Ordes - esta tarde contos na biblioteca municipal


'Contos con guitarras' hoxe nas Tardes de contos e lendas da biblioteca municipal de Ordes 

Nesta nova sesión a música e a literatura daranse a man para deleite dos nenos e nenas do Concello

Hoxe venres a partir das 18.30 horas a biblioteca de Ordes acollerá unha nova sesión de Tardes de contos e lendas.
 Nesta ocasión a narración oral entremezclarase coa música grazas ó relato 'Contos con guitarra', unha historia na que os rapaces e rapazas poderán  interactuar con cancións e actividades previamente programadas. O grupo Leo Leíño será o encargado de levar a cabo esta nova cita totalmente gratuita e especialmente pensada para os nenos e nenas de 3 a 6 anos. A ela poderán acudir tamén pais, nais ou coidadores que desexen participar conxuntamente cos cativos.

     As Tardes de contos e lendas son unha iniciativa desenvolvida polo Concello de Ordes a través da súa biblioteca municipal, coa que se pretende inculcar o hábito á lectura dende idades temperás ademáis de dar a coñecer os servizos que se prestan na biblioteca. 

Ningún comentario: