Tapas polo día e Jazz pola noite hoxe na axenda

Axenda

Que	Onde	Cando
Cine	Numax	De Luns a Domingo desde as 12 do mediodía
Teatro	Teo - CSC Ramallosa Chevere presenta Eroski Paraiso	8/9/10 de abril
Xogos infantís	Santiago - Área Central	18:00 a 20:00
Homenaxe a Alfonso Rey	Ames Casa Cultura Milladoiro	Hoxe as  20:00
Tapas	Oroso De Tapa en Tapa	9, 10, 16 y 17 de abril
Animación a lectura	Ames - Bibliotecas de Bertamiráns e Milladoiro	20 e 21 de abril
Jazz	Santiago Quinteto Cimarrón no Dado Dadá	Hoxe desde as 21:00
Teatro Infantil	Santiago - Salón Teatro Pirilampo	Domingo 10 de abril 18:00
Andaina	Santiago - Área Central Andaina solidaria con Unicef	Domingo 10 de abril - 10:00
Festa do Viño da Ulla	Vedra San Miguel de Sarandón	Domingo 10 de abril Desde as 12:00
Concentración de protesta	SOS Sanidade Compostela Santiago - praza do Toural	Xoves 14 de abril 20:00 horas
Fotografía	Santiago - Fundación Araguaney "Os camiños milenarios"	Ata o 24 de abril no Hotel Araguaney
Fotografía	Santiago Colexio de Fonseca "Luces e misterios da Compostela Mística"	Ata finais de abril
Maxia de cerca	Santiago Dado Dadá	Ata o 28 de abril
Pinturas de Nolo Suárez	Santiago CSC de Conxo	Ata o 30 de abril
Fotografía de Gabriel Tizón sobre os refuxiados	Santiago Obradoiro, Xoán XXIII, Praza Roxa	Ata finais de xuño cambiando de lugar cada mes

O Tempo

O viño da Ulla protagonista da fin de semana en Vedra

Talleres sobre print-art y último día de foamball en Área Central

Area Central ofrecerá hoy sábado varias actividades de ocio pensadas para todos los miembros de la familia: talleres sobre Print-Art en los “Sábados creativos” y el último día del foamball. 

La sesión de los “Sábados creativos” se centrará en las formas más creativas de dibujar y en ella los pequeños pintarán con canicas, cocinarán sus propios colores y crearán cuadros en 3D. La actividad se celebrará mañana sábado en la esquina amarilla de Area Central, de 18.00 a 20.00 horas.

Por otro lado, la esquina verde de Area Central se despide mañana del juego del foamball, una modalidad de paintball adaptado para los niños, con proyectiles de goma espuma y compuesto de un espacio en el que los pequeños corren, juegan, saltan y se divierten. En el foamball todos los obstáculos son de goma espuma y desmontables por lo que los niños pueden hacer y deshacer el campo de juego a su antojo. Su horario es de 17.30 a 20.30 horas.

Tostas, polbo, langostinos e patacas protagonistas do VII Concurso de Tapas de Oroso

As tostas, o polbo, os langostinos e as patacas serán os protagonistas da primeira fin de semana da sétima edición do Concurso de Tapas do Concello de Oroso, no que tomarán parte un total de 21 establecementos. De 12:00 a 15:00 horas e de 19:00 a 22:00 horas, estes locais ofrecerán totalmente de balde aos seus clientes unha tapa, tradicional ou creativa, con cada consumición.

O Concello de Oroso editou un boletín de votación, que se pode descargar na web municipal (www.concellooroso.com) ou recoller nos locais participantes, no que ademais co cupón de participación tamén se recolle a programación de tapas dos 21 locais a concurso. Deste xeito preténdese que o cliente poida ter unha relación das propostas de cada día para, deste xeito, escoller as que lle resulten máis atractivas. Oferta para escoller non lles faltará: dende pratos tradicionais coma callos, empanada de carne, patacas recheas ou terra e mar; ata pratos de cociña creativa, os grandes protagonistas desta edición como un irlandés de cogomelos con crema de queixo, unhas costeliñas asadas ao mel con chip de mandioca, unha tosta de lombo asado á pementa sobre pan mollado no seu zume e salsa diabra, unha ensalada temperá de vieira ou uns bombóns de xamón.

Premios para os clientes

Unha vez degustada a tapa, o cliente selará o boletín de votación nese local. Unha vez que teña seis selos diferentes (un deles dun local non emprazado en Sigüeiro) poderá escoller a súa tapa favorita e votar nunha urna selada que haberá en cada un dos locais participantes. Entre todos os participantes sortearase unha tablet, unha estancia nas Cabanas do Barranco (Outes), 4 vales de compra en supermercados do concello (dous de 100 € e outros dous de 50 €), 4 vales cortesía dos comercios colaboradores (de 100, 80 e dous de 60 €), un par de zocos cortesía do comercio Zoclos e 3 lotes de Petroni (vermú, cubiteira e copas). 

