A Concellería de Obras e Servizos xa comezou os
traballos para a dotación da área recreativa de Lamela
-As tarefas para
a instalación dun parque biosaudable adquirido pola Asociación de Veciños,
dotación de céspede e dun peche serán asumidas con fondos municipais
-O concelleiro
Manuel Cuíña explica que as obras, na parcela contigua ao centro social de
Lamela, quedarán listas nas vindeiras semanas
Silleda, 23 de maio de 2012. A Concellería de
Obras e Servizos, que dirixe Manuel Cuíña Fernández, vén de iniciar as
primeiras labores para a creación dunha área recreativa na parroquia de Lamela,
na parcela situada xunto ao centro social da localidade. Este emprazamento será
axardinado para logo colocar o mobiliario do parque biosaudable adquirido pola
Asociación de Veciños San Miguel de Lamela.
Dende o Concello
asumiranse as labores de instalación e a construcción dun peche no frontal da
finca. Os operarios do departamento de Obras e Servizos xa comezaron a instalar
as peanas onde se colocarán as pezas do parque. “Esperamos que nas vindeiras
semanas poidamos ter todos os traballos listos”, sinala Manuel Cuíña, que
destaca a colaboración coa asociación veciñal.
Esta actuación vén a
complementar os traballos de reforma e mellora no centro social de Lamela, nos
que tamén colaborou o Concello de Silleda asumindo a redacción do proxecto de
obra. Ademais da redistribución do interior do local, os traballos consistiron
na sustitución das baldosas ou o forrado das columnas con madeira, entre
outros.
Ningún comentario:
Publicar un comentario