Brión - José Luis García representante da FEGAMP


A FEGAMP NOMEA A XOSÉ LUÍS GARCÍA COMO REPRESENTANTE DOS MUNICIPIOS GALEGOS NO CONSELLO REITOR DA AXENCIA GALEGA DE EMERXENCIAS

22 de maio de 2012.- O alcalde de Brión, Xosé Luís García, acaba de ser nomeado como representante titular da Federación Galega de Municipios e Provincias (FEGAMP) no consello reitor da Axencia Galega de Emerxencias. Un nomeamento que lle foi confirmado esta mañá polo secretario xeral da FEGAMP, Eduardo Ramonde Rodríguez.


O consello reitor da Axencia Galega de Emerxencias, no que a FEGAMP dispón de catro representantes, é o órgano colexiado de control, planificación e supervisión xeral da actividade do centro. Xosé Luís García considera moi interesante a súa participación neste órgano pois “é quen aproba as directrices xerais e o plan anual de actuacións da Axencia Galega de Emerxencias e sempre é interesante coñecer máis polo miúdo o seu funcionamento”.

Ningún comentario: