Oroso – o pleno pide a Xunta que asuma a limpeza dos colexios de primaria

O PLENO DE OROSO INSTA Á XUNTA A QUE CUMPRA O PACTO LOCAL E ASUMA O CUSTE DO MANTEMENTO, VIXIANZA E LIMPEZA DOS CENTROS DE ENSINO PRIMARIO

O concelleiro de Cultura lembra que o Concello investiu en 2011 máis de 100.000 euros no colexio de Sigüeiro

O pleno aproba provisionalmente a modificación puntual nº 4 do PXOM para mellorar a ordenación do polígono de Sigüeiro sen cambiar a edificabilidade

27 de xaneiro de 2012.-O pleno municipal do Concello de Oroso aprobou unha moción do Grupo de Goberno para instar á Consellería de Educación a que asuma o custe do mantemento, vixianza e limpeza dos edificios dos centros de ensino primario. Unha moción que foi aprobada cos 9 votos a favor de PSOE, BNG e Partido Galeguista e cos 4 votos en contra do Partido Popular.

“A Xunta ten que asumir o que pactou con todos os alcaldes, débese cumprir o Pacto Local e a Xunta debe facerse cargo dos gastos dos centros de ensino”, explicou o alcalde Manuel Mirás. Para conseguilo, o Concello de Oroso solicitará unha reunión coa FEGAMP para consensuar unha postura común por parte das entidades locais ante a Consellería de Educación, coa que se solicita tamén unha reunión posterior para expoñerlle os problemas que ocasiona aos Concellos a actual situación e tratar de acadar un acordo que permita solucionalos. Unha reunión que tamén solicitan co presidente da Xunta de Galicia.

O Concello de Oroso insta tamén aos municipios pertencentes á Mancomunidade de Ordes (Cerceda, Frades, Mesía, Ordes, Trazo, Tordoia e o propio Oroso) a que secundar de xeito individual esta iniciativa mediante a presentación de mocións nos seus respectivos plenos. Unha vez acadados os devanditos acordos, trasladaranse tamén á Consellería de Educación.

Investimentos no CEIP

O concelleiro de Cultura, Antonio Leira, explicou que “entendemos que se está incumprindo o Pacto Local e pedimos que a Xunta asuma esas competencias. Os Concellos non podemos ser os cabezas de turco diante dos cidadáns, a pesar de que Oroso está asumindo máis gastos dos que lles corresponderían”. Así, sinalou que o Concello de Oroso ten investido máis de 100.000 euros ao longo de 2011 no colexio de Sigüeiro.

A proposta do Grupo de Goberno foi secundada polo voceiro do BNG, Xosé Manuel Pérez, quen se amosou de acordo con “optimizar os recursos nas administracións, pero non recurtar en educación, pois o saber é o que fai libres ás persoas”. Pola súa banda, o voceiro do Partido Galeguista, Siverio Mirás, indicou que “é competencia da Xunta e os Concellos non teñen posibilidades económicas. É lóxico que a Xunta se faga cargo”.

Pola súa banda, o portavoz do PP, Xosé Manuel Balado, sinalou que esta situación “vense producindo dende hai tempo” e criticou que a moción non se tivera presentado con tempo para o seu estudo. Antonio Leira amosou a súa sorpresa pola oposición amosada polo PP, que mesmo votou en contra da urxencia de debatir esta moción alegando que fora presentada o mesmo xoves. “Están de acordo no fondo pero non na forma. Preocúpalles máis cando se presentou que o que di a moción”, apuntou o concelleiro de Cultura, quen lembrou que “para darlle a mesma calidade aos cidadáns hai que tomar medidas”.

Así mesmo, Antonio Leira sinalou que “hai un mes e medio, os sete concellos da Mancomunidade de Ordes, na que hai alcaldes de distintas cores políticas, aprobou unha moción semellante e os alcaldes do PP non dubidaron en votar a favor. Pero o PP de Oroso semella que non pode facelo”.

Pérgola e bedel

O debate sobre a situación do colexio de Sigüeiro extendeuse tamén ao turno de rogos e preguntas. Así, diante o recente investimento de 15.000 euros en obras de mellora no acceso ao colexio de Sigüeiro, o BNG preguntou si estaba prevista a construción dunha pérgola para protexer aos cativos da choiva. O concelleiro de Cultura, Antonio Leira, lembrou que se trata dunha obra competencia da Xunta, “a pesar de que nós xa fixemos o proxecto e llo enviamos á Xunta, que dixo que lle parecía moi ben pero que o fixeramos nós. Lamentamos que nos queiran pasar a pataca quente”.

Sobre o traslado ao centro cultural de Sigüeiro dun dos dous bedeis que prestaban servizos no colexio, o alcalde Manuel Mirás explicou que “o labor que ten que facer un ordenanza é abrir o centro, vixialo e avisar dos arranxos que haxa que facer, non dar apoio aos profesores en temas educativos”. O alcalde orosán lembrou que o Concello ten contratada un empresa para a limpeza do colexio, así como un fontaneiro e un electricista para solventar calquera arranxo que haxa que facer. Uns profesionais aos que tamén hai que sumar a brigada municipal de obras.

Unha decisión que foi comunicada con anterioridade tanto aos propios interesados como á dirección do centro escolar e á asociación de pais. Mirás Franqueira sinalou que “hai que botar man da eficiencia dos recursos. Un bedel é suficiente e o outro segue a darlle servizo á cidadanía no centro cultural de Sigüeiro”.

Modificación do PXOM

Por outra banda, o pleno municipal de Oroso aprobou provisionalmente a modificación puntual Número 4 do Plan Xeral de Ordenación Municipal (PXOM), correspondente ao parque empresarial de Sigüeiro. Unha modificación aprobada inicialmente en marzo de 2011 e que agora será remitida á Xunta para a súa aprobación definitiva, toda vez que esta tarde recibiu o apoio de dos 12 concelleiros do PSOE, PP e BNG. O concelleiro do Partido Galeguista votou en contra ao entender que sería mellor facer un novo PXOM no canto de acometer modificacións puntuais.

Esta modificación puntual Número 4 do PXOM de Oroso permitirá modificar o Plan Parcial do solo apto para urbanizar industrial do parque empresarial promovido por Xestur. Así, a modificación do texto normativo permitirá unha mellora na ordenación, composición de volumes e regulación de uso coa finalidade de incorporar melloras na ordenación do parque e resolver situacións de protección do patrimonio sobrevidas, como é o caso dunha inmoble situado na zona e que está considerado como un dos máis antigos do municipio. Con este cambio, este inmoble terá garantida unha maior protección.

Ademais, aprovéitase para incluir unha nova expresión gráfica do plano de ordenación e zonificación, froito do crecemento da zona e da aparición de novos viais como, por exemplo, o acceso directo á autopista AP-9 sen ter que pasar pola N-550. “Uns cambios de cousas puntuais e que non inflúen na edificabilidade”, explicou Manuel Mirás.

Ruidos e PXOM

A unanimidade mantívose no resto da sesión plenaria. Así, o Pleno municipal aprobou unha modificación da ordenanza xeral reguladora da emisión de recepción de ruídos e vibracións, de xeito que facilitará a tramitación de licencias de apertura de negocios non xeradores de ruídos (como, por exemplo, un despacho de avogados ou un estudo de arquitectura) que antes tiñan que presentar un estudo de medición de ruídos. O cambio indica textualmente: “quedan excluidas do ámbito de aplicación as actividades que, polo seu exercicio, podan considerarse como inocuas ao non ser xeradoras de ruídos”.

Asímesmo, o pleno tamén aprobou un cambio nas obras incluidas no Plan Provincial de Cooperación ás Obras e Servizos de Competencia Municipal (POS) 2012, aprobado por unanimidade na sesión de novembro de 2011. Así, a Alcaldía de Oroso proporá revisar a segunda fase do proxecto de instalación de alumeado público entre os núcleos rurais de Villalbarro e O Cruceiro, orzamentado en 45.000 euros, e que será retomado con cargo a outras partidas.

Con este cambio, o POS 2012 contará cun orzamento de 313.281 euros, dos que 74.838 euros serán aportados polo Concello de Oroso e o resto polo Estado e a Deputación da Coruña. Unha aportación municipal moi superior ao 5% legalmente esixido e que permitirán “facer aquelas obras que precisan os nosos veciños e veciñas”, sinala Manuel Mirás.

Un plan que permitirá a construción dunha senda peonil no núcleo de poboación de Baxoia (Deixebre, dando continuidade á senda xa existente); traballos de execución de rede eléctrica, preinstalación de alumeado público e dotación de zonas peonís no vial que une os núcleos rurais de Vilalbarro e O Cruceiro coa estrada nacional N-550; e obras de abastecemento de agua na estrada AC-460 (que complementarán a senda peonil construída en 2009 dende a antiga estación do tren de Garga, na parroquia de Trasmonte ao longo da estrada AC-460, que dende xuño de 2010 é titularidade do Concello de Oroso). Así mesmo, investiranse case 78.000 euros no recheo dunha parcela para aparcamento na parroquia de Trasmonte e na mellora da rede viaria nas parroquias de Gándara, Marzoa, Pasarelos, Senra e Os Ánxeles.

Caney – mes do cocido

Comienza el mes del COCIDO en el Restaurante Caney del Araguaney Gran Hotel

Santiago de Compostela, Viernes 27 de Enero de 2012. Como manda la tradición del Restaurante Caney, durante el mes de Febrero la carta se amplía para ofrecer el manjar por excelencia en esta época del año. El cocido.

La cocina de Caney sólo tiene los límites que marca cada estación, así, en el mes de Febrero se podrá disfrutar del cocido gallego o del lacón con grelos, tan típicos en estas fechas.

El menú de cocido estará compuesto por delicias de primera calidad, entre las que no faltan su cacheira, su oreja, su panceta, costilla, pollo, lacón, chorizo, patata, grelos, repollo y garbanzos. Y para los paladares más golosos, el Caney propone queso con membrillo y filloas rellenas de nata y miel como broche final.

Los clientes del Caney podrán disfrutar de un cocido todos los martes, jueves y sábados. El resto de la semana también podrán hacerlo, previa reserva y para un mínimo de 4 personas.

PRÓXIMAS JORNADAS GASTRONÓMICAS

Si por algo destaca el Caney es por sus jornadas gastronómicas. A lo largo del año todo el equipo trabaja para hacer las delicias de sus clientes en la semana gastronómica árabe, mexicana, en las jornadas de caza o del arroz.

Si en Febrero se celebra el MES DEL COCIDO, el Caney apostará en Marzo por unas jornadas innovadoras, curiosas y de lo más apetecibles centradas en los HUEVOS. Desde el Caney se pretende crear una carta con la mayor variedad de platos con huevo que sea posible. El equipo de cocina está valorando la preparación de exquisitos platos con huevos de avestruz, pato, codorniz, mu, diferentes tipos de gallina, así como huevos derivados de nuestra rica acuicultura, para que los clientes elijan los que más les gusten.

Silleda . presentación de publicacións

Preséntanse en Silleda as actas do II Congreso Ibérico da Fenda Dixital e dos números 50 e 51 da Revista Galega de Educación

Venres 27 de xaneiro de 2012.

Hoxe tivo a lugar no salón de actos do Concello de Silleda a presentación do libro das Actas do II Congreso Ibérico co título “A Fenda Dixital” e dos números 50 e 51 da Revista Galega de Educación polo seu 25 aniversario.

