Auditorio de Galicia – próximos concertos SONS 2012

The Idan Raichel Project, Leilía e Pablo Milanés, próximos concertos de Sons 2012

• Serán todos no Auditorio de Galicia ás 21.00h., os días 11 e 24 de febreiro e o 24 de marzo, respectivamente

Santiago de Compostela, 03/02/2012.- O ciclo Sons 2012 traerá a Compostela nos vindeiros días a The Idan Raichel Project, Leilía e Pablo Milanés, acompañado por Andrés Suárez como teloneiro. Sons 2012 inaugurouse onte cun concerto dos portugueses The Gift que non defraudaron ante un Teatro Principal repleto de seguidores. Os tres próximos concertos serán todos no Auditorio de Galicia ás 21.00h. e as entradas poden mercarse en Novagaliciabanco, Servinova, as billeteiras do Teatro Principal e nas do Auditorio o propio día dos concertos.

O segundo concerto de Sons 2012 será The Idan Raichel Project o 11 de febreiro no Auditorio de Galicia cun prezo de 12€ anticipada e 15€ o día do concerto. Será o único concerto en España desta fascinante formación de artistas capitaneada por Idan Raichel, israelí que cambia por completo a imaxe da música popular do seu país ofrecendo unha mensaxe de amor, paz e tolerancia. Idan Raichel é un tecladista, produtor e compositor de 29 anos procedente de Kfar Saba, Israel. Tanto no álbum como en escena, The Idan Raichel Project presenta a unha fascinante formación de artistas que inclúen a Cabra Casey, vocalista do proxecto, que é de descendencia etíope e naceu nun campo de refuxiados de Sudán durante a viaxe dos seus pais a Israel.

O 24 de febreiro chegan ao escenario do Auditorio de Galicia, Leilía co seu ‘ConSentimento’, un traballo donde as melodías tradicionais recollidas por Leilía se engalanan coas letras creadas por destacadas escritoras para a ocasión e tamén polos arranxos musicais feitos por Xoan Porto. Un disco, que sen deixar de soar a Leilía, ten corpo e gusto propio. Leilía, formada por Ana, Patri, Merchi, Montse, Felisa e Rosario, pretende que este traballo sexa unha homenaxe a todas as mulleres que fixeron e fan realidade a creación, a conservación e a transmisión da tradición oral galega. Un agradecemento personificado na figura de Eva Castiñeira, unha cantadora, unha pandereteira, unha muller como tantas e tantas mulleres que dende case o anonimato sementaron a nosa terra de arte, cultura e beleza. O prezo deste concerto é 10€ entrada única.

Xa en marzo, o día 24, será a cita con Pablo Milanés que terá ao compostelán Andres Suárez como teloneiro. O prezo do concerto é de 28€ anticipada e 33€ o día do concerto. Milanés chega a Compostela coa súa xira "Proposicións" nun formato no que el é guitarra e voz; Dagoberto González, teclados e violín; e Miguel Núñez, piano e dirección musical. O músico cubano regresa aos escenarios españois como xa é costume establecido nas súas xiras internacionais e o concerto de Santiago será o único en Galicia. Como novidade, Pablo traerá como preludio primaveral algunhas das composicións que na actualidade traballa para conformar un disco que verá a luz neste ano.

Milanés ten como teloneiro ao cantautor compostelán Andrés Suárez que presenta o seu último traballo discográfico, ‘Cuando vuelva la marea’, o máis consolidado e firme da súa carreira. O disco sae coa discográfica Relocos Records coa intención de superar os 4000 discos vendidos do seu anterior traballo (sen promoción nin apoio discográfico) e de realizar unha xira nacional e internacional.

Silleda – solicitude de subvención para o parque infantil

O Concello de Silleda solicita 39.894,24 euros para o acondicionamento do parque infantil de A Bandeira

- A subvención vai en liña co acordado polo Tenente Alcalde Manuel Cuiña, nuha reunión con Avema

O departamento de Urbanismo do Concello de Silleda ven de solicitar unha subvención de 39.894, 24 euros para a realización das obras para a mellora das deficiencias observadas no parque infantil de A Bandeira, que teñen un orzamento total de de 49.867,80 euros. Esta axuda, está presentada á Consellería de Presidencia, Administración Pública e Xustiza polo procedemento “Subvencións para infraestructuras de uso público en ámbitos urbanos e rurais polos concellos de Galicia”.

O parque infantil de A Bandeira aséntase na Praza da Feira, na confluencia entre as rúas do Parque e do Antroido e está pavimentado con lousas de tipo caucho reciclado que se atopan movidas e descolocadas e con arestas vivas e ao descuberto, o que tendo en conta as idades dos usuarios, presenta un gran risco para os mesmos. Asemade, algunhas anclaxes do valado protector non están debidamente asentadas.

Dende o Concello de Silleda, plantéxanse actuacións urxentes encamiñadas á mellora do parque infantil de A Bandeira. En primeiro lugar, contempla a substitución dos elementos de xogo, que na actualidade están estropeados rotos e obsoletos, substituíndoos por bambáns máis modernos e acordes. Tamén se substituirá o pavimento deteriorado actual por céspede artificial, homologado para este uso.

O goberno local tamén prevé a peonalización dunha das dúas rúas contiguas ao parque, en concreto a que separa a instalación da zona do campo de petanca, creando unha área peonil maior que abrangue a mazá contigua, contribuíndo á seguridade do uso do recinto urbano, tal e como o Tenente de Alcalde e Concelleiro de Obras e Servizos, Manuel Cuiña, concretara coa asociación de veciños AVEMA.

Do total do presuposto estimado, 49.8677, 80 euros, a pavimentación das rúas, estaría en 12.916, 52 euros, mentres que a mellora do parque infantil de A Bandeira, adecuándoo a todas as normativas vixentes de forma que non supoña ningún tipo de ameaza para os pequenos, suporá 22.596,80 euros do total. “É unha inversión moi necesaria, que os veciños de A Bandeira levan anos agardando” afirma o Concelleiro de Obras e Servizos.

Parque infantil de Silleda

O Concello tamén está a buscar financiamento para arranxar os bambáns da Praza da Igrexa de Silleda, posto que o seu estado de conservación é tamén moi deficiente, xa que ademáis, días atrás, foi destrozado por un grupo de persoas de lamentable conducta, que pintaron os elementos do parque con debuxos obscenos e ademáis arrancaron completamente das súas bases un dos xogos do parque.

O goberno municipal procedeu á retirada dos obxectos deteriorados que supoñían algún risco de lesións para os usuarios segundo un informe presentado pola Policía Local de Silleda.

Oroso – xogadores do Oroso TM compiten en Cataluña

SEIS XOGADORES DO OROSO TM COMPETIRÁN ESTA FIN DE SEMANA NA OITAVA EDICIÓN DO TORNEO INTERNACOINAL DE CATALUÑA DE TENIS DE MESA

O conxunto orosán e o San Sebastián de Los Reyes serán os únicos equipos de España que participarán neste campionato de seleccións

3 de febreiro de 2012.- Seis xogadores do Oroso TM participarán esta fin de semana na oitava edición do Torneo Internacional de Cataluña, que terá lugar os días 4 e 5 de febreiro en Calella. Unha participación que se considera toda unha honra, pois a organización deste Torneo só invita a participar cada ano a un reducido número de equipos que destacaran especialmente polo seu labor coa canteira do tenis de mesa en Europa.

Os adestradores do Oroso TM, Valeri Malov e Nuria Castro, destacan o feito de que “o gran labor que o Oroso TM e o seu equipo técnico están realizando coa base do tenis de mesa non pasou desapercibida para a organización do torneo, pois o equipo de Oroso é o único clube de España invitado este ano xunto co San Sebastián de Los Reyes, un dos clubes con maior solera de España e que xoga na máxima categoría nacional”.

O resto de conxuntos participantes serán as seleccións de Alemaña, Francia, Bélxica, País de Gales, Cataluña, Andalucía e Baleares. O torneo disputarase nas modalidades de equipos e individuais, nas categorías alevín e infantil. Os xogadores e xogadoras que presentarán a Oroso nesta prestixiosa competición serán Camilo González, Rafael Sáez e Silvia Álvarez (en cateogría alevín) e Sergio Aguión, Uxio Regueiro e Laura Fernández (categoría infantil).

Mancomunidade de Ordes – obradoiro gratuito de economía doméstica

A MANCOMUNIDADE DE ORDES ORGANIZA UN OBRADOIRO GRATUITO DE ECONOMÍA DOMÉSTICA, CON CONSELLOS PARA PLANIFICAR GASTOS E CHEGAR A FIN DE MES

As clases terán lugar os mércores 8 e 15 de febreiro no local cultural da rúa Reconciliación (Ordes)

3 de febreiro de 2012.- A Mancomunidade de Municipios de Ordes organiza un obradoiro de economía doméstica, que terá lugar os mércores 8 e 15 de febreiro en Ordes. Unha iniciativa que pretende “ensinar aos participantes estratexias para aforrar, para planificar e reducir gastos, para coñecer como realizar actividades de ocio sen gastar diñeiro e dar a coñecer distintas receitas baratas e saudables, entre outras cousas”, explica Begoña Lorenzo, educadora familiar da Mancomunidade de Ordes.

Este obradoiro, incluido dentro do Programa de Educación Familiar da Mancomunidade de Ordes, impartirase no local cultural ubicado na rúa Reconciliación (Ordes) en horario de 10 a 11:30 horas. A participación é totalmente libre e de balde, puidendo acudir á sesión sen necesidade de inscrición previa. Máis información no departamento de Educación Familiar, na rúa Xoxardo, ou no teléfono 981 680 002.

Top Models Galicia – 2 hermanas gallegas triunfan como modelos en Panama y españa

Janet Vázquez Estévez 24 años, trabajó en Panamá como modelo desde los 18 hasta los 23 para importantes firmas como Cacharel, Neutrogena, Guess, Tommy, Roxy, Underarmour, Tifanny's, Volvo, Women's Health, etc tanto en pasarela como publicidad para fotos y videos, además estuvo en las mejores pasarelas de Panamá que son Fashion Fest Panamá y Días de Moda Panamá durante 3 años que viene a ser La Cibeles de Panamá, ahí van modelos y diseñadores nacionales e internacionales. 
Se graduó como periodista a los 23 años en Panamá y ya antes de culminar sus estudios trabajó como reportera informativa y como presentadora del programa DLujo Tv un programa que presenta  destinos y productos de lujo en Panamá, también estudió y trabajó como actriz en teatro y en un proyecto para una serie de televisión juvenil asi como en diferentes cortometrajes y anuncios televisivos. Lleva año y medio donde ha realizado distintos anuncios como el spot de Teccarsa y Elecciones Galicia, modelo en distintas Expobodas el año pasado y este como lo es: Celebra en Ourense donde además fue modelo del prestigioso estilista Chema Luceño en Expourense: estilista oficial de Carmen Lomana, peluquero y maquillador profesional con más de 20 años de experiencia. Ha maquillado en las pasarelas internacionales para la firma Làncome y Victoria`s Secret, Desfiles Couso Galan Aldea Rural, Expoceremonias y Moda 2011 en Santiago de Compostela, fotos y desfiles para la franquicia Calvin Klein en Vigo, desfilo y realizó sesiones para la franquicia Cuplé en Ourense y para las marcas francesas Kookai y Naf Naf en Santiago de Compostela en 4 ocasiones. También fue finalista en Miss Panamá 2007. Puede verse parte de su trabajo en www.janetvazquezestevez.com .
Realizó un curso de interpretación ante las cámaras en Madrid con la prestigiosa directora de casting de Globomedia Telecinco y el director español Miguel Ángel Lamata al que solo se puede acceder a plaza por curriculum. Y otro curso de interpretación ante las cámaras con el actor Daniel Currás de Matalobos en Galicia. Actualmente Janet sigue formandose como actriz y sumergiéndose en nuevos proyectos,
En el caso de Mariela  Vázquez Estevez 17 años y la imponente estatura de 1.83 le hicieron sobresalir en el mundo de la moda en Panamá trabajando para importantes firmas como Trucco comenzó con tan sólo 8 años un curso de modelaje con la presentadora y ex Miss Panamá Blanca Herrera. Actuamente culmina sus estudios secundarios en Panamá compaginandolo con otras aficciones como la  pintura y el canto, estará hasta finales de febrero en España ya que vino a realizar desfiles, sesiones de fotos y un video promocional para las marcas francesas Kookai y Naf Naf además estará en los desfiles de Expobarbanza 2012 desfilando para distintas casas y diseñadores gallegos de novia y fiesta como lo son Matucha, Zaloira y D'Nacar. Puede verse parte de su trabajo en www.marielavazquezestevez.com 
Ambas forman parte de la agencia compostelana Top Models Galicia www.topmodelsgalicia.com que trabaja con modelos y actores a nivel nacional e internacional, por ejemplo ellasa y otras 10 modelos grabaron varios dias en el último largometraje de José Luis Cuerda Todo es Silencio a lado de actores de la talla de Miguel Ángel Silvestre "El  duque" y Xoque Carvajal. También forman parte de la prestigiosa agencia ourensana Luena que trabaja con modelos a nivel nacional e internacional.

Ames – obradoiro sobre os cinco sentidos na aula da natureza

Arredor de 50 nenos e nenas do CEIP Agro do Muíño participan nun obradoiro sobre o coñecemento dos cinco sentidos na Aula da Natureza

Ames, 3 de febreiro de 2012. Continúan as actividades da Aula da Natureza e este venres tocoulle a quenda aos nenos e nenas de terceiro de infantil do CEIP Agro do Muíño. Arredor de 50 nenos e nenas participaron nun obradoiro sobre o coñecemento dos cinco sentidos (olfacto, vista, gusto, tacto e oído). O alumnado de cinco anos de idade estivo acompañado das súas profesoras e por unha técnico da Aula da Natureza, que foi a encargada de impartir o obradoiro. O Concello de Ames busca promover a educación ambiental dos nenos e nenas amienses por medio de iniciativas deste tipo nas que o alumnado pode distinguir diferentes olores como os da menta, eucalipto ou a lavanda, así como diferenciar os sons de diferentes animais.

A Aula da Natureza está aproveitando o seu novo espazo físico, situado na parroquia da Ameixenda, para levar a cabo unha serie de actividades propias coas que dar a coñecer entre os máis novos do concello os diversos elementos da natureza. Así, dende a concellería de Medio Ambiente, Desenvolvemento Sostible e Sanidade púxose en marcha un programa de actividades dirixidas ao alumnado dos centros educativos amienses.

A coordinadora da Aula da Natureza foi a encargada de guiar aos pequenos polos diferentes sentidos (olfacto, vista, gusto, tacto e oído). O obradoiro comezou co sentido do tacto. Os nenos/as tocáronse o pelo, a palma da man, a pel da cara... todo para diferenciar as diferentes texturas que temos no noso corpo. De seguido pasouse ao sentido do olfacto. Os rapaces e rapazas puideron diferenciar varios olores como o do eucalipto, a menta ou a lavanda.

O terceiro sentido que se abordou foi o do gusto. Este foi un dos sentidos que máis expectación espertou entre os cativos/as xa que puideron saborear diferentes produtos. Primeiro, os rapaces probaron algo ácido como é o limón. O segundo sabor que tiveron que destinguir foi o amargo, para elo comeron un pedazo de chocolate sen azucre. Tal e como explicou a técnico da Aula da Natureza o cacao é un produto amargo. Por iso o chocolate sen azucre sabe amargo. En terceiro lugar probaron algo sen sabor. Para iso os nenos/as comeron un pedazo de torta que non tiña nin azucre nin sal. Os últimos sabores en distinguir foron o salgado e o doce. Para iso os rapaces e rapazas probaron un gran de sal e un terrón de azucre. Deste xeito, os nenos e nenas aprenderon a distinguir ácido, amargo, salgado e doce.

Sons de animais e da natureza

O terceiro sentido co que se traballou foi o oído. Para iso a técnico da Aula da Natureza proxectou varias fotografías de animais (vaca, cabalo, galiña, cabra, gorila, gaivota, león, tigre...) para que os nenos/as adiviñasen que son realizaba cada un deles. Posteriormente, os rapaces puideron escoitar o son de cada un dos animais. Tamén escoitaron os son que xera un río, a praia, un volcán ou un incendio. A última actividade que realizaron os cativos estivo dirixida a coñecer o sentido da vista. Para iso organizouse un obradoiro de manualidades no que os alumnos/as puideron realizar un peixe de varias cores empregando unha pinza da roupa. A través desta actividade falaron das diferentes cores que empregaron para realizar o peixe e de como se diferencian as cores.

Santiago – axenda do sábado 4 o luns 6 de febreiro

Sábado 4

12.00 h

No Centro Sociocultural da Rocha Forte, os concelleiros de Cultura, Ángel Currás, e de Centros Socioculturais, Francisco Noya, asisten á inauguración da Festa da Camelia.

20.30 h

No Multiúsos Fontes do Sar, o alcalde compostelán, Xerardo Conde Roa, asiste á entrega de trofeos e clausura do Campionato Galego de Grupos Show 2012 de Patinaxe Artístico Campus Stellae.

20.30 h

Na Zona "C" de Bonaval, Cámara Negra Teatro presenta 'Mujer muerta caminando' a partir de textos da novela 'O idiota' de Dostoievski. Carlos Álvarez-Ossorio, director.

Domingo 5

12.00 h

No Teatro Principal, concerto da Banda Municipal de Música dirixida por Xosé Carlos Seráns.

Luns 6

11.30 h

Na Casa do Concello, o alcalde compostelán, Xerardo Conde Roa, recibe a soprano Laura Alonso.

11.30 h

Na Casa do Concello, ROLDA DE PRENSA do concelleiro do grupo municipal do BNG, Rubén Cela, sobre asuntos de carácter local.

12.00 h

Na Casa do Concello, a voceira da Xunta de Goberno Local, Paula Prado, exporá en ROLDA DE PRENSA o resumo dos acordos adoptados na última sesión.

12.30 h

Na Casa do Concello, o alcalde compostelán, Xerardo Conde Roa, recibe a representantes dos traballadores de NEWCO, empresa de holding de Spanair en Lavacolla.

Silleda – máis de 40 expedientes de legalizacións tramitados

Silleda tramitou máis de 40 expedientes de legalizacións de edificacións

- O Polígono de Chapa figurará no próximo PXOM coa delimitación fixada polos propietarios

- O prazo para presentar a documentación para a legalización de vivendas antigas e naves industriais remata o 20 de abril

Silleda, 2 de febreiro de 2012. O Concello de Silleda, a través do departamento de Urbanismo, tramitou nos últimos meses 40 expedientes de legalización de outras tantas edificacións ao abeiro da disposición transitoria tercerira da Ley do Solo.

Esta disposición permitía aos propietarios de edificacións construídas con anterioridade ao 2003, e que non tiveran licenza municipal ou non se axustaran á mesma, declarala súa popiedade como fóra de ordenación e regularizar así a súa situación urbanística.

A día de hoxe, son 18 os expedientes que se tramitaron ou están en tramitación; “á vista da cantidade de xente interesada neste proceso queremos relembrar que o 20 de abril remata o prazo para a presentación da documentación” sinala a Alcaldesa de Silleda e Concelleira de Urbanismo, Paula Fernández.

A mandataria trasdezá invita aos veciños a que acudan ao departamento de Urbanismo a interesarse sobre se as súas licenzas antigas foran correctamente tramitadas “deberían vir a consultar se realmente están legalizados ou non, porque agora poderian regularizar a situación”.

Recorda a Alcaldesa que nas edificacións declaradas fóra de ordenación, non se poderán executar máis que obras de mantemento e conservación “por isto, hai moita xente interesada en regularizar unha situación urbanística que, de obviala, pode complicar unha herdanza, venta ou expropiación”

No Concello de Silleda tramitáronse tamén 25 solicitudes doutras tantas edificacións para acreditar a súa situación urbanística municipal e así poder inscribirse no rexistro da propiedade de viviendas tradicionais sobre as que os propietarios non posúan ningún documento acreditaritvo da titularidade. Esta tramitación, ao contrario que a declaración de fóra de ordenación, non ten prazo para o seu desenvolvemento.

As dependencias de Urbanismo do Concello de Silleda facilitarán a todos os interesados información da documentación que deben aportar entre o que destacan planos de situación, acreditación de antigüidade, reportaxes fotográfica da propia parcela e acreditación, se fora o caso, dunha nave o negocio, da preexistencia dun uso continuado da edificación.

Polígono de Chapa

Asemade, tamén se está a tramitar a regularización do Polígono en Chapa logo de que os propietarios presentaran unha delimitación da zona industrial ao abeiro tamén da disposición transitoria da Ley do Solo. Esta documentación xa foi remitida aos redactores do Plan Xeral e incluída no novo documento “esperamos agora que a xunta acepte esa zona como solo empresarial existente”, informa Fernández Pena.

Recordamos que a Alcaldesa de Silleda mantivera unha xutanza cos empresarios de Chapa e os técnicos municipais para chegar a unha solución con esta zona logo de que a Xunta, no seu informe do PXOM do 2009, rexeitara a instalación dun Polígono en Chapa deixando estes empresarios sen máis posibilidades que declaralas fóra de ordenación “e polo tanto sen posibilidades de ampliacións, nin cambios de uso ou mellora de negocio”

Silleda – posibilidade de instalar zonas de carga e descarga

A Alcaldesa de Silleda reuniuse con Ecos para a posible instauración de varias zonas de carga e descarga no casco urbano da vila

Silleda, 1 de febreiro de 2012. A Alcaldesa do Concello de Silleda, Paula Fernández Pena, e o Concelleiro de Obras e Servizos, Manuel Cuiña, mantiveron na tarde de onte unha reunión coa asociación de Empresarios e Comerciantes de Silleda (Ecos) para presentarlles a proposta para o establecemento de zonas de carga e descarga no casco urbano da vila.

Ante esta posibilidade, os membros de Ecos amosáronse a favor da instauración destas zonas con réxime de estacionamento, polo que só resta unha valoración económica por parte do goberno local para o inicio dos traballos

Tras a súa humanización, na rúa Cartaxena non quedou espazo dispoñible para a realización da actividade de carga e descarga de mercadorías, e tendo en conta a dificultade de facelo tamén, nas demais rúas do núcleo urbano, xurdiu a posibilidade de facer un estudo das zonas do centro da vila con máis actividade e, unha vez determinadas, propoñer a instauración de varias zonas específicas para este fin, a modo de proba, distribuidas polas rúas de máis movemento.

A conclusión inicial foi que a rúa Venezuela debería contar con dúas zonas de carga e descarga, unha duns 25 m. e outra de 15 m., aproximadamente. Tamén as rúas Progreso e María Colmeiro contarían con dúas zonas cada unha, todas de 15 m. de lonxitude, aproximadamente. E por último, na Avenida do Parque situaríanse dous espazos máis de carga e descarga de 15 e 25 m. aproximadamente.

En todos estes espazos sería mester prohibir o estacionamento, aínda que a proposta contempla que a prohibición sexa só en días laborais, e o tempo de carga e descarga limitado a un máximo de 15 minutos e no tramo horario que vai dende as 8.00 ás 12.00 horas pola mañá, e dende as 16.00 ás 19.00 horas pola tarde. A sinalización destes espazos sería tanto horizontal (con sinais) como horizontal (delimitación do espazo reservado e sinalización do mesmo mediante liña amarela e contigua ou en zigzag).

A Alcaldesa de Silleda, responsable do tráfico do municipio informa que “O obxectivo do goberno local é garantizar a seguridade viaria, e a implantación destas zonas é fundamental para conseguilo. Con elas evitaremos maniobras de carga e descargas en doble fila ou molestias aos peóns pola invasión das beirarúas por parte dos vehículos”. Fernández Pena tamén fai un chamamento aos veciños para que entendan que “por riba do dereito do conductor estará sempre o dereito do peón”.

Ordes – curso de ESO para adultos

O Concello de Ordes inaugura un novo curso para adultos para a obtención do título de graduado en ESO

O número total de alumnos matriculados este ano ascende a 45. As clases impartiranse nos baixos ds alameda, situados na rúa Xoxardo

Ordes 01 febreiro 2012. O Concello de Ordes inaugurou onte os novos cursos de adultos para a obtención do título de graduado en ESO. No acto que tivo lugar na Casa da Cultura estiveron presentes a concelleira de Educación, Silvia Marín, a profesora encargada de impartir as clases, Natalia Rodríguez, ademáis dos 45 alumnos matriculados. A todos se lles impartirán coñecementos en diversas materias das ramas de ciencias e letras, ademáis de idiomas. Todo elo co fin de poder superar as probas que terán lugar nas convocatorias de xuño e setembro. Dado o elevado número de alumnos matriculados este ano as clases impartiranse nos baixos da Alameda, na rúa Xoxardo.

Deste xeito o Concello de Ordes continúa co seu compromiso na formación da súa veciñanza, dado o elevado número de solicitudes para a realización deste curso.

Ames – unidade doazón sangue / actividades aula da natureza

A unidade móbil de doazón de sangue estivo esta tarde por primeira vez na parroquia de Biduído Ames, 01 de febreiro de 2011. A parroquia de Biduído recibiu esta tarde por primeira vez a unidade móbil de doazón de sangue. A concelleira de Medio Ambiente, Desenvolvemento Sostible e Sanidade, Eugenia Martín, acordou xunto coa representante do Centro de Transfusións de Galicia, Pilar Sobrino, o incremento do número de puntos de doazón de sangue en Ames e a parroquia de Biduído foi un dos lugares escollidos polo Concello para establecer este mes ese novo punto de doazón. Deste xeito, as unidades móbiles visitarán a partir de agora unha vez ao mes os diferentes núcleos urbanos e parroquias amienses. Os novos puntos de doazón nas parroquias irán rotando de forma que cada certo tempo o bus da doazón visitará urbanizacións e zonas do rural. O alcalde de Ames, Santiago Amor, a concelleira de Sanidade, Eugenia Martín e o concelleiro de Cultura , Alfonso Rey visitaron a unidade móbil que se achegou a Biduído. Ao igual que o fixeron varios veciños, Santiago Amor tamén doou sangue. Esta semana, Bertamiráns e Biduído recibiron, o 31 de xaneiro e o 1 de febreiro, respectivamente, a unidade móbil de transfusión. Foi a primeira vez que se estableceu un punto de doazón na parroquia de Biduído, froito do acordo establecido pola concelleira de Sanidade, Eugenia Martín, e a representante do Centro de Transfusións de Galicia, Pilar Sobrino. Ames é un dos concellos da comarca cun maior índice de participación nas campañas de doazón que desenvolve o Centro de Transfusión de Galicia. O ano pasado rexistráronse en Ames arredor de 1.250 doazóns de sangue, o que supón un incremento superior ao 20% na participación con respecto ao ano 2010. A taxa rexistrada é dunhas 43 doazóns por cada 1.000 habitantes e ano. A unidade móbil do Centro de Transfusión de Galicia estivo hoxe en fronte á farmacia de Biduído en horario de 18:30 h a 21:00 horas e recibiu a visita do alcalde, Santiago Amor, e dos concelleiros Eugenia Martín e Alfonso Rey. Requisitos fundamentais para doar sangue Todas aquelas persoas que teñan intención de doar sangue deberán cumprir unha serie de requisitos entre os que destacan: ter máis de 18 anos, pesar máis de 50 kg, ter comido e non doar dende fai dous meses. No caso de achegarse a doar despois do xantar é conveniente esperar dúas horas para facelo e sempre é recomendable ter algo no estómago cando se vai facer a doazón. Os homes poden doar ao ano un máximo de catro veces mentres que as mulleres poden facelo en tres ocasións.

Dan comezo as actividades programadas para este ano na Aula da Natureza coa presentación de traballos do máster de Biodiversidde da USC Ames, 02 de febreiro de 2012. Alumnos do máster de Biodiversidade da Universidade de Santiago de Compostela presentaron os seus traballos esta mañá na Aula da Natureza de Ames, que se sitúa na parroquia de Ameixenda. Media ducia de alumnos do máster de Biodiversidade, dependente do departamento de zooloxía e tipoloxía da USC, coñeceron as instalacións da Aula e presentaron traballos de distintas temáticas, coma “A biodiversidade da mata atlántica” ou “Os lemúridos de Madagascar”. O director e profesor do máster, Carlos Otero, explica que a materia do curso se divide en clases teóricas e un traballo relacionado coa biodiversidade cuxa temática pode ser elixida libremente polos alumnos. Coa presentación destes traballos da comezo a programación de actividades da Aula da Natureza de Ames. A concellería de medioambiente do concello de Ames, que dirixe Eugenia Martín, está traballando para que as universidades galegas e outras entidades teñan en conta á Aula da Natureza de Ames coma unha entidade medioambiental coa que poden contar para diferentes actos. Previsiblemente a Aula da Natureza será sede de cursos de verán da USC e de charlas de temática relacionada co medio ambiente e co desenvolvemento sostible. Os alumnos do máster de Biodiversidade recibiron como agasallo a guía da Ruta de Riamontes, un espazo amiense que reúne condicións de alta biodiversidade. De igual xeito unha técnica municipal ofreceulles unha visita guiada pola Aula da Natureza e puideron coñecer os seus sistemas de bioconstrución, aproveitamento de especies vexetais, ou a laguna de depuración por macrofitas en suspensión (unha mostra de depuración ecolóxica).

Oroso – novas beirarrúas

OROSO REMATA A PRIMEIRA FASE DAS BEIRARRÚAS QUE UNIRÁN SIGÜEIRO COA GARDERÍA MUNICIPAL DA ULLOA COA NOVA SINALIZACIÓN DO TRAMO URBANO

As obras na marxe dereita da Avenida de Compostela executaranse por fases, de xeito que o tramo urbano estará rematado en dous meses

2 de febreiro de 2011.- O Concello de Oroso vén de rematar a primeira fase das obras de construción das beirarrúas que unirán Sigüeiro coa gardería municipal da Ulloa seguindo a marxe dereita da Avenida de Compostela (N-550). Unha primeira fase que se corresponde co tramo urbano de Sigüeiro e que hoxe quedou rematado coa nova sinalización horizontal para a delimitación das prazas de aparcamento e dunha parada do autobús do transporte metropolitano máis ampla ca existente.

Os traballos consistiron na reposición e construción de beirarrúas na marxe dereita da avenida de Compostela, dende o cruce coa rúa do Portiño. Deste xeito, non só se humanizou esta zona de Sigüeiro, senón que tamén se eliminaron os desniveis existentes nalgún dos tramos e púxose fin así ás barreiras arquitectónicas existentes na zona.

As obras de reurbanización da marxe dereita da Avenida de Compostela contaron cun orzamento de 95.466 euros, subvencionados con fondos da Deputación Provincial da Coruña. Aínda que o prazo de execución inicial era de 9 meses, os traballos rematáronse en pouco máis de catro meses.

Segunda fase das obras

O concelleiro de Vías e Obras, Eduardo Veiras, explica que “hoxe mesmo comezamos a traballar xa na segunda fase dos traballos, que permitirán unir estas beirarrúas coa rotonda da N-500 e coa gardería municipal da Ulloa”. Uns traballos de maior complexidade técnica, pois ademais das beirarrúas está proxectado un muro que as ampare no talud situado a carón da rotonda da N-550. Unha vez rematado o proxecto, estas beirarrúas mellorarán a seguridade viaria daqueles pais e nais de Sigüeiro que desexen levar camiñando aos seus cativos á gardería municipal da Ulloa.

A financiación desta segunda fase das obras está incluida na modificación do proxecto de acondicionamento da intersección da N-550, cuxa modificación foi aprobada polo pleno municipal o pasado mes de setembro. Ademais da construción das beirarrúas, a modificación deste proxecto inclúe tamén a instalación de novas sinais direccionais e de seguridade para os peóns e unha serie de canalizacións de augas pluviais, ademais da rotonda xa construída.

Ordes – cursos circuito cultural / unidad móvil ITV

Máis de 140 veciños e veciñas participan no novo circuito cultural e deportivo do Concello de Ordes As clases de Ioga, pilates, bailes de salón e en liña, cociña e informática comenzaron a impartirse dende esta mesma semana Ordes 02 febreiro 2012. Máis de 140 alumnos participan na nova quenda do circuito cultural e deportivo que o Concello de Ordes ten organizado de cara os vindeiros meses e que arrancaron onte co inicio de varios cursos. Un total de 87 alumnos comenzaron así as súas clases de ioga, pilates e informática, que se levarán a cabo no local cultural situado tanto na rúa Reconciliación vomo na Casa da Cultura, na rúa Galicia. Neste último caso tanto no nivel de iniciación como no nivel medio e avanzado, facendo especial fincapé na Internet e nos seus posibles usos. Mañá venres continuarán as xornadas de inauguración, neste caso será o turno para dous dos cursos máis esperados e demandados. A través do novo ciclo de cociña veciños e veciñas de diferentes idades aprenderán non só receitas típicas da gastronomía galega e de outros países, senón que tamén terán a ocasión de ampliar os seus coñecementos en repostería. En total serán máis de 15 persoas as que farán uso da aula instalada na Casa da Cultura. Por outra banda mañá tamén arrancarán as clases de bailes de salón en de baile en liña, no primeiro caso con 15 parellas inscritas no segundo con 27 alumnos. Todos poderán aprender estilos como o vals, pasobloble, tango ou rumba, entre outros. Máis cursos de informática Ante a demanda e interés que sempre suscitan as clases e ciclos de informática o Concello de Ordes anima a todos os interesado a pasar polo Departamento de Cultura e Deporte a deixar os seus datos. Unha vez que se conte co número preciso de alumnos para a creación dun novo grupo comenzarase un novo curso.

A unidade móbil de inspección de vehículos prestará servizo en Mesón do Vento o vindeiro luns 20 de frebreiro Revisaránse os ciclomotores de dúas rodas e máis de tres anos de antigüidade, así coma as as motos e quads de máis de catro Ordes 02 febreiro 2012. O Concello de Ordes informa a todos os seus veciños e veciñas que a unidade móbil de inspección técnica de vehículos prestará servizo no Campo de Feira do Mesón do Vento o vindeiro luns 20 de febreiro. Concretamente poderán pasar a inspección técnica os ciclomotores de dúas rodas e máis de tres anos de antigüidade, ademáis das motos e quads de máis de catro anos. O horario de atención ao público será de 9 a 13.30 horas e de 15.30 a 18 horas. A diferenza doutras ocasións esta vez non se poderá reservar cita previamente, senón que aos interesados asignaráselle hora directamente na unidade móbil.

