Teo – segunda cabalgata solidaria de protección civil

PROTECCIÓN CIVIL DE TEO REALIZARÁ UNHA CABALGATA SOLIDARIA QUE VISITARÁ AS RESIDENCIAS DO CONCELLO

· Esta actividade organízase por segundo ano consecutivo e conta coa colaboración do departamento de Servizos Sociais

· A “comitiva real” visitará un total de seis centros e a case 300 persoas

30 de decembro de 2011. O servizo de Protección Civil de Teo organiza unha cabalgata de reis solidaria, en colaboración co departamento de Servizos Sociais, que visitará na tarde do 5 de xaneiro as residencias da terceira idade do Concello e o centro de día de Aspamite. En paralelo a esta realizarase a cabalgata para os máis pequenos que visitará tamén varias zonas de Teo para rematar no pavillón Ezequiel Mosquera.

A cabalgata solidaria organízase por segundo ano consecutivo e nela están implicados sobre todo Protección Civil e Benestar. Durante a tarde do 5 de xaneiro, dende as 16:00 horas a “comitiva real” visitará o centro de día de Aspamite, a residencia O Castro, a residencia de Pontevea, a residencia Os Arcángeles, a residencia San Simón e o complexo residencial Victoria. En total case 300 persoas desfrutarán da visita de Melchor, Gaspar e Baltasar nesa máxica tarde.

Aínda que a tarde de reis se reserva como unha tarde de ilusión para os máis pequenos dende o Concello de Teo acordouse que o colectivo das persoas maiores que viven en residencias agradecen e necesitan estes xestos. Cabe destacar tamén a colaboración que se ten amosado dende os centros residenciais con esta iniciativa.

Brión – títeres Cachirulo este luns no destival

TÍTERES CACHIRULO ABRE ESTE LUNS O XV FESTIVAL DE TÍTERES DE BRIÓN

A actuación terá lugar ás 17:30 horas no centro social polivalente

30 de decembro de 2011.- Títeres Cachirulo abrirá este luns 2 de xaneiro a decimoquinta edición do Festival de Títeres de Brión. A compañía compostelán representará “A historia do apalpador” no centro social polivalente de Pedrouzos ás 17:30 horas. A representación está recomendade especialmente para os máis pequenos e terá unha duración de 50 minutos. A entrada é libre e de balde.

“A historia do apalpador” narra as aventuras desta personaxe da tradición popular galega nado no Courel e que está ligado ás festas do Nadal. Trátase dun pastor mangallón e bo, de mirada doce e longas barbas coloradas que, co seu abrigo cheo de remendos e a grandes zancadas, percorre Galicia enteira. Durante o ano fabrica carbón, vive dos froitos silvestres, caza xabarís, recolle mel e fai aparecer, coas pólas dos bosques e fragas, os xoguetes que as madeiras agochan. O 31 de decembro baixa aos pobos, visita aos nenos casa por casa e déixalles como obsequio castañas quentes e divertidos agasallos de madeira.

O martes 3, a compañía El Abrojito, emocionaranos coa historia de “El lobo Rodrigo”, unha representación que achega a Brión o teatro de títeres que se fai na Arxentina. Finalmente, o mércores 4 de xaneiro os galegos de A Xanela do Maxín pecharán o festival coa representación de “A pequena lúa”.

Ames – ampliase o mercado de rua

Os 240 nenos/as que participan no Nadal lúdico despiden o ano cunha gran festa no pavillón do Milladoiro Nenos/as e autoridades municipais comeron gusanitos para despedir o ano Ames, 30 de decembro de 2011. Coas vacacións de Nadal chegou tamén ao Concello de Ames o programa Nadal lúdico, grazas ao cal, dende o 22 de decembro e ata o 5 de xaneiro, os pais con cativos entre 3 e 12 anos poden conciliar a súa vida laboral e familiar. Así, preto de 240 nenos e nenas teñen a oportunidade de gozar das actividades e obradoiros deste programa, que teñen por obxectivo mantelos entretidos e ocupados, mentres que os pais e nais están traballando. Este venres, 30 decembro ás 12:00 h da mañá, os nenos/as que participan no Nadal lúdico despediron o ano ao son das doce baladas no pavillón do Milladoiro. Os rapaces e rapazas comeron gusanitos en vez de uvas. Foi a primeira vez que se xuntaron os rapaces e rapazas dos lúdicos de Bertamiráns e do Milladoiro para celebrar a festa de fin de ano. O alcalde de Ames, Santiago Amor, acompañado de varios concelleiro/as asistiron a festa de fin de ano do Nadal lúdico. Como xa vén sendo tradicional todos os anos os nenos e nenas que participan no Nadal lúdico adiántanse ao resto de veciños e veciñas de Ames na celebración da festa de fin de ano. Deste xeito, os monitores e monitoras que xestionan as actividades do Nadal lúdico prepararon unha festa de fin de ano para todos os cativos/as que participan neste programa lúdico. A festa de fin de ano celebrouse este venres 30 de decembro, ás 12:00 h da mañá, no pavillón do Milladoiro. Foi a primeira vez que se xuntaron os rapaces e rapazas dos lúdicos de Bertamiráns e do Milladoiro para celebrar a festa de fin de ano. Polo tanto, xuntáronse no Milladoiro preto de 240 rapaces e rapazas. Os nenos e nenas que participan no Nadal lúdico de Bertamiráns foron en autobús ata o pavillón do Milladoiro, mentres que os nenos/as que están na Escola de Educación Infantil do Milladoiro achegáronse ata o pavillón desta localidade andando. Os rapaces e rapazas comeron gusanitos en vez de uvas. Debido a que neste programa participan moitos nenos/as de 3 e 4 anos, os monitores/as decidiron que comeran gusanitos xa que é unha lambonada fácil de tragar sen correr o risco de que ningún neno se atragantase. Ademais, estes gusanitos eran aptos para todos aqueles rapaces ou rapazas que sofren alerxias ou intolerancia a algún produto alimenticio. No pavillón do Milladoiro tamén houbo un paxe real. Ao rematar as badaladas os nenos/as puideron deixarlle as cartas, que lle escribiron aos Reis Magos, para que a noite do 5 de xaneiro lles traían os agasallos que lles pediron. A esta festa tamén acudiron varios membros do goberno local. O alcalde de Ames, Santiago Amor, o concelleiro de Cultura, Educación e Patrimonio, Alfonso Rey, o concelleiro de Comercio, Promoción Económica, Traballo e Turismo, Bernardo Moar, o concelleiro de Vías, Obras, Parques e Xardíns, Alfredo Taboada, e a concelleira de Asociacionismo, Igualdade, Muller e Xuventude, María González, tamén comeron gusanitos, ao igual que os nenos/as, para despedir o ano. Cómpre lembrar que o Nadal lúdico desenvólvese tanto no Milladoiro coma en Bertamiráns. No Milladoiro son 146 os nenos e nenas que participan no programa lúdico, mentres que en Bertamiráns son 91. En Bertamiráns os nenos/as desenvolven as actividades do Nadal lúdico no CEIP A Maía, mentres que no Milladoiro os nenos/as de educación infantil están na EEI Milladoiro e os rapaces e rapazas de educación primaria no pavillón polideportivo.

Amplíase o mercado de rúa do Milladoiro  Dende o vindeiro luns, 2 de xaneiro, o mercado de rúa do Milladoiro contará con 13 novos postos, polo que pasará a dispor de 83 puntos de venta Ames, 30 de decembro de 2011. Hai pouco máis dun mes e medio que comezou a funcionar o mercado de rúa do Milladoiro e, debido ao gran éxito de afluencia e de vendas que está tendo, dende a Concellaría de Comercio, Promoción Económica, Traballo e Turismo, decidiron acometer unha ampliación deste mercadiño. O mercado de rúa do Milladoiro comezou a funcionar con 70 postos, pero dende o inicio naceu cun claro obxectivo de ampliación para poder incrementar o número de postos, así como a oferta comercial. Deste xeito dáse cumprimento a este obxectivo. Dende o vindeiro luns, 2 de xaneiro, o mercado de rúa do Milladoiro contará con 13 novos postos, polo que pasará a dispor de 83 puntos de venta. Os novos postos ofertarán produtos de horta, patacas, flores naturais, libros para nenos/as, queixo francés, téxtil e calzado. Tal e como destacaba o concelleiro de Comercio, Promoción Económica, Traballo e Turismo, Bernardo Moar, na inauguración do mercado de rúa do Milladoiro “este mercado nace cun claro obxectivo de ampliación para que nun corto prazo se poidan incrementar o número de postos así como a oferta comercial”. Coa ampliación do mercado do Milladoiro dáse cumprimento ao dito hai pouco máis dun mes e medio polo concelleiro de Comercio e Promoción Económica. A partir do vindeiro luns 2 de xaneiro o mercado de rúa do Milladoiro contará con 13 novos postos, polo que pasará a dispor de 83 puntos de venta. Os novos postos ofertarán produtos de horta, patacas, flores naturais, libros para nenos/as, queixo francés, téxtil e calzado. Para poder realizar esta ampliación habilitáronse novos espazos na praza de Manuel Murguía. Os vendedores ambulantes que dispoñen de novos postos neste mercado de rúa xa poderán comezar a traballar o próximo luns 2 de xaneiro. Estes novos postos únense aos que xa están funcionando dende o pasado 21 de novembro. O mercado do Milladoiro conta con ofertas e importantes novidades con respecto ao de Bertamiráns. Entre as novidades destaca que hai un posto de venda de filloas, tres postos de artesanía, unha adega das Rías Baixas, dous postos de queixos, un posto de plantas e sete postos de venda de produtos de horta (froitas, hortalizas, etc). Tamén conta con dous postos de churros, e os típicos postos de calzado e téxtil. O mercado abre durante os meses de inverno en horario de 16:30 h a 19:30 horas, e no verán abrirá de 16:30 h a 20:30 horas. O concelleiro de Comercio, Promoción Económica, Traballo e Turismo, Bernardo Moar, explicou que “o mercado de rúa do Milladoiro está funcionado moi ben e está tendo unha gran afluencia e nivel de ventas dende a súa posta en marcha”. Moar recalca que o mercado do Milladoiro “está tendo unha gran acollida tanto entre a veciñanza de Ames como da comarca. Temos constancia de que está vindo a comprar ao Milladoiro moita xente de Teo e de Santiago de Compostela”. Por último o concelleiro de Comercio e Promoción Económica indica que “este mercado está supoñendo un gran motor económico para O Milladoiro, e en especial, para os vendedores ambulantes e para os comerciantes de Ames”.

Santiago – axenda luns 2 de xaneiro

Luns 2

12.00 h

Na Casa do Concello, ROLDA DE PRENSA do concelleiro de Cultura, Ángel Currás, e o director-xerente do Auditorio de Galicia, José Víctor Carou, para presentar os primeiros concertos de Sons 2012 e Compostela Rock.

12.30 h

Na Casa do Concello, a voceira da Xunta de Goberno Local, Paula Prado, exporá en ROLDA DE PRENSA o resumo dos acordos adoptados na última sesión.

Oroso – concerto de panxoliñas

O CENTRO CULTURAL DE SIGÜEIRO ACOLLERÁ UN CONCERTO DE PANXOLIÑAS COA PARTICIPACIÓN DE SEIS AGRUPACIÓNS LOCAIS

29 de decembro de 2011.- O auditorio do centro cultural Fernando Casas e Novoa de Sigüeiro acollerá mañá venres 30 de decembro un concerto de panxoliñas organizado polo Concello de Oroso dentro do seu Programa de Nadal 2011. Un concerto que terá lugar a partir das 20:30 horas e cuxa entrada é libre e gratuita.