A primeira intervención correu a cargo de Xosé Manuel Cid Fernández, da Universidade de Vigo, quen destacou a importancia da publicación, en relación ao debate suscitado pola fenda dixital existente a nivel planetario. O libro recolle as achegas ao tema proposto “As TICs entre a escola e a comunidade” no segundo congreso, en 2008. Cid agradeceu ao Concello de Silleda a súa colaboración e informou de que que a III edición será en Povoa do Varzim (Portugal) contando coa colaboración de máis universidades e dándolle así ao acto un carácter internacional. Finalizou apelando á “sensibilidade dos concellos para mellorar o panorama actual”.

Xesús Rodríguez Rodríguez, da Universidade de Santiago, destacou que a obra recolle as principais conclusións do II encontro sobre a Fenda Dixital e tamén unha boa parte de traballos de investigacións realizadas nos últimos anos en Galicia e relacionados coas Tecnoloxías da Información e a Comunicación. Salientou tamén a mención que na obra se fai ao alumnado con discapacidades e ás propostas de achegamento ao e-learning. No seu discurso falou tamén da necesidade de “implicación por parte dos concellos coas novas tecnologías para erradicar a desigualdade que existen entre as diferentes zonas e niveis”, para poder gozar dun acceso xeneralizado a contidos dixitais de calidade.

Número 50 da Revista Galega de Educación

Xosé Manuel Malheiro, da Universidade de Coruña, en representación da presidenta de Nova Escola Galega foi o encargado da presentación dos números 50 e 51 da Revista Galega de Educación coincidindo co 25 aniversario da publicación. Esta edición pretende amosar unha revisón e análise dos traballos que se levan publicados e tamén un instrumento que permita ollar diferentes momentos da historia actual da educación en Galicia.

A da alcaldesa de Silleda, Paula Fernández Pena, pechou o acto agradecendo “poder considerarnos parte desta obra, todo un éxito de empresa” posto que o número de persoas incritas no II Congreso foi de 155, duplicando a edición anterior; a calidade e renome dos poñentes foi moi destacada, e pola publicación do propio libro que se convertiu xa nun manual de traballo para profesionais e estudantes universitarios.

A alcaldesa quixo destacar que “relación Tic-Administración Local tamén é fundamental” e remarcou que no proceso de globalización das comunicacións non se debe esquecer “a fenda dixital nun marco rural como é o caso de Silleda” marcado entre núcleos e parroquias distantes, e a necesidade de equilibrar esta diferenta, “un dos principais retos da administración” afirmou Paula Fernández Pena, cuia tarefa pasa pola implantación homoxénea das novas tecnoloxías, e a promoción dos recursos adecuados, así como a interoperatividade co resto das administracións.

Oroso – hoxe baile de maiores

O CENTRO CULTURAL DE SIGÜEIRO ACOLLE ESTE SÁBADO UN BAILE DE MAIORES CO GRUPO “DIAMANTE”

27 de xaneiro de 2012.- O centro cultural Fernando Casas e Novoa de Sigüeiro acollerá mañá sábado, 28 de xaneiro, a primeira sesión de 2012 dos bailes para maiores que cada mes organiza o Concello de Oroso. Unha cita que terá lugar a partir das 19.30 horas e que estará amenizada polo grupo “Diamante”. A entrada é totalmente libre e de balde.

Estes bailes para maiores son unha iniciativa organizada pola Concellería de Asuntos Sociais, en colaboración coa Asociación da Terceira Idade de Oroso. Celébranse os últimos sábados de cada mes e rexistran unha media de case medio centenar de participantes

Ames – constitución formal do patrimonio municipal

O pleno aprobou por unanimidade a constitución formal do patrimonio municipal e a cesión definitiva da parcela para a construción dunha nova escola infantil en Bertamiráns

Ames, 27 de xaneiro de 2012. Na sesión plenaria celebrada onte aprobouse por unanimidade dos tres grupos políticos con representación na corporación municipal, PP, PSOE e BNG, a constitución formal do patrimonio municipal do solo do Concello de Ames. Trátase dunha cuestión que estaba pendente dende o ano 2002 e que supoñía un incumprimento legal por parte do Concello. A constitución formal do patrimonio do solo de Ames é imprescindible para coñecer o valor real dos bens patrimoniais do Concello que ata o de agora non estaban correctamente catalogados. Sen a constitución do patrimonio do solo non se poden realizar operacións de venda e permuta por parte do Concello. Tamén por unanimidade foi aprobada a cesión definitiva dunha parcela para construír unha nova escola infantil en Bertamiráns.

O pleno do xoves 26 de xaneiro aprobou a constitución formal do patrimonio municipal do solo. Con esta constitución o concello estará en condicións de xestionar os bens municipais. O Concelleiro de urbanismo, Ramón G. Argibay explicou que en relación á clasificación dos bens segundo a súa natureza son dúas as posibles categorías: pode tratarse de bens inmobles, ou de cartos obtidos pola enaxenación do aproveitamento correspondente ao municipio no desenvolvemento dun polígono ou sector ou pola venda dun ben inmoble pertencente ao patrimonio municipal do solo, documentados por tesoureiría no relativo ao importe ingresado. García Argibay resaltou a importancia de cumprir con este requisito xa que “unha das preocupacións deste goberno é facer as cousas dentro da ley”.

Cesión á Xunta dunha parcela para construír unha nova escola de educacións infantil en Bertamiráns

O pleno tamén aprobou por unanimidade o último trámite de cesión á Xunta dunha parcela para a construción dunha escola de educación infantil en Bertamiráns. A parcela figura inscrita como ben patrimonial no Rexistro da Propiedade de Negreira. O pleno do 12 de decembro do Concello de Ames adoptou acordo de inicio de expediente de cesión gratuíta da parcela que foi sometido á exposición pública sen que durante o prazo se presentase ningunha alegación.

A parcela ten 3.389 metros cadrados dos que se empregarán para as instalación educativas uns 2.000. O BNG e o PSOE manifestaron o seu voto afirmativo a cesión definitiva aínda que recordaron que consideraban máis oportuno que o Concello non lle cedera os 1.400 metros sobrantes á Xunta. Ante iso, Ramón García Argibay, concelleiro de urbanismo, explicou que o terreo que non se vai empregar volverá a ser de titularidade municipal e poderase empregar para a dotación de novos equipamentos.

Moción do BNG

O Grupo municipal do BNG presentou unha moción contra a suba do imposto de bens inmobles (IBI) decidida polo goberno do Estado. Esta moción obtivo o voto afirmativo do PSOE e o BNG pero foi rexeitada cos votos do grupo popular.

O nacionalista Anxo Doval acusou ao goberno central de que a suba do Importo de Bens Inmobles era unha intromisión na autonomía local e que expresou que os nacionalistas desexan que “se repense esta suba que atenta ás esconomías locais”.

A socialista Patricia Conde explicou que estaba de acordo con esta moción e que o seu grupo ve inxusta esta suba que “non ten en conta as particularidades de cada concello”.

O alcalde, Santiago Amor, explicou que o concello de Ames acordou conxelar no pasado pleno de outubro a suba do IBI, e dixo que entende que medida do goberno central é temporal e tivo que ser tomada con carácter de urxencia pola difícil situación de crise económica que afecta a España.

PSOE Ordes – o psoe consigue o apoio do concello para solicitar un ascensor para o CEIP Castelao

O PSOE CONSEGUE O APOIO DO PLENO DO CONCELLO DE ORDES PARA PEDIRLLE Á XUNTA A INSTALACIÓN DUN ASCENSOR NO CEIP CASTELAO

Xesús Pedreira recolle o desexo do Consello Escolar e da ANPA, xa que o rapaz que utilizaba o salvaescaleiras accidentado non o quere empregar debido ás secuelas psicolóxicas que lle quedaron a raíz do grave accidente sufrido

27 de xaneiro de 2012.- O pleno do Concello de Ordes celebrado na noite de onte xoves apoiou un rogo do Partido Socialista para esixirlle á Xunta a instalación dun ascensor no CEIP Castelao. Un rogo presentado polo concellleiro socialista Xesús Pedreira despois de que a Consellería de Educación decidira arranxar e volver a colocar o salvaescaleiras que en setembro de 2011 causou un accidente moi grave que estivo a piques de costarlle a vida a un alumno do centro.

Xesús Pedreira explica que “a comunidade educativa do CEIP Castelao négase á colocación do salvaescaleiras xa que o único neno que o empregaba non o quere utilizar dado o medo extremo que ten e polas secuelas psicolóxicas que lle quedaron a raíz das lesións que tivo”. Por iso, o Consello Escolar de 29 de novembro de 2011 acordou solicitar da Consellería de Educación a colocación dun ascensor.

“Este ascensor podría ser empregado non só por este alumno, senón tamén por calquera alumno que presente algún tipo de diversidade funcional”, aclara Pedreira Mirás, quen considera que “colocar un ascensor solucionaría o problema de maneira real e evitaría malgastar os cartos de todos nun aparato que non vai ser empregado por ninguén”.

Un grave accidente

Xesús Pedreira lembra que a instalación dun ascensor no CEIP Castelao é un proxecto que procede da época do bipartito na Xunta e que conta co apoio tanto do Consello Escolar como dos pais e nais do centro escolar. Ademais, compre lembrar que tanto a Agrupación Socialista de Ordes como o PSOE no Parlamento de Galicia teñen presentado distintas iniciativas a raíz do accidente acontecido o 20 de setembro, cando o desprendemento dun salva-escaleiras feriu a un alumno con problemas de mobilidade que neses intres o estaba utilizando.

Co tempo, o rapaz recuperouse dun accidente que puido ter unhas maiores consecuencias, e que tamén causou unha lóxica preocupación e alarma entre toda a comunidade educativa de Ordes, xa que puxo en cuestión o grado de seguridade das instalacións do centro. Por iso, o PSOE ordense comparte a indignación da comunidade educativa do CEIP de Ordes ao coñecer que a Consellería de Educación pretende arranxalo e volvelo a colocar, aínda que non vaia ser utilizado por ningún alumno.

BNG Ordes – aprobada a moción sobre a escola de música e a banda municipal

APROBADA A MOCIÓN DO BNG PARA INSTAR AO GOBERNO A CUMPRIR AS SÚAS OBRIGAS COA ESCOLA E A BANDA DE MÚSICA

- PP e UxO neganse a apoiar a moción do BNG para cancelar o aluguer de 11.000 euros anuais que está pagando o concello pola Estación da Pontraga e pedir a súa cesión gratuita para destinala a usos sociais.

- PP e UxO, rexeitan a moción do BNG contra a subida do IBI decretada polo Goberno Central.

- O alcalde aplica restrictivamente o regulamento para evitar que se debatisen as mocións dos nacionalistas para pedir a cesión do centro comarcal e destinalo a local social da mocidade e a publicación do patrimonio dos concelleiros na web municipal.

- Castro califica de “brindis ao sol” a moción de Cidega sobre o Plan de Aforro, porque o que hai que cumprir é o plan de saneamento aprobado polo Pleno en 2009, para o que fai falla aprobar os Orzamentos Municipais de 2012.

