Brión – recorte pola xunta de 16000 € nos servicios sociais

XOSÉ LUÍS GARCÍA DENUNCIA QUE O PLAN CONCERTADO DA XUNTA RECURTA MÁIS DE 16.000 EUROS EN AXUDAS AOS SERVIZOS SOCIAIS DE BRIÓN

A subvención de 2011 non cubre nin a metade dos gastos dos casos de dependencia recoñecidos e obrigou ao Concello de Brión a aportar máis de 18.000 euros, cando non é da súa competencia

Xosé Luís García advirte de que con esta política da Xunta só as persoas dependentes van ter acceso ao servizo de Axuda no Fogar

28 de outubro de 2011. O alcalde de Brión, Xosé Luís García, denuncia a importante reducción das partidas incluidas no exercicio 2011 do Plan Concertado, unhas subvencións que cada ano elabora a Consellería de Traballo e Servizos Sociais para o mantemento dos servizos sociais. Uns recortes que, no caso do Concello de Brión, ascenden a un total de 16.225,49 euros, un 13,57% menos que o recibido en 2010.

Pero o máis grave da situación é que os 54.217,25 euros concedidos pola Xunta para financiar o Programa de Axuda no Fogar para Persoas Dependentes supoñen 141.099 euros menos dos precisos para o correcto mantemento deste servizo de competencia estatal e autonómica. Isto significa que a subvención contemplada no Plan Concertado da Xunta só cubre o 49,4% das necesidades, é dicir, que non permite atender nin a metade dos 25 casos de dependentes recoñecidos no municipio brionés.

Aportacións municipais a pesar de non ter competencia

Xosé Luís García considera que “estes recortes son unha barbaridade. Non se poden escudar na crise, pois este contexto de crise económica aféctanos a todos. A Xunta non pode recurtar axudas a programas sociais da súa responsabilidade e despois pretender que sexa o Concello de Brión quen poña os cartos”. O caso máis evidente é o Programa de Axuda no Fogar para Persoas Dependentes, un servizo público que a Consellería de Traballo e Servizos Sociais ofrece aos beneficiarios a través dos concellos, que van procedendo ás altas segundo a súa dispoñibilidade orzamentaria.

Esa dispoñibilidade dos Concellos vén dada polo financiamento a través do Plan Concertado e do cobramento do copago (regulado dende a Xunta) e non das arcas municipais, xa que os dereitos emanados da condición de persoa dependente son dereitos subxectivos recoñecidos por Lei e ésta di que son competencia estatal e autonómica, en ningún caso municipal. Porén, en 2010 as aportacións da Xunta de Galicia a este programa descenderon un 4,2%, mentres que o Concello, que por Lei non está obrigado a financiar o programa, tivo que aportar 10.751 euros para o mantemento do servizo (un 10,6% máis que en 2009).

Unha situación que puxo en alerta aos Servizos Sociais do Concello de Brión que, en vista do déficit que presentaba o programa xa no exercicio 2010, non deron máis altas a partires do momento da comunicación da subvención (xullo de 2010). A pesares desta previsión, e despois de 17 meses sen dar altas no programa, o Concello de Brión tivo que aportar máis de 18.000 euros, a pesar de non ser da súa competencia.

Pero, o que é máis grave, se o Concello de Brión non tivese feito esta previsión e tivera dado de alta no programa aos 25 dependentes recoñecidos no municipio, a escasa aportación realizada pola Xunta a través do Plan Concertado 2011 (54.217 euros) tería deixado unha débeda de máis de 39.000 euros ás arcas municipais do Concello de Brión.

Isto é así porque na práctica o servizo é prestado por unha empresa concesionaria e son os Concellos quen adiantan mensualmente as cantidades ata a recepción da correspondente subvención por parte da Xunta. Así, os cartos xa foron adiantados polo Concello, que ao final non os recupera polos recortes aplicados pola Consellería de Traballo e Servizos Sociais. De feito, coa subvención concedida no Plan Concertado 2011, o Concello de Brión terá que aportar outros 7.300 euros este ano.

Axuda no fogar municipal

Ademais das graves carencias no Programa de Axuda no Fogar para Persoas Dependentes, a situación é aínda máis grave no caso do Programa de Axuda no Fogar Municipal ou de “libre concorrencia” (que agrupa a persoas non dependentes). A pesar de tratarse dun programa de “financiamento prioritario” por parte do Plan Concertado, as aportacións autonómicas levan anos estancadas, a pesares de que se incrementa o gasto municipal.

Así, as aportacións autonómicas diminuiron nun 76,24% en 2011 ata chegar aos 3.996,12 euros. Unha cantidade que non subvenciona máis que unha quinta parte da cantidade solicitada polos Servizos Sociais de Brión, fixada en algo máis de 16.000 euros. Ademais, a Xunta regulamentou este servizo, impedindo así que os Concellos poidan valorar as necesidades de ingresos por copagamento en función das necesidades orzamentarias do programa.

A isto hai que engadir que, como dende a Xunta se considera que estas persoas pasan co tempo a ser valoradas como dependentes, ao final o que fan é incrementar o número de veciños no Programa de Axuda no Fogar para Persoas Dependentes, xa que non poden continuar no sistema municipal. Isto suporá un dobre problema para estas persoas: por unha banda, o sistema non é capaz de asimilar novas altas e, por outra, a adicación horaria sería moi superior á que viñan disfrutando.

Todo isto suporá un incremento do gasto e que só as persoas dependentes terán acceso ao Servizo de Axuda no Fogar, o que contravén os principios mesmos dos Servizos Sociais e todo o recollido na normativa ao respecto (Lei 13/2008 de Servizos Sociais de Galicia; Decreto 240/1995 polo que se regulan os servizos sociais de atención primaria e Orde do 22 de xaneiro de 2009 pola que se regula o servizo de axuda no fogar). Isto exemplifícase en que a Xunta deixará de aportar axudas a persoas maiores que non teñen a condición de dependentes pero que precisaban dalgún tipo de apoio no fogar (como prepararse o xantar ou facer algún tipo de tarea doméstica que, polas súas doenzas, non pode facer por si só).

Desaparición de axudas a programas

Finalmente, as aportacións da Xunta a través do Plan Concertado desaparecen en capítulos como “mantemento” (partida destinada á formación do persoal adscrito aos Servizos Sociais) e “programas”, nos que se incluía o cofinanciamento de actividades como: Plan de Mellora dos Servizos Sociais, Axudas de Emerxencia e Escolarización, Actividades Extraescolares, Xantar a domicilio, Actividades para a Terceira Idade, Actividades de Conciliación, Aulas de Apoio e Cooperación Social.

Diante desta situación, Xosé Luís García xa solicitou a convocatoria urxente e extraordinaria do máximo órgano entre asembleas que substitúa ao Consello Federal da FEGAMP e/ou, en todo caso, da Comisión Executiva da FEGAMP para que se tome un acordo sobre os recortes implementados polo Goberno autonómico no Plan Concertado.

BNG A Estrada – xuntas parroquiais

As xuntas parroquiais non representan aos partidos, representan aos veciños e veciñas
Os pedáneos si representan a un alcalde e a un partido político, neste caso o Partido Popular, e iso é algo que todo o mundo ten moi claro

A Estrada, 28 de outubro de 2011: O alcalde da Estrada, o popular José López Campos, fixo onte unhas declaracións ao medios onde poñía en cuestión as xuntas parroquiais, o Consello Económico e Social, e mesmo o Regulamento de Participación Cidadá, aprobado no pasado mandato a proposta do BNG.
A este respecto o portavoz municipal do BNG, Xosé Magariños declarou que “as xuntas parroquiais non se crearon máis que para representar aos veciños e veciñas do rural estradense, e para que tiveran voz en todas aquelas cousas que lles afectan no día a día”, e engadiu, “que é falso que as xuntas parroquiais representen a un partido determinado, representan aos veciños”, reiterou o concelleiro nacionalista.
“Pola contra,” explicou o portavoz do BNG, “os pedáneos si representan a un alcalde e a un partido político, neste caso o Partido Popular, e iso é algo que todo o mundo ten moi claro”.
Por outra parte,  engadiu que “o nomeamento de alcaldes de barrio será moi legal, pero é sintomático da interpretación que o alcalde ten da democracia, que para el só significa ir a votar cada catro anos, no canto de escoitar as demandas e opinións dos veciños durante o tempo que dura o mandato, non só a través das Xuntas Parroquiais senón tamén do Consello Económico e Social”.
O alcalde nas súas declaracións tamén puxo en cuestión a permanencia do regulamento de de participación cidadá, aprobado polo BNG no último mandato, a este respecto Xosé Magariños explicou que “como Feijóo no seu día, López sacou a maquinaria de demolición para tirar abaixo todo aquelo que teñan algo que ver co BNG, e foron medidas positivas para o conxunto dos veciños e veciñas da Estrada.” “Hai uns días,” engadiu o portavoz do BNG, “o Partido Popular eliminaba as bonificacións do IBI, co que pagaremos un 60% máis no recibo da contribución, e agora pon o seu punto de mira no Regulamento de Participación Cidadá.”
“Está no seu dereito lexítimo de facelo”, rematou dicindo o portavoz do BNG, “ten a maioría absoluta grazas aos votos dos estradenses, pero así como llos deron, tamén llos poden quitar, e de momento non fixo nada para recibir semellante premio.”

Ames – aprobadas os novos prezos dos comedores

O Pleno aproba a modificación da ordenanza fiscal reguladora da taxa dos comedores escolares, Bos días Cole e Tardes divertidas

Ames, 28 de outubro de 2011. O pleno de onte debateu a suba das taxas dos comedores escolares a partir do curso 2012/2013. Cos votos dos 11 concelleiros/as do grupo de goberno, que ten maioría, aprobouse a modificación da Ordenanza fiscal reguladora da taxa pola prestación de servizos complementarios educativos e de conciliación da vida familiar e laboral. Os concelleiros/as dos grupos municipais socialista e nacionalista votaron en contra. Por primeira vez no Concello de Ames implántase o concepto de progresividade, que implica a introdución da renda no cobro deste servizo mediante a utilización do IPREM (Indicador Público de Renda de Efectos Múltiples). Deste xeito haberá catro tramos que terán como referencia a renda das familias e que irán do 50% ao 100% , do 100% ao 150%, do 150% ao 200% e un último tramo de máis do 200% tendo como referencia a renda familiar.

O primeiro tramo establece un pago de 80 euros ao mes e vai dirixido ás familias que estean entre o 50% e o 100% do IPREM; no segundo tramo aboaranse 90 euros, e é para as familias que estean entre o 100% e o 150%, no terceiro aboaranse 100 euros e nel están as familias que estean entre o 150 e o 200%, e o cuarto é para aquelas que superen o 200% do IPREM e terán que pagar unha taxa de 110 euros. Deste xeito pagarán 110 euros aquelas familias que gañen 55.000 euros anuais ou que os superen, e estímase que a maioría das familias paguen 80 ou 90 euros, segundo explicou o concelleiro de Servizos, Ramón García Argibay. Ademais moitas familias poderán beneficiarse de bonificacións fiscais que reducirán a contía a pagar e nalgún caso incluso cubrirán por completo o pago do servizo.

Argibay explicou tamén que “a modificación da taxa garante a viabilidade da rede de comedores escolares” e amosouse contundente á hora de asegurar que esta suba non supón o desmantelamento do servizo, tal e como di o grupo socialista. Argibay acusou de practicar “demagoxia e oportunismo político” aos grupos da oposición e explicou que non lle gustou tomar esta decisión, pero que a situación económica das arcas municipais e a práctica totalidade dos informes técnicos ven na suba e actualización de taxas a única saída para garantir a calidade dun servizo exemplar como é o dos comedores. Ante esta explicación, Carlos Fernández dubidou da imparcialidade de algúns técnicos.