Os locais participantes nesta edición son: Sigüeiro Hostel, Bar Tapas, Café Bar Xardín, Bar Sigüeiro, Mesón Tambre, Tapería O´Martán, Sigü Café, Café de Manuela, Cafetería Che, Mesón A Trabe, Bar Restaurante Mirás, Adega O Ribeiro, Restaurante O Cortés, Cafetería Seis Ríos, Ambore Coffee, Bar X que no? e Bodegón Cebrás, todos eles en Sigüeiro. Fora da capital municipal participarán: Parrillada As Viñas (Trasmonte), Restaurante Liñares (Estación Oroso), Bar Stop (Oroso) e O Noso Mesón (Deixebre).

Bertamiráns acolle hoxe o parque pechado do Rallye de Noia

O Concello de Ames informa de que hoxe sábado, 9 de abril, Bertamiráns acollerá o parque pechado do Rallye de Noia. Os máis de 130 vehículos que participan nesta competición estacionarán entre as 13:30 e as 16:30 horas no aparcadoiro da Telleira. Debido a iso, nesta zona de estacionamento non se poderá estacionar (estará pechada ao público) entre as 00:00 e as 16:30 horas deste sábado 9 de abril. 

Este ano a trixésimo segunda edición do Rallye de Noia, que organiza a Escudería Berberecho, fai parada en Ames. Na localidade de Bertamiráns estará instalado o parque pechado de mediodía. A partir das 13:30 horas irán chegando ao aparcadoiro da Telleira os máis de 130 coches que participan nesta competición automobilística. 

Deste xeito, os veciños e veciñas poderán achegarse ata este lugar ata as 16:30 horas, para poder ver todos os coches que participan nesta proba que se enmarca dentro do calendario do campionato galego de Rallyes.

Ademais, isto repercutirá de xeito positivo no sector hostaleiro amesán xa que pilotos, copilotos, os equipos de cada escudería participante neste rallye, e todo o persoal de afeccionados que seguen esta competición pararán en Bertamiráns para comer.

Por último, cómpre salientar que o aparcadoiro da Telleira estará pechado ao publico e non se poderá estacional neste lugar entre as 00:00 e as 16:30 horas deste sábado 9 de abril.

A victoria do Santiago Futsal o acerca aos Play Off

Las aspiraciones de acercarse a los puestos de Play Off y seguir escalando posiciones en una apretada zona media de la tabla se daban hoy cita en el Fontes do Sar en el encuentro entre santiagueses y zaragozanos.

En los primeros minutos Santiago Futsal realizaba posesiones largas de balón, buscando superar el muro defensivo rival. Diego Quintela lograría abrir una brecha en esa muralla para anotar el 1-0 en el minuto 7 tras engañar a su defensor y batir por bajo al portero rival.

Con el marcador a favor, los de Santi pudieron aumentar la cuenta, de la misma manera que también pudieron empatar los visitantes con un tiro de Nano Modrego que se estrelló en el palo.

Cuando ya se había superado el ecuador de la primera parte, una jugada combinada que empieza Diego Quintela en su pista, en la que también participa Dani Montes, que cede el balón al capitán celeste en boca de gol, el de Arzúa anotaría el segundo tanto de la noche.

Antes de llegar al descanso, una mano dentro del área de un jugador del Santiago Futsal, supondría le tiro de penalti en el que Nano Modrego haría el 2-1.

Tras la reanudación, ambos equipos se cargarían de faltas en los primeros minutos de la segunda parte, lo que condiciono el devenir del encuentro, sobre todo para el Santiago Futsal, que en el minuto 29 ya acumulaba 4 faltas. 

Cuando el encuentro entraba en una dinámica más intensa, Marcos Vara recibiría un golpe en la cara del que tendría que ser atendido fuera de pista, lo que supuso el debut del joven portero del filial Yago Balsa. Para infortunio de la plantilla celeste, un balón rebotado dentro del área, supuso el empate 2-2 de D-Link Zaragoza.

Sólo un minuto después Pablo Mel puso de nuevo a los suyos por delante aprovechando un balón rechazado dentro del área tras el saque de falta directo de Dani Montes, tiro que no fallaría el pívot en la misma acción pero 20 segundos más tarde para hacer el 4-2.

Ya con portero jugador por parte de D-Link Zaragoza, Ortego reduciría distancias con el 4-3 a falta de 4 minutos para el final. En los minutos finales, Santiago Futsal mantendría una excelente defensa ante el ataque de 5 de su rival. Así se llegaría al final del encuentro con la victoria del Santiago Futsal ante su afición en el que fue el penúltimo partido en casa esta temporada.

Sala de prensa

Santi Valladares analizó el encuentro tras su conclusión del que dijo “Ha sido un partido muy competido y disputado, ante un excelente rival. Hemos tenido la suerte de que el partido fue por los derroteros que suponíamos. El equipo estuvo excelente hasta los 10 últimos minutos, en los que la acumulación de faltas y el desgaste físico nos pasó factura. Pero en general, el equipo estuvo muy bien y me voy muy contento.”

Ficha del partido

Santiago Futsal 4: Marcos Vara, Pablo Tallón, Iván Rumbo, Álex Diz y Antonio Diz –cinco inicial- Pablo Mel, Catela, Dani Montes, Diego Quintela, Santi e Yago Balsa

D-Link Zaragoza: Iván Bernad, Víctor Tejel, Retamar, Jose Carlos y Caio Alves –cinco inicial- Óscar Villanueva, Richi Felipe, Nano Modrego, Jorge Santos y Ortego.

Incidencias: Partido correspondiente a la 27ª jornada de Liga celebrado en el Fontes do Sar con una asistencia aproximada de 1600 personas.

Árbitros: Gutiérrez Lumbreras y Lope Díaz. Amonestaron con tarjeta amarilla a Pablo Tallón y Hugo Sánchez por el Santiago Futsal, y a Víctor Tejel y Richi Felipe por el D-Link Zaragoza.

Goles: 1-0 min.7 Diego Quintela, 2-0 min.11 Diego Quintela, 2-1 min.19 Nano Modrego, 2-2 min.32 Diego Quintela pp, 3-2 min.33 Pablo Mel, 4-2 min.33 Dani Montes, 4-3 min.36 Ortego

PP de Ames explica a súa versión da perda da subvención

O Partido Popular de Ames, a raíz das informacións que están aparecendo estes días nos medios de comunicación relacionados cunha subvención relacionada coa Administración Electrónica dentro do Plan Avanza quere manifestar o seguinte

Durante o anterior mandato, a área de informática no Concello de Ames foi asignada ao concelleiro Ramón García Argibay dende o inicio do mandato ata o 21 de xaneiro de 2013. 

O expediente para a segunda fase do proxecto da administración electrónica no Concello de Ames foi remitido pola devandita área para a aprobación dos pregos que rexerían a licitación por parte da Xunta de Goberno local de 7 de xuño de 2012, un ano despois de que se iniciara o mandato. 

Logo dos trámites administrativos oportunos, e trala clasificación de ofertas e adxudicación do contrato en Xunta de Goberno Local, procedeuse á firma do contrato coa empresa Informática El Corte Inglés S.A. (IECISA) o 18 de setembro de 2012, sendo o concelleiro da área nese momento a persoa responsable do seguimento do contrato. 

IECISA presenta factura polos traballos realizados no rexistro do Concello o 2 de xaneiro de 2013. 

Con data 21 de xaneiro de 2013 prodúcese o cese do Sr. García Argibay, baseada nunha perda de confianza do Alcalde. 

Á data de cesamento, non se producira aínda a conformación da factura por parte do responsable, o concelleiro García Argibay. 

Nese momento, a área pasa a asumirse por parte da Alcaldía, e formalmente noméase como responsable do contrato ao Alcalde, asistido tecnicamente polo técnico do servizo de informática do Concello. 

Os técnicos municipais sinálanlle ao Alcalde que estiveron apartados deste proxecto ata ese momento, sen poder realizar un control do desenvolvemento do contrato, e que por razóns elementais de prudencia, se require un tempo para poder comprobar o estado do proxecto e a correcta prestación dos servizos reflexados en dita factura. 

Naturalmente, debese suliñar que está totalmente fora de cuestión a posibilidade de que o pago da factura se tivese realizado sen a previa constatación da correcta prestación dos servizos. 

Á vez, o tempo empregado para esta constatación polo novo responsable, asistido tecnicamente polo persoal técnico da área, é razoable e coherente coa natureza do proxecto, a súa entidade e complexidade e o seu carácter técnico. 

O PP de Ames quere resaltar a implicación dos técnicos municipais para cumprimentar o expediente da segunda fase da administración electrónica. 

Paralelamente, o Pleno municipal aprobou por unanimidade no pleno de febreiro de 2013 a creación da Sede Electrónica do Concello de Ames, para permitir cumprir coa parte dos procedementos teletramitables que se incluían nesta segunda fase da administración electrónica, tramite este que estaba sen facer. 

En canto se constatou por parte dos técnicos que se tiñan prestados os servizos indicados no contrato asinado con IECISA, foi cando se procedeu á aprobación da factura e ao seu pago. 

Non obstante, mantivéronse varias reunións coa empresa para analizar polo miúdo o cumprimento do contrato, de cara a detectar incidencias no desenvolvemento do mesmo e que a empresa asumise as correccións das mesmas, realizándose para elo requirimentos a IECISA neste senso.

O BNG de Teo pídelle ao goberno municipal que evite que reabra a pirotecnia

O BNG de Teo denuncia que a nova lei do solo do Partido Popular que entrou en vigor en marzo de 2016 permite a reanudación da actividade da pirotecnia en Calo que sufriu un grave accidente o 13 de febreiro de 2006 que provocou importantes danos materiais en máis de oitenta vivendas.

E solicítalle ao goberno muncipal (Anova e PSOE) que asuma as súas responsabilidades e tome a iniciativa para evitar que se reanude a actividade dunha actividade potencial perigosa tan próxima ás vivendas, tal e como piden os veciños/as.

Tamén solicitamos ao grupo municipal do PP que explique aos veciños e veciñas a súa postura ao respecto, xa que é unha lei aprobada polo goberno Feijóo a que posibilita esta reanudación da actividade.