O concerto contará coa participación de seis grupos locais, cinco de adultos e un infantil, que interpretarán dúas ou tres panxoliñas cada un. Así, polo escenario do centro cultural pasarán os integrantes da asociación cultural Santa Catalina (primeiro cun grupo de rapaces e despois cun de adultos), a agrupación folclórica Buxos Verdes (de Senra), a asociación cultural Amigos do Acordeón (de Sigüeiro), a asociación de mulleres labregas “As Medorras de Oroso” e o grupo Néboas, que serán os encargados de pechar o concerto.

BNG Frades – pleno extraordinario sobre as deficiencias sanitarias

O BNG CONSIGUE A CELEBRACIÓN DUN PLENO EXTRAORDINARIO EN FRADES PARA TRATAR AS DEFICIENCIAS DE ASISTENCIA SANITARIA NO CONCELLO

Os nacionalistas proporán que se inste á Xunta a que se cumpra coa prestación do servizo de asistencia sanitaria de pediatría

O portavoz do BNG de Frades, Xosé María Pérez Lagos, anunciou que este venres, ás 14:00, terá lugar un Pleno Extraordinario no Concello de Frades, a petición do Grupo Municipal do BNG, no que se tratarán duas mocións dos nacionalistas, para instar á Xunta a que se cumpra coa prestación da asistencia sanitaria de pediatría e resolver os problemas dos recortes en asistencia sanitaria para os parados de longa duración.

Xosé María Pérez salientou que “o Centro Médico da Pontecarreira ten asignada a prestación do servizo de asistencia e consulta médica de pediatría durante duas horas á semana, mais na prática este servizo non se está a prestar e estase a remitir aos pacientes de pediatría ao PAC de Ordes, o que está a provocar un grave perxuizo aos veciños do noso concello”.

Os nacionalistas proporán que a Corporación Municipal de Frades inste á Consellería de Sanidade da Xunta de Galiza a realizar de xeito inmediato as xestións que sexan necesarias para restablecer o servizo de asistencia e consulta médica de pediatría no Centro Médico da Pontecarreira, e a ampliar o horario de consulta médica de pediatría a 4 horas semanais.

BNG Val do Dubra – as declaracións de Varela Mariño son preocupantes

O BNG dubrés estima peocupantes as manifestacións de Varela Mariño a favor da fusión dos concellos.

Para o BNG, o que menos precisa Val do Dubra neste momento son este tipo de manifestacións gratuitas e irresponsables, por non ter ningún tipo de fundamentación, que só contribúen a que os sectores sociais mais dinámicos e emprendedores deixen de creer e apostar por este Concello.

Con estas declaracións O Sr. Alclade está a recoñecer que non coñece nin cree nas nosas potencialidades e posibilidades, e o que a peor, evidencia que el carece dun proxecto para desenvolvelas e garantir os servizos básicos aos veciños e veciñas.

Os nacionalistas recoméndanlle a Varela que se adique a cumprir a obriga de  xestionar o Concello a dar solucións aos problemas dos dubreses e dubresas, e que teña  maior prudencia a hora de facer manifestación deste tipo que so sirven para alarmar e perxudicar aínda mais ao desenvolvemento de Val do Dubra

Neste sentido, o grupo nacionalista, demandará a Varela no vindeiro Pleno que explique cal é a súa proposta de fusión para Val do Dubra. Que nos diga se propón que outros concellos pasen a xestionarse desde o noso ou, se pese a termos gastado case que un millóns de euros en ampliar a nosa casa consistorial,  propón, ahora, que Val do Dubra deixe de existir, pasando a formar parte doutros concellos. Que lle explique aos veciños cales van ser as consecuencias positivas e negativas para os dubreses e dubresas se os servizos municipais deixan de ser xestionados e prestados desde Bembibre.

Os nacionalistas lamentan que o PP, mentras  pretende seguir mantendo instutucións tan innecesarias e costosas como as Deputacións, se poña neste momento a falar de fusións de concellos.Con elo só pretende agochar a aprazar o debate e aprobación dun novo modelo de finanzamento dos Concello Galegos, que se adapte as nosas caracerísticas demográficas e poboacionais e teña en conta factores tan significativos como a dispersión e avellentamento da poboación a hora de establecer os orzamentos e recursos

Teo – o concello edita un CD con grupos de rock de Teo

O CONCELLO EDITA UN CD CON TEMAS DE GRUPOS DE ROCK DE TEO

· Esta edición especial será o agasallo institucional que entreguen os reis magos o día 5 de xaneiro na cabalgata

· Carme Hermida, impulsora da iniciativa dende a concellaría de Cultura, destaca a importancia de recoller “a creatividade musical nun soporte que garanta a pervivencia no tempo”

29 de decembro de 2011. O Concello de Teo vén de editar o cd Xprésate-Oh! con temas musicais de grupos do municipio. Esta edición especial impulsada por Carme Hermida dende a concellaría de Cultura será o agasallo institucional que entreguen os reis magos o día da cabalgata no pavillón Ezequiel Mosquera na Ramallosa.

A edil de Cultura destaca que en Teo “hai moita riqueza en creatividade musical con varias agrupacións corais, dúas bandas, varios grupos de música de raíz, moitas agrupacións folclóricas vencelladas ás distintas asociacións culturais, un amplo número da grupos de rock…”. A edición do cd por parte do Concello permite que parte desa creatividade “sexa recollida nun soporte que garante a supervivencia no tempo e unha ampla difusión”.

O disco que ve a luz nestes días foi gravado, mesturado e masterizado no local de ensaio de Calo entre os meses de outubro e novembro ás ordes de Adrián Hernández, que tamén se encargou do deseño da portada, contraportada e da “galleta”. Deste xeito aproveitáronse as sinerxias existentes no municipio xa que tamén se utilizou a infraestrutura do local de ensaio, que moitos dos grupos participantes no disco usan habitualmente para ensaiar.

Carme Hermida reuniuse cos grupos do Concello para decidir quen gravaría neste 2011 e acordouse que o farían grupos de rock. Tamén se decidiu que “para acadar unha maior difusión interna do traballo realizado, o disco sería o agasallo institucional deste Nadal”.

Deste xeito as letras deberían ser axeitadas ó público infantil e estarían en galego, para que o produto resultante puidese formar parte dos programas de normalización lingüística.

Á iniciativa sumáronse dez grupos, A Tapa do Delco, Deseqilibro Mental, Ecce Homo, Glasgow, Medomedá, A Meiga do Norte, Nemaín, Okeoh, Royalties, Uruk, pertencentes a escolas diferentes. Segundo explica Carme Hermida “o resultado final do traballo realizado é un abano de pezas de distintos estilos, que van dende o rock progresivo ata o folk-rock, pero de gran calidade que fará bailar e cantar a xente grande e miúda de calquera lugar”. A concelleira de Cultura destaca tamén “a calidade contrastada dos grupos participantes que confirma que a creatividade musical teense está no seu mellor momento e dános un motivo máis para sentírmonos orgullosos do noso”.

Esta iniciativa non é pioneiro no uso do local de ensaio como estudo de gravación, para o que está preparado, xa que o ano pasado xa se fixo un disco coas agrupacións corais de Luou, Calo, Aleceia e Cruceiro de Monte.

E continuidade tamén hai no agasallo institucional que entregarán os reis magos ós máis pequenos/as do Concello xa que en anos anteriores a concellaría de Cultural coordinara a edición dun libro dos Bolechas en Teo e outra edición con textos de Avelino Pousa Antelo axeitados para nenos/as. Este ano repítese a experiencia unindo unha vez máis a creatividade cultural existente en Teo co pulo institucional.

A listaxe de grupos e cancións do cd é a seguinte:

1. A Tapa do Delco – “Suma”
2. Desequilibrio Mental – “Desencontro”
3. Ecce Homo – “A historia do vello Ramón”
4. Glasgow – “Quero volver empezar”
5. Medomedá – “Xubidú”
6. Meiga do Norte – “Ti non dependes do mundo”
7. Nemain – “Soños que veñen do tempo”
8. Okeoh – “Amigho”
9. Royalties – “Misfits”
10. Uruk – “A viaxe” (Dende Morelia (Mex) ata Luou)

Silleda – contacontos e festas para rematar o ano

O programa de Nadal de Silleda continúa mañá coa sesión de contacontos e as festas de fin de ano para nenos e maiores

Silleda, 29 de decembro de 2011. A programación de Nadal do Concello de Silleda continúa mañá venres día 30 con outra intensa xornada de actividades. Na bibilioteca municipal Daniel Castelao dará comezo ás 16.00 horas o espectáculo de narración oral que leva por título Burromaquia, a cargo de Inacio Contacontos, da compañía Fantoches BAJ. Cunha selección de cancións, poemas, fábulas e contos fálaselle ao público infantil do burro, un animal entrañable, dende unha perspectiva simpática, facendo partícipes das historias aos cativos e cativas, que descubrirán a este animal a tra´ves da figura do burro da Tía Lola, personaxe que popularizaron nun pasodobre os gaiteiros Os Dezas de Moneixas. O espectáculo está indicado para nenos/as a partir dos 5 anos.

Logo, ás 17.00 horas, séguello o ciclo de cine infantil no centro Vista Alegre da Bandeira. E a partir das 17.30 horas terá lugar na Casa da Xuventude de Silleda a festa de fin de ano infantil, con animación, talleres de maquillaxe, cotillón, e outras moitas actividades que veñen sendo habituais nos últimos anos nesta cita para os máis cativos.

Por último, ás 20.00 horas, tocaralle o turno aos maiores, que tamén veñen adiantandose ás badaladas de Noitevella e ás uvas o día 30 de decembro. A cita será no Centro Social con música, baile e cotillón para despedir o 2011.

Silleda – a alcaldesa califica de irresponsable a actitude do PP

Paula Fernández lamenta a grave irresponsabilidade do PP e do seu socio do BNG na votación da Conta Xeral do exercicio de 2010

-O PSOE aprobou en solitario o documento, evitando así a perda de subvencións para o vindeiro ano

-A alcaldesa de Silleda reproba aos concelleiros do PP e do Bloque pola “postura fácil” da abstención

Silleda, 29 de decembro de 2011. A alcaldesa de Silleda, Paula Fernández Pena, lamenta o acontecido no pleno de hoxe coa votación da conta xeral do exercicio de 2010, que ao final saiu adiante por maioría símple, cos votos a favor dos seis edís socialistas do goberno municipal, fronte á abstención do PP e do concelleiro do BNG membro do executivo.

“As contas non as fixemos nós. O máis doado era absterse todos pero o gran perxudicado sería o pobo de Silleda”, di Fernández Pena, lembrando que a Lei de Subvencións de Galicia estabrece como requisito indispensable para que un Concello opte a calquera axuda a rendición de contas aos órganos de control externo. “O sentido do noso voto sí que foi coherente e responsable, tendo en conta o que estaba en xogo. Outros falan de coherencia, pero de cara á galería esquecendo que ás veces hai que deixar a un lado certos orgullos polo ben e interese común”, dí a alcaldesa.

“¿Ou cre alguén que aos concelleiros socialistas e a esta alcaldesa en particular lles fai gracia ter que votar a favor dunhas contas feitas por un goberno tránsfuga con todo o que pasou na anterior lexislatura?. Temos que facelo, pero por unha cuestión de coherencia a nivel social, por responsabilidade”

Sobre a abstención do concelleiro do BNG, a alcaldesa lamenta que non comunicara antes do pleno o sentido do seu voto ao resto do grupo de goberno e que “utilice o atril do pleno para facer propaganda política alegando, aínda por riba que é un exercicio de coherencia, cando en realidade o que fai é esquecer a súa responsabilidade como membro do goberno municipal”.

