PP VEDRA – PRESENACION CANDIDATURA

Álvarez - Campana confía en un cambio de rumbo en el gobierno de Vedra de la mano de Carlos Martínez Carrillo

· El secretario de organización destacó los años como portavoz del candidato, pieza clave para dar respuesta como alcalde a las demandas y necesidades de los vecinos

Vedra, 28 de abril de 2011. El secretario de organización, Manuel Álvarez - Campana, y el presidente del PPdeG, Alberto Núñez Feijóo, participaron en la presentación de la candidatura del PP de Vedra, que lidera Carlos Martínez Carrillo. “Hoy no es sólo la presentación de una candidatura, sino la del futuro gobierno Vedra”. En este sentido, subrayó que el municipio necesita de personas como Carlos Martínez para liderar el cambio que necesita Vedra, después de años de parálisis, en los que el municipio ha quedado estancado. Y es que tal y como puso de manifiesto, el trabajo realizado por el candidato como portavoz en el concello es su mejor aval para dar respuesta a las demandas y necesidades de los vecinos que el actual gobierno ha desatendido. Por ello, mostró su confianza en que “el 22 de mayo, se trasladará a Vedra el mismo cambio que se logró en Galicia el 1 de marzo de 2009. Carlos tiene programa y un equipo magnífico para conseguirlo”, subrayó Álvarez - Campana.

En esta misma línea, el secretario de organización hizo especial hincapié en que “vuestro futuro alcalde está trabajando para presentar las mejoras propuestas en positivo, porque este municipio tiene importantes retos de futuro que afrontar en los próximos años y necesita un gobierno serio y eficaz”. Álvarez – Campana confía en que la capacidad de liderazgo de Martínez Carrillo se verá reflejada en que no dudará en tomar el timón y resolver los problemas comunes que afectan a sus vecinos. “Carlos tiene un gran proyecto y un equipo con experiencia y gran valía para mejorar Vedra, y lo hará con un programa en el que los vecinos sean los protagonistas”, indicó.

Álvarez - Campana incidió, además, en que ha llegado el momento del cambio, de dar el relevo a otra forma de gobernar y de poner en marcha proyectos clave y de futuro para el municipio. En esta misma línea, el representante popular hizo referencia a los actuales y difíciles momentos económicos e incidió en que “va a ser un camino duro, largo y repleto de obstáculos. Pero Carlos y su equipo tienen la energía, la determinación, el proyecto y la ilusión para afrontarlo”. Por ello, señaló que está “convencido” de que Martínez Carrillo ganará las próximas elecciones y hará un “cambio responsable con un gobierno abierto, transparente, de colaboración y con participación ciudadana”.

PP ARZUA – ANTONIO OROIS NUMERO DOUS DA CANDIDATURA

Armando Cascón presenta a Antonio Orois Valiño coma o número dous da candidatura

· O candidato popular destaca a cualificación, preparación e a implicación dos membros do seu equipo

Arzúa, 29 de abril de 2010. O candidato do Partido Popular á Alcaldía de Arzúa, Armando Cascón, presentou esta mañá parte do equipo que conforma a súa candidatura. Neste senso, anunciou que Antonio Orois Valiño ocupará o número dous na lista. Cascón destacou a súa preparación e a vinculación co municipio e destacou de que Orois Valiño naceu en Arzúa no ano 1959, é licenciado en Dereito pola universidade central de Barcelona e, en 1980, aprobou a oposición de Inspector do Corpo Nacional da Policía e posteriormente exerceu diversos cargos de responsabilidade en dito corpo (xefe de policía xudicial, xefe de grupo de investigación, asesor técnico de seguridade nas olimpíadas en Barcelona, polo cal recibiu unha das máis altas condecoracións policiais a Cruz Vermella ao mérito policial).

O representante explicou que se trata dunha lista renovada e caracterizada por novas incorporacións, “algo que dende o primeiro momento considerei necesario para afrontar o difícil reto de iniciar unha nova andaina que vai ter un único obxectivo: logra-la confianza dos veciños para darlle un novo impulso ó municipio”. Cascón manifestou que se trata dun equipo sólido, competente e que representa á meirande parte das parroquias do municipio. “Tódolos compañeiros da lista están perfectamente cualificados para defende-las correspondentes áreas unha vez conformemos goberno”, explicou.

Na presentación da candidatura, Cascón deu a coñecer, ademais, as principais características do seu programa. Tal e como puxo de manifesto o candidato popular, “trátase dun programa moi extenso no que se afondará fundamentalmente no eido agrícola e gandeiro poñendo en valor a capacidade productiva das nosas terras intentando mediar coas institucións competentes para rematar definitivamente coas concentracións parcelarias que restan por desenvolverse no municipio”. En canto ao tecido empresarial, a idea do Partido popular de Arzúa, segundo Cascón, é a creación en rede de liñas que dean a coñecer o perfil dos nosos establecementos e divulgue a súa oferta para apertura de liñas de negocio. “Elaboraremos un censo de empresarios locais dedicados ao sector primario con base para a definición dun mapa de puntos de servicio que sirva de reclamo e orientación aos nosos potenciais”, explicou Armando Cascón.

O candidato popular aproveitou, ademais, para lamenta-la política urbanística do actual equipo de goberno. “A rexeneración democrática –engadiu- será tamén unha das nosas prioridades”, quen tamén quixo deixar clara a súa total decisión de reducir o soldo actual do alcalde, e do tenente alcalde así como tamén anunciou a realización inmediata unha auditoría “para que os veciños saiban realmente a situación económica do concello”. “Conxelaremos os impostos, ampliaremos as prazas na gardería municipal, así coma tamén, a creación dun centro de día e a dotación de instalacións da estación de tratamento de augas ou traída municipal que remate xa co problema da insalubridade da auga, serán outras das claves do programa electoral do Partido Popular de Arzúa”, finalizou.

MELIDE – A XUNTA NON REFORMARA AS ZONAS DE FURELOS E LEBOREIRO

A Xunta confirma ao Concello de Melide que non reformará Furelos e O Leboreiro

· A alcaldesa, Socorro Cea, reuniuse coa xerente do Xacobeo, quen confirmou que os dous proxectos, que estaban presupostados polo bipartito da Xunta non serán executados pola Xunta actual.

· Cea agarda tamén unha resposta sobre o proxecto para a Ponte Mazaira, que a Xunta prometeu resolver antes de finais de 2009.

Os proxectos de reforma integral nos núcleos de Furelos e O Leboreiro que o bipartito da Xunta de Galicia tiña orzamentados nos presupostos de 2008 non serán executados de momento. Esa é a conclusión á que chegou a alcaldesa de Melide despois de manter unha xuntanza coa nova xerente do Xacobeo. Nesa mesma reunión, o Xacobeo confirmou que o investimento previsto para a reforma das casas da praza das Coles –que estaba orzamentado en 435.000€- non sería máis de 44.000€.

A rexedora nacionalista, Socorro Cea, amosouse “preocupada polo importante recorte que está recibindo Melide en canto a investimentos que estaban xa orzamentados polo anterior goberno autonómico”. Cea destacou que “non estamos a falar de promesas que non se cumpriron, senón de proxectos presentados, permisos concedidos, presupostos incorporados aos orzamentos que agora desaparecen para Melide”.

O bipartito da Xunta de Galicia presentara dous proxectos para mellorar integramente as aldeas de Furelos e O Leboreiro, a porta de acceso a Melide polo Camiño francés, cun presuposto próximo aos 3 millóns de euros. Este proxecto quedou paralizado o ano pasado por ser ano Xacobeo, pero a Xunta de Galicia confirma agora ao Concello de Melide que non se executarán de momento.

Agardando unha solución para a Ponte Mazaira

Á vista destas decisións que están modificando gravemente os investimentos previstos –e xa comprometidos- para Melide, a alcaldesa nacionalista remitiu hoxe mesmo unha nova carta ao director xeral de Desenvolvemento Rural,

Antonio Crespo, interesándose, unha vez máis, pola decisión da Xunta sobre o proxecto da Ponte Mazaira, do que o Concello de Melide segue sen ter unha resposta oficial.

O 20 de outubro de 2009, Socorro Cea e a concelleira de Medio Rural, Anabel Ramos, reuníranse co director xeral de Desenvolvemento Rural, Antonio Crespo, para tratar de chegar a unha solución para este proxecto, que se atopa parado a día de hoxe. Naquela xuntanza, a rexedora nacionalista procuraba unha resposta da actual Xunta de Galicia para a ponte, dado que o proxecto subscrito en setembro de 2007 pola Consellería de Medio Rural e os Concellos de Melide e Toques foi rexeitado pola actual Xunta de Galicia.

Nesta reunión en outubro de 2009, o director xeral de Desenvolvemento Rural confirmáralle á alcaldesa de Melide o seu interese por atopar unha alternativa á eliminación deste convenio, e garantiu que a Xunta daría a coñecer un proxecto definitivo para a Ponte Mazaira antes de finais de 2009.

Ano e medio despois, a alcaldesa de Melide “lamenta este silencio por parte da Xunta de Galicia, que non se rompeu a pesar dos numerosos escritos trasladados dende entón tanto ao director xeral de Desenvolvemento Rural, coma ao delegado da Xunta na Coruña, Diego Calvo, nunha entrevista mantida con el o pasado 17 de novembro de 2010. A rexedora municipal mantivo tamén diferentes conversas telefónicas interesándose por este asunto con Enrique de Salvador, xefe Territorial de Medio Rural, sen que obtivera ningunha nova ao respecto.

A opción falada entre o equipo de goberno de Melide e a Xunta de Galicia para a habilitación da Ponte Mazaira implicaba un recorte do gasto pero a prestación do servizo, que sería a construción dunha pasarela peonil, pero había acordo a ese respecto. O orzamento desta actuación non superaría os 210.000 €, segundo Antonio Crespo.

Socorro Cea amosouse “preocupada por este silencio, pero confiada en que a Xunta de Galicia non lle volva fallar a Melide con investimentos xa incluídos nos presupostos da anterior Xunta e que agora se ven rescindidos”. Por iso, Socorro Cea volveu solicitar, unha vez máis, unha entrevista persoal co director xeral, Antonio Crespo, para tentar desbloquear esta situación.

PP BOQUEIXON – PROPOSTAS PARROQUIA DE OURAL

O partido popular de Boqueixón está a ultimar as propostas electorais coas Adolfo Gacio tentará repetir o seu mandato á fronte do Concello de Boqueixón.

Unha das novidades da lista deste ano é Antonio González, empresario da parroquia de Oural e que entra na lista no número tres. Precisamente Antonio González xunto co equipo da parroquia de Oural, os actuais concelleiros Adela Redondo e José María Fernandez, veñen de presentarlle ó candidato do PP as propostas que como representantes de Oural recollen para a súa parroquia.

Dentro do documento presentado hai dúas importantes propostas, por unha banda a solicitude da construción dun tanatorio municipal na localidade de Camporrapado, un equipamento moi demandado pola poboación de Boqueixón e se realizaría aproveitando os terreos municipais no entorno da casa da cultura.

A outra proposta do equipo de Oural é a creación dun P.A.I. un Punto de Atención a Infancia no lugar de Camporrapado. Este equipamento educativo ten como función o coidado e o inicio da educación dos rapaces de entre 0 a 3 anos, ampliando así as praza de educación inicial do concello e facilitándolle o acceso a este equipamento ós habitantes da zona sur do Concello.

AMES – CAMPAMENTOS DE VERAN

O Concello de Ames abre o prazo para preinscribirse nas 416 prazas dos campamentos de verán

Chegan un ano máis a Ames unhas das actividades máis esperadas polos rapaces e mozos/as, os campamentos de verán. As concellarías de Medio Ambiente, Mocidade e Educación ofertan nesta ocasión 416 prazas para que os rapaces e rapazas, mozos e mozas que teñen de 3 a 18 anos gocen duns días de campamentos en lugares como as granxas escolas “Fervenzas do Toxa”, “Os Barreiros” e “Kiriko”, no campamento Os Biocos ou no campamento xuvenil de Cantabria. Este ano ofrécense 61 prazas máis respecto á edición anterior debido a gran afluencia que teñen todos os anos estes campamentos. Ademais, este ano haberá grupos de idade máis homoxéneos e menos numerosos, o cal supón un beneficio para os cativos en canto a actividades e posibles destinos. En tódolos campamentos reservarase un 10 % de prazas para casos de emerxencia social.

As concellarías de Medio Ambiente, Mocidade e Educación organizan un ano máis os campamentos de verán, para todos aqueles rapaces que cursan estudios de segundo ciclo de Educación Infantil, Educación Primaria e rapaces e rapazas de 1º a 3º de ESO e de 4º de ESO a 18 anos. Deste xeito, todos os cativos terán a posibilidade de pasar uns días divertidos ao tempo que fan novos amigos e coñecen o respecto polo medio ambiente. E tamén, os país e nais poderán conciliar por uns días a vida familiar coa laboral de forma máis sinxela. Todos aqueles cativos que desexen asistir teñen de prazo de preinscrición dende o 2 ata o 14 de maio.

