.00h ou en entradas.abanca.com e no 902 434 443. Ademais, están á venta tamén en hiphop-tickets.com, salacapitol.com, Cultura Urbana e A Reixa Tenda en Santiago; en New York Stylo na Coruña e en Cuatro Elementos en Vigo e Ourense.

Frades - Raxería Alba gañador do I concurso "De tapas por Frades"

As “Setas con gulas e gambas con brocheta de champiñón, raxo e bacon” da Raxería Al Alba, gañadoras do I concurso “De tapas por Frades”

Durante os tres días do concurso degustáronse máis dun milleiro de tapas e 181 persoas participaron no sorteo dos premios do concurso

Raxería Al Alba e as súas “Setas con gulas e gambas con brocheta de champiñón, raxo e bacon” alzáronse co primeiro premio da primeira edición do concurso “De tapas por Frades”, organizado polo Concello de Frades. Unha iniciativa que resultou ser todo un éxito, xa que se desgustaron máis dun milleiro de tapas en tan só 3 días nos seis locais participantes.

O alcalde de Frades, Roberto Rey, amosouse moi satisfeito co desenvolvemento desta primeira iniciativa xa que “durante os tres días houbo unha gran afluencia de xente nos bares participantes” e sinala que “a afluencia foi tal que incluso desbordou as nosas previsións iniciais, polo que tivemos que imprimir e repartir novos boletos para votar ás tapas preferidas”. Así mesmo, destacou a gran traballo levado a cabo polos seis establecementos participantes: café-bar “O noso mesón”, hostal-restaurante “O Cadaval”, raxería “Al Alba”, café-bar “O Taxista”, adega “A Coviña” e café-bar “Vilariño”.

Premios

A tapa de Raxería Al Alba foi a indiscutible gañadora, pois concentrou case que o 50% dos 181 votos emitidos, o que indica que cando menos se consumiron 724 tapas neses tres días (xa que para que o voto fose válido se tiñan que ter probado cando menos 4 tapas diferentes). O segundo posto foi para o “Guiso de polbo” do Bar Vilariño. 

Ames - A programación cultural de Nadal comeza co acto de acendido da iluminación ornamental

A encargada de pulsar o botón mediante o que se acenderán as luces será Antía Somoza Bóveda, unha das nenas gañadoras do concurso de cartas aos Reis Magos do pasado Nadal

A iluminación para as festas de Nadal do Concello de Ames estará composta por máis de 100 arcos, unha árbore de 15 metros de alto que está instalada na praza do Concello, e diferentes elementos decorativos repartidos por todo o territorio municipal

Tralo acto propio de acendido da iluminación actuarán os rapaces e rapazas do coro infantil da Escola Municipal de Música de Ames (EMMA). Para rematar, ás 18:30 horas, realizarase unha degustación de churros e chocolate gratuíta

O Concello de Ames preparou un amplo abano de actividades para a programación de Nadal 2014. Este programa alberga todo tipo de actividades e eventos: un concurso de escaparates, un festival de maxia, obradoiros, o acendido do alumeado de Nadal, representacións teatrais, concertos musicais, unha chocolatada para ás persoas maiores, etc. Esta programación remata o día 5 de xaneiro de 2015 coa celebración da cabalgata dos Reis Magos, que percorrerá as localidades do Milladoiro e de Bertamiráns. Esta programación de actividades está dirixida tanto a maiores coma aos nenos/as, que terán diversas actividades para entreterse durante as vacacións de Nadal. 

Este venres 12 de decembro, a partir das 18:00 horas, acenderase a iluminación de Nadal no concello de Ames. Hai preparado un conxunto de actividades mediante as que se dará comezo de xeito simbólico á época de Nadal e se impregnará do espírito de festa a todo o municipio. Nesta ocasión, ademais do tradicional acendido, están previstas varias iniciativas que compoñerán un completo acto co que os veciños e veciñas amienses poderán dar benvida a estas festas. 

A partir das 17:00 horas a coordinadora da Aula da Natureza impartirá un obradoiro para nenos e nenas de 4 a 12 anos no que poderán elaborar adornos de Nadal con material de refugallo. A continuación, as 18:00 horas, acenderase a iluminación de Nadal. A encargada de pulsar o botón mediante o que se acenderán as luces será Antía Somoza Bóveda, unha das nenas gañadoras do concurso de cartas aos Reis Magos do pasado Nadal. A iluminación ornamental para as festas de Nadal do Concello de Ames estará composta por máis de 100 arcos, unha árbore de 15 metros de alto que está instalada na praza do Concello e diferentes elementos decorativos repartidos por todo o territorio municipal.

Tralo acto propio de acendido da iluminación actuarán os rapaces e rapazas do coro infantil da Escola Municipal de Música de Ames (EMMA). Para rematar, ás 18:30 horas, realizarase unha degustación de churros e chocolate gratuíta. 

A programación de Nadal continúa o sábado 13 e o domingo 14 coa novena edición do Festival de Maxia, que se desenvolverá nas localidades do Milladoiro e de Bertamiráns, respectivamente. Este ano haberá 15 horas de obradoiros, actuacións ao aire libre e en locais de hostalería, e unha gala máxica a cargo de recoñecidas figuras como o Mago Rafa, Nuel Galán, G-Alexander ou Brando e Silvana. Este evento está dirixido a todos os públicos.

Programación musical 

Para o venres 19 de decembro organizouse un concerto de Nadal no que se darán cita varias corais do concello. Neste encontro actuarán a coral Antonio Santomil de Bugallido, a coral de Piñeiro, a coral de Ames, a coral Lojo Batalla de Tapia, o coro Noso Son de Bertamiráns e a coral de JUPEMI. Este concerto terá lugar na Casa da Cultura do Milladoiro, ás 21:00 horas.

Para o luns 22 de decembro está previsto que a compañía As Driadas imparta un obradoiro de danza moderna na Casa da Cultura de Bertamiráns, en horario de 11:00 a 12;:30 horas. Este obradoiro musical está dirixido a mozos e mozas que teñan a partir dos 9 anos. Para participar nesta actividade haberá que inscribirse ata o 19 de decembro chamando ao número de teléfono 981 535 940. Ofértanse 30 prazas para este obradoiro.

Ese mesmo día, pero ás 18:00 horas, a compañía As Driadas representa o espectáculo Ale-hop na Casa da Cultura de Bertamiráns. Tratase dunha actividade de hip-hop que está especialmente indicado para os máis pequenos. Nel, dúas personaxes somérxense nun mundo onde os soños se fan realidade, e a realidade se fai soño. 

Por outra banda, o pavillón deportivo de Bertamiráns acollerá o luns, 22 de decembro, un baile destinado aos maiores do concello de Ames no que haberá chocolatada e música en directo. A programación musical continúa o venres 26 de decembro, ás 18:00 horas, co espectáculo Toc Toc, abre a porta aos pequechos, que se desenvolverá na Casa da Cultura de Bertamiráns. Trátase dun espectáculo musico-teatral de Pablo Díaz e Olga Kirk, para público familiar con nenas e nenos a partir de 4 años. 

Para o luns 29 de decembro está programado un concerto da Escolanía da Catedral, que se desenvolverá a partir das 19:00 horas na Casa da Cultura de Bertamiráns. O venres 2 de xaneiro continúan as actividades musicais na Casa da Cultura do Milladoiro coa representación do espectáculo A cantar con María Fumaça. Un musical para nenos e adultos no que participan a cantante Uxía, que estará acompañada por Santiago Cribeiro (acordeón) e por Héctor Lorenzo (guitarra e voz). 

Actividades deportivas e obradoiros infantís

A programación de Nadal tamén recolle eventos deportivos e obradoiros infantís. Deste xeito, o sábado 20 de decembro, o pavillón de Bertamiráns acolle a Gala de Nadal do Club de patinaxe Sarela. O martes 23, ás 17:00 horas, a compañía Animatium-Escena Animada ofrecerá na Casa da Cultura do Milladoiro un espectáculo de maxia cheo de orixinalidade, a partir de construcións imposibles de pompas de xabón en conxunción con ilusións máxicas.

As actividades de maxia continuarán o luns, 29 de decembro, na Casa da Cultura do Milladoiro co espectáculo de maxia Acción a cargo do mago Dani García. Para o martes 30 está previsto que haxa teatro infantil a cargo da compañía Trompicallo, que representará na Casa da Cultura de Bertamiráns a peza Osiño. Esta obra está dirixida a nenos nenas que teñan a partir de 3 anos.

Cabalgata de Reis 

O luns 5 de xaneiro chega unha cita ineludible do Nadal e que os máis cativos da casa agardan con ilusión todos os anos: as Cabalgatas de Reis. Os Reis Magos estarán no Milladoiro ás 17:00 para iniciar o seu percorrido polas rúas e facer a súa recepción ás 17:30 no pavillón do Milladoiro. O percorrido por Bertamiráns comezará ás 18:00 e rematará ás 18:30 coa recepción no pavillón de Bertamiráns. Media hora antes de cada recepción abriranse os pavillóns e haberá unha actuación do grupo Migallas.

BNG Compostela - Rubén Cela "a primeira operación urbanística de Agustín Hernández recorda as de Conde Roa”

“É evidente que o valor desa parcela en Xoán XXIII e o beneficio potencial para o promotor privado é moi superior ao custo da obra en Lamas de Abade” 

O portavoz do grupo municipal do BNG, Rubén Cela, destacou que a primeira “operación urbanística” na que intervén Agustín Hernández recorda “tanto na forma, como fondo a propostas do pasado do señor Conde Roa”, en alusión ao anuncio dunha permuta urbanística mediante a que un promotor privado poderá acceder á titularidade da parcela pública do IGVS en Xoán XXIII, a 300 metros da Catedral de Santiago, a cambio de acometer unha obra de construción de vivenda pública en Lamas de Abade. “Neste Concello cambian as caras dos alcaldes, mais non a política do PP”, explicou.

“É evidente que o valor desa parcela e o beneficio potencial para o promotor privado é moi superior ao custo do que din que van executar en Lamas de Abade; isto é un bo negocio para un promotor privado”, indicou o portavoz municipal nacionalista en Raxoi, “mais non é política de promoción de vivenda pública”.

Así, engadiu que o PP desvirtúa “o proxecto inicial para esa parcela de vivenda pública para xente nova en réxime de alugueiro cun máximo de 10 anos”, precisamente sen opción de compra, “para evitar movementos especulativos” nunha zona especialmente atractiva pola súa proximidade ao centro histórico de Santiago de Compostela.

A actuación prevista inicialmente ía na liña de que as administracións públicas teñen que introducir vivenda de promoción e protección pública nas mallas urbanas, a vivenda protexida non tiña que estar na periferia nin extrarradios das cidades, senón en emprazamentos emblemáticos das cidades como elemento de cohesión social e de valorización da propia figura da vivenda de promoción e protección pública.

Aludiu ademais á política do PP nos últimos catro anos en materia de vivenda de protección pública, coa eliminación de Emuvissa, que pretendía a intervención dos poderes públicos no mercado da vivenda; coa consignación de cero euros cada ano a vivenda de protección pública en Santiago de Compostela, cando non foi así noutras cidades e noutras vilas; e o PP sistematicamente votou en contra de todas as propostas e emendas que o BNG trasladou ao Parlamento para incluír partidas específicas nos Orzamentos da Xunta para este fin. A última presentada polo BNG foi de 1 millón de euros, que esta mesma semana vén de ser rexeitada polo PP en comisión parlamentar, e o mesmo aconteceu nos Orzamentos de 2014 cunha emenda de 1,7 millóns de euros e así, sucesivamente, en anos anteriores.

“Agardaríase dun bo alcalde a esixencia á Xunta de Galiza do cumprimento dos compromisos que tiña con esta cidade, pero é difícil pensar que Hernández lle vaia pedir á súa sucesora o que el non fixo durante todos os anos que tivo a máxima responsabilidade nesa Consellaría de Medio Ambiente, Territorio e Infraestruturas”, afirmou Rubén Cela.

Touro - O concello programa su Nadal Lúdico para fomentar la conciliación laboral y familiar

El Concello de Touro organiza un año más su Nadal Lúdico, una actividad que pretende ser una alternativa de ocio y de ocupación del tiempo libre de los más pequeños de una forma más educativa y lúdica durante el periódico vacacional de las Navidades. Esta actividad también permite conciliar vida familiar y laboral. Nadal Lúdico está destinado a niñas y niños de 3 a 12 años. Los padres cuentan hasta el próximo 19 de diciembre para inscribir a sus niños. Deberán hacerlo en el Departamento de Servizos Sociais del Concello de Touro. La actividad está financiada por la Deputación da Coruña.

Nadal Lúdico también tiene como objetivo que los padres y las madres de los más pequeños habitantes de Touro puedan conciliar la vida laboral con la vida familiar. Nadal Lúdico se desarrollará los días 22, 23, 26, 29 y 30 de diciembre, en un horario de 10.00 a 13.30 horas. Esta actividad tendrá lugar en la Biblioteca Pública Neira Vilas, situada en los bajos de la sede del Concello de Touro. Entre las actividades programadas figura los obradoiros de internet-informática, animación a la lectura, cine y juegos predeportivos y cooperativos. Las plazas son limitadas.

A Baña - O concello reparará y acondicionará 11 kilómetros de caminos rurales

El Concello da Baña reparará y acondicinará 10,8 kilómetros de caminos rurales y pistas de concentración. El proyecto se incluye en el Plan de Mellora de Camiños de Titularidade Municipal, dependiente de la Consellería do Medio Rural e do Mar y financiado con fondos europeos. La inversión prevista, que se ejecutará en los próximos meses y antes de que finalice junio de 2015, ronda los 110.000 euros.

Los caminos que serán arreglados son: Alto da Trincheira (Cabanas), Valiña-Romarís (Lañas), Menlle, Vilar de Suso, Vigobo (A Riva), Doumes, Nantón-Cantalarrana, Barro de Abaixo, Suevos (Grouxo-Faxín), Agra do Outeiro (Marcelle) y Agra de Vilar (Marcelle).

El Concello da Baña informa de que esta semana se levantó el acta de no inicio de estas obras, trámite que implica la autorización para iniciar el proceso de adjudicación. El Concello confía en iniciar los proyectos a inicios de 2015. La reparación y acondicionamiento consistirá en su mayoría en dotar de una nueva capa de zahorra a estas pistas, en su mayoría rurales y forestales. Esta actuación permitirá el desarrollo de la actividad del sector primario asentado en el rural de A Baña.

Santiago - A Real Filharmonia interpreta o "Mesías" de Haendel

A Real Filharmonía de Galicia interpreta hoxe venres unha selección dos fragmentos máis populares do xa tradicional “O Mesías” de Haendel, entre eles o “Aleluya”

Os músicos estarán acompañados polas voces da soprano Elena Copons, o contratenor Jordi Domènech e o orfeón Terra A Nosa

Ademais, o sábado celebrarase un concerto familiar, no que se contará coa participación de coros e voces individuais procedentes de toda Galicia

A Real Filharmonía de Galicia celebra, como cada ano por estas datas, un concerto dedicado a O Mesías de Haendel. Mañá venres terá lugar a xa tradicional cita con esta obra, ás 21:00 h no Auditorio de Galicia, baixo a batuta do director Edmon Colomer. A orquestra estará acompañada polas voces da soprano Elena Copons, do contratenor Jordi Domènech e do Orfeón Terra A Nosa -que dirixe o mestre Miro Moreira-. O concerto repetirase o sábado para o público familiar, ás 18:30 h, nesta ocasión sen solistas pero coa participación, xunto ao Orfeón Terra A Nosa, de coros e voces individuais de toda Galicia.

O compositor alemán Georg Friedrich Haendel (1685-1759) escribiu O Mesías en Londres en 1741, en só tres semanas. Aínda que tradicionalmente se asocia co Nadal, este oratorio trata non só do nacemento de Xesús, senón de toda a súa vida. Destaca pola súa monumentalidade en canto a duración e proporcións sonoras. Trátase dun texto en tres actos, divididos en escenas, sobre fragmentos do Antigo e do Novo Testamento, onde os coros teñen un protagonismo particular. Nesta obra as voces requiren un virtuosismo extremo, posúen a elocuencia e a identidade dun personaxe máis.

Esta obra mestra é un referente ineludible da música de Haendel, do Barroco musical e da historia da música. A RFG tocará unha selección dos fragmentos máis coñecidos, entre eles “And the glory of the Lord”, “Glory to God” ou o sublime “Aleluya”, no que Haendel combina texto e música creando un fastuoso son que representa o cume da obra. O concerto concluirá co apocalíptico “Amen”, momento no que o coro se manifesta en todo o seu esplendor. 

No concerto familiar do sábado, ademais do Orfeón Terra A Nosa, participarán un total de 90 voces, tanto individuais como agrupacións, procedentes de diferentes puntos de Galicia. De Compostela interveñen o Coro Universitario, alumnos de Música de Ciencias da Educación, o Coro Hermanos Gómez e a Capela musical da Catedral de Santiago.

A orquestra tocará con trompetas e timbal históricos, pertencentes ao Barroco

Por primeira vez a Real Filharmonía de Galicia vai tocar con trompetas e timbal históricos, pertencentes ao Barroco. Tal como explica o trompetista principal da orquestra, Javier Simó, “agora a tendencia é interpretar as obras cos instrumentos orixinais de cando se compuxeron, neste caso trompetas barrocas, tamén chamadas naturais, que non teñen pistóns”. Simó é profesor de trompeta na Escola de Altos Estudos Musicais, onde este curso se introduciu a materia de trompeta barroca, polo que o seu alumno acompañarao nesta experiencia con instrumentos pertenentes ao século XVII-XVIII. “Aportan un son diferente. Ofrécese así a posibilidade de escoitar a obra dun xeito moi parecido ao son da época, neste caso O Mesías tal como o escoitou Haendel” -sinala o músico-. 

O público poderá manter unha charla previa co director 

Hoxe venres, antes da celebración do concerto, o director catalán Edmon Colomer manterá unha charla previa cos asistentes á cita musical. Será ás 20:15 horas na Sala Mozart do Auditorio de Galicia. Esta iniciativa enmárcase dentro da experiencia “CONvers@ndo con”, que promove a RFG antes de cada concerto, coa finalidade de achegar a música ao público de maneira informal e distendida. Poderase participar neste encontro presentando a entrada do concerto.

O mestre Edmon Colomer foi director titular de varias orquestras españolas e tamén levou a batuta de agrupacións sinfónicas en Francia, Reino Unido, Estados Unidos e ata en Corea do Sur. Fundou a Orquestra de Cadaqués en 1988. Convencido do compoñente educativo e social da música, vencella con frecuencia a súa actividade profesional á educación. En 1983 creou a Joven Orquesta Nacional de España.

Santiago - Talleres de construcción de instrumentos con materiais reciclados

Os máis pequenos poderán construír os seus propios instrumentos musicais esta fin de semana no Museo das Peregrinacións e de Santiago

Empregarán materiais reciclados como botellas, pratos, dedais, culleres, garfos, tixolas ou latas

O Museo das Peregrinacións e de Santiago (sede Praza das Praterías) promove esta fin de semana tres novos obradoiros didácticos para nenos de entre 6 e 12 anos. Os máis pequenos teñen así a oportunidade de achegárense á historia da cidade a través de xogos. 

Cada taller, cunha duración de entre unha hora e media e dúas horas, ten un custo de 3 euros. Para participar en calquera deles é necesaria a inscrición previa, a través do enderezo visitasguiadas@consorciodesantiago.org, no teléfono 981 566 110 ou na recepción do Museo das Peregrinacións e de Santiago. Os obradoiros terán un máximo de quince participantes cada un e un mínimo de seis para poder celebrárense. 

O sábado, ás 12.00 horas, terá lugar o obradoiro titulado “Busquemos a Xelmírez”. Trátase de coñecer o valor da obra do Mestre Mateo, en particular as característas e a calidade do Pórtico da Gloria da Catedral de Santiago. “Os rapaces terán que buscar ao infiltrado entre a inconografía do Pórtico, neste caso ao bispo Diego Xelmírez, un xeito lúdico e divertido de aproximarse ás representacións máis emblemáticas que se agochan nesta popular e magnífica escultura” -sinalan os organizadores-. 

Tamén o sábado, pola tarde, ás 18:00 horas, celebrarase o taller “Acordes musicais”, no que os nenos fabricarán os seus propios instrumentos de percusión mediante materiais reciclados como botellas de anís, pratos de cerámica, dedais, culleres, garfos, tixolas, cunchas de vieiras, botes de especias, latas e mesmo arroz. Búscase así que coñezan os instrumentos tradicionais de Galicia e que aprendan a tocalos, incentivando ademais o gusto pola música e os ritmos tipicamente galegos. 

O domingo pola mañá, ás 12:00 horas, realizarase o obradoiro “Sopa medieval”. Comezará cunha breve visita á exposición permanente do museo “Compostela Dicitur. A Cidade da Catedral”, unha recreación do Santiago do século XIII. Logo deste percorrido pola urbe medieval, os rapaces buscarán en grupo, nunha gran sopa de letras, os nomes das sete portas da muralla que rodeaba a cidade. Esta actividade axudaraos a coñecer e consolidar datos históricos e xeográficos significativos de Compostela.

Komunika Kultura - Luar na Lubre abre o Sons Tránsitos

Hoxe terá lugar a primeira xornada da segunda edición do Festival Sons Tránsitos, que abrirá no Teatro Principal co acordeonista eumés Andrés Penabad e, a continuación, o grupo folc coruñés Luar na Lubre. 

Será unha noite 100% galega, con dúas propostas que chegan do norte. Luar na Lubre é un dos máis destacados e veteranos grupos do folc galego. Fundados en 1986 na Coruña, o grupo liderado por Bieito Romero leva percorrido varios continentes amosando a música galega.

A súa carreira despegou internacionalmente logo de que Mike Oldfield escollera un dos seus temas, ‘O son do ar’, para o seu disco ‘Voyager’, e logo o acompañaran nunha xira. Teñen recibido múltiples premios ao longo da súa traxectoria, coroada por 12 traballos discográficos e dous discos de ouro. O repertorio que presentarán no Festival está baseado en Sons da Lubre nas Noites de Luar, un percorrido polos seus 28 anos de existencia. 

Andrés Penabad, que teloneará a Luar na Lubre, é un novísimo e virtuoso acordeonista que está a presentar o seu disco de debut, ‘Crossing’, no que colabora Kepa Junkera, Bieito Romero, Davide Salvado ou Edelmiro Fernández entre outros. A pesar da súa mocidade conta xa cunha longa traxectoria na música folque, chea de premios e recoñecementos, e até cunha escola de acordeón que leva o seu nome. 

Xornada do sábado

Vítor Ramil volve a Galicia logo de triunfar o pasado xaneiro en ‘Cantos na Maré’ e protagonizará o concerto do sábado 13 de decembro. De antergos galegos, Ramil é un cantautor gaúcho ademais de escritor, que presentará aquí o seu último disco ‘Foi no Mês que Vem’. 

Neste disco propón unha relectura de algunhas cancións escollidas da súa discografía na forma máis próxima á que foron compostas: violao e voz. Nalgúns temas conta coa colaboración de amigos como Milton Nascimento, Ney Matogrosso, Jorge Drexler, Marcos Suzano, Carlos Moscardini ou Santiago Vasquez, entre outros. 

Nos espectáculos no Brasil, Ramil acolle no escenario algúns dos participantes no disco. Para este concerto no Principal contará coa presenza de Uxía, Xabier Díaz, Guadi Galego e Guillerme Fernández.

Sons Tránsitos

Tránsitos, festival da mobilidade e da diversidade cultural, iniciou a súa andadura no Auditorio de Tenerife hai agora sete anos, sendo un Festival que en pouco tempo conseguiu transcender as fronteiras do arquipélago pola súa orixinalidade na posta en marcha e pola aposta arriscada da súa programación, mantendo como prioridade a calidade dos grupos. Froito da colaboración do Festival co Concello de Santiago, en Compostela nace como Festival Sons Tránsitos, que está agora na súa segunda edición.

Na súa primeira edición, que tivo lugar do 10 ao 12 de outubro de 2013, presentou un cartel de luxo mesturando artistas consolidados con novas promesas: Amesmalúa, Eliseo Parra, Pedro Pastor, Chico César, La Musgaña, Pentalfa e Acetre. 

O obxectivo de Sons Tránsitos é consolidar en Santiago de Compostela un punto de encontro da música e da cultura, fomentando a participación de todos e a diversidade que nos rodea, a través dunha programación fortemente enraizada na música tradicional. As novas formas de fusión, os ritmos máis actuais, as tendencias máis innovadoras e os sons e melodías máis acordes aos nosos días tamén terán cabida en SONS TRÁNSITOS, que nace con vocación de continuidade no tempo.

Sons Tránsitos está producido por Mirmidón Producciones e forma parte da programación cultural do Concello de Santiago. As entradas están á venda en http://entradas.abanca.com. O prezo por noite é de 15 euros, con bonos para as dúas noites por 25 euros.

Ordes - Aberto o prazo de inscrición para participar na IX Milla Urbana Concello de Ordes

Terá lugar o vindeiro día 21 no Campo da Feira e nela poderán participar atletas de todas idades nados dende o ano 2008

A IX Milla Urbana Concello de Ordes xa ten data de celebración. Será o vindeiro 21 de decembro a partir das 17 horas no Campo da Feira. Nesta ocasión a convocatoria terá un protagonista moi especial xa que estará especialmente adicada ao atleta máis importante do Concello, e un dos máis destacados de todo o panorama nacional, Iván Raña.

Unha competición deportiva na que poderán participar todos aqueles que o desexen independentemente da súa idade, sempre e cando a súa data de nacemento sexa a partir do ano 2008. Os percorridos irán dende os 100 metros ata un máximo de 1609 según a categoría. Ademais dos trofeos para os tres primeiros clasificados de cada unha delas tamén haberá premios en metálico para os tres primeiros da carreira absoluta, os cales ascenderán a 50, 30 e 20 euros. 

Os rapaces e rapazas que participen non marcharán coas mans baleiras, xa que para todos haberá medallas ata fin de existencias. Tras finalizar as competicións a organización ten previsto levar a cabo o sorteos de agasallos entre todos os corredores e corredoras. 

Por outra banda tamén se quere aproveitar este encontro para facer unha recollida solidaria de alimentos non perecedoiros destinados ás familias máis necesitadas do Concello. Solicítaselle aos atletas que traian un quilo de alimentos, así como ao resto de asistentes que desexen colaborar.

Os que queiran participar deberán inscribirse ata as 22 horas do 19 de decembro na páxina web www.correrengalicia.org. Para solicitar calquer tipo de información pódese chamar ao teléfono 660 694586.

A IX Milla Urbana Concello de Ordes está organizada e patrocinada polo Club Atletismo Ordes, Concello de Ordes e a Deputación da Coruña.

Axenda xoves 11 de decembro - Música, teatro, poesía, exposicións

Santiago - Teatro Principal - Chevere -  Eurozone

Santiago - Paraninfo da Universidade - Esperit de Vinyoli

Santiago - Hervor e Fervor - Improsentables especial Nadal

Santiago - Casa das Crechas - Pablo Seoane Trio

Outros Concertos + info

Exposicións

Santiago - Iconos Rusos (Casa gótica) (ata o 31 de decembro)

Santiago - Museo das Peregrinacións - Imaxes de Santiago (ata o 31 de decembro)

Santiago - Museo do Pobo Galego - Barriga Verde, de feira en feira (ata o 11 de xaneiro)

Santiago - Fundación Araguaney - Manuel Vázquez Alemán (ata o 29 de decembro)

Santiago - Auditorio de Galicia - Xulio Maside (ata xaneiro 2015)

O Tempo

Santiago - Decembro, mes de mercados na praza 8 de Marzo

A praza 8 de Marzo do barrio de San Pedro acolle este mes de Nadal a celebración de catro mercados, organizados polo Concello de Santiago como elemento dinamizador para animar as rúas e as compras no propio barrio. Os mercados celebraranse os sábados 13, 20 e 27, así como o martes día 30, en horario de 11:00 a 15:00 horas, e incluirán a realización de actividades dirixidas aos máis pequenos.

Nos Mercados de San Pedro participan de xeito gratuíto comercios maiormente radicados no barrio, que sacan así á rúa os seus produtos para achegalos aos consumidores dunha maneira directa. Están organizados polo Concello no marco do programa Urbana Santiago Norte, cofinanciado con fondos europeos FEDER.

O obxectivo é o de dar servizo ao barrio e ademais atraer público doutras zonas de Compostela, favorecendo a súa visibilidade nunhas datas especialmente propicias para o comercio. Nos catro Mercados, os expositores distribuirán entre os seus clientes preto de 600 vales gratuítos para tomar un café nos establecementos hostaleiros do barrio, dentro da campaña “Nós convidamos ao café”. Os vales serán distribuídos polos expositores por compra mínima.

Ademais dos postos de venda, os Mercados de San Pedro contarán cun espazo especial para a realización de actividades infantís. Nel levaranse a cabo obradoiros de malabares, monicreques, globoflexia, maquillaxe, xogos tradicionais, nutrición e cociña saudable, ademais de sesións de contacontos, conforme ao programa que segue:

MERCADOS DE SAN PEDRO, ACTIVIDADES INFANTÍS

HORARIO: 11:00 a 15:00 h.

SÁBADO, 13 DE DECEMBRO

- Crea as túas cariocas de malabares e aprende a utilizalas.

- Globoflexia e maquillaxe

SÁBADO, 20 DE DECEMBRO

- Crea un títere, crea unha obra de títeres e visualiza unha obra de títeres

SÁBADO, 27 DE DECEMBRO

- Xogos tradicionais galegos

- Xoguetes tradicionais galegos

MARTES, 30 DE DECEMBRO

- Xogos sobre nutrición

- Obradoiro de cociña saudable