A alcadesa sostén que o concelleiro é libre de amosar a súa opinión –“xa estamos acostumados a que faga os seus propios pronunciamentos”, engade-, pero advirte que “neste caso non emiteu o voto sobre unha proposta do goberno, senón que se posicionou indo en contra dos intereses de Silleda, que é o máis grave”

En canto á postura do PP, Paula Fernández sostén “que neste caso a abstención xa non ten nin nome, por ter a desfachatez de non dar aprobado unhas contas e unha xestión feitas por concelleiros do seu propio grupo na anterior lexislatura, algo case surrealista”.

Paula Fernández engade así mesmo que o informe de Intervención recolle un dos artigos da Instrucción de Contabilidade da Administración Local, que dí textualmente que “a aprobación da Conta Xeral é un acto esencial para a fiscalización desta polos órganos de control externo, que non require a conformidade coas actuacións reflexadas na mesma, nin xenera responsabilidade algunha”.

“Polo tanto está ben claro que se trata só dun trámite ben simple, que non entra no fondo nin contido da Conta Xeral, por iso non se entende a actitude de PP y BNG”, sentencia Paula Fernández.

Ames – III partido benéfico de famosos

O sábado 7 de xaneiro terá lugar o III partido benéfico de Baloncesto Concello de Ames

Por terceiro ano consecutivo o baloncesto servirá para ter un Nadal máis solidario en Ames. O pavillón polideportivo de Bertamiráns acollerá o vindeiro sábado día 7 de xaneiro, ás 20:00 horas, o terceiro partido benéfico de baloncesto Concello de Ames. O XL Milladoiro medirase contra un equipo de famosos de Galicia entre os que están Pepo Suevos, Óscar Pereiro, Xavier Deive, Terio Carrera, David Amor, Xosé Barato, Miguel Juane, Federico Pérez, Xosé Antonio Touriñán, Iván Raña, Julio Jiménez... Este equipo estará adestrado por Alberto Corbacho e Oriol Junyent, xogadores do Blusens Mombus Obradoiro. Os beneficios irán en favor de Paula, unha nena de 16 meses que ten agenesia sacra.

Tras a magnífica acollida que tivo esta iniciativa nas edicións pasadas, decidiuse organizar a terceira edición do partido benéfico de Baloncesto Concello de Ames. Este evento terá lugar o vindeiro sábado, 7 de xaneiro ás 20:00 horas, no pavillón polideportivo de Bertamiráns. Neste encontro enfrontarase o XL Milladoiro contra un equipo formado por famosos de Galicia. A principal novidade deste ano será que o equipo de famosos estará adestrado por Alberto Corbacho e Oriol Junyent, xogadores do Blusens Mombus Obradoiro. É posible que acuda algún xogador máis do Blusens Mombus Obradoiro pero dependerá da súa dispoñibilidade.

Deste xeito, rostros moi coñecidos para toda a veciñanza amiense estarán na cancha do pavillón polideportivo de Bertamiráns. Xogará o cómico Xosé Antonio Touriñán, coñecido por ser un dos principais humoristas do programa “Land Róber” ou por ser membro do dúo cómico Mucha e Nucha que actúan en 'Luar'. Xabier Deive, actor da serie 'Matalobos', xogará tamén, ao igual que Pepo Suevos, polifacético actor, cómico e contacontos que participa na serie 'Matalobos'. Outros actores que participarán neste encontro son Federico Pérez, que actúa na serie “Padre Casares”, ou o cómico David Amor.

Cóntase ademais con Terio Carreira, xornalista deportivo da Televisión de Galicia. E, como non, con deportistas como Miguel Juane, ex-xogador do Club Amigos Baloncesto Obradoiro, Óscar Pereiro, gañador do Tour de Francia en 2006, e Iván Raña, triatleta cun longo palmarés de premios en copas e campionatos de todo o mundo que acadou o quinto posto nos Xogos Olímpicos de Sidney en 2000.

Todos os beneficios que se obteñan no partido irán destinados en favor de Paula, unha nena de 16 meses que ten agenesia sacra. Paula naceu sen sacro e con dúas vertebras mal formadas o que lle afecta as extremidades inferiores. Esta rapaza non pode andar e necesita un tratamento cun custo moi elevado. A través desta iniciativa pretendese recadar diñeiro para pagar parte do tratamento que terá que realizar Paula en Alemaña.

Todas as persoas que acudan a este evento participarán no sorteo de zapatillas, roupa deportiva, vales para cambiar por material deportivo, etc. Ademais sortearase unha camiseta do Real Madrid de baloncesto asinada por todos os seus xogadores, unha camiseta do Barcelona, e unha camiseta do Autos Lobelle de Santiago Fútbol Sala, que tamén se sumaron a esta iniciativa cedendo este material de xeito desinteresado.

Ames – os nenos despiden hoxe o ano

Os 240 neno/as que participan no Nadal lúdico despiden mañá o ano ao son das doce baladas no pavillón do Milladoiro Será a primeira vez que se xuntan os rapaces e rapazas dos lúdicos de Bertamiráns e do Milladoiro para celebrar a festa de fin de ano Ames, 29 de decembro de 2011. Coas vacacións de Nadal chegou tamén ao concello de Ames o programa Nadal lúdico, grazas ao cal, dende o 22 de decembro e ata o 5 de xaneiro, os pais con cativos entre 3 e 12 anos poden conciliar a súa vida laboral e familiar. Así, preto de 240 nenos e nenas teñen a oportunidade de gozar das actividades e obradoiros deste programa, que teñen por obxectivo mantelos entretidos e ocupados, mentres que os pais e nais están traballando. Este venres, 30 decembro ás 12:00 h da mañá, os nenos/as que participan no Nadal lúdico van despedir o ano ao son das doce baladas no pavillón do Milladoiro. Os rapaces e rapazas comerán gusanitos en vez de uvas. Será a primeira vez que se xuntan os rapaces e rapazas dos lúdicos de Bertamiráns e do Milladoiro para celebrar a festa de fin de ano. O alcalde de Ames, Santiago Amor, acompañado de varios concelleiro/as asistirán á festa de fin de ano do Nadal lúdico. Como xa ven sendo tradicional todos os anos os nenos e nenas que participan no Nadal lúdico adiántanse ao resto de veciños e veciñas de Ames na celebración da festa de fin de ano. Deste xeito, os monitores e monitoras que xestionan as actividades do Nadal lúdico teñen preparada unha festa de fin de ano para todos os cativos/as que participan neste programa lúdico. A festa de fin de ano será este venres 30 de decembro, ás 12:00 h da mañá, no pavillón do Milladoiro. Será a primeira vez que se xuntan os rapaces e rapazas dos lúdicos de Bertamiráns e do Milladoiro para celebrar a festa de fin de ano. Polo tanto xuntaranse no Milladoiro preto de 240 rapaces e rapazas. Os nenos e nenas que participan no Nadal lúdico de Bertamiráns irán en autobús atara o pavillón do Milladoiro, mentres que os nenos/as que están na Escola de Educación Infantil do Milladoiro achegaranse ata o pavillón desta localidade andando. Os rapaces e rapazas comerán gusanitos en vez de uvas. Debido a que neste programa participan moitos nenos/as de 3 e 4 anos, os monitores/as decidiron que comerían gusanitos xa que é unha lambonada fácil de tragar sen correr o risco de que ningún neno se atragante. Ademais, este gusanitos serán aptos para todos aqueles rapaces ou rapazas que sufran alerxias ou intolerancia a algún produto alimenticio. No pavillón do Milladoiro tamén haberá paxes reais. Ao rematar as badaladas os nenos/as poderán deixarlle as cartas, que lle escribiron aos Reis Magos, para que a noite do 5 de xaneiro lles traían os agasallos que lles pediron. Cómpre lembrar que O Nadal lúdico desenvólvese tanto no Milladoiro coma en Bertamiráns. No Milladoiro son 146 os nenos e nenas que participan no programa lúdico, mentres que en Bertamiráns son 91.

70 nenos/as participarán mañá na xornada de xogos acuáticos que acolle a piscina municipal cuberta A Telleira Este venres, 30 de decembro, os rapaces e rapazas de Ames poderán gozar dunha tarde pasada por auga. A piscina cuberta municipal A Telleira acolle unha xornada de xogos acuáticos. Esta actividade está enmarcada dentro da programación do Nadal 2011 que cada ano organiza o Concello de Ames. Para un mellor funcionamento da xornada os nenos e nenas estarán divididos en catro grupos dependendo da idade. Esta actividade, que se desenvolverá dende as 16:30 h ata as 19:30 horas, está dirixida aos rapaces e rapazas de entre 3 e 15 anos. A xornada de xogos acuáticos espertou un gran interese entre os pequenos xa que se cubriron as 70 prazas que se ofertaron e, incluso, quedaron 11 nenos/as en lista de agarda. Aínda que o frío non dá tregua nesta época, os cativos e cativas teñen unha ampla gama de actividades para non quedar na casa durante as vacacións. Como parte do programa de Nadal, este venres a piscina municipal organizará unha tarde de xogos acuáticos para esquecerse da friaxe e promover a práctica de deporte. Non deben esquecer o seu traxe de baño, a súa toalla, o gorro e mailas chancletas os que desexen ser partícipes desta xornada na que a auga será a gran protagonista. Co fin de evitar aglomeracións a organización dividiu a actividade en catro grupos distintos, en función das idades dos nenos, para que poidan desenvolver sen problemas os distintos xogos que os monitores da piscina pública municipal de A Telleira teñen preparados. Para os nenos e nenas de entre 3 e 6 anos haberá dous grupos de vinte prazas cada un. O primeiro grupo gozará da piscina climatizada dende as 16:30 horas ata as 17:00 horas, mentres que o segundo farao dende as 17:00 h ata as 17:30 horas. A partir de aí, entrarán na auga os nenos e nenas de entre 7 e 10 anos para xogar con balóns, esvarar polos tobogáns inchables e tirarse dos trampolíns dende as 17:30 ata as 18:30 horas. Os últimos en poñerse a salpicar cos compañeiros durante a xincana serán os rapaces de entre 11 e 15 anos que terán a súa hora reservada entre as 18:30 horas e as 19:30 horas. Esta iniciativa está dirixida aos máis pequenos para que se divirtan durante as vacacións de Nadal que comezaron o pasado 22 de decembro. Entre outras, tamén poderán gozar de veladas de cine, obradoiros culturais, música para todos os públicos e diferentes obras de teatro. Todas estas actividades terán o seu punto forte o día 5 de xaneiro coa visita dos Reis Magos, que visitarán os pavillóns polideportivos de Bertamiráns e do Milladoiro. Os reis repartirán caramelos e recibirán aos máis cativos para que estes non esquezan esa tarde facilmente.