- O BNG aporta no Pleno os datos do deficit do Museo do Traxe e da Piscina Climatizada, que ascende a 60.000 euros anuais no caso do museo e a perto de 120.000 euros, no caso da piscina, e empraza a todos os grupos a chegar a un acordo e facer propostas concretas sobre a viabilidade do actual sistema de xestión destes servizos públicos.

- O BNG oponse á aprobación dunha rúa co nome de Manuel Fraga, por ser unha proposta “partidista e que non concita o consenso da cidadanía”.

- O BNG apoia o arranxo da estrada Ordes-Cerceda e empraza a Goberno Municipal, Xunta de Galiza e Goberno Central a executar canto antes esta infraestructura.

- O BNG apoia o mantemento do Grumir e esixe ao goberno municipal e ao goberno do PP na Xunta o compromiso orzamentario para o mantemento deste servizo.

O Pleno da Corporación Municipal aprobou, coa oposición do goberno municipal, a moción do BNG que instaba ao goberno a cumprir de forma inmediata coas obrigas que mantén coa Escola e coa Banda de Música.

Segundo manifestou Gonzalo Castro, portavoz municipal do BNG de Ordes “os profesores da Escola de Música teñen 2 meses sen cobrar do pasado curso 2010/2011, sen que teñan cobrado tampouco ningún mes do actual curso 2011/2012”. O portavoz nacionalista salientou que “a situación de abandono á que o alcalde ten condeado á Escola de Música, chega ao extremo de non pagar á persoa encargada da limpeza das instalacións da Escola, que desde o mes de maio non está a percibir ningunha cantidade do Concello, facéndose cargo do pago a esta persoa a Asociación de Amigos da Música de Ordes diante da pasividade do alcalde e o seu goberno para solucionar esta situación”.

Con respecto á Banda de Músca, Castro fixo fincapé en que “o alcalde leva todo o ano 2011 sen pagar ningunha cantidade do convenio pactado entre o Concello e a Banda de Música, o que está colocando nunha difícil situación a esta entidade, que ten problemas para sufragar os gastos derivados das súas actividades”.

Gonzalo Castro salientou que “os responsábeis da Banda de Música dirixíronse en varias ocasións ao alcalde para pedir unha reunión para buscar unha solución a esta situación, despois de facerlle entrega dun borrador de convenio para de reducir significativamente a cantidade do convenio pactado inicialmente, pero esta solicitude ainda non foi respondida polo alcalde, nunha mostra do seu desprezo e da súa atitude irresponsábel”.

Finalmente, o portavoz nacionalista acusou ao alcalde e o seu goberno de “hipocresía, porque mentres manteñen no máis absoluto afogo económico á Escola e á Banda de Música, o goberno municipal negouse, co apoio do PP, á diminución dos gastos en dietas dos concelleiros, reducindo o seu número nas comisións informativas, algo que propuxo o BNG no Pleno de outubro e que suporía un aforro de 15.000 euros anuais ás arcas municipais, cantidade que costearía o convenio de todo un ano coa Banda de Música”.

Moción sobre a suba do IBI

Gonzalo Castro, portavoz do BNG de Ordes, defendeu unha moción dos nacionalistas para que o Pleno esixise a retirada da suba do Imposto de Bens Inmóbeis de Natureza Urbana (IBI), decidida polo Goberno Central, e a mellora do sistema de financiamento dos concellos galegos.
Castro anunciou que “a aplicación deste Real Decreto suporá un incremento do que están pagando os veciños e veciñas de Ordes na actualidade en concepto de IBI dun 10% no recibo de 2012 e dun 22,5% no recibo de 2013, o que obrigará a un incremento impositivo que prexudicará á cidadanía, cun grave impacto nas economías domésticas”.

Finalmente diante da oposición de PP e UxO a esta moción, o portavoz do BNG de Ordes manifestou que “o PP e o alcalde en lugar de defender aos veciños de Ordes optan polo silencio cómplice diante da inxusta imposición dun incremento IBI por parte do Goberno Central”.

Moción sobre a cesión gratuita da Estación da Pontraga

Montserrat Rei, concelleira do BNG de Ordes, defendeu unha proposta do BNG para que a Corporación Municipal instase ao Ministerio de Fomento a revisar o convenio da cesión de uso da Estación da Pontraga e o seu entorno, eliminando o canon que está a pagar na actualidade o Concello, que se aproxima aos 11.000 euros anuai e destinar a mesma a fins de interese social.

Rei salientou que “é inaceptábel que o Concello ademáis de asumir os gastos de conservación desta infraestructura e do seu entorno, teña que facer fronte ao pago dun canon case 11.000 euros anuais ao ADIF, sen destinala a ningún fin de interese para a veciñanza, tendoa simplemente abandonada e pechada”.

A concelleira nacionalista lamentou que o goberno municipal e o PP non apoiasen esta moción e manifestou que a “deixación de funcións e a ausencia de iniciativa por parte do alcalde, que contando neste caso coa complicidade do PP, provoca que os veciños teñan que asumir un custo importante para o Concello polo aluguer da Estación da Pontraga, sen destinar esta infraestructura e o seu entorno a ningún fin social”.

Outras mocións do BNG

O alcalde aplicou restrictivamente o regulamento para evitar que se debatisen as mocións dos nacionalistas para pedir a cesión do centro comarcal e destinalo a local social da mocidade e a publicación do patrimonio dos concelleiros na web municipal, o que motivou a protesta do BNG, afirmando o seu portavoz que “despois de dous meses sen Plenos, o goberno municipal chega a este Pleno sen iniciativas nen propostas e pretende ocultar a súa paralise censurando propostas moi importantes para a nosa veciñanza”.

Posición do BNG diante das restantes iniciativas

Castro calificou de “brindis ao sol” a moción de Cidega sobre o Plan de Aforro, porque o que “hai que cumprir é o plan de saneamento aprobado polo Pleno en 2009, para o que fai falla aprobar os Orzamentos Municipais de 2012”. O nacionalista afirmou que “non se pode engañar aos veciños con mocións demagóxicas, ilegais e que non se poden executar”.

O BNG aporta no Pleno os datos do deficit do Museo do Traxe e da Piscina Climatizada, que pedia o PP nunha moción, e que ascenden a 60.000 euros anuais no caso do museo e a perto de 120.000 euros, no caso da piscina, emplazando o seu portavoz ao PP a “deixar de presentar mocións carentes de contido e deixar de marear a perdiz e definir as propostas concretas que ten sobre a viabilidade do actual sistema de xestión destes servizos públicos”.

O BNG oponse á aprobación dunha rúa co nome de Manuel Fraga, por ser unha proposta “partidista e que non concita o consenso da cidadanía”, segundo manifestou Gonzalo Castro.

O BNG apoiou o arranxo da estrada Ordes-Cerceda e emprazou ao Goberno Municipal, Xunta de Galiza e Goberno Central a executar canto antes esta infraestructura.

O BNG apoiou o mantemento do Grumir e esixiu ao goberno municipal e ao goberno do PP na Xunta o compromiso orzamentario para o mantemento deste servizo.

Rogos do BNG

O BNG presentou diferentes rogos e preguntas, destacando os que esixían ao goberno a solución aos problemas derivados do deficiente estado das pistas das parroquias do Concello, a arranxar o semáforo do cruce entre a rúa Galicia e a Avenida Alfonso Senra e a arranxar os continuos apagóns que existen no alumeado público.

PP Oroso – o alcalde no resposta as preguntas da oposición

Teo – Chevere será a compañia residente do concello

MARTIÑO NORIEGA DESTACA QUE TER A CHÉVERE COMO COMPAÑÍA RESIDENTE NO CONCELLO PERMITIRÍA QUE “O ESPÍRITU DA NASA VIAXE A TEO”

· O programa de compañías residentes nun Concello conta con finaciamento da Xunta de Galicia e unha aportación municipal e garante unha programación cultural de altísima calidade

· A participación municipal neste programa non supón un incremento nos gastos adicados á programación cultural de anos anteriores

27 de xaneiro de 2012. O alcalde de Teo, Martiño Noriega, destaca a importancia de que a compañía teatral Chévere se poida convertir en compañía residente do Concello, xa que de concretarse a oferta cultural ofertada se ampliará e se garante unha programación de altísima calidade. O rexedor explica graficamente que esto permitiría que “o espíritu da mítica sala Nasa de Compostela viaxe a Teo”.

Unha pregunta do Partido Popular de Teo sobre este tema, no debate plenario do orzamento celebrado onte, motivou as explicacións do alcalde sobre este proxecto que está á espera de concretarse no próximo mes.

O programa de compañías residentes é unha iniciativa que permite asociar o traballo dunha compañía de teatro consolidada a un espazo público. Neste caso Chévere pasaría a ser compañía residente do Concello de Teo e o centro de referencia para os seus ensaios e o traballo escénico sería o Centro Sociocultural da Ramallosa. Este modelo de residencias teatrais foi implantado pola Xunta de Galicia no ano 2009. O financiamento deste programa suporá un coste dun 30% para o Concello, mentres o resto dos fondos serían da Xunta de Galicia e da propia taquilla dos espectáculos. A compañía, en contraprestación, ofertará unha programación anual no municipio, con funcións gratuítas e outras nas que se poderá cobrar.

O Concello de Teo xa ten consignado orzamentariamente a partida necesaria para comezar a traballar con Chévere en canto se cristalice o financiamento comprometido por Agadic. Dende o goberno municipal destácase que este investimento non supón un incremento de fondos para a programación cultural, xa que se fixo unha reorganización dos fondos desta área para poder acollerse a este programa.

O alcalde de Teo valora moi positivamente esta oportunidade xa que considera que “o retorno deste investimento sería ter unha compañía deste nivel no Concello de xeito continuado”. A aportación económica prevista polo Concello “terá unha contraprestación ampla en forma de espectáculos e de prestixio da oferta cultural”. Noriega explica que poucas veces “unha administración local das nosas características pode dispor dunha oferta así, que aproveitamos diante da negativa doutros concellos”.

O feito de que Chévere pasara a ser compañía residente de Teo contribuirá ó desenvolvemento cultural do Concello, implantando un proxecto teatral, rendabilizando o uso das infraestruturas culturais municipais e proxectando en Teo o capital cultural adquirido por Chévere e a Sala Nasa.

A través desta iniciativa cultural a compañía comprométese a producir un novo espectáculo teatral no ano, con ensaios, estrea e funcións en Teo; realizar tres Ultranoites cada ano, programar outros espectáculos da compañía e realizar actividades complementarias a estas funcións como obradoiros, campañas de promoción, ensaios abertos...

Contar con Chévere como compañía residente permitiría programar 49 actividades durante o ano, moitas delas de balde, e outras cun custe de só 10 euros. Ademais todo a dotación técnica compañía estaría tamén no local de referencia municipal, neste caso o Centro Sociocultural da Ramallosa.

O grupo Chévere naceu no ano 1987 polo que ademais en 2012 cumprirá 25 anos e esa celebración terá lugar en Teo. Dende finais dos 80 tense convertido nunha referencia no mundo escénico galego, destacando a apertura da Sala Nasa no 1992 onde estrea todas as súa obras. Nos anos 90 realiza máis de 200 funcións en España e Portugal co musical Río Bravo. No 1995-96 estrea Annus Horríbilis, con temporada en Madrid e Barcelona onde recibe o Premio da Crítica de Barcelona. No 2005-06 Chévere co-produce para a TVG a serie “Pepe o Inglés”. Máis recentemente co-produce a longametraxe “Crebinsky” e as obras Testosterona e Citizen.

