Axenda e tempo do sábado 27 de setembro - Faladoiros, Outono Festival, Fado, teatro, exposicións

Santiago - Área central - obradoiros creativos

Santiago - Outono Codax Festival - Irma Thomas

Rois - Pazo do Faramello - Faladoiro do Viño 

Santiago - Auditorio - Antonio Zambuja

Santiago - Zona C - despóis do tranvia

Outros Concertos + info

Exposicións

Santiago - La Croquette - pinturas de ultratumba (ata o 5 de outubro)

Oroso - GóisOrosoArte 2014 - (ata o 3 de outubro)

Santiago - Fundación Granell - O Universo de Granell (ata o 5 de outubro)

Brión - Nolo Suárez Fragmentos de tempo (ata o 8 de outubro)

O Tempo

BNG Teo - Asamble aberta os veciños o martes 30

O BNG de Teo convida á veciñanza a participar nunha Asemblea Aberta o vindeiro martes día 30

Enmárcase dentro da campaña Construíndo Futuro, e trata de recoller as inquedanzas, opinións e suxestións das veciñas e veciños para sumar esforzos ao proxecto nacionalista de transformación social

O BNG de Teo ven de informar da convocatoria dunha Asemblea Aberta para o vindeiro martes día 30, a partir das 20:30h, que terá lugar na Casa Común dos Tilos, enmarcada dentro da campaña Construíndo Futuro, iniciada pola fronte nacionalista e que xa tén celebrado diversas Asembleas como a que agora se convoca no concello de Teo. 

A finalidade destas convocatorias abertas é recoller suxestións, opinións e inquedanzas das mulleres e homes galegos de cara a sumar esforzos, comprometerse persoal e colectivamente e xerar ilusión no afianzamento do proxecto de ruptura e transformación social que o nacionalismo representa na Galiza. 

Así, esta tarde, un grupo de militantes nacionalistas de Teo reuníronse na propia Casa Común dos Tilos para comezar os traballos de difusión da convocatoria e convidar á veciñanza a participar activamente nunha Asemblea na que se pretende escoitar de xeito aberto e receptivo, e recoller todas aquelas cuestións que se susciten de cara a acadar o obxectivo dun maior achegamento á poboación e da consecución das melloras que se reclaman.

Desde o BNG de Teo suliñan que “promovemos asembleas abertas porque o desafío que emprendemos necesita do compromiso e da participación popular, precisa de moitas mulleres e homes, mozas e mozos orgullosos da súa condición de galegas e galegos, que enarbolen a bandeira da loita pola democracia, a xustiza e a dignidade, por iso convidamos a toda a veciñanza a participar nesta Asemblea activamente”.

ANPA CEIP Sigüeiro - O centro sufre recortes de persoal e perda de material

A ANPA do CEIP de Sigüeiro denuncia os recortes de persoal docente que está sufrindo o centro e a perda de material de TIC´s.

A Asociación de Nais e Pais A Nosa Escola denuncia a situación actual na que se atopa o colexio de Sigüeiro, máis masificado co ano pasado a pesares de que neste curso o concello conta con outro CEIP máis.

Suprimiuse un docente de Pedagoxía Terapeútica, un especialista de Audición e Linguaxe e unha coidadora asignada a NEAE, Necesidades Educativas de Apoio Específico.

Os pais e nais dos 631 alumnos e alumnas do curso pasado tiñamos a convicción de que a decisión por parte da Consellería de Cultura e Educación de abrir un novo colexio, o CEIP Oroso, perseguía o obxectivo de desconxestionar o vello CEIP de Sigüeiro. O CEIP Oroso inaugurouse o pasado 10 de setembro, pero as aulas do colexio vello están agora máis masificadas que no curso pasado. 

No cómputo total hai menos alumnado: pasamos de 631 a 414. Pero paradoxicamente empeorou a ratio. No CEIP de Sigüeiro hai aulas de 27 alumnos e alumnas, algo que non sucedía o curso pasado. A día de hoxe aínda se están producindo novas incorporacións de alumnado.

Pola contra, contamos con menos mobiliario e materiais de ensino: mesas, cadeiras, encerados electrónicos e material de educación física que foron enviados ao CEIP de Oroso. 

A opinión pública debe saber que se recortou un membro do profesorado de Pedagoxía Terapéutica. No curso pasado contábamos con dúas especialistas de Audición e Linguaxe, agora unha delas está compartida co CRA de Teo.

A finais da semana pasada a ANPA ten coñecemento de que unha das coidadoras asignadas a NEAE era trasladada ao CEIP de Oroso, sen comunicación nin diálogo coa dirección do CEIP Sigüeiro.

A ANPA A nosa Escola e membros do consello escolar reuníronse o pasado día 23 co Inspector Xefe de Educación, Fermín Álvarez Lata, para informalo das carencias no CEIP de Sigüeiro. O Inspector comprometeuse a solicitar os informes sobre esta situación e subsanar de inmediato o problema da coidadora de NEAE.

A día de hoxe, o CEIP de Sigüeiro segue padecendo os recortes de persoal que afectan a calidade da docencia e á atención dos nosos fillos e fillas e polo tanto, a ANPA e as representantes das nais e pais no Consello Escolar esiximos unha solución inmediata a estas deficiencias.

Oroso - terceira edición dos Xogos Ecuestres

O campo multideportes de Porto Avieira albergará este domingo a terceira edición dos Xogos Ecuestres de Oroso

Organizados polo Club Hípico Amazonas e Cabaleiros de Oroso, contan coa colaboración do Concello para a difusión do deporte da equitación 

Haberá exhibicións especiais de doma vaqueira, doma natural e de volteo, así como unha sesión de ferraxe do cabalo

 O Club Hípico Amazonas e Cabaleiros de Oroso, en colaboración co Concello de Oroso, organiza na tarde deste domingo 28 de setembro a terceira edición dos Xogos Ecuestres de Oroso, que terá lugar no campo multideportes de Porto Avieira (Gándara). “Unha actividade que pretende divulgar e fomentar o deporte da equitación, pois estamos convencidos dos múltiples beneficios que achega a súa práctica”, explica Theodor Smeu Stermin, presidente do club.

Este ano, o Club Hípico Amazonas e Cabaleiros de Oroso quere dar un enfoque novo respecto a anteriores edicións e ten preparado un programa moi variado no que o público poderá asistir a disciplinas de equitación menos coñecidas como, por exemplo, a doma vaqueira, a doma natural ou o volteo. Así mesmo, o público poderá asistir a unha sesión de ferraxe do cabalo da man de Víctor Martínez, ferrador que lles explicará in situ as características principais desta técnica. Unha sesión que terá lugar ás 19:30 horas, unha vez rematadas as exhibicións e entregados os premios.

Competición

Os III Xogos Ecuestres de Oroso comezarán ás 16:30 horas e contarán coa participación de xinetes de entre os 6 e os 40 anos, que realizarán reprises de doma clásica, adornadas algunhas delas con toques de acrobacias. Entre os convidados deste ano figuran os alumnos e alumnas da Hípica La Lagunita (Santiago de Compostela), que farán exhibicións de volteo (nas que os xinetes/amazonas realizan de forma simultánea acrobacias enriba do cabalo) e de salto. Arturo Freire e Maximino García Verde encargaranse das demostracións de doma vaqueira, disciplina inspirada nos labores de pastoreo.

Os Xogos Ecuestres de Oroso terán lugar no campo multideportes de Porto Avieira, na parroquia de Gándara (Oroso), entre as 16:30 e as 23:00 horas do domingo 28 de setembro. A asistencia é libre e de balde. Entre todos os presentes sortearase unha clase de equitación no Club Hípico Amazonas e Cabaleiros de Oroso.

BNG Frades - O concello está nunha situación caótica

O BNG advirte que o Concello de Frades está nunha situación caótica

O BNG de Frades sinala que o Concello está “nunha situación cáotica”, cunha débeda recoñecida polo equipo de goberno no peche de ano 2013 de máis de 440.000 euros e cunha poboación de menos de 2.500 habitantes.

Segundo explica o BNG, o equipo de goberno leva co PXOM máis de 5 anos coas administracións (Concello e Xunta) “pasándose a pelota entre eles, pero sen chegar á súa aprobación”. Isto leva á mocidade a mercar vivenda fóra do noso concello.

A veciñanza de Frades paga uns “impostos abusivos” tanto no recibo do lixo, uns 68 euros por vivenda coa excepción no casco de Pontecarreira que pagan máis, e algúns negocios chegan a pagar 300 € por recoller o lixo dos días de traballo.

Este ano aprobaron, cos votos do PP e PSOE, unha ordenanza reguladora de inicio de actividade que vai dificultar a actividade agraria, xa que a construción de cortes, silos, alpendres e pozos de purín, entre outros, terán que pagar unha taxa, así como a apertura de negocios ou reformas.

Desde o BNG de Frades, consideran que neste momentos de crise non é a fórmula mais axeitada de promover negocios. “Isto só ten fan recadatorio”, asegura a formación nacionalista.

Melide - Acondicionamento do campo da feira

A XGL de Melide aproba por procedemento de subasta o asfaltado en quente do aparcamento do Campo da feira de Melide

· O pasado xoves a XGL de Melide aproba por procedemento de subasta o asfaltado e acondicionamento da principal explanada do Campo da feira de Melide. 

· Se acondicionara igualmente unha área para aparcamento de camións de gando, coches con remolque, coches comúns, autobuses e autocarabanas. 

O presuposto ascende a 64.397,87 €. A previsión é que esteña finalizado antes de rematar o ano dando así unha mellora substancial de servizo de parking anto a veciños como a visitantes. Habilitanse espazos perfectamente delimitados para coches, camións, autobuses e autocaravanas. Con esta mellora amplíase o número de prazas de estacionamento de autobuses con 12 prazas de 12 m de longo x 4 m de ancho; 30 prazas de coches con 7 reservadas para persoas minusválidas. Debido á proximidade da explanada coa nave da feira da gando considerouse necesario a delimitación de parcelas para coches con animales e coches con remolque diseñándose para tal fin 14 prazascun ancho especial; 7 delas cunha medida de 11,50 m de longo e 9,50 m respectivamente sendo o ancho de 4 metros. Tamén se contemplan 5 prazas para autocaravanas. O prazo de execución será de dous meses dende a adxudicación. As propostaspoderán presentarse na secretaría xeral da Casa do Concello hasta ás 13.00 h do día 7 de outubro de 2014. As bases están disponibles no perfil de contratante.

Ames Novo - Pleno de setembro

Aprobada a moción de Ames Novo para que paguen IBI rústico as parcelas non urbanizadas 

No Pleno de onte aprobouse a moción de Ames Novo instando ao Catastro para que as parcelas non urbanizadas sexan consideradas como rústicas no valor catastral e paguen o IBI como tal. Unha recente Sentenza do Tribunal Supremo muda a consideración feita ata o momento das fincas urbanas. 

O Pleno municipal decidiu por maioría instar ao catastro para que sentenza do Tribunal Supremo de maio de 2014 referida a Badajoz sexa tamén de aplicación en Ames. Ata agora todas as parcelas que no Plan xeral estaban sectorizadas como urbanizables figuraban no catastro -e a efectos fiscais- como urbanas, e tiñan que pagar o IBI como tal aínda que na práctica fosen rústicas. As parcelas cualificadas como urbanizables no PXOM que non contan con plan de desenvolvemento grávanse ata agora cun IBI urbano equivalente ao dun solar que estea listo para edificar. A moción de Ames Novo pretende acabar con esta inxustiza, que lle cobra tributos en calidade de urbanos a terreos que na práctica non o son. A modificación afecta non só ao IBI senón tamén a outros impostos afectados polo valor do catastro.