Santiago – axenda venres 30 decembro

Venres 30 10.45 h Translación 2010 Ofrenda Nacional na Festividade da Translación dos Restos do Apóstolo Santiago. Delegado rexio: Xerardo Conde Roa, alcalde de Santiago. Desenvolvemento do acto: 11.00 h.- Chegada do Delegado Rexio a praza do Obradoiro. Pase de revista Retirada da bandeira e das tropas Saúdo de autoridades 11. 20 h.- Formación da comitiva oficial. Acceso á Catedral e inicio da Misa. Ao remate da mesma, recepción no Concello na honra do delegado rexio. 18.30 h CSC CONXO Contacontos todas as idades [PROGRAMA ANIMACIÓN Á LECTURA BIBLIOTECA PÚBLICA JOSÉ SARAMAGO]. 18.30 h No Teatro Principal, Chrystyan Magic presenta 'Ao ritmo da maxia' [RGTA] 20.00 h No Centro Sociocultural das Fontiñas, o concelleiro de Participación Cidadá e Centros Socioculturais, Francisco Noya, asiste ao X aniversario da inauguración do centro. 21.00 h No Auditorio de Galicia, concerto da Banda Sinfónica da Federación Galega de Bandas de Música Populares no que se estrean as obras gañadoras do IV Concurso de Composición. Dirixe a Banda Xosé Carlos Seráns. 21.30 h No Pavillón municipal de Fontiñas, partido de fútbol sala entre membros da corporación, empresarios da cidade e representantes sociais dentro da campaña solidaria “Operación Quilo: un quilo, un sorriso”. Participan os concelleiros Adrián Varela, Albino Vázquez e Luis Bello.

A Banda Sinfónica da Federación Galega de Bandas de Música estrea as obras gañadoras no IV Concurso de Composición Algunhas destas obras serán as de interpretación obrigada polas bandas que participen no Certame Galego de Bandas que se celebrará no 2012 Interpretarán, dirixidos por Xosé Carlos Seráns, obras de Antón Alcalde, A. López Pérez, Víctor Enguídanos, Paulino Pereiro e Santiago Quinto Santiago de Compostela, 29/12/2011.- Os gañadores do IV Concurso de Composición que organiza a Federación galega de Bandas de Música Populares poderán escoitar mañá por primeira vez as súas obras interpretadas por unha banda. Será no Auditorio de Galicia a partir das 21.00h cando a Banda Sinfónica da Federación Galega de Bandas de Música interpretará as obras finalistas e gañadoras baixo a batuta de Xosé Carlos Seráns. Algunhas destas obras serán as de obrigada interpretación no VI Certame Galego de Bandas que se celebrará a finais do ano que vén. Na primeira parte do programa poderemos escoitar a obra finalista dos premios na terceira categoría ‘A Batalla de Elviña’ de Manuel A. López Pérez e a gañadora nesta sección, ‘Noite de defuntos’ de Antón Alcalde Rodríguez así como a finalista e primeiro premio na segunda categoría: ‘Espírito Galego’ de Santiago Quinto Serna e ‘Camiños da fin da terra’ de Antón Alcalde Rodríguez, respectivamente. Na segunda parte a Banda interpretará a obra finalista e o primeiro premio da primeira categoría, sección sinfónica: ‘O misterio do Castelo de Pambre’ de Víctor Enguídanos Royo e ‘Na Galiza’ de Paulino Pereiro Martínez coas seguintes partes: Canto de Berce; Muiñeira; Cantar; Pasodobre; Pandeirada.

BNG Ordes – proposta para que o local do centro comarcal sexa un local para a mocidade

O BNG PROPÓN DESTINAR O EDIFICIO DO CENTRO COMARCAL A LOCAL SOCIAL DA MOCIDADE

Os nacionalistas proporán no próximo Pleno que o Concello inste á Xunta a cesión inmediata dun edificio que se atopa inutilizado desde hai moito tempo

Gonzalo Castro, portavoz do BNG de Ordes, anunciou que no próximo Pleno Municipal debatirase unha moción dos nacionalistas, na que se proporá destinar o edificio do Centro Comarcal a local social e de ocio para os mozos e mozas de Ordes.

O portavoz nacionalista explicou que na moción proporán que “o Pleno inste á Xunta de Galiza a cumprir de xeito inmediato o compromiso de ceder as instalacións do centro comarcal ao Concello de Ordes, co acordo expreso de destinalo a local social e de ocio para os mozos e mozas”.

Castro salientou que “as instalacións existentes no centro comarcal levan moito tempo inutilizadas e resultarían moi axeitadas para a dotación dun local social xuvenil amplo e convenientemente equipado, sen apenas custo para as arcas municipais” .

O portavoz do BNG salientou a necesidade de “fomentar actividades de ocio entre os rapaces entre 12 e 17 anos, que son uns dos grandes esquecidos na actualidade, o que constitue un grave problema para a formación integral das persoas, nun tramo de idade que é especialmente sensíbel”.

Gonzalo Castro lembrou que “estas instalacións están a ser moi demandadas por parte dos veciños e veciñas de Ordes, que xa hai case un ano registraron no Concello máis de 1.000 sinaturas coas que solicitaban a dotación un local social xuvenil”.

Finalmente, o portavoz nacionalista amosou o seu convecemento de que “esta proposta será apoiada de forma unánime por todos os grupos políticos municipais, xa que se trata dunha actuación moi necesaria para os veciños e veciñas de Ordes”.

Ames – concesión de axudas municipáis

O Concello de Ames aproba a concesión das axudas para a promoción das actividades culturais e deportivas, organización de festexos e para fomentar o comercio

Ames, 28 de decembro de 2011. O Concello de Ames, sempre comprometido coas asociacións culturais, deportivas, veciñais e de comerciantes, acaba de aprobar a concesión das axudas relativas á promoción das actividades culturais e deportivas, organización de festexos municipais e fomento da actividade comercial no municipio. Da convocatoria de axudas de 2011 puideron beneficiarse 22 entidades sen ánimo de lucro, entre as que se repartirán 40.048,97 euros, así como tamén 10 comisións de festas que disporán de 23.639,77 euros, e 20 clubs e entidades deportivas aos que se lle outorgaron 47.036,07 euros. Mentres que as asociacións de comerciantes e empresarios recibirán 37.000 euros. Deste xeito, o goberno municipal destina un total de 147.724,81 euros á promoción das actividades cultuais e deportivas, organización de festexos e fomento do comercio.

A cultura e o deporte son elementos básicos que deben ser promovidos en prol da sociedade. Debido a iso o Concello de Ames vén de aprobar a concesión das axudas para a promoción das actividades deportivas e culturais, así como a organización de festexos, da convocatoria de 2011. As subvencións concedidas para actividades culturais tivo unha contía de 40.048,97 euros, mentres que se destinaron 47.036,07 euros para a promoción do deporte e 23.639,77 euros para a celebración de diferentes festas parroquiais. Destas axudas beneficiaranse un total de 52 entidades sen ánimo de lucro, deportivas e comisións de festas.

Un total de 22 entidades sen ánimo de lucro recibirán 40.048,97 euros. Entre estas entidades hai asociacións de veciños, culturais, educativas e recreativas. Ademais, 20 clubs e entidades deportivas, repartíranse 47.036,07 euros. As asociacións veciñais e comisións de festas tampouco quedarán sen a súa achega económica para poder sufragar as festas parroquiais do ano pasado. Deste xeito, un total de 10 asociacións e comisións de festas recibirán 23.639,77 euros.

Axudas ao comercio amiense

Por outra banda aprobouse a concesión das axudas ao comercio amiense. Este ano a subvención está dotada de 37.000 euros. Esta contía repártese en tres capítulos. A primeira partida, destinada á iluminación de Nadal, conta con 12.000 euros, outra de 6.000 euros é para infraestruturas e equipamento, e a terceira, que se destina ao apartado de promoción comercial, está dotada de 19.000 euros. Isto supón un incremento de 4.000 euros respecto ás subvencións dos anos anteriores.

Oroso – o concello manterá o servizo de comedor escolar

O CONCELLLO DE OROSO COMPROMÉTESE A MANTER O SERVIZO DE COMEDOR ESCOLAR ATA QUE O NOVO COLEXIO ENTRE EN FUNCIONAMENTO

Os concelleiros de Familia e de Relacións Veciñais reuníronse con nais dos pequenos que participan no programa “Bo Proveito” para recolleren as súas opinións e suxerencias

28 de decembro de 2011.- O Concello de Oroso comprométese cos pais e nais do municipio a manter o servizo de comedor escolar, denominado “Bo proveito”, ata a entrada en funcionamento do novo colexio de Sigüeiro. Así o comprometeron os concelleiros de Familia, Antonio Leira, e Relacións Veciñais, Luís Rey, durante un xantar con nais dos pequenos que participan neste novo servizo posto en marcha o pasado mes de outubro polo Concello de Oroso e no que participan unha trintenta de cativos.

Antonio Leira explica que “o obxectivo deste encontro era achegar aos pais e nais ao servizo de comedor escolar, que coñezan o servizo e poidan facernos chegar as súas peticións e inquietudes”. Neste sentido, a maior inquietude das nais presentes era o da continuidade ou non deste servizo, que vén a paliar a sobresaturación do CEIP de Oroso. Por iso, Leira Piñeiro asegurou que este servizo de comedor “é unha aposta do Concello de Oroso e manteremos este servizo de calidade para aquelas familias que o precisen ata que o novo centro escolar esté en funcionamento”.

O encontro coas nais tivo lugar durante a última sesión de comedor antes das vacacións de Nadal no centro deportivo de Sigüeiro, instalación que alberga o programa “Bo proveito” e á que os rapaces chegan directamente dende o colexio sen teren que saír á rúa. Unhas comidas que teñen lugar en horario de 14.30 a 16:00 horas, tempo durante o cal os pequenos están atendidos por monitoras especializadas.

Aquelas familias que desexen máis información ou que desexen anotar aos seus pequenos durante o ano 2012, poden dirixirse ás oficinas do centro cultural Fernando Casas e Novoa ou chamar ao 981 69 09 03. Os prezos son de 6 euros (diario), 25 euros (semanal) e 85-90 euros (mensual). As familias numerosas, así como os casos nos que participen dous irmáns no programa terán o 20% de desconto. Unss descontos que non son acumulativos.

Ames – campaña de recollida de xoguetes

Preto de 200 rapaces terán un agasallo grazas á campaña de recollida de xoguetes

Ames, 28 de decembro de 2011. O vindeiro luns, 2 de xaneiro, remata o prazo para participar na campaña de recollida de xoguetes de Nadal posta en marcha un ano máis polo Concello de Ames. Debido a iso, dende a Concellaría de Deportes, Tempo Libre e Voluntariado, a través da Oficina do Voluntariado do Concello de Ames (OVA), animan a que todas as persoas que aínda non entregaron ningún xoguete se dean présa xa que a campaña está a piques de rematar. Nesta iniciativa tamén participaron o Bertamiráns Fútbol Club, a través da segunda campaña de recollida de roupa e xoguetes, e a Asociación Barricas Folk Rock do Milladoiro, que tamén recolleu xoguetes para os nenos/as en risco de exclusión social. Ata este momento 190 pais/nais solicitaron un agasallo para poder entregárllelo aos seus fillos/as o día de Reis.

A Concellaría de Deportes, Tempo Libre e Voluntariado, a través da Oficina do Voluntariado do Concello de Ames (OVA), puxo en marcha o pasado 28 de novembro a décima edición da campaña de recollida de xoguetes. Este ano, baixo o lema "En Ames todos/as xogamos", a campaña, que durará ata o 2 de xaneiro, pretende recoller un gran número de xoguetes para entregar entre a poboación máis necesitada do concello e sensibilizar a xente de que doar un xoguete non consiste en dar caridade, baleirar armarios ou reciclar obxectos que nos molestan na casa, senón que hai que poñer un pouco de xustiza e ofrecer solidariedade e xenerosidade de balde.

