AYUNTAMIENTO DE AMES

Ponse en marcha a oficina virtual tributaria

[06/03/2010] O salón de Plenos da Casa do Concello acolleu esta mañá, ás 12:30 horas, a presentación da oficina virtual tributaria. O alcalde de Ames, Carlos Fernández, o concelleiro de Reforma Administrativa e Calidade na Administración, José Miñones, e a concelleira de Economía e Facenda, Patricia Conde, ofreceron unha rolda de prensa na que explicaron as principais vantaxes deste novo servizo municipal. A oficina virtual tributaria permite realizar o pagamento dos tributos municipais a través da rede e sen ter que moverse da casa.

Achegar as novas tecnoloxías a todos os cidadáns, evitar as colas nas oficinas das administracións, así como facilitar xestións e trámites cotiás son os fins que se perseguen coa implantación da administración electrónica. "O Concello de Ames dá un paso máis neste senso coa posta en marcha da oficina virtual tributaria", comezou dicindo o concelleiro de Reforma Administrativa e Calidade na Administración, José Miñones. A través deste servizo os veciños e veciñas de Ames poderán realizar o pagamento dos tributos xestionados pola Administración local e acceder a determinados servizos que facilitarán o cumprimento das súas obrigas fiscais.

Coa implantación da administración electrónica o Concello de Ames pretende levar a cabo unha modernización que permita achegar cada vez máis a Administración á cidadanía. Deste xeito garántese a presenza dos concellos en Internet e favorécese a prestación de servizos en liña, coa mesma validez e eficacia que os realizados de xeito presencial. Mediante o uso da oficina virtual tributaria os contribuíntes non terán que desprazarse ata as oficinas municipais de recadación para efectuar o pago dos impostos.

A concelleira de Economía e Facenda indicou que "a oficina virtual tributaria implica que o contribuínte poida facer as súas operacións tributarias pola internet . Os veciños e veciñas de Ames poderán consultar e xestionar o pagamento dos seus tributos dun xeito rápido e seguro. Ademais tamén poderán obter información sobre os recibos que teñen pendentes de pago, domiciliar os recibos, imprimir o xustificante de pagamento e realizar moitas outras operacións. Este servizo ofrécese de xeito paralelo ás dúas oficinas de recadación que hai en Bertamiráns e no Milladoiro".

Vías de acceso
Os servizos tributarios do Concello de Ames teñen un sistema de información que está preparado para que os contribuíntes realicen as súas xestións tributarias mediante a Internet de forma segura, o que simplifica o cumprimento das obrigas fiscais e ofrece novos servizos aos cidadáns. Para acceder á oficina virtual tributaria hai que entrar na web municipal. Unha vez aí podes premer no banner que hai pa páxina principal ou ir a sección de Ames Dixital onde atoparás unha ligazón que indica Oficina Virtual Tributaria. Para entrar no panel de xestión podes empregar tres vías, sempre e cando os contribuíntes dispoñan dos instrumentos correspondentes que se precisan en cada caso para facilitar o acceso.

A primeira vía implica ser titular da certificación dixital en vigor da Fabrica Nacional de Moeda e Timbre. Outra opción é a través do servizo de Banca Electrónica daquelas entidades colaboradoras que asinen o correspondente convenio da Oficina Virtual Tributaria co Concello de Ames. Nestes intres a Administración local ten asinado un convenio con Caixa Galicia para poder acceder á oficina virtual tributaria a través de Caixa Activa ou Caixa Xestión. "Aínda que con este acordo o 80% da poboación de Ames xa pode acceder a este sistema, dende o goberno municipal agardamos que outras entidades se sumen a esta iniciativa", explicou Miñones.

Para poder beneficiarse deste servizo os contribuíntes que así o desexen deberán contratar o servizo de banca electrónica para particulares nalgunhas da oficinas de Caixa Galicia, salvo que xa sexan clientes deste servizo. Unha vez estean dados de alta os clientes tamén poderán acceder a todos os beneficios da banca electrónica a través da páxina web de Caixa Galicia.

Por outra banda, o Concello está traballando para que exista a posibilidade de que mediante uso do DNI electrónico se poida empregar a oficina virtual tributaria. Para poder empregar esta terceira vía de acceso o usuario deberá dispor de DNI electrónico e coñecer a clave para utilizar os certificados do mesmo.

A pesar de que esta mañá foi cando se realizou a presentación oficial da oficina virtual tributaria este servizo xa leva un tempo funcionando e segundo declarou o concelleiro de Reforma Administrativa, José Miñones, "xa foron 126 os contribuíntes que realizaron diversos pagos a través deste servizo. Na última semana producíronse 15 pagos mediante a oficina virtual tributaria. Ademais estamos observando que cada vez máis son máis os veciños que acceden a este servizo dende a web municipal o que fai presaxiar que esta iniciativa vai ter un gran éxito entre a cidadanía amiense".

Explicación práctica
O persoal da empresa concesionaria que xestiona o servizo de recadación municipal, Gestión Tributaria Territorial, fixo unha demostración de cómo se emprega este servizo e que pasos a hai que seguir para poder efectuar o pago a través da oficina virtual tributaria. Deste xeito explicaron que dende a oficina virtual tributaria pódense realizar varias operacións como acceder aos expedientes de xestión, consultar os recibos pagados e anulados, domiciliación de recibos, darse de alta na autoliquidación de vehículos, imprimir os xustificantes de pago e incluso acceder a cartografía oficial do Catastro.

Antes de rematar o alcalde de Ames, Carlos Fernández, aproveitou para darlle os parabéns a concelleira de Economía e Facenda e ao concelleiro de Reforma Administrativa polo traballo que realizaron de xeito conxunto e que se ve reflectido na posta en marcha da oficina virtual tributaria. Tamén quixo agradecer a colaboración e o esforzo feito polos responsables da empresa Gestión Tributaria Territorial para poder desenvolver este novo servizo municipal.

AYUNTAMIENTO DE BRION

BRIÓN SERÁ O PRIMEIRO CONCELLO DE MENOS DE 10.000 HABITANTES DA PROVINCIA DA CORUÑA EN CONTAR CUNHA PISCINA CUBERTA CLIMATIZADA  

O pleno extraordinario aprobou a adxudicación provisional á UTE Manuel Rodríguez Lema e Fergo Galicia SA

06 de marzo de 2010.- O pleno extraordinario do Concello de Brión celebrado esta mañá aprobou, cos votos a favor de PSOE e BNG e coa abstención do PP, a adxudicación provisional da construción dunha piscina cuberta climatizada municipal, que se ubicará no lugar de Lamiño (Pedrouzos-Brión). Unha obra que foi adxudicada provisionalmente á UTE Manuel Rodríguez Lema e Fergo Galicia SA por un importe de 1.126.000 euros, que serán financiados grazas a unha subvención de un millón de euros da Deputación Provincial da Coruña e á aportación do Concello de Brión.