Para realizar a admisión nos campamentos establécese unha prioridade. En primeiro lugar terán preferencia os nenos/nenas empadroados no Concello de Ames. En segundo lugar están os nenos/as que non estando empadroados están matriculados nun centro educativo de Ames ou os seus pais/nais traballan no termo municipal de Ames. En terceiro lugar figuran os nenos/nenas non empadroados.
Este ano os campamentos de verán están divididos en sete grupos. Así, a diferenza de idade entre os integrantes de cada grupo será menor, o que permitirá que as actividades sexan máis adecuadas para cada un. Os grupos que se estableceron foron: 1º e 2º de Educación Infantil, 3º de Educación Infantil e 1º de Educación Primaria, 2º Educación Primaria, 3º e 4º Educación Primaria, 5º Educación Primaria, 6º Educación Primaria e de 1º a 3º de ESO e de 4º de ESO a 18 anos. Do mesmo xeito, ao haber menos cativos en cada grupo, o abano de destinos ábrese considerablemente.

En todos os campamentos ofreceranse menús adaptados aos nenos/as que teñan algún tipo de intolerancia ou alerxia alimentaria. Estas intolerancias ou alerxias deberán acreditarse mediante un informe pediátrico.
Campamentos ofertados
Así, cun total de 56 prazas dispoñibles, os cativos de 1º e 2º de infantil terán a posibilidade de pasar os días 27 e 28 de xuño na Granxa escola "Fervenza do Toxa". O custo será de 40 euros. Os rapaces de 3º de Educación Infantil e 1º de Educación Primaria tamén acudirán ao campamento da Granxa Escola "Fervenza do Toxa". Neste caso pasarán 3 días, do 28 ao 30 de xuño, nesta granxa escola de Silleda. Este campamento ten un custo de 70 euros e hai un total de 56 prazas dispoñibles para este grupo. Os pequenos amienses poderán realizar diversas actividades na horta, actividades de repostería e participar nas actividades da charca ou do formigueiro.

Para os rapaces e rapazas que cursan segundo de educación primaria ofértanse 64 prazas para o campamento granxa escola dos Barreiros. Trátase dunha das primeiras granxas escola de Galicia, situada na localidade lucense de Sarria, fundada nos anos 40 por Antonio Fernández López. Este campamento realizarase entre o 1 e o 3 de agosto e terá un custo de 70 euros. Aquí os rapaces e rapazas poderán coidar os animais da granxa-escola e participarán en obradoiro de teares e sobre o camiño de Santiago.

Os rapaces de 3º e 4º de Educación Primaria gozarán de 4 días de campamento, do 26 ao 29 de xullo, na granxa escola Kiriko, que se atopa na vila pontevedresa de Fornelos de Montes. Para este campamento ofértanse 100 prazas e o seu custe será de 100 euros por neno/a. Os rapaces e rapazas poderán participar no obradoiro pequenos científicos, así como participarán en actividades de sendeirismo, traballarán con animais e na horta que ten esta granxa-escola e gozarán xogando no rocódromo.

Unha das principais novidades este ano é a inclusión neste programa do campamento “Os Biocos”, situado en Trives. Este campamento ao igual que o da Fervenza da Toxa ofertase en dúas quendas. Primeiro organizase para os alumnos de 6º de Primaria e posteriormente para os rapaces e rapazas de 5º de Primaria. Ofrécense un total de 100 prazas, 50 para cada un dos dous grupos, e terá un custe de 145 euros para ambos grupos. Os rapaces de sexto de Primaria acudirán do 18 ao 23 de xullo e os de quinto farano do 26 ao 31 de xullo. Os rapaces e rapazas que acudan a este campamento poderán coñecer máis polo miúdo o ceo e as estralas xa que nas instalacións dos Biocos hai un observatorio. Ademais participarán en rutas en bicicleta e interpretativas.

Por último, 40 rapaces de 1º a 3º de ESO e de 4º de ESO a 18 anos terán a oportunidade de pasar 10 días no campamento xuvenil de Cantabria. A data elixida será dende o 22 ata o 31 de xullo. O custo desta actividade será de 200 euros. Asemade hai que destacar que en todos os campamentos se reservará un 10 % das prazas para casos de emerxencia social.

O aumento dos días, así como da distancia na que se realizan os campamentos, á vez que os rapaces van crecendo faise coa intención de que os cativos vaian pouco a pouco adaptándose a estas actividades e a que cada ano esperen con gusto a chegada dos campamentos. En todos os campamentos faranse xogos de cooperación e divertidas veladas.

Para facilitarlle o pagamento aos pais/nais permítese o fraccionamento do pago para os campamentos Kiriko, Os Biocos e xuvenil en Cantabria. O primeiro prago (50 % do custe) efectuarase nas datas normais de matrícula (do 6 ao 17 de xuño) e o segundo pago (50% do custe restante) realizarase do 1 ao 9 de xullo.

Actividades nos campamentos
Ademais do persoal e dos monitores de cada centro, elixidos tendo moi en conta a promoción do coidado e do coñecemento do medio ambiente, tamén acompañarán aos cativos responsables do concello, que sexan xa caras familiares para os rapaces, pretendendo que teñan un punto de referencia coñecido nos campamentos.
Os nenos e nenas poderán realizar, entre outras, actividades para o coidado da horta e da granxa, obradoiros, xogos, visitas culturais e festas temáticas. Asemade, no campamento xuvenil de Cantabria, os mozos e mozas poderán realizar saídas e excursións ao parque de Cabárceno ou aos Picos de Europa, actividades ambientais de orientación ou geocaching,e durante o tempo libre irán á praia, á piscina e realizarán diferentes xogos.
Prazo de preinscrición
Todos os rapaces que desexen asistir terán de prazo para preinscribirse dende o 2 ata o 14 de maio, cubrindo unha ficha para todos os campamentos que poderán recoller no Milladoiro e en Bertamiráns. Na Oficina Municipal do Milladoiro, de luns a venres en horario de 09:00 h. a 14:00 horas, para todos os campamentos, excepto o xuvenil, que se poderá recoller os martes e os venres no Punto de Información Xuvenil, que se atopa na Casa da Cultura desta localidade, no mesmo horario.

No caso de Bertamiráns, os impresos para os campamentos de infantil e primaria pódense recoller na concellería de Medio Ambiente de luns a venres, mentres que os dos campamentos xuvenil recolleranse na concellería de Mocidade, só luns, mércores e xoves. En ambos casos en horario de 09:00 h. a 14:00 horas. Tamén poderán descargala na páxina web do concello na sección de AVISOS.

Os impresos entregaranse, na Oficina Municipal do Milladoiro de 09:00 h. a 14:00 horas ou no Rexistro Xeral en Bertamiráns, tamén de 09:00 h. a 14:00 horas. Como o número de prazas é limitado no caso de haber máis solicitudes que prazas, a adxudicación farase por sorteo público no salón de plenos do concello o día 3 de xuño as 10:00 horas. O sorteo seguirá as mesmas premisas de prioridade que se especifican ao comezo destas bases.

Para ampliar calquera outra información dos campamentos de verán pode poñerse en contacto co Concello de Ames a través do teléfono 981 88 30 02 ou dos correos electrónicos auladanatureza@concellodeames.org para os campamentos de Infantil e Primaria e omix@concellodeames.org para o campamento xuvenil.

TEO – EXITO NAS INSCRICIONS PARA A CARREIRA DA BATALLA DE CACHEIRAS

CASE 500 PERSOAS ANOTADAS NA CARREIRA PEDESTRE BATALLA DE CACHEIRAS QUE SE CELEBRA ESTE DOMINGO

• O prazo para anotarse nas diferentes categorías xa rematou durante esta semana

• É un dos actos en lembraza da Batalla de Cacheiras, que organizaba tradicionalmente a Asociación de Veciños Raviña Valdés

· Esta ano a organización está coordinada polo Concello de Teo e a Federación Galega de Atletismo (Delegación de Santiago)

29 de abril de 2011. A carreira pedestre Batalla de Cacheiras Concello de Teo 2011, que se celebra este próximo domingo 1 de maio, contará coa participación de case 500 deportistas nas diferentes categorías da competición. A carreira é unha das actividades en lembranza da Batalla de Cacheiras, que tivo lugar o 23 de abril de 1846.

Este evento deportivo víñao organizando a Asociación de veciños Raviña Valdés de Cacheiras. Sen embargo este ano non contaban coa infraestructura precisa para levalo a cabo, polo que se fixo cargo o Departamento de Deportes municipal e colaboración coa Federación Galega de Atletismo a través da súa delegación en Santiago que se encargarán do control técnico.

A proba desenvolverase entre as 11:00 horas que comezan a competir os “pitufos” os participantes máis cativos/as que correrán só 200 metro. A partir dese momento seguirán saíndo por diferentes idades para correr o percorrido que lle corresponde. O circuíto máis amplo é de 10.500 metros e realizarase con saída e chegada no colexio da Ramallosa, onde estará instalada a secretaría técnica da carreira.

A entrega de premios está prevista para as 13:00 horas e haberá distincións ademáis de para os tres primeiros clasificados de cada categoría, para colectivos que se anotaran como grupo ou para os deportistas de Teo que participen e queden en mellor posición.

A organización informa tamén de que haberá servizo de duchas a disposición dos atletas no polideportivo municipal Ezequiel Mosquera, na Ramallosa.

Máis información nas webs www.concellodeteo.com ou www.correrengalicia.org.

PSOE AMES – CEA MITIN DE PRESENTACION DO CANDIDATO

O PSdeG-PSOE de Ames presenta a súa candidatura para as eleccións municipais cunha cea mitín

O PSdeG-PSOE de Ames presenta publicamente mañá, sábado día 30 de abril, a candidatura para as vindeiras eleccións do 22 de maio cunha cea-mitin no pavillón municipal de Bertamiráns a partir das 21.00 horas.

O acto contará coa participación do Ministro de Xustiza, Francisco Caamaño, e do Secretario Xeral o PSdeG-PSOE, Manuel Pachi Vázquez, ademáis da intervención do alcalde e candidato á reelección, Carlos Fernández, que pechará as intervencións.

A continuación os participantes no mitin compartirán unha cea de confraternidade con militantes e simpatizantes dos socialistas de Ames, estando previsto rematar cun baile amenizado por un grupo musical. O custe do prato é de 20€ e a retirada de tickets pódese facer de 17:00h. a 19:00h. nas sedes electorais de O Milladoiro e Bertamiráns.

Técnicos “de elite” se incorporan á lista para coordinar os asuntos clave do goberno si os socialistas acadan a confianza do electorado

A concelleira responsable de Economía e Facenda e Xuventude pasa do sétimo ao segundo lugar da lista por dúas circunstancias explicadas por Fernández. En primeiro lugar o abandono da vida política activa do histórico concelleiro José Varela, que presta o seu nome para a suplencia, onde os socialistas soen render homenaxe aos seus militantes sobranceiros. Con él irán tamén na lista de honra Francisco Villaverde Marcos e Úrsula Seijas. O segundo motivo que sitúa a Conde nunha futura tenencia de alcaldía é o recoñecemento ao “peso levado neste mandato, onde tivo que facer un enorme esforzo na área económica”, recoñece o alcalde, e porque “fortalece a idea de continuidade”.

Conde será unha das tres mulleres nos primeiros cinco postos dos socialistas.

O número tres é para Sandra Dios, que leva cinco anos na dirección da escola infantil A Madalena de O Milladoiro. É coordinadora de Educación do concello xunto con outra compañeira dende hai ano e medio e sería a responsable deste área nun hipotético goberno municipal.

Lidia Rey está no cuarto posto e representa ao sector do comercio e a promoción económica. Fundadora da Asociación de Comerciantes de Bertamiráns, ACB, é outra cara nova na foto fixa da proposta de Goberno municipal..

No quinto lugar aparece unha novidade vinculada ao deporte,. Alejandro Parada, coordenador da área deportiva do Bertamiráns CF.

No sexto posto atópase José Miñones que recibe un impulso cara arriba na lista socialista. Vinculado co movemento veciñal en Aldea Nova, este profesor universitario ocupouse das áreas de Reforma Administrativa, Calidade na Administración e Sanidade.

Francisco Doval ven para encargarse de Cultura e Patrimonio Histórico. Arqueólogo e Director do Museo do Forno do Forte (Buño) é vicesecretario xeral da Agrupación Local dos socialistas de Ames.

Isabel González é unha persoa moi recoñecida no eido do Benestar Social e Igualdade. Sería a súa terceira presenza na Corporación Local.

Leonardo Pena, vinculado aos servizos sociais a través da coordinación do Servizo de Atención ao Migrante (SAMI), “supón un reforzo importante” nunha área que o goberno de Fernández ven mimando desde a súa orixe. Ocupa o posto dez.

Con anterioridade, no número nove, vai Carmen Fraga, que se incorporara ao goberno local a mediados de lexislatura para ocuparse de Relacións Parroquiais.

A maioría absoluta chegaría coa consecución dos once concelleiros. Neste posto atópase José Pazos, veciño da Ameixenda e representante das parroquias de menor tamaño.

Aínda que causaron sorpresa moitas das incorporacions anunciadas polo candidato socialista á reelección, quizá unha das máis aplaudida foi a incorporación da moza de 20 anos, Isabel Botana Zapata, veciña de Castiñeiro do Lobo e Premio Extraordinario de Esforzo e Superación da ESO da Xunta de Galicia.

A novidade da lista do PSdeG reside no propio xeito da súa confección, procurando reflectir na candidatura a realidade dun concello emerxente como é o de Ames. Carlos Fernández apostou por combinar un certo grao de continuidade con novas incorporacións que contribúen a renovar a ilusión e, deste xeito, consolidar un esqueleto de grupo municipal que garante a continuidade na xestión.

Como criterios de confección da candidatura, sinalou a necesidade de “adaptarse á necesidade sociolóxica específica de Ames”, con dous núcleos urbanos importantes e un unha poboación que maioritariamente traballa fora do concello e que, en moitos casos, só se vincula a el por determinados servizos que lles resultan de utilidade.

MELIDE – 15 GRUPOS DE FOLK NA FOLIADA DE ESTE FIN DE SEMANA

Os cantos de taberna abren unha fin de semana de Foliada en Melide

· 15 grupos de folck percorrerán as tabernas de Melide dende as 12h do sábado na procura da mellor valoración dos taberneiros.

· A gran festa do serán dará comezo ás 20.30h nun grande escenario instalado na praza das Coles, polo que pasarán 18 grupos e o peche de xornada con Quempallou e o Home Orquestra.

Aínda que as previsións meteorolóxicas falen dun empeoramento do tempo para esta fin de semana, os membros da Agrupación O Castelo que organizan o sábado e o domingo a VII Foliada de Melide preveron xa calquera contratempo derivado deste empeoramento coa instalación dun gran escenario cuberto na praza das Coles.

Será nesta praza, cuberta na súa totalidade por unha inmensa carpa, onde teña lugar o tradicional Serán, que este ano contará coa participación de 18 grupos. O serán dará comezo ás 20.30h e será a posta en escena de todos os grupos que durante a fin de semana encherán Melide de música tradicional. Ao remate do serán, na madrugada, o grupo galego Quempallou de longa tradición musical en Galicia poñerá o broche de ouro, xunto coa actuación do “Home orquestra”, ao primeiro día da Foliada de Melide.

Xa dende as 11 da mañá respirarase por toda a zona histórica o ambiente que crea este evento, que este ano chega á súa sétima edición. Será ás 11 cando abran ao público os stands de artesanía e as exposicións que poden visitarse durante toda a fin de semana na praza do Convento. A animación de rúa con xigantes e cabezudos precederá ao inicio dos Cantos de taberna, previsto para as 12 do mediodía. Os 15 grupos que xa se inscribiron para participar neste particular certame percorrerán a zona dos viños de Melide levando a súa música ás principais tabernas e bares da zona histórica.

Neste sábado tamén haberá tempo para a formación, tanto teórica como práctica a través da celebración do Seminario de percusión para o canto tradicional, que se desenvolverá dende as 11h da mañá no Multiusos. Ademais, pola tarde o grupo vasco Arpelik Ez actuará na igrexa de San Antón ás 19 horas.

A Foliada celebrarase o sábado e tamén o domingo. Para esta última xornada está prevista a actuación do grupo Treboeiros na praza do Convento ás 18h e o grupo Espido ás 19h na praza das Coles. Durante todo o domingo permanecerán abertos os stands de artesanía e haberá xogos tradicionais durante a mañá na praza das Ichoas. O baile tradicional de A Maristela de Sobrado ás 13.30h e a actuación teatral de Peter Punk serán as citas da tarde do último día da Foliada.

TEO – XORNADA DE FORMACION SOBRE VIOLENCIA DE XENERO PARA A POLICIA LOCAL

PERSOAL DA POLICÍA LOCAL RECIBE UNHA XORNADA DE FORMACIÓN EN MATERIA DE VIOLENCIA DE XÉNERO

· Persoal do Equipo de muller e menor da Garda Civil trasladáronse ó Concello esta mañá para este taller

· Trátase dunha das iniciativas derivadas da constitución da Xunta Local de Seguridade o pasado mes de marzo

29 de abril de 2011. Esta mañá realizouse no Concello unha xornada de formación sobre a violencia de xénero e o seu tratamento por parte das forzas de seguridade dirixido ó persoal da Policía Local de Teo. Persoal do Equipo de muller e menor da Comandancia da Garda Civil da Coruña desplazáronse á Ramallosa para abordar esta cuestión.

Neste taller, que durou toda a mañá, tamén partiparon persoal do Centro de Información á Muller –CIM- e dos Servizos Sociais Comunitarios, xa que o atallo da problemática da violencia sexista ten que vir a través da coordinación entre os diferentes servizos e corpos de seguridade implicados, ó tratarse dunha problemática transversal.

Esta iniciativa é un dos primeiras actividades despois da creación da Xunta Local de Seguridade o pasado mes de marzo, na que se apostou por tratar o tema da violencia de xénero como prioritario.

O persoal do Equipo de Muller e Menor –EMUME- foi o encargado de explicar cuestións prácticas sobre as órdenes de protección, a realización de dilixencias nos casos de violencia de xénero, os protocolos habituais, ou as características do sistema Viogen, unha plataforma na que está volcada a informacións sobre vítimas e agresores de casos de violencia de xénero de toda España e unha das ferramentas fundamentais para as forzas de seguridade nesta materia.

AMES – APROBACION DO S-15 NO PLENO ORDINARIO DE ABRIL

O Pleno aproba o plan parcial do sector S-15 "Travesía do porto Sur"

A última sesión plenaria ordinaria da lexislatura deixou un importante acordo en materia urbanística e para a ordenación do territorio municipal. O Pleno doulle luz verde ao plan parcial do sector S-15 “Travesía do porto Sur”. O plan parcial deste sector foi aprobado por maioría absoluta, así como a resolución das alegacións presentadas a este plan. Este punto saíu adiante cos votos a favor dos concelleiros/as do grupo de goberno e do grupo municipal nacionalista, mentres que o grupo municipal popular abstívose. Previamente aprobouse unha emenda para deixar encima da mesa o proxecto de colaboración entre Ames e Brión para a prestación conxunta dos servizos de Emerxencias e Protección Civil e Policía Local por parte de ambas administracións locais. A emenda foi aprobada cos votos a favor dos sete concelleiros/as do PP de Ames e dos cinco concelleiros/as do BNG. O grupo municipal socialista votou en contra desta emenda. A sesión plenaria rematou á media noite cando se estaba debatendo a desafectación dunha parcela para a construción dunha nova escola de educación infantil en Bertamiráns.

A aprobación definitivamente do plan parcial do sector S-15 "Travesía do porto Sur” foi o tema que centrou o debate da corporación municipal na última sesión ordinaria desta lexislatura. O Concello de Ames está deseñando un Milladoiro moito máis moderno e humanizado con edificacións de vivendas de corte moi actual e espazos verdes máis amplos. Para iso o Pleno acaba de aprobar por maioría absoluta, cos votos a favor dos concelleiros/as do grupo de goberno e do grupo municipal nacionalista e coa abstención do grupo popular, este plan parcial. Ademais tamén se aprobou a resolución de alegacións que se presentaron a este plan.

O plan parcial do sector S-15 "Travesía do porto Sur" que aprobara definitivamente o pleno do Concello de Ames, en data 3 de marzo de 2007, foi anulado polo Tribunal Superior de Xustiza de Galicia o pasado 29 de outubro de 2009. Consecuentemente produciuse a posterior anulación dos proxectos de compensación e urbanización do sector. Posteriormente, en outubro de 2010, a Xunta de Goberno Local aprobou de xeito inicial o plan parcial para urbanizar o sector S-15 Travesía do Porto Sur. Agora o novo plan adáptase á reforma que se fixo da lei do solo de Galicia.
Transcorrido o trámite de exposición pública da aprobación inicial do novo plan parcial do S-15 "Travesía do Porto Sur" recibiuse unha alegación dunha empresa promotora. Agora o Pleno aprobou a resolución das alegacións presentadas pola devandita empresa. Por outra banda tamén se aprobou definitivamente o plan parcial do sector S-15 "Travesía do porto Sur".

Segundo explicou o alcalde de Ames, Carlos Fernández, o plan que traemos ao Pleno “é un plan parcial que é basicamente calcado do plan parcial anterior con catro matices moi pequenos. O Plan Xeral de Ordenación Municipal establece que a superficie total do ámbito deste sector dispón de 52.004 metros cadrados. Ademais este plan contempla a construción de varios bloques de edificios de corte moderno, máis espazos verdes e dúas parcelas para equipamentos públicos onde se construirá o novo centro de saúde do Milladoiro e un centro dedicado á terceira idade”.

Por parte do grupo municipal popular interveu, Ramón Argibay, que incidiu en que “levamos oito anos perdidos na tramitación deste plan. Podiamos estar situando unha serie de equipamentos neste ámbito de desenvolvemento urbanístico. Por iso si ten moita importancia o atraso no desenvolvemento deste plan parcial”. Ademais, Argibay, manifestou que “non vemos con bos ollos que non estea no expediente toda a documentación necesaria para realizar a tramitación deste plan parcial”. Dende o PP de Ames incidiron en que no expediente non figura o convenio que se subscribiu entre os representantes da Xunta da Compensación e o Concello de Ames.

Sobre este asunto o rexedor municipal explicou que “no momento no que o plan parcial quedou anulado subscribimos un acordo de convenio entre os representantes da Xunta da Compensación e a Administración local. Nese convenio o que se recollía era que ambas as partes se comprometían a ter a maior dilixencia posible na elaboración dos instrumentos de planeamento e na súa tramitación e aprobación. Nese momento foi cando se ditou a sentenza definitiva e a Xunta de Compensación presentou o plan parcial polo que se optou por tramitar o plan parcial presentado e xa non foi necesario o convenio polo que non seu deu tramite administrativo ao devandito convenio”.

O goberno municipal está optando por unha nova fórmula urbanística na que se pensa nas necesidades dos veciños e veciñas de Ames. A gran diferencia que se está adoptando en materia de urbanismo no Milladoiro é que no canto de facer bloques de vivendas pechados estase optando por elementos lineais, de xeito que o espazo público prevaleza sobre as construcións. A antiga fórmula de urbanismo que se empregou para construír no Milladoiro era a de construír grandes bloques, que provocaron un elevado nivel de edificabilidade e un esaxerado volume de construción. Agora daráselle preferencia aos espazos públicos e as zonas verdes para tratar de ofrecer unha alternativa de ocio á veciñanza amiense.

Segundo manifestou o voceiro do grupo municipal nacionalista, Xosé Fernández, o plan parcial do S-15 ten “un pecado orixinal” que é o pecado orixinal do plan xeral de ordenación municipal deste concello, que lle atribúe unha edificabilidade dun 29 ou dun 30 por metro cadrado que a día de hoxe ninguén sustenta. É unha edificabilidade excesiva e iso era o que provocaba que se construísen grandes bloques alongados de 100 por 30 metros e non deixaba apenas espazo para equipamentos públicos. Iso provocaba que non houbese ningunha parcela para equipamento que valese para nada. Ademais as zonas verdes eran retallos repartidas polo plan. Por iso no seu día o BNG decidiu apoiar un novo deseño deste plan. Grazas a esta modificación temos dúas parcelas para equipamentos que se van dedicar á construción do novo centro de saúde do Milladoiro e para un centro para a terceira idade”

52.004 metros cadrados
O Plan Xeral de Ordenación Municipal establece que a superficie total do ámbito deste sector dispón de 52.004 metros cadrados. En canto ao aproveitamento establece que se dispón de 1,29 m2 por cada metro cadrado de terreo e unha edificabilidade máxima de 100 vivendas por hectárea. O rexedor municipal explica que "o que se recolle no plan xeral hai que respectalo pero o que non especifica é o xeito de ordenalo. Polo que non se acepta a ordenación de bloque pechado á hora de construír os novos edificios, queremos que haxa unha zona verde de tránsito entre o vello Milladoiro e o novo Milladoiro, e ademais dispoñemos de espazo para dous equipamentos públicos onde se vai a construír o novo centro de saúde e un centro dedicado á terceira idade".
O plan parcial S-15 contempla a construción de varios bloques de edificios de corte moderno. Deste xeito vanse a construír catro pequenas torres, pero que non superan a altura dos demais bloques de vivendas. Por outra banda vaise executar unha zona de transición entre os diferentes bloques de edificios para non ter que construír muros de separación e disporase dunha zona verde que vai conectar co parque central do Milladoiro. De xeito que a xente que resida neste ámbito poderá transitar polas sendas para chegar a zona verde do parque central do Milladoiro.
Os edificios disporán de baixo, cinco pisos de vivendas e baixo cuberta. Neste sector urbanístico a edificabilidade residencial era moi grande polo que haberá que deixar os baixos e incluso nalgúns casos o primeiro piso para uso comercial ou dotación de equipamentos. Ademais como sobra edificabilidade o plan recolle uns pasos abertos entre os edificios para darlle máis esparexemento aos distintos bloques de vivendas.
Outro dos aspectos que recolle o plan S-15 é unha zona de aparcamento onde se construirán máis de duascentas prazas para poder estacionar os vehículos dos veciños e veciñas que residan nesta zona. O Concello tamén contempla no futuro facer un aparcamento subterráneo nesa zona xa que é o punto central do núcleo urbano do Milladoiro.