Os grupos da oposición, PSOE e BNG votaron en contra desta proposta. Ambos grupos pedían que a proposta non se levara a pleno e que se dialogara principalmente coas ANPAS e con eles para debater posibles solucións e chegar a un consenso antes de implantar medidas coma a da suba de taxas. A portavoz nacionalista, Pilar Candocia, definiu a rede de comedores escolares e os programas de conciliación como “aulas nas que se aprende a comer e de tempo libre”, e insistiu en que a suba para unha familia de mileuristas é excesiva. Os argumentos do grupo socialista para explicar a súa oposición a esta media son coincidentes cos dos nacionalistas. A concelleira socialista, Patricia Conde, asegurou que a suba das taxas supón “o principio do final dos comedores escolares”.

Ramón G. Argibay acusou ao BNG de falsidade polos cálculos económicos realizados á hora de valorar a suba dos comedores e lembrou que o goberno socialista tivo que empregar 600.000 euros do Plan E para aliviar o déficit do servizo.

Membros das ANPAS dos centros de ensino de Ames e veciños e veciñas do termo municipal achegáronse á Casa Consistorial para seguir o transcurso do pleno, interesados principalmente no debate da suba de taxas aos Bos días Cole, Tardes divertidas e dos comedores escolares.

Aprobación doutras ordenanzas municipais

A modificación das ordenanzas fiscais reguladoras de impostos, taxas e prezos públicos centrou boa parte da atención da corporación municipal na sesión plenaria celebrada este xoves. O grupo de goberno propuxo modificar e actualizar determinadas ordenanzas fiscais e reguladoras de impostos, taxas e prezos públicos de cara a súa entrada en vigor no vindeiro exercicio 2012.

A corporación municipal abordou en primeira instancia a ordenanza reguladora das axudas de emerxencia social municipal do Concello de Ames. Esta nova ordenanza regulará as situacións de emerxencia social en Ames e vai establecer uns criterios cuantitativos e cualitativos axustados ás características do noso concello para determinar as axudas de emerxencia social no concello de Ames. Ata o de agora estas axudas establecíanse en función dos parámetros marcados pola Xunta de Galicia. Deste xeito vanse favorecer os casos de emerxencia social que existen en Ames. Dende o goberno municipal e dende a oposición agradeceron o traballo dos/as técnicos do departamento de servizos sociais para elaborar esta ordenanza.

A continuación fíxose un grupo de 14 ordenanzas que se abordaron de xeito conxunto. Este grupo de ordenanzas foron aprobadas. Nalgunhas delas os grupos da oposición abstivéronse ou votaron en contra. O alcalde de Ames, Santiago Amor, destacou que de cara ao vindeiro ano conxélanse os impostos e actualízanse todos aqueles prezos e taxas de servizos que están subscritos por contrato con outra entidade. Como aspecto máis destacado o rexedor municipal explicou que non se sobe a contribución urbana e que para ser beneficiario fiscal do IBI débese estar ao corrente das débedas co Concello. No imposto de vehículos, que tampouco se sobe, establecéronse varias correccións técnicas. No imposto de construcións estableceuse unha anulación do sistema de autoliquidación e a vólvese ao sistema de liquidación provisional, previa comprobación do departamento técnico do custo de execución da obra.

Conxélanse os impostos, agás os que están subscritos a contrato

A aprobación destas ordenanzas provoca que non se suba ningún imposto para o vindeiro ano, nin o do IBI máis coñecido como a contribución, nin o de plusvalía, construcións, vehículos, nin o imposto de actividades económicas. Ademais actualízanse segundo o IPC interanual aqueles servizos que están subscritos por contrato, que é obrigatorio xa que así o establece a lei, como pode ser o prezo público pola utilización do complexo da piscina cuberta municipal de A Telleira ou a taxa polo servizo de saneamento e depuración de augas residuais.

Ademais créanse novas ordenanzas. A primeira é unha nova tarifa para legalizar todos aqueles inmobles que están fóra de ordenación, é dicir para todas aqueles persoas que no seu día non solicitaron a correspondente licencia para poder executar ou construír un inmoble. Tamén se crea unha ordenanza fiscal reguladora da taxa pola utilización privativa ou o aproveitamento especial do dominio público local polas empresas explotadoras de servizos de telefonía móbil e unha taxa por actos publicitarios e pola colocación de carteis publicitarios no termo municipal de Ames. Estas novas ordenanzas súmase a de axudas de emerxencia social que comezarán a funcionar de cara ao vindeiro ano.

Por outra banda, hai que salientar que as ordenanzas fiscais reguladoras da taxa pola prestación do servizo de axuda no fogar e pola utilización do complexo da piscina cuberta municipal de A Telleira foron aprobadas por unanimidade. Unha das ordenanzas na que non houbo unanimidade na súa aprobación foi a que regula o prezo público polos servizos culturais e deportivos. Tal e como xa explicou o goberno municipal, e se aprobou en Xunta de Goberno Local no pasado mes de agosto, os usuarios/as das escolas deportivas pasarán a pagar 4 euros ao mes por este servizo. Grazas a esta medida baixará o déficit do servizo a uns 100.000 euros anuais como máximo. Esta ordenanza foi aprobada cos votos a favor dos 11 concelleiros do grupo de goberno. O grupo municipal socialista abstívose, mentres que o grupo municipal nacionalista votou en contra.

Outras das ordenanzas que non contou con unanimidade foi a reguladora do prezo público pola utilización das instalacións deportivas e culturais de propiedade municipal. Esta ordenanza implica a introdución dunha tarifa pola utilización das piscinas municipais descubertas durante a época estival. Segundo manifestou o concelleiro de Deportes, Tempo Libre e Voluntariado, Manuel Ferreiro, “Ames é o único concello da comarca que non cobraba por este servizo. Agora a pesar de establecer esta nova tarifa vamos a sacar un abono familiar para favorecer as familias”. Esta tarifa aplicarase nas piscinas municipais descubertas de Bertamiráns e do Milladoiro. Os nenos/as de menos de 5 anos non terán que pagar esta tarifa. Esta ordenanza saíu adiante cos votos a favor dos 11 concelleiros de grupo de goberno, mentres que os concelleiros/as dos grupos municipais socialista e nacionalista votaron en contra. Por último, aprobouse por unanimidade a ordenanza reguladora do prezo público pola prestación dos servizos da Escola Municipal de Música do Concello de Ames.

Moción sobre a Escola Municipal de Música de Ames

O grupo municipal nacionalista presentou unha moción para tratar o tema da Escola Municipal de Musica de Ames. A concelleira nacionalista, Susana Mayo, solicitoulle ao goberno municipal que se lle pague as cotas establecidas no convenio subscrito co IES de Ames para que se poidan seguir desenvolvendo as actividades da EMMA neste centro de ensino. Dende o grupo socialista tamén lle solicitaron ao goberno municipal que se busque unha solución axeitada para que se poidan seguir impartindo as actividades da Escola Municipal de Música de Ames sen prexudicar os intereses dos alumnos/as que están inscritos neste servizo.

O portavoz do grupo de goberno, Ramón García Argibay, explicou que como non se pode garantir que as clases da EMMA se poidan desenvolver nas instalacións do IES de Ames, porque non se poden garantir os pagamentos, buscouse outra alternativa. O voceiro popular dixo que como nos últimos anos se estaba buscando un local para establecer unha sede para a Escola Municipal de Música de Ames pensouse en establecer este servizo nas aulas do Centro de Formación e Servizos Múltiples do Concello situado na urbanización de Aldea Nova. Segundo García Argibay todos os técnicos municipais recomendaron estas aulas como un lugar axeitado para impartir as clases da EMMA. Por último o portavoz do grupo de goberno explicou que as obras para adaptar as aulas co fin de que se poidan impartir as actividades da Escola de Música nestas aulas tiveron un custo de 4.500 euros. As obras de insonorización remataron esta semana. Argibay tamén lembrou que as aulas do IES non están acondicionadas para albergar este tipo de servizo.

Santiago - 25 aniversario cineuropa

Cineuropa celebra o seu potenciado 25º aniversario

28/10/2011 O 9 de novembro Cineuropa levanta o telón da que vai ser a súa vixésimo quinta edición. Entre ese día e o 2 de decembro, o festival que organiza o Concello de Santiago, a través da Concellería de Cultura, e dirixe José Luis Losa ten preparada unha das programacións máis ambiciosas da súa historia, tanto polo esforzo no nivel do cine seleccionado –no que figura o máis sobresaínte dos certames internacionais celebrados ao longo do ano-, como por algunhas actividades especiais que acompañarán ás proxeccións para celebrar as vodas de prata do festival compostelán que atrae a atención dos cinéfilos de toda Galicia.

Na nómina de autores cuxas obras se poderán ver desde o 9 de novembro no Teatro Principal, un ano máis sede de Cineuropa que tamén se estenderá ao Salón Teatro, CGAC e sede da Fundación NovaCaixaGalicia, figuran os dos autores que acapararon premios e que foron foco de atención neste 2011: directores como Bela Tarr, con "O cabalo de Turín" (Oso de Prata en Berlín), Aki Kaurismaki, con "Le Havre" (Premio da Crítica en Cannes), Aleksandr Sokurov, con "Fausto" (León de Ouro en Venecia), Ken Loach, con "Route Irish"; Bertrand Bonello, con "L’Apollonide" ou Bruno Dumont e a súa controvertida "Hors Satan", serán só algúns dos que figuran nun amplo programa que, ademais estreará en España de xeito exclusivo o máis recente filme dirixido por Robert Redford, "The Conspirator".
Esta edición proxectará tamén algúns dos títulos estrela tanto do público como da crítica, entre eles, a comedia francesa "The Artist", triunfadora en Cannes, e a británica "Attack the block", considerada a mellor película de cine fantástico da temporada. O próximo venres, 4 de novembro, será presentado na súa integridade o programa do festival, así como os nomes dos galardoados este ano co Premio Cineuropa e as "sorpresas" que a organización ten preparadas para la celebración destes 25 anos do certame, convertido en referencia en Galicia tanto polo número de espectadores como pola relevancia internacional dos autores que presentan as súas películas nas diferentes seccións do festival.

Psoe Ordes – solicitude de pleno extraordinario

XESÚS PEDREIRA SOLICITA A CONVOCATORIA DUN PLENO EXTRAORDINARIO DIANTE DO RECURTE DAS AXUDAS DO PLAN CONCERTADO PARA ORDES

O edil socialista considera que “os recortes aplicados pola Xunta supoñen un ataque frontal ás políticas sociais municipais e a imposibilidade absoluta dos concellos para afrontar estes servizos”

28 de outubro de 2011.- O concelleiro socialista Xesús Pedreira vén de solicitar a convocatoria dun pleno extraordinario en Ordes diante dos recortes aplicados pola Xunta de Galicia no Plan Concertado, que no caso do Consorcio de Ordes ascenden ao 98,87%. Un pleno urxente e non retribuido que tería lugar o mércores 2 de novembro e cun único punto na orde do día: analizar as consecuencias dos recurtes no Plan Concertado para os servizos sociais municipais de Ordes.

Xesús Pedreira considera que “os recortes aplicados polo Goberno da Xunta ao Plan Concertado supoñen un ataque frontal ás políticas sociais municipais”. Neste sentido, Xesús Pedreira exemplifica que o investimento no Plan Concertado para o Consorcio de Ordes pasará dos 80.000 aos 9.000 euros, o que supón un descenso do 98,875%. “Na práctica, isto podería supoñer a imposibilidade absoluta para concellos como o de Ordes para afrontar servizos importantísimos para os veciños e veciñas, uns servizos que son irrenunciables para o benestar dos ordenses”.

Os recurtes aplicados pola Consellería de Traballo e Servizos Sociais que afectarán a distintos programas e servizos, entre os que figuran algúns tan importantes como os programas de axuda a domicilio, as actividades extraescolares, as actividades conciliación, os programas de cooperación social ...

Así mesmo, o concelleiro socialista tamén lle solicitou ao presidente da Federación Galega de Municipios e Provincias (FEGAMP), Carlos Fernández, a convocatoria urxente e extraordinaria do máximo órgano entre asembleas que substitúa ao Consello Federal de FEGAMP, así como á súa Comisión Executiva, para tomar unha posición sobre esta cuestión.

Brion – samain na gardería

OS MENIÑOS DA GARDERÍA MUNICIPAL DE BRIÓN CELEBRAN A FESTA DO SAMAÍN CUNS DISFRACES

DE BRUXOS E BRUXAS FEITOS POR ELES MESMOS

Os pais e nais destes 47 pequenos colaboraron activamente coa festa aportando cadansúa cabaza decorada, que lles foi entregada hoxe aos pequenos

28 de outubro de 2011. Un total de 47 nenos e nenas da gardería municipal de Brión, os que teñen entre dous e tres anos de idade, celebraron esta mañá unha Festa de Samaín. Unha festa na que os pequenos participaron disfrazados de bruxas e bruxos, uns difraces que eles mesmos elaboraron na clase coa axuda dos seus profesores e utilizando elementos de reciclaxe (papeis e plásticos).

Os pequenos asistiron a un peculiar “conxuro da queimada”, no que os seus profesores, tamén disfrazados de bruxos e bruxas, recitaron divertidas rimas antes de que esa peculiar “queimada” (zume de piña) fose disfrutada por todos os presentes, acompañada por outras larpeiradas. A festa rematou cos pequenos bailando e xogando no patio da escola infantil brionesa.

Colaboración dos pais

A directora da gardería municipal de Brión, Dolores Campos, destaca a gran colaboración dos pais e nais dos cativos na celebración da Festa do Samaín pois “aínda que nesta ocasión a festa non foi aberta ás familias, si que colaboraron todas elas decorando cadansúa cabaza na súa casa”. Unhas cabazas coas que a gardería municipal organizou unha exposición, que se puido ver durante toda esta semana na entrada da escola infantil, e que hoxe foron entregadas aos pequenos.

A imaxinación e a pericia das familias brionesas quedou demostrada na elaboración destas cabazas, de todos os tamaños, cores e caracterizacións. Así, ademais das típicas cabazas destas datas houbo algunhas especialmente curiosas como unha branca (caracterizada como Hello Kitty), outra coa forma dun morcego negro e mesmo algunha con luces intermitentes.

Asociación Pedra do Moucho – comeza o cuarto ciclo de teatro afecionado

TIRULEQUE TEATRO ABRE MAÑÁ SÁBADO O IV CICLO DE TEATRO AFECCIONADO “PEDRA DO MOUCHO”

O certame incluirá tres actuacións teatrais no teleclube de Ons (Brión), ás 20:30 horas. A entrada é libre e gratuíta

28 de outubro de 2011.- A compañía “Tiruleque Teatro” abrirá mañá sábado 29 de outubro unha nova edición do Ciclo de Teatro Afeccionado “Pedra do Moucho”, que por cuarto ano consecutivo organiza a asociación cultural e deportiva “Pedra do Moucho”. Un ciclo que tamén conta coa colaboración do Concello de Brión, da Deputación Provincial da Coruña, da Consellería de Cultura e Turismo e da Federación Galega de Teatro Afeccionado (FEGATEA).

“Tiruleque Teatro” presentará a súa obra “Silicon Valley” ás 20:30 horas no teleclube de Ons (Brión). A entrada é libre e de balde ata completar o aforo. Os integrantes deste grupo de teatro de O Carballiño representarán unha comedia escrita e dirixida por Xosé Prada e que conta a historia dunha parella de noivos que tratan de persuadir a un dos seus pais para que non se opoña á relación.

A asociación cultural e deportiva “Pedra do Moucho” ten programadas outras dúas actuacións máis neste ciclo de teatro afeccionado: A Mámoa Teatro, con “A casa dos líos” (sábado 12 de novembro) e Candelexas Teatro, con “En busca da chacha perdida” (sábado 26 de novembro). Durante a edición de 2010, este ciclo de teatro afeccionado contou cunha media de cen participantes por sesión.

Santiago – axenda sábado 29, domingo 30 e luns 31 de outubro

Sábado 29

20.00 h

No Teatro Principal, o alcalde compostelán, Xerardo Conde Roa, asiste á gala de clausura do Festival Amal.

Domingo 30

12.30 h

Na Praza do Obradoiro, o alcalde compostelán, Xerardo Conde Roa, participa na entrega de trofeos da Carreira Pedestre Popular organizada por El Correo Gallego.

13.30 h

Na Casa do Concello, o alcalde compostelán, Xerardo Conde Roa, recibe os organizadores da Carreira Pedestre Popular.

Luns 31

12.00 h

Na Casa do Concello, ROLDA DE PRENSA da concelleira de Medio Ambiente, Obras e Infraestruturas, María Castelao, sobre asuntos de carácter local.

12.30 h.

Na Casa do Concello, a voceira da Xunta de Goberno Local, Paula Prado, exporá en ROLDA DE PRENSA o resumo dos acordos adoptados na última sesión.

Santiago – autobuses día de difuntos, partido Obradoiro y carreira popular

Fundación Araguaney – a recta final de Amal en directo vía web

Descarga AMAL News del viernes 28 aquí

-------------------------------------------------------------------

Santiago de Compostela, Venres 28 de Outubro de 2011.

AS FAVORITAS DO PÚBLICO

Entre as favoritas do público ata agora destacan: “This is my land, Hebrón”, longametraxe documental dirixido por Giulia Amati e Stephen Natanson centrado nunha cidade de conflito e de odio. “Hebrón é un dos asentamentos israelís en Cisxordania, o único no corazón dunha cidade palestina. O centro da cidade é agora o teatro dunha guerra entre veciños, onde os principais obxectivos son conquistar un metro máis da cidade, manter baixo control ao inimigo ou simplemente quedar no seu terreo”, din os seus directores.

Na categoría de longametraxes de ficción destaca “Cairo Exit”, dirixido por Hesham Issawi que narra tres días da vida dunha moza de 18 anos chamada Amal. Ela traballa como repartidora en moto polos comercios e fogares do Cairo, ata que un día róubanlle o vehículo e o seu xefe despídea. O condutor do autobús, que está secretamente namorado de Amal, fai todo o posible para protexela, pero ela non sabe nada. Amal fai todo o posible por saír da cidade, pero todo complícase no último momento.

“Fiasco” é a curtametraxe de ficción favorito. Fracaso é unha comedia transcultural sobre unha muller árabe, Noura, que casou en segredo cun homosexual estadounidense para obter o cartón de residencia. Todo parece ir segundo o previsto, cando o seu pai, convencional e dominante, a visita por sorpresa. Dirixido por Khalis Ao Mahmood.

GALA DE CLAUSURA/ RETRANSMISIÓN ONLINE

O sábado 29 ás 20,00 horas da tarde terá lugar a Gala de clausura do Festival Internacional de Cine Euroárabe Amal 2011. Será un acto que reunirá a personalidades do ámbito cinematográfico, político e social de gran relevancia. En devandito evento farase entrega dos premios aos gañadores, unha velada na que non vai faltar o máis mínimo detalle.

A actriz e presentadora María Mera será a encargada de conducir a gala que promete ser unha gran festa do diálogo e a tolerancia, celebrando a gran acollida que tivo o certame tanto a nivel nacional como internacional por parte do público e medios de comunicación. Nela estarán presentes o alcalde de Santiago, Gerardo Conde Roia, o Secretario Xeral de Medios, Afonso Cabaleiro, Anxo Currás, Concelleiro de Cultura e Juan Casares Long, Reitor da USC. O Presidente da Fundación Araguaney, Ghaleb Jaber Ibrahim abrirá o acto. Ghaleb Jaber Martínez, Director do Festival Amal, será quen o clausure.

Ao longo da mesma daranse a coñecer os vencedores da novena edición do Festival de entre os 37 títulos que se puideron ver durante a última semana no Teatro Principal e a Galería Caroní da Fundación Araguaney-Ponte de Culturas. Un xurado formado por recoñecidos profesionais vindos de Europa e os Países Árabes foi o encargado de tomar a decisión. foron os encargados de decidir os vencedores nas categorías de Mellor longametraxe de ficción, longametraxe documental, curtametraxe de ficción, curtametraxe documental e mellores director, actriz e actor.

Tamén se revelará en curtametraxe gañadora do concurso Amal Express, no que creadores de todo o mundo realizaron unha curtametraxe sobre a palabra REVOLUCIÓN en só 96 horas. A contía do premio ascende a 500 euros.

A Gala de clausura será retransmitida en directo na páxina web do festival:

http://www.plato1000.com/tv/

PREMIOS

Mellor longametraxe de ficción: 5.000 euros e trofeo.

Mellor largometraxje documental: 3.500 euros e trofeo.

Mellor curtametraxe de ficción: 1.200 euros e trofeo.

Mellor curtametraxe documental: 1.200 euros e trofeo.

Mellor director: 4.000 euros e trofeo.

Mellor actriz: Trofeo

Mellor actor: Trofeo

Premio da TVG: 10.000 euros e 3 pases da película.

Ademais haberá un Premio Especial do Público AMAL 2011 cunha dotación económica de 1.500 Euros e un trofeo. Este premio será decidido polos espectadores asistentes ao Festival, que depositaron o seu voto nunha urna habilitada para a ocasión en cada proxección.

BNG Ordes – o pleno acepta a proposta de exposición do plan xeral

O BNG CALIFICA DE MOI POSITIVO QUE O PLENO APROBASE A SÚA PROPOSTA PARA ABRIR UN TRÁMITE DE EXPOSICIÓN PÚBLICA DO PXOM

- O PP retirou a súa proposta de creación dunha comisión política que só retrasaria a tramitación do PXOM

- Aprobada a moción dos nacionalistas para instar á Xunta a pagar as axudas agrogandeiras pendentes e mellorar a oficina agraria comarcal.

- UxO e PP rechazan a proposta do BNG para reducir o número de concelleiros das comisións e aforrar 15.000 euros anuais en dietas.

- Celebraranse dous debates na campaña das xerais emitidos por radio ordes.

O portavoz municipal do BNG de Ordes, Gonzalo Castro, amosou a súa satisfacción porque o Pleno da Corporación Municipal aprobase a proposta de abrir un trámite de exposición pública do PXOM durante 30 días naturais para que os veciños poidan presentar suxestións ao mesmo, antes de remitir o documento de aprobación inicial á Xunta de Galiza.

Na defensa desta iniciativa, Castro salientou que “desde o BNG nin compartimos a actitude dun goberno municipal que pretende evitar que os veciños participen e poidan presentar sugerencias ao PXOM, nin tampouco a do PP que propón a creación dunha comisión política coa intención de retrasar a tramitación do PXOM e a súa remisión á Xunta para que poida ser aprobado”.

Con respecto á comisión política proposta polo PP, Castro manifestou que “nestas alturas, non é a hora dos políticos é a hora de que os veciños participen e fagan suxestións ao PXOM”.

Finalmente, o PP retirou a súa proposta de creación dunha comisión política para o PXOM e aprobouse por unanimidade a proposta de abrir un trámite de exposición pública do PXOM por un prazo de 30 días naturais, para que os veciños poidan presentar suxestións antes de remitilo á Xunta de Galiza.

Demanda á Xunta do pago das axudas ao sector gandeiro

O Pleno aprobou con todos os votos da Corporación Municipal, excepto o do PP, a moción do BNG que propoñía instar á Consellería do Medio Rural da Xunta de Galiza a realización inmediata de todas as xestións necesarias para facer efectivo o pago dos Plans de Mellora e das novas incorporacións nas explotacións agrogandeiras da comarca de Ordes.

Nesta proposta dos nacionalista aprobouse tamén esixir á Consellería do Medio Rural que adopte, coa máxima celeridade, as medidas necesarias para solucionar os problemas da falta de medios e persoal na Oficina Agraria Comarcal de Ordes.

A Concelleira do BNG, Montserrat Rei, amosou a súa satisfacción pola aprobación desta iniciativa do BNG xa que “son moitas as explotacións afectadas polo retraso, que xa pasa do medio ano, no pago das axudas aos Plans de mellora, que xa superan unha cantidade total de 1 millón de euros, o que están ocasionando un gran quebranto económico a un sector moi importante para an osa comarca”.