Brión – obradoiros prácticos de informática

O CONCELLO DE BRIÓN OFRECE AOS VECIÑOS TRECE OBRADOIROS PRÁCTICOS DE INFORMÁTICA

A matrícula estará aberta todo o ano e o taller realizarase no momento en que haxa 8 persoas inscritas. A oferta inclúe manexo de redes sociais e internet, creación de web e retoque fotográfico

2 de febreiro de 2012.- O Concello de Brión abre o prazo de inscrición en trece obradoiros de informática. Uns obradoiros, de entre dúas e catro horas de duración, que serán principalmente prácticos e nos que se ensinará ao alumno a manexar unha aplicación determinada. A oferta do Concello de Brión inclúe o manexo de redes sociais, creación de web e blogs, retoque fotográfico e manexo de Internet.

A inscrición estará aberta de xeito permanente na Casa da Cultura e no teléfono 981 509 908. A cota de inscrición é de 10 euros por curso e cada obradoiro realizarase no momento en que haxa 8 persoas inscritas. As sesións terán lugar no telecentro de comunicacións de Brión e o Concello pon a disposición dos veciños catro horarios diferentes: un de mañá (os martes de 10:30 a 12:30 horas) e tres de tarde (os luns de 16:30 a 18:30 horas e os martes e xoves de 20:00 a 22:00 horas).

Oferta formativa

Así, a oferta do Concello de Brión inclúe varios obradoiros relacionados coa Internet como: busca de emprego a través da Rede, organización de viaxes a través da Internet (voos, reservas, hoteis...), comercio electrónico ou trámites electrónicos (na Seguridade Social, no Sergas, na Axencia Tributaria...). Ademais, convocaranse tamén cursos para aprender a utilizar as redes sociais (Facebook, Twitter e Tuenti) e ensinarase aos alumnos a crear un blog.

Outros cursos ofertados polo Concello de Brión teñen que ver co mundo da imaxe como un curso de retoque fotográfico con Photoshop, un obradoiro para sacarlle todo o partido á nosa cámara dixital ou un curso de música e vídeo, que se complementa con outro de gravación de CD´s e DVD´s. Así mesmo, tamén se ofertan cursos de creación de páxinas web, tramitación do DNI electrónico e para o uso do skype, para a comunicación en tempo real.

Ames – cursos da aula cemit no mes de Marzo

A Aula CeMIT do Concello de Ames organiza catro cursos para o mes de marzo

O prazo de inscrición para estas actividades estará aberto durante os meses de febreiro e de marzo

Ames, 2 de febreiro de 2012. A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Ames organiza catro cursos durante o mes de marzo. No primeiro obradoiro os usuarios/as aprenderán a navegar pola internet, no segundo curso os participantes aprenderán como preparar unha viaxe a través da internet, o terceiro obradoiro estará enfocado a que os amienses aprendan a crear e manexar unha conta de correo, mentres que no cuarto e último obradoiro os usuarios/as aprenderán a comunicarse en tempo real a través da internet. Esta aula de informática, dependente da Xunta de Galicia, ofrece obradoiros dirixidos a veciñanza amiense. A través deste servizo preténdese que todos os amienses coñezan as nocións básicas da informática e das novas tecnoloxías.

Trala boa acollida que tiveron os obradoiro impartidos en xaneiro na aula de informática de Bertamiráns, durante o mes de febreiro ábrese un novo prazo para inscribirse nos cursos que se impartirán no vindeiro mes de marzo. Deste xeito, a Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello Ames, impartirá catro novos obradoiros durante o mes de marzo.

No primeiro obradoiro os usuarios/as aprenderán a navegar pola rede, facer buscas de información cun buscador, escoitar a radio pola internet, ver vídeos na internet nas diferentes páxinas das cadeas de televisión e pedir cita médica. Este curso realizarase entre os días 5 e 9 de marzo, en horario de 10:30 h a 12:30 horas. O prazo de inscrición para este obradoiro remata o día 29 de febreiro.

Organización de viaxes

O segundo obradoiro que se vai organizar permitiralle aos usuarios/as aprender a preparar unha viaxe, como buscar o transporte e a compra do billete e o aloxamento, planificar a viaxe pola estrada, os itinerarios usando google maps, compartir as fotos da viaxe na internet e os vídeos. Este curso desenvolverase entre os días 12 e o 16 de marzo, en horario de 18:00 h a 19:00 horas. O prazo de inscrición comeza o día 12 de febreiro e remata o 9 de marzo. Para poder acceder a esta actividade e necesario coñecer a navegación básica na internet e os coñecementos básicos no uso dun ordenador.

No terceiro curso os participantes aprenderán a crear unha conta de correo electrónico, a enviar e recibir mensaxes, agregar contactos, mandar mensaxes con copia e axuntar fotos ou arquivos. Esta actividade terá lugar na Aula CeMIT do día 26 ao 29 de marzo, en horario de 19:30 h ás 20:30 horas, excepto a última sesión (a do día 29 de marzo) que será de 19:15 h ás 20:30 horas. O prazo de inscrición para esta actividade estará aberto entre o día 1 e o 24 de marzo. Para participar nesta actividade e necesario utilizar un ordenador a nivel básico e a navegación básica pola internet.

O cuarto e último obradoiro denomínase “Comunícate en tempo real”. Todos os participantes aprenderán a comunicarse na internet e que programas se usan para realizar esta comunicación, nesta actividade os usuarios/as aprenderán a conectarse cun programa de mensaxería instantánea coma o messenger ou neste caso o Pidgin e tamén utilizar o programa de telefonía por internet Skype. Esta actividade realizarase os días 21, 22 e 23 de marzo, en horario de 11:00 h a 12:00 horas. O prazo de inscrición vai dende o día 27 de febreiro ata o 20 de marzo. Os requisitos para participar na actividade é coñecer o funcionamento básico dun ordenador e navegar de forma básica pola internet e dispoñer dunha conta de correo electrónico.

Aula Aberta

A aula CeMIT tamén se pode usar de forma libre, e dicir, para buscar información na internet, comprobar o correo electrónico, facer traballos, etc... As horas de

Aula Aberta son polas mañás de 9:30 h a 13:00 horas, e polas tardes de 16:30 h ata ás 20:30 horas. Este horario depende das actividades programadas cada mes

que se irán publicando.

A Rede CeMIT da Xunta de Galicia configúrase como o instrumento fundamental para promover a alfabetización dixital da sociedade galega. A Rede CeMIT ten

como obxectivo potenciar actuacións relacionadas co desenvolvemento da actividade económica, empresarial e da implantación dos servizos electrónicos,

titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da

Información.

Para inscribirse ou para solicitar máis información sobre as citadas actividades poden dirixirse á Aula CeMIT de Ames sito Praza de Chavián s/n (Casa da Cultura), a

través da páxina web http://cemit.xunta.es/, chamar ao teléfono 981884085, ou enviar un correo electrónico ao enderezo cemit.ames@xunta.es

Fundación Araguaney – exposición fotoperiodistas

Fotoperiodistas de toda Galicia expondrán sus trabajos gracias a la Fundación Araguaney y a la Secretaría Xeral de Medios

- 36 fotografías, de 18 gráficos gallegos, realizadas durante el año 2011 y que describen momentos significativos de índole social, política o histórica.

- Fotografías en color y en blanco y negro a gran tamaño que se podrán ver en la Galería Caroní de la Fundación Araguaney a partir del 9 de Febrero

Santiago de Compostela, Miércoles 1 de Febrero de 2012. El día 9 de Febrero, a las 20,30 h de la tarde, la Galería Caroní situada en la Rúa do Vilar 21, acogerá la inauguración de la exposición “Os nosos gráficos, as súas imaxes”. Una muestra, iniciativa de la Fundación Araguaney y en colaboración con la Secretaría Xeral de Medios de la Xunta de Galicia, formada por 36 fotografías, de 18 gráficos gallegos, que fueron tomadas a lo largo del pasado año para ilustrar noticias aparecidas en prensa.

“Os nosos gráficos, as súas imaxes” pretende reconocer el trabajo de los fotógrafos de prensa. Para ello el único requisito que se les ha pedido es que las fotografías fuesen tomadas el pasado año, hecho que permitirá al público construir una imagen gráfica de lo que ha sido el 2011. La Fundación Araguaney reunirá el trabajo de fotoperiodistas de diferentes periódicos y agencias de noticias de toda Galicia en esta muestra. De esta forma se podrá apreciar una gran variedad temática en las fotos. Desde retratos de conocidos artistas gallegos, hasta un rescate en helicóptero en las costas de Finisterre, pasando por diferentes momentos políticos y sociales de gran relevancia. La inauguración del aeropuerto de Lavacolla, el 15 M, fotografías curiosas sobre políticos gallegos e imágenes de alguna festividad de Galicia se podrán ver a partir del 9 de Febrero en la Galería Caroní de Santiago de Compostela.

INAUGURACIÓN: 9 de Febrero de 2012.

FECHAS DE LA EXPOSICIÓN: Del 9 de Febrero al 9 de Marzo.

HORARIO: Lunes a Viernes de 10,30 a 14,00 y de 16,30 a 20,00.

Sábados de 11,00 a 14,30

MÁS INFO: www.fundacionaraguaney.org

Frades – 16 veciños aprenden informática

16 VECIÑOS DE FRADES PARTICIPAN NUN CURSO DE INFORMÁTICA APLICADA A EXPLOTACIÓNS AGRARIAS

O obxectivo é que os alumnos poidan aplicar as novas tecnoloxías para mellorar a xestión das súas explotacións e a súa competitividade

1 de febreiro de 2012.- Un total de 16 veciños e veciñas de Frades participan dende a noite de onte nun curso de informática aplicada a explotacións agrarias organizado polo Concello de Frades. Facendo honra á súa denominación como “concello gandeiro”, Frades convocou este curso para achegar o mundo das novas tecnoloxías ás explotacións gandeiras e agrarias do municipio.

O profesor do curso, Gerardo García, explica que “o obxectivo principal é que os participantes melloren a xestión das súas explotacións, adaptándose ás novas tecnoloxías do tratamento da información e aumentar dese xeito a súa competitividade no mercado”. Estes 16 alumnos comezaron onte a primeira das trece sesións formativas, adicada neste caso a coñecer o sistema operativo Windows.

Posteriormente, os fradenses aprenderán as utilidades que programas como o Word, o Excel ou o Access poden aportarlles ás súas explotacións á hora de organizar e sistematizar o seu traballo. As últimas catro horas formativas centraranse na Internet, onde coñecerán os sitios web de maior interese para o sector agrogandeiro.

As clases teñen lugar no aula de informática do Concello de Frades en horario nocturno, para facilitar a participación destes veciños xa que así poden asistir a clase unha vez que xa teñen rematado o seu quefacer diario. O curso de “Aplicacións Informáticas para Explotacións Agropecuarias” xa leva formados a máis de medio cento de gandeiros do municipio nas novas tecnoloxías nos últimos anos.