O alcalde de Brión, Xosé Luís García, amosou a súa gran satisfacción por esta aprobación pois “seremos o primeiro concello de menos de 10.000 habitantes da provincia da Coruña que disporá dunha piscina cuberta”. Así mesmo, destacou que “a oferta presentada pola empresa adxudicataria supón unha baixa de máis do 15% sobre o prezo inicial”, é dicir, uns 200.000 euros.

Eses cartos serán utilizados para mellorar a dotación destas instalacións deportivas, que estarán ubicadas nun edificio composto de planta baixa e soto, situado no lugar de Lamiño, xusto a carón do polideportivo municipal e do CEIP de Pedrouzos. Ocuparán unha superficie de 2.353 metros cadrados, sobre unha parcela de 5.490 m2 que xa dispón de todos os servizos urbanísticos precisos. Incluirán unha piscina climatizada, dúas saunas, un ximnasio, vestiarios para homes e mulleres e outras dependencias comúns (almacéns, zona de recepción, aseos, etc).

Unha vez realizada hoxe a adxudicación provisional da obra, notificarase a decisión á UTE adxudicataria para que presente toda a documentación requerida, publicarase a decisión no perfil do contratante do Concello de Brión (www.concellodebrion.org) e abrirase un prazo de 15 días para a presentación de alegacións. Se a UTE Manuel Rodríguez Lema e Fergo Galicia SA supera todo o procedemento administrativo, a Xunta de Goberno Local será quen aprobe a adxudicación definitiva das obras.

Intervencións

No turno de intervencións, o PP explicou que o seu voto de abstención non era contra o procedemento de adxudicación provisional realizado hoxe, senón que significaba manter a postura de abstención en todo o tocante á piscina municipal cuberta. Xosé Luís García apuntou: “sego sen enteder a postura do PP e que non apoiaran dende o primeiro momento a construción desta piscina. É un pouco triste para os veciños de Brión que esta importante obra non tivera en ningún momento o voto favorable do Partido Popular”.

Pola súa banda, o BNG interesouse por se a empresa adxudicataria fixera antes algunha outra obra en Brión. O alcalde brionés confirmou que esta empresa, orixinaria de Vimianzo, acometera as obras do centro social polivalente e que foi elixida despois de superar o procedemento de selección establecido pola Deputación da Coruña, onde superou todos os requisitos técnicos esixidos e foi a empresa que presentou a oferta máis baixa das doce que aspiraban á adxudicación.

Ademais, se finalmente esta UTE é a adxudicataria definitiva desta obra, o Concello de Brión debería aprobar unha nova distribución do investimento aprobado no pleno extraordinario de 23 de novembro de 2009, xa que conlevaría unha importante reducción dos plazos de execución. 

AYUNTAMIENTO DE AMES

O Concello está tratando de por fin a folga de Limpezas Ames

O goberno municipal está realizando diferentes xestións co fin de solucionar o conflito laboral que afecta os traballadores/as de Limpezas Ames. Os empregados desta empresa declaráronse en folga de xeito indefinido o pasado 8 de febreiro debido ao impago dos salarios correspondentes aos meses de decembro e xaneiro. Esta folga afectou ao servizo de limpeza que se viña mantendo en varias instalacións municipais sendo unha das máis afectadas o CEP de Ventín.

Nos últimos meses os traballadores/as da empresa Limpezas Ames veñen atravesando unha difícil situación debido aos continuos atrasos no pago dos salarios. De feito, o Concello no mes de setembro, efectuou un pago de 20.500 euros, de xeito directo á devandita empresa para saldar a débeda coas súas traballadoras que levaban varios meses sen cobrar. Aínda que se veñen adoptando unha serie de medidas por parte da Administración local para poñerlle fin a esta situación os impagos continuaron ata que a situación xa foi insostible.

O pasado 29 de xaneiro o secretario da Federación de Servizos da Confederación Intersindical Galega (CIG), actuando en nome e representación dos traballadores/as de Limpezas Ames, comunicoulle ao concello a decisión de convocar unha folga de xeito indefinido a partir do día 8 de febreiro de 2010. Esta folga aféctalle directamente a diferentes instalacións e dependencias municipais nas que a devandita empresa realiza o servizo de limpeza.

Ante a citada comunicación e ao ser preciso fixar uns servizos mínimos nas dependencias municipais afectadas, o 2 de febreiro, redactouse por parte do Concello unha proposta de servizos mínimos dando audiencia ao comité de folga, así como á empresa, co fin de poder escoitalos e para coñecer o seu parecer á hora de decretar os servizos mínimos obrigatorios.

O 4 de febreiro recibiuse unha notificación da CIG onde se formulan alegacións a este concello sobre a proposta de servizos mínimos notificada, na que se comunicou que os servizos eran abusivos e que non están suficientemente motivados. Á vista das alegacións e sendo preciso que se determinasen eses servizos mínimos o Concello de Ames ditou un decreto de servizos mínimos o 4 de febreiro, que lle foi notificado ao comité de folga é a empresa Limpezas Ames.

Ao non chegar a un acordo, en canto á fixación dos servizos mínimos, foi a propia Alcaldía a que ditou un decreto e procedeu a fixar os servizos mínimos. Deste xeito os servizos mínimos para cada un dos locais afectados quedou do seguinte xeito: xulgado de paz 25%; nave do concello 25%; oficina municipal de urbanismo 30%; oficina municipal da Policía local 30%; Casa da Cultura do Milladoiro 50% e colexio de Ventín 50 %.

Posteriormente, o 9 de febreiro, requiríuselle á empresa Limpezas Ames o cumprimento das obrigas recollidas no decreto de establecemento de servizos mínimos decretados, máis concretamente, infórmaselle que se ten coñecemento de que os servizos mínimos establecidos para a Casa da Cultura do Milladoiro, o CEP de Ventín e a nave dos concello non foron cumpridos.

O pasado 2 de marzo o director do CEP de Ventín comunicoulle ao Concello que os servizos mínimos se estaban cumprindo pero que non  eran suficientes, para permitir que a actividade diaria do colexio se desenvolva con normalidade.

Non desexando danar os lexítimos intereses dos traballadores/as de Limpezas Ames, nin menoscabar o dereito á folga, o goberno municipal considera que servizos esenciais como é a limpeza dos centros onde se imparte a escolarización obrigatoria deben ser respectados e obxecto dunha especial protección.

Debido a iso o goberno municipal solicitoulle ao servizo de relacións laborais da Xunta de Galicia o seu asesoramento sobre que actuacións municipais poden emprenderse no concello para sen confrontar co dereito de folga dos traballadores/as de Limpezas Ames, se poida garantir que a ensinanza no centro de ensino se poida desenvolver coas condicións hixiénico-sanitarias axeitadas. Outra das consultas realizadas foi sobre se o Concello podería aumentar os servizos mínimos ou se existe algunha outra medida que puidera ser adoptada neste senso.

PSOE SILLEDA

O GRUPO MUNICIPAL SOCIALISTA SOLICITA Ó CONCELLO QUE ESTABLEZA AS DATAS DE REVISIÓN DA ITV MÓBIL DE ACORDO COS GANDEIROS

5 DE MARZO DE 2010.- Facéndose eco das demandas dos agricultores e gandeiros de Laro, Cortegada e Escuadro o PSdeG-PSOE ven de solicitar  ó goberno municipal que modifique as datas nas que se vai efectuar a revisión da ITV móbil para tractores no Concello de Silleda

As previsións que se manexan son que a ITV móbil chegue o 22 de xullo a Bandeira e o 24 do mesmo mes a Silleda, atrasándose ata setembro a súa visita a Laro e Escuadro.

O problema destas datas radica  en que os agricultores  da zona de Laro e Escuadro  pasaron a revisión dos seus tractores no mes de marzo de 2.009 polo que se lles obriga a acudir a Lalin se non queren estar ata setembro sen os papeis en regra.

O sistema para fixar as datas nas que a ITV visita as nosas parroquias, realízase sempre a proposta do servicio da ITV pero é o Concello o que autoriza as datas propostas, por iso, se a día de hoxe na ITV están a informar sobre esas datas como seguras “ é porque  o Concello lles deu autorización sen valorar en ningún momento cales eras as datas que lle interesaban ós nosos cidadáns, o que supón unha absoluta falla de respecto e unha neglixencia”·.

Para os socialistas esta é unha situación sinxela de arranxar xa que  “ a ITV sempre mostrou unha máxima colaboración co Concello e por iso esperamos que poidan corrixir as datas”.  Por iso o grupo municipal socialista  solicítalle ó Concello que se poña en contacto  coa maior urxencia  co servizo de inspección de vehículos para modificar as datas fixadas e “evitar así un prexuízo para os gandeiros e os agricultores”

XUVENTUDES SOCIALISTAS SILLEDA

AS XUVENTUDES SOCIALISTAS DE SILLEDA RECLÁMANLLE Ó GOBERNO DE REY A APERTURA INMEDIATA DO AUDITORIO DE BANDEIRA

CALIFICAN ADEMÁIS OS DANOS PROVOCADOS POLA ENTRADA DE AUGA COMO CUANTIOSOS E EVITABLES.

5 de marzo de 2010.- As Xuventudes Socialistas a través de Silvia Pichel, Secretaria de Cultura, e Diego Cuiña, Secretario de Organización e Política Municipal solicítanlle ó Goberno de Silleda a apertura inmediata do auditorio.“Se a alcaldesa recepcionou, certificou e polo tanto aceptou as obras, non pode mantelo pechado”, con estas declaracións  a Secretaria de Cultura deixa claro que se está a utilizar este espazo público como estratexia política. “Fai 5 meses que o auditorio debería estar aberto, e paréceme vergonzoso que tódolos veciños teñamos que pagar a inexperiencia de Rey”, di Silvia Pichel.

O día da inauguración do auditorio xa se fixo público que faltaban por executar algunhas obras, pero iso non impediría o seu uso. Polo tanto resúltanos paragóxico que despois de empezar a utilizar o Auditorio con normalidade para impartir clases de música e baile, a actual alcaldesa dera orde de pechalo, interferindo no desenvolvemento de ditas actividades, e negándolle ós veciños de Bandeira o seu disfrute. Para Silvia Pichel “Rey non pode escusarse na falla de mobiliario para abrir o centro, cando puido dotalo e non quixo”.

Diego Cuiña, Secretario de Organización, ve innecesario que as clases de música se teñan que impartir no Colexio Público da Bandeira, “non é un lugar axeitado para iso xa que é un sitio moi frío e cando se sae das clases xa é de noite e non hai alumeado público, polo que xa non é a primeira vez que se produce algunha caída de cativos”.

Tamén os Grupos de Baile da Bandeira se ven obrigados a ensaiar na Casa da Cultura, compartindo un espazo que resulta insuficiente para os dous grupos de baile, cando hai un inmoble, como é o Auditorio habilitado para facelo.

Diego Cuiña califica de neglixencia grave que o Concello non actuara con celeridade na evacuación de auga que entrou no auditorio por mor do ciclón Xynthia, “só chamaron ós bombeiros cando alguén lles advertiu que eu estaba alí a sacando fotos da auga acumulada.”

Ademais acusan ó Concelleiro de obras de mentir cando afirma que os danos non foron cuantiosos, “ter a todos os operarios de obra municipais alí traballando toda a semana, ter que mercar unha moto-bomba e ter que levantar unha parte importante da tarima, non debe ser barato”. Para Diego Cuiña, “os danos son cuantiosos, e pódense valorar en miles de euros, que teremos que pagar entre todos, aínda que era totalmente evitable.

 O Secretario de Organización das XXSS pídelle ó goberno de Rey que non faga disto un capricho persoal xa que os únicos perxudicados somos tódolos colectivos e cidadáns de Bandeira.

PP MELIDE

O PP de Melide considera inadmisible que Cea continúe no cargo, tralas sete sentencias por despido improcedente

·        A representante popular denuncia o despotismo e a nefasta xestión da rexedora e que faga, ademais do Consistorio o seu casarío

·        Ánxeles Vázquez indica que estas sete condenas por despido improcedente supoñen para o erario público máis de 60.000 euros, sen contar os gastos derivados dos xuízos

Melide, 5 de marzo de 2010. Tras facerse pública a sentencia en contra do Concello por despido improcedente dunha traballadora da escola infantil, a Portavoz do Partido Popular de Melide, Ánxeles Vázquez, afirmou que esta sentencia ven a confirma-las denuncias realizadas polo PP no mes de novembro, nas que adiantaba a noticia, o que fai ratificar, ademais, “o despotismo e nefasta xestión desta alcaldesa, que se cre que o consistorio é o seu casarío e fai e desfai ó seu antollo”. Neste senso, a representante popular recorda que por aquel entonces a alcaldesa tachara ó PP de mentir e de enganar ós veciños, polo que lle esixe agora unha rectificación pública, xa que “a única que minte e engana é Cea, como se puxo de manifesto, primeiro, co tema da depuradora do polígono de A Madanela e, agora, con este despido improcedente”. “Se a rexedora fose responsable –continuou- e tivera un pouco de vergoña e de sentido común, o que debería facer era dimitir, porque é inadmisible que os melidenses teñamos que soportar a carga das súas irresponsabilidades”.

No fallo xudicial, dánselle dúas opcións ó Goberno Local: “A que no prazo de cinco días, dende a data de notificación da sentencia, opte entre a readmisión inmediata da demandante, nas mesmas condicións que rexían con anterioridade ó despido, ou ben ó abono dunha indemnización de 1.463,73 euros, ademais de, en ámbolos dous casos, ó abono dos salarios de tramitación dende a data do despido (17 de novembro) ata a notificación desta resolución (26 de febreiro), a razón de 32,62 euros diarios”. Tal e como indica Vázquez, esta é a sétima sentencia que acumula o Concello por despido improcedente, polo que a representante popular critica a actitude da rexedora e pídelle que cese “no seu empeño de saltarse a lei, xa que lle está producindo graves prexuízos ós melidenses ó teren que facerse cargo dos custes que supoñen as malas prácticas da alcaldesa”. Neste senso, a voceira popular indica que estas sete condenas por despido improcedente supoñen para o erario público máis de 60.000 euros, sen contar os gastos derivados dos xuízos. Vázquez cualifica de “escándalo” a situación e lamenta que ese diñeiro, en lugar de investilo en proxectos clave para o municipio, se perda en condenas xudiciais.