BNG A Estrada – periodo de alegacións o IBI

"Temos que frear en seco esta suba de impostos do 60%"

Abriuse o prazo para presentar alegacións á ordenanza que elimina a bonificación do IBI

Xosé Magariños pídelle ao alcalde que convoque inmediatamente unha comisión de facenda ou unha xunta de portavoces para saber que criterios, cales son as funcións e que se lle está explicando á xente nesa oficina que abriu o concello no ORAL

A Estrada, 27 de outubro de 2011: O Boletín Oficial da Provincia publica hoxe a ordenanza do Concello da Estrada coa eliminación da bonificación do IBI que afecta tanto aos inmóbeis da vila como do rural.

Neste sentido o BNG da Estrada, a través do seu portavoz municipal, Xosé Magariños reiterou unha vez máis “a frear en seco esta suba de impostos do 60%, interpoñendo a correspondente alegación, para o que haberá un prazo de 30 días desde mañá venres”.

Segundo explica Magariños, “nin é o momento de acometer unha subida da contribución, por mor da crise económica que estamos a sufrir, nin mudaron as circunstancias que motivaron a aprobación da bonificación do IBI, e que foi a xeneraliza sobrevaloración catastral que afecta sobre todo ao casco urbano, segundo consta no informe encargado polo Concello en 2007.”

“Polo tanto,” engade Xosé Magariños, “ante esta subida da contribución, coido que é o momento de pararlle os pés ao PP, e un xeito de facelo é presentando unha alegación a esta ordenanza, cousa que tamén fará o BNG”.

Por outra parte Xosé Magariños quixo aproveitar a ocasión para referirse á oficina que abriu o concello no ORAL. Neste sentido o portavoz do BNG explicou que “no BNG pensamos que esta vía non servirá para nada en absoluto, porque xa foi unha vía que exploraramos en 2004 e era unha vía morta”, e engadiu “esta oficina só resolverá erros aritméticos puntuais, pero non resolverá a sobrevaloración que figura na ponencia de valores aprobada en 1997, xa que iso só se pode facer cunha revisión xeneralizada da ponencia, cousa que non ocorrerá até que haxa un novo PXOM, e, como todos sabemos, de momento non toca.”

“Neste sentido,” engadiu o portavoz municipal do BNG, “pídolle ao alcalde que convoque inmediatamente unha comisión de facenda ou unha xunta de portavoces para saber que criterios, cales son as funcións e que se lle está explicando á xente nesa oficina que abriu o concello no ORAL, porque moito nos tememos que isto é mero placebo que non paliará a verdadeira enfermidade da contribución da Estrada, que non é outra que a sobrevaloración xeneralizada dos inmóbeis.”

Oroso – a copa do mundo en Sigueiro

A COPA DO MUNDO VISITARÁ OROSO ESTE SÁBADO 29 DE OUTUBRO E ESTARÁ EXPOSTA NO CENTRO CULTURAL DE SIGÜEIRO DE 10:00 A 21:00 HORAS

A presentación oficial do trofeo terá lugar ás 13:00 horas no centro cultural de Sigüeiro, onde está prevista unha charla co adestrador Fernando Vázquez

26 de outubro de 2011.- A Copa do Mundo gañada pola selección española no pasado Mundial de Sudáfrica visitará Oroso este sábado 29 de outubro, onde quedará exposta durante todo o día para que todos os veciños e veciñas poidan vela e fotografarse con ela. A copa será recibida ás 10:00 horas polo alcalde de Oroso, Manuel Mirás Franqueira, na casa do concello.

Despois, o trofeo será trasladado ao auditorio do centro cultural Fernando Casas e Novoa de Sigüeiro, onde quedará exposta ao público ata as 21:00 horas (salvo de 16:30 a 18:00 horas, nas que estará no campo de fútbol municipal de Sigüeiro para que os distintos clubes de fútbol do municipio poidan sacarse unha foto con ela). A entrada será totalmente libre e de balde.

A presentación oficial do trofeo, presidida polo alcalde orosán e polo concelleiro de Deportes, Luis Rey, terá lugar ás 13:00 horas no centro cultural de Sigüeiro. Un acto no que está prevista tamén unha charla futbolística a cargo do adestrador galego Fernando Vázquez. A copa que se verá e se poderá tocar en Cerceda é a mesma que se ten exposta en distintas cidades españolas e é unha réplica que lle entregaron á selección española, xa que a levantada en Sudáfrica está gardada en Suiza pola FIFA ata o próximo mundial.

Oroso – obradoiros gratuitos de Samain

O CONCELLO DE OROSO ORGANIZA DOUS OBRADOIROS DE SAMAÍN GRATUITOS DIRIXIDOS

A NENOS E NENAS DE MÁIS DE 5 ANOS

Os talleres terán lugar o luns 31 de outubro, se ben é preciso anotarse previamente na biblioteca municipal de Sigüeiro

27 de outubro de 2011.- O Concello de Oroso organiza este luns 31 de outubro dous obradoiros de Samaín gratuítos, dirixidos a nenos e nenas de máis de cinco anos de idade. Unha iniciativa coa que o Concello de Oroso pretende axudar á conciliación da vida laboral e familiar dos pais e nais do municipio, ofrecendo unha divertida actividade para que os pequenos poidan pasar ben a mañá ou ben a tarde, xa que se ofrecen os dous horarios.

Así, os obradoiros de Samaín celebraranse no centro cultural Fernando Casas e Novoa de Sigüeiro en dúas quendas: ás 11:00 e ás 18:00 horas. A participación é totalmente de balde, se ben é preciso anotarse previamente na biblioteca municipal de Sigüeiro ou a través do teléfono 981 690 903. O obradoiro incluirá diversas actividades de ocio relacionadas co Samaín, de xeito que os pequenos xogarán coa maquillaxe, farán disfraces con elementos de reciclaxe e participarán en numerosos xogos.

Teo – recortes nas axudas da Xunta para os servicios sociais

OS RECORTES DA XUNTA DE GALICIA POÑEN EN RISCO PROGRAMAS ESENCIAIS DOS SERVIZOS SOCIAIS MUNICIPAIS

· Na resolución da Consellería de Benestar do Plan Concertado o Concello de Teo sufre unha reducción de máis de 10.000 euros para o servizo de Axuda no Fogar respecto do ano pasado

· Segundo explica o edil de Benestar, Ignacio Iglesisas “a inseguridade xurídica que crea a Xunta con modificacións de liñas de subvencións oficiais non permite planificar o traballo nos Servizos Sociais Comunitarios”

27 de outubro de 2011. Os recortes da Xunta de Galicia en materia de servizos sociais poñen en grave risco a continuidade de programas esenciais dos servizos sociais municipais. Así de rotundo se amosa o concelleiro de Benestar do Concello de Teo, Ignacio Iglesias, despois de coñecer a resolución da Consellería de Traballo do Plan Concertado do 19 de outubro, pola que se recortan partidas respecto do ano pasado.

Así nesta resolución do Plan Concertado, polo que a Xunta cofinancia os servizos sociais dos Concellos, detéctase unha reducción de máis de 10.000 euros respecto o ano pasado nun só programa, o Servizo de Axuda no Fogar de acceso libre. O Servizo de Axuda no Fogar (SAF) é un progama de xestión municipal que conta con dous tipos de usuarios, os de acceso libre e os de dependencia. Os usuarios de dependencia son casos atendidos dende o Concello pero que contan co financiamento da Xunta xa que é a autonomía a que outorga a dependencia. Sen embargo no caso dos usuarios de acceso libre a Xunta recorta drasticamente o orzamento respecto dos anos anteriores. Neste momento en Teo hai 25 usuarios/as de dependencia e 21 usuarios/as de acceso libre.

Ignacio Iglesias destaca tamén que “a resolución chega en outubro, cando o SAF é un servizo municipal externalizado que o Concello de Teo paga mensualmente á empresa concesionaria”. Trátase de gastos realizados xa e os recortes da Xunta de Galicia nesta materia “impiden calquera tipo de previsión”. O edil de Benestar apunta tamén que estes recortes veñen motivados pola orde do 9 de setembro de 2011 da Consellería de Traballo na que se modificaban as bases da orde inicial de referencia para os servizos sociais municipais, do 3 de marzo de 2011. Este recorte queda exemplificado na diminución do que se destina este ano por parte da Xunta de Galicia a cofinanciar o SAF libre, 2,3 millóns de euros, mentres o ano pasado se investiran 8,7 millóns de euros.

Iglesias destaca que “a inseguridade xurídica que crea a Xunta con modificacións de liñas de subvencións oficiais non permite planificar o traballo nos Servizos Sociais municipais”. E lembra que “non falamos de obras ou asfaltados se non de programas de intervención con persoas”.

Recorte drástico para colectivos desfavorecidos

Por outra banda este ano a Xunta tamén decidiu eliminar unha subvención que se recibía no Concello dende o ano 2008 que permitía traballar na integración do pobo xitano. O ano pasado recibíronse 6.000 euros para traballar con este colectivo, mentres que na resolución deste ano o recorte é do 100%, non recibindo nin un euro para esa acción. Co agravante segundo explica Ignacio Iglesias “de que o Concello está traballando dende hai meses con este colectivo, xa que entendemos que os programas deben ter unha continuidade xa que se non o traballo iniciado e os cartos gastados deixan de ter incidencia”. Este recorte é froito da diminución da partida orzamentaria nun 90% realizado na modificación da orde de subvencións.

Fundación Araguaney – festival Amal

descarga Amal News do xoves 27 aquí

……………………………………………………………………….

Miembros del jurado de Amal viajan a Santiago para elegir a los ganadores

Santiago de Compostela, Jueves 27 de Octubre de 2011. Una de las señas de identidad del Festival Amal es su naturaleza intercultural y polifacética. Por eso, el equipo Amal recibe cada año a un jurado multidisciplinar, compuesto por profesionales vinculados al mundo árabe, al cine y a la cultura provenientes de diversos países del mundo.

En esta ocasión serán 7 los componentes del jurado, de los que 6 se trasladarán a Compostela para decidir quienes serán los ganadores. Najla Said, Haizam Amirah Fernández, Montse Besada, Emma Lustres, Yasmine Al Massri, Michael Desante, son los nombres de los que estarán en Compostela para tomar las decisiones finales.

SON OF BABYLON

Uno de los estrenos de cartelera en los cines españoles también forma parte de la selección de películas de Amal. Zainab, uno de los miembros de la película estará en Santiago para recibir al público de su film.

DIRECTOR: Mohamed Al - Daradji

AÑO: 2010

NACIONALIDAD: Iraq / Reino Unido /Francia /Países Bajos / Palestina / Emiratos Árabes Unidos / Exipto

DURACIÓN: 90 min

Dos semanas después de la caída de Saddam Hussein, Ahmed, un niño de 12 años, sigue a su abuela. La mujer ha oído que han encontrado prisioneros de guerra vivos al sur del país y está decidida a averiguar si uno de ellos es su hijo desaparecido, el padre de Ahmed.

Ames – aparcamentos Milladoiro

O goberno de Santiago Amor dotou de 240 prazas de aparcamento ao Milladoiro

Ames, 26 de outubro de 2011. A localidade amiense de Milladoiro ten dende hai semanas 154 prazas de aparcamento ao carón do centro de saúde na esquina da rúa Cruxa con Agro do Medio. A falla de aparcamento é un problema que sinalan moitos veciños e veciñas de Milladoiro, por iso dentro do proxecto “Potenciación do eixo comercial do Milladoiro coa adecuación do espazo urbano” o goberno local decidiu dotar á localidade de 154 prazas de aparcamento máis, 4 delas para persoas con mobilidade reducida. Ese proxecto tamén inclúe a colocación de tres luminarias de baixo consumo conectadas á rede eléctrica xa existente.

Este proxecto foi levado a cabo cunha subvención da Xunta de Galicia conseguida a través da concellería de Comercio, Promoción económica, Traballo e Turismo, para a adecuación e modernización de equipamentos comerciais, en desenvolvemento do Plan Ágora, agora Re-comercia. A subvención foi de 28.087,20 euros, e o Concello puxo 9.768,06 euros para levar a cabo a obra, xa que o importe de adxudicación foi de 37.855,26 euros, algo menor do previsto.