Fondo galego de cooperación – encontro co PSdeG

Altos representantes do PSdeG apoiarán a cooperación municipalista no Encontro co Fondo

- Pachi Vázquez, Laura Seara, Carmen Cajide, Margarita Pérez Herráiz e Isaura Abelairas participan na xuntanza canda ong de Galicia e Nicaragua

- O Econtro 'Institucións locais e solidariedade' repetirase co PPdeG e o BNG para consolidar o compromiso coa cooperación internacional de Concellos e Deputacións, e das forzas políticas, tras o cambio de lexislatura

Destacados cargos do PSdeG-PSOE participan hoxe sábado 28 de xaneiro no Encontro 'Institucións locais e solidariedade', que se celebrará a partir das 10.30 horas no Parlamento de Galicia. O Fondo Galego de Cooperación e Solidariedade promove no primeiro trimestre de 2012 estes foros con cada un dos tres grandes partidos: PPdeG, PSdeG e BNG. As xuntanzas están dirixidas principalmente ás e aos representantes políticos das Deputacións e Concellos socios do Fondo Galego, co fin de consolidar o seu compromiso coa cooperación para o desenvolvemento.

O secretario xeral do PSdeG, Pachi Vázquez, abrirá a xornada canda a vicepresidenta do Fondo Galego e concelleira en Vigo, Isaura Abelairas, e mais a portavoz socialista de Igualdade e Cooperación no Parlamento de Galicia, Carmen Cajide. Intervirá logo a ex deputada con amplo percorrido en cooperación Margarita Pérez Herráiz, e relatarán as súas experiencias neste eido representantes dos Concellos de Lugo, O Barco de Valdeorras e Viveiro. Ademais da Secretaría Técnica do Fondo Galego, haberá oco para a Coordinadora Galega de ONGD e para a ONG nicaraguana INPRHU-Somoto.

Tamén participará a escritora e xornalista María Xosé Porteiro, integrante do Consello Reitor do Instituto Galego de Análise e Documentación Internacional (IGADI), que achegará o enfoque de xénero. Antes das conclusións, falarán sobre 'Os efectos da crise na cooperación para o desenvolvemento' a deputada no Congreso e secretaria de Igualdade e Cooperación da Executiva do PSdeG, Laura Seara, e mais Carmen Cajide.

Os Encontros 'Institucións locais e solidariedade' enmárcanse no Plan de Sensibilización do Fondo Galego, como unha fórmula de diálogo cos tres partidos políticos maioritarios en Galicia, piares do proceso de nacemento e consolidación da propia entidade. Tras o cambio de lexislatura municipal, preténdese reflexionar sobre o compromiso das institucións locais coa solidariedade e muscular a implicación dos partidos políticos co Fondo Galego de Cooperación, despois de quince anos de andaina.

PPdeG, PSdeG e BNG están representados na Comisión Executiva, órgano directivo da asociación, e son artífices do consenso que vén rexendo o seu funcionamento. Trátase agora, pese ao contexto de crise económica, de non dar pasos atrás. O obxectivo é renovar ese compromiso e fortalecer esta rede de institucións e persoas a prol da solidariedade internacional, da promoción dos Dereitos Humanos, do desenvolvemento dos países do Sur e da sensibilización da cidadanía galega.

O Fondo Galego

O Fondo Galego de Cooperación e Solidariedade está integrado por 94 Concellos e as catro Deputacións de Galicia, que concentran a través desta rede os seus esforzos no eido da cooperación ao desenvolvemento. Garántese deste xeito unha xestión profesional e transparente, así como a realización de proxectos con impacto nos países do Sur e a sensibilización da sociedade galega a prol da solidariedade internacional. Desde a súa fundación en 1997, o Fondo Galego ten desenvolvido 142 proxectos en 25 países e promove numerosas actividades e materiais en relación aos desequilibrios Norte-Sur.

Escola municipal de música – Santiago – concerto pola paz

“CONCERTO POLA PAZ”DA ESCOLA MUNICIPAL DE MÚSICA DE SANTIAGO

Domingo, 29 de xaneiro de 2012 - Praza do Toural, ás 13 horas

O próximo domingo, 29 de xaneiro, terá lugar o 1º do Ciclo de Concertos da Banda e a Orquestra de Corda da Escola Municipal de Música de Santiago de Compostela, que coincidindo coa celebración do Día Internacional pola Paz, convida a todos os compostelans a participar no “Concerto pola Paz”, na Praza do Toural ás 13 h.

A Escola Municipal de Música de Santiago (EMMS), propón dentro da súa nova programación para os vindeiros meses, o Ciclo de Concertos da Banda e da Orquestra de Corda: “Música nas Prazas” que terá como marco escénico, numeros espazos emblemáticos da cidade

Dende a EMMS considérase prioritario que as diferentes agrupacións e instrumentistas que cursan estudos na mesma, como complemento á súa formación, conten con diferentes oportunidades ao longo do ano nas que dean a coñecer o seu traballo ás familias e aos cidadáns de Compostela.

A educación musical, debe pois, comprender este tipo de actividades que redunden nunha maior sensibilización arredor da música, facendo creíble o concepto que prima no proxecto pedagóxico nesta institución musical: A música para todos e todas.

Con tal motivo, o ciclo de concertos “Música nas Prazas”, comprende cinco actuacións da Banda e da Orquestra de Corda da Escola Municipal de Música o derradeiro domingo dos meses de xaneiro, febreiro, abril e maio, de acordo co seguinte programa:

Música nas Prazas

Data: Domingo, 29 de xaneiro

Hora: 13:00 horas

Lugar: Praza do Toural

Data: Domingo, 26 de febreiro

Hora: 13:00 horas

Lugar: Praza Roxa

Data: Domingo, 1 de abril

Hora: 13:00 horas

Lugar: praza de Fontiñas

Data: Domingo, 29 de abril

Hora: 13:00 horas

Lugar: Palco da Música do Parque da Alameda

Data: Domingo, 27 de maio

Hora: 13:00 horas

Lugar: Praza do Toural

Solicitamos a colaboración de todos os medios de comunicación para que se sumen coa súa presenza este domingo na Praza do Toural ás 13 h. e difundan esta iniciativa, para que, de maneira moi especial, celebremos o DÍA INTERNACIONAL POLA PAZ.

Santiago – axenda do sabado 28 o luns 30

Sábado 28

A partir das 9.30 h

No Pavillón de Pontepedriña, VI Trofeo Compostela Esgrima.

Domingo 29

A partir das 9.30 h

No Pavillón de Pontepedriña, VI Trofeo Compostela Esgrima.

A partir das 9.45 h

No Monte do Gozo, I Cross de Compostela.

13.00 h

Na Praza do Toural, “Concerto pola Paz” da Banda e a Orquestra de Corda da Escola Municipal de Música de Santiago de Compostela, dentro do ciclo de concertos Música nas prazas e nesta ocasión con motivo da celebración do Día Internacional pola Paz.

Luns 30

A partir das 10.00 e ata as 18.00 h

No Centro Sociocultural de Villestro, reunión do concelleiro de Participación Cidadán e Centros Socioculturais, Francisco Noya, con todo o persoal municipal de Centros Socioculturais para poñer en común o traballo desenvolvido nestes meses.

11.30 h

Na Casa do Concello, ROLDA DE PRENSA do concelleiro de Educación, Ángel Currás, para presentar as actividades da Escola Municipal de Música de Santiago. Asiste a directora da escola, Sara Domínguez.

12.00 h

Na Casa do Concello, ROLDA DE PRENSA do concelleiro de Tráfico e Mobilidade, Albino Vázquez, para presentar o novo sistema de información do transporte urbano.

12.30 h

Na Casa do Concello, a voceira da Xunta de Goberno Local, Paula Prado, exporá en ROLDA DE PRENSA o resumo dos acordos adoptados na última sesión.

14.30 h

No Comedor Real do Pazo de Mariñán, o alcalde compostelán, Xerardo Conde Roa, asiste á recepción ofrecida polo corpo consular da Coruña.

20.00 h

Na sede da Fundación Novacaixagalicia (praza de Cervantes) o alcalde compostelán, Xerardo Conde Roa, asiste á conferencia do Dr. José Ramón González Juanatey, organizada polo Ateneo.

Silleda – reapertura do campo de futbol de Lamela

O campo de fútbol de Lamela reabre as súas portas o vindeiro domingo día 29

-O estadio de Mularedos volve a acoller encontros, logo da dotación de herba natural, para atender as necesidades do clube local

-Ás 17.00 horas haberá un saque de honra antes do encontro co Chaián F.C

Silleda, 25 de xaneiro de 2012. O campo de fútbol de Mularedos reabrirá as súas portas o vindeiro domingo día 29. Esta medida, anunciada hai varias semanas dende o departamento municipal de Deportes, que dirixe Klaus Brey, responde ás necesidades do Lamela F.C., que leva varios meses xogando noutros estadios por mor das obras de dotación de herba natural no seu campo.

Os traballos comezaron a finais do pasado verán e, por mor dunha serie de contratempos, entre eles as condicións meteorolóxicas, o acondicionamento do campo retrasouse máis do previsto.

O concelleiro Klaus Brey explica que, se ben quedan aínda algúns retoques por facer, “o terreo de xogo está en boas condicións”. A actuación, moi agardada nesta parroquia silledense, comezou coa colocación de tuberías para os aspersores do rego automático e a nivelación de  todo o terreo de xogo (uns 5.500 metros cadrados). Klaus Brey destaca o “esforzo inversor realizado polo Concello de Silleda nesta actuación, coa inestimable colaboración do Lamela F.C., que se encargará do mantemento do campo”, engade.

A reapertura coincidirá co encontro de Segunda Autonómica entre o clube local e o Chaián F.C, que se disputará o domingo 29 ás 17.00 horas, antes do que haberá un saque de honra.

NNXX Oroso – reunión de novas xeracións de oroso

 

 

Junta Directiva de Novas Xeracións de Oroso, sábado 28. 
Este sábado 28 de enero, Alexander Doval, presidirá la primera Junta Directiva de 2012 de Novas Xeracións de Oroso, en ella además de asuntos de trámite se sentarán las bases de la organización político juvenil en el presente año que comienza, de igual manera, darán luz verde por su parte, a la creación de Novas Xeracións comarcal (Ordes).

Ames – petición de ofertas as entidades bancarias

O Concello de Ames solicita ofertas ás entidades bancarias para contratar unha operación de tesouraría a corto prazo por valor de 2.775.000euros

Ames, 26 de xaneiro de 2012. O concello de Ames abriu o prazo de solicitudes de ofertas ás entidades bancarias para contratar unha operación de tesouraría a corto prazo por valor de 2.775.000 euros. Esta operación permitiralle á administración local dispor de certa liquidez para o pagamento de facturas a provedores mentres non se recadan os impostos municipais. No pasado mes de decembro devolveuse a operación de tesouraría do ano 2011. Un informe do departamento de tesourería acredita a necesidade de obter liquidez para os próximos tres ou catro meses, antes do cobro de impostos coma o IBI (Imposto de Bens Inmobles).

A tesourería do Concello de Ames, como consecuencia da configuración do calendario do contribuínte, no que o tributo de maior capacidade recadadora (IBI) se recada a finais de ano, altera picos de ingresos con picos de falta de liquidez, o que implica que o Concello teña que adiantar pagos a provedores.

O departamento de tesourería do concello emitiu un informe no que acredita que é preciso contratar unha operación de tesouraría a curto prazo para conseguir liquidez para os próximos meses. Ao mesmo tempo, os servizos de intervención tamén acreditan mediante un informe que o Concello pode soportar os intereses que previsiblemente xerará a operación de crédito.

O Concello publicou o anuncio de contratación no perfil do contratante e realizou a invitación ás entidades que teñen oficina aberta no Concello de Ames, aos efectos do inicio do cómputo do prazo de oito días naturais para presentar ofertas, e das traslado deste acordo aos servizos de intervención, tesouraría e contratación municipais.

Esta operación non sería un préstamo para o Concello, senón que consiste nun anticipo do que as arcas municipais ingresan a final de ano a través dos impostos.

Ordes – exposición sobre o cambio climático

Ordes acolle a mostra sobre o cambio climático ‘O noso mundo, o noso futuro, a nosa opción’

O público poderá comprobar o CO2 que se pode deixar de emitir a atmósfera empregando como vehículo de transporte unha bicicleta.

Ordes 26 xaneiro 2012. O Concello de Ordes inaugurou hoxe unha nova exposición na que se poderán analizar as consecuencias do cambio climático e cómo a nosa actividade diaria afecta ó Medio Ambiente e máis concretamente ó cambio climático. ‘O noso mundo, o noso futuro, a nosa opción’ pretende dar a coñecer este problema, á par que informa sobre as súas causas e consecuencias tanto a nivel global como en Galicia. Outro dos obxetivos da mostra é o de propoñer comportamentos e accións que loiten contra a degradación medioambiental, fomentando un desenvolvemento máis equilibrado.

A exposición consta dun total de 19 paneis ilustrados e informativos, dunha proxección audiovisual de 15 minutos títulada ‘Cambio Climático: o reto do século XXI’, ademáis do módulo interactivo ‘E máis eu, cantas emisións poido evitar ?’, no cal a través dunha bicicleta os visitantes poden comprobar cantas emisións de Co2 evitarían lanzar ao aire utilizando este medio de transporte en vez doutros que precisen de combuestibles fósiles. Trípticos, folletos divulgativos e cadernos didácticos completan o material do que dispoñerán todos os visitantes que acudan á mostra. Ésta permanecerá no primeiro e segundo andar do Concello ata o vindeiro 1 de marzo. O horario de apertura será de 8 a 15 horas de luns a venres.

A exposición correu a cargo da Concellería de Medio Ambiente do Concello de Ordes en colaboración co CEIDA e o INEGA (Instituto Enerxético de Galicia). Outras entidades implicadas son a Consellería de Innovación e Industria, a Dirección Xeral de Desenvolvemento Sostible da Consellería de Medio Ambiente e Desenvolvemento Sostible (Xunta de Galicia), o Ministerio de Medio Ambiente, a Alianza del Clima e a Dirección Xeral de Medio Ambiente da Comisión Europea.

Ames – o servizo de emerxencias de brión extingue un lume nunha vivienda

O Servizo de Emerxencias de Brión extingue un lume nunha vivenda unifamiliar na Rúa Castelao do Milladoiro (Ames)

Os membros do Servizo de Emerxencias de Brión (SEBRI) extinguiron esta tarde un lume urbano producido nunha vivenda unifamiliar situada no nº 6 da Rúa Castelao, do Milladoiro (Ames). O SEBRI recibiu a alerta do 112 ás 18:51 horas desta tarde e desprazouse ata o lugar dos feitos coa pick-up e coa bomba urbana lixeira, deixando controlada a incidencia unha hora despois. O lume oirixinouse na cheminea da vivenda e causou numerosos danos materiais en todo o inmoble e especialmente nun dos cuartos, onde a parede cedeu e motivou unha intensa fumareda. Non se rexistraron danos persoais.

Santiago – axenda venres 27

Venres 27

11.00 h

No Auditorio de Galicia, Concerto Didáctico da Banda Municipal de Música dirixida por Xosé Carlos Seráns.

12.00 h

Na Casa do Concello, ROLDA DE PRENSA do voceiro do grupo municipal socialista, Xosé A. Sánchez Bugallo, sobre asuntos de carácter local.

12.30 h

Na Casa do Concello, ROLDA DE PRENSA do alcalde compostelán, Xerardo Conde Roa, e do concelleiro de Educación, Ángel Currás, para presentar o V Premio Internacional Compostela de Álbums Ilustrados.

21.00 h

No Teatro Principal, Teatro do Atlántico presenta 'E.R. (Algún día traballaremos xuntas)' de Josep M. Benet i Jornet. Con Manuela Varela, María Barcala, Luisa Merelas e Susana Dans. Dirección de Xulio Lago [RGTA].

Ames – participación cidadá nos plenos municipáis

O BNG de Ames abre o Pleno municipal á participación da cidadanía

Pilar Candocia: “O Concello debe abrirse á sociedade, debemos facer un Concello transparente e aberto á participación activa da cidadanía. Hoxe as novas tecnoloxías ofrecen a posibilidade de que o Concello estea á altura dunha sociedade avanzada como a de Ames”

Ames (25.1.2012) O BNG de Ames bota a andar unha serie espazos de comunicación e participación cidadá para que o conxunto da sociedade dispoña de canles para implicarse de forma activa na vida municipal. A través das Tecnoloxías da Información e a Comunicación (TIC) habilitaranse sistemas moi sinxelos e accesibles a todo o mundo, para que todas e todos os veciños de Ames podan implicarse na vida municipal se así o desexan.

A partir deste xoves, o BNG de Ames disporá dunha serie de recursos de comunicación pública para promover a transparencia da actuación municipal, así como a participación cidadá. En concreto, o novo portal [http://bng-ames.org/] poñerá a disposición pública tanto as iniciativas que leva adiante o grupo do BNG, como a información da actividade municipal. A WEB está pensada en clave interactiva para que calquera persoa poda trasladar as súas propostas ou queixas a respecto de aspectos do Concello que sexan do seu interese, e o BNG encargarase de darlle curso se o así llo demanda. O portal está pensado non só para canaliza as propostas de carácter institucional, senón para recoller opinións e comentarios informais a través das redes sociais, de xeito que non se vexa a política como algo distante e a xente perda o medo a opinar publicamente sobre as cuestións que lle afectan.

Un dos compoñentes máis novidosos vai ser a canle habilitada para retransmitir os Plenos en directo, establecendo ademais a posibilidade de incluír comentarios ou mesmo propostas en directo para que as concelleiras e concelleiros do BNG podan facer preguntas ou rogos no mesmo Pleno. Na sesión plenaria do día 26 de xaneiro faremos un primeiro ensaio para probar como funciona todo -sen retransmitir en aberto- e a partir do mes de febreiro xa se habilitará a retransmisión en streaming e a posibilidade de consultar posteriormente as gravacións.

O BNG pensa que a política pode facerse de outro xeito, en diálogo permanente coa cidadanía, desenvolvendo mecanismos de goberno aberto, onde a política significa participar na construción do común e non só votar cada 4 anos. Ante a deixadez do goberno Popular, que non foi capaz de xerar espazos para o diálogo social, nin sequera habilitar a posibilidade para a participación directa dos veciños no Pleno, o BNG abre este espazo para demostrar que se pode facer política de outra forma e que na actualidade as tecnoloxías permiten novas posibilidades que debemos aproveitar.

Ames é un concello que dispón dunha sociedade moi madura que está en disposición tanto de utilizar as ferramentas TIC na participación política municipal, como para implicarse responsablemente no goberno do común. O BNG estará sempre na promoción do goberno aberto e da implicación construtiva da cidadanía no futuro de Ames.

Frades – inscrición no concurso de disfraces de antroido

FRADES ABRE O PRAZO DE INSCRICIÓN NO CONCURSO DE DISFRACES DE ENTROIDO, QUE TERÁ LUGAR

O 19 DE FEBREIRO NA PONTECARREIRA

Para axilizar o desenvolvemento do concurso, non se admitirán inscricións o día do concurso

25 de xaneiro de 2011.- O Concello de Frades abriu hoxe o prazo de inscrición no seu tradicional concurso de disfraces, que terá lugar o domingo 19 de febreiro, ás 17:00 horas, na dicoteca Kull de Pontecarreira. Un concurso aberto a todos os veciños e veciñas de Frades e da comarca, coa salvedade de que será preciso anotarse no Concello antes do 17 de febreiro, xa que non se aceptarán inscricións o mesmo día do concurso. O Concello de Frades decidiu manter esta salvedade, xa que permitiu axilizar o desenvolvemento do concurso e da festa de disfraces.

O Concello de Frades mantén este ano a cantidade destinada a premios: 840 euros. O concurso dividirase en dúas categorías: infantil (ata 14 anos) e adultos (máis de 14 anos); e dúas modalidades: individual (1 ou 2 compoñentes) e grupos (máis de dous compoñentes), coa salvedade de que se algún dos compoñentes dos grupos infantís é maior de 14 anos, o grupo pasará automáticamente a participar na categoría de adultos.

En todos os casos, premiaranse os dous mellores disfraces de cada categoría. Así, haberá premios de 300 e de 150 euros para os dous mellores grupos adultos; así como 100 e 50 euros na categoría individual. Na categoría infantil, os dous gañadores do concurso de grupos levarán 100 e 50 euros, respectivamente; mentres que os gañadores do concurso individual infantíl levarán 60 e 30 euros.

Durante toda a tarde, a discoteca Kull de Pontecarreira acollerá tamén unha gran festa de animación con xogos, música e moitas sorpresas para os máis pequenos. A festa rematará cunha gran chocolatada. Na edición de 2011 participaron un total de 32 concursantes (5 máis ca na edición anterior), e rexistrouse un significativo incremento da afluencia de veciños e veciñas, ata chegar a superar o medio milleiro de persoas.

BNG Ordes – mocións para o pleno de xaneiro

O BNG PROPÓN QUE O PLENO PIDA A RETIRADA DA SUBA DO IBI DECIDIDA POLO GOBERNO DO ESTADO
Os nacionalistas tamén levarán a Pleno a cesión do centro comarcal, a cancelación do aluguer da Estación da Pontraga, a financiación da Escola de Música e a publicación do patrimonio dos concelleiros

Gonzalo Castro, portavoz do BNG de Ordes, anunciou a presentación dunha moción dos nacionalistas para que o Pleno que se celebrará este xoves se posicione en contra da suba do Imposto de Bens Inmóbeis de Natureza Urbana (IBI), decidida polo Goberno Central coa aprobación do Real Decreto-Lei 20/2011, pedindo a retirada desta suba e a mellora do sistema de financiamento dos concellos galegos.
No caso do Concello de Ordes, Castro anunciou que “a aplicación deste Real Decreto suporá un incremento do que están pagando os veciños e veciñas de Ordes na actualidade en concepto de IBI dun 10% no recibo de 2012 e dun 22,5% no recibo de 2013”.
O portavoz municipal do BNG manifestou que “no Concello de Ordes, o Goberno Municipal ten levado a cabo unha importante suba do IBI nos últimos anos e agora acumularase o incremento aprobado polo Goberno Central, causando un grave prexuizo á economía dos veciños e veciñas de Ordes”.
Castro enfatizou que “diante desta grave medida que obriga a un incremento impositivo que prexudicará á cidadanía, cun grave impacto nas economías domésticas e que invade as competencias municipais, o goberno municipal de Ordes non pode optar polo silencio cómplice diante da inxusta imposición do Goberno Central polo que ten optado o goberno do PP na Xunta”.
Outras mocións do BNG
O BNG tamén proporá, no Pleno deste xoves, acordos sobre a cesión do centro comarcal para destinalo a local xuvenil, a cancelación do aluguer que está pagando o Concello ao Goberno Central pola Estación da Pontraga e a súa cesión gratuita para destinala a usos sociais, a solución dos problemas de financiación da Escola e da Banda de Música e a publicación na web municipal da declaración de Bens e Intereses dos concelleiros.