Ordes pecha cun superávit de máis de 336.000 € a liquidación do 2015

O Concello de Ordes vén de dar coñecemento da liquidación correspondente ao exercicio 2015, cun saldo positivo tanto no apartado dos resultados dos orzamentos municipais como no remanente de Tesourería. O superávit alcanzado de 336.351 € fai que se cumpra satisfactoriamente cos obxectivos de estabilidade marcados polo Ministerio de Facenda tras acollerse o anterior Goberno Local, no ano 2012, ao Plan de Pago a Provedores. 

O resultado orzamentario marca un importe de 288.382 €. Analizando esta cifra o apartado de Dereitos Recoñecidos Netos reflicte un total de case 9.090.000 €. Destes 8.771.350 € corresponden a operacións non financeiras e 318.374 a pasivos financeiros. No caso das Obrigas Recoñecidas Netas o importe ascende a case 9.404.000 €. Por operacións non financeiras foron 8.519.351 € e por pasivos financeiros 884.151 €.

O remanente de Tesourería ascende a 960.556 €. O cuadrante fixa, entre outras contías, arredor de 1.037.000 € de fondos líquidos, 657.620 € de dereitos pendentes de cobros e 598.300 € de obrigas pendentes de pago. 

728.851 € aforrados

Con todo isto pódese falar de 728.851 € de aforro neto legal, o que supón un 10,28% sobre os dereitos liquidados por operacións correntes. No que respecta á regra de gasto, a diferenza entre o límite deste e o gasto computable é de 61.926 €, o que fai que se cumpra co obxectivo. Ademais, a porcentaxe de débeda viva sobre os recursos correspondentes é do 60,87%, moi por debaixo do 110% sinalado pola Lei de facendas locais. 

Por último, o informe de Intervención sinala tamén o período medio de pagamento da débeda comercial, situándoa o 31 de decembro de 2015 en pouco máis de 10 días, moi por baixo da media galega e estatal situadas en algo máis de 26 e 40 días respectivamente.

Ames súmase tamen ao programa Apego

Hoxe sábado, 9 de abril, ás 12:00 horas, no Centro Ágora da Coruña, terá lugar o acto no que 11 novos concellos se sumarán ao programa Apego. O Concello de Ames figura entre eses 11 municipios que se adhiren a esta iniciativa que foi posta en marcha en marzo de 2015 co obxectivo de promover a transmisión da lingua galega entre as nenas e nenos. O Concello da Coruña, como anfitrión da sinatura do acordo, agasallará as persoas asistentes cun concerto de “Arrolos de salitre”, con Xabier Díaz e Guillerme Fernández. O concerto será aberto e de balde, ata completar a capacidade da sala.

O programa Apego ten xa un ano de andaina. En marzo de 2015, asinaban un protocolo de colaboración os concellos da Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago e Vigo. Nacía o programa Apego para promover e arroupar a transmisión da lingua ás nenas e nenos. Agora amplíase o número de concellos participantes neste proxecto coa sinatura dun novo protocolo no que se suman ao programa Apego un total de 11 novos concellos. Deste xeito amplíase a 23 municipios e a unha poboación de máis do millón de habitantes.

Os concellos participantes puxeron en marcha diversas accións, centradas nas crianzas entre 0 e 6 anos mais que abranguen os diferentes contextos da vida dos nenos e nenas. Deseñáronse e distribuíronse materiais específicos, organizáronse actividades, achegáronse argumentos, información e recursos…, para as familias e para os profesionais. En todas as accións do proxecto resalta a valoración positiva da lingua e a necesidade de que colectiva e individualmente nos comprometamos con este herdo para que no futuro as nosas cativas e cativos poidan seguir gozando del.

O Apego mantense desde os servizos de normalización dos concellos participantes, impulsados inicialmente pola Coordinadora de Traballadores/as de Normalización da Lingua (CTNL) e para a súa difusión recórrese tamén á rede: www.apego.gal e www.facebook.com/apego.gal.

Amplíase a colaboración

A comunidade creada en torno ao Apego foi medrando con miles de nais e pais que se foron sumando, cun amplo seguimento nas redes sociais e tamén coa cooperación entre entidades diversas.

Nestes intres, chegou o momento de incorporar outros concellos que manifestaron o seu interese por incrementar este programa desde os respectivos servizos de normalización lingüística. Coa colaboración destes 23 concellos, o proxecto Apego chegará agora a unha poboación que supera o 1.100.000 habitantes, entre a que está a das principais áreas urbanas, onde máis cómpre incentivar e facilitar a socialización en galego da infancia. 

Así, este sábado 9 de abril, asinarán a adhesión 11 novos concellos promotores de Apego pola lingua: A Coruña, Ames, Mazaricos, Moaña, Muros, Oleiros, Ponteceso, Rianxo, Ribadeo, Teo e Vimianzo. Deste xeito, poderase chegar a máis familias para cumprir cos obxectivos sinalados e estenderase o programa a municipios de variado tamaño, situación sociolingüística ou posición xeográfica.