Con este aparcamento tamén se cumpre o compromiso adquirido pola concellería de Comercio de ter algunha praza máis en Milladoiro antes de que comezase a funcionar o mercado de rúa.

Solución provisional ante a inoperancia do anterior goberno socialista

O Concello tamén está a condicionar provisionalmente unha parcela de terra na zona da esquina da Rúa Agro do Medio con Cereixos na que poden aparcar aproximadamente 90 vehículos, polo tanto, son arredor de 240 prazas de aparcamento as que se habilitaron no Milladoiro e que suporán un respiro para a localidade ante a escaseza desta infraestrutura. O goberno de Santiago Amor é consciente dos graves problemas que existen para aparcar nesta localidade amiense e por iso está facendo un esforzo en dotar ao Milladoiro de prazas para aparcar e está escoitando deste xeito unha antiga demanda de comerciantes e sendo consciente da necesidade dos veciños e veciñas.

O concelleiro de Obras, Alfredo Taboada, explicou que o aparcamento de terra “é unha solución provisional, que critican os socialistas sen pensar que eles nin sequera eran capaces de dar solucións provisionais ou a curto prazo” Taboada asegura ademais que “o acondicionamento deste aparcamento non puido ser rematado pola invasión masiva de coches (proba do seu éxito) e pola chegada do mal tempo, que impediu que se rematara a recollida de augas pluviais”.

Durante oito anos os socialistas non foron quen de crear prazas de aparcamento céntricas no Milladoiro senón que fixeron desaparecer arredor de 200 prazas de aparcamento en superficie sen buscar unha alternativa. Dende o equipo de Santiago Amor estanse estudando máis espazos para solventar a falla de prazas que existiu sempre, así coma obras de urbanización de rúas que levan denunciando comerciantes e asociacións de empresarios e que empurraron a moitas persoas a non facer as súas compras no Milladoiro coa conseguinte perda de clientes para o comercio da vila.

As novas prazas de aparcamento están situadas preto do centro da localidade, a escasos metros da rúa Anxeriz, do Centro Médico, e da praza Manuel Murguía que acollerá o novo mercado de rúa.

Silleda – membros de “un euro por km” coa alcaldesa

Paula Fernández recibe aos membros do proxecto solidario “Un euro por kilómetro”

Silleda, 27 de outubro de 2011. A alcaldesa de Sileda, Paula Fernández Pena, recibiu hoxe aos membros do proxecto solidario Un euro por kilómetro. SOS Cuerno de África, que pretende dar a volta a España correndo por relevos, para recaudar fondos e paliar a gravísma situación de fame que vive esta zona do continente africano. Esta mañá recalaba en Silleda Armando Verde Moreira, que participa no tramo de 286,7 kilómetros A Guarda-Lalín-Verín.

Paula Fernández recibiu ao corredor e a outros membros do equipo, que lle explicaron en qué consiste o proxecto solidario, e aos que fixo entrega do correspondente donativo. Así mesmo, os participantes trasladáronlle á rexedora a problemática que está a vivir na zona sur de Somalia, onde o pasado mes de agosto a ONU declarou a situación extrema de fame cun empeoramento das condicións e unha resposta humanitaria inaxeitada. Estímase que poderían morrer de fame 1 millón de persoas, sendo a grande maioría, nenos. A ruta, coa que colaborou o Concello de Silleda, chegará mañá ao veciño municipio de Lalín.

Silleda – xornadas sobre o catastro

Silleda acolle varias xornadas de regularización catastral

-Están citados preto de cen veciños dos cascos urbanos para solventar expedientes de altas, ampliación ou reformas

-Os propietarios convocados deben acudir á Casa da Cultura entre os días 2 e 8 de novembro

Silleda, 27 de outubro. Propietarios dos cascos urbanos de Silleda e A Bandeira e do polígono emprsarial Área 33 están convocados para a regularización catastral de bens da súa propiedade entre os días 2 e 8 de novembro. Trátase dun proceso promovido polo ORAL para actualizar o censo de construccións, incluíndo novas altas, ou reformas que non figuraban ata agora na relación catastral.

Do municipio silledense foron citados preto de cen titulares catastrais que deberán de acudir, na data que lle foi informada nas respectivas comunicacións, en horario de 09.00 a 14.00 e de 16.00 a 18.00 horas.

Santiago – cortes de tráfico pola carreira popular

MODIFICACIÓNS NO TRÁFICO CON MOTIVO DA XXXIV CARREIRA PEDESTRE POPULAR

A Concellería de Tráfico e Seguridade Cidadá do Concello de Santiago de Compostela informa aos condutores e ao público en xeral que, por mor da celebración da XXXIV Carreira Pedestre Popular organizada por “El Correo Gallego” o vindeiro domingo 30 de outubro, se producirán modificacións temporais no tráfico da cidade durante o transcurso deste certame deportivo.

A saída da carreira de adultos está prevista ás 10:00 horas da Avenida Xoán XXIII e a de nenos, ás 11.30 h desde o mesmo punto. A competición rematará na Praza do Obradoiro.

Prégase aos cidadáns que se absteñan na medida do posible de utilizar os seus vehículos na mañá do domingo, especialmente entre as 9:00 e as 14:00 horas, co obxecto de facilitar o desenvolvemento desta proba deportiva.

Como norma xeral, en todas as rúas do itinerario da Carreira Pedestre produciranse restricións no tráfico, que se levantarán unha vez que pasen os últimos participantes.

ITINERARIO DA CARREIRA PEDESTRE (ADULTOS):

Xoán XXIII, Praza da Paz, San Caetano, Camiño Francés, Rúa das Fontiñas, Concheiros, Rúa de San Pedro, Porta do Camiño, Virxe da Cerca, Fonte de Santo Antonio, Praza de Galicia, Doutor Teixeiro, Ponte Castro, Rúa da Rosa, Santiago de Chile, Praza de Vigo, Rosalía de Castro, Avenida da Coruña, Avenida das Ciencias, Avenida do Doutor Novoa Santos, Avenida das Burgas, Avenida de Compostela, Cruceiro do Galo, Pombal, Galeras, Salvadas, Vista Alegre, Avenida de Castelao, Praza da Paz, Pastoriza, Basquiños, San Roque, Algalia de Arriba, Praza de Cervantes, Preguntoiro, Rúa do Castro, Praza da Universidade, Praza de Mazarelos, Rúa do Cardenal Payá, Orfas, Toural, Rúa do Vilar, Praza das Praterías, Fonseca, Praza do Obradoiro.

A carreira de nenos, que discurrirá por parte do percorrido anterior, tamén pasará polas rúas da Senra, Campo da Estrela, avenida de Figueroa, Pombal e Cruceiro do Galo.

Consellos para o tráfico de vehículos

Manterase aberto un circuíto de circulación para facilitar a fluidez do tráfico, con valos de seguridade que permitan a circulación dos vehículos do seguinte xeito:

- Queda prohibido o estacionamento de vehículos na Avenida de Xoán XXIII dende as 22:00 horas do sábado, 29 de outubro, ata as 14:00 horas do domingo 30 de outubro, e na rúa Basquiños, no tramo comprendido entre a confluencia desta rúa coa rúa Espírito Santo e coa praza da Paz.

- Os vehículos que accedan á cidade polo norte poderán circular en sentido descendente pola Avenida de Castelao, enlazando con Salvadas e Galeras e saíndo por Poza de Bar, San Lourenzo e Avenida Mestra Victoria Míguez (Vidán, estrada AC-543 a Noia) ou por Vista Alegre xirando cara ao Romaño.

- Os vehículos que accedan á cidade a través da estrada de Santa Comba circularán obrigatoriamente a través de Salvadas e Galeras no mesmo sentido de dirección que os anteriores cara á estrada de Noia.

- Os vehículos que desexen entrar ou saír da zona das rúas Hórreo, Gómez Ulla ou área de influencia destas, poderán circular polas rúas Bernardo Barreiro, Sar e Ramón Piñeiro, enlazando coa avenida de Lugo.

- O tráfico procedente das estradas de Noia (AC-543), Ourense (N-525) e Pontevedra (N-550) en sentido de dirección ao norte da cidade deberá utilizar obrigatoriamente a autoestrada A-9 ou o periférico.

- Deberá utilizar tamén a autoestrada A-9 ou o periférico o tráfico procedente das estradas da Coruña (N-550) e Lugo (N-634 e C-547) que se dirixa ao sur da cidade.

- Quedará dividida con valos a calzada no tramo que transcorre desde o cruce do Cruceiro do Galo polas rúas Galeras, Salvadas, Vista Alegre e Avenida de Castelao; tamén se dividirán as rúas Pastoriza, Basquiños, Santa Clara e San Roque, para facilitar o tráfico en sentido ascendente; así como o tramo de Rosalía de Castro entre a Praza de Vigo e a avenida da Coruña, e esta última entre Rosalía de Castro e Feáns, de forma que quedará habilitado para a carreira o carril de subida e o de baixada para permitir o acceso e saída dos aparcamentos da zona.

A Concellería de Tráfico e Seguridade Cidadá do Concello prega aos cidadáns desculpen as molestias causadas pola celebración deste acontecemento deportivo e acaten as indicacións dos axentes da Policía Local.

BNG Teo – magosto popular

O BNG de Teo convida a asistir este venres a un magosto tradicional en Cacheiras

Castañas asadas, música tradicional, galeoke, petiscos e xogos populares serán os ingredientes do magosto

Santiago de Compostela, 27 de outubro de 2011.- O BNG de Teo organiza este venres a partir das 19:00 horas no local social da Torre, en Cacheiras, un magosto no que haberá petiscos, música e xogos populares para todas as persoas que se acheguen.

Ademais das tradicionais castañas asadas, o evento estará amenizado pola actuación de Alvariza, un grupo de música tradicional galega. Alvariza naceu no ano 2000 coa intención de preservar a música que antigamente se facía nas verbenas de finais do século XIX e de principios del XX, do estilo das orquestinas, murgas ou charangas. Esta agrupación galega, inserida na música de raíz, utiliza unha instrumentación variada que convidará, sen dúbida, a crear o ambiente festeiro para o magosto.

Petiscos, xogos tradicionais e un galeoke con cancións populares galegas complementarán a oferta de lecer e de balde, que prepara o BNG de Teo, para este venres dende as 19:00 horas en Cacheiras, aberta á participación de todas as persoas que se queiran achegar e pasalo ben.

Santiago – axenda venres 27 outubro

Venres 28

10.45 h

Na Casa do Concello, o alcalde compostelán, Xerardo Conde Roa, recibe as integrantes da selección española de natación sincronizada, xunto co concelleiro de Deportes, Adrián Varela.

11.00 h

No Hostal dos Reis Católicos, a concelleira de Economía, Comercio, Turismo e Mercados, Reyes Leis, presenta a Galicia Fashion Week, acompañada do director da Galicia Fashion Week, Jose Matteos, o director do Hostal dos Reis Católicos, Julio Castro, a responsable de Programas de Internacionalización do IGAPE, Manuel Campos, e a directora da Mostra do Encaixe de Camariñas, Dolores Lema.

12.00 h

Na Casa do Concello, ROLDA DE PRENSA do voceiro do grupo municipal socialista, Xosé A. Sánchez Bugallo, sobre asuntos de carácter local.

12.00 h

No Salón Verde, o alcalde compostelán, Xerardo Conde Roa, asina un convenio co director da Academia Galega de Seguridade Pública, José Carlos García Bouzas, para a formación dos bombeiros municipais. SÓ GRÁFICOS.

12.45 h

Na Casa do Concello, ROLDA DE PRENSA da concelleira de Familia, Benestar Social e Muller, Paula Prado, para presentar o Plan de Actividades de Ocio Alternativo.