Ordes – renovación do DNI

Veciños e veciñas de Ordes poderán renovar ou solicitar o seu DNI no mesmo municipio dende o 6 ata o 10 de febreiro

Para facer uso deste servizo é neceario pedir cita previa nas oficinas do Concello ou ben chamar ao teléfono 981 680 002

Ordes 24 xaneiro 2012. Dende o día 6 ata o 10 de febreiro os veciños e veciñas de Ordes poderán renovar ou solicitar o seu DNI sen ter que desprazarse do concello. Unha unidade da Policía Nacional levará a cabo esta labor dende a Casa da Cultura, situada na rúa Galicia, nun horario que vai de 9 a 12 horas.

Para facer uso deste servizo é imprescindible solicitar cita previa nas oficinas xerais do Concello, situadas na planta baixa da nova Casa Consistorial, ou ben chamando ao teléfono 981 680 002, de 8 a 15 horas.

Ames – notas xoves 25

A Aula de informática do Milladoiro acolle un curso de iniciación á internet O curso desenvolverase entre o 25 e o 31 de xaneiro           Ames, 25 de xaneiro de 2012. Durante os vindeiros días a Aula de informática do Milladoiro acolle un curso de iniciación á internet. Este obradoiro enmárcase dentro da programación de inverno que desenvolve esta aula de informática e que realiza a Concellería de Cultura, Educación e Patrimonio. O curso está dirixido a persoas maiores de 18 anos e impártese en horario de mañá, de 10:00 h. a 11:30 horas, e de tarde, de 18:00 h. a 19:30 horas. É un curso gratuíto de 7,5 horas lectivas e no que participan vinte persoas. Ademais, para o mes de febreiro está previsto que se realice outra actividade formativa, neste caso dirixido aos máis pequenos, para que aprendan a elaborar diapositivas de Entroido. Para o mes de marzo queda un curso de iniciación a Windows e ao procesador de textos Writer. As novas tecnoloxías están cada vez máis presentes, e saber empregar un computador ou navegar pola Internet é indispensable. Por iso, a aula de informática do Milladoiro organizou unhas xornadas de iniciación á Internet. Este obradoiro comezou este mércores, 25 de xaneiro, e desenvolverase ata o día 31 de xaneiro. Hai dúas quendas, unha de mañá e outra de tarde. En cada quenda participan 10 alumnos/as. Nestas xornadas están participando 20 persoas. O horario de mañá é de 10:00 h. a 11:30 horas, mentres que polas tardes os alumnos asisten ás clases dende as 18:00 h. ata as 19:30 horas. Estas xornadas son gratuítas e están dirixidas a persoas maiores de 18 anos. A través destas xornadas preténdese ensinar o uso básico da Internet para actividades da vida diaria como son ler a prensa, consultar a web do concello, solicitar cita para o médico de cabeceira ou facer unha compra a un supermercado. Ademais serven para que os asistentes valoren o uso da Internet como unha vía de comunicación e para o desenvolvemento persoal de cada usuario/a. Estas xornadas están pensadas para todas aquelas persoas que nunca usaron Internet e que son un pouco remisas a sentarse diante dun ordenador porque pensan que non son capaces de usalo e teñen medo a rompelo. Contidos do curso Na primeira xornada o alumnado recibiu unha pequena introdución para coñecer as partes básicas do ordenador, como usar o teclado e o rato, que é Internet, as súas características e usos, estrutura e características dos enderezos web, os navegadores Mozilla Firefox e Internet Explorer, as barras das ventás dos navegadores, etc. Ademais consultaron a páxina do Concello de Ames para coñecer como está estruturada a información. Por outra banda, van consultar as páxinas dixitais dos principais medios de comunicación que están na rede. Os usuarios poderán obter información máis actualizada que a publicada nas edicións impresas, consultar a hemeroteca, consultar as edicións de distintas localidades e escribir comentarios nalgunhas noticias. Outras funcións que van realizar son pedir cita para o médico de cabeceira, facer unha compra a un supermercado, aprender a usar o buscador Google para atopar páxinas a partir dun texto ou usar o Google maps para calcular unha ruta. Outras tarefas que realizarán son crear unha conta de correo e posteriormente enviar correos electrónicos. Servizo de Aula Aberta Por outra banda ofrécese o servizo de Aula Aberta, habitualmente entre as 16:00 e as 20:00 horas, do que poden facer uso dos ordenadores todas as persoas que estean empadroadas no concello. Durante estes días, e debido ao curso que se está levando a cabo, o horario de Aula Aberta redúcese de 16:00 h. a 18:00 horas.

Santiago Amor recibiu aos alumnos do IES de Ames que se presentaron ás Olimpíadas de Bioloxía en Vigo           Un dos alumnos do IES, Pablo Valledor, quedou terceiro na Olimpíada de Bioloxía e representará a Galicia xunto a outras dúas mozas na final estatal de Murcia Ames, 25 de xaneiro de 2012. O alcalde de Ames, Santiago Amor, recibiu esta mañá no concello a Pablo Valledor, Noemí Rozas e Santiago Vidal, tres dos catro alumnos do IES de Ames que se presentaron á Olimpíada de Bioloxía en Vigo. Un deles, Pablo Valledor, foi seleccionado xunto a outras dúas mozas viguesas para representar a Galicia na final estatal en Murcia. Os mozos achegáronse esta mañá á Casa Consistorial acompañados polo seu profesor do instituto Juan Yurs. Os mozos manifestaron “que as probas eran difíciles pero que sirven para darte conta do moito que queda por aprender”. Con moito orguio lle presentou Juan Yurs ao alcalde de Ames os seus alumnos de segundo de bacharelato que participaron na Olimpíada de Bioloxía. O profesor asegurou que en xeral os alumnos do IES son bos estudantes e que iso é unha satisfacción para el. Pola súa parte, Santiago Amor manifestou que tamén é unha gran satisfacción para Ames ter unha comunidade educativa que obteña tan bos resultados neste tipo de probas e que “é moi importante non perder valores coma a responsabilidade e o esforzo”. Os alumnos explicaron que están interesados en estudos de medicina, biotecnoloxía e física e que teñen moitas ganas de seguir adquirindo coñecementos no ámbito da bioloxía. Profesor e alumnos mantiveron esta mañá unha animada charla co alcalde de Ames, Santiago Amor, que os animou a seguir estudando “pois todo esfrorzo ten a súa recompensa” explicou. Pablo Valledor, un dos rapaces que se achegaron hoxe ao concello, irá en marzo a Murcia para participar na Olimpíada Estatal. Santiago Amor trasladoulle o seu desexo de que teña tamén un bo resultado nesa proba, aínda que dixo que “soamente por participar os catro alumnos, Pablo Valledor, Noemí Rozas, Santiago Vidal e Alejandro Gómez, son uns gañadores. O alcalde deulles como recordo da visita unhas guías sobre a flora e a fauna dunha ruta do concello.

Psoe Ordes – petición no parlamento e na diputación o arranxo da estrada con Cerceda

OS SOCIALISTAS REIVINDICAN NO PARLAMENTO GALEGO E NA DEPUTACIÓN DA CORUÑA O ARRANXO INMEDIATO DA ESTRADA ORDES-CERCEDA 

Propoñen que o vial, que sofre un grave deterioro polo paso de tráfico pesado cara o vertedoiro de Sogama, pase a ser de titularidade autonómica por exceder o ámbito local

25 de xaneiro de 2012.- O Partido Socialista de Ordes presentou esta mañá as iniciativas que presenta no Concello, na Deputación da Coruña e no Parlamento de Galicia para reivindicar o inmediato arranxo da estrada entre o polígono industrial de Merelle e o límite con Cerceda. O vial presenta un grave deterioro e unha elevada perigosidade para vehículos e peóns debido ao tráfico excesivo que soporta a diario, sobre todo as deceas de camións que se dirixen a diario ao vertedoiro da Areosa (Cerceda).

Os socialistas solicítanlle á Xunta que realice as xestións necesarias para a sinatura inmediata do convenio do Plan Miner que permita comezar a executar, nun prazo máximo de dous meses, a ampliación e mellora da estrada. Desde hai case dous anos, o proxecto está pendente de sinatura entre o Concello, a Xunta e o Ministerio de Industria. As obras están orzamentadas en máis de 2,8 millóns de euros.

Ademais, os socialistas propoñen que a Xunta de Galicia asuma a titularidade da estrada, ao considerar que o nivel e o tipo de tráfico que circula por ela excede o ámbito local. O portavoz socialista de Ordes, Xesús Pedreira, explica que “o Concello non debería ter que asumir os gastos por desperfectos nos vehículos que circulan por unha estrada que xa tiña que ter sido arranxada”. No caso de que a Xunta non estea disposta a asumir a titularidade, os socialistas pedirán no pleno municipal que se prohíba a circulación de todo tráfico pesado maior de 5,5 toneladas, agás aquel ao que o Concello de Ordes autorice expresamente.

Fraga e Leiceaga emprazan á Xunta a implicarse

A parlamentaria autonómica Silvia Fraga, que ademais é usuaria habitual desta estrada, explicou que “é un perigo circular por ela porque ten moitísimo tránsito ao ser a unión natural entre Ordes e Cerceda e unir os polígonos de Merelle e do Acevedo”. De feito, durante 2011 producíronse numerosas saídas de vía, colisións, diversos danos en vehículos e, desgraciadamente, dous atropelos graves co resultado de catro vítimas mortais. Por eso, argumenta que a Xunta “ten que implicarse porque o deterioro débese aos camións que van ao vertedoiro da Areosa, que pertence a Sogama, unha empresa que no 51% depende da Xunta”.

Xaquín Fernández Leiceaga, parlamentario tamén presente nesta comparecencia, incidiu en que “este tráfico é derivado de decisións da Xunta, pola ubicación de Sogama, e está afectándolle ás condicións de vida dos veciños”. De aí que sexa necesario “un tratamento excepcional” coa estrada porque “esta comarca está asumindo unha función de servizo público para o conxunto de Galicia, con consecuencias negativas como as desta estrada”.

Leira apela á coordinación entre administracións

Antonio Leira, deputado provincial socialista, apelou ao discurso de toma de posesión do presidente da Deputación, Diego Calvo, no relativo á necesidade de acordo entre as administracións para unificar posturas á hora de definir e asumir as súas competencias. Neste sentido, Leira defendeu que “se o tráfico que deteriora esta estrada é dunha empresa relacionada coa Xunta e se a Deputación ten como un dos seus fins ofrecerlle asistencia aos Concellos, teñen que sentar e asumir cadaquén as súas competencias, fixar criterios”. “O que non pode ser –engadiu Leira- é que o Concello de Ordes sexa o que teña que asumir todo este deterioro e todos estes atrancos”.

O proxecto

Os traballos de mellora e ensanche desta estrada, de 8,275 quilómetros de lonxitude, teñen un prazo de execución de 24 meses e atravesan os lugares da Portela, Pedre, O Cruceiro, Bailia e Vilasenín, pertencentes ás parroquias ordenses de Mercurín e Leira. Na actualidade, o ancho medio desta estrada é de 7 metros, dos que só 6 son aproveitables para o tráfico rodado. O novo proxecto contempla ampliar esta estrada ata acadar un ancho total da plataforma de 10 metros, con beiravías de metro e medio a cada lado. Unha nova anchura á que habería que engadir sendas cunetas dun metro de ancho cada unha.

Así mesmo, o proxecto contempla a mellora do firme da estrada, que pasará a ter unha categoría especial para soportar tráfico pesado, e varias actuacións nas cunetas para favorecer a evacuación do auga e impedir o seu taponamento pola maleza.

Brión aprobada a relación de postos de traballo do concello

APROBADA DEFINITIVAMENTE A RELACIÓN DE POSTOS DE TRABALLO DO CONCELLO DE BRIÓN

25 de xaneiro de 2012.- O Boletín Oficial da Provincia de hoxe publica a aprobación definitiva da modificación da Relación de Postos de Traballo (RPT) do Concello de Brión, logo da súa aprobación no pleno de decembro de 2011 (cos votos a favor do grupo de Goberno, unha abstención do BNG e 4 votos en contra do PP) e de terse exposto ao público durante o tempo legalmente establecido sen que se presentara alegación algunha. Deste xeito a proposta, que conta co apoio unánime dos representantes de todos os traballadores e funcionarios e das organizacións sindicais, elévase a definitiva.

A proposta inclúe un total de dezasete postos, que se adaptan ás necesidades actuais do Concello de Brión. Con respecto á anterior RPT, aprobada en 2005, isto supón a supresión de dous postos no departamento de Intervención e outros dous de auxiliar administrativo. Unhas supresións que non supoñen o despedimento de ningún traballador e que, pola contra, permitirán un aforro de 152.344 euros anuais (o que equival a máis de 600.000 euros no conxunto deste mandato).

A modificación da RPT do Concello de Brión permite unha reordenación e actualización da estrutura administrativa municipal e dos recursos humanos dispoñibles, dando lugar a un organigrama administrativo renovado e adaptado ás necesidades actuais do Concello de Brión. Unha reorganización que en ningún caso prevé o incremento de postos de traballo, senón unha optimización dos efectivos dispoñibles.

Así, a nova RPT aposta pola polivalencia, flexibilidade e amplitude funcional dos postos de traballo. Un exemplo é a sustitución dos traballadores habilitados por persoal do propio Concello de Brión que se encargará, por exemplo, de cubrir unha baixa por maternidade repartindo o traballo a facer entre varios empregados municipais. Así mesmo, procédese á restruturación de varios departamentos, especialmente nos casos de Intervención e de Urbanismo. Así, no Departamento de Intervención suprímese o posto de Tesoureiro-Recadador, cuxas funcións serán asumidas por un posto xa existente: o Auxiliar Tesoureiro-Recadador. Ademais, no Departamento de Intervención, Urbanismo e Medio Ambiente desaparecen os postos de Xefe de Departamento e de Auxiliar Administrativo, éste último reasignado a Negociado de Persoal. Ademais, unirase este departamento co de Obras e Servizos, de xeito que o novo departamento pasará a denominarse: Departamento de Obras, Urbanismo e Medio Ambiente.

Finalmente, nesta modificación puntual da RPT do Concello de Brión non se realizou ningunha revisión das valoracións económicas dos postos, polo que seguirá vixente o nivel retributivo determinado na RPT de 2005.

Oroso – orden do día do pleno ordinario de xaneiro

O PLENO DE OROSO APROBARÁ PROVISIONALMENTE A MODIFICACIÓN PUNTUAL Nº 4 DO PXOM PARA MELLORAR A ORDENACIÓN DO PARQUE EMPRESARIAL DE SIGÜEIRO

25 de xaneiro de 2012.-O pleno municipal de Oroso, que se reunirá mañá xoves ás 19:00 horas en sesións ordinaria, aprobará provisionalmente a modificación puntual Número 4 do Plan Xeral de Ordenación Municipal (PXOM), correspondente ao parque empresarial de Sigüeiro. Unha modificación aprobada inicialmente en marzo de 2011 e que agora será remitida á Xunta para a súa aprobación definitiva.

A modificación puntual Número 4 do PXOM de Oroso é precisa para poder modificar o Plan Parcial do solo apto para urbanizar industrial do parque empresarial promovido por Xestur. A modificación afecta a dúas partes. A primeira atinxe ao texto normativo, de xeito que permitirá unha mellora na ordenación, composición de volumes e regulación de uso coa finalidade de incorporar melloras na ordenación do parque e resolver situacións de protección do patrimonio sobrevidas. A segunda parte afecta aos aspectos gráficos, xa que é precisa unha nova expresión gráfica do plano de ordenación e zonificación froito do crecemento da zona e da aparición de novos viais como, por exemplo, o acceso directo á autopista AP-9 sen ter que pasar pola N-550.

Ruidos e PXOM

O pleno municipal tamén debaterá unha modificación da ordenanza xeral reguladora da emisión de recepción de ruídos e vibracións, de xeito que facilitará a tramitación de licencias de apertura de negocios non xeradores de ruídos (como, por exemplo, un despacho de avogados ou un estudo de arquitectura) que antes tiñan que presentar un estudo de medición de ruídos. O cambio indica textualmente: “quedan excluidas do ámbito de aplicación as actividades que, polo seu exercicio, podan considerarse como inocuas ao non ser xeradoras de ruídos”.

Asímesmo, o pleno tamén debaterá unha modificación nas obras a incluir no Plan Provincial de Cooperación ás Obras e Servizos de Competencia Municipal (POS) 2012, aprobado por unanimidade na sesión de novembro de 2011. Así, a Alcaldía de Oroso proporá revisar a segunda fase do proxecto de instalación de alumeado público entre os núcleos rurais de Villalbarro e O Cruceiro, orzamentado en 45.000 euros, e que será retomado con cargo a outras partidas.

A sesión desenvolverase a partir das 19:00 horas de acordo coa seguinte orde do día:

I. PARTE RESOLUTORIA

1. Aprobación de actas do 24/11/2011 e do 19/12/2011.
2. Aprobación, se proceder, da modificación do Plan provincial de cooperación ás obras e servicios de competencia municipal (POS) 2012 da Deputación Provincial da Coruña aprobado polo Pleno do Concello o 22/11/2011.
3. Aprobación inicial, se proceder, da modificación da Ordenanza xeral municipal reguladora da emisión de recepción de ruídos e vibracións do Concello de Oroso.
4. Aprobación provisional, se proceder, da modificación puntual núm. 4 (Parque empresarial de Sigüeiro, Oroso) do PXOM.

II. PARTE DE CONTROL

5. Toma de coñecemento das resolucións de Alcadía ditadas entre o 22/11/2011 e o 23/01/2012.
6. Toma de coñecemento dos reparos de legalidade emitidos pola Interención Municipal entre o 22/11/2011 e o 23/01/2012.
7. Mocións dos grupos municipais.
8. Rogos e preguntas.

Teo – orden do día do pleno ordinario de xaneiro

O GRUPO DE GOBERNO LEVA A PLENO UNS ORZAMENTOS REALISTAS NOS QUE SE GARANTE O MANTEMENTO DOS SERVIZOS

· Na sesión debaterase tamén un Plan de saneamento económico-financieiro que ten como obxetivo principal enxugar o remanente de tesourería negativo

· O alcalde dará conta a petición do PSOE sobre as xestións relativas ó centro de saúde da Ramallosa, o centro de día ou a gardería de Cacheiras

25 de xaneiro de 2012. A corporación teense reúnese este xoves 26 de xaneiro para celebrar a sesión ordinaria do pleno deste mes. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa.

O principal punto da orde do día será a proposta da alcaldía de aprobación do orzamento xeral para o exercicio económico do 2012. Este documento, segundo explica o grupo de goberno, é un documento “realista e axustado á actual situación de crise económica, pero no que se fai unha aposta por non dar pasos atrás nas conquistas”. As contas amosan unha contención “que se vén mantendo nos últimos exercicios pero que garanten o mantemento das conquistas sociais acadadas na anterior lexislatura”.

O capítulo de ingresos e gastos sitúanse nunha previsión de 11.751.472 euros. Con estas contas o goberno municipal destaca que se non se recortarán programas e deste xeito as apostas en materia cultural e deportiva, en temas de benestar ou en programas de conciliación están garantidos.

No relativo ós investimentos, tamén como en anos anteriores, minimízase polo impacto da situación económica. Sen embargo recóllense as aportacións municipais necesarias para a construcción da piscina municipal, que debe estar rematada este ano, así como para a ampliación da ETAP de Pontevea, que tamén debe licitar a Xunta de Galicia neste exercicio, para a que o Concello debe aportar o 30% da obra en dúas anualidades, ó redor de 300.000 euros. Tamén se contempla a aportación municipal para o Plan de Obras e Servizos da Deputación, cando ademais Teo o inviste todo en obras e non en gasto corrente.

No que se refire ós ingresos este ano axústanse capítulos como a previsión de ingresos polo ICIO que se calcula en 150.000 euros ou revísase á baixa a previsión de ingresos pola concesión de nichos do cemiterio municipal quedando en 500.000 euros. Recóllese tamén unha previsión de venta de parcelas do Patrimonio Municipal do Solo, que se situarían en 407.311 euros. E actualízanse as taxas das que se aprobaron subas o ano pasado, que este ano xa estarán en vigor. Estas actuación permiten manter un equilibrio fiscal nas contas municipais, polo que aínda mantendo os servizos existentes se aposta por ir mellorando a situación económica municipal.

Un instrumento que debe permitir equilibrar esa situación económica é o Plan se saneamento económico-financieiro que se leva tamén a pleno. Este documento ten unha vixencia de tres anos e ten como principal obxectivo enxugar o remanente de tesourería negativo resultado da liquidación do exercicio do 2010 que se sitúa nos 3.231.220 euros.

Para eso propóñense medidas de contención e axuste que se centran na desaparición da oferta de emprego pública de prazas que neste momento non están cubertas, do que xa se deu conta ás centrais sindicais e ó comité de empresa, na racionalización de gasto corrente, na actualización das taxas ou na conxelación das subvencións a colectivos e persoas para os próximos tres exercicios.

Dende o grupo de goberno enviouse información sobre o orzamento o pasado 14 de xaneiro ós grupos da oposición para que puideran ter a documentación con máis marxe que o que establece a lei coa convocatoria das comisións informativas, que foron este pasado luns.

Por outra parte o rexedor teense tamén dará, a petición do PSdeG-PSOE, das xestións realizadas nestes anos sobre o centro de saúde da Ramallosa, o centro de día en Calo e a escola infantil de Cacheiras.

A orde do día ten os seguintes puntos:

1. Aprobación da acta da sesión do 29.12.2012.
2. Dar conta das resolucións da alcaldía (da 7942/11 á 984/11 e da 1/12 á 33/12).
3. Dación de conta do informe de intervención sobre estabilidade orzamentaria vencellado á prórroga do orzamento 2011 a 2012.
4. Ditame da moción do BNG contra a supresión das gardas de farmacia.
5. Ditame da proposta da alcaldía de delegación na Deputación provincial da Coruña da facultade para establecer acordos e convenios coa administración tributaria do Estado en materia de colaboración e inspección en relación do IBI.
6. Ditame da proposta da alcaldía de aprobación do Plan de saneamento económico-financieiro 2012-2017.
7. Ditame da proposta da alcaldía de aprobación do orzamento xeral do exercicio económico 2012 e do cadro de persoal 2012.
8. Dación de conta do señor alcalde sobre as xestións realizadas en relación coas infraestruturas do centro de saúde da Ramallosa, o centro de vivendas de protección oficial en Campos de Mirabel e a escola infantil de Cacheiras.
9. Mocións.
10. Rogos e preguntas.

Ames – orden do día do pleno ordinario de xaneiro

Santiago – axenda xoves 25 xaneiro

Xoves 26

11.00 h

No Auditorio de Galicia, Concerto Didáctico da Banda Municipal de Música dirixida por Xosé Carlos Seráns.

12.30 h

Na Casa do Concello, ROLDA DE PRENSA da concelleira do grupo municipal socialista, Mercedes Rosón, sobre asuntos de carácter local.

13.00 h

Na Casa do Concello, ROLDA DE PRENSA da concelleira de Obras e Infraestruturas, María Castelao, sobre asuntos de carácter local.

17.30 h

Pleno ordinario

Na Casa do Concello, sesión ordinaria do Pleno da Corporación coa seguinte orde do día:

1. Aprobación, se procede, de actas de sesións anteriores.

2. Aprobación inicial da ordenanza municipal reguladora das terrazas e quioscos de hostalería.

3. Aprobación inicial do regulamento de organización e funcionamento do Consello sectorial de familia, benestar social e igualdade do Concello de Santiago de Compostela.

4. Aprobación inicial da modificación da ordenanza do sistema de ordenación e regulación do servizo da Ora e aparcamento de residentes.

5. Aprobación inicial da modificación da ordenanza reguladora do servizo de axuda no fogar.

6. Proposta da Alcaldía relativa á baixa do Concello en diferentes asociacións e entidades.

7. Proposición do grupo municipal do PSdeG-PSOE para o fomento da estabilización dos investigadores contratados polo complexo universitario de Santiago.

8. Proposición do grupo municipal do PSdeG-PSOE relativa ao novo uso da antiga terminal do aeroporto de Lavacolla.

9. Proposición do grupo municipal do BNG para axilizar a construcción dun túnel baixo a rotonda de Conxo.

10. Dar conta de acordo da Xunta de Goberno Local relativo á delegación de competencias.

11. Dar conta de resolucións da Alcaldía, das concellarías delegadas e acordos da Xunta de Goberno Local.

12. Rogos e preguntas.

13. Toma en consideración de mocións presentadas polos grupos municipais.

21.00 h

No Auditorio de Galicia, concerto de abono da Real Filharmonía de Galicia dirixida por Paul Daniel con Plamen Velev, violoncello. [Fauré, Caplet, Schumann]. Asisten o alcalde compostelán, Xerardo Conde Roa, e o concelleiro de Cultura, Ángel Currás.

21.00 h

No Teatro Principal, Teatro do Atlántico presenta 'E.R. (Algún día traballaremos xuntas)' de Josep M. Benet i Jornet. Con Manuela Varela, María Barcala, Luisa Merelas e Susana Dans. Dirección de Xulio Lago [RGTA]

Ames – recollida de material escolar

O Concello de Ames organiza a primeira campaña de recollida de material escolar

O material poderase entregarse dende xaneiro ata o mes de xuño nas Casas da Cultura de Bertamiráns e do Milladoiro

Ames, 24 de xaneiro de 2012. O Concello de Ames, a través das Concellarías de Educación, Servizos Sociais e Voluntariado, organizan a primeira campaña de recollida de material escolar para os nenos e nenas de familias con menos recursos do concello de Ames. O material poderase entregarse dende xaneiro ata o mes de xuño nas Casas da Cultura de Bertamiráns e do Milladoiro, en horario de mañá, de 09:00 h. a 14:00 horas, e de tarde, de 16:30 h. a 21:30 horas. Unha vez rematada a campaña o material será entregado de cara ao vindeiro curso escolar 2012-2013. Esta campaña é independente da liña de subvención que convoca anualmente a Administración local para material escolar. Para máis información poden chamar ao número de teléfono 981 883 703 ou enviar un correo electrónico voluntariado@concellodeames.org

As Concellarías de Educación, Servizos Sociais e Voluntariado acaba de poñer en marcha a primeira edición da campaña de recollida de material escolar. Esta campaña, que se desenvolverá entre os meses de xaneiro e xuño, pretende recoller unha gran cantidade de material escolar para entregar entre a poboación máis necesitada do concello e sensibilizar a xente de que entregar material escolar non consiste en dar caridade, baleirar armarios ou reciclar obxectos que nos molestan na casa, senón que hai que poñer un pouco de xustiza e ofrecer solidariedade e xenerosidade de balde.

Todas as persoas que queiran colaborar coa campaña deberán depositar o material escolar entre os meses de xaneiro e xuño, nas Casas da Cultura do Milladoiro e de Bertamiráns, de luns a venres, en horario de 09:00 h. a 14:00 horas e de 16:30 a 21:30 horas. Pódese entregar todo tipo de material escolar (libros de texto, libros de lectura, lapis, gomas, carpetas, regras, mochilas...). É importante que o material que se entreguen estea en bo estado.

Esta campaña é independente da liña de subvención que convoca anualmente a Administración local para material escolar. Todo o material escolar que se recolla será ordenado e clasificado pola Oficina de Voluntariado de Ames. O material será repartido entre os nenos e nenas de familias con menos recursos do concello de Ames. Estes nenos/as son derivados do departamento municipal de Servizos Sociais.

As persoas que desexen obter máis información deberán dirixirse á Oficina Municipal do Voluntariado (OVA) ao teléfono 981 883 703, ou ben ás Casas da Cultura de Bertamiráns e do Milladoiro. Tamén poden enviar un correo electrónico a voluntariado@concellodeames.org

Fundación Araguaney – Amal viaja a Madrid

El Festival Amal viaja a Madrid para celebrar una muestra de cine euroárabe

- Las proyecciones serán un jueves al mes, desde enero y hasta junio. Todas a las 18,30 h en el Auditorio del Centro Internacional de Prensa (María de Molina, 50).

- Se proyectarán 5 documentales y 2 cortos del Festival Amal. Tras cada proyección habrá un coloquio con el público.

Santiago de Compostela, Martes 24 de Enero de 2012. El Festival Internacional de Cine Euroárabe Amal, en colaboración con la Federación de Asociaciones de Periodistas de España y la Asociación de Periodistas y Escritores Árabes en España,  llevará a Madrid 7 producciones audiovisuales participantes en la pasada edición del festival. Un jueves al mes, empezando en Enero y hasta Junio, el Auditorio del Centro Internacional de Prensa de Madrid, en María de Molina 50, acogerá la proyección de diversos cortos y documentales que participaron en la IX edición de Amal, que se celebra en Santiago de Compostela cada mes de Octubre.

Acompañando a dichas muestras, que se pasarán todas ellas a las 18,30 h de la tarde, tendrán lugar una serie de conferencias impartidas por embajadores, periodistas e investigadores del mundo árabe, que comenzarán a las 11,00 de la mañana.

En total, 5 largometrajes documentales y 2 cortos serán los que se proyecten un jueves de cada mes en Madrid.

La primera de las proyecciones de la Muestra Amal será el próximo jueves 26 de Enero. Se trata del largometraje documental “Basta de miedo”, de Mourad Ben Cheikh. Túnez. La proyección será a las 18,30 h, y tras ella intervendrán Ana Camacho, periodista de El País y Mohamed Abdel Kafi, Corresponsal Diario Alarab. A las 11.00 horas de ese mismo día habrá una conferencia a cargo de M’hamed Ezzine Chelaifa, embajador de Túnez en España, para contextualizar los procesos revolucionarios conocidos como Primavera árabe tratados en la película.

SINOPSIS DE “BASTA DE MIEDO”, MOURAD BEN CHEIKH. TÚNEZ. 74 MIN

Tras la autoinmolación de un vendedor ambulante, el pueblo de Túnez inicia una revolución que pondrá fin a 24 años de dictadura del presidente Ben Alí e iniciará la primavera árabe. Esta película es un testimonio y un homenaje al pueblo de Túnez.

PRÓXIMAS PROYECCIONES

JUEVES, 26 DE ENERO. Túnez: Basta de miedo, Murad Ben Cheikh.

JUEVES, 16 DE FEBRERO. Marruecos: Al Madina, G. Ballester. Khalid, D. Gräbner

JUEVES, 15 DE MARZO. Egipto: Ehral. Diario de la Plaza Tahrir. Marc Almodóvar

JUEVES, 12 DE ABRIL. Palestina: Esta es mi tierra, Hebrón. G. Amati y S. Natanson

JUEVES, 17 DE MAYO. Palestina: La pequeña ciudad de Belén. Jim Hanon

JUEVES, 14 DE JUNIO. Irak: Cámaras contra armas. Nikos Megrelis

Galicia en Panamá, historia de una emigración

PRESENTACIÓN DEL LIBRO GALICIA EN PANAMÁ. HISTORIA DE UNA EMIGRACIÓN

---

El próximo jueves 26 de enero del 2012 se presentará el libro Galicia en Panamá. Historia de una emigración, será a las 20:30 horas en el salón de actos del edificio Quercusip (c. Letonia 6, Parque Empresarial Costa Vella) Santiago de Compostela.

Los autores son Carolina García Borrazás y Francisco Sieiro Benedetto, en la obra abordan la presencia histórico-sociológica de gallegos en Panamá, desde la participación de éstos en la construcción del Canal interoceánico hasta la actualidad. Se trata de una investigación inédita en el ámbito de los estudios migratorios. El libro está financiado por la Ciudadanía Española en el Exterior del Gobierno de España y colabora el Gobierno de Panamá. Cuenta con los prólogos del presidente de la República de Panamá D. Ricardo Martinelli y de Dª Mª Pilar Pin Vega, ex-Secretaria General de la Ciudadanía Española en el Exterior.

Al acto asistirán, entre otras personalidades: D. Gerardo Fernández-Albor, ex presidente de la Xunta de Galicia, D. Cristóbal Fundora Sitton, Cónsul General de Panamá en A Coruña, D. Ramón Brigos Fernández, subdirector xeral de programas sociales, Secretaría Xeral de Emigración, Xunta de Galicia, Dª Mª Pilar Pin Vega, ex Directora General de la Ciudadanía Española en el Exterior, Dª Mª Isabel Soneira Tajes, Diputada del Parlamento de Galicia, así como representantes de la Universidad de Santiago de Compostela y del Consello da Cultura Galega. A su vez, contaremos con la presencia de parte de la colonia gallega residente en Panamá y con el presidente de la Sociedad Española de Beneficencia de Panamá.