Para evitar que estes nenos e nenas non gocen destas datas, o Concello de Ames e o Bertamiráns Fútbol Club (que por segundo ano consecutivo e por iniciativa propia levou a cabo tamén a súa campaña de recollida de xoguetes que posteriormente entregará ao Concello para o seu reparto entre os nenos e nenas) apostaron un ano máis por realizar unha colecta de xoguetes para que os meniños e meniñas máis necesitados de Ames poidan ter un bo día de Reis. Este ano, a Oficina de Voluntariado tamén contou coa colaboración da Asociación Barricas Folk Rock do Milladoiro, que recolleu os seus propios xoguetes para posteriormente entregarllos ao Concello.
Ata o día 2 de xaneiro os xoguetes poden ser entregados nas Casas da Cultura do Milladoiro e de Bertamiráns, de luns a venres, en horario de 10:00 h. a 14:00 horas e de 17:00 a 21:00 horas. Dende a Oficina de Voluntariado de Ames inciden en que os xoguetes teñen que ser novos ou atoparse en bo estado e non poden ter carácter sexista nin carácter bélico. Cinco voluntario/as están realizando a selección dos xoguetes que se atopan en bo estado e empaquétanos con papel de agasallo. Tamén se encargan de ordenalos segundo a idade do neno/a ao que vai dirixido cada xoguete. Nestas tarefas tamén colabora o persoal das bibliotecas municipais. A entrega de agasallos ás familias realizarase o día 3 de xaneiro na Casa da Cultura de Bertamiráns e o día 4 na casa da Cultura do Milladoiro.

Finalmente, os agasallos acabarán o 6 de xaneiro baixo a árbore de Nadal de preto de 200 rapaces e rapazas que debido aos seus diversos problemas son usuarios frecuentes dos servizos sociais do Concello e contan cun seguimento persoal por parte destes servizos. As persoas que desexen obter máis información deberán dirixirse á Oficina Municipal do Voluntariado (OVA) ao teléfono 981 883 703, ou ben ás Casas da Cultura de Bertamiráns e do Milladoiro.

Brión – o campeonato galego de futbolín celebrarase no concello

O CAMPIONATO GALEGO DE FUTBOLÍN 2012 CELEBRARASE NO POLIDEPORTIVO DE BRIÓN

Os interesados en participar na Categoría Primeira deberán anotarse antes do 10 de xaneiro no teléfono 647 488 606

28 de decembro de 2011.- O pavillón polideportivo municipal de Pedrouzos será a sede do Campionato Galego de Futbolín 2012, que terá lugar o vindeiro sábado 14 de xaneiro en Brión. Un campionato organizado pola Organización Nacional de Futbolín (ONF), en colaboración co Concello de Brión, que repartirá un total de 2.875 euros.

Esta competición deportiva consta de dúas categorías: Élite e Primeira. Así, a categoría Élite vai reunir en Brión a parellas de xogadores de toda Galicia e tamén de fóra, que competirán por un primeiro premio de 1.000 euros, un segundo premio de 600 euros e un terceiro de 300 euros. Tamén levarán premio de 100 euros os clasificados entre os postos 4º e 8º. Todos eles gañarán cadanseu trofeo conmemorativo.

Pola súa banda, a Categoría Primeira está aberta á participación de todos os afeccionados, que poderán anotarse na competición chamando ao teléfono 647 488 606 antes do 10 de xaneiro. O prezo de inscrición é de 30 euros por parella de xogadores. Competirán por un primeiro premio de 200 euros, un segundo premio de 100 euros e un terceiro premio de 50 euros. Tamén levarán 25 euros os clasificados entre os postos 4º e 8º. Estes oito primeiros levarán tamén un trofeo conmemorativo.

A competición terá lugar no pavillón polideportivo de Pedrouzos, onde se instalarán unha serie de mesas modelo Fisterra, un deseño realizado en homenaxe ao creador da variante española (xogadores con pernas separadas) deste popular xogo: Alexandre de Fisterra.

Frades – éxito de participación nas actividades dos locáis sociais

UN TOTAL DE 135 VECIÑOS E VECIÑAS DE FRADES PARTICIPARON NAS ACTIVIDADES DE OCIO GRATUITAS ORGANIZADAS NOS LOCAIS SOCIAIS DAS PARROQUIAS

O Concello de Frades ofreceu dúas actividades a elixir: manualidades ou ximnasia a través do xogo

28 decembro de 2011.- Un total de 135 veciños e veciñas de Frades participaron durante os últimos tres meses nunha serie de actividades de ocio gratuítas programadas polo Concello de Frades nos locais sociais das distintas parroquias. Unha iniciativa organizada polo Concello de Frades para poñer en valor estes centros de ocio como lugar de encontro da veciñanza de cada parroquia e logo dos traballos de rehabilitación e dotación de mobiliario realizados durante os anos 2010 e 2011 nestes centros de ocio, que supuxeron un investimento de máis de 100.000 euros.

Así, o Concello de Frades deu a elixir aos veciños e veciñas de cada parroquia entre ximnasia de mantemento a través do xogo ou manualidades. Así, 75 veciños optaron pola ximnasia mentres que 45 veciños elixiron as manualidades (os 15 participantes de Gafoi escolleron unha solución intermedia, de xeito que unha semana tiñan manualidades e outra ximnasia).

Aparellos de ximnasia

Deste xeito, os veciños de Mesos, Papucín, Aiazo, Moar e Céltigos asistiron a unha serie de clases de ximnasia de mantemento, nas que a súa monitora tirou de inxenio para que o tomaran como un xogo e utilizaran as máquinas de ximnasia que o Concello de Frades instalou en todos os locais sociais do municipio. Cintas andadoras e bicicletas estáticas “cuxa utilización é moi beneficiosa para a saúde dos nosos veciños, en especial dos maís maiores, polo que estas actividades serviron tamén para fomentar a súa utilización”, apunta o alcalde de Frades, Miguel Prado Patiño.

Pola súa banda, os 45 veciños de Vitre, Ledoira e do centro da terceira idade de Pontecarreira ocuparon as tardes dos últimos tres meses na realización de todo tipo de manualidades, dende a pintura ata a decoración en vidro.

Santiago – axenda xoves 29 de decembro

Xoves 29

12.15 h

No Salón de Plenos, ROLDA DE PRENSA do alcalde compostelán, Xerardo Conde Roa, sobre asuntos de carácter local.

12.30 h

Na Casa do Concello, ROLDA DE PRENSA do voceiro grupo municipal socialista, Xosé A. Sánchez Bugallo, sobre asuntos de carácter local.

17.30 h

Pleno ordinario

Na Casa do Concello, sesión ordinaria do Pleno da Corporación coa seguinte orde do día:

1. Aprobación, se procede, de actas de sesións anteriores.

2. Aprobación provisional da modificación do plan xeral de ordenación municipal na rúa da Estrada esquina con travesía da Estrada.

3. Aprobación inicial da ordenanza reguladora da publicidade e rotulación en Santiago de Compostela.

4. Proposición do grupo municipal do Partido Popular para a creación dunha comisión de estudo de accesibilidade.

5. Proposición do grupo municipal do PSdeG-PSOE sobre as medidas a adoptar para paliar o descenso da actividade turística en Compostela.

6. Proposición do grupo municipal do BNG para instar ao Ministerio de Fomento a abaratar as tarifas do AVANT.

7. Dar conta de aprobación definitiva da modificación da ordenanza fiscal 3.10 por falta de reclamacións.

8. Dar conta de informe de reclamacións e suxestións do ano 2010.

9. Dar conta das sentenzas e persoamentos en recursos contenciosos administrativos.

10. Dar conta de resolucións da Alcaldía en materia de delegacións.

11. Dar conta de resolucións da Alcaldía, das concellarías delegadas e acordos da Xunta de Goberno Local.

12. Comparencia a pedimento do grupo municipal do BNG, da concelleira delegada de mercados, Dna. Reyes Leis.

13. Rogos e preguntas.

14. Toma en consideración de mocións presentadas polos grupos municipais.

21.00h.

Todo Lírica

No Teatro Principal, concerto 'París: opereta, chansson e belcanto' con Ainhoa Zuazua, soprano; Marifé Nogales, mezzossoprano; e Rubén Fernández Aguirre, pianista, dentro do ciclo Todo Lírica 2011.

Brión – XV festival de títeres

O FESTIVAL DE TÍTERES DE BRIÓN CELEBRA O SEU QUINCE ANIVERSARIO CON TRES SESIÓNS GRATUÍTAS PARA OS MÁIS PEQUENOS DA CASA

Este ano participarán os arxentinos El Abrojito e os galegos Títeres Cachirulo e A Xanela do Maxín

27 de decembro de 2011.- O Festival de Títeres de Brión cumpre o seu decimoquinto aniversario manténdose fiel á súa filosofía inicial: difundir o teatro de marionetas que se fai en Galicia e fóra dela para divertir a toda a familia. Consolidado como un dos eventos máis agardados da programación cultural do Nadal brionés, este ano participarán dúas compañías galegas (Títeres Cachirulo e A Xanela do Maxín) e unha arxentina (El Abrojito).

As tres actuacións do festival de monicreques terán lugar no centro social polivalente os días 2, 3 e 4 de xaneiro. Cunha duración aproximada de 50 minutos, todas elas celebraranse ás 17:30 horas e a entrada, como sempre, será libre e de balde.

Así, o luns 2 de xaneiro os composteláns Títeres Cachirulo contarannos “A historia do apalpador”, un personaxe do Nadal galego que coñeceremos un pouco máis grazas aos monicreques deste popular grupo. O martes 3, a compañía El Abrojito, emocionaranos coa historia de “El lobo Rodrigo”, unha representación que achega a Brión o teatro de títeres que se fai na Arxentina. Finalmente, o mércores 4 de xaneiro os galegos de A Xanela do Maxín pecharán o festival coa representación de “A pequena lúa”.

Ordes – éxito dos obradoiros de decoración navideña

Máis de 40 rapaces e rapazas ordenses participaron onte nun obradoiro de decoración navideña promovido polo Concello

Outros tantos pequenos participarán hoxe no segundo dos obradoiros

Ordes, 27 de decembro de 2011: O Concello de Ordes segue adiante co seu programa de actividades organizado con motivo do Nadal.

Onte, tocáballe o turno aos máis pequenos coa celebración dun obradoiro de decoración navideña realizado con material de refugallo. Un obradoiro no que participaron máis de 40 nenos e nenas repartidos en dous grupos por idades, no que a través de latas, cartóns, e todo tipo de material caseiro realizaron diferentes adornos típicos desta época do ano.

Esta iniciativa terá continuidade hoxe pola tarde coa celebración doutro obradoiro, neste caso, de elaboración de xoguetes tamén a través de material de refugallo. Outros 40 rapaces e rapazas do municipio participarán nesta actividade.

A programación navideña do Concello de Ordes pecharase o 5 de xaneiro coa celebración da tradicional Cabalgata de Reis que percorrerá, a partir das 17 horas, as principais rúas do municipio repartindo caramelos aptos para celíacos e diabéticos. Tralo pasarrúas os Reis Magos serán recibidos nunha carpa instalada na Alameda, onde os rapaces poderán visitalos e facerlles as súas derradeiras peticións para esa noite máxica.

Silleda – notas mércores 28 decembro

O Concello de Silleda acomete melloras no entorno da praza e o parque da Bandeira -Os departamentos de Obras e Deportes colaboraron na instalación dunha canasta de baloncesto que foi doada por un empresario do municipio Silleda, 27 de decembro de 2011. O Concello de Silleda, a través do departamento de Obras e Servizos que dirixe Manuel Cuíña, está a realizar traballos de mellora no entorno da praza e o parque infantil da localidade. Así mesmo, e en colaboración coa Concellería de Deportes, que dirixe Klaus Brey, a praza do Entroido da Bandeira xa conta con novo equipamento deportivo. Trátase dunha canasta de baloncesto que foi instalada nos últimos días por operarios municipais e que é froito dunha doazón por parte dun empresario silledense. Con este equipamento, realizado aproveitando traballos de reforma no parque da localidade, tamén se dá resposta a unha demanda da Asociación de Nais e Pais de Alumnos (Anpa) Brincadeira, do CEIP da localidade, que viña solicitando a mellora na dotación do parque e o seu entorno.