16.30 h

No Salón Nobre, o alcalde compostelán, Xerardo Conde Roa, e o presidente de Caminos de Europa, Alessandro Cardinale, presentan a Vía Verde “Caminos de Europa”. Asiste o concelleiro de Cultura, Ángel Currás.

20.30 h

No Hostal dos Reis Católicos, o alcalde compostelán, Xerardo Conde Roa, asiste á III Noite da Enxeñería en Informática de Galicia, que preside o presidente da Xunta, Alberto Núñez Feijoo.

Tordoia – actualizaronse 5 tasas e a oposición abandonou o pleno

O PLENO MUNICIPAL DO CONCELLO

DE TORDOIA APROBA A ACTUALIZACIÓN DE CINCO TAXAS TRALO ABANDONO DA OPOSICIÓN

Os concelleiros socialistas deixaron a sala ao considerar que o pleno debía ter carácter extraordinario

26 de outubro 2011.- O Pleno municipal do Concello de Tordoia aprobou esta mañá por uninimidade a totalidade dos puntos que se levaron no orde do día xa que o grupo municipal socialista na oposición decidiu abandonar en bloque o pleno municipal argumentando que se estaba celebrando un pleno “ilegal”. Os tres concelleiros socialistas manifestaron a súa disconformidade coa celebración deste pleno con carácter ordinario, ao considerar que a celebración dun pleno o mes pasado facía necesario que este de outubro fora extraordinario. Ao mesmo tempo, o grupo socialista tamén argumentou que as actas non recollían as correccións que solicitaran no pleno de setembro, algo que corresponde subsanar a secretaria municipal. Co seu abandono, a oposición non asistiu ao debate sobre ningún dos puntos da orde do día.

“Ao comezo desta lexislatura, e por iniciativa do goberno local que presido, decidimos celebrar os plenos con carácter trimestral e celebrar Xunta de Goberno Local cada quince días para manter a transparencia na nosa xestión e diminuir os gastos por dietas”, explicou o rexedor tordoiés, Antonio Pereiro, “pero esto non significa que non poidamos celebrar máis plenos con carácter ordinario no mesmo trimestre, cando a xestión municipal así o requira pero seica a oposición non quere traballar máis dunha vez cada tres meses”, afirmou Pereiro Liñares, quen explicou que tanto o pleno celebrado o último xoves do mes de setembro como o de hoxe son perfectamente legais, en atención á Ley 7/85, de 2 de abril, Reguladora de las Bases del Régimen Local.

Tralo abandono do grupo socialista, o pleno municipal continuou coa aprobación da actualización de catro taxas municipais, correspondentes a recollida de lixo, que queda fixada en 6€/mes para os particulares e 12€/mes para as empresas; a taxa de suministro de auga potable e servizos complementarios, que se incrementa nun 3% e que deberá abonar Aquagest. A ocupación de subsolo, solo e vo en vía pública, cuxas taxas quedaron establecidas do mesmo xeito que o resto dos concellos da mancomunida de Ordes así como as ordenanzas polo emprego do pavillón polideportivo e de actividades deportivas e culturais foron as outras dúas ordenanzas que se someteron a revisión.

Simplificación e regulamentación

Estas dúas últimas tamén se simplificaron na súa redacción para facer máis doada a súa xestión. Así, a taxa polo uso do pavillón polideportivo subiu nun euro por hora, pasando de 9€/hora a 10€/hora mentres que polas actividades deportivas promovidas polo Concello de Tordoia incrementáronse entre un 30 e un 40%, establecéndose tamén novas taxas para empadroados e non empadroados, que terán que abonar unha cantidade superior a aqueles que sí estén censados no Concello.

A ordenanza establece, ademáis, taxas diferencias para os menos de 18 anos e os maiores de 65 anos, así como para aquelas persoas con minusvalías. Finalmente, o pleno municipal estableceu tamén unha nova ordenanza municipal, correspondente á implantación dunha taxa por utilización das instalacións culturais e outros servizos análogos. “O obxectivo era establecer unha regulamentación para o uso dos locais sociais e a Casa da Cultura que faga doado o emprego destas instalacións cuxo uso queda establecido cun custo por día de cinco euros para os locais sociais e de dez para a Casa da Cultura”, explicou o alcalde de Tordoia.

Frades – prazo de inscripción en actividades de formación

O CONCELLO DE FRADES ABRE O PRAZO DE INSCRICIÓN EN DOCE ACTIVIDADES DE FORMACIÓN

E DE OCIO PARA NENOS, XÓVENES E ADULTOS

Os cursos comezarán en canto se xunte un grupo mínimo

26 de outubro de 2011.- O Concello de Frades organiza vén de abrir o prazo de inscrición nun total de doce actividades de formación e de ocio dirixidas a nenos, xóvenes e adultos do municipio dentro do seu programa de actividades “Outono-Inverno 2011”. Unhas actividades que se levarán a cabo só no caso de xuntarse un grupo mínimo, momento no que darán comezo as clases. Por iso, dende o Concello de Frades animan a todos os veciños a apuntarse ou obter máis información nas oficinas municipais ou nos teléfonos do Concello: 981 695 567 e 981 695 663.

A oferta deste ano inclúe un total de cinco actividades para nenos e mozos, entre as que o Concello de Frades decidiu dar continuidade aos cursos de Apoio Escolar. Unha actividade que custará 20 euros por curso e que inclúe clases dous días á semana. Ademais, tamén se celebrarán cursos formativos de inglés e música, cun custe mensual de entre 25 e 30 euros (dependendo do número de usuarios). Finalmente, a oferta para nenos e mozos de Frades complétase cuns cursos de debuxo e pintura e outros de informática, ambos 2 días semanais por 30 euros cada un durante todo o curso.

Oferta para adultos

No que atinxe á oferta para os adultos, o Concello de Frades combina actividades de ocio con outras formativas e para todas as idades. Así, contempla a realización de dúas actividades especialmente dirixidas para a terceira idade, como clases de ximnasia de mantemento e un obradoiro da memoria. En ambos casos as cuotas son de 20 euros por todo o curso. De feito, a única actividade con prezo mensual é o curso de música, no que haberá varios instrumentos para elixir e que custará entre 25 e 30 euros, dependendo do número de asistentes.

A oferta formativa de adultos do Concello de Frades complétase con clases de aeróbic, informática, arte en complementos (bixutería e xoiería) e bailes de salón (ritmos latinos). Todas elas custarán 30 euros anuais e esíxese un minimo de 15 participantes para iniciar a actividade (salvo nos bailes de salón no que se pide un mínimo de 10 parellas).

As clases comezarán en canto se reúna un grupo mínimo, polo que o Concello de Frades anima aos veciños e veciñas a apuntarse e informarse ben nas oficinas municipais ben a través dos teléfonos: 981 695 567 e 981 695 663.

Santiago – tranquilidade no goberno sobre a finca do Espiño

O Goberno manifesta a súa absoluta tranquilidade a respecto da Finca do Espiño e resalta os beneficios que reportará á cidade

A concelleira de Urbanismo, o alcalde e o conselleiro delegado de Layetana anunciando o acordo sobre a Finca do Espiño

26/10/2011 O alcalde compostelán, Xerardo Conde Roa, quixo aclarar en rolda de prensa algunhas cuestións relativas ao proxecto de recuperación da Finca do Espiño e sinalou a importancia de desbloquear un asunto que levaba dez anos paralizado.

A respecto do novo proxecto, o rexedor fixo fincapé en que "estamos en presenza dun proxecto urbanístico moi importante para a cidade que vai inxectar 24 millóns de euros nun sector moi afectado pola crise, o que suporá un respiro para moitas empresas compostelás vinculadas á construción". Asimesmo lembrou que non se produce un incremento de volume, que se manteñen as mesmas cargas, que se vai respectar a integración urbanística na zona e que só se cambia o uso, de residencial comunitario a residencial.
Conde Roa fixo un repaso histórico da situación e lembrou que en 2001 se cambiou a clasificación do ámbito de solo non urbanizable a urbanizable nunha época de bonanza económica e boom construtivo. En canto ao convenio orixinal, datado o 26 de setembro de 2001, o alcalde salientou que se recollía unha edificabilidade da Finca de 8.200 metros cadrados que pasaron a 10.500 trala modificación do Plan Xeral realizada para adaptar este ao devandito convenio, cuestións ambas, indicou, "que deberán ser aclaradas polo goberno anterior".
A respecto do uso, Conde Roa, sinalou que en Santiago hai 13 solos residenciais comunitarios funcionando como apartamentos privados (en Pontepedriña, Pastoriza, Santa Marta, Cornes, San Lázaro e na rúa Sempre en Galiza) xa que desde 2005, sinalou, se concederon licenzas para a construción de vivendas particulares amparadas na ordenanza de residencial comunitario, práctica que se levou a cabo ata 2008, momento no que se produce unha modificación no PXOM na que se cambia o concepto de residencial comunitario. É por isto "que a sentenza que existe sobre este tema se adapta á nova lexislación vixente á hora de interpretar o uso do solo". Asimesmo indicou que a empresa Layetana presentou un anteproxecto en 2002 do que era coñecedor o anterior goberno no que xa se contemplaban apartamentos.

Silleda – o punto limpo xa ten videovixilancia

O punto limpo de Silleda xa conta coa instalación de videovixiancia e placas solares para reforzar a iluminación

Silleda, 26 de outubro de 2011. As instalacións do punto limpo de Silleda, na parroquia de Margaride, mellorarán no ámbito da seguridade grazas ao Proxecto integral de axudas en materia de xestión de residuos, cofinanciado polo Fondo Europeo de Desenvolvemento Rexional no marco do Programa operativo Feder Galicia 2007-2013. Na convocatoria realizada pola Consellería de Medio Ambiente, o Concello de Silleda logrou preto de 9.000 euros para dous actuacións en materia de seguridade e o financiamento da recollida de plásticos agrícolas.

Mañá xoves quedará xa instalado o equipamento financiado con cargo a esta axuda para o punto limpo, por importe de 3.775 euros para a mellora no sistema de iluminación na caseta de residuos perigosos e a instalación dun circuito de video vixiancia.

A video vixiancia responde as características de gravación dia/ noite, durante as 24 horas. O circuito conta con cámaras de alta sensibilidade e de visión nocturna a través de sistema de infrarroxos. Os campos de visión, son a zona de residuos perigosos (que polo tipo de materiais que alberga sería máis susceptible de sufrir roubos )e a oficina. Ademais, outra das cámaras ofrece unha gravación panorámica de todo o recinto.

A gravación consiste nun rexistro continuado de película con almacenamento de todo o que suceda durante 28 dias. Estos datos serán procesados pola Policia Local, encargada de realizar o correspondente control. As características técnicas desta instalación permitirían, nun futuro, a conexión directa co departamento da Policía Local, instalando no recinto unha rede de conexión a Internet.

No tocante á iluminación, da zona de residuos perigosos, esta farase con dous paneis fotovoltaicos de 80 watios cada un, con baterias acumuladoras de 106 amperios para encedidos automáticos. Así mesmo estarán activos os proxectores de zona.

Con esta iniciativa, o departamento de Medio Ambiente, que dirixe o concelleiro Antonio Couso, agarda mellorar a xestión do punto limpo, un servizo gratuito para os cidadáns, que está aberto de luns a sábado en horario de 09.30 a 13.30 horas.

BNG Ordes – proposta de reducción dos membros das comisións informativas

O BNG PROPÓN REDUCIR O NÚMERO DE MEMBROS DAS COMISIÓNS INFORMATIVAS DA CORPORACIÓN MUNICIPAL

Esta proposta dos nacionalistas reduciría en 15.000 euros anuais os gastos en concepto de indemnizacións aos concelleiros

O portavoz municipal do BNG de Ordes, Gonzalo Castro, anunciou que o seu grupo político proporá ao Pleno da Corporación Municipal de Ordes a redución do número de membros en cada unha das comisións informativas da Corporación Municipal. A proposta dos nacionalistas defende a presenza nas comisións informativas de só un concelleiro por cada Grupo Político, con voto ponderado en función da representación dos mesmos.