Neses novos concellos que asinan a colaboración este sábado, o proxecto comezarase a desenvolver de maneira efectiva no prazo de tres meses, aproximadamente.

A Festa dos Callos e a Foliada da Pereiriña volven a Ansemil-Martixe o vindeiro sábado 23

A parroquia de Ansemil-Martixe volve vestirse de festa o vindeiro sábado día 23 de abril, coa cuarta edición da Festa dos Callos e da Foliada da Pereiriña. A cita, organizada pola Asociación Veciñal e Cultural de Ansemil-Martixe e a Asociación Cultural da Pereiriña, en colaboración co Concello de Silleda e establecementos hostaleiros, comezará a partir da unha.

Durante a presentación, que tivo lugar onte, os organizadores explicaron que a xornada se abrirá coas actuacións da foliada, que nesta cuarta edición reúne a 10 agrupacións. Así estarán presentes Os Sin Son Ghaiteiros, Os Regatos, Os Ke Hai, o Grupo de Baile Aires do Trasdeza do Colexio María Inmaculada, Pandereteiras Lilaila, Xuntanza dos Regatos, Grupo de Gaitas Xirandola, Pandereteiras de Siador, Pao de Buxo e os Gaiteiros da Pereiriña. Os grupos farán unha pequena actuación pola mañá, e pola tarde a cita rematará coa actuación de unha hora de duración de Os Sin Son Ghaiteiros.

O menú estará composto de empanada, callos, pan, viño, postre e café, cun prezo de 12 euros por persoa. Os nenos de 6 a 12 anos deberán pagar 5 euros e os menores de 5 poden asistir de balde.

Para o xantar hai que presentar a invitación, que pode retirarse en distintos establecementos. Así, están dispoñibles na Taberna de Isabel de Ubaldo (Martixe); A Nosa Taberna (Breixa); Bar Sanse (O Castro); na Bandeira (Bar Arume e Taberna do Músico) e en Silleda, na Casa da Cultura e no Bodegón de Esther. Para máis información e reservas os interesados poden chamar aos teléfonos: 678.232.901; 626.913.655 ou 615.958.969.

Dende a organización queren subraiar a importancia de retirar as invitacións antes do día 20 de abril, para poder así facer unha previsión o máis realista posible.

O alcalde, Manuel Cuiña, e o concelleiros Klaus Brey, Ana Luisa González, e María José Fernández, participaron hoxe na presentación desta cuarta edición da festa, que foi medrando en participación dende o seu nacemento.

O reto é chegar sobrepasar este ano os 500 comensais, logo de chegar a esa cifra no ano anterior. Os membros da asociación teñen previsto preparar o seu afamado prato con 130 quilos de carne (pata, ventre, panceta, e chourizo), e preto de 80 quilos de garavanzos.

Ademais do aparcadoiro gratis, e da carpa para a degustación dos callos, haberá outra independente cun pulpeiro.

Dende o Concello, o alcalde Manuel Cuíña, felicitou aos colectivos organizadores “por acadar en pouco tempo con traballo e esforzo un grande éxito”, dixo, “e por facer desta xornada un punto de encontro para os veciños da zona, ao mesmo tempo que amplía a oferta gastronómica do municipio”, engadíu.

Modificacións nos postos da feira de Lalín

O Concello de Lalín cambiará de emprazamento os postos de venda de sementes e verduras que na actualidade se atopan no Campo da Feira Novo, a carón do Lalín Arena. A súa nova ubicación, unha vez se completen os trámites administrativos pertinentes, será na zona do Regueiriño, en concreto no treito da rúa Caracas que vai dende a rotonda da rúa Habana ata a rotonda da rúa Escaldes-Engordany .

A medida responde a unha petición dos propios feirantes que consideran que o seu actual emprazamento non ofrece as mellores condicións para desenvolver a súa actividade. Entre outras cousas, os comerciantes queixábanse de que o Campo da Feira Novo tan só conta cunha entrada, co que os postos situados ao final apenas teñen afluencia de clientes. Ademais, o Goberno municipal considera que o cambio de espazo tamén permitirá mellorar a comodidade e seguridade para os usuarios, xa que desta maneira evitará ter que cruzar a avenida Xosé Cuíña, que conta cunha gran volume de tráfico. 

A rúa Caracas, pola súa banda, reúne as características indicadas para propiciar a instalación dos postos e incrementar o número de clientes. Non só conta con varias entradas, senón que tamén dispón nas súas inmediacións de suficiente espazo para que tanto comerciantes como usuarios poidan colocar as súas mercadorías e estacionar os seus vehículos. Desta maneira as tarefas de montaxe de desmontaxe dos postos tamén será máis sinxela e os postos serán máis accesibles para os clientes. 

Ademais, o cambio de emprazamento permitirá incrementar o número de prazas para feirantes. Neste momento hai 25 postos autorizados e varias solicitudes que non se poden atender por falta de espazo no Campo da Feira Novo. No conxunto da Feira de Lalín hai un total de 18 solicitudes de novos postos -non todos de verduras e sementes- ás que se lles intentará dar resposta en canto aumente a dispoñibilidade de espazo.