Aberto o prazo para participar na festa de Benvida de Aninovo no Centro Social da Bandeira Silleda, 27 de decembro de 2011. O Centro Social dos Maiores da Bandeira celebra o vindeiro martes día 3 de xaneiro unha festa para dar a benvida ao novo ano. Será entre as 17.00 e as 20.00 horas, coa degustación de chocolate e roscón e sesión baile con actuación musical. O prezo para asistir é de 3 euros por persoa. Os insteresados poden inscribirse chamando ao Concello (986 580000) ou no propio centro social. Por outra banda, o programa de Nadal continúa mañá mércores día 28 co obradoiro de colgantes de cerámica no centro Vista Alegre da Bandeira (ás 17.00 horas) , o titulado “Traballamos co feltro”, na Casa da Xuventude en horario de 17.30 a 20.30 horas, e a sesión de Cine en Familia, coa proxección da película Super 8, na Casa da Cultura, ás 20.00 horas.

O Punto Limpo de Silleda abrirá só dous días a semana a partir do 1 de xaneiro -Os veciños e veciñas poderán facer os seus depósitos todos os mércores e sábados, en horario de 09.00 a 14.00 horas -Este cambio xa se difunde a través do boletín informativo do Concello, Silleda Info Silleda, 27 de decembro de 2011. As instalacións do Punto Limpo de Silleda, situadas en Margaride, cambian o seu horario a partir do vindeiro día 1 de xaneiro. Así, abrirán só dous días á semana (os mércores e sábados) en horario de mañá, de 09.00 a 14.00 horas. Esta decisión chega logo dun reaxuste na plantilla municipal de traballadores, e porque dende o goberno municipal se considera que dúas xornadas son suficientes para dar un servizo axeitado aos cidadáns. As instalacións abrían ata o de agora de luns a venres pola mañán. O cambio está incluído dentro das informacións que recolle o primeiro número do boletín municipal Silleda Info, que xa se comezou a distribuir nos centros públicos, estabrecementos hostaleiros e outras dependencias do municipio silledense. Dende os departamentos municipais de Medio Ambiente, que dirixe Antonio Couso, e dende o de Obras e Servizos, con Manuel Cuíña ao mando, lémbrase ademais que se está a reforzar a vixiancia en distintos puntos do rural ante a gravísima problemática dos vertedoiros incontrolados. Os responsables destes vertidos serán sancionados en función da gravidade dos depósitos, con multas que poden chegar aos 3.000 euros. Así mesmo, dende os citados departamentos municipais tamén se lembra aos veciños e veciñas de Silleda que non se poden deixar voluminosos xuntos aos colectores de lixo, como está a ocurrir en algúns puntos do rural, con colchóns e mobles. “Estas conductas serán obxecto de sancións ao igual que no caso do vertedoiros incontrolados, que ademais de supoñer unha ameaza para o medio tamén acarrean un serie de gastos ao Concello, que pagan todos os veciños”, di o concelleiro Manuel Cuíña ao recordar que os efectivos de Protección Civil levan meses traballando de forma intensa na limpeza e eliminación de vertedoiros.

Ames – vía libre o campo de golf do Aero Club

A piscina municipal de A Telleira organiza este venres 30 de decembro unha xornada de xogos acuáticos A partir das 16:30 horas, os rapaces e rapazas de Ames poderán gozar dunha tarde pasada por auga. A piscina cuberta municipal A Telleira acollerá unha xornada de xogos acuáticos. Esta actividade está enmarcada dentro da programación do Nadal 2011 que cada ano organiza o Concello de Ames. Os nenos e nenas entre 3 e 15 anos que desexen participar deberán inscribirse previamente xa que as prazas son limitadas. Para apuntarse hai que chamar ao número de teléfono 981 884 991 antes das 14:00 horas do xoves 29 de decembro. As persoas que estean interesadas nesta actividade deben darse présa porque xa hai inscritos 54 nenos/as polo que só quedan 16 prazas libres. Aínda que o frío non da tregua nesta época, os cativos e cativas teñen unha ampla gama de actividades para non quedar na casa durante as vacacións. Como parte do programa de Nadal, este venres a piscina municipal organizará unha tarde de xogos acuáticos para esquecerse da friaxe e promover a práctica de deporte. Non deben esquecer o seu traxe de baño, a súa toalla, o gorro e mailas chancletas os que desexen ser partícipes desta xornada na que a auga será a gran protagonista. Todos os nenos e nenas deben inscribirse previamente no número de teléfono 981 884 991 antes das 14:00 horas do xoves 29 de decembro, xa que as prazas están limitadas. En total hai 70 prazas divididas en catro grupos, pero só quedan por cubrir 16 prazas. Para evitar aglomeracións a organización dividiu a actividade en catro grupos distintos, en función das idades dos nenos, para que poidan desenvolver sen problemas os distintos xogos que os monitores da piscina pública municipal de A Telleira teñen preparados. Para os nenos e nenas de entre 3 e 6 anos haberá dous grupos de vinte prazas cada un. O primeiro grupo gozará da piscina climatizada dende as 16:30 horas ata as 17:00 horas, mentres que o segundo farao dende as 17:00 h ata as 17:30 horas. A partir de aí, entrarán na auga os nenos e nenas de entre 7 e 10 anos para xogar con balóns, esvarar polos tobogáns inchables e tirarse dos trampolíns dende as 17:30 ata as 18:30 horas. Os últimos en poñerse a salpicar cos compañeiros durante a xincana serán os rapaces de entre 11 e 15 anos que terán a súa hora reservada entre as 18:30 horas e as 19:30 horas. Esta iniciativa está dirixida aos máis pequenos para que se divirtan durante as vacacións de Nadal que comezaron o pasado 22 de decembro. Entre outras, tamén poderán gozar de veladas de cine, obradoiros culturais, música para todos os públicos e diferentes obras de teatro. Todas estas actividades terán o seu punto forte o día 5 de xaneiro coa visita dos Reis Magos, que visitarán os pavillóns polideportivos de Bertamiráns e do Milladoiro. Xunto co seu séquito repartirán doces e farán as delicias dos máis cativos que non esquecerán esa tarde facilmente.

O Concello de Ames da vía libre ao campo de golf do Real Aero Club de Santiago Ames, 27 de decembro de 2011. A Xunta de Goberno Local da vía libre ao novo proxecto do campo de golf que está construíndo o Real Aero Club de Santiago na parroquia amiense de San Mamede de Piñeiro. Segundo o proxecto a superficie do terreo supera os 600.000 metros cadrados. A decisión tomada na Xunta de Goberno Local conta coa autorización autonómica do Servizo de Urbanismo, da Xefatura Territorial da Consellería de Medio ambiente, Territorio e Infraestruturas, con data do 10 de outubro de 2011 para actividades de carácter deportivo. As instalacións cumpren tamén coas esixencias establecidas no regulamento xeral de policía de espectáculos públicos e actividades creativas e conta cos informes favorables dos servizos xurídicos e técnicos dos distintos departamentos. O futuro campo de golf cumpriu todos os trámites de información pública, tal e como dispón o Real Decreto 2816/1982 do 27 de agosto. O expediente estivo exposto nas oficinas de urbanismo do Concello de Ames e saíu tamén publicado no Boletín Oficial da Provincia (BOP). Ninguén presentou alegacións. Proxecto de vangarda para Ames As instalacións do proxecto que o Real Aero Club de Santiago realizará en Ames abarcarán unha gran cidade deportiva onde se practicarán múltiples disciplinas deportivas, pero onde tamén haberá moita actividade social. No que se refire ao campo de golf, o proxecto contempla un campo de dezaoito buratos, creado por Alfonso Vidaor, un especialista neste tipo de superficies e tamén golfista profesional. Estas instalacións conforman unha obra moi importante que vai axudar a dinamizar o Concello de Ames. O terreo de actuación son 62 hectáreas e, o monte que está rústico, será unha verdadeira alfombra verde, con 18 buratos, par 72, que é o par moderno. Haberá restaurantes, cafetarías, spa, tenis, pádel, campo de fútbol e o campo de golf. Para desenvolver este proxecto o Real Aero Club de Santiago chegou a un acordo coa empresa Green Proyect, que capitanea o enxeñeiro Alfonso Vidaor. A Xunta de goberno local tamén aprobou varias segregacións de parcelas. Dúas en Carballido, que se segregaron cada unha en tres parcelas, e outras dúas en Lapido, das cales resultaron dúas novas parcelas. Tamén se deu unha licenza de obra maior para a modificación dunha vivenda.

Santiago – axenda mércores 28 decembro

Mércores 28

11.30 h

O concelleiro de Mobilidade, Seguridade Cidadá e Tráfico, Albino Vázquez, e o concelleiro de Medio Rural, Luis Bello, visitan o punto negro situado na estrada de Son a Ponte Albar no lugar de Marzo de Arriba.

18.30 h

No Teatro Principal, Títeres Cachirulo presentan 'Alicia no país das marabillas' [RGTA]

19.00 h

LSC CASCO HISTÓRICO Contacontos nenos/as [PROGRAMA ANIMACIÓN Á LECTURA BIBLIOTECA PÚBLICA JOSÉ SARAMAGO]

Silleda – pleno extraordinario para aprobar modificacións no Pxom

Convocado un pleno extraordinario para aprobar a modificación puntual do PXOM relativa ao recinto feiral Semana Verde         VER INFORME

-O Concello recibiu hoxe luns o informe da Xunta, que decidiu non someter os cambios a avaliación ambiental estratégica

Silleda, 26 de decembro de 2011. A alcaldesa de Silleda, Paula Fernández Pena, vén de convocar hoxe un pleno extraordinario para o vindeiro xoves día 29, ás 12.00 horas, para someter a aprobación provisional a modificación puntual do PXOM que permitirá ampliar os usos no recinto feiral da Semana Verde.

O Concello de Silleda aínda recibiu hoxe mesmo o informe da Consellería de Medio Ambiente, Territorio e Infraestructuras no que se decide non someter os cambios urbanísticos á avaliación ambiental estratéxica, tal e como viña mantendo o goberno municipal silledense.

Logo de pasar polo pleno, esta modificación do plan urbanístico, que permitiría flexibilizar os usos do recinto feiral silledense permitindo a instalacións de industrias complementarias da actividade terciaria, entre elas a da firma Agapel Pelting S.L, someterase a exposición pública antes do visto bo definitivo, que corresponde de novo ao pleno da Corporación.

De forma paralela, e tal e como se informou en días anteriores, os servizos urbanísticos municipais están a tramitar a licenza da firma peleteira.

Conta xeral do 2010

O outro punto da orde do día da sesión extraordinaria é a aprobación definitiva da conta xeral do exercicio 2010. O documento foi abordado en comisión informativa de Facenda e como xa se explicou o pasado mes de agosto amosa datos irreais, xa que non se contemplaron facturas sen pagar por valor de 720.000 euros. Con este último trámite o Concello de Silleda dará cumprimento as esixencias legais de presentar os resultados económicos municipais “pese aos prazos axustados, xa que cando chegamos ao goberno no pasado mes de xuño non se iniciara ningún trámite de cara a aprobación das contas do exercicio 2010”, engade a rexidora.

Silleda – apróbanse as subencións a entidades culturáis e deportivas

O Concello de Silleda aproba a concesión das axudas a entidades culturais e deportivas do ano 2011 -No reparto apostouse polas asociacións e clubes que contan con canteira e actividades formativas -As contías mantéñense, pese as dificultades económicas, respecto do ano anterior e só foron denegadas tres solicitudes Silleda, 26 de decembro de 2011. A xunta de goberno local de Silleda vén de aprobar na súa última sesión o reparto das axudas dentro da convocatoria de subvencións para a promoción de actividades culturais e deportivas do Concello correspondentes ao ano 2011. Dende o executivo municipal explícase que se trataron de axilizar ao máximo os plazos do proceso. As asociacións e colectivos coñecerán, deste xeito, as cantidades que lle corresponden antes de que remate ao ano para poder comezar xa a xustificar os gastos. En liñas xerais, na concesión destas axudas (por un importe total de 79.300 euros) téntase apostar polas asociacións e entidades que contan con actividades formativas (escolas de fútbol, de música, de baile…) e asociacións grupais. “Tamén se valorou a aquelas organizacións que promocionaron as súas actividades mesmo fóra do concello de Silleda, e no caso das que teñen unha circunscripción máis municipal, a organización de actividades que serven para unir e vertebrar as parroquias”, explica Matías R. da Torre, concelleiro de Cultura e Participación Cidadá. No caso das axudas a entidades e clubes deportivos, o concelleiro de Deportes, Klaus Brey Montaña, destaca tamén que se primou a aquelas entidades que contan con canteira, “formando ao máis cativos e promocionando o deporte base”. Pese as vicisitudes a nivel económico, tamén é de destacar que se manteñan as contías das axudas respecto ao ano 2010. Todas as resolucións motivadas Outro dos puntos a destacar da convocatoria deste ano é que todas e cada unha das axudas resoltas contan coa correspondente justificación dos motivos, segundo o programa de actividades e o orzamento presentado nas solicitudes. “Non se deron axudas ao chou”, engade Da Torre. Das solicitudes recibidas, só se desestimaron tres (en total concedéronse 30) dúas delas por non estar as asociación incritas no rexistro municipal e outra porque se presentou fóra de prazo. (envíase adxunto a resolución, coas contías e entidades beneficiarias, que se aprobou na última xunta de goberno local).

En Silleda, na Casa do Concello sendo as 13:00 do día 14 de decembro de 2011, reúnese a Comisión de Subvencións composta por o Concelleiro de Cultura, o Concelleiro de Deportes e Animadora Sociocultural, actuando esta última como secretaria. Examinada a documentación presentada polas Asociacións Municipais dacordo cos criterios recollidos no artigo 7 das Bases Reguladoras da Convocatoria de Subvencións para Promoción de Actividades Culturais e Deportivas do Concello de Silleda. PROPÓN á Xunta de Goberno Local: 1º Desestimar a solicitude presentada pola Asociación Española contra o Cancro Xunta Provincial de Pontevedra, por non atoparse inscrita como tal no Rexistro Municipal de Asociacións sin fins de lucro. 2º.- Desestimar a solicitude presentada pola Asociación de Veciños de Parada, por non atoparse inscrita como tal no Rexistro Municipal de Asociacións sin fins de lucro. 3º Desestimar a solicitude presentada pola Asociación Cultural Xenerais do Entroido, por presentarse fóra do prazo legalmente establecido 4º Conceder subvención ás seguintes asociacións: Nome da Asociación Importe Motivación Anpa Brincadeira 400€ Pola orixinalidade do punto de lectura e a formación teatral, así como a actividade constante durante o ano lectivo Asoc. Mulleres do Municipio de Silleda 300€ Polo novidoso do curso realizado así como as actividades realizadas por este colectivo Asoc. Amigos do Grupo de Gaitas “Os Carqueixas 200€ Pola fomento de difusión da música galega Asoc. De Baile Xuvenil Fortín da Pomba 4350€ Pola formación dos nenos e nenas na música e baile tradicional galego e contribución ao espallamento da nosa cultura Asoc. Avanza Trasdeza 350€ Pola orixinalidade das actividades presentadas Asoc. Musical Recreativa e Cultural da Bandeira 13.200€ Pola formación e divulgación da música popular e clásica e pola repercusión da súa actividade fóra do Municipio. Asoc. Amigos de Silleda 450€ Pola conservación e recuperación da historia e tradicións da vila de Silleda Asoc. De Veciños San Miguel de Lamela 400€ Pola unión veciñal que se acada coas actividades organizadas e polo mantemento das tradicións. Asoc. Cultural Banda de Música de Silleda 13.400€ Pola repercusión da súa actividade non soamente neste Municipio senón tamén a nivel do Estado; así como pola formación e divulgación da música Asoc. Cultural Vista Alegre 2.900€ Pola variedade, novidade e repercusión das actividades realizadas, e pola colaboración co Concello de Silleda no desenvolvemento da cultura. Asoc. De Veciños Santiago Apóstolo Taboada 400€ Polo fomento da unión parroquial e participación veciñal Asoc. De Veciños Olaia de Silleda 900€ Polo fomento da participación cidadá e posta en valor e divulgación do patrimonio municipal Asoc. Feiral Semana Verde de Galicia 650€ Divulgación e potenciación da cultura rural e espallamento das tradicións e iniciativas agrarias e desenvolvemento rural do Concello de Silleda Asoc. Socio-Cultural Adellís 400€ Pola promoción da lingua galega e polo desenvolvemento de actividades alternativas no Concello de Silleda Asoc. Son da Fervenza 600€ Pola recuperación do espazo natural de Férveda cunha romaría tradicional, así como polo traballo desenvolvido que culminou na grabación dun CD. Asoc. Inter-Cultural Sta Ferreña 300€ Potenciación da cultura popular no entorno do Mosteiro de Carbeiro e divulgación do patrimonio histórico de Trasdeza. Asoc. De Mulleres Rurais Fervenza do Castelo 300€ Pola promoción da participación veciñal e divulgación das tradicións. Asoc. Mulleres Rurais Sta. Isabel 400€ Promoción de actividades culturais no medio rural. Coral Polifónca Trasdeza 3.650 Difusión da cultura musical e externalización do nome de Silleda fóra das nosas fronteiras. Asoc. De Veciños A Costa 250€ Axuda para equipamento básico que lles permita desenvolver actividades gastronómicas e de lecer Asoc. Cultural Xirandola 4.350€ Pola formación dos máis pequenos no baile e música tradicionais e pola colaboración con esta Administración Local Asoc. Mulleres Rurais de Abades 250€ Fomento de saídas culturais coa participación dos veciños. Asoc. Veciñal e Cultural Ansemil e Martixe 100€ Axuda para equipamento deportivo necesario para a organización de actividades deportivas Anpa Brincadeira 200€ Pola promoción do deporte base e deporte alternativo Clube deportivo DEZARCO 400€ Fomento dun deporte novidoso e pola organización de numerosas actividades tanto no municipio como a nivel galego. Sociedade Deportiva Silleda 18.600€ Formación deportiva e promoción do deporte base con 10 equipos. Valorase así mesmo o equipo feminino de fútbol e a colaboración co Concello e repercusión das súas actividades Clube de Fútbol Lamela 3.700€ Valorase a repercusión na zona deste clube pola cantidade de socios, superan os 350, así como pola súa antigüidade ademais do fomento do deporte que realizan Clube de Fútbol Laro 2.700€ Valorase o mantemento do fútbol na parroquia o que supón un núcleo de unión. Así mesmo valorase que esta temporada son lideres na súa categoría. Sociedade Deportiva Bandeira C.F. 3.700€ Valorase a formación de equipos de xuvenís e fomento do deporte entre os xóvenes, así como a colaboración co Concello de Silleda Clube de Petanca Bandeira 1.500€ Divulgación do nome da Bandeira fóra do noso Municipio. Fomento e conservación dun deporte tradicional , así como a colaboración institucional

Teta e coliño – próximas actividades

CHARLA SOBRE OS BACHES DA LACTANCIA MATERNA: crises de crecemento, folgas de lactancia, rechazo do peito, falso destete... situacións que case todas as nais experimentan nalgún momento da súa lactancia, e un dos principais motivos de consulta a Teta e Coliño. Nesta charla falaremos de cada unha destas situacións, e resolveremos dúbidas.
Martes 10 de xaneiro en Milladoiro. Máis información aquí: http://tetaecolo.blogspot.com/2011/12/crises-e-folgas-de-lactancia.html
CHARLA DE INICIACIÓN Ó PORTEO: moitas familias de Teta e Coliño usan portabebés na súa vida diaria... e é frecuente que as novas familias se interesen por esta forma de criar e de desprazarse cos nenos. Realmente é toda unha experiencia para todas as partes implicadas, pero... cales son os motivos e os beneficios de portear? que tipos de portabebés existen, cal é a mellor maneira de utilizalos?
Aclararemos todo isto o xoves 12 de xaneiro en Bertamiráns. Máis información: http://tetaecolo.blogspot.com/2011/12/charla-de-iniciacion-o-porteo.html
Lembrámosvos que seguimos recollendo as vosas propostas e intereses para organizar futuras charlas. Se hai algún tema concreto que vos interese sobre maternidade, lactancia, crianza e aspectos relacionados... xa sabedes: escribídenos!! a este correo, ou no noso perfil en facebook.
FELIZ ANO E FELIZ CRIANZA!!!!

Santiago – axenda martes 27 de decembro

Martes 27

11.30 h

No CEIP Pío XII, o alcalde compostelán, Xerardo Conde Roa, e o concelleiro de Educación, Ángel Currás, visitan os nenos e nenas que participan nas actividades de Nadalxogo 2011.

12.15 h

Na Casa do Concello, ROLDA DE PRENSA do voceiro do grupo municipal do BNG, Rubén Cela, sobre asuntos de carácter local.

12.30 h

Na Casa do Concello, ROLDA DE PRENSA da concelleira do grupo municipal socialista, Mercedes Rosón, sobre asuntos de carácter local.

18.00 h

LSC MARANTES Contacontos nenos/as [PROGRAMA ANIMACIÓN Á LECTURA BIBLIOTECA PÚBLICA JOSÉ SARAMAGO]

18.30 h

No Teatro Principal, Títeres Cachirulo presentan 'Alicia no país das marabillas' [RGTA]

19.30 h

CSC VITE Espectáculo musical Pesdelán Na punta do pé

20.00 h

No Auditorio de Galicia, 'O Crebanoces' de Tchaikovski-Ivanov co Ballet do Teatro Nacional Ruso de Moscú e a Orquestra Sinfónica Estatal de Ucrania.

Frades – curso manipulador de alimentos

CINCO VECIÑOS DE FRADES OBTEÑEN  O CARNÉ DE MANIPULADOR DE ALIMENTOS

26 decembro de 2011.- Cinco veciños de Frades, tres homes e dúas mulleres, veñen de obter o carné de manipulador de alimentos, despois de participaren nun curso formativo organizado polo Concello de Frades o pasado xoves. Un obradoiro de tres horas de duración que tivo lugar no centro multiusos José Botana, en Cimadevila.

Un curso dirixido a todos aqueles veciños interesados en conseguir ou en revonar este carné, que facultan aos alumnos para obter traballo en empresas relacionadas coa manipulación de alimentos no sector hostaleiro (camareiros, panadeiros, dependentes de ultramarinos), alimentario, comedores escolares... Ao longo deste obradoiro, os alumnos adquiriron coñecementos relacionados coa nutrición e coa hixiene e a manipulación dos alimentos. Ademais, analizaron os métodos para a conservación dos alimentos e os riscos que conleva a súa alteración.

Oroso – homenaxeo campión galego de Karting, David Senra

O CONCELLO DE OROSO HOMENAXEARÁ HOXE AO XOVEN PILOTO OROSÁN DAVID SENRA,

CAMPIÓN GALEGO DE KARTING 2011

Será distinguido polo alcalde de Oroso no salón de plenos ás 13:30

26 de decembro de 2011.- O Concello de Oroso homenaxeará mañá martes 27 de decembro ao xoven piloto orosán David Senra, que vén de proclamarse este ano campión galego de Karting. Un acto que terá lugar ás 13:30 horas no salón de plenos e que estará presidido polo alcalde de Oroso, Manuel Mirás, e polo concelleiro de Deportes, Luís Rey.

David Senra, veciño de Sigüeiro, ten 19 anos e neste 2011 acaba de gañar con autoridade o Campionato Galego de Karting, onde conseguíu catro victorias e tres segundos postos. De cara ao futuro, o piloto orosán pretende participar no Campionato de España de Karting e, se o orzamento así llo permite, participar nalgunha carreira do Campionato Galego de Rallies.

Currículum

David Senra comezou no mundo do Karting no ano 2005, competindo na categoría junior do Campionato Galego de Karting. Quedou na terceira posición na súa primeira carreira e acadou a Pole Position e a volta rápida na súa segunda carreira do campionato. Unha competición que rematou na 3ª posición absoluta. Na tempada 2006, David Senra competiu en cinco carreiras do Campionato Galego e afrontou a primeira carreira nun Campionato Nacional: quedou no terceiro posto absoluto a falta de tres carreiras para o remate do mesmo.

Con 15 anos pasa a categoría KF- 2, onde compite no Campionato Castela-León de Karting, obtendo resultados moi destacados nas tempadas 2007 e 2008 (acadando un subcampionato e un terceiro posto, respectivamente). A finais de 2008, chega a un acordo co equipo para dar salto a categoría reina do Karting: KZ- 2, onde na tempada 2009 acada o segundo posto na xeral nun Campionato Social celebrado en Ponferrada. A mediados da tempada decide participar no Nacional de Karting, onde terminou no 12º posto na clasificación final.

David Senra adicou a tempada 2010 ao Campionato de España, quedando 9º na clasificación absoluta. Durante ese mesmo ano, gañou diferentes carreiras a nivel rexional. O ano 2011 foi tempada de éxitos para o piloto orosán, que gañou o Campionato Galego de Karting.

Brión – as copas do mundo e de Europa de futbol estiveron en Brión

CENTOS DE VECIÑOS E VECIÑAS FOTOGRAFÁRONSE COS TROFEOS DA COPA DO MUNDO E A EUROCOPA

NA CASA DA CULTURA DE BRIÓN

26 de decembro de 2011.- Os veciños e veciñas de Brión disfrutaron dun agasallo de Nadal por adiantado pois, durante a mañá de Noiteboa, puideron achegarse aos trofeos da Copa do Mundo gañada no Mundial de Sudáfrica 2010 pola Selección Española dirixida por Vicente del Bosque e á Eurocopa de Austria-Suiza, gañada en 2008 polos pupilos de Luís Aragonés. Ao longo de toda a mañá do sábado, centos de persoas, especialmente nenos e nenas, pasaron pola sala de exposicións da casa da cultura de Brión para ver de preto os trofeos máis importantes acadados polo fútbol español.

O Concello de Brión dispuxo o trofeo sobre unha pequena mesa na sala de exposicións, cuxas paredes estaban cubertas cos gravados da artista Yolanda Carbajales. Durante as catro horas que estivo exposta ao público, todos os veciños e veciñas que o desexaron puideron achegarse a ambos trofeos, tirar fotografías e mesmo tocar as copas, especialmente a Copa do Mundo (que sorprendeu a todos polo seu peso).

Aos trofeos achegáronse centos de veciños, tanto de xeito individual como en grupo. Cámaras de fotos, móbiles, consolas... todo servíu para inmortalizar o momento. Especialmente emocionados estaban os máis cativos que, se ben se achegaban con moito respecto ao trofeo, alegrábanse moito ao saber que mesmo podían tocar a copa para facerse a foto.

Ames – aprobación de contas e axenda

O Concello de Ames logra o obxectivo de render e aprobar a Conta do 2010 dentro do exercicio 2011 A rendición da Conta do 2010 dentro do ano permitirá cumprir os prazos legais de cara a próximos exercicios Dende o ano 2002 O Concello de Ames non cumpre os prazos legais á hora de ter as contas ao día É imprescindible o cumprimento destes prazos para recibir subvencións e para facer orzamentos axustados á realidade Ames, 26 de decembro de 2011. O Concello de Ames aprobou no pasado pleno extraordinario a conta xeral do 2010 o que implica que de cara ao próximo ano este Concello estará en condicións de render as contas dentro dos prazos legais, algo que non acontece dende o ano 2002. A importancia de traballar dentro das datas da lei neste campo é vital para a economía municipal, principalmente porque é condición indispensable para recibir subvencións por parte da Xunta de Galicia e porque permite un coñecemento actualizado do funcionamento do Concello para facer un orzamento adecuado á realidade municipal. No caso de Ames, por ser este un concello moi dinámico demográfica e socialmente o feito de que os presupostos municipais se axusten á realidade ten moita importancia. O Concello rendeu a conta por primeira vez dende o 2002 dentro do ano. Trátase dunha boa noticia que evidencia o gran traballo que nos últimos meses fixeron os traballadores municipais do departamento económico e pola cal o actual goberno, que dirixe Santiago Amor, se felicita. O alcalde afirma que “este é o primeiro paso para poñer en orde as contas do concello e para recuperar a senda da recuperación económica”. Coa aprobación da conta xeral de 2010 dáse cumprimento á obriga de presentar as contas antes de final de ano. O Consello de Contas establece unha tripla distinción no tocante ao cumprimento do deber de rendición por parte das entidades locais. A primeira opción refírese ás entidades que cumpriron co prazo legal do 15 de outubro; o segundo refírese ao das que remitiron a Conta dentro do exercicio correspondente, e o terceiro e último ao das que o fixeron nun ano diferente. Neste caso o Concello de Ames estaría incluído no grupo de concellos que remiten as contas dentro do exercicio correspondente. A liquidación desta conta amosa datos pouco optimistas, o remanente de tesourería é de -916.310,68 euros. O remanente ven sendo negativo dende o ano 2008, cando as cifras foron de -428-871euros, en 2009 o remanente negativo ascendeu a -639.625,75euros. Polo tanto, é o terceiro ano consecutivo que o remanente é negativo e amosa ademais un crecemento “desorbitado”. A conta tamén amosa un resultado orzamentario de números vermellos que ascenden a -198.291,88 euros. Santiago Amor asegura que "é moi importante cumprir o obxectivo de render a conta dentro deste exercicio. Ademais agora as administracións públicas están esixindo que as contas estean ao día para poder solicitar axudas e subvencións. Deste xeito o Concello de Ames poderá solicitar subvencións á Xunta de Galicia durante o ano 2012 e estaremos en condicións de facer uns orzamentos axustados á realidade e responsables". O alcalde amiense tamén explica que “ter un remanente negativo de Tesoureiría desta magnitude leva consigo tomar medidas difíciles e urxentes como consecuencia da xestión dos últimos anos”. “Outro factor a ter en conta neste exercicio 2010 é o Resultado Orzamentario negativo, o cruce entre os ingresos e os gastos, que manifesta un marcado desequilibrio por primeira vez este ano e fai pensar que o resultado do ano 2011 entre estas dúas magnitudes poida ser aínda peor” afirma. Santiago Amor, alcalde e delegado da área económica do Concello de Ames, explica que a inestabilidade que amosa o orzamento do ano 2010 obriga a elaboración dun Plan de Equilibrio Financeiro “se queremos saír da situación que ten o Concello”.

Este semana proxéctanse os filmes Sinbad e Cars 2 O Concello de Ames ten preparada unha ampla programación cultural para o mes de decembro. Dentro desta programación atópase o ciclo de cine que inclúe a proxección de dous filmes nas Casa da Cultura do Milladoiro e de Bertamiráns. O martes 27 de decembro, ás 20:00 horas, proxectarase a película Sinbad no auditorio do centro sociocultural do Milladoiro, unha película está baseada na obra de Álvaro Cunqueiro Se o vello Sinbad vólvese á illas. Este filme está dirixido aos nenos e nenas maiores de 12 anos. O día seguinte, o mércores 28 de decembro, ás 17:00 horas, proxectarase a película Cars 2 no auditorio do Centro Sociocultural de Bertamiráns. Este filme está dirixido ao público infantil. O Concello de Ames ten preparadas diferentes actividades culturais e lúdicas para a última semana do ano. Entre as actividades que se encadran dentro da programación de Nadal atópase un pequeno ciclo de cine dirixido á mocidade amiense. O martes 27 de decembro na Casa da Cultura do Milladoiro, ás 20:00 horas, proxectarase a película Se o vello Sinbad vólvese ás illas, mentres que o mércores 28, ás 17:00 horas, na Casa da Cultura de Bertamiráns, poderase ver o filme Cars 2. Este ano estase celebrando o centenario do nacemento do insigne autor mindoniense Álvaro Cunqueiro Mora (22 de decembro de 1911). Álvaro Cunqueiro establece nas súas obras unha constante ósmose entre realismo e fantasía, difumina os límites entre a realidade e o soño, permitindo a irrupción do extraordinario. Así, recrea de xeito lúdico, pero con recursos narrativos de tipo realista, os vellos mitos, como sucede na obra Se o vello Sinbad vólvese ás illas. Aproveitando a celebración do centenario do nacemento de Cunqueiro, o Concello de Ames proxectara este martes a película que esta baseada na obra do autor mindoniense. Este filme de produción galega está dirixido aos nenos e nenas maiores de 12 anos. En Se o vello Sinbad vólvese ás illas (1961) preséntanos ao coñecido navegante das Mil e unha noites retirado en Bolanda, a súa terra natal. Polas mañás coida a súa pequena horta e pasea polo peirao. Durante ás tardes frecuenta as tertulias da fonda de Mansur, onde refire as prodixiosas aventuras pasadas. Sospeitando que os oíntes non dan creto aos seus relatos, decide volver embarcar para retomar a súa vida aventureira. A partir de aí, Sinbad enrédase no novelo dos seus soños, ata entón diferenciados da realidade, e sucumbe finalmente perdendo a súa fama, a súa capacidade fabuladora e a vista. A produtora Ficción Producciones foi a encargada de realizar esta longametraxe, que estivo dirixida por Antón Dobao. Xosé Manuel Olveira Pico, foi o actor que dou vida ó personaxe de Sinbad, e Segundo Grandío encargouse de compoñer a banda sonora do filme. Cine infantil Para o mércores 28 de decembro queda a película Cars 2. Este filme está dirixido ao público infantil e proxectarase na Casa da Cultura de Bertamiráns ás 17:00 horas. Cars 2 é unha película de animación americana producida por Pixar no ano 2011. A historia que narra o filme pódese resumir en que Rayo McQueen e o seu amigo, a grúa Mate, viaxan ao estranxeiro para participar no primeiro Campionato Mundial no que se decidirá cal é o coche máis rápido do planeta. A primeira escala é Toquio (Xapón), onde Mate terá que converterse nun espía secreto ao verse inmerso inesperadamente nun caso de espionaxe internacional, que o levará a París e a Londres. Tamén vivirán unha aventura de proporcións épicas ao viaxar a Porto Corsa (Italia), para disputar o Campionato. Porén, os dous terán que renunciar aos praceres da Ribeira italiana -iates, praias e gastronomía italiana- xa que Mate está moi ocupado coa súa labor de espía, mentres que McQueen compite contra os mellores coches do mundo.