Santiago – axenda venres 3 – corte de tráfico na rúa Monte dos Postes

Venres 3 11.00 h No Colexio La Salle, charla do concelleiro de Deportes, Adrián Varela, e da futbolista internacional Verónica Boquete, cos alumnos e alumnas do centro. 11.30 h Na Casa do Concello, ROLDA DE PRENSA do voceiro do grupo municipal socialista, Xosé A. Sánchez Bugallo, sobre asuntos de carácter local. 12.00 h Na Praza do Obradoiro, presentación conxunta do “Entroido da Ulla – Xenerais da Ulla”, coa asistencia dos alcaldes de Santiago, Xerardo Conde Roa; A Estrada, José Carlos López Campos; Vila de Cruces, Jesús Otero Varela; Touro, Ignacio Codesido; Vedra, Carlos Martínez Carrillo; Boqueixón, Adolfo Gacio Vázquez; a concelleira de Cultura, Normalización Lingüística e Patrimonio de Teo, Carme Hermida Gulías; e o concelleiro de Cultura e Turismo de Silleda, Matías Rodríguez da Torre. 17.00 h En Padrón, o alcalde compostelán, Xerardo Conde Roa, asiste á xuntanza da Fundación Rosalía de Castro. 20.00 h No Centro Sociocultural das Fontiñas, o concelleiro de Centros Socioculturais, Francisco Noya, inaugura a exposición “50 ANOS DE FUTBOL GALEGO EN CROMOS”. 20.30 h No Estadio de San Lázaro, o concelleiro de Deportes, Adrián Varela, e a futbolista Verónica Boquete asisten ao adestramento dos equipos femininos SD Villestro e SD Compostela. 20.30 h Na Zona "C" de Bonaval, Cámara Negra Teatro presenta 'Mujer muerta caminando' a partir de textos da novela 'O idiota' de Dostoievski. Carlos Álvarez-Ossorio, director.

Corte de tráfico na rúa Monte dos Postes Por mor das obras de construción do túnel das Cancelas, é preciso cortar ao tráfico a rúa Monte dos Postes, en sentido subida cara á avenida do Camiño Francés, permitíndose a baixada cara á Fonte dos Concheiros. O desvío cara á rúa Monte dos Postes farase pola Fonte dos Concheiros e avenida Rodríguez de Viguri. O corte comezará o vindeiro luns, 6 de febreiro, e prolongarse durante 10 días. O Concello de Santiago de Compostela prega aos cidadáns desculpen as molestias que esta alteración no tráfico lles poida ocasionar.

BNG Ordes – plan de reactivación da movida

O BNG PROPÓN UN PLAN DE REACTIVACIÓN DA “MOVIDA ORDENSE”

Constituiriase unha comisión, con participación do concello e dos hosteleiros, co obxectivo de reordenar e facer máis competitivo un sector económico estratéxico

Gonzalo Castro, portavoz municipal do BNG de Ordes, anunciou que o seu partido presentará unha moción no Pleno deste mes de febreiro onde proporán que se “acorde o impulso dunha comisión con participación de todos os grupos políticos con presenza na Corporación e dos representantes dos hosteleiros, para aprobar un Plan de Reactivación do sector do ocio nocturno en Ordes”.

O portavoz do BNG manifestou que “asistimos a unha situación de crise evidente dun sector que chegou a ter unha grande importancia económica para o noso concello, mais que ainda segue e conservar intacto un gran potencial a explotar”.

Castro salientou que “Ordes atópase práticamente a medio camiño entre A Coruña e Santiago, e posue establecementos de primeiro nível, coa emblemática discoteca LP45 á cabeza, isto constitue un potencial que hai que aproveitar, para iso é necesario modernizar a oferta, reiventarse e facer unha aposta clara pola calidade”.

Para o portavoz do BNG “a comisión que se constitua para aprobar este Plan de Reactivación da Movida Ordense, estudará as ventaxas comparativas deste sector en Ordes con respecto aos concellos que compiten directamente co noso, poñendo en valor as mesmas, para lograr diferenciar a oferta do ocio nocturno de Ordes, creando unha marca propia, fácilmente diferenciable, da movida ordense”.

Gonzalo Castro fixo fincapé no “importante apoio do Concello que precisa este sector, sobre todo no tocante á elaboración de campañas de promoción do ocio nocturno en Ordes, que deben basear a estratexia de captación de visitantes na aposta pola calidade, a diversificación de ofertas de ocio e a programación de eventos”.

Clausura de locais

Con respecto á problemática derivada dos expedientes de clausura abertos a 11 locais ordenses, Gonzalo Castro salientou “a necesidade de facilitar por parte do Concello, desde o respecto á legalidade, a adecuación da actividade deses locais á normativa vixente”.

Así mesmo defendeu que “o sector necesita unha ordenación que permita rematar co solapamento de horarios entre os distintos tipos de locais: cafeterías, pubs e discotecas, para o que sería necesario o impulso dunha oferta de eventos atractivos que pudiesen provocar o adianto do horario de comezo do ocio nocturno en Ordes, que na actualidade comeza a altas horas da madrugada, obrigando aos distintos locais a concentrar as súas horas de apertura no mesmo intervalo horario”.

BNG Ordes – o BNG en contra de adicar unha rúa a Manuel Fraga

O BNG NON PARTICIPARÁ NA COMISIÓN PROMOVIDA POR UXO E PP PARA ADICAR UNHA RÚA A MANUEL FRAGA Gonzalo Castro manifesta que é inaceptábel gastar recursos públicos en reunir unha comisión municipal para aprobar unha proposta que non suscita o consenso da cidadanía O portavoz municipal do BNG de Ordes, Gonzalo Castro, anunciou que “o BNG non participará na comisión municipal, que acordaron impulsar UXO e PP no último Pleno, para estudar a posibilidade de adicar unha rúa de Ordes a Manuel Fraga Iribarne”. Castro manifestou que “o BNG oponse a que se gasten recursos públicos reunindo unha comisión municipal para a aprobación dunha rúa co nome de Manuel Fraga, por ser unha proposta con connotacións ideolóxicas e que non concita o consenso da cidadanía”. O portavoz do BNG fixo fincapé en que “adicar unha rúa a unha persoa que ocupou importantes cargos institucionais non forma parte de ningunha disposición legal, nin de ningún compromiso institucional obrigado, nin tan sequera das normas de cortesía institucional. Esta proposta só obedece a unha decisión política de dereita ordense, de UxO e PP, que pretende impor un recoñecemento social perenne a unha figura socioloxicamente controvertida e sobre a que non existe consenso social”. Gonzalo Castro salientou que “coa creación desta comisión preténdese honrar ao que foi durante tanto tempo referente histórico da dereita española, cando hai infinidade de propostas de nomes que suscitarían o consenso e que podían formar parte do noso rueiro: de acontecementos históricos, de lugares, de obras artísticas e por suposto de persoas nas que estiveramos todos e todas de acordo”. Acordo de 2007 do Pleno da Corporación Municipal de Ordes O portavoz do BNG xustificou a oposición dos nacionalistas a adicarlle unha rúa a Fraga aludindo a que “a intención de UXO e PP de aprobar unha rúa co nome de Manuel Fraga, esnaquiza por completo o consenso acadado no ano 2007 pola Corporación Municipal de Ordes que, a iniciativa do BNG, acordou modificar o rueiro do noso concello cambiando os nomes da rúas que homenaxeaban a persoas relacionadas coa sublevación militar, a Guerra Civil e a represión da Ditadura Franquista. Acordo que daba cumprimento ao disposto no artigo 15 da Lei de Memoria Histórica”.

PSOE Ordes – os informes desaconsellan o salvaescaleiras no CEIP Castelao

DOUS INFORMES TÉCNICOS DESACONSELLAN A REINSTALACIÓN DUN SALVAESCALEIRAS NO CEIP CASTELAO POR MOTIVOS DE SEGURIDADE

Xesús Pedreira pídelle á Consellería de Educación que retome o proxecto para instalar o ascensor que deixara a anterior Xunta e que conta co apoio unánime tanto do Consello Escolar, da ANPA e do pleno do Concello de Ordes

2 de febreiro de 2012.- A Agrupación Socialista de Ordes denuncia a existencia de dous informes técnicos que desaconsellan por motivos de seguridade a reinstalación do salvaescaleiras do CEIP Castelao, que causou un accidente moi grave en setembro de 2011 e que estivo a piques de costarlle a vida a un alumno do centro, e aconsellan a instalación dun ascensor adaptado para solventar os problemas de movilidade no centro escolar. Uns informes realizados a instancias do rogo presentado polo concelleiro socialista Xesús Pedreira no pleno municipal celebrado o pasado 26 de xaneiro e que “recollen o sentir da comunidade educativa do CEIP Castelao”.

“Os informes técnicos, elaborados pola arquitecta técnica municipal e por un arquitecto externo, coinciden en sinalar que a solución máis aconsellable dende un punto de vista técnico é a colocación dun ascensor adaptado e a retirada do salvaescaleiras existente por motivos de seguridade”, explica Xesús Pedreira. O concelleiro socialista pídelle á Consellería de Educación que “se non quere escoitar as xustas demandas da comunidade educativa e do Pleno Municipal de Ordes, cando menos faga caso dos informes técnicos desfavorables e obre en consecuencia”.

Debilidade da estrutura

O informe técnico municipal indica que “para a instalación do salvaescaleiras procedeuse á colocación dunha estrutura metálica a base de elementos tubulares anclados ao pavimento das escaleiras na súa base e anclada lateralmente a un tabique presumiblemente de reasilla cerámica e enfoscado. O citado tabique presenta desperfectos nos puntos de anclaxe podendo ser debidos ás cargas ás que se atopa sometido pola acción do salvaescaleiras”. Ademais, recorda que estas escaleiras teñen unha antigüidade estimada de máis de 30 anos, segundo datos catastrais.

A técnico municipal considera que “a instalación pode non ser segura, posto que non quedan garantidas as condicións de seguridade absoluta e solidez da parede onde se suxeita parte da estrutura metálica que serve de apoio ao elevador, posto que, dende un punto de vista construtivo, os tabiques son concebidos para dividir ou pechar espazos interiores, sen función estrutural”. Por todo isto, e unha vez analizada a normativa de accesibilidade aplicable, os informes conclúen que “a solución máis aconsellable dende un punto de vista técnico é a colocación dun ascensor adaptado e a retirada do aparello elevador existente nas escaleiras”, lembrando que o CEIP Castelao dispón de lugares aptos para a súa colocación.

Total apoio da Agrupación Socialista

Xesús Pedreira lembra que a instalación dun ascensor no CEIP Castelao é un proxecto que procede da época do bipartito na Xunta e que conta co apoio tanto do Consello Escolar como dos pais e nais do centro escolar. “Este ascensor podría ser empregado non só polo alumno que sufriu ese desgraciado accidente, senón tamén por calquera alumno que presente algún tipo de diversidade funcional”, aclara Pedreira Mirás, quen considera que “colocar un ascensor solucionaría o problema de maneira real e evitaría malgastar os cartos de todos nun aparato que non vai ser empregado por ninguén, xa que que o único neno que o empregaba non o quere utilizar dado o medo extremo que ten e polas secuelas psicolóxicas que lle quedaron a raíz das lesións que tivo”.

Cómpre lembrar que tanto a Agrupación Socialista de Ordes como o PSOE no Parlamento de Galicia teñen presentado distintas iniciativas a raíz do accidente acontecido o 20 de setembro, cando o desprendemento dun salva-escaleiras feriu a un alumno con problemas de mobilidade que neses intres o estaba utilizando. A última foi anunciada onte mesmo: unha Proposición Non de Lei que insta á Consellería de Educación e Ordenación Universitaria a que atenda as demandas da comunidade educativa do CEIP Castelao e realice a instalación dun ascensor como solución máis axeitada e segura para a eliminación das barreiras arquitectónicas no centro.