Emerxencias, Protección Civil e Policía local

Previamente a corporación municipal aprobou unha emenda para deixar encima da mesa o proxecto de colaboración entre Ames e Brión para a prestación conxunta dos servizos de Emerxencias e Protección Civil e Policía Local por parte de ambas administracións locais. A emenda foi aprobada cos votos a favor dos sete concelleiros/as do PP de Ames e dos cinco concelleiros/as do BNG. O grupo municipal socialista votou en contra desta emenda.

Este asunto só se votou xa que no anterior pleno ordinario, correspondente ao mes de marzo, xa fora debatido por parte da corporación municipal. Nese Pleno o goberno municipal defendeu o convenio de colaboración, mentres que dende os grupos municipais popular e nacionalista defenderon que este acordo "non beneficia o interese dos veciños/as de Ames".

Parcela para a nova gardería de Bertamiráns

A sesión plenaria rematou á media noite cando se estaba debatendo a desafectación dunha parcela para a construción dunha nova escola de educación infantil en Bertamiráns. A pesar de que o asunto non chegou a votarse os tres grupos municipais volveron a mostrar a postura que xa manifestaran no Pleno ordinario de novembro de 2010.

Dende os grupos municipais nacionalista e popular incidiron na necesidade de construír unha nova escola infantil en Bertamiráns, pero non se mostraron de acordo coa parcela proposta polo goberno municipal para realizar este novo equipamento público. Os voceiros dos grupos da oposición volveron a incidir en que existen alternativas para construír esta infraestrutura noutra parcela. Mentres o grupo de goberno defendeu o proxecto proposto porque segundo manifestou o alcalde de Ames, Carlos Fernández, a Consellería de Traballo e Benestar xa ten elaborado o anteproxecto desta obra.

Por encargo de Alcaldía os servizos técnicos de urbanismo municipais revisaron se as propostas feitas polos grupos municipais popular e nacionalista eran factibles. En canto ás parcelas propostas determinaron que o problema é o tempo que é preciso para poder acadar o solo, coma para a execución integral dos servizos urbanos necesarios. Polo tanto, segundo determinan os servizos técnicos de urbanismo non se atopan outras opcións de carácter inmediato para a posta a disposición da Xunta de Galicia dunha parcela para construír unha nova escola infantil no núcleo de Bertamiráns.

AMES – DIA DO LIBRO

Ames conmemora este sábado o Día do Libro

Un ano máis o Concello de Ames conmemorará o Día do Libro cun acto especial que reunirá a literatura e a música e que terá lugar este sábado en Bertamiráns. A partir das 17:00 horas, a Praza do Concello en Bertamiráns acollerá unha feira de exposición e venda de libros, contacontos, presentacións de obras literarias, lecturas e música en vivo. O evento abrirase coa presentación do libro A narrativa galega na fin de século, da escritora Dolores Vilavedra. Ademais haberá un posto dedicado á creación de camisetas literarias con tinta de lura (cada persoa deberá levar a súa propia camiseta) e obradoiros para elaborar un libro de grandes dimensións e marcapáxinas. A partir das 18:00 horas terá lugar a lectura dos traballos gañadores no VII Certame Literario Concello de Ames, así como a presentación do libro que os reúne. Estas lecturas mesturaranse con pezas de música do dúo amiense Pel de Noz.

Contos, poesía, música, obradoiros... actividades creativas e entretidas para todos os públicos serán algunha das actividades que se celebrarán este sábado, 30 de abril, na Praza do Concello de Bertamiráns con motivo da conmemoración do Día do libro. A concellaría de Cultura e Deportes de Ames deseñou unha programación especial para conmemorar este sábado o Día Internacional do Libro. Fuxindo da habitual organización dos actos en espazos pechados, a conmemoración do Día do Libro en Ames será na rúa, ao aire libre, de xeito que poida ter un maior dinamismo e aproveitar a afluencia de público que adoita haber os sábados en Bertamiráns por causa do mercado de rúa. O tempo non será en ningún caso un impedimento para asistir, pois os operarios do Concello instalarán varias carpas onde terá lugar o evento.

A programación para o acto do Día do Libro comezará ás 17:00 horas coa presentación e firma do libro, A narrativa galega na fin de século, por parte da propia autora, Dolores Vilavedra. Calos Lema, director de edicións da Editorial Galaxia, a escritora Inma López Silva e o concelleiro de Cultura, Deportes e Patrimonio Histórico, Francisco Villaverde, acompañarán a Dolores Vilavedra na súa intervención. Simultaneamente, realizaranse dous obradoiros para elaborar o gran libro do día do libro e para elaborar marcapáxinas. Os rapaces poderán aprender distintas técnicas para confeccionar os seus propios marcapáxinas. Ademais entre todos os rapaces e rapazas farán un libro de grandes dimensións. A concellaría de Educación tamén participa neste evento a través da Biblioteca coa realización destes obradoiros e de diversos contacontos que se realizarán a partir das 18:00 horas.

Este día suporá tamén unha boa oportunidade para dar á literatura a importancia que merece nas nosas vidas ofrecéndolle un oco do noso tempo, pois ao mesmo tempo e no mesmo lugar no que se desenvolve este acto, as librerías de Ames exporán os seus libros e poranos á venda cun 10 % de desconto. Así mesmo haberá un posto dedicado á creación de camisetas literarias con tinta de lura (cada persoa deberá levar a súa propia camiseta).
A partir das 18:00 horas terá lugar a lectura dos traballos gañadores no VII Certame Literario Concello de Ames, así como a presentación do libro que os reúne. Os gañadores da modalidade de poesía poderán ler o seu poema ao completo, mentres que na modalidade de narrativa escolleranse os mellores fragmentos para ler ante o público. A música será tamén a protagonista desta parte da celebración. O dúo musical amiense Pel de Noz realizará varias actuacións alternadas entre as lecturas dos diferentes fragmentos literarios.

BOQUEIXON – CERTAMEN DE BANDAS

XVIII CERTAME DE BANDAS DE MUSICA EM PONTELEDESMA

O domingo 1 de maio o Campo do Río ás ribeiras do Río Ulla en Ponteledesma, Boqueixón voltará a acoller unha nova edición do Certame de Bandas de Música.

Este ano 2011 serán un total de 7 bandas as que participarán neste encontro que como e costume xunta as mellores mellores bandas de músicas de Galicia e Norte de Portugal como: a Unión Musical Valladares, ou as bandas de Merza e Ponteledesma, este ano voltarán a estar en cartel importantes agrupacións musicais portuguesas. Así o domingo tocarán en Ledesma as bandas de música dos Bomberiros De Esposende e a Banda Filarmónica de Amares.

Como banda invitada e estrela do cartel este ano estará a Real Banda de Gaitas de Deputación de Ourense, cuxo director José Luis Foxo recibirá a mención de honra do certame..

O Certame comezará ás 10:00 da mañán e ata 20:00 h. a música non parará de soar á veira do río Ulla.

O Certame de Bandas esta organizado pola Asociación de Amigos das Bandas de Músicas de Ponte Ledesma que preside o polifacético Peixeiro de Cirela.

PP ARZUA – UN FALLO XUDICIAL CONFIRMA QUE XAQUIN GARCIA NON SE PODE PRESENTAR COMO CANDIDATO

Un novo fallo xudicial confirma que Xaquín García non poderá presentarse como candidato ás Eleccións do 22 de maio

· Os populares esixen ós máximos dirixentes do BNG que expliquen por qué pretendían “colar ós veciños, pola porta de atrás” un candidato que non pode ser elixido porque está inhabilitado por non cumprir unha sentencia

Arzúa, 28 de abril de 2011. O PP informa que o Xulgado Contencioso Administrativo Nº1 de Santiago confirma que o actual alcalde de Arzúa non poderá presentarse como candidato por estar condenado a unha pena de inhabilitación especial para emprego ou cargo público. O PP destaca que o xulgado rexeitou os dous recursos interpostos polo actual rexedor de Arzúa, Xaquín García e o presentado polo BNG.

Os populares recalcan que, unha vez máis, a Xustiza confirma a decisión da Xunta Electoral que determinou que non poder se-lo candidato nacionalista polo que instan ao BNG a deixar de “buscar xustificacións e escusas ante o feito de que o candidato que pretendían levar en Arzúa, o actual rexedor, está condenado e non pode ser elixido mentres non teña cumprido integramente o seu período de inhabilitación”. Neste senso, os populares remarcan que non é o PP, senón un xuíz quen inhabilita ó actual alcalde de Arzúa.

O PP considera que agora, os máximos dirixentes dos BNG, teñen a obriga de explicar ós veciños de Arzúa por qué pretendían levar un candidato inelixible, condenado por unha sentencia. Neste senso, os populares recalcan que foi o recurso interposto polo PP na Xunta Electoral o que destapou este intento de colar a tódolos cidadáns, pola porta de atrás como candidato ó actual alcalde a pesar de que a nova Lei Electoral recollía expresamente que persoas inhabilitadas, como é este caso, non poden ser candidatos. Para o PP é moi grave este intento do BNG de manter a alcaldía en Arzúa a calquera prezo, incumprindo de forma tan evidente a Lei.

O PP lembra que no artigo 6.2 da LOREX (Lei Orgánica do Réxime Electoral Xeral) figura que todos aqueles condenados por sentencia, anque esta non sexa firme, por delictos contra a Administración Pública, son inelixibles. Os populares recordan que ese é o caso do actual alcalde de Arzúa porque a sentencia non foi cumprida. Os populares recordan que a Xunta Electoral Central xa ten precisado que, salvo que a pena fose integramente cumprida, non cabe que unha persoa que estea incursa en causa de inelixibilidade poida presentarse como candidato. Así, no Acordo da Xunta Electoral Central de 4 de febreiro de 1999 recóllese que: “A persoa á que condena a sentencia podería ser candidato se o día da presentación da candidatura tivera cumprido integramente as penas de prisión e de inhabilitación que lle impón a sentencia”.

PP BRION – LA JUNTA ELECTORAL DESESTIMA UNA QUEJA DEL ALCALDE

LA JUNTA ELECTORAL DESESTIMA LA QUEJA DEL ALCALDE DE BRIÓN CONTRA LA REVISTA DEL PARTIDO POPULAR.

Según Tomé: “queren por tódolos medios que os veciños non se informen”.

La Junta Electoral de la zona de Santiago, acaba de desestimar una reclamación presentada por el PSOE de Brión, encabezada por el Alcalde José Luis García, contra una revista repartida hace unos días por el Partido Popular.

La queja socialista solicitaba a la Junta Electoral, que ordenara a los populares para que de forma inmediata suspendiera la entrega y distribución de la citada revista, incluyendo los ejemplares de centros y locales comerciales de todo Brión.

Se basaban, en que esos ejemplares eran propaganda electoral que incumplían el art. 53 de la Ley de Régimen electoral General y que recogían acusaciones contra el actual equipo de gobierno.

Pero el Partido Popular de inmediato, presentó sus alegaciones diciendo que a través de esa revista, da a conocer sus ideas sobre aquellas cuestiones del municipio que necesitan un cambio y un enfoque nuevo y, manifestando, aquello con lo que no está de acuerdo, informa a los ciudadanos de lo que será su programa, aquello que debe cambiar, por qué y cómo.

Finalmente, la Junta Electoral de Zona acaba de dictar su acuerdo: considera que la distribución de esta revista, en la que además de darse a conocer al candidato del partido, se realizan críticas a la gestión de un alcalde, no está prohibida y sí permitida por la Ley.

Según el candidato popular Carlos Tomé: “ el Alcalde intenta por todos los medios que no informemos a los vecinos de ciertos asuntos, pero los datos y hechos están ahí y son reales por mucho que lo pretenda negar”.

Los populares aseguran que muchas viviendas, incluyendo toda la parroquia de Ons, se han quedado sin la revista del PP, debido a las quejas del Alcalde. Ahora que la Junta Electoral no ha dado la razón, opinan “ García es capaz de quitar algún folleto para criticar nuestra revista con cualquier disculpa”.

MELIDE – PRPARACION AREA RECREATIVADE FURELOS

O Concello ultima a mellora da área recreativa de Furelos para a súa apertura na época de baño

· Estes días remátase a limpeza total do fondo do río, e sementouse unha nova capa de céspede que se agarda estea listo a comezos de xuño.