Castro salientou que esta proposta “pasaría de 9 a 4 o numero de concelleiros nas comisións, o que reducirá significativamente o gasto en indemnizacións a concelleiros por asistencia a comisións informativas, aforrando perto de 15.000 euros anuais ás arcas municipais”.

O portavoz nacionalista manifestou que “esta proposta non mermará a calidade democrática da Corporación Municipal, posto que as comisións son órganos meramente informativos dos asuntos do Pleno, sen o poder decisorio, por tanto, que ostenta o Pleno da Corporación, onde si están presentes todos os concelleiros”.

Finalmente, Gonzalo Castro lembrou que “este sistema de representación nas comisións informativas, cun concelleiro por grupo e voto ponderado está a utilizarse en moitos concellos galegos e incluso nalgunha cidade do noso País, polo aforro que supón para as arcas municipais”.

Silleda – obradoiro de cerámica

Breixa e as parroquias da contorna acollen un obradoiro de cerámica sobre a arte románica en Trasdeza

-O ciclo, cunha duración de tres meses, será impartido polo artesán Antonio González Abal

-Como preludio, o sábado terá lugar unha exposición no marco da festa da castaña

Silleda, 26 de outubro de 2011. O vindeiro mes de novembro dará comezo un obradoiro de cerámica sobre a arte románica do municipio de Silleda. Este ciclo, cunha duración de tres meses, será impartido polo artesán silledense Antonio González Abal e celebrarase no centro social da parroquia de Breixa, onde a igrexa de Santiago é unha das mellores representacións do estilo arquitectónico en Galicia, xunto con outros templos da contorna coma o de Ansemil, O Castro, ou a gran xoia do románico oxival: o mosteiro de San Lourenzo de Carboeiro.

O ciclo terá unha duración de 45 horas, repartidas en tres meses. O inicio e frecuencia semanal pactarase cos participantes, que poden realizar as inscricións na Casa da Cultura de Silleda ou chamando ao 986 581028. O prezo do obradoiro é de 15 euros ao mes.

Como preludio as sesións, o vindeiro sábado día 29 de outubro no marco da XII Festa da Castaña de Breixa , terá lugar unha exposición de González Abal sobre o románico de Trasdeza, onde os visitantes poderán coñecer pezas que mesmo despois modelarán coas súas mans no curso proposto.

Con esta proposta búscase que os participantes aprendan a valorar e a transmitir a importancia dos valores patrimoniais do seu entorno, xa que moitas veces o rico patrimonio románico non está suficientemente valorado polos veciños máis próximos a estes monumentos.

“É unha iniciativa cultural para pór en valor o noso patrimonio municipal, seren os vecinos coñecedores do mesmo para logo poder transmitilo, constituíndo unha iniciativa turística fundamental para implicar os residentes e visitantes”, engade o concelleiro de Cultura, Matías Rodríguez da Torre.

Santiago – axenda xoves 27 outubro

Xoves 27

11.00 h

No Auditorio de Galicia, concerto didáctico da Banda Municipal de Música baixo o nome 'Cinema e música'. Director: Xosé Carlos Seráns. 

11.30 h

Na Casa do Concello, ROLDA DE PRENSA de presentación do concerto de Maldita Nerea en Santiago. Asisten o concelleiro de Cultura, Ángel Currás, e Jorge Ruíz, cantante e compositor de Maldita Nerea.

12.00 h

Na Casa do Concello, ROLDA DE PRENSA do concelleiro de Centros Socioculturais, Francisco Noya, e da representante da ONG Coopera, Esther González, para presentar unha nova edición da Olimpiada Solidaria de Estudo. Tamén asistirá un representante da USC.

12.00 h

Na praza do Toural, o alcalde compostelán, Xerardo Conde Roa, asiste ao espectáculo de danza da Fundación ANADE.

18.30 h.

Pleno ordinario

Na Casa do Concello, sesión ordinaria do Pleno da Corporación coa seguinte orde do día:

1. Proposición do grupo municipal do PSdeG-PSOE relativa ao Plan Especial de Brañas de Sar.

2. Proposición do grupo municipal do PSdeG-PSOE relativa aos centros de saúde.

3. Proposición do grupo municipal do BNG relativa a unha política fiscal socialmente máis xusta.

4. Proposición do grupo municipal do BNG relativa ao aeroporto de Lavacolla.

5. Dar conta do informe de estabilidade orzamentaria.

6. Dar conta de acordo da Xunta de Goberno Local de 6 de outubro de 2011, de delegación de competencias.

7. Dar conta de resolucións da Alcaldía, das concellarías delegadas e acordos da Xunta de Goberno Local.

8. Rogos e preguntas.

9. Toma en consideración de mocións presentadas polos grupos municipais.

20.00 h

No Palacio de Congresos, o alcalde compostelán, Xerardo Conde Roa, asiste á entrega dos premios Galegos do Ano.

Teo – orde do dia pleno ordinario outubro 2011

ASUNTOS ECONÓMICOS E A RETIRADA DO NOMEAMENTO DE FRANCO COMO ALCALDE HONORARIO CENTRARÁN O PLENO ORDINARIO

· Actualizaranse dúas taxas sen modificar dende o ano 2004, que non entrarán en vigor ata finais do 2012

· No caso da taxa pola recollida do lixo o goberno xustifica o incremento xa que o recadado só chega a un 30% do custe do servizo, que está preto do millón de euros

26 de outubro de 2011. A corporación teense reúnese este xoves 27 de setembro para celebrar a sesión ordinaria do pleno deste mes. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa.

Ademais da proposta de retirada do nomeamento como “alcalde honorario” do Concello de Teo ó ditador Francisco Franco serán puntos destacados desta sesión temas económicos como a actualización de dúas taxas anuais, que se veñen cobrando sen ningunha modificación nin actualización do IPC dende o ano 2004, concretamente o imposto sobre vehículos de tracción mecánica e a taxa por actividades e servizos relacionados coa hixiene urbana.

Segundo se destaca no expediente de tramitación do pleno o imposto sobre vehículos de tracción mecánica (IVTM) permanece inalterable dende a súa aprobación no pleno de novembro de 2004. Despois de realizar unha comparativa con concellos da provincia de máis de 10.000 habitantes conclúese que o coeficiente aplicado en Teo está por baixo da media destes municipios. O grupo de goberno propón que o coeficiente, que pode ser de ata 2 puntos, pase de 1,10 a 1,25 sendo aínda así inferior ó aplicado en moitos concellos do entorno e con menos habitantes.

Sobre a taxa da recollida de lixo dende o grupo de goberno destácase que o recadado actualmente por esta taxa é claramente deficitaria en relación ó custe do servizo. Mentres que os custes da recollida de residuos sólidos urbanos e o seu tratamento teñen un presuposto anual de case un millón de euros o recadado ata o momento está en torno ós 300.000 euros. Esta taxa, como no caso anterior foi aprobada no ano 2004 e dende entón non se modifica nin se actualiza o IPC, a pesar de que na propia ordenanza se explicitaba que se realizaría “un incremento anual automático igual ao IPC oficial correspondente ao ano natural anterior”.

A proposta de incremento dos recibos sería para os núcleos urbanos de 59 a 68 euros e no caso das vivendas no medio rural de 30 a 47 euros. Cabe destacar que no 2004 existía un acordo na mancomunidade de aplicar un único recibo para todas as vivendas de 59 euros, que o goberno teense non aplicou naquel momento, sendo o único municipio con recibos diferenciados segundo as vivendas sexan da zona urbana ou da zona rural.

Os recibos da recollida de lixo e do IVTM son anuais e o incremento non será efectivo ata outubro-novembro do ano 2012.

Outro dos puntos de debate será a proposta de retirarlle o nomeamento de “alcalde honorario” ó ditador Francisco Franco que lle foi outorgado pola corporación teense no ano 1939. O grupo de goberno destaca que se leva a pleno esta cuestión en canto se soubo desta circunstancia e se tivo a documentación histórica que o proba, froito da labor de catalogación e investigación do arquiveiro municipal.

Na sesión ordinaria tamén se debaterán varias propostas do Partido Popular. Nunha delas instase ó goberno local a realizar un plan de aforro enerxético sobre a iluminación urbana e en todos os edificios públicos do Concello ademais de propoñer a búsqueda de subvencións. Outra das mocións populares apunta a creación dunha comisión especial de carácter permanente para un plan de vertebración do Concello.

A orde do día ten os seguintes puntos:

1. Dar conta das resolucións da alcaldía /da 678/11 á 789/11).
2. Dación de contas do informe conxunto de tesourería e intervención sobre o cumprimento de prezos de pago das operacións comerciais (2º trimestre de 2011).
3. Dación de contas do informe conxunto de tesourería e intervención sobre o cumprimento de prazos de pago das operacións comerciais (3º trimestre de 2011).
4. Ditame da proposta da alcaldía de “retirar o nomeamento de alcalde honorario de Teo ao ditador Francisco Franco”.
5. Ditame da proposta de aprobación do expediente de contratación do servizo de conservación e mantemento do alumeado público e instalacións municipais en Teo.
6. Ditame da proposta da alcaldía de expediente de modificación de crédito 14/2011, transferencia de crédito 09/2011.
7. Ditame da proposta da alcaldía de revisión de prezos do contrato de xestión do servizo de recollida de residuos sólidos urbanos (RSU) e limpeza viaria no Concello de Teo.
8. Ditame da proposta da alcaldía para acollerse ó disposto no real decreto-lei 8/2011 de 1 de xullo.
9. Ditame da proposta da alcaldía de modificación da ordenanza fiscal reguladora da taxa por actividades e servizos relacionados coa hixiene urbana.
10. Ditame da proposta da alcaldía de modificación da ordenanza fiscal reguladora do imposto sobre vehículos de tracción mecánica.
11. Mocións.
12. Rogos e preguntas.

BNG Ames – petición dialogo coas familias polos comedores escolares

O BNG de Ames chama ao diálogo coas familias e a comunidade escolar para acadar un consenso polo futuro dos comedores escolares

Pilar Candocia: "Apelo a responsabilidade institucional do alcalde para que actúe con altura de miras, que fale coas nais e pais mirándoos aos ollos. Debe dialogar coas familias e a comunidade educativa para alcanzar a un acordo polo futuro duns servizos que son un orgullo para Ames”

(Ames 26.10.2011) O Pleno do Concello de Ames deste xoves 27 de outubro inclúe un punto no que o goberno Popular pretende subir as taxas dos comedores escolares, a pesar de que o BNG solicitou o aprazamento deste tema para poder abordalo co diálogo necesario. O PP introduce este asunto crucial para o benestar de moitas familias de Ames sen ter falado con ninguén e ocultándolle ás ANPA a información da subida.

O aumento desmesurado proposto polo Partido Popular supón unha suba xeneralizada para todas as taxas dos servizos educativos complementarios e para todos os usuarios. No caso de Bos días cole e Tardes divertidas a o incremento é do 50% en todos os casos. No caso dos comedores establecen unha horquilla de tarifas entre 80€ e 110€, e unhas bonificacións (por emerxencia social, familias numerosas...) semellantes ás que xa existía. Todos os usuarios pagarán máis, a taxa inferior pasaría de 70€ a 80 € (un 14%) para cada nena/o, e para a maioría das familias a subida sería superior ata alcanzar os 110€ (incremento do 57%). Paga máis quen máis ten e paga máis quen menos ten, pagan máis todas as familias e non se resolven os agravios e inxustizas co novo sistema.

O Partido Popular fai no goberno o contrario do que predica e que prometeu na oposición. No ano 2008 Santiago Amor opúxose de maneira frontal a unha subida proposta polo goberno anterior menor que a actual. O PP goberna de costas á cidadanía e ocúltalle ás familias a súa pretensión de subir ás taxas, o seu talante apreciase nos seus actos: nin transparencia, nin diálogo.