Do mesmo xeito, a representante popular informa de que o contrato da traballadora estaba ligado a unha subvención que o Concello recibe cada ano da Xunta de Galicia, pero que, a pesar diso, a rexedora obviou e despediu de todas formas á empregada, incumprindo así o que dictaba o convenio. Un feito que Vázquez considera “intolerable” e polo que, ademais, lle esixe unha explicación ó respecto.

AYUNTAMIENTO DE OROSO

O CENTRO CULTURAL FERNANDO CASAS E NOVOA ACOLLE A MOSTRA “FIGURAMAS PARA UNA MADRE” DO ESCULTOR BRIONÉS FRAN LAREO

Desde este sábado e ata o vindeiro 26 de marzo poderase contemplar esta colección de pequenas esculturas figurativas

5 de marzo de 2010.- O escultor brionés Fran Lareo abre este sábado, 6 de marzo, a súa nova exposición individual. Baixo o nome “Figuramas para una madre”, esta colección de esculturas poderá ser contemplada e visitada ata o vindeiro 26 de marzo no Centro Cultural Fernando Casas e Novoa de Sigüeiro.

De formación autodidacta, este novo valor da comarca nado en Brión, dedícase ao traballo de pequenas pezas desde 1998 e expón de xeito individual desde 2005 empregando tanto a madeira coma outros materiais de similares características que lle permiten expresar os seus conceptos creativos, de gran sinxeleza e frescura. A aposta de Lareo baséase en pequenas composicións de temática figurativa e decoración pirogravada ou composicións con trazos de cor.

Antes de este mostra, Fran Lareo ten exposto a súa obra no Centro Comarcal de Ordes, no Concello de Betanzos, na Casa da Cultura de Boiro, en Cambados, Santiago de Compostela ou no Centro Comarcal Deza mentres que, de xeito colectivo, os seus traballos figurativos estiveron expostos en multitude de vilas e cidades: Casa das Artes de Vigo, Ateneo Ferrolán, Centro de Interpretación de Portod do Son, Casa da Cultura de Bertamiráns, Liceo de Noia, etc.

BNG AMES

O BNG urxe ao Goberno Municipal  a ofertar a parcela para o novo Colexio do Milladoiro

Ames (05.03.10). O BNG considera que o Goberno Municipal debe adoptar as medidas necesarias para ofertar unha parcela á Xunta de Galiza, para a construción dun novo Colexio de Primaria no Milladoiro.

Ante a situación crítica da oferta educativa en primaria no Milladoiro, estas decisións municipais non se poden demorar, para que a Consellaría de Educación conte coa parcela e poida valorar a súa adecuación. Por tanto urxe que o Goberno Municipal actúe con dilixencia.

O escrito remitido pola Consellaría require unha parcela de 12.150 m² como mínimo, que será valorada polos técnicos da mesma, para proceder posteriormente á súa aceptación e confección do programa de necesidades.

O BNG manifesta a súa disposición a colaborar na procura desta parcela, co obxecto de que os rapaces e rapazas do Milladoiro poidan escolarizarse neste núcleo urbano.

“Os tres grupos municipais da Corporación temos que facer un esforzo de colaboración, co obxecto de contar canto antes con este equipamento escolar” afirmou  o Portavoz municipal  Xosé M. Fernández.

Galdrachán  ou o entorno do Polígono Novo Milladoiro

O BNG considera como posibles alternativas de ubicación deste novo colexio de primaria do Milladoiro, os entornos do Polígono Empresarial Novo Milladoiro, e a zona de Galdrachán na estrada de Ventín.  Cómpre que o Goberno Municipal, e concretamente o Concelleiro de Urbanismo, faga as xestións urbanísticas necesarias para contar o antes posible coa parcela axeitada.

AYUNTAMIENTO DE BRION

O CONCELLO DE BRIÓN ORGANIZA UNHA VIAXE

A BENIDORM PARA OS MAIORES DE 55 ANOS

Haberá cen prazas e a viaxe terá lugar do 4 ao 10 de abril

05 de marzo de 2010.- O Concello de Brión organiza unha viaxe para a terceira idade a Benidorm (Alicante), que terá lugar do 4 ao 10 de abril. Tralo éxito das anteriores ediciones, o Concello de Brión decidíu ofertar ata cen prazas nesta nova viaxe, dirixida a veciños e veciñas maiores de 55 anos. Os interesados deberán inscribirse persoalmente desde este luns, 8 de marzo, ata o vindeiro 16, puidendo cada participante anotar únicamente ao seu cónxuxe. As prazas de autocar outogarase por rigorosa orde de inscrición.

O prezo da viaxe é de 380 euros por persoa, unha tarifa que inclúe viaxe de ida e volta en autobús, seis noites de aloxamente en pensión completa no Hotel La Marina, de catro estrelas e situado a 200 metros da praia, así como actividades de animación e os traslados das diferentes excursións.

E é que nesta viaxe a Benidorm, os maiores de Brión terán a oportunidade de realizar tamén pequenas excursións a Alicante, onde poderán contemplar desde a Cidade da Luz hasta as Torres de Defensa da Huerta de Alicante, declaradas BIC; Valencia, coa Cidade das Artes e as Ciencias e os xardíns do Turia; Altea, con máis de seis quilómetros de prais, Calpe, onde atopamos o Parque Natural del Peñón de Ifach, símbolo da Costa Blanca; Guadalest, vila declarada Ben de Interese Cultural (BIC) e Elxe, onde poderán contemplar o seu riquísimo patrimonio histórico-cultural, ao tempo que gozan das excelentes condicións climatolóxicas que converten a este entorno nun dos principais núcleos de afluencia de turismo tanto nacional como estranxeiro.

O prazo de inscrición estará aberto ata o vindeiro 16 de abril no Centro Social Polivalente ou por teléfono no 981 50 99 10. Nas edicións anteriores, esta iniciativa permitiu que os maiores de 55 anos de Brión coñeceran  Cantabria e Bilbao, en 2008, e Lanzarote o ano pasado. 

AYUNTAMIENTO DE BOQUEIXON

CONVOCATORIA ÓS MEDIOS.

NOITE SOLIDARIA CON HAITI.

 

Hoxe venres 5 de marzo vaise celebrar unha cena  solidaria para recadar fondos para as vítimas do terremoto de Haití.  Esta cena solidaria  vai a realizar no restaurante Los Robles, no Concello de Teo, e está organizada por un colectivo de organización de ámbito autonómico, que dende hai uns meses se puxeron en marcha para realizar esta actividade solidaria.

Antes da Cea os mais de 800 mozos e mozas que participarán neste acto solidario van a poder coñecer cal e a situación deste país caribeño da man de María Sande, unha moza galega, que participou como voluntaria nas actividades de primeiros auxilios realizada sobre o terreo  tralo sismo que o pasado mes de xaneiro asolou este país americano.