Forum gastronómico – Estrella Galicia presenta o programa completo do Forum

Estrella Galicia presenta o completo programa do Fórum Gastronómico de Santiago

Manel Pérez Piñón, Responsable de Trade Marketing de Hijos de Rivera, destacou o apoio que a empresa ofrece a este tipo de iniciativas que dan valor ao sector, mentres que o cociñeiro Xosé Cannas quixo subliñar a importancia deste evento para o desenvolvemento da cociña galega  

Estrella Galicia presentou esta mañá o completo programa da nova edición do Fórum Gastronómico que se celebrará no Palacio de Congresos e Exposicións de Santiago do 26 ao 28 deste mes de febreiro. A Cervecería de Estrella Galicia en Catro Camiños foi o marco para este encontro que contou coa presenza de Manel Pérez Piñón, Responsable de Trade Marketing de Hijos de Rivera; Xosé Torres Cannas, cociñeiro do restaurante Pepe Vieira “Camiño da Serpe”; e cos codirectores do Fórum, Pep Palau e Jaume von Arend.

Manel Pérez Piñón, Responsable de Trade Marketing de Hijos de Rivera, destacou que: “A nosa presenza como patrocinadores do Fórum Gastronómico persegue apoiar as iniciativas que acheguen valor á canle da hostalería e a restauración”.

A cita supón a plataforma adecuada para mostrar as novidades e innovacións que se dan no sector e por iso, en palabras de Manel Pérez: “apostamos unha ano máis polo Forum Gastronómico como plataforma para a presentación dos nosos produtos máis innovadores, como Magma de Cabreiroá”.

Pep Palau foi o encargado de debullar o programa oficial, así como de facer unha pequena aproximación aos relatores desta cita. O obxectivo do Fórum é converterse nun escaparate de todo o sector agroalimentario galego e ser o punto de encontro enogastronómico profesional.

Sesións maxistrais no Auditorio, Obradoiros, Aula Activa, Fórum Doce, Fórum Viño, premio InnoFórum, actividades e atraccións organizados polos expositores… o programa total conta con 80 sesións impartidas por máis de 100 cociñeiros e profesionais.

Palau desvelou que a terceira edición do afamado concurso de polbeiras celebrarase no propio recinto do Fórum o domingo 26, a xornada cun cariz máis aberto ao público xeral. Pola súa banda, os días 27 e 28 teñen un carácter máis profesional, aínda que neles tamén se poden achegar os amantes da gastronomía.

Toda a información da cita atópase no portal www.forumsantiago.com que tamén é a ferramenta para conseguir unha praza para as distintas actividades.

Jaume von Arend quixo agradecer o apoio que supoñen os distintos patrocinadores, como Estrella Galicia que é patrocinador principal. Apuntou o éxito que supuxo a Feira do Fórum, con todo o espazo vendido e máis de 350 empresas representadas.

Por último, Xosé Cannas quixo subliñar o papel clave que o Fórum xogou no despegue da cociña galega e dos seus profesionais, desde a súa experiencia en edicións anteriores e a súa presenza no programa desta edición, cun obradoiro o martes 28. O seu restaurante, situado en Raxó – Poio, ostenta unha estrela Michelin desde 2008.

Programa

Pep Palau destacou que o programa está construído desde a vontade de servizo ao sector e coa vocación de seguir contribuíndo á formación e a aprendizaxe e de ofrecer novas ferramentas. No Fórum falarase de cociña, agricultura, pesca, economía pero tamén de ciencia. Destacou o papel que Galicia terá nesta edición e a posta en valor que nel conseguirán os produtos galegos.

A entrada xeral ao recinto é de 5 euros o domingo, e a entrada profesional é de 15 euros o luns e o martes. Con esa entrada accédese gratuitamente ao Auditorio, onde terán lugar sesións maxistrais a cargo de relatores de recoñecido prestixio, o que supón unha novidade en Galicia.

Nos Obradoiros terán lugar as demostracións a cargo dos mellores especialistas, con auténticas degustacións dos pratos elaborados polo cociñeiro. Trátase dun espazo reducido, próximo, que permite interactividade, cun límite de 60 prazas que precisa de inscrición previa. A súa duración é de 1 hora. O prezo dos Talleres o domingo é de 3€ e nas xornadas profesionais, luns e martes, é de 20€.

Unha novidade destacada en Santiago desta edición do Fórum é a Aula Activa. É un espazo experimental e interactivo no que os asistentes terán o privilexio de estar xunto ao mestre e probar os seus pratos. A súa duración é de tres horas, con capacidade exclusiva para 20 persoas tras inscrición previa. O prezo será de 10€ o domingo e de 50 € o luns e martes.

O domingo, o programa oficial contará con: Alfonso González (Casa Pendás, Narón); Beatriz Sotelo (A Estación, Cambre); Benigno Campos (Larpeiros); Chef Rivera (Restaurante Chef Rivera); Cristo García e Juan Luis Fernández (Binomio, Sevilla); Germán Blanco (Amura, Puerto Calero Lanzarote); Gonzalo Rei (El Mercadito, Santiago); Héctor López (España, Lugo); Iago Castrillón (Acio, Santiago); Marcelo Tejedor e Iván Domínguez (Casa Marcelo, Santiago); Jordi Farrés (BCN Cookies, embaixador de Callebaut); Lucía Freitas (A Tafona, Santiago); María Mera (Garum, Santiago); Mercedes González (Gallaecia. Asociación de Sumilleres de Galicia); Pedro Roca (Pedro Roca, Santiago); Pedro Santana (Casa Brígida, Lanzarote); Rafael Centeno (Maruja Limón, Vigo); Salvador Lucena (Berenguela H. Puerta del Camino, Santiago); Sergio Arias (O Curro da Parra, Santiago); Sixto Tovar (Eslava, Sevilla); Xoán Manuel Crujeiras (A Estación, Cambre); Josep Maria Ribé (Profesor da Chocolate Academy, Callebaut); Víctor Gloger e Samuel Perea (Cocina por la Paz); Adrián Guerra (Enoteca Bagos, Pontevedra); Xabi Rúa (A viña de Xabi); Jorge Vila (Blog Cía Maria Fechoría); Antonio Portela (Blog Viticólogo dos bagos); Mariano Fisac (Blog Mileurismo Gourmet); e Iago Castrillón (Acio, Santiago). 

A xornada do luns xuntará a: Ángel León (A Poniente, Puerto de Santa María, Cádiz); Javier Olleros e Santiago Pérez (O culler de Pau, O Grove e Finca Los Cuervos); Joan Roca (El Celler de Can Roca, Girona); Jordi Roca (El celler de can Roca, Girona); Josean Alija (Nerua, Bilbao); Marcos e Pedro Morán (Casa Gerardo, Carreño, Asturias); Nuno Mendes (El viajante, Londres); Paco Morales (Paco Morales H. Ferrero, Valencia); Ramón Morató (director de Chocolate Academy e Asesor Técnico Cacao Barry); Rodrigo de la Calle e Santiago Orts (Rodrigo de la Calle, Aranjuez); Iago Pazos (Abastos 2.0); Íñigo Lavados (Singular Foods, Irún); e Manuel Gago (USC).

O martes 28 estarán: Alberto González e Raquel Alonso (Silabario, Tui); Dani García (Calima, Marbella); Javier Torres (Dos Torres, Barcelona); Oriol Rovira (Els Casals, Sagàs, Barcelona); Paco Pérez (Miramar, Llançà, Girona); Pepe Solla (Solla, Poio); Rubén Álvarez (Asesor Técnico de Chocovic y Chocolate Academy); Xavier Pellicer (Can Fabes, Sant Celoni, Barcelona) Xoán Cannas (AGASU Asociación Gallega de Sumilleres); Xosé Cannas (Pepe Vieira, Poio); Luis Padín (Gallaecia Asociación de Sumilleres de Galicia); Ricardo Sanz (Kabuki, Wellington Madrid); Josep Roca (El Celler de Can Roca); Quico Sosa; Enric Rovira; Jaume Estruch e Josep de Haro (Soc. Española de Ciencias Sensoriales).

Durante a presentación do Fórum 2012 tamén se subliñou o papel que xogarán Fórum Viño e Fórum Doce, dúas miradas específicas á enoloxía e o mundo doce.

No portal www.forumsantiago.com atópase a programación desta cita.

Os patrocinios institucionais do Fórum Gastronómico son Xunta de Galicia, Concello de Santiago, Deputación da Coruña, Consorcio de Santiago e Turgalicia; os patrocinadores principais son Estrella Galicia e Schweppes; como patrocinadores tamén figuran Paradores, Chocolate Academy (Barry, Callebaut, Chocovic), Asociación Hostalería Compostela e Rosareiro-Angelo Po. Os patrocinios técnicos corren a cargo de Bragard, Josmaga, Castey, Noyamóvil, Kitchenrent, María Fechoría, Aceites Abril, CIEP Compostela, Mercado de Abastos de Santiago e Tesec Audiovisuales.

Ames – notas escola de música e policia local

Xaneiro foi un mes cargado de eventos para a Escola Municipal de Música de Ames O próximo concerto da Escola Municipal de Música será o 17 de febreiro na casa da cultura do Milladoiro ás 19.30, co festival de entroido no que participará unha ampla representación do alumnado da escola Ames, 01 de febreiro de 2012. O mes de xaneiro estivo cargado de eventos para a escola municipal de música de Ames seguindo así unha liña de actuación na que a escola participa activamente na vida cultural do concello. O balance dos eventos neste primeiro mes do ano é moi positivo e as actuacións dos alumnos da EMMA resultaron un éxito. O Edificio de Usos Múltiples de Aldea Nova acolleu o venres día 20 de xaneiro un recital de mozos pianistas. Outro dos actos que se levou a cabo durante este mes foi un concerto no Hospital Clínico de Santiago, onde os rapaces que están ingresados recibiron a visita de alumnos da escola de música o día 26 de xaneiro. O venres día 20 de xaneiro o Multiusos de Aldea Nova acolleu un recital de piano de varios alumnos da EMMA. Os asistentes puideron gozar de dúas cancións e un baile levado a cabo polos nenos e nenas de música e movemento. A continuación os pianistas máis xóvenes da escola ofreceron un amplo repertorio de obras que ían dende a sonata de Mozart ata diversos blues pasando por pezas tradicionais coma “A donna é mobile”. O recital resultou un éxito, xa que tivo unha gran afluencia de público. Outras das actividades que levou a cabo a EMMA foi un concerto no Hospital Clínico de Santiago de Compostela o xoves 26 de xaneiro. Esta actividade ven facéndose dende hai anos e con ela preténdese que os nenos e nenas que están ingresados pasen unha tarde distinta, entretidos e gozando con música, cancións e xogos. O motivo polo que a Escola de Música repite esta actividade cada ano é porque vale a pena ver como sorrín os nenos que teñen que estar no hospital por sufrir algún problema de saúde. Os nenos e nenas puideron gozar con temas coma “Tamatayeye” con percusión corporal, a famosa “El arca de Noé” do grupo Cantajuegos ou “El jorobado de Notre Dame” coa súa melodía envolvente interpretada polos saxofóns. Neste concerto tan especial participaron alumnos de saxofón, violín, guitarra, piano e canto. A última actividade deste mes celebrouse o 30 de xaneiro no multiusos de Aldeanova e consistiu nun recital de guitarristas no que participaron uns 20 alumnos da escola interpretando temas de diversos estilos musicais. O próximo concerto da Escola Municipal de Música será o 17 de febreiro na casa da cultura do Milladoiro ás 19.30, co festival de entroido no que participará unha ampla representación do alumnado da escola.