O BNG de Ames está mantendo reunións coa comunidade escolar, en especial coas ANPA e as familias afectadas, para informar da situación. Mantivemos unha reunión co conxunto das ANPA de Ames este luns 24, así como reunións abertas ás nais e pais e ao conxunto da cidadanía de Ames, onte martes 25 en Bertamiráns e hoxe mércores 26 no Milladoiro. Nestas xuntanzas puidemos comprobar o malestar das familias que manifestaban a súa indignación tanto pola desmesurada subida como polo feito de ter que coñecelo a través do BNG, e que o goberno non lles comunicase nada cando estivo falando coas ANPA nas últimas semanas.

A portavoz do BNG Pilar Candocia propón abordar o tema con serenidade e altura de miras, neste sentido indicou: “fago un chamamento á sensatez, Santiago Amor debería estar á altura das circunstancias e comportarse como alcalde dun goberno responsable. Non se pode adoptar unha decisión desta transcendencia contra todo o mundo, hai que falar coas ANPA e coas direccións dos Centros de ensino, e consensuar unha proposta de futuro para un servizo clave para moitas familias. Pídolle ao alcalde que escoite ás familias, que retire o punto deste Pleno e abra unha mesa de diálogo para buscar solucións conxuntas” “Moita xente está orgullosa de vivir en Ames pola calidade dos seus servizos públicos e polo proxecto de integración que os facía accesibles a todas as economías familiares. Os comedores, Bos días cole, Tardes divertidas ou os Programas lúdicos son servizos modélicos que custou moito conseguir. Son un referente pola súa calidade alimentaria, polo seu valor pedagóxico e como servizo de conciliación da vida laboral e familiar. Sería unha involución sen retorno, a volta a un pasado superado, non podemos dilapidar este capital que xa é patrimonio da cidadanía de Ames.”

Ames – orde do dia pleno ordinario outubro 2011

ORDE DO DÍA:

A) PARA DAR CONTA:

1. Dar conta ao Pleno da Corporación dos decretos ditados pola Alcaldía dende a última sesión plenaria ordinaria.

2. Dar conta do decreto de cambio parcial de afectación da operación de endebedamento 2010.

3. Dar conta do decreto de aprobación da liquidación orzamentaria correspondente ao exercicio 2010.

4. Información periódica a render ao Pleno, en execución do acordo adoptado en data 26/08/2010:

a) Execución do orzamento ao remate do 3º trimestre do exercicio 2011.

b) Relación de facturas cun atraso na tramitación superior aos tres meses (artigo 5.4 da Lei 15/2010, de 5 de xullo, de modificación da Lei 3/2004, de 29 de decembro, pola que se establecen medidas de loita contra a morosidade nas operacións comerciais).

B) PARA DELIBERACIÓN E ACORDO:

5. Aprobación se procede da acta anterior.

6. Revisión ordinaria do contrato de limpeza viaria e xestión do punto limpo, anualidade 2011.

7. Aprobación inicial da Ordenanza reguladora das axudas de emerxencia social municipal do Concello de Ames.

8. Aprobación inicial da Ordenanza fiscal reguladora da taxa pola utilización privativa ou o aproveitamento especial do dominio público local polas empresas explotadoras de servizos de telefonía móbil.

9. Aprobación inicial da modificación da Ordenanza fiscal xeral de xestión, recadación e inspección dos tributos e doutros ingresos de dereito público do Concello de Ames.

10. Aprobación inicial da modificación da Ordenanza fiscal reguladora do imposto sobre bens inmobles.

11. Aprobación inicial da modificación da Ordenanza fiscal reguladora do imposto sobre vehículos de tracción mecánica.

12. Aprobación inicial da modificación da Ordenanza fiscal reguladora do imposto sobre construcións, instalacións e obras.

13. Aprobación inicial da modificación da Ordenanza fiscal reguladora do imposto sobre o incremento do valor dos terreos de natureza urbana.

14. Aprobación inicial da modificación da Ordenanza fiscal reguladora da taxa por actividades e servizos relacionados coa hixiene urbana.

15. Aprobación inicial da modificación da Ordenanza reguladora da circulación do Concello de Ames.

16. Aprobación inicial da modificación da Ordenanza fiscal reguladora da taxa polo saneamento e depuración de augas residuais.

17. Aprobación inicial da modificación da Ordenanza fiscal reguladora da taxa pola subministración de auga.

18 Aprobación inicial da modificación da Ordenanza fiscal reguladora da taxa por expedición de licenzas urbanísticas.

19. Aprobación inicial da modificación da Ordenanza fiscal reguladora da taxa por expedición de licenza de apertura de establecementos.

20. Aprobación inicial da modificación da Ordenanza fiscal reguladora da taxa por entrada de vehículos a través das beirarrúas e por reserva da vía pública para aparcadoiro exclusivo, carga e descarga de mercadorías de calquera clase.

21. Aprobación inicial da modificación da Ordenanza fiscal reguladora da taxa por instalacións de postos, barracas, casetas de venda, espectáculos, atraccións ou recreo, situados en terreo de uso público municipal, así como industrias na rúa e ambulantes e rodaxe cinematográfico.

22. Aprobación inicial da modificación da Ordenanza fiscal reguladora da taxa pola prestación de servizos complementarios educativos e de conciliación da vida familiar e laboral.

23. Aprobación inicial da modificación da Ordenanza fiscal reguladora da taxa pola prestación do servizo de axuda no fogar.

24. Aprobación inicial da modificación da Ordenanza reguladora do prezo público pola utilización do complexo da piscina cuberta municipal de Ames.

25. Aprobación inicial da modificación da Ordenanza reguladora do prezo público polos servizos culturais e deportivos.

26. Aprobación inicial da modificación da Ordenanza reguladora do prezo público pola utilización das instalacións deportivas e culturais de propiedade municipal.

27. Aprobación inicial da modificación da Ordenanza reguladora do prezo público pola prestación dos servizos da Escola Municipal de Música do Concello de Ames.

C) PARA CONTROL DO GOBERNO:

28. Moción do grupo municipal do BNG sobre escola de música municipal.

29. Rogos e Preguntas.

Psoe Ames – petición de retirada do pleno da proposta de modificación de tasas

O vindeiro xoves, 27 de outubro, debatiranse, como cada ano, as ordenanzas fiscais e de prezos públicos para a súa entrada en vigor no vindeiro exercicio.

Vista a proposta que dende o goberno popular de Ames se pretende aprobar no punto 22 da orde do día da convocatoria do pleno, relativa á aprobación inicial da modificación da Ordenanza Fiscal reguladora da taxa pola prestación de servizos complementarios educativos e de conciliación da vida familiar e laboral.

Visto que a proposta supón, entre outras modificacións, unha suba dos servizos educativos e complementarios do Concello de Ames, que implica o incremento do 50% no prezo dos servizos de comedor escolar, Bos días cole e Tardes Divertidas para o curso 2012-2013, pasando dunha tarifa actual de 70€, 40€ e 65€ a unha nova tarifa de 110€, 60€ e 95€, respectivamente.

Dende o grupo municipal socialista, entendemos que a proposta popular supón, en primeira instancia, unha suba brutal e inxustificada do prezo destes servizos, tendo en conta a situación de crise que están a vivir as familias na actualidade. De levarse a cabo, ademáis, suporá o claro inicio do desmantelamento dos servizos educativos, que tanto costou crear e manter, véndose afectadas máis de mil familias pola iniciativa.

Ademáis, a fórmula establecida para os comedores escolares, con un pago progresivo en función da renda per cápita, supón que só se establecerán bonificacións para aquelas familias que contan con unha renta anual menor ao 200% do IPREM, isto é, só se beneficiarán de bonificacións aquelas familias que teñan unha renda per cápita ao mes inferior aos 1065,02€. O que deixa fóra a unha porcentaxe moi alta de poboación que ata agora usaba o servizo de comedor.

A maiores da suba proposta, non se plantexa bonificación nin reducción de prezo por máis dun usuario nunha mesma unidade familiar, a pesares de que noutros servizos sí se establece.

Ademáis, analizando o expediente, o goberno popular propón un prezo maior que o que figura no estudo de costes.

O goberno actual fai propostas que, a todas luces, están en contra de todo o seu discurso na oposición, do que propuxo na campaña electoral, e do que recentemente, xa no goberno, veñen de anunciar.

No seu día, o goberno socialista propuxo un incremento da taxa de comedores que só se quedou en proposta. Non se levou a cabo e tampouco se propuxo nos anos seguintes, nin 2009 nin 2010 nin 2011, porque entendemos que os comedores escolares teñen unha compoñente social moi importante e o concello ha de favorecer o acceso aos servizos de conciliación familiar e laboral,, como son éstes, a todas as familias que o necesiten.

O certo é que, durante estes anos o concello veu asumindo un importante déficit no servizo de comedores porque entendemos que tal déficit ha de ser asumido como tal dentro das políticas sociais que unha administración pública ha de levar a cabo, e tendo en conta ademáis a situación de crise económica que estamos a vivir e o importante número de familias que utilizan este servizo como medio de conciliación da vida familiar e laboral. Non se pode xustificar o elevado incremento proposto polo suposto déficit existente.

Entendemos que existen outras alternativas na xestión, e non a vía directa e fácil da subida dos prezos.

Por todo o exposto, o grupo municipal socialista:

Ø Solicita a retirada do punto 22 da orde do día do pleno para mellor estudio coas ANPAS e cos grupos políticos municipais.

Psoe Ordes – oposición a reapertura da canteira de Leira

O PSOE DE ORDES OPONSE A QUE SE VOLVA A EXPLOTAR A CANTEIRA DE LEIRA PARA NON MERMAR A CALIDADE DA AUGA POTABLE DOS VECIÑOS DE ORDES

Xesús Pedreira solicitará no pleno a inclusión da finalización dos saneamentos de Brea e Ardemil no POS 2012

26 de outubro de 2011.- O concelleiro socialista Xesús Pedreira advirte dos riscos que pode supoñer para os veciños de Leira e da Vila de Ordes o reinicio da actividade extractiva na canteira situada entre O Brumeiral (Leira) e Porto (Ardemil), coñecida como “a de Nicanor”. Unha canteira abandoada hai anos e que acaba de solicitar autorización para o reinicio da súa explotación.

“Esta canteira linda co río Cabrón, pertencente ao LIC do Tambre da Rede Natura, e río abaixo ubícase a ETAP de captación de auga para a zona periférica e o núcleo da Vila de Ordes. Pensamos que reiniciar esa actividade sería perxudicial para os veciños da parroquia de Leira e, sobre todo, para a calidade da auga que consumen os veciños de Ordes”, explica Xesús Pedreira. Por iso, o edil socialista solicitará no pleno de mañá xoves que o Concello de Ordes faga as alegacións pertinentes diante da Xunta de Galicia para que non se leve a cabo esta actividade extractiva e que non conceda a licenza municipal para o desenvolvemento desta actividade.

Saneamento

Por outra banda, o secretario xeral dos socialistas de Ordes tamén presentará diante do pleno unha serie de obras demandadas pola veciñanza ordense para a súa inclusión no Plan de Obras e Servizos da Deputación Provincial da Coruña. “No ano 2008 a Deputación fixo o saneamento do límite do Concello con Brea, no Mesón do Vento, pero esta rede quedou sen conexión á rede xeral, polo que é preciso poñela a funcionar”, sinala Xesús Pedreira. Por iso propón a construción dunha depuradora nas proximidades do embalse de Vilasenín. “Así se uniría aos núcelos de As Raposeiras, Orellán de Arriba, Orellán de Abaixo e Porta do No, permitindo dar servizo a 265 veciños”, explica o concelleiro socialista. O custe deste proxecto rondaría os 125.000 euros.

Así mesmo, os socialistas ordenses tamén propoñen que se remate a primeira fase das obras de abastecemento e saneamento na Espenica pois “cunha cuantía mínima poderíamos poñer en valor unha obra moi necesaria para mellorar a calidade de vida dos veciños desta zona”. Finalmente, o PSdeG tamén solicita melloras en dous camiños en Fosado (Santa Cruz de Montaos) e Vilamaior, así como obras de alcantarillado e beirarrúas no Seixo (Ardemil), por ser a porta de entrada do Camiño Inglés en Ordes “e atoparse en pésimas condicións”, sinala Pedreira Mirás.