OS RAPACES DAS E.M. BASTAVALES U.D. ALEVÍNS PROCLÁMANSE
CAMPIÓNS DA PRIMEIRA COPA CD ROIS
Gañaron os 6 encontros e acadaron os trofeos ao máximo
goleador (Manuel Xiraldez, 21 goles) e ao menos goleado (Dani Casal, 2 goles)
22 de maio de 2012.- Os alevíns das Escolas Municipais Bastavales UD
(Brión) proclamáronse campións invictos da I Copa C.D. Rois de fútbol-7,
disputada esta fin de semana no campo da Braña Seira (Rois). Un torneo
organizado polo C.D. Rois nas modalidades prebenxamín, benxamín e alevín,
categoría na que participaron os rapaces das EM Bastavales UD canda outros 15
equipos da comarca.
Os alevíns brioneses, de idades comprendidas entre os 10 e os 11 anos,
amosaron unha gran superioridade durante todo o torneo, como amosa o feito de
que gañaron todos os seus partidos e que tan só encaixaron 2 goles en todo o
torneo. Así, as EM Bastavales UD clasificáronse primeiros dun grupo composto
por SD Villestro, SD Escravitude (4-0) e Crocha Balompié (13-0).
En cuartos de final, os brioneses derrotaron ao Praiña SPC; chegando ás
semifinais fronte aos locais do CD Rois, a quen venceron por 3 goles a 1. Na
final, a victoria decantouse do lado brionés por un contundente 3-0 ao
Pontecesures. Deste xeito, o pódium final quedou encabezado pola EM Bastavales
UD, seguido do Pontecesures e do 11 Cabaleiros CF (que venceu na final de
consolación ao CD Rois).
Ademais do triunfo colectivo, os alevíns de Brión tamén levaron os dous
trofeos individuais en xogo: o premio ao máximo goleador, que recaeu en Manuel
Xiráldez con 21 goles; e o trofeo ao porteiro menos goleado, que lle
correspondeu a Dani Casal, que tan só apañou 2 goles nos seis encontros
disputados.

Ningún comentario:
Publicar un comentario