A Policía local retirou dezaoito vehículos que estaban abandonados na vía pública Durante o ano 2011 abríronse un total de 100 expedientes por abandono de vehículos na vía pública Destes 100 vehículos retiráronse un total de 88, dos cales 70 foron retirados polos seus titulares e 18 retirados polo guindastre, seguindo co expediente aberto para os 12 restantes Ames, 1 de febreiro de 2012. Para impedir a permanencia indefinida nas rúas de vehículos inservibles ou abandonados a Policía local xestiona o servizo de vehículos abandonados e control de depósito. O número de expedientes abertos durante o 2011 por abandono foi de 100, sendo retirados un total de 88 vehículos, dos cales 70 foron retirados polos seus titulares e 18 retirados co guindastre, seguindo co expediente en curso para os 12 restantes. Durante o ano 2011 o guindastre realizou un total de 62 intervencións neste senso e outras para retirar vehículos que entorpecían a circulación doutros usuarios/as. Isto supón que durante 2011 o guindastre realizou 4 intervencións menos que en 2010. O proceso que segue a Policía local para retirar aqueles vehículos que están abandonados na rúa é longo e require unha serie de formalidades necesarias para cumprir coa lexislación vixente en materia de seguridade viaria. A través da vixilancia e do control diario, os e as axentes municipais van detectando a existencia de coches que parecen atoparse en estado de abandono. Noutros casos son os propios veciños e veciñas da zona os que se dirixen aos axentes para avisar da presenza dun vehículo supostamente abandonado. Para iniciar os trámites de retirada dun vehículo aparentemente abandonado ten que cumprirse algunha das condicións contempladas na Lei sobre tráfico, circulación de vehículos a motor e seguridade viaria. Hai que ter en conta que esta lei foi modificada é pódese proceder a retirada dun vehículo da vía pública sempre que constitúa perigo, cause graves perturbacións á circulación de vehículos ou peóns, deteriore algún servizo ou patrimonio público ou para poder levar a cabo algún servizo, como por exemplo o de limpeza urbana. Cada vez que a Policía local atopa un vehículo que pode estar en estado de abandono emite unha acta de observación de vehículo abandonado que se arquiva pero non se notifica. Pasado un mes vólvese a comprobar que o vehículo se atopa no mesmo lugar e envíaselle unha primeira comunicación ao titular do vehículo para que proceda a súa retirada. Unha vez transcorreron 15 días se o propietario non retirou o vehículo retírase ao depósito. Unha vez que o vehículo foi trasladado ao depósito o propietario dispón de dous meses para retiralo deste lugar e en caso que non sexa así o vehículo será considerado como un residuo sólido urbano e chámase a un desguace autorizado (Centro Autorizado de Tratamento) para a súa descontaminación e destrución. Vehículos retirados en 2011 Durante o ano 2011 abríronse un total de 100 expedientes por abandono de vehículos na vía pública. Destes 100 vehículos retiráronse un total de 88, dos cales 70 foron retirados polos seus titulares e 18 retirados polo guindastre, seguindo co expediente aberto para os 12 restantes. O traballo preventivo e de vixilancia, supuxo a corrección de vehículos, que si ben os propietarios non o consideran como abandonado, a súa larga permanencia implica moi pouca mobilidade no racionamento do parque móbil do concello. Nalgúns casos, antes de abrir o correspondente expediente, son os propios titulares do vehículo os que retiran o coche do lugar onde estaba estacionado. Isto é posible, sempre e cando, se localiza ao propietario ou se consegue localizar a un familiar, ou persoa achegada ao titular do vehículo. Os propietarios que consideran que o seu vehículo chegou ao final da súa vida útil e queiran dalo de baixa, poden utilizar tamén o servizo de entrega e renuncia. Neste caso o procedemento redúcese notoriamente no tempo e non supón ningún gasto para o propietario. Intervencións do guindastre Durante o ano 2011 o guindastre realizou un total de 62 intervencións neste senso e outras para retirar vehículos que entorpecían a circulación doutros usuarios/as. Isto supón que durante 2011 o guindastre realizou 4 intervencións menos que en 2010. De todos os xeitos é un servizo que se presta en situacións nas que se obstaculiza de xeito grave a circulación. Normalmente, son os propios veciños/as os que avisan á Policía local para notificar a imposibilidade de poder circular con normalidade, e posteriormente son os axentes amienses os que chaman ao guindastre. Na maioría dos casos os vehículos que entorpecen a circulación están estacionados diante da entrada de garaxes, nas rúas que se celebra o mercado municipal ou en prazas de carga e descarga.

Teo – mellora da seguridade viaria no cruce da Veiga da Brea

O CONCELLO MELLORA A SEGURIDADE VIARIA NO CRUCE DA VEIGA DA BREA EN LUOU CUN NOVO PINTADO NA ESTRADA

· Trátase dun punto perigoso no que se teñen rexistrados numerosos accidentes

01 de febreiro de 2012. O Departamento de Servizos Básicos do Concello de Teo, dirixido por Xurxo Francos, informa de que nos últimos días se procedeu a mellorar a seguridade viaria no cruce da Veiga da Brea na parroquia de Luou. Este cruce está situado na estrada que vai dende Vilar de Calo a Luou, moi preto da zona da igrexa e cruza coa estrada que vai de Espasande a Cacheiras.

Unha empresa contratada polo Concello encargouse de realizar unha sinalización horizontal cun novo pintado dos stops, o que vén a reforzar a sinalización vertical que xa existía. O custe deste pintado é de preto de 500 euros.

Segundo comenta Xurxo Francos trátase “dun punto moi perigoso no que se teñen rexistrado numerosos accidentes, precisamente con varios problemas no último mes”. Esto “determinou a execución urxente destas melloras que responden tamén á preocupación da cidadanía”.

O principal problema detectado neste cruce era que os conductores non paraban no stop. De aí que se realizase o pintado da estrada que se suma ás medidas que xa existían de sinalización. Concretamente ademais do stop preceptivo no cruce existía unha sinal de stop previo fluorescente 150 metros antes do cruce, bandas rugosas así como unha sinal vertical de cruce perigoso e unha limitación de velocidade a 40 quilómetros por hora.

Brión – proxecto babel

O CONCELLO DE BRIÓN PON EN MARCHA UN PROXECTO PARA FAVORECER A INTEGRACIÓN E O INTERCAMBIO LINGÜÍSTICO ENTRE VECIÑOS DE DISTINTOS PAÍSES

O “Proxecto Babel” é totalmente gratuito e organizarase en parellas de veciños que adquirirán fluidez na conversa nun idioma determinado

1 de febreiro de 2012.- O Concello de Brión vén de presentar unha iniciativa de voluntariado lingüístico, denominado “Proxecto Babel”, co cal pretende favorecer a integración e o intercambio lingüístico e cultural entre veciños de Brión de diferentes nacionalidades e procedencias a través dunha bolsa de intercambio de conversación nas diferentes linguas maternas das persoas interesadas. Unha iniciativa aberta de xeito gratuito “a calquera persoa maior de idade que queira practicar o galego, o español ou calquera outra das linguas maternas dos voluntarios que se inscriban”, explica a responsable municipal de Voluntariado, Dora Vieiro.

Aqueles veciños interesados en participar poderán anotarse e recibir máis información na Oficina Municipal de Voluntariado, ubicada na Casa da Cultura de Brión. Esta inscrición será en dúas formas:

- Ofertante: persoa que se ofrece a “ensinar” a súa lingua materna a outras persoas interesadas en practicala e mellorala.

- Demandante: persoas con coñecementos básicos dunha lingua non materna interesada en mellorar a súa fluidez e coñecemento.

Metodoloxía

O “Proxecto Babel” plantéxase en torno á realización de 10 sesións, dunha hora de duración cada unha, co fin de acadar maior fluidez na conversa na lingua que interese ó demandante. As persoas interesadas poderán inscribirse como demandantes (necesitan adquirir fluidez nunha lingua) e/ou ofertantes (ofrecen o seu coñecemento nunha lingua). Tendo en conta as linguas e os horarios nos que se inscriben, formaranse parellas para as sesións. As parellas poderán ser unilaterais (conversas só nunha lingua) ou bilaterais (intercambio de conversas nas dúas linguas da parella).

Dora Vieiro explica que “o proxecto desenvolverase a través de conversas nun ambiente distendido en torno a temas actuais ou de interese para os dous membros da parella, nunca se tratará dun curso de idiomas. A finalidade é adquirir fluidez na conversa, non aprender un idioma”. Deste xeito, o primeiro encontro realizarase na Oficina Municipal de Voluntariado, mentres que os seguintes terán lugar onde e cando a parella decida.

A intención do Concello de Brión é que este “Proxecto Babel” teña lugar ao longo do ano 2012, concretamente entre os meses de febreiro e decembro. O obxectivo é que as inscricións se fagan ao longo deste mes de febreiro e que a configuración das parellas se vaian formando ao longo de todo o ano, segundo se vaian realizando as inscricións. O compromiso inicial é de realizar dez sesións, dunha hora de duración cada unha. En principio organizarase unha sesión por semana, se ben darase total liberdade para que cada parella adapte os horarios de mutuo acordo sempre e cando non implique máis de tres sesións á semana.

Orixe do proxecto

Dora Vieiro explica que “desde hai uns meses, tanto no servizo de formación e orientación laboral coma no de mocidade e voluntariado, estamos a ver un incremento nas solicitudes por parte dos usuarios tanto de cursos de español e galego, para os veciños non nacidos en Galicia, como doutros idiomas, sobre todo inglés, por parte dos veciños galego e español falantes. Vendo proxectos de voluntariado lingüístico que se están a realizar noutras comunidades autónomas como Cataluña ou o País Vasco, así como outros como po Volangteer posto en marcha hai dous anos pola Dirección Xeral de Xuventude e Voluntariado, dirixido a mozos universitarios que estaban a vivir en Santiago a través dos programas Erasmus ou Sócrates, pensamos que este tipo de voluntariado podería ser unha boa solución neste momento para favorecer este intercambio lingüístico, facéndoo de xeito aberto ao intercambio e coñecemento de todas as linguas”.

En todo momento, os voluntarios terán á súa disposición á Oficina Municipal de Voluntariado, podendo tamén presentar queixas ou aportar ideas de mellora, que se tentarán implementar canto antes na medida do posible. Ademais do obxectivo principal de favorecer o intercambio lingüístico e o coñecemento doutras culturas, Dora Vieiro sinala que “tamén permitirá acadar unha maior integración dos novos veciños na vida comunitaria do concello de Brión”.

O “Proxecto Babel” está organizado polo Concello de Brión, en colaboración coa Xunta de Galicia. Máis información e anotacións na Oficina Municipal de Voluntariado, no teléfono 981 509 908, no mail voluntariado@briondixital.org ou no blog http://mocidadeevoluntariadobrion.blogspot.com

PSOE Ames – José MIñones novo portavoz municipal

O grupo municipal socialista de Ames elixe a José Miñones como novo voceiro do grupo.

O grupo municipal Socialista de Ames presentará o vindeiro Venres no Concello o escrito onde se designa a José Miñones como novo voceiro do Grupo. O pasado 30 de Decembro o anterior voceiro, Carlos Fernández, presentaba a súa renuncia á acta de concelleiro. Unha vez que se tomou coñecemento da mesma no pasado pleno do 12 de Xaneiro, o grupo municipal designou por unanimidade a José Miñones como sucesor na portavocía do grupo.

O que será o novo voceiro do grupo municipal é profesor na Facultade de Farmacia da Universidade de Santiago de Compostela e número dous da lista dos Socialistas de Ames por detrás de Patricia Conde. Miñones saliu elixido concelleiro nas pasadas eleccións do mes de Maio como número 6 da lista dos Socialistas e xa na anterior etapa formou parte do grupo de goberno Socialista dirixindo as Concellarías de Sanidade e a de Reforma Administrativa e Calidade na Administración, no último ano e medio do goberno socialista.