Xunto coa experiencia de María Sande proxectarase o documental “ Unha Aposta pola Vida”  dirixido por Alejandro Ramírez.

O acto dará comezo ás 22:00 h e nel participarán entre outras personalidades o Presidente da Xunta Alberto Núñez Feijoo e  o Director Xeral de Xuventude Ovidio Rodeiro.

Tódolos fondos recadados irán destinados a ONG CROSE, organización que  dende o momento do sismo está a traballar sobre o terreo coas vítimas e axudando a reconstrución do país. 

AYUNTAMIENTO DE FRADES

VECIÑAS DE FRADES EXPLORARON AS POSIBILIDADES DE NEGOCIO DO SECTOR FLORICULTOR

5 de marzo de 2010.- Un total de quince veciñas de Frades participaron durante as dúas últimas semanas nun curso gratuíto de Arte Floral, organizado polo Concello de Frades dentro do seu programa de formación para ocupados. Un obradoiro de 30 horas de duración no que as alumnas recibir unha formación teórica e práctica en materia de floristería, que lles pode servir como base para poder montar unha empresa do sector nun futuro.

Así, estas quince veciñas aprenderon as distintas formas societarias existentes e aquelas modalidades máis interesantes para este tipo de empresas. Ademais, realizaron clases prácticas de elaboración de ramos e centros de flores. Este curso de Arte Floral está incluído no programa de formación para ocupados do Concello de Frades, que busca deste xeito ofrecerlles aos traballadores do municipio a posibilidade de mellorar a súa formación laboral e mesmo abrirlles novas posibilidades de negocio.

AYUNTAMIENTO DE BRION

O CONCELLO DE BRIÓN ORGANIZA

UN CURSO DE DANZAS DO MUNDO

A oferta formativa para o mes de abril complétase co curso gratuíto de galego CELGA 1 e cun obradoiro de fotografía

5 de marzo de 2010.- Aprender os pasos e as posicións dalgúns dos bailes máis coñecidos do planeta. Éste é o obxectivo do obradoiro “Danzas do Mundo”,  convocado polo Concello de Brión dentro da súa oferta formativa para o vindeiro mes de abril. Un curso de doce horas de duración no que os participantes aprenderán danzas procedentes de todas partes do mundo, dende as polcas amercianas ata danzas indíxenas africanas.

Un obradoiro dirixido especialmente a persoas que traballan con rapaces, pois este tipo de danzas, sobre todo as de tipo circular, son moi recomendables á hora de organizar traballos en equipo. As clases terán lugar os sábados 17 e 24 de abril no centro social polivalente e a cota de inscrición será de 20 euros.

Cursos de galego e fotografía

Así mesmo, o Concello de Brión convoca un curso gratuito de lingua galega no que os alumnos poderán adquirir os coñecementos necesarios para conseguir o Certificado de Lingua Galega (CELGA 1), título que certifica o coñecemento do galego a efectos de requisitos ou méritos laborais e académicos.

As clases terán lugar ao longo de 75 horas, concretamente de luns a venres do 12 de abril ao 26 de maio en horario de 19:30 a 22:00 horas. Os alumnos poderán optar a dúas convocatorias de exames: o 30 de maio (para o que deberán anotarse antes do 25 de marzo) ou o 28 de novembro (cuxo prazo de inscrición remata o 8 de outubro).

A oferta formativa do Concello de Brión para o mes de abril complétase cun curso de fotografía, de 20 horas de duración. Un obradoiro que terá lugar no centro social polivalente entre o 5 de abril e o 5 de maio, cunha cota de inscrición de 25 euros. As clases terán lugar en horario nocturno, de 20:00 a 22:00 horas.

Nos tres casos, o prazo de inscrición estará aberto ata o 26 de marzo na Casa da Cultura ou a través do teléfono 981 509 908 ou da páxina web voluntariado@briondixital.org. A admisión realizarase por rigurosa orde de inscrición, tendo preferencia os veciños de Brión.

PP ARZUA

El PP de Arzúa insta al Concello a que coloque una placa conmemorativa en el Local Social de San Martiño

·        Los populares entregaron, recientemente, a los vecinos un lienzo con una breve inscripción sobre el edificio

Arzúa, 4 de marzo de 2010.- El Grupo Municipal del PP de Arzúa ha presentado una moción instando al Concello a que coloque una placa conmemorativa en el exterior del Local Social de la Parroquia de San Martiño informando de su historia. En este sentido, la Portavoz Popular, Leyre Aldasoro, informa de que, recientemente, los populares celebraron una asamblea informativa con los vecinos de la parroquia de San Martiño, en la que participó, además, el profesor de Historia Moderna de la USC, Don Fernando Suárez Golán, y en la que se trató la historia de la construcción y los servicios del local de esta parroquia y en donde, además, los vecinos demandaron la colocación de dicha placa.

En dicha charla, el PP hizo entrega de un cuadro montado con lienzo impreso, en el que se refleja la descripción del documento original, relatando brevemente la historia de esta edificación: “Fundación da escola que mandou construír Don Pedro Antonio Quintela residente na cidade de México onde faleceu, e natural da freguesía de San Martiño de Calvos de Sobrecamiño, Xurisdicción de Arzúa”. A principios del siglo XVIII, D. Pedro Antonio Quintela, natural de dicha parroquia emigró a México, en donde se dedicó a la actividad comercial y gracias a la cual consiguió una importante fortuna, que parte destinó a varias obras filantrópicas de Arzúa, entre ellas la Iglesia Parroquial y la escuela. Por todo ello, los populares consideran que el alcalde debería llevar a cabo la propuesta y reconocer así la labor de Quintela por desarrollar e impulsar el municipio arzuano. 

AYUNTAMIENTO DE AMES

O concelleiro de Cultura, Deportes e Patrimonio Histórico, Francisco Villaverde, foi o encargado de presentar esta mañá a sétima edición do certame Literario Concello de Ames. Trátase dun concurso de narrativa e poesía que xa está máis que consolidado na comunidade galega e que incluso conta con participantes do resto de España e do estranxeiro. Como nas edicións anteriores, poderá participar no concurso calquera persoa que presente textos inéditos escritos en lingua galega.

O Certame Literario Concello de Ames xa se converteu nun concurso de referencia dentro do mundo da poesía e narrativa de Galicia. Dirixido a todos os e as amantes da literatura, sexa cal sexa a súa procedencia, este concurso é xa un referente para os novos creadores e creadoras, e supón unha boa oportunidade para todas aquelas persoas que desexen medir a súa capacidade para escribir e os límites da súa imaxinación. Nas seis edición que se levan organizado presentáronse máis de 1.000 traballos.

O Pazo da Peregrina acolleu esta mañá, ás 12:00 horas, a presentación dunha nova edición do Certame Literario Concello de Ames. O concelleiro de Cultura, Deportes e Patrimonio Histórico, Francisco Villaverde, explicou que "este certame naceu co fin de impulsar a lingua galega e para darlle unha oportunidade a todos aqueles que gozan escribindo". Villaverde engadiu que "este concurso ademais de fomentar a creatividade, entre todos aqueles autores que non publican habitualmente os seus traballos, tamén ten o obxectivo de dar a coñecer o termo municipal de Ames no resto do Estado".

Ao igual que en anos anteriores, son tres as categorías existentes en cada modalidade do certame. Os nenos e nenas que teñan ata 13 anos poderán participar na primeira categoría, mentres que a segunda está dirixida a rapaces de 14 a 18 anos e a terceira ás persoas de máis 18 anos. Haberá tres premios en metálico por cada unha destas franxas de idade en ambas as modalidades, que serán de 120 euros, 90 euros e 60 euros na primeira categoría, 150 euros, 120 euros e 90 euros na segunda e 210 euros, 150 euros e 120 euros na terceira. Os gañadores anunciarase publicamente o 11 de maio e os premios entregaranse o 17 de maio, nun acto público, que se celebrará na Casa da Cultura do Milladoiro.

Todas as persoas que desexen participar no certame deberán enviar antes do 17 de abril de 2010 catro exemplares do seu texto, en folios mecanografados por unha soa cara e a dobre espazo ao enderezo Concello de Ames (Servizo de Normalización Lingüística), Avenida de Azcárraga nº 5, Bertamiráns, 15220 Ames, A Coruña. A extensión mínima será de 2 páxinas en narrativa e de 20 versos en poesía, mentres que a máxima será de 6 páxinas en narrativa e de 50 versos en poesía. Ademais, cómpre lembrar que o tema é libre e que só se poderá presentar un traballo por persoa en cada unha das modalidades.

Outro dos puntos importantes reflectidos nas bases do certame advirte que nos textos non poderán aparecer os datos persoais do autor ou autora nin a súa sinatura. Así, en cada un dos catro exemplares enviados terá que figurar a modalidade na que participa (narrativa ou poesía), a categoría (1ª, 2ª ou 3ª) e o pseudónimo do autor ou autora. Para garantir o anonimato, os participantes terán que introducir os seus datos persoais (nome e apelidos, idade, fotocopia do DNI, enderezo e número de teléfono) nun sobre pechado no que, por fóra, figure o pseudónimo e o título do traballo. Este sobre cos datos persoais e as catro copias do texto introduciranse nun sobre máis grande. No remite deste sobre grande terá que marcarse claramente, de novo, a modalidade, a categoría e o pseudónimo do autor ou autora (nunca o nome real).

O Concello de Ames, en colaboración con Feiraco, empresa patrocinadora do certame, publicará os traballos premiados nunha antoloxía creada para tal efecto, sen apercibimento de dereitos de autor e compensando aos autores con 3 exemplares do volume que se edite. As persoas gañadoras do certame deberán entregar a posteriori os textos en formato dixital, e se os autores publican pola súa conta un dos textos gañadores, deberán facer referencia ao premio obtido neste certame. Os seis libros de recompilacións publicados ata o de agora, recollen máis de 100 traballos que foron premiados neste concurso.

Difusión do certame
O certame será difundido por toda Galicia, enviaranse as bases aos 315 concellos da comunidade, á Rede de bibliotecas de Galicia e a todos os centros de ensino da comarca. Ademais, vaise facer unha importante difusión a través da rede, xa que se van colgar as bases do concurso en todas as páxinas literarias galegas e de fóra de Galicia. Neste senso xogará un papel fundamental as redes sociais xa que se vai publicitar o concurso a través de Facebook ou Tuenti.

Certame literario escolar
Paralelamente ao certame de narrativa e poesía desenvolvese un concurso escolar dirixido aos nenos e nenas do 2º e 3º ciclo de primaria. Esta iniciativa púxose en marcha o ano pasado e debido ao gran éxito que tivo decidiuse seguir desenvolvéndoa. Neste certame haberá tamén tres premios por categoría e as bases completas co resto da información enviaranse en breve aos colexios do concello.

Para máis información poden chamar ao número de teléfono 981 884 991 ou enviar un correo electrónico ao departamento de Normalización lingüística.

AYUNTAMIENTO DE TEO

O ALCALDE REÚNESE COS VOCEIROS MUNICIPAIS E COS AFECTADOS POLO PECHE DO CONSULTORIO DE PONTEVEA

·        No encontro Martiño Noriega explicou que xa está lista a memoria valorada de ampliación do centro de Pontevea e cun certificado de Telefónica que garante liña de ADSL no inmoble

·        Tamén se acordou que asista a Comisión xestora dos afectados e un representante de cada grupo político á xuntanza doa directora do Sergas, Rocío Mosquera, o próximo martes 9 de marzo

04 de marzo de 2010. O alcalde de Teo, Martiño Noriega, reuniuse esta mañá na Casa Consistorial con representantes dos afectados polo peche do consultorio de Pontevea, previsto para finais de marzo. Na xuntanza tamén estiveron presentes os representantes dos tres partidos políticos da oposición teense, PP, InTeo e PSdeG-PSOE.

No encontro trasladouse por parte do rexedor que xa se dispón dunha memoria valorada de ampliación do consultorio de Pontevea e dun xustificante de Telefónica de posibilidade de liña de ADSL de ata 20 Mb no citado centro. Estas cuestión facilitarían que o servizo se seguira prestando neste centro e evitaría o traslado dos usuarios ao centro de saúde de Cacheiras, como propón a Xerencia de Atención Primaria.

Unha vez trasladada a información seralle enviada ao Xerente de Atención Primaria Xavier Ventosa “de cara a que reconsidere a súa posición xa que o Concello lle está xustificando que hai outras opcións que non prexudiquen aos veciños afectados” explica o alcalde. Namentras non exista outra solución a curto prazo “queremos que os veciños do sur do Concello sigan tendo o centro no seu entorno e que o servizo se preste nas mesmas condicións que nos outros centros do Concello” matiza Noriega.

Na reunión de hoxe tamén se concretou que o alcalde asistirá a unha reunión coa Directora do Sergas, Rocío Mosquera, o próximo martes 9 de marzo, acompañado da Comisión Xestora dos afectados e dun representante de cada partido político. Esta reunión foi confirmada por Sanidade como resposta á solicitude de entrevista coa Conselleira Pilar Farjas. 

BNG AMES

O BNG manifesta ao goberno socialista a súa “vontade de conseguir os mellores acordos para a cidadanía de Ames”

               

            Ames (04.03.10) O Grupo Municipal do BNG ven de trasladarlle ao grupo de goberno socialista a súa “vontade de conseguir os mellores acordos para a cidadanía de Ames”. Para tal fin, o Bloque púxose á disposición do goberno para manter unha xuntanza na que poder presentarlles as súas propostas co obxectivo de chegar a puntos de encontro que permitan a aprobación das contas no menor tempo posible, en beneficio dos veciños e veciñas.

            O BNG aproveitou tamén para informar ao grupo de goberno de que asistirá á reunión convocada para o vindeiro luns 8 de marzo cos portavoces municipais para recibir o resto da información, pero non para facer propostas. Posto que, o grupo nacionalista considera que “o diálogo se debe establecer entre o grupo de goberno e o Grupo Municipal do BNG” e con ese fin amosou a súa “total disposición para acadar un consenso que permita a aprobación duns orzamentos rigurosos, adecuados aos momentos de crise actuais e beneficiosos para a cidadanía”.

BNG VEDRA

O BNG DE VEDRA SOLICITA A MODIFICACIÓN DA ORDENANZA DO IVTM PARA GARANTIR O DEREITO Á EXENCIÓN DO IMPOSTO ÁS PERSOAS CON DISCAPACIDADE.

O BNG de Vedra presentou unha moción que se debatirá no pleno de hoxe, pola que insta ao concello a eliminar un párrafo da ordenanza fiscal de IVTM, que supón unha limitación de facto ao dereito á exención deste imposto recoñecido na Lei Reguladora das Facendas Locais.

Así, mentres na Lei estatal se recoñece o dereito á exención do imposto aos vehículos matriculados a Nome de minusválidos para o seu uso exclusivo…, consideraranse persoas con minusvalía quen teña esta condición legal en grao igual ou superior ao 33%, a Ordenanza municipal de Vedra limita de feito este dereito con un parágrafo que limita a exención a quen presente un certificado de que a súa minusvalía lle impide utilizar o transporte público.

Con este párrafo, que consideramos ilegal, pois contradí unha lei estatal, están limitando de feito o dereito á exención a persoas que teñan un grao de discapacidade maior que o marcado na lei, e ademais con unha excusa que no caso de Vedra resulta especialmente rechamante, ao non existir en Vedra un transporte público que poder usar como alternativa para os desplazamentos polo termo municipal.

O BNG solicita a eliminación dese párrafo por ter un afán recaudatorio, por consideralo ilegal, e por estar limitando o dereito á exención do IVTM recoñecido por lei ás persoas cun grao de discapacidade igual ou superior ao 33%.

AYUNTAMIENTO DE OROSO

OROSO CELEBRA ESTA FIN DE SEMANA AS

DÚAS PRIMEIRAS DEGUSTACIÓNS DO

I CONCURSO DE TAPAS DE OROSO

Trece locais participarán na escolla da mellor tapa de Oroso, elixida por votación popular en horario de 12:00 a 15:00 horas e de 19:00 a 21:00 horas

04 de marzo de 2010.- Oroso celebra esta fin de semana, 6 e 7 de marzo, as súas primeiras degustacións da primeira edición do Concurso de Tapas, organizado polo Concello de Oroso e patrocinado por Autoservicios Familia. Unha iniciativa na que participan un total de trece establecementos do municipio: nove de Sigüeiro e outros catro situados nas parroquias de Senra, Gándara, Oroso e Vilarromarís.

O concurso estará aberto tanto aos veciños como a todos os que visiten Oroso durante esta fin de semana. Entre as 12:00 e as 15:00 horas e entre as 19:00 e as  21:00 horas, os locais participantes no concurso entregarán unha tapa de balde con cada consumición. Unha vez degustada, o establecemento selaralle ao cliente o boleto de votación, que terá que depositar antes do domingo 14 de marzo na urna dese ou doutro establecemento participante.

Para que ese voto sexa válido, a papeleta deberá contar cun mínimo de 4 selos que corroboren que se probaron as tapas de polo menos 4 establecementos distintos. Ademais, para poder optar ao premio patrocinado por Autoservicios Familia, o cliente deberá achegar un mínimo de 7 selos, dous dos cales deberán ser dalgún dos establecementos participantes situados fóra de Sigüeiro. O premio será unha fin de semana en réxime de pensión completa nun balneario próximo.

Relación de establecementos

Os trece establecementos que participarán nesta primeira edición do Concurso de Tapas de Oroso son Cervecería Xesto, Bar Tapas, O Rodeo, Bar Tapas, Adega O Ribeiro, Restaurante-Bar Cortés, Café-Bar A Praza, X que no?, Mesón Pulpería Carballal e O Café de Manuela (todos eles en Sigüeiro); o Bar O Zapateiro (Senra), o Restaurante Lar Blanco (Gándara), o Bar Stop (Oroso) e o Bar Falmega (Vilarromarís). Estes trece locais optarán a un premio de 300 euros, patrocinado por Autoservicios Familia, máis diploma acreditativo como gañador do concurso, outorgado polo Concello de Oroso.

A concelleira de Turismo, Vanessa Reboredo, espera acadar con este concurso “un maior número de visitantes ao municipio e dinamizar a hostalería orosá, ao tempo que se promove a gastronomía local e as posibilidades de Oroso en materia de turismo”. A segunda e última sesión de degustación terá lugar na fin de semana do 13 e 14 de marzo.

PP BRION

EL PP DE BRIÓN ADVIERTE NUEVAS IRREGULARIDADES EN EL COBRO DE LOS PUESTOS DE SANTA MINIA. PIDEN AL ALCALDE RESPETO A LA IGLESIA.

El Partido Popular de Brión, acaba de presentar nuevos datos que confirman para su entender, nuevas irregularidades que el Ayuntamiento cometía en la gestión de las fiestas de Santa Minia.

Hace unos días los populares desvelaban su intención de que las aportaciones económicas de los puestos de venta de estas fiestas, estuviesen debidamente regulados en la correspondiente ordenanza fiscal. Dichos datos, eran avalados por dos informes del servicio de intervención municipal, que presentaban su disconformidad al Alcalde, porque se emitieron trámites o requisitos esenciales, porque es necesaria la fijación previa del importe de tasa por el órgano competente, y porque, tal y como decían los populares, no estaban tarifados expresamente eses ingresos en la ordenanza fiscal.

Según declaraciones del Alcalde José Luis García, estos cobros y pagos servían para mantener las fiestas y sería muy complicado regularlos en una ordenanza. Pero luego en el pleno municipal, cambió de dirección y sorprendió asegurando que ningún puesto pagaba en las fiestas de Santa Minia. Según el regidor y así consta en el acta plenaria, estas personas dan donativos voluntarios y gratuitos. Lo que provocó la indignación de los populares y el asombro de la vecindad.

Ahora el Partido Popular vuelve a aportar más datos, que confirman las irregularidades cometidas en estos ingresos. Según el portavoz Carlos Tomé, nadie se ha creído que este dinero sea donado voluntariamente. Pero aún así, en caso de que fuese cierto, la Ley de Haciendas Locales del 2004, no hace referencia alguna a que los Ayuntamientos puedan recibir donativos.

Pero es más, en caso de que estuvieran permitidos legalmente, cada persona que donase dinero, debería haber dado sus datos de filiación y su NIF, y así debiera constar en el Ayuntamiento. Pero hemos comprobado que la realidad es otra. Los populares pidieron toda la documentación del asunto, y confirmaron que numerosas personas que hacen esos “donativos”, están sin identificar, faltándole los apellidos e incluso el NIF.

Por otro lado, cada donativo debiera corresponderse con un ingreso independiente a favor del Ayuntamiento. Y la realidad es que todo el dinero, se ha ingresado conjuntamente en un único ingreso.

Según el portavoz del PP, Carlos Tomé: “o dos donativos non o creeu ninguén, pero aínda que foxe certo, sigue facendo as cousas mal, sin identificar as persoas e facendo ingresos daquela maneira”.

Pero otro punto a destacar, es que en caso de que existieran esos donativos, su ingreso debe hacerse de acuerdo con la Ley de Haciendas Locales, en una partida correspondiente al capítulo 4. Y de hecho el propio García, así lo apuntaba en el acta plenario.

Pero la sorpresa se la encontraron los populares, al comprobar que los ingresos del 2008 se ingresaron en una partida del capítulo 3, que nada tiene que ver con estos ingresos.

Tomé indica: “ fai todo mal, e non cumpre nin sequera cá Lei, nin o que él dixo no pleno. Non podemos fiarnos o máis mínimo da súa palabra, porque usa o engano contínuamente”.

Por ello el Partido Popular insiste en que sea una auténtica Comisión de Fiestas la que organice las citadas fiestas, porque ésta, sí podría cobrar a estos puestos, y aceptar “donativos” y no dos personas, que se amparan en una comisión, de la cual no consta su inscripción legal, una de ellas, el padre de la concejala Patricia Vázquez.

Por otro lado, los populares hacen hincapié en un asunto de especial importancia, como es el religioso, señalando que el Alcalde ha perdido el respeto a todo.

Indican que la Iglesia hasta hace 5 años, daba entre 200.000 y 300.000 pts para la celebración de las fiestas. Pero al haber crecido el número de chiringuitos, el párroco sin negarse en ningún momento a colaborar, pidió que se le enseñasen los ingresos del Ayuntamiento por los cobros. Así, según fuese el importe, daría más o menos ayuda económica.

Pero nunca se aceptó su petición, por lo que desde ese momento dejó de dar dinero directamente al Ayuntamiento. Aún así, insisten los populares, a los puestos colocados en el terreno de la Iglesia, no es el cura quién les cobra. Tampoco el cura pone objeción alguna por la quema de los fuegos en la fachada del edificio, ni la instalación de numeroso cableado.

Por ello los populares, critican que el Alcalde, diga repetidamente, en el Pleno municipal y en la propia prensa, que la Iglesia no colabora con las fiestas.

Según Tomé: “ Non queren rendir contas, pero queren cobrar de todo o mundo, e quen non o faga, intentan desprestixiarlo como poidan”.

El PP cuestiona también las formas e incluso la legalidad de la organización con la Iglesia, ya que todos los años, sin pedir permiso al cura como responsable del terreno del Episcopado, quitan las piedras que sirven como lindes de la finca, para organizar los chiringuitos como ellos quieran, y al recolocarlas, las ponen más arriba de donde debieran. Según datos de los populares, ya se han perdido varios metros de finca.

Tomé es claro: “o mínimo que hai que facer, é pedir permiso, pero non o fan, e logo critican á Igrexa”.

Y es que a finales del año pasado, los populares ya habían advertido en el pleno municipal, que muchos vecinos se habían quejado, porque estando celebrando la misa de la novena, la organización había puesto dos camiones en el terreno de la Iglesia, ocasionando una gran polvareda y ruido con sus maniobras.

Tomé recuerda: “a festa religiosa é compatible cá popular, pero ningunha debe entorpecer a outra, e o Alcalde debe asumilo”.

PP BRION

VECINOS DE OS ÁNXELES PIDEN MEJORAS EN LAS NUEVAS ACERAS. EL PP DE BRIÓN VISITÓ LAS OBRAS Y PIDE CITA CON LA XUNTA PARA BUSCAR UNA SOLUCIÓN.

Los vecinos de la parroquia de Os Ánxeles, en concreto de las aldeas de Gundín y Lago, están sufriendo las consecuencias de unas obras recientes, que les producen problemas muy serios.

Estas aldeas tienen casi la totalidad de sus viviendas en plena carretera general Santiago-Noia. Desde hace muchos años, vienen reivindicando la construcción de aceras, por la peligrosidad de los viandantes.

El PP de Brión se hacía eco de sus demandas ya en el año 2008, pidiendo mediante una moción presentada en el pleno municipal y en la prensa, la construcción de las tan esperadas aceras. Tras ello, el Alcalde, el socialista José Luis García informaba que las aceras se harían por la Xunta, después de hacerse el saneamiento en la zona.

Las obras fueron realizadas por la Xunta de Galicia, a través del Organismo Augas de Galicia, inviertiendo 200.000 euros para el saneamiento y construcción de aceras en los lugares de Gundín y Lago (Os Ánxeles) y Vexo (Luaña).

Pero ya en el proyecto de estas obras y remitido en su día al Ayuntamiento, se podían observar según los populares, ciertas carencias que no han sido tenidas en cuenta por nadie, y ahora al construirse las aceras, provocan serios problemas a los vecinos.

Además de los problemas de estética de alguna zona, según vecinos y populares, nos encontramos que a las viviendas del final de la aldea, no llegan las aceras, terminándose éstas unos 70 metros antes. En algunas viviendas, al elevarse las obras por encima del nivel de las casas, y originarse así fuertes pendientes, el agua se desvía hacia la entrada de los inmuebles. En otras casas, estas inclinaciones provocan rampas muy empinadas, que impide el acceso de los vehículos ya que tocan los fondos de los coches en el suelo.

Según algunos vecinos: “fumos a falar ao Concello porque non nos chegan as aceiras as casas, e o que nos fixeron foi botar un pouco de zahorra no lugar. Agora temos de todo: auga nas fincas, terra por tódolos sitios, pero non temos aceiras.

Otros vecinos comentaron a los populares, que protestaron porque las pendientes les metían el agua en sus viviendas, pero la respuesta dada por el Ayuntamiento, es que esas obras las hizo la Xunta.

Según Carlos Tomé: “é o de sempre. Cando veñen cartos da Xunta ou Diputación para facer obras, o Alcalde vende a noticia como si o fixera él todiño, pero cando hai un problema, entón lle bota a culpa a Xunta, e non  arranxa o problema dos veciños. Así calquera”.

Los populares fueron llamados por numerosos vecinos para que vieran in situ el estado de acabado de las obras y los problemas originados, con el fin de que los apoyasen e hiciesen lo posible ante la Xunta de Galicia.

Tomé se personó en el lugar con un técnico de obras, estudiando las posibles soluciones a los vecinos afectados, para su inmediato arreglo. Según el portavoz del PP: “hai que buscar unha solución xa a este asunto, e non esperar a que cheguen as eleccións para ocuparse dos veciños”.

Para ello, los populares de Brión acaban de pedir una cita con la Presidente de Aguas de Galicia con la intención de presentarle un informe fotográfico y técnico del acabado de las obras, así como de los problemas aparecidos, para pedirle un compromiso de su arreglo.

Carlos Tomé, aún consciente tal y como indica, de la fuerte inversión realizada por la Xunta de Galicia, confía plenamente en la buena gestión del nuevo gobierno y matiza: “non pedimos un capricho para os veciños, senón unha auténtica necesidade. Por iso debemos atopa-los cartos de onde sexa para rematar cós problemas veciñais”.