OS SOCIALISTAS DE ORDES SOLICITAN MELLORAS NA SEGURIDADE
VIARIA DOS PEÓNS NA RÚA ALFONSO SENRA
Xesús Pedreira denuncia que “hai varios puntos onde os
peóns, as cadeiras de rodas e as sillas de nenos teñen obrigatoriamente que
baixarse á N-550 para poder circular”
A Agrupación Socialista de Ordes presentará
unha moción ao pleno municipal do vindeiro martes 29 de maio para solicitar
melloras na seguridade viaria dos peóns na rúa Alfonso Senra, que atravesa a
vila de Ordes a ambos lados da N-550. O voceiro municipal do PSdeG-PSOE en
Ordes, Xesús Pedreira, explica que “coa entrada en funcionamento da rolda leste
e o desvío de gran parte do tráfico pesado do centro da Vila de Ordes, podemos
recuperar a rúa Alfonso Senra para os veciños e humalizala de tal maneira que
as beirarrúas cumpran coa legalidade vixente”.
Pedreira Mirás apunta que “hai varios puntos da rúa Alfonso Senra onde os
peóns teñen obrigatoriamente que baixarse á N-550 para poder circular, co
perigo que iso supón para a súa seguridade. Un perigo que se incrementa no caso
de que o viandante vaia en cadeira de rodas ou leve unha silla de nenos”. Unha
situación especialmente grave diante do número 143 da rúa Alfonso Senra e que
tamén afecta ao tramo entre os números 122 e 133.
Esta situación fai que eses tramos de beirarrúas incumplan o establecido na
Lei 1/1998, de 5 de maio, de Accesibilidade e supresión de barreiras
arquitectónicas, urbanísticas e da comunicación (Artigos 9 e 10). Por iso, o
PSdeG-PSOE solicitará o apoio do pleno municipal para instar a Demarcación de
Carreteras de Galicia e ao Ministerio de Fomento que recuperen a rúa Alfonso
Senra para os veciños, permitindo que se poida aproveitar máis esta rúa para
aparcar vehículos a motor e incrementar o ancho das beirarrúas diante do número
143 e das vivendas comprendidas entre os números 122 e 133.
Arranxo de pista O Balado-Darefe
Así mesmo, os socialistas ordenses tamén instarán ao Concello de Ordes a
arranxar a totalidade da pista que une O Balado e Darefe con firma de zahorra.
Xesús Pedreira explica que “hai aproximadamente un ano empezouse a acondicionar
esta pista, que dá moito servizo tanto ás fincas de labranza como para os que
queren atallar cara Darefe, pero parouse antes de chegar ao río e, ademais, o
anaco que se arranxou non quedou ben, polo que volve estar en malas
condicións”.
Ademais de solicitar o arranxo con zahora de toda a pista, os socialistas
de Ordes solicitan tamén ao Concello de Ordes que estude a posibilidade de
ensanchala.
Ningún comentario:
Publicar un comentario