O Pleno da corporación Amiense tamén tomou constancia no último pleno celebrado o pasado mes de Xaneiro, da renuncia do seguinte candidato da lista socialista, Leonardo Pena. Os motivos de dita renuncia son os mesmos que levaron a Sandra Dios e Alejandro Parada, números 3 e 5, a renunciar no seu día a acta de Concelleiro, e que non son outros que a INCOMPATIBILIDADE laboral dos candidatos. Tanto Sandra Dios, Directora da Escola infantil municipal da Madalena en Milladorio, como Alejando Parada, traballador das escolas deportivas do Concello ademais de coordinador do Bertamirans C.F, renunciaron antes da toma de posesión da nova corporación por traballar para o Concello, e agora, Leonardo Pena, renuncia polo mesmo motivo ao traballar no servizo do Sami (departamento de Emigracion e Inmigración) do Concello de Ames. O grupo Municipal xa se puxo en contacto co seguinte candidato da lista, José Pazos Balsa e solicitou a correspondente credencial.

A pesares da designación de Miñones como voceiro do grupo socialista, este afirma que “seguiremos contando con 6 voceiros do grupo municipal”, en alusión o acordo interno xa establecido de rotación da portavocía e que cada concelleiro/a sexa voceiro do grupo municipal na súa área de influencia.

Miñones, o pasado venres, xa comunicou vía telefónica ao Alcalde de Ames a decisión do grupo municipal, recibindo a correspondente felicitación por parte do mesmo. Este mesmo venres o grupo municipal entregará en rexistro o escrito onde se designa o novo voceiro coas sinaturas dos restantes concelleiros e concelleiras do grupo municipal.

Silleda – varias notas

O Concello de Silleda recibe da Consellería de Medio Ambiente un informe que exime ao albergue de A Bandeira de avaliación medioambiental - Esta decisión permitirá que en días poida ser outorgada a licencia municipal para a súa implantación Silleda, 31 de xaneiro de 2012. O Concello de Silleda ven de recibir o informe solicitado á Conselleria de Medio Ambiente, Territorio e Infraestructuras no que se informa que o albergue de peregrinos de A Bandeira non ten necesidade de someterse ao procedemento de avaliación de incidencia medioambiental. O devandito documento considera que a reducida superficie da edificación, de 313,95 m2, e a reducida potencia instalada da actividade non repercute no medio ambiente. Asemade, considera que ao non ser excesiva a xeración de residuos, esta non ten maior relevancia. Reflicte tamén que non existen ningún tipo de verquidos e que, segundo o proxecto, conta con todos os servizos urbanísticos de auga, electricidade e saneamento. A decisión tamén se basea en que non se ven afectadas zonas protexidas debido aos seus valores ecolóxicos, paisaxísticos ou culturais, nin zonas declaradas vulnerábeis, así como tampouco outroas zonas de importancia medioambiental. No documento tamén se remarca que este proxecto deben cumprir a actual normativa medioambiental no referente á contaminación acústica, verquidos, emisións á atmosfera e xestión de residuos; e que contarán coas medidads correctoras oportunas para cada caso. Tras este informe, todos os permisos necesarios para o outorgamento da licencia dependerán directamente da administración municipal, polo que estimase que na vindeira Xunta de Goberno local poida quedar solventado “O departamento de urbanismo xa ten preparados todos os informes para o seu outorgamento”, di a Concelleira de Urbanismo e Alcaldesa, Paula Fernández O Concello de Silleda recibe da Consellería de Medio Ambiente un informe que exime ao albergue de A Bandeira de avaliación medioambiental - Esta decisión permitirá que en días poida ser outorgada a licencia municipal para a súa implantación Silleda, 31 de xaneiro de 2012. O Concello de Silleda ven de recibir o informe solicitado á Conselleria de Medio Ambiente, Territorio e Infraestructuras no que se informa que o albergue de peregrinos de A Bandeira non ten necesidade de someterse ao procedemento de avaliación de incidencia medioambiental. O devandito documento considera que a reducida superficie da edificación, de 313,95 m2, e a reducida potencia instalada da actividade non repercute no medio ambiente. Asemade, considera que ao non ser excesiva a xeración de residuos, esta non ten maior relevancia. Reflicte tamén que non existen ningún tipo de verquidos e que, segundo o proxecto, conta con todos os servizos urbanísticos de auga, electricidade e saneamento. A decisión tamén se basea en que non se ven afectadas zonas protexidas debido aos seus valores ecolóxicos, paisaxísticos ou culturais, nin zonas declaradas vulnerábeis, así como tampouco outroas zonas de importancia medioambiental. No documento tamén se remarca que este proxecto deben cumprir a actual normativa medioambiental no referente á contaminación acústica, verquidos, emisións á atmosfera e xestión de residuos; e que contarán coas medidads correctoras oportunas para cada caso. Tras este informe, todos os permisos necesarios para o outorgamento da licencia dependerán directamente da administración municipal, polo que estimase que na vindeira Xunta de Goberno local poida quedar solventado “O departamento de urbanismo xa ten preparados todos os informes para o seu outorgamento”, di a Concelleira de Urbanismo e Alcaldesa, Paula Fernández

Aberta ao público unha exposición sobre o cambio climático na Casa da Xuventude Silleda, 31 de xaneiro de 2012. Dende hoxe está aberta ao público a exposición “O noso mundo, o noso futuro, a nosa opción” na Casa da Xuventude de Silleda, que versa sobre o cambio climático. Esta mostra está promovida pola Consellería de Infraestructuras, Territorio e Medio Ambiente e organizada pola concellería de Medio Ambiente e polo departamento de Xuventude do Concello de Silleda. Trátase dunha exposición itinerante, integrada no programa Sostendo, que tras parar en algúns outros concellos galegos, chega a Trasdeza pretendendo dar a coñecer o problema ambiental do cambio climático, informando sobre as súas causas e consecuencias a nivel global e tamén en Galicia, tentando estimular a reflexión e participación activa dos visitantes con propostas e accións positivas tanto no ámbito social como medioambiental. “O noso mundo, o noso futuro, a nosa opción” consta de 19 paneis informativos; un deles como presentación da exposición, mentres que os outros 18 amosan temas como os impactos na natureza, a atmosfera, o efecto invernadoiro, a protección do clima dende diferentes ámbitos; as tres últimas lonas afrontan o tema en Galicia. Está pensada para todo tipo de público e poderá ser visitada durante o horario de apertura da Casa da Xuventude, de 11.00 a 14.00 horas e de 16.00 a 20.30 horas. Poderán asistir os colexos, ben de forma organizada ou con visita guiada, xa que está especialmente orientada hacia o segundo e terceiro ciclo de Educación Primaria. Para os grupos, deberán poñerse en contato co persoal destas dependencias a través do teléfono 986580064. O Concelleiro de Medio Ambiente, Antonio Couso resalta que “é importante que todos os silledenses teñan a oportunidade de participar en actividades deste tipo, para ser concientes da problemática do cambio climático e das súas consecuencias que provocarán grandes custos ambientais, sociais e económicos” e remata dicindo que “é importante que chegue a todos os veciños, especialente aos máis pequenos, que son o futuro”. Obradoiro Sostendo Esta exposición é a antesala ao obradoiro “Fronte ao cambio climático” que se celebrará o vindeiro 11 de febreiro. Este seminario pretende favorecer a implicación cidadá na loita contra o cambio climático promovendo actitudes, concienciando, e sensibilizando aos participante ante esta grande problemática. Para participar nesta actividade é preciso a inscripción previa, xa que había disponibles 25 plazas para rapaces e 30 para adultos, das que a día de hoxe hai cubertas 20 e 22 prazas respectivamente. Dende a administración local encargada do tema, infórmase de que pese a estar xa pechado o prazo de inscripción, admitiranse máis solicitudes ata que se rematen as vacantes. ---------------------------------------------------------------------------------------------------------------------------- A Alcaldesa de Silleda ven de manter unha reunión con Cogami en relación ao proxecto de acondicionamento exterior do centro de Medelo - A redacción dun plan de movilidade para persoas con discapacidade foi outro punto tratado Silleda, 1 de febreiro de 2012. A piques de rematarse as obras do centro de recursos para persoas con discapacidade de Medelo, no que a Confederación Galega de Minusválidos e o Concello de Silleda traballan conxuntamente, a Alcaldesa trasdezá, Paula Fernández Pena, mantivo unha reunión co colectivo en relación ao proxecto de acondicionamento exterior do entorno da devandita edificación. Con este proxecto búscase completar a intervención sobre o entorno inmediato do centro a fin de habilitar unha zona de aparcamento, unha serie de percorridos adaptados que conectan os diferentes accesos ao centro e xerar toda unha serie de zonas con plantas tapizantes e enredadeiras que resolvan áreas inmediatas a algunhas edificacións xa que, por exemplo, a propia construción deu lugar a espazos con pilares metálicos e tirantes, que é preciso axardiñar de forma que non sexan accesibles, por razóns de seguridade. No proxecto recóllense en varios puntos as zonas a tratar: - O arranxo dun tramo de camiño que conduce á entrada principal. - A construcción dun novo aparcamento con pendente hacia a o perímetro que limita coa zona vexetal, onde se instalará un borde de depuración para colocar logo un sistema de filtración para a auga de lavado do aparcamento e infiltrala posteriormente no terreo circundante. - Camiños peatonais, zonas axardinadas de vexetación densa en áreas cercanas ás edificacións. - Plantación de árbores na superficie afectada polos movementos de terras durante as obras nos edificios. Estas obras financiadas pola Axencia Galega de Desenvolvemento Rural (Agader) poderán iniciarse en breves, o que poñerá fin a uns traballos que se iniciaron anos atrás coa recuperación da casa de Medelo como centro ocupacional. No departamento de Urbanismo tamén se está a tramitar a licenza para a actividade que xa conta con todas as homologacións necesarias por parte da Xunta de Galicia para a súa apertura “agardamos avanzar o máis axiña posible con esta tramitación para que a apertura de Medelo sexa pronto unha realidade”, di a Alcaldesa de Silleda e Concelleira de Urbanismo Paula Fernández Pena. Convenio de colaboración entre Cogami e o Concello de Silleda A colaboración entre Cogami e o Concello de Silleda foi sempre excelente, proba disto é o convenio firmado no pasado agosto entre o goberno local e a Confederación Galega de Minusválidos para o desenvolvemento do proxecto “Servizo de asesoramento especializado e préstamo de productos de apoio”, co que pretenden facilitar o acceso a productos de apoio que incidan no grao de autonomía das persoas beneficiarias. Na xuntanza que tivo lugar onte, surxiu un novo compromiso “crearemos conxutamente un plan de movilidade para persoas con discapacidade e poder rematar coas eivas que aínda mantemos nas nosas rúas” afirmou a Alcaldesa. Anxo Queiruga, presidente de Cogami, trasladoulle a Alcaldesa o apoio da confederación para o control e supervisión do devandito plan para conseguir que sexa un éxito e evitar que as persoas con minusvalías sigan a ter dificultade nos seus desplazamentos nos cascos urbanos de Silleda. Segundo Fernández Pena, esta é unha vella demanda “que se converte así nunha proiridade”, e non esquece que aínda quedan edificios municipais que precisan de adaptación, como por exemplo a Casa de Cultura trasdezá que logo de moitas anuncios de que ía ser acondicionada, o certo é que a día de hoxe os seus usuarios quedan limitados a persoas que poidan subir escaleiras, pir iso “poñeremos todo o noso empeño en solventar esta situación”, remata a Alcaldesa e Concelleira de Urbanismo.