· O Concello instalou dez tumbonas, novas mesas, pasarelas de madeira, un pantalán de acceso ao cauce do río e eliminou o feísmo provocado por varandas metálicas, papeleiras de plástico, uralitas no aparcadoiro e outros refugallos cun novo aproveitamento do espazo.

Neste verán de 2011 os veciños de Melide e os centos de turistas que se achegan á comarca nesa época disporán dunha área recreativa completamente remodelada. Será grazas ao proxecto que o equipo de goberno está acometendo para transformar non só o espazo de xardín desta área, senón tamén para mellorar integralmente a saúde do río.

Os traballos que se están realizando estes días son xa os últimos dun ambicioso proxecto que contou cun orzamento de 300.000 euros, e que se plasmará nun dos proxectos polos que máis leva apostado o equipo de goberno de Melide. Os equipos da empresa encargada da execución das obras, así como traballadores municipais participaron estes días nos traballos de limpeza do cauce do río. Un traballo, en palabras da alcaldesa, “laborioso pero moi importante para que esta actuación no río Furelos non sexa só un lavado de cara, senón unha mellora dende o corazón do río, mirando tamén pola súa saúde de cara ao futuro”.

Sobre a área recreativa, estes días estase sementando unha nova capa de céspede que se agarda estea lista para os primeiros baños do verán. O Concello de Melide instalou dez tumbonas realizadas en madeira tratada e aceiro inoxidable seguindo un ambicioso e exclusivo deseño, específico para a zona na que se instalan, e cunha alta resistencia ás inclemencias do tempo e a posibles actos vandálicos.

Na zona de solarium, a principal mellora atinxe directamente á eliminación do feísmo a través dun deseño completamente novo para o lugar de ocio. O proxecto do Concello de Melide eliminou as vallas e varandas de aceiro que estaban distribuídas por toda a área recreativa. No seu lugar, realizouse un novo aproveitamento do espazo e instaláronse, onde eran necesarias, varandas de madeira máis respectuosas co contorno.

Este aproveitamento do espazo supuxo tamén a recuperación do “regato de Sandión”, que comunica terreo de Toques con Melide, e que estaba sepultado por unha placa de formigón sobre a que se colocaran hai anos bancos e mesas tamén de cemento. Coa recuperación do cauce natural deste regato, instalouse unha pasarela de madeira que modifica por completo o entorno, ademais de dotar ao espazo de novas mesas con bancos, tamén de madeira tratada, no intento de deseñar unha área con materiais acordes á propia riqueza e beleza natural do entorno. Unha segunda pasarela de madeira instalouse tamén para mellorar o acceso aos baños situados a carón da piscina.

Sobre a área do merendeiro, con proxecto que estes días se está executando en Furelos recuperáronse as mesas de pedra e os bancos, e distribuíronse unhas estrutruras de madeira que rodean ás mesas para dotalas de maior privacidade.

A nivel da vexetación da zona, procurouse optar polas opcións máis naturais e ao mesmo tempo modernas. Así, plantáronse glicinias que substituirán ao brezo do aparcadorio, e co que conseguirá cubrir todo teito das prazas de xeito natural, eliminando o feísmo existente ata o momento. A barreira visual necesaria entre o aparcadorio e a piscina creouse con bambús, mentres que ao longo de todo o aparcadoiro, contra a zona de baño, plantáronse carballos que ofrecen, dentro de poucos anos, unha sombra natural de calidade.

Logo da sementeira da última capa de céspede despois da instalación dos bancos e as tumbonas na zona de solarium, agárdase que nas primeiras semanas de xuño toda a área recreativa estea lista para acoller a primeira campaña de verán tras esta ambiciosa transformación.

PSdeGA PSOE – ESCOLA INFANTIL DE NOIA

O PSdeG-PSOE ESIXE Á XUNTA QUE CONSTRÚA A ESCOLA INFANTIL DE NOIA PARA A QUE RECIBIU FONDOS DO ESTADO EN 2009 E 2010 E O GOBERNO GALEGO EVITA CONCRETAR OS SEUS PLANS

LAGE TUÑAS: ”EN NOIA HAI UNHA GRAN DEMANDA DE PRAZAS PÚBLICAS DE 0 A 3 ANOS, E O GOBERNO GALEGO NON ESCOITA AS DEMANDAS DOS CIDADÁNS”

O deputado socialista preguntou hoxe na comisión 5ª do Parlamento si o goberno galego tiña pensado construir en 2011 a escola infantil prevista dende o 2008

”O goberno practica o escapismo de forma permanente e négase a decirnos si ten pensado construir unha escola infantil en Noia, que é unha demanda de moitas familias e un equipamento social necesario” explicaba José Manuel Lage despois da intervención na comisión 5ª do parlamento.

Recordou tamén que “Noia é dos poucos concellos de Galicia de máis de 15.000 habitantes que non conta cunha escola infantil, e Feijóo en 2 anos non fixo absolutamente nada, máis ben desfixo”

Santiago de Compostela, 28 de abril de 2011. O parlamentario socialista José Manuel Lage presentou hoxe unha pregunta oral na Comisión de Educación na que esixiu á Xunta que constrúa a escola infantil de Noia para a que o Estado transferiu 5,3 millóns de euros en base a un convenio asinado co Goberno galego en 2008. Esta cantidade estaba destinada á construcción de 15 escolas infantís en Galicia, entre as que se atopa a do concello de Noia.

”O goberno practica o escapismo de forma permanente e négase a decirnos si ten pensado construir unha escola infantil en Noia, que é unha demanda de moitas familias e un equipamento social necesario” explicaba José Manuel Lage despois da intervención na comisión 5ª do parlamento.

“Levan dous anos gobernando Galicia e cóñecense máis as accións do goberno de Feijóo polo que desfixeron que polo que crearon. A escola infantil de Noia é un bo exemplo, xa que borraron dun plumazo un equipamento que tiña orzamento e ubicación, así como proxecto constructivo. Desfixeron pero en 2 anos non resolveron o problema” explicou Lage Tuñas.

O parlamentario socialista esixiu á Xunta que cumpra co convenio asinado e publicado no BOE o 18 de marzo de 2009 polo que o Estado facía esta transferencia de fondos para unha escola infantil pública en Noia con 72 prazas e que daría cobertura ao 22 por cento dos 400 rapaces de 0 a 3 anos.

José Manuel Lage lembrou que esta localidade é “un dos poucos concellos galegos de máis de 15.000 habitantes que non conta cunha escola infantil e o Sr.Feijóo en 2 anos non fixo absolutamente nada, máis ben desfixo ”.

O deputado socialista sinalou que Feijóo dispoñía, na súa chegada á Xunta, dun proxecto para a edificación da citada Escola Infantil. Sinalou que foi a chegada de Feijóo e do PP á Xunta o que “botou por terra o proxecto, desentendéndose del e optando polo silencio diante dun equipamento fundamental para a localidade”.

Lage Tuñas dixo que “concello fixo os deberes no seu día poñendo a disposición da Xunta os terreos necesarios para comezar a construción, concretamente no lugar dos Carballidos – Carracido no lugar de A Barquiña.

“Foi a Xunta a que decidiu expropiar os terreos e deixar a Noia sin escola infantil” explicou José Manuel Lage ao mesmo tempo que denunciaba “o silencio vergonzante do PP de Noia, que non abriu a boca neste asunto”.

Pídelle á Xunta unha rectificación

Dixo que “non podemos consentir que se prive aos noieses e noiesas dunha Escola Infantil” e reclamou ao goberno galego “que rectifique a súa postura” para situar esta infraestrutura na súa axenda de prioridades. Sinalou que o feito de que o devandito convenio fora asinado durante a pasada lexislatura baixo un goberno socialista “non permite que a Xunta o incumpra”.

Considera “unha prioridade” a creación de mais prazas escolares públicas no primeiro ciclo de educación infantil, especialmente “tendo en conta que Noia é un Concello cabeceira de comarca e de gran dinamismo económico cunha importante poboación en idade fértil, e segue sendo un concello que absorbe poboación da localidades limítrofes”, o que fai “imprescindibles” equipamentos para a conciliación da vida familiar e laboral.

AMES – PREMIO POLA ELIMINACION DE BARREIRAS

O Concello de Ames recibe o premio Millenium Século XX-XXI pola súa aposta por eliminar barreiras arquitectónicas

O empeño do Concello de Ames en adaptar a realidade arquitectónica dos seus núcleos de poboación ás necesidades das persoas con mobilidade reducida obtivo o recoñecemento por parte da Unidade Provincial de Parapléxicos da Coruña, que lle outorgou a este concello un dos premios Millenium Século XX-XXI polas medidas tomadas neste campo. O alcalde de Ames, Carlos Fernández, recibiu este xoves no hotel AC A Coruña de mans do presidente desta asociación, José María Méndez López, o premio Millenium Século XX-XXI. O goberno municipal está traballando co obxectivo de favorecer a igualdade de oportunidades e a non discriminación de diminuídos físicos, sensoriais e psíquicos á hora de acceder aos bens e servizos do contorno amiense e no que se refire á eliminación de barreiras arquitectónicas. Para iso subscribiuse un convenio entre o Concello e o IMSERSO e a ONCE para elaborar un Plan Integral de Accesibilidade. Actualmente xa se están adxudicadas e realizándose obras para adaptar a Casa da Cultura de Bertamiráns e as instalacións deportivas de Bertamiráns e do Milladoiro ás necesidades deste grupo social.

O alcalde de Ames, Carlos Fernández, foi o encargado de achegarse ata o hotel AC A Coruña na cidade herculina para recibir en representación do goberno municipal e do Concello de Ames un dos premios que a asociación da Unidade Provincial de Parapléxicos da Coruña outorga cada ano a aqueles organismos e administracións que apostan de xeito eficaz e comprometido pola eliminación de todas aquelas barreiras arquitectónicas, que dificultan a vida diaria e a libre circulación das persoas con dificultades de mobilidade por sufriren algún tipo de discapacidade motriz ou sensorial. Así, as obras realizadas polo Concello de Ames neste eido obteñen o recoñecemento desta asociación que ten como obxectivo incitar ás administracións á profundar nas políticas de adaptación dos contornos urbanos ás persoas con mobilidade reducida buscando a súa plena integración na sociedade tamén no que a capacidade de libre movemento polo conxunto dos espazos e instalacións municipais se refire.

O concello de Ames subscribiu un convenio de colaboración co IMSERSO e coa Fundación ONCE cuxa finalidade foi a realización dun Plan Integral de Accesibilidade que elaborou a empresa Fundosa Accesibilidade SA e que tivo un custo de 104.000 euros. A través do convenio asinado coa Fundación ONCE e o IMSERSO, a Administración local recibiu 92.400 euros, xa que logo, só tivo que achegar 11.600 euros. A cantidade restante correu por conta das entidades colaboradoras, 16.800 da ONCE e 75.600 do IMSERSO. Unha vez realizado este Plan Integral e no seu marco, o Concello levou a cabo diversas obras de adaptación de espazos e edificios municipais á normativa vixente que protexe e fomenta os dereitos das persoas con mobilidade reducida.

Adaptación da Casa da Cultura de Bertamiráns

Así, nunha primeira quenda e cun investimento de 97.400 euros, o Concello adxudicou as obras de adaptación da Casa da Cultura de Bertamiráns. O proxecto amosa como punto clave a realización dunha nova praza de aparcamento para minusválidos que se unirá coa rampla. Tamén se farán máis accesibles as escaleiras. Acorde con iso, eliminarase o ángulo recto que forman as escaleiras principais para evitar riscos. Ademais, formularanse os remates e altura das mesmas para que poidan subir por elas, sen problema ningún, persoas con mobilidade reducida incorporando os materiais necesarios como varandas. A reformulación das escaleiras será completada, por exemplo, na porta que dá acceso á cafetería e cambiarase o sentido de apertura para unha maior facilidade á hora de acceder desde fóra.

Xa no interior, estanse modificando os aseos da planta baixa colocando habitáculos adaptados para estas persoas, con espazo suficiente para entrar cunha cadeira de rodas e elementos de protección (como as varandas colocadas aos lados dos mobiliario do servizo para que poidan facer uso del con seguridade sen sufrir caídas), que dotan dunha maior seguridade aos seus usuarios fronte a posibles accidentes. Tamén se vai modificar a accesibilidade, no que a atención ao público se refire, reformando os mostradores da entrada e da cafetería, que tiñan unha altura excesiva. Ademais, modificarase a sinalización do ascensor adaptándoa ás persoas cegas, incorporándolle elementos de sinalización en braille e instaláronse barras rugosas nas escaleiras para evitar tropezóns.

Adaptación dos espazos deportivos

Nunha segunda quenda, adxudicáronse as obras de adaptación dos espazos deportivos de Bertamiráns e do Milladoiro, que teñen un custe de 61.700 euros. No Milladoiro, na piscina municipal instalarase unha cadeira deseñada para persoas con mobilidade reducida que lles permita acceder ao vaso da piscina. Ao mesmo tempo habilitarase un novo vestiario e un aseo adaptado ás necesidades deste grupo social.
En Bertamiráns, realizaranse as mesmas obras na piscina e melloraranse os accesos á mesma. Con respecto ao pavillón deportivo, construirase un aseo adaptado. As melloras chegarán tamén ao campo de fútbol municipal, no que se creará un espazo cuberto reservado para persoas con mobilidade reducida e construirase unha ampla rampla de acceso ao mesmo. O orzamento destas obras ascende a uns 61.714 euros.

Os gastos destas obras corren a cargo da Deputación Provincial da Coruña no marco do seu programa de fomento das políticas de accesibilidade co que o Concello de Ames se comprometeu dende un primeiro momento, apostando por estas políticas como elemento fundamental á hora de fomentar a igualdade entre os cidadáns con mobilidade reducida e o resto da poboación, facendo que este colectivo poida desenvolver a súa vida diaria sen atoparse constantemente coa presenza de barreiras arquitectónicas que compliquen o seu día a día.

PP MELIDE – DEBEDA DO CONCELLO

O PP informa de que os datos da Conta Xeral do 2010 arroxan que o Concello ten un débeda de preto de 4 millóns de euros

· Ánxeles Vázquez afirma que ó longo do 2010 por parte de intervención se realizaron 78 informes de reparo

· O PP considera inadmisible que a carga financeira por habitante se multiplicara por catro

Melide, 28 de abril de 2010. A voceira popular do Partido Popular de Melide, Ánxeles Vázquez, informa de que os datos que se desprenden da Conta Xeral de 2010, que serán debatidos o vindeiro seis de maio na comisión especial de contas, fixan unha débeda de 3.890.295,39 euros. Para os populares, Cea non debe escudarse máis en mentiras e en intentar terxiversar a verdadeira realidade económica do concello e ínstaa a que dea explicacións públicas de inmediato. Neste senso, Vázquez informa de que, tras comproba-los informes de Intervención, o concello ten sen recoñecer, con data 31 de decembro de 2010, 1.398.091, 31 euros, ós que hai que engadir 2.492.204,08 euros en préstamos bancarios.

A voceira do PP afirma que dos indicadores dados pola intervención municipal despréndese que para salva-la débeda actual cada habitante de Melide tería que aportar preto de 500 euros, e é que tal e como lamenta Vázquez é inadmisible que a carga financeira por habitante se multiplicara por catro. Os populares subliñan importancia de reorganiza-la economía así como da parte administrativa ó non ser posible que se acumulen nun mesmo período de ata 78 informes de reparo por parte do departamento de intervención.

OROSO – O CONCELLO APOSTA POR CONVERTIR O CENTRO DE SAUDE EN PUNTO DE ATENCIÓN

MIRÁS APOSTA POR CONVERTIR O CENTRO DE SAÚDE DE SIGÜEIRO NUN PUNTO DE ATENCIÓN CONTINUADA (PAC)

O alcalde visitou o inmoble, a petición da Dirección de Obra, para analizar as conexións de auga, alcantarillado e electricidade, así como aspectos da xardinería exterior

28 de abril de 2011.- O alcalde de Oroso, Manuel Mirás, visitou as instalacións do novo centro de saúde de Sigüeiro, a petición da Dirección de Obra da empresa OHL, para traballar conxuntamente na última fase dos traballos, que inclúen a realización das conexións desta instalación coas redes de abastecemento de auga, electricidade e alcantarillado, así como o acondicionamento da xardinería exterior. Mirás Franqueira sinala que “as obras están moi avanzadas e só faltan as conexións de electricidade, auga e alcantarillado, para as que lles imos dar de inmediato a autorización correspondente, así como a realización de tarefas de limpeza e a instalación dos aparellos médicos e do mobiliario”.

Unha vez que o novo centro de saúde xa é unha realidade que comezará a dar servizo aos veciños en pouco tempo, o alcalde orosán asegura que “o noso obxectivo é que se transforme nun Punto de Atención Continuada, onde poidamos ter servizo de urxencias e atención as 24 horas para dar servizo non só a todos os veciños de Oroso, senón tamén de concellos limítrofes”.

Deste xeito, o PAC de Oroso estaría atendido por novos profesionais médicos e por parte do equipo actual do centro de saúde de Sigüeiro. Isto significaría dispoñer de máis médicos, máis servizos e dun horario máis amplo, pois o horario destes centros é de 15:00 a 8:00 horas (os días laborables) e de 8:00 a 8:00 horas (nas fins de semana e festivos). Este horario, sumado ao do centro de saúde, permitiría unha atención as 24 horas do día.

Manuel Mirás afirma que “ata que consigamos o obxectivo de que o centro de saúde de Oroso se transforme en PAC, queremos que estas novas instalacións teñan cantos máis usuarios mellor, pois así poderemos ter máis médicos, máis servizos e conseguiremos ter un centro de saúde que funcione polas tardes, sábados e domingos incluídos”.

Características do centro

O novo centro de saúde de Sigüeiro dará atención médica, tanto de medicina xeral como de pediatría, a máis de 12.000 cartillas. Un centro de saúde de 1.500 metros cadrados, orzamentado en 1.542.960 euros e cuxas obras están sendo acometidas por OHL. O centro conta con planta baixa e alta. Na parte alta, duns 300 m2, ubcanse o despacho do director do centro, a sala de persoal e a sala de xuntas.

Na parte baixa hai unha recepción, oito consultas de medicina xeral, dúas consultas de pediatría, unha sala de extraccións, unha consulta multifunción e unha sala para a traballadora social. Así mesmo, cada unha das consultas disporá do correspondente despacho de enfermería e de sala de espera individual. O centro de saúde de Sigüeiro está ubicado nunha parcela de 3.185 metros cadrados, en concreto na parcela número 7 do plan de adxudicación dos terreos resultantes do Proxecto de Compensación do Área de Reparto número 1, Río Carboeiro, destinada xa no PXOM a equipamento sanitario.

Na actualidade, o centro de saúde de Oroso atende a 7.309 usuarios e usuarias. Cada médico de familia ten unha media de 1.540 tarxetas asignadas, os pediatras atenden unha media de 573 usuarios cada un e a ratio de enfermería é de 2.436 pacientes.

AMES – FAIXAS DE PROTECCIÓN DE INCENDIOS

Os propietarios de parcelas en núcleos de especial protección deberán cumprir coas obrigas da lei de incendios

Os propietarios e propietarias de parcelas incluídas nas faixas de especial protección, nos núcleos de poboación, deberán cumprir coa obriga de realizar a xestión do combustible vexetal (tala e roza). Como en anos anteriores, o Concello de Ames lémbralle a todos os veciños e veciñas que dispoñan dunha parcela, que estea situada nunha faixa de especial protección, que deberán realizar os devanditos traballos de tala e roza.

Achégase o verán, coas altas temperaturas e a existencia de combustible vexetal, o perigo de incendio nos montes incrementa. O Concello de Ames volve a lembrar as obrigas legais dos propietarios/as de parcelas forestais situadas nun lugar próximo a vivendas ou outras edificacións e instalacións.

A lei 3/2007 de prevención de incendios indica que as persoas arrendatarias, usufrutuarias ou titulares de terreos están obrigados a xestionar a biomasa vexetal nunha franxa de 100 metros arredor de calquera núcleo poboacional, edificación, urbanización, depósito de lixo, cámpings, instalacións recreativas, obras, parques e instalacións industriais. Ademais deberán rozar e talar as especies arbóreas de alta combustibilidade, como piñeiros, eucaliptos e acacias, nos 50 metros desde o extremo da propiedade. Os 50 metros restantes deberán estar limpos de matogueira.
Para cumprir coas obrigas de limpeza das parcelas, os propietarios deben asumir eles mesmos os traballos. No caso de incumprimento das obrigas sinaladas anteriormente, segundo o artigo 22 da Lei 3/2007, de procedemento para a xestión da biomasa no ámbito das redes secundarias, o Concello de Ames procederá á execución forzosa dos traballos.

Medidas para as urbanizacións

Así mesmo, dende o Concello de Ames lémbralle aos presidentes/as e membros das comunidades de veciños das urbanizacións municipais, as medidas de prevención de incendios forestais nas urbanizacións, recollidas no artigo 23 da lei 3/2007 de Prevención e Defensa contra os Incendios Forestais de Galicia.

As urbanizacións, edificacións, e instalacións resultantes da execución de plans de ordenación urbanística situadas nas zonas de influencia forestal que non teñan continuidade inmediata coa trama urbana terán que asegurar a existencia dunha faixa de protección de 50 metros de ancho ao seu redor; manter o terreo non edificado da parcela ou parcelas e o viario de titularidade privada libres de vexetación seca e coa masa arbórea aclarada; adoptar medidas especiais relativas á resistencia do edificio, á pasaxe do lume e á contención de posibles fontes de ignición procedente de incendios forestais; dispoñer dunha rede de hidrantes homologados para a extinción de incendios; e presentar ante a administración municipal un plan de prevención e defensa contra incendios forestais.

Cando os responsables establecidos na alínea anterior non sexan os titulares da totalidade da faixa exterior de protección, establécese unha servidume forzosa para acceder á faixa establecida. Este acceso farase durante o tempo estritamente necesario para o labor da xestión da biomasa, e polo punto menos prexudicial ou incómodo para os terreos gravados e, de ser compatible, polo máis conveniente para o beneficiario, non podendo afectar en ningún caso a construcións ou infraestruturas que se sitúen neles.

AMES – CONCILIACION DA VIDA LABORAL E FAMILIAR

Ames, un exemplo na conciliación da vida familiar e laboral

A Organización para a Cooperación e o Desenvolvemento Económico (OCDE) acaba de publicar un estudio no se indica que os pais/nais de España teñen dificultades para conciliar a vida laboral e familiar. Nunha situación totalmente contraposta atópase o Concello de Ames xa que dispón dunha ampla oferta de servizos complementarios que permiten a conciliación familiar e laboral dos pais e nais amienses. Ames é un claro exemplo de progreso neste senso. Durante os últimos catro anos produciuse un forte incremento no número de solicitantes e usuarios/as dos servizos complementarios, unha aposta do goberno local por ofertar diversos servizos destinados a axudar ás familias a conciliar a vida laboral e familiar. Estes servizos complementarios son pioneiros en toda Galicia e inclúen os programas Bos días cole, Tardes divertidas, a Rede Municipal de Comedores Escolares, os lúdicos e a Escola de verán. Actualmente estes servizos contan con 2.359 usuarios/as.

A Organización para a Cooperación e o Desenvolvemento Económico (OCDE) vén de facer publico un estudio sobre a situación na que se atopa España no que se refire aos programas de conciliación laboral e familiar. Este traballo indica que os pais/nais de España teñen dificultades para conciliar a vida laboral e familiar. A situación é tal que as traballadoras españolas seguen sen incorporarse plenamente ao mercado laboral en niveis moi inferiores aos do seu contorno e teñen menos fillos que a media das mulleres europeas. Para a OCDE hai que investir máis diñeiro estatal e o mercado debe adaptarse, xa que faltan garderías fóra do horario escolar.

Aínda que a situación xeral en España é deficitaria en canto aos servizos de conciliación laboral e familiar que se ofertan dende as distintas administración, existen excepcións e un claro exemplo diso é o Concello de Ames. Nunha situación totalmente contraposta atópase o Concello de Ames xa que dispón dunha ampla oferta de servizos complementarios que permiten a conciliación familiar e laboral dos pais e nais amienses.

O alcalde de Ames, Carlos Fernández, explicou que “Ames é unha illa completamente axea a este informe que acaba de emitir a OCDE. Tanto é así que nos últimos catro anos incrementou de xeito considerable o número de usuarios/as que participan nos servizos complementarios que oferta o Concello de Ames. A pesar do recorte presupostario Ames segue apostando pola gasto social e en materia de educación”.

O goberno municipal iniciou no ano 2003, coincidindo co cambio de goberno, un conxunto de servizos destinados a facilitar a conciliación laboral dos pais e nais de Ames que teñen aos seus fillos escolarizados nos centros de ensino amienses, mediante un conxunto de programas como a Rede Municipal de Comedores, Bos días cole ou Tardes divertidas nos que, ademais de manter aos nenos activos mentres os pais/nais traballan, estes reciben educación de carácter cívico e alimentario, favorecendo entre os cativos e cativas unha boa dieta saudable e valores de convivencia e respecto cara os seus compañeiros. Nos últimos catro anos o número de usuarios non fixo máis que aumentar, o que indica ben as claras que estes servizos teñen moi boa acollida entre os cidadáns e as cidadás de Ames. Os servizos complementarios que ofrece o Concello de Ames pasaron a ser imprescindibles para a veciñanza amiese.
O goberno local aposta polo gasto social e iso vese reflectido no mantemento destes servizos que resultan indispensables para todos os veciños/as de Ames. Dende a Administración local cren necesario investir en gasto social e en materia de educación. O concello de Ames dispón dunha poboación eminentemente xoven o que provoca que se teñan que dedicar un gran número de recursos a este grupo social. O mantemento de todos este servizos supón un enorme esforzo económico e un gran gasto para as arcas municipais, pero dende o executivo local cren que é preciso apostar pola educación dos rapaces e rapazas que residen en Ames. Durante o presente exercicio dedicarase unha partida de 1.022.492 euros para sufragar os servizos complementarios.

Rede Municipal de Comedores Escolares
Os comedores escolares foron pioneiros á hora de ofrecer un servizo de xestión alimentaria directa que comeza e completa o ciclo, desde a elección do menú e a compra ata a cociña e a mesa sen pasar en ningún momento por mans alleas. Así, a Rede Municipal de Comedores Escolares contaba no curso 2007-2008 con 641 usuarios, mentres que neste curso 2010-2011 fan uso deles 971 nenos e nenas, o que supón un incremento de 330 usuarios, ou o que é o mesmo un incremento aproximado dun 51,5%. O incremento entre o curso pasado e este é de 149 usuarios.
Pola súa banda, os programas de Bos días cole e Tardes divertidas, cuxa finalidade é conciliar a vida laboral e familiar, ofrecen a posibilidade de que os pais/nais poidan deixar aos rapaces na escola antes do inicio das horas lectivas, para que poidan ir traballar e chegar ao seu posto de traballo á hora, ou deixalos pola tarde nas escolas mentres os pais/nais traballan. Estes servizos tamén incrementaron o número de usuarios nestes últimos catro anos.
Bos días cole incrementou entre o curso 2007-2008 e o presente curso 2010-2011 o seu número de usuarios en 175 nenos/as, o que supón unha subida dun 270%, xa que en 2007 contaba con 65 rapaces e rapazas e a día de hoxe presta servizo a 240 rapaces e rapazas. Con respecto ao curso pasado, o incremento foi de 18 usuarios, consolidándose deste xeito a tendencia a alza dos pais e nais que usan este servizo.
O incremento de usuarios do programa Tardes divertidas con respecto a ano 2007 foi de 70 rapaces e rapazas, un 175%, xa que hai catro anos eran 40 os seus usuarios e hoxe son 110. Con respecto ao ano pasado, sumáronse 36 novos usuarios, dándose así tamén un proceso de alza no número de interesados neste programa ano a ano.
Así, os programas Bos días cole, Tardes divertidas e a rede Municipal de Comedores Municipais dan servizo ao CEIP A Maía, ao CEIP Agro do Muíño, á Escola de Educación Infantil do Milladoiro e ao CEP de Ventín.
Tempadas lúdicas e Escola de Verán
Outros programas inseridos nestes servizos complementarios dependentes da Concellería de Educación son os lúdicos (primavera, xuño, setembro e Nadal lúdico) e a Escola de verán. No xuño lúdico, o incremento de beneficiados con respecto a ano 2007 foi de 27 nenos/as, o que supón unha subida dun 10%, mentres que con respecto ao ano pasado foi de preto de 40 novos usuarios, aumentando cada curso dende 2008 o número de beneficiados. No Nadal lúdico de 2007 foron 201 os rapaces e rapazas que se apuntaron a este programa, mentres que en 2010 foron 211, polo que o incremento con respecto a hai catro anos foi de 10 rapaces e rapazas, producíndose un incremento do 5%. Entre 2009 e 2010 o Nadal lúdico gañou 35 novos usuarios/as.
A Primavera lúdica e o Setembro lúdico conseguiron estabilizar o número de usuarios por riba dos 130 e os 200 usuarios/as respectivamente, de tal xeito que no programa da Primavera lúdica deste ano son 135 os nenos e nenas que se beneficiaron deste servizo e 204 os que o fixeron do setembro lúdico de 2010.
A Escola de Verán vai gañando alumnos/as ano a ano consolidándose a tendencia alcista, de tal xeito que se en 2007 foron 153 os rapaces e rapazas apuntadas, en 2010 houbo 200 usuarios/as, producíndose un incremento do 30,7%, uns 47 alumnos e alumnas máis, mentres que se comparamos os datos de 2010 cos de 2009 o incremento é de 40 persoas.
Así, queda sobradamente demostrado que os servizos complementarios desenvolvidos polo goberno municipal dispoñen da absoluta confianza dos pais e nais dos nenos/as que residen en Ames, converténdose nun servizo moi estendido na educación dos rapaces e rapazas do concello que, ademais de permitirlles aos pais/nais conciliar a vida laboral e a familiar, permítelles aos cativos e cativas contar cunhas horas fóra do horario escolar no que reciben unha boa atención e educación en valores e nunha dieta saudable.

PSOE O PINO – PRIMERAS DECLARACIONES DA CANDIDATA

Begoña Pampin mostrase moi contenta por ser a primeira muller candidata a alcaldesa no concello de O Pino

 

“Estou moi contenta de que os meus compañeiros me elixiran candidata. Primeiro, porque é a primeira vez que en O Pino se presenta unha muller como cabeza de cartel e, segundo, porque representoa un gran equipo, mestura de compañeiros que xa estaban con outras incorporacións de xente nova.

Despois doutros catro anos baixo o mandato do grupo popular con Manuel Taboada á fronte observamos que todo segue igual e incluso peor, pois o inmobilismo e a compracencia invadiron a Casa do Concello. Proba palpable disto é o feito de que só se publicara unha edición da revista que dende o Goberno Local crearan para enxalzar os méritos propios e que en teoría sairía cada tres meses.

No ano 2007, Taboada sacou un manifesto en prensa onde lanzaba doce compromisos electorais. Pois ben, o resultado é revelador: cumpriu dous, outros dous están incompletos e eludiu oito promesas. Das que non cumpriudestacan dúas:a consecucióndo pleno emprego en O Pino e o remate da construción do Polígono Industrial. A este último respecto asáltanos unha dúbida a maiores: seMartinsa-Fadesa non pode executar as obrasdebido ás dificultades económico-financeiras que atravesa, por que non se lle rescinde o contrato e se buscan alternativas?

Por outra banda, unha mostra do atraso que sofre o noso Concello atopa un dos seus maiores exemplos no feito de que aínda non exista rede de internet en dez das trece parroquias.

Un dos compromisos que levou a bo termo foi o da construción do Polideportivo. Iso si: grazasao plan do Goberno Central. Porén, non está rematado aínda.Esa é a única razón que atopamos ao feito de que non estea aberto ao público.Como estas, poderíamosenunciarmáis diferenzas nos servizos mínimos con respecto a concellos limítrofes.

Para o meu grupo, o noso marabilloso Concello ofrece un feixe de posibilidades -non podemos esquecernos de que o Pino está na entrada de Santiago- e, sen embargo, a nosa poboación vai diminuíndo de forma vertixinosa cada ano. Para atallar esta problemáticas, dende a Agrupación Socialista comprometémonoscun programa realista e queremos que a xente participe. Todas as veciñas e veciños deben confiar en que se pode sacar adiante sen ningún tipo de dúbida. En síntese:

- Rendibilizar os ingresos correntes facendo un axuste orzamentario referido principalmente ás dedicacións exclusivas -actualmente catro-,coche oficial, persoal en exceso,etc.

- Desenvolvemento dos servizos básicos, centro de día para os nosos maiores, biblioteca para os nenos, envorcarnos coa educación colaborando estreitamente coCPI Camiño de Santiago, etc.

- Acceso as novas tecnoloxías. O obxectivo é que todos os veciños de O Pino teñan internet no seu fogar. Somos o primeiro grupo do Concello con presenza nas redes sociais (Facebook e Twitter).

- Promoción económica e do emprego, con iniciativas reais e eficaces que nos permitan aproveitar o gran potencial de O Pino.

Cremos necesaria a colaboración cos concellos limítrofes, impulsando o turismo e aproveitando o potencial que ofrece o Camiño de Santiago, dada a proximidade do noso Concello con Santiago de Compostela.

Aproveito estas liñas para agradecera todas as veciñas e veciños de O Pino a súa confianza.Elaboramos un programa con moitas e importantes innovacións e nos comprometemos a levalo a cabo. Seao cabo de catro anos non cumprimos, está nas vosas mans despedirnos.

Grazas e un agarimoso saúdo para todos.”

 

OROSO – NOMEAMENTO DO PRIMEIRO FILLO PREDILECTO DA VILA

JOSÉ BREA DONO, FUNDADOR DO GRUPO BREA E AUTOS BREA, RECIBIRÁ O TÍTULO DE PRIMEIRO FILLO

PREDILECTO DE OROSO ESTE SÁBADO 30 DE ABRIL

Os veciños e veciñas que desexen participar no xantar de honra deberán dirixirse ao Concello de Oroso

27 de abril de 2011.- O Concello de Oroso está a ultimar os preparativos do acto no que nomeará ao seu primeiro fillo predilecto, unha honra que recae en José Brea Dono, fundador do Grupo Brea e de Autos Brea. O acto de nomeamento terá lugar terá lugar este sábado 30 de abril no centro cultural Fernando Casas e Novoa de Sigüeiro e estará aberto a todos os veciños e veciñas do municipio.

Así, José Brea Dono será recibido ás 13:00 horas no centro cultural de Sigüeiro polo alcalde de Oroso, Manuel Mirás Franqueira, á fronte da corporación municipal orosá. Un acto ao que acudirá acompañado por familiares e traballadores da compañía, e ao que está prevista a asistencia de distintas autoridades. Tras os preceptivos discursos, Manuel Mirás faralle entrega da distinción a José Brea Dono.

Posteriormente, a iso das 14:305 horas, a comitiva oficial desprazarase ata o centro deportivo Juanito Amigo Ferreiro de Sigüeiro, onde terá lugar un xantar na honra de Joaquín González. Un xantar no que os veciños e veciñas de Oroso poderán participar previa retirada da entrada durante os vindeiros días no Concello de Oroso.

Primeiro fillo predilecto

José Brea Dono converterase no primeiro fillo predilecto de Oroso, despois de que o Concello orosán se dotase o pasado ano dun regulamento de distinción polo que nomeou tamén fillo adoptivo a Joaquín González Iglesias, director xeral do grupo Vegalsa-Eroski. O seu nomeamento foi aprobado polo pleno municipal de 30 de setembro de 2010 cos votos a favor de PSOE, BNG e PP, e coa abstención da concelleira de Terra Galega (o Partido Galeguista non asistiu á sesión).

José Brea Dono, nacido en Oroso no ano 1928, é o fundador de Autos Brea e do Grupo Brea, que na actualidade dan traballo a un total de 212 persoas. Brea Dono é o segundo fillo dunha familia numerosa de 10 irmáns nacidos do matrimonio formado por Manuel Brea Vázquez e Manuel Dono Rey. Está casado con Celsa Hervés Parada, coa que tivo dous fillos e tres fillas. José Brea comezou a traballar no mundo da automoción aos 18 anos no taller mecánico Sánchez y Seoane (Santiago). Despois de traballar en Talleres Caeiro, abriu o seu primeiro negocio no 1961: un pequeno taller mecánico especialista nas marcas Seat e Renault en Santiago de Compostela.

No ano 1963, xunto ao seu irmán Luis (xa falecido), creou unha empresa de aluguer de automóbiles sen condutor: Autos Brea, un negocio pioneiro en Galicia e que despois se expansionou a Vigo, A Coruña, Ourense, Lugo e Ferrol. En 1975 abriu un novo taller de reparación de mecánica, chapa e pintura denominado Talleres Brea.

No 1979 nace o que hoxe é coñecido como Grupo Brea, coa apertura dunha nave no polígono do Tambre (Santiago) e como axente de vendas de Seat. Posteriormente, pasaron a ser concesionario de vehículos Seat, momento no que asumiron o nome de Brea Hervés. En 1986 convertéronse en concesionarios de Seat, Volkswagen e Audi. Despois chegarían Brea Móvil (1999), Brea Automoción (2002) e unha importante expansión por Galicia. Na actualidade, dá emprego a un total de 212 persoas: 52 en Autos Brea e 160 no Grupo Brea.

BNG ORDES – LEGALIDADE DOS DEBATES ELECTORAIS

O BNG DEMOSTRA QUE OS DEBATES ELECTORAIS NA RADIO DURANTE A CAMPAÑA ELECTORAL SON LEGAIS

Os nacionalistas agardan que unha vez resolta esta dúbida, o alcalde acepte celebrar os debates

Ramiro Recouso Liste, responsábel local do BNG de Ordes afirmou que “ao contrario do manifestado polo alcalde no Pleno celebrado este martes, a realización de debates na Radio Municipal é totalmente legal e está amparada tanto pola lei electoral como polas instruccións da xunta electoral”

O nacionalista esgrimiu que a Instrucción 4/2011, da Xunta Electoral Central, de 24 de marzo de 2011, regula a realización de debates polos medios públicos, posibilidade contemplada na lexislación electoral.

En concreto, Ramiro Recouso afirmou que a Instrucción da XEC contempla a posibilidade de que “os medios públicos incluan debates, entrevistas e programas específicos de naturaleza electoral durante a campaña”.

Ramiro Recouso afirmou que “unha vez resolta esta dúbida legal, que era a única razón que alegou o alcalde para rexeitar a realización dos debates, agardamos que o alcalde acepte a proposta do BNG para a organización de dous debates durante a campaña electoral, xa que consideramos que os veciños e veciñas de Ordes teñen dereito a estar informados, e que mellor para conseguir este obxectivo que confrontar os diferentes proxectos políticos nun debate público”.

O responsábel local do BNG afirmou que “o BNG propón que estes dous debates sexan abertos e públicos, permitindo o acceso dos veciños e veciñas de Ordes aos mesmos”.

Finalmente, Recouso anunciou que o candidato do BNG á alcaldía ordense, Gonzalo Castro, “participará en todos os debates que se organicen, para explicar aos veciños e veciñas de Ordes o proxecto de goberno que ten o BNG para o noso concello”.

Sen outro particular, reciban un cordial saúdo.

TEO – REUNION SOBRE CURSOS DE FORMACION OCUPACIONAL

CONCELLO E CONSORCIO CELEBRAN UNHA REUNIÓN INFORMATIVA DE CARA A CREAR UN GRUPO DE TRABALLO PARA FACILITAR A CAPACITACIÓN PARA O ACCESO A CURSOS DE FORMACIÓN OCUPACIONAL

· Mañá ás 10:30 horas realízase esta reunión informativa sobre o tema no Concello de Teo

27 de abril de 2011. Os Servizos Sociais Comunitarios do Concello de Teo e a Oficina de Igualdade e Benestar do Consorcio Galego, situada en Ames, organizan unha reunión informativa sobre competencias clave. A xuntanza farase mañá no salón de plenos do Concello de Teo, na Ramallosa, ás 10:30 horas.

Con esta iniciativa preténdese crear un grupo de traballo para dar formación sobre capacitación en competencias clave. Actualmente para acceder á formación ocupacional ofertada pola Xunta hai que contar cunha titulación básica segundo os niveles de formación. As persoas que non conten neste momento co nivel de ESO poden realizar os exames en competencias clave, convocados pola Xunta de Galicia, para conquerir esa acreditación.

A actividade proponse dende o Equipo galego de inclusión social, xestionado pola oficina de I+B. A nivel municipal os servizos sociais comunitarios e a oficina de orientación laboral convocaron a persoas que cumplen co perfil obxectivo deste grupo de traballo. No caso de que se forme o grupo realizaríanse reunións semanais de seguimento no propio Concello de cara a preparar a convocatoria de exames oficiais.

Trátase de acadar unha capacitación básica e breve, que posibilite o acceso á formación ocupacional dos certificados de profesionalidade. No momento actual, cuns datos de paro moi elevados, cobra máis importancia esta capacitación. E este grupo de traballo é un paso previo para realizar os exames oficiais en competencias clave de cara a cumprir cos requisitos para o acceso á formación ocupacional.

As persoas interesadas neste tema poden porse en contacto cos Servizos Sociais municipais no 981 815 700 ou coa Oficina de Igualdade e Benestar do Consorcio Galego no teléfono 981 884 600.

AMES – TEATRO EN BERTAMIRANS

A compañía Malasombra representa este venres “Go on” en Bertamiráns

A obra de teatro “Go on!”, unha divertida comedia sobre a chegada do home a Galicia no ano 2010, será representada pola compañía Malasombra este venres, ás 21:00 horas, na Casa da Cultura de Bertamiráns. A peza teatral, da autoría de Xosé Luís Prieto, conta coa dirección de Marcos Orsi e as actuacións de Xoque Carbajal e Jouse García. Durante 70 minutos os espectadores asistirán a unha viaxe chea de humor por Galicia na que se vivirán momentos de tensión como a loita contra o can de palleiro e haberá grandes descubrimentos como a resposta á pregunta por excelencia na nosa terra: que din os rumorosos?

O teatro máis divertido volve a Ames esta semana da man da compañía Malasombra. Baixo a dirección de Marcos Orsi, os actores Jouse García e Xoque Carbajal representarán o día 29 de abril, ás 21:00 horas, na Casa da Cultura de Bertamiráns a obra “Go on!”, unha epopea cómica de Xosé Luís Prieto sobre o gran paso da humanidade tras a chegada do ser humano á Lúa: a chegada do ser humano a Galicia. “Go on” narra a viaxe, no ano 2010 (ou ano 25 despois de Gayoso), de dous intrépidos exploradores que chegan á nosa terra a través da ruta xacobea.

Deste xeito, ao longo de 70 minutos, a obra amosa de xeito cómico e entrañábel algunhas das características de Galicia, incluíndo figuras como o clásico can de palleiro ou mitos do país como a Santa Compaña, sobre a que se formula un gran interrogante: cada canto tempo cambian as sabas? "Go on!" é un completo folleto turístico que servirá para que outros ousados viaxeiros saiban como conseguir alimento nas festas gastronómicas ou como viaxar nun tren galego a velocidade negativa cheo de galegos cantando cancións populares, ademais de como ser porco e sobrevivir no San Martiño.

Os protagonistas da aventura vivirán peripecias inesquecibles, como a entrevista a un porco no corredor da morte polo San Martiño. Tamén aprenderán que facer logo de sufrir o terrible ataque dun toxo e descubrirán a resposta á pregunta que desde hai xeracións se converteu no gran enigma da nosa terra: que din os rumorosos?

Con “Go on!” os espectadores poderán achegarse deste xeito a Galicia dunha forma divertida, paródica en moitos casos e chea de bo humor. Un ollar sobre a nosa terra da man de dous ousados exploradores que deixan o equipo de “Al filo de lo imposible” como simples aficionados.

AMES – APERURA DAS PLICAS PARA A CONSTRUCCION DA TRAVESIA DO PORTO

Abertas as plicas presentadas para executar o proxecto de urbanización da Travesía do Porto

O proxecto da Travesía do Porto vai dando pasos de xeito paseniño. Esta semana abríronse as plicas presentadas polas 53 empresas con cadansúa oferta para executar o proxecto de urbanización da Travesía do Porto. Das 53 ofertas presentadas, 52 foron admitidas e unha foi excluída por non acreditar que a empresa está en posesión da clasificación esixida para executar esta obra. O proceso de licitación realizouse mediante procedemento aberto e tendo en conta como único criterio de valoración o prezo máis baixo ofertado. Deste xeito consideráronse rexeitadas oito propostas nas que o prezo ofertado foi inferior ao 75% do orzamento de execución por contrata que ascende a 2.402.883,23 euros. Trala apertura de plicas, e tendo en conta que o único criterio de valoración no neste procedemento de contratación é o factor económico, produciuse un empate técnico entre 31 empresas que presentaron a mesma oferta económica que ascende á contía de 1.802.162,42 euros. En vista do empate producido, estas empresas terán que achegar, no prazo de cinco días hábiles contados a partir do día seguinte á recepción da correspondente notificación, a documentación que lle require o Concello.

Esta semana a mesa de contratación reuniuse co obxectivo de abrir as plicas presentadas polas 53 empresas con cadansúa oferta para executar o proxecto de urbanización da Travesía do Porto. Despois de revisar as 53 ofertas presentadas, 52 foron admitidas e unha oferta quedou excluída por non acreditar que a empresa está en posesión da clasificación esixida para executar esta obra.

A tramitación do proceso de licitación realízase de xeito ordinario e premiando a oferta económica máis baixa. Para evitar que se presenten ofertas económicas temerarias considerouse rexeitada calquera proposta na que o prezo ofertado sexa inferior ao 75% do orzamento de execución por contrata. O orzamento base de licitación é de 2.036.341,72 euros, máis 366.541,51 euros de IVE. O importe total ascende a 2.402.883,23 euros.

Tendo en conta o orzamento de execución por contrata desta obra os membros da mesa de contratación calcularon o importe corresponde ao 75% deste importe resultando ser de 1.802.162,42 euros. As oito propostas presentadas que ofertaban un prezo inferior a esta contía tamén foron excluídas.

Trala apertura de plicas, e tendo en conta que o único criterio de valoración no neste procedemento de contratación é o factor económico, produciuse un empate técnico entre 31 empresas que presentaron a mesma oferta económica que ascende á contía de 1.802.162,42 euros.

En vista do empate producido entre as empresas e de acordo co procedemento establecido pola propia mesa de contratación na súa reunión mantida o día 4 de abril acordouse publicar no perfil do contratante un anuncio indicativo e requirir vía fax ás 31 empresas empatadas na proposición económica máis vantaxosa para o Concello para que, no prazo de cinco días hábiles contados a partir do día seguinte á recepción do correspondente fax, acheguen a documentación requirida.

Esta documentación será o certificado de vida laboral da empresa, correspondente aos últimos doce meses anteriores ao último día de finalización do prazo de presentación de ofertas (que foi o 23 de marzo de 2011), que comprenda todos os centros laborais da empresa e inclúa todos os códigos de conta de cotización, aos efectos do cómputo da plantilla dos traballadores de acordo co previsto na disposición adicional primeira do real Decreto 364/20058, de 8 de abril, polo que se regula o cumprimento alternativo e con carácter excepcional da cota reservada dos traballadores con discapacidade. No caso de unións temporais de empresas, pedirase o informe de vida laboral das empresas integrantes daquela unión.

A través deste proxecto executarase un dos proxecto máis demandados pola veciñanza do Milladoiro. Segundo se estipula no anuncio de licitación as obras terán un prazo de seis meses de duración aínda que iso dependerá de como se vaian desenvolvendo os traballos de urbanización e de diferentes circunstancias externas á Administración local.

Urbanización da Travesía do Porto
A Travesía do Porto está situada nun enclave estratéxico dentro da zona norte do Milladoiro, xa que ao seu arredor foron construíndose urbanizacións residencias. Iso provocou que este viario sexa un lugar que conta cun importante tránsito, tanto de vehículos como de peóns. Por iso é importante dotala de amplas beirarrúas e espazos verdes que permitan aos peóns circular por este lugar sen preocuparse polo tránsito rodado.
Coa execución deste proxecto de urbanización preténdese humanizar unha das principais zonas residencias do Milladoiro e que está situada no medio dun ámbito onde está previsto unha futura expansión cara ao norte desta localidade. Este proxecto complementará as dotacións deportivas, recreativas e socioculturais xa existentes e que son de titularidade municipal. A urbanización deste viario vén determinada pola necesidade de ordenar as futuras implantacións residencias previstas no desenvolvemento dos ámbitos de solo urbanizable que existen nesa zona.
A urbanización deste viario esténdese nun tramo de 640 metros, que discorre dende a Avenida do Muíño Vello, ata o cruce coa rúa Madalena e a rúa Nova. O proxecto concíbese como un paseo urbano con importantes espazos de uso peonil. A travesía terá unha calzada central de 7 metros, con dous carrís de circulación e aparcadoiros laterais de 2,5 metros. Unha das beirarrúas será de catro metros, e a outra de oito, cun carril bici de 2 metros de ancho, e un espazo peonil de 5,75 metros. Tamén disporá de varias ringleiras de árbores na zona de aparcadoiro e nas beirarrúas.
Cómpre salientar que as prazas de aparcadoiro estarán separadas dos carrís de circulación e serán diferenciados mediante a colocación dun material distinto ao empregado na calzada. Deste xeito empregarase o formigón para intentar minimizar a presenza do material asfáltico no trazado da rúa. Por outra banda, o carril bici estará separado do resto da beirarrúa pola sucesión de alcorques e arboredo, e da zona de aparcamento mediante un seto, protexéndoo deste xeito dos vehículos.
Respecto do axardinamento contémplase a colocación de dúas ringleiras de árbores, unha en cada zona de aparcamento, ordenando así a disposición dos vehículos. Ao mesmo tempo está proxectado a implantación dunha segunda ringleira de árbores na beirarrúa de oito metros de amplitude e que contribúa a configuración do paseo urbano.
Financiamento da obra
O presuposto de execución por contrata da obra da travesía do Porto ascende ao importe de 2.402.883 euros. Este proxecto será sufragado polo Concello, na parte proporcional de solo que lle corresponde, así como polo resto dos propietarios dos ámbitos deste sector que terán que achegar as correspondes derramas en concepto de gastos de urbanización. Os propietarios de terreo en catro ámbitos deste sector achegarán un total de 1.849.213 euros o que representa o 76,5% do financiamento deste proxecto.
En canto ao Concello, é propietario dun 23,44% do solo o que significa que debe achegar 553.670 euros. Para poder sufragar este proxecto o pasado 16 de abril de 2010 asinouse un convenio de colaboración coa Deputación Provincial da Coruña que aportará 400.000 euros para a urbanización da Travesía do Porto. Polo tanto, o Concello só terá que chegar a diferencia que é de 153.670 euros.