Dende PxA consideramos que non é de recibo é que o goberno presuma de transparencia facendo propaganda demagóxica deste tema, e teña que ser dende Pacto X Ames quen formulen estas cuestións de forma seria que detallamos a continuación.
Preguntas que deberán ser respondidas sen ningún tipo de escusa e con total claridade si o que se pretende e dar e transmitir credibilidade e seriedade .
Pacto x Ames acaba de entregar sendas cartas a Demarcación de Estradas do Estado en Galicia e ao Concello de Ames para que se deixen de demagoxia e aclaren as numerosas contradicións que se reflicten na nota oficial publicada na web. Na carta enviada se solicita información detallada das seguintes cuestións:
1. Ao respecto da futurible glorieta de entrada ao Milladoiro e que daría acceso ao polígono.Cal é o actual estado desta proposta, e dicir:
a. Si hai proxecto técnico e orzamento do mesmo.
b. De habelo, cal sería o trazado de acceso ao Polígono Industrial do Milladoiro.
c. Cal sería o importe da execución da obra.
d. Prazo estimado de comezo e de remate.
e. Estudio do impacto na circulación diaria na zona.
f. Si a proposta é a mesma que se presentou dende a asociación de empresarios do polígono xa fai máis de 2 anos.
2. Ao respecto da limitación do tráfico pesado no Milladoiro e desvío polo cruce das Galanasplantexamos as seguintes cuestións:
a. Existe proxecto de execución da obra?
b. De existir, cal é o orzamento e os prazos de execución? Xa que se mencionou por parte do Alcalde de Ames que “trátase dunha medida a curto prazo”.
c. Qué vehículos serían obrigados a desviarse nesa zona?
d. Con respecto ao convenio a firmar coa administración autonómica:
i. Quén firmaría o convenio?
ii. Está redactado?
iii. Prazos para a entrada en vigor deste convenio.
3. Ao respecto da anquilosada, bloqueada e antiga proposta da variante de Padrón-Sigüeiro, as cuestións a resolver son:
a. Cal é o estado actual dese anteproxecto inicial?
b. Cal é a dotación orzamentaria coa que conta na actualidade?
c. Cales son os prazos que se barallan en canto a execución?
d. Cal é o importe do orzamento total?
e. É posible efectuar a actuación parcial que o Alcalde de Ames sinala na información solicitada cando textualmente dí“no momento en que se aborde este proxecto débese comezar polo tramo que afecta ao Milladoiro. Deste xeito, débese dar preferencia a este tramo de 5 quilómetros ...”
f. Cal sería o trazado destes 5 quilómetros que percorría a variante?
g. Estaría afectado este trazado de 5 quilómetros por expropiacións?
h. Cal sería o orzamento estimado da actuación nestes 5 quilómetros?
4. Ao respecto do túnel do Milladoiro, as preguntas que son imprescindibles que se respondan para ver si a proposta é ou non factible son:
a. En que se basean par afirmar que o custe do túnel do Milladoiro roldaría os 70 millóns?
b. Teñen algún estudo previo que indique o custe que mencionan de 70 millóns de euros?
c. De haber ese estudo, poderían facilitar copia ao concello para que poidamos consultalo?
d. En canto aos “problemas estruturais” que mencionan dos edificios da rúa Rosalía de Castro, poderían detallar cales son e en que consisten?
e. En base a qué estudo teñen información sobre eses “problemas estruturais” aos que se fai referencia dende a Demarcación de Estradas do Estado de Galicia?
Estas cuestións son imprescindibles porque hai en xogo moitas cuestións que afectarían a persoas físicas, como as expropiacións, e a unha poboación como é oMilladoiro que leva décadas ninguneada.
Por desgraza, xa empeza a ser habitual que o goberno de Ames non estea a altura do que os veciños demandan e para mostra o resultado decepcionante da reunión que o goberno tripartito mantivo cos responsable da Demarcación de Estradas do Estado en Galicia.
Na reunión/paripé que mantiveron os representantes de ambas administracións, non se aportou nin un só dato, nin se aportou ningunha solución nova, simplemente se recuperan propostas demagóxicas e caducas que xa fixeran os antigos gobernos de Carlos Fernández co resultado que todos coñecemos e se limitan a dicir que o túnel do Milladoiro é caro.
Dende logo, si o goberno non é capaz de obter máis que, nin unha mala palabra pero ningunha boa acción, estamos na situación inicial de afirmar que foi unha reunión/paripe.