A proposta foi aprobada cos votos de Ames Novo, Partido Socialista e Partido Popular cunha pequena modificación proposta polo PP. Houbo un intenso debate arredor da moción, converténdose a iniciativa de Ames Novo no punto principal do Pleno. O grupo de Pacto por Ames propuxo incluír unha emenda para facer unha revisión xeral do catastro ao que o resto dos grupos se opuxo. Como explicou o concelleiro Anxo Doval "que quede claro que Ames Novo está a favor de promover a revisión do catastro, pero trátase de outra moción distinta que non ten que ver coa nosa; esta revisión duraría varios anos e non permitiría que os veciños que padecen a inxustiza de pagar as parcelas rústicas como urbanas poidan pagar o que lles corresponde este mesmo ano recollendo o sentido da sentenza do Tribunal Supremo. Estamos a favor da revisión pero non podemos confundila con esta proposta".

Pacto X Ames - Pleno de setembro

Os nacionalistas de Ames Novo rompen o compromiso cos veciños e con PxA de acadar a unidade de acción no tema do Polígono de Pegariños e do IBI (contribución), tal e como se pactara en Xuño do 2014, presentando unha moción urxente pactada co PP. O PSOE baixou a orella, demostrando que non son de fiar. O goberno caeu, unha vez máis, na trampa polas graves carencias. A moción é unha copia xenérica que distribúe o partido Compromiso por Galicia aos seus afines.

PxA presentou unha emenda "in voce" para solicitar a REVISIÓN CATASTRAL COMPLETA DO CONCELLO DE AMES co fin de rebaixar a contribución (IBI) a moción de AN que simplemente pedía o cumprimento da sentenza do Tribunal Supremo sobre o "Recurso de casación en interés de la ley. Impuesto sobre Bienes Inmuebles. Calificación catastral de inmueble sito dentro del perímetro de suelo urbano, pero clasificado como suelo urbanizable sectorizado sin instrumento urbanístico de desarrollo." Votaron en contra nunha decisión que dificilmente poderán explicar aos veciños de Ames.

Sucesión de feitos:

En Xuño de 2014, e despois de unha reunión que membros de PxA mantiveron con representantes da asociación de Trasmonte, acordouse dar traslado ao resto dos grupos municipais co obxecto de conseguir o máximo consenso para intentar solucionar un problema que xa ven dende o ano 2002 e que provoca que estes veciños estean pagando un IBI excesivo e inxusto polas súas propiedades.

Unhas semanas máis tarde, membros de PxA, PSOE e AN celebran unha reunión no Pazo da Peregrina con representantes veciñais co fin de presentar conxuntamente iniciativas plenarias para intentar que o goberno tomara en serio este problema, facendo un COMPROMISO ante os veciños de levar adiante a unidade de acción como fórmula máis axeitada para conseguir os obxectivos.

Este xoves 25 de setembro, día do pleno ordinario, os nacionalistas de AN, rachan ese compromiso coa cidadanía e con PxA, o PSOE baixa a orella e asinte. 

As 20:00 horas da tarde do pasado xoves, daba comezo o pleno ordinario correspondente ao mes de setembro, a voceira de AN acercouse as bancadas de PxA para facerlle entrega dunha suposta moción de urxencia. O máis esperpéntico foi que o Goberno, ao medio dia, concretamente as 14:15 horas, facíanos chegar unha emenda a unha moción que para os membros de PxA non existía e que, posteriormente, se presentaría de urxencia SEIS horas máis tarde. Cómo é posible que se entregue unha emenda a unha moción que non existía? 

Este patético paripé sucedeu en Ames e tiña a súa escenificación no pleno da corporación, o que se supón que é o órgano máis alto de representación das persoas que vivimos en Ames. Logo laiámonos de que a política está denostada e mal valorada, con actuacións deste tipo que superan o imaxinable, e que o único que pretende é o beneficio partidista por encima do da cidadanía, comezaba un pleno esperpéntico e lamentable.

O máis patético aínda estaba por acontecer, na moción que supostamente era de "urxencia" pero que estaba pactada co PP, de aí a emenda entregada pola mañá, era un copia e pega de unha moción xenérica facilitada polo partido Compromiso por Galicia (tal e como ao final recoñeceu o voceiro dos nacionalistas) e que distribuíu aos seus afines que estaba lonxe de analiza o problema de ames e simplemente solicitaba:

Ø "Instar á Dirección Xeral do Catastro do Ministerio de Facenda e Administracións públicas a aplicar a sentenza do Tribunal Supremo de 30 de Maio de 2014 (recurso de interese e lei 2362/2013) e se revise a cualificación das parcelas como urbanas que non estean urbanizadas."

Ø "O concello proporcionará a documentación oportuna para facer esa revisión, de cara a que todas as parcelas pague no seguinte exercicio co valor acorde ao que se deriva desa sentenza." Unha vez máis caeu na trampa debido ao seu descoñecemento da situación en Ames

Estas resolucións, eran exactamente as mesmas que as que propoñía o goberno e na súa exposición de motivos facían referencia ao "polígono de Pegariños, entre outras moitas parcelas de ames". 

Ante semellante chapuza pola cantidade de lagoas, imprecisións e falta de rigor xurídico e contido que presentaba a moción, os concelleiros de PxA, optaron por facer unha emenda "in voce" para intentar subsanar, na medida do posible, a incoherencia da suposta moción de urxencia facilitada polo partido Compromiso por Galicia.

A proposta de PxA foi incluír dous puntos á moción para dotala de contido e conseguir un obxectivo imprescindible e básico para os que vivimos en Ames; REVISAR O CATASTRO CO FINDE BAIXAR A CONTRIBUCIÓN (IBI), a proposta foi a seguinte:

Ø Instar a Dirección Xeral do Catastro do Ministerio de Facenda e Administracións Públicas, our organismo competente, a REALIZAR A REVISIÓN JCATASTRAL COMPLETA.

Ø Abrir un período de consultas e información para que os veciños de Ames poida informarse sobre esta cuestión.

De igual xeito, o voceiro de PxA deixou claro que engadir estes puntos a moción, sería o máis beneficioso para os intereses das persoas que viven en Ames co fin de conseguir un abaratamento da contribución e axustar este imposto as condicións das valoracións actuais, xa que este imposto vai seguir subindo nos seguintes anos, lonxe da realidade das valoracións actuais das fincas e inmobles.

De igual modo, o voceiro de PxA fixo un repaso a subida do IBI nos últimos tres anos o que supuxo un incremento de entre o 16% e o 18,9% segundo a zoa do concello recordando unha moción presentada o 8 de novembro de 2013 e que o goberno negouse a incluír na orde do día plenaria.

O voceiro de AN, nunha actitude irresponsable sen precedentes, xustificou o seu voto en contra argumentando que era incompatible coa moción . Esta irresponsabilidade foi seguida nun acto de submisión e fé por parte do voceiro do PSOE.

O único grupo que aportou datos, e realizou un exame minucioso da situación foi Pxa, os demais grupos, fixeron un paripé para intentar colar unha moción que non ten repercusión algunha para os veciños, todo o contrario, crea confusión e incertidumbre, facendo que a unha vez máis, os políticos sexan máis un problema que unha solución.

Chama a atención como nos últimos meses, tanto nacionalistas como socilistas, están ensaiando o exercicio do bipartito na oposición, intentando, con técnicas propias de outro tempo acadar en exclusiva temas que sempre estiveron pactados como aconteceu con casos tan sensibles como o caso do monitoraxe dos comedores escolares, e agora con algo tamén sensible como é o elevado prezo do imposto da contribución (IBI) que pretenden monopolizar provocando gravísimos prexuízos económicos para os veciños.

En canto a actitude do goberno, simplemente limitouse a facer seguidismo dun tema que descoñece totalmente, intentando provocar para evitar o debate e substituílo por crispación, tendo como único obxectivo buscar o enfrontamento con PxA, cuestión que non conseