O Grupo de Desenvolvemento Rural (GDR) Ulla Tambre Mandeo, que traballa no territorio dos concellos de Arzúa, Melide, Boimorto, Santiso, Touro, Toques, O Pino, Sobrado dos Monxes, Curtis e Vilasantar, reafirmou a súa aposta pola dinamización do sistema produtivo e a economía local, o fortalecemento do tecido produtivo e a posta en marcha de novos servizos que incrementen a calidade de vida da poboación local. Na reunión celebrada onte no Pazo de Andeade (Concello de Touro), pecháronse as últimas partidas presupostarias pendentes. A esta reunión acudiron, ademáis do seu presidente, Ovidio Leiva; o presidente dos empresarios de Arzúa, Alfonso Gómez Corzo; e de Melide, Manuel Vázquez; o presidente da cooperativas Melisanto, Pablo Costoya; e os alcaldes de Touro, Ignacio Codesido; do Pino, Manuel Taboada; de Curtis, Xavier Caínzos; de Melide, Ánxeles Vázquez; de Vilasantar, Fernando Pérez, e representantes do resto dos concellos.
O GDR Ulla Tambre Mandeo é a entidade responsable da xestión do Programa Leader 2007-2013, dotado con 3,5 millóns de euros, nas comarcas de Arzúa e Melide e nos concellos de Curtis e Vilasantar. Agora encara a súa etapa final do programa europeo.
Os proxectos que se poñerán en marcha neste último ano do Programa Leader 2007-20013, e xa concretados, figuran a construcción dun tanatorio en Santiso, a posta en marcha dunha empresa de fabricación de vivendas por módulos en Arzúa e a habilitación dunha nova app de comunicación cidadán promovida polo concello de Curtis. No Concello de Touro impulsarase a ampliación dun parque de maquinaria vinculado a unha empresa forestal e a apertura do Centro de Interpretación do Ulla, ubicado en Fonte Díaz (Touro). O Concello de Touro recibiu na pasada primavera a confirmación da subvención solicitada para dotar de contido dun pequeno edificio feito polos participantes nun Obradoiro de Emprego. Esta nova infraestructura servirá para difundir a riqueza patrimonial e natural do río Ulla así como para concienciar da necesidade de cuidar e respetar o noso entorno. Ademáis o Concello pon en marcha con esta iniciativa unha modernísima aula TIC de entrada libre para a veciñanza, dotada con 15 ordenadores, unha pizarra dixital, proxector e a instalación para acceso wifi. O orzamento total do investimento é de aproximadamente 34.000 euros máis IVE.
Na reunión da xunta directiva do GDR celebrada en Touro informouse dos proxectos que se poñerán en marcha. Ademáis, destinarase un remanente do orzamento a dous novos proxectos non produtivos: a ampliación da gardería municipal de Boimorto e a sinalización da Reserva da Biosfera Mariñas Coruñesas e Terras do Mandeo no Concello de Curtis. Coa aprobación destes dous proxectos, o GDR logra o compromiso e a execución do 100% do presuposto anual para 2015.
O orzamento para proxectos produtivos do 2015 está esgotado ante o gran número de iniciativas presentadas. Este ano financiáronse dende o GDR un total de 14 proxectos. Hai 10, algún de gran calado, en lista de espera por falta de fondos. A xunta directiva do GDR confía en recibir fondos ata finais de ano procedentes doutros GDR que non esgotaron os seus orzamentos e así poder sacar adiante algún proxecto en carteira.
Dos 30.000 euros destinados adicionalmente este ano pola Xunta de Galicia para gastos de funcionamento do GDR, nesta recta final empregaranse un total de 13.000 euros para esta finalidade, mentres que o 60% restante trasladase á estratexia do Grupo para seguir financiando proxectos. O GDR pretende así “poder axudar ao máximo número de promotores posibles”.
O futuro GDR
A finais deste ano finaliza o plan 2007-2013 dos actuais GDR, xa que cóntanse dous anos máis para a execución dos proxectos aprobados. Agora estase á espera do plan 2014-2020, para o que se agarda una reestructuración dos GDR.
O presidente do GDR Ulla Tambre Mandeo, Ovidio Leiva, informou na reunión de onte en Touro da configuración dun novo mapa para o periodo Leader 2014-2020. Indicou que ante a menor dotación presupuestaria procedente da UE poderían reducirse o número de GDR en Galicia e eso podería afectar ao da Ulla Tambre Mandeo, ainda que apuntou que neste caso é difícil incrementar o número de concellos nun territorio no que trasladarse de punta a punta empréganse arredor de 50 minutos. “Non sería fácil incrementar a cantidade de concellos sen que repercuta no servizo do GDR sobre a poboación rural”, engadiu Leiva.
Os asistentes coincidiron en destacar o traballo “exemplar” feito por este GDR nos últimos anos, cumprindo os obxectivos cuantitativos marcados na súa posta en marcha. Dende a oficina técnica do GDR Ulla Tambre Mandeo traballouse “en darlle visibilidade aos recursos locais, na posta en marcha de empresas rurais, e na innovación e na creación de emprego”. Segundo apuntou a xunta directiva, “sería un desastre ter que afrontar dende cero o proceso de creación dun novo GDR”. Por eso solicitará que no novo deseño de distribución de concellos para o periodo 2014-2002 “se poida atender aos indicadores que poñen de manifesto a boa marcha do Leader Ulla Tambre Mandeo”. A xunta directiva cree que isto “permitirá unha maior axilidade e a continuidade das liñas de traballo que tanto esforzo foi empregado para poñelas en marcha”.
Signs of the Seventies é o título da exposición que, no marco do Outono Códax Festival, ofrecerá en Santiago unha selección da obra fotográfica de Lawrence Impey, recoñecido retratista da escena musical dos anos 70.
Onte por segundo día consecutivo, os pais e nais dos alumnos de 5º de primaria do CPI Camiño de Santiago, en O Pino, non levaron os seus fillos e fillas o centro como sinal de protesta polo recorte de profesorado que lles están a impoñer os responsables da Consellería de Educación, impedindo o desdobramento de dito curso.
A parroquia de Santa Cruz de Montaos celebrará mañá sábado as súas festas na honra a Santa Cruz. O programa inclúe misa solemne ás 13.30 horas, ademais das actuacións do grupo de gaitas Os Pelexos e da orquestra Dúo Avenida, tanto na sesión vermú como na verbena nocturna.
Os alcaldes de Ames e Teo, José Miñones e Rafael Sisto, mantiveron esta mañá unha xuntanza institucional no Concello de Teo. Tratábase da primeira reunión logo do cambio nas alcaldías o pasado mes de xuño e serviu para pór en común temas de interese conxunto e acordar manter unha liña de comunicación fluída. 
A librería lalinense Vagalume anunciou a súa colaboración co Concello no reparto de axuda escolar, mediante a doazón de tres lotes de libros de texto de infantil e de outros tres lotes de material escolar, tamén para esta etapa académica. O establecemento cedeulle o material ao Concello, para que dende o departamento de Benestar Social se reparta posteriormente entre os solicitantes das bolsas municipais de axuda ao estudantado. Así o explicaron hoxe o tenente de alcalde e edil de Benestar Social, Nicolás González Casares e os propietarios do local, Carolina Filgueira e Iago González. 
O concello dispón dun novo camión para carga de materiais, equipado con grúa e cun peso máximo autorizado do entorno dos 6.500 quilos. Este camión permitirá, entre outras cousas, cargar asfalto para arranxar as pistas do rural que se atopan en mal estado, recoller sacos de herba e trasladar taboleiros e carpas. Ate o de agora moitas destas tarefas requirían do aluguer dun vehículo alleo, dado que o camión co que contaba a Brigada de Obras, ao levar incorporada unha grúa de 1000 quilos, excedía do peso máximo autorizado e apenas permitía cargar máis de 40 quilos de peso real. O novo vehículo adecúase ademais á circulación por camiños, pistas rurais e forestais e pasos a instalacións municipais de escasa anchura. Coa adquisición deste vehículo, a Brigada de Vías e Obras disporá de dous camións no parque móbil, posto que ao camión co que se contaba se lle vai quitar a grúa para poder volver a utilizalo noutras tarefas.
Onte presentouse no Salón de Plenos do Concello de Teo o VIII Trial Concello de Teo, organizado polo Club Motociclista Teo, e que este ano ten o atractivo de ser unha proba puntuable para o Campionato do Mundo de Trial.
Un dos elementos que conforman a identidade do Festival Internacional de Cine Curtocircuíto son as súas retrospectivas, como a dedicada ao canadiano Mike Hoolboom o pasado ano. Nesta ocasión, o danés Jørgen Leth únese ao xa anunciado Aki Kaurismäki, como cineasta ao que o festival homenaxea en 2015.
A seguridade viaria nas estradas provinciais foi o tema central da xuntanza entre o alcalde de Teo, Rafael Sisto (Son de Teo-Anova) e o presidente da Deputación da Coruña, Valentín González. Ao encontro tamén asistiu a concelleira de Urbanismo, Uxía Lemus (PSOE).
A actriz e narradora Sherezade Bardají, o técnico Xacobe Castro e o actor Alfonso Romeo imparten tres obradoiros de creación, montaxe e medios no teatro. É o II Laboratorio Teatral de Vedra, que se celebra no concello coruñés durante dúas fins de semana de setembro.
Un Festival de rock puxo fin as actividades do “Setembro Lúdico” que este ano se desenvolveu baixo o título de “Escola de rock”. Na última xornada, os 133 rapaces e rapazas que participaron neste programa de conciliación da vida laboral e familiar tiveron a oportunidade de amosar o resultado das actividades que realizaron ao longo destes días, entre as que destacaron a customización de camisolas, os obradoiro de maquillaxe de rock e de chapas personalizadas, a batalla de cancións, o laboratorio de improvisación musical e a construción de instrumentos musicais con materiais de refugallo. Ademais nesta última xornada, os nenos e nenas do “Setembro Lúdico” recibiron a visita do concelleiro de Educación, David Santomil e da Televisión de Galicia que gravou imaxes para o Telexornal.