Do 22 ao 24 de abril terá lugar a XII Foliada de Melide

Onte foi presentada en rolda de prensa a progamación da XII Foliada de Melide que conta coa colaboración do Concello de Melide, da Deputación da Coruña, e particularmente dos locais comercias e locais de hostalería de Melide. Presentase unha programación para para o desfrute da xente, de cativos e de maiores, dos veciños de Melide e dos que chegan de fóra, tres días completos de actividades, de diversión, de contacto có noso… coa nosa música, coa nosa artesanía, coa nosa cultura, coa nosa tradición.

A Foliada é moito máis ca un evento musical e vai moito máis alá da fin de semana de celebración. A Foliada é un espazo a disposición da cultura e todo o que a rodea. Os exemplos claros son os concursos organizados a carón da Foliada; Concurso de debuxo "Xente cativa" que se desenrola en colaboración cóscolexios da comarca Terra de Melide e no que a partir da semana que ven estarán todos os traballos expostos na biblioteca municipal. 

Outro exemplo é o Concurso fotográfico que organizamos en colaboración coa Asociación Enfócame no que poderán participar todas aquelas persoas que o desexen sen restricción de idade. As fotos deben realizarse durante os tres días da Foliada e deberán estar relacionadas coas actividades da Foliada . Na web están publicadas as bases, os prazos e os premios do concurso, entrando en foliadamelide.com atoparedes toda a información referente a este concurso.

Nesta edición tamén se quixo dar un paso máis alá e embarcamonos nun novo proxecto, a gravación dunha curtametraxe "O tesouro da ferreña" , unha producción en exclusiva para a Foliada de Melide que se estreará o venres 22 de abril, na primeira xornada da Foliada, a partir das 22h na Casa da Cultura.

A continuación imos desglosar o programa de actividades desta 12ª edición da FOLIADA de MELIDE e comezamos polo VENRES 22 DE ABRIL

VENRES 22 DE ABRIL

A primeiraxornada da Foliada comezaráás 8 da tarde cunpasarrúas a cargo do grupo local 3 redobres. 

A partir das 10 da noite a programación transládase á Casa da Cultura onde se estreará a curtametraxe "O TESOURO DA FERREÑA" e de seguido o concerto de CANTATA VERNÁCULA, un dúo formado por SusoVaamonde​ e Xoán Porto no que a través de temas tradicionais e outros de autoría propia achegarán o folclore ao público dunxeito totalmente diferente e cheo de humor.

SÁBADO 23 DE ABRIL

Inauguración daMOSTRA DE ARTESANÍA E INTRUMENTOS que abrirá as súas portasa partir das 11:00 da mañáe permanecerá instalada na Praza do Convento durante toda a fin de semana. Reunirá a artesáns de todo o pais repartidos en 20 postosque abarcan dendeinstrumentos de percusión, gaitas, zanfonas, instrumentos folk, confección de traxestradicionais, talla de madeira, pedraoucoiro.

Un dos pratosfortesdesta segunda xornada serán os CANTOS DE TABERNA. Este ano celébrase a oitava edición e as novidades con respecto a outrasedicións están no incremento dos grupos participantes. Contaremos con dezanovegruposedezanovelocais de hostalería.

Cada grupo fará un percorrido por oitolocais no que recibirán a puntuación do taberneirocorrespondente. Os tres grupos con maior puntuación serán os gañadores. Os premios nesta ocasión están patrocinados pola Asociación Casco Vello, o primeiro premio consistirá nunhaceanun restaurante de Melide e o segundo e o terceironunhas cestas de productos típicos.

Os grupos participantes proveñen de lugaresmoi diversos, A Coruña, Sada, Bergondo, Mondoñedo, Sarria, A Pobra do Brollón, O Pino, Touro, Arzúa, Vila de Cruces, Santiso, Melide e dende a emigración no País Vasco visitarannos os grupos das casas galegas de Barakaldo e Santurtzi.

Xa pola tardea partir das 17:00h a ANIMACIÓN DE RÚA será a protagonista, os grupos A Rexouba da Coruña e Os Treboeiros da Muimenta serán os encargados de encher de colorido musical as rúas de Melide.

Ás 17:30h haberáunha representación do "Antroido de Torea" a cargo da Asociación Cultural Faltriqueira de Muros 

Xa a partir das 6 da tarde na Praza do Conventorealizarase o OBRADOIRO "Entra no baile a bailar" un obradoiro de baile tradicional que Carme Campo e Chus Caramés se encargarán de impartir e que estarádirixido a todo o público, enfocado a ser totalmente participativo coa intención de contar con nenos e nenas e maiores interesados en aprender recursos de baile tradicional. O grupo Bico da Balouta de Agolada serán os encargados de poñela música

As sete da tarde. Un dos clásicos da Foliada, a MARCHA GAITEIRA. Un percorrido musical que encheas rúas de Melide de música. Participarán vinteagrupaciónsmusicais que se repartirán por diferentes rúas e prazas. Un pasarrúas multitudinario que anima ávila e nos encamiñaao centro mesmo da festa, a Praza das Coles, ondeterá lugar o Serán.

O SERÁN foi o xermolo da Foliada. O nacementodesta aventura,foi un serán, unha reunión de amigos para tocar e bailar que pronto se fixo grande e colleu vida propia. A partir do serán xurdiu todo o demáis. O serán é unhafesta. Uns tocan para que outrospoidamos bailar. Haiquen se inicia no baile, outrosmáisavanzados… “e o que non canta nen baila, qué ven facerao serán? Aprender catro mentiras para ir contar mañán”. Pois non, tamén se pode vir a desfrutar dunhanoite de música e bon ambiente na que participarán vinteagrupaciónsde música tradiconal.

E xa como fin de festa e como remate do Serán, a partir das doce da noite actuarán OS D´ABAIXO e os FALPERRYS.

OS D´ABAIXO é un grupo folk de Santiago de Compostela formado por músicos que tocan por afección e que levan toda a vida vencelladosaofolcoregalegoxunto con músicos profesionais de gran traxectoria. Ofrecerán un concerto conmoitaforza e enerxía, cun repertorio variado no que animarán ao público a bailar 

FALPERRYS é un grupo de Vigocun estilo que se podería etiquetar dentro do do punk-folkou folk-rock influenciado tanto polo folk galego coma irlandés, cancións para cantar na compaña dos amigos, nas tabernas... Pecharán a segunda xornada da Foliada con veloces e rabiosas melodías.

DOMINGO 24 DE ABRIL

Nestaxornada as actividades da mañádesenvolveranse na súamaior parte na Praza do Convento onde a Mostra de Artesanía e Instrumentos será o principal atractivo.

Ás 12 do mediodía na Capela de Santo Antón o Gaiteiro da Ulloa Bruno Villamor, presentará o seu libro "O gaiteiro de Santo Xusto. O son da Ulloa". Neste acto actuará o grupo Tango en Xaneiro

As 2 do mediodía o grupo Leirabuxo será o encargado da Sesión Vermú na Praza das Ichoas

Durante toda a fin de semana a ANIMACIÓN DE RÚAestará conducida por diferentes grupos musicais que acompañarán a xigantes e cabezudose que encherán as rúas e prazasde Melide de colorido musical.

Xapola tarde os protagonistas serán os máis cativos. Poderán desfrutar do espectáculo "Zona de Obras" de Brais das Hortas

Tamén se entregarán os premios do concurso XENTE CATIVA, un concurso de debuxodirixidoaosnenos e nenas dos colexios da comarca da Terra de Melide

A partir das 6 da tarde na Praza do Pozo Pequenoa Asociación Galega do Xogo Popular e Tradicional realizará un OBRADOIRO DE XOGOS POPULARESdirixido a todos os públicos. 

A exhibición do baile tradicional sempretivo presencia dentro da programación da Foliada. Este ano na MOSTRA DE BAILE TRADICIONAL contaremos coa Escola de baile e música tradicional de O´Bringuelo de Arzúa. Actuarán ás 18:30h na Praza do Convento

E xa coma fin de festapoderemos desfrutar do concerto de XABIER DÍAZ E AS ADUFEIRAS DE SALITRE a partir das 20h na Praza das Coles.

XABIER DÍAZ compaxina as súas facetas de músico e compositor cunha laboriosa actividade como investigador e compilador do folclore tradicional galego. Presentará na Foliada o seutraballo discográfico "Tambourineman" xunto coas Adufeiras, un grupo de 11 percusionistas e cantoras de música tradicional. Neste disco realizaron un traballo de renovación da música popular galega engadíndolle un enfoque vangardista e diferenciado.

Estaránademaisacompañados por Gutier Álvarez na zanfoña e violino, e Javier Álvarez coacordeón diatónico.

Esteano dende a organización estamos facendo un esforzomoi grande, e levamos meses traballandopara poder presentarvoshoxe aquí esta programación.Posiblemente é un dosmellorescarteis e programación que tivo a Foliada nestes doceanos de vida.

E como estamos convencidos das posibilidades de futuro e proxección que ainda ten a Foliada dende a organización seguimos moi ilusionados e con moitas gañas de traballar.Melide necesita un evento coma este e grazas a Foliada, Melidesituouse como un referente da cultura e música tradicional deste país.

Dende a Asociación O Castelo queremos contaxiarvos o entusiasmo que poñemosaoorganizala e as ganas que temos de que a desfrutedes, einvitámosvos e animámosvos a participar desta XIIFOLIADA e esperamos que esta edición reafirme este evento como un referente no calendario musical e cultura de Galicia. Moitasgrazas

Santiago Auserón cantará con la Real Filharmonía de Galicia

La Real Filharmonía de Galicia le pondrá música a la voz del cantante y compositor zaragozano Santiago Auserón. Será en un concierto conjunto que se celebrará el próximo 15 de junio en Santiago de Compostela. La cita tendrá lugar en la sede de la orquesta, el Auditorio de Galicia, bajo la dirección del maestro Ricardo Casero.

Santiago Auserón presentará con la Real Filharmonía de Galicia su proyecto “Vagamundo”. Junto a los músicos de la orquesta sonará también la guitarra acústica de Joan Vinyals, que lo acompaña habitualmente. 

En este concierto sinfónico el público tendrá la oportunidad de escuchar un total de 16 canciones del artista, del repertorio tanto de Radio Futura como de Juan Perro. Se trata de temas tan populares como Río Negro, El forastero, El canto del gallo, La mala fama, El desterrado o La negra flor.

El músico agradece los arreglos de Amparo Edo, de los que afirma: "puedo soñar con escuchar mis temas con una sonoridad que aspire a captar algo de ciertos músicos de formación clásica que han aceptado los riesgos de la escena popular como Kurt Weill, el Bernstein de West Side Story, Nino Rota o Henri Mancini".

Santiago Auserón es filósofo de formación, escritor, compositor y cantante. A principios de los 80 participó en la fundación del grupo musical Radio Futura. En 1993 inició una nueva etapa musical bajo el nombre de Juan Perro, un proyecto en el que combina las tradiciones musicales afroamericana, afrocaribeña e hispana; que le llevó a obtener nuevos reconocimientos en España y Latinoamérica, entre ellos el Premio Nacional de Músicas Actuales del Ministerio de Cultura en 2011. Produjo antologías históricas de son cubano como la de Compay Segundo. Escribe sobre música y pensamiento, imparte conferencias, publica ensayos como La imagen sonora y El ritmo perdido y ha obtenido el grado de Doctor en Filosofía con una tesis sobre música griega antigua.

A escola infantil de Brión celebrou a Semana de Música

Os nenos e nenas da gardería municipal de Brión gozaron dun concerto especial de música infantil a cargo de Ramón Raíndo e Silvia Cerneira, que serviu para pechar a Semana da Música 2016. Unha iniciativa posta en marcha pola escola infantil para que os cativos se inicien no gusto á música, tarefa para a que contan coa colaboración desinteresada de exalumnos, pais e mais que comparten a súa arte cos pequenos. 

Ramón Raíndo explicaba que “é a primeira vez que actuamos como voz e guitarra e tamén a primeira vez que o facemos diante de nenos, aos que lles imos presentar un disco para nenos elaborado na escola de música de Baio”. Un disco que pronto combinaron con cancións infantís moi coñecidas polos cativos, que non puideron quedar quedos e remataron bailando por todo o patio da escola infantil municipal. 

Pola súa banda, Silvia Cerneira destacaba que este tipo de iniciativas, como a Semana da Música, “son moi interesantes, aínda que ás veces é incompatible co horario de traballo. Pero tamén nos serve para coñecer aos compañeiros dos nosos pequenos, a outros pais e tamén ter un contacto máis estreito cos seus mestres”.

Dado o éxito acadado o pasado ano, as sesións deste ano volveron ser abertas aos pais e nais, que só tiñan que asistir ás 10:15 horas. En total, celebráronse tres concertos no patio da propia escola infantil. Ademais do dúo Ramón Raíndo e Silvia Cerneira, o pasado martes actuou un grupo de veciños da zona, chamado “Grupo L4miño”, composto por Fran Rois, Carlos Uñarte, Félix Rodríguez e Gerardo Otero. O mércores 5 de abril foi a quenda do Coro “Briarme”, composto por Juan (guitarra), Aye (laúde), Raquel (bandurria) e Montse e Patri (voz).

Os alevíns do Hockey Raxoi buscan esta fin de semana o Campionato Galego

Esta fin de semana o alevín do Hóckey Club Raxoi disputaran a final a catro que porá nome ao campión Galego da categoría. 

A final disputarase no pavillon de Monte Alto (A Coruña) e o noso alevín (composto por nenos e nenas de 12 e 13 anos) chega a ela despois dunha excepcional tempada na que acadaron o segundo posto.

Así mesmo, os mozos da categoria Senior iniciaron, este pasado xoves, os "playoff" dos que saira o campion galego da categoria.

Arzúa abre o prazo para os expositores que queiran participan na feira de 2º man e artesanía

O sábado, 14 de maio, todos os veciños e veciñas de Arzúa terán unha cita coa feira de segunda man e artesanía que por quinto ano consecutivo organiza o Concello. Baixo o nome de “Arzúa Vende”, a cita consolídase como un marco de compra e venda de artigos de segunda man (como por exemplo mobles, libros, aparellos electrónicos, antigüidades, cd´s ou roupa) e obxectos de artesanía. Ademais, este ano como novidade, intégrase no evento unha zona de oportunidades para darlle a posibilidade aos comercios locais de vender artigos en liquidación e restos de tempada a prezos reducidos.

A feira realizarase no Recinto Feiral Terra do Queixo en horario das once da mañá ás oito do serán. Para poder vender e reservar un posto é obrigatorio anotarse previamente nos teléfonos 981 500 222 ou 981 81 52 97 do 15 ao 29 de abril. Tanto a inscrición para os vendedores como a entrada para o público será totalmente gratuíta. As prazas son limitadas.

“Arzúa Vende” contará cunha programación paralela á exposición e venda que se dará a coñecer nos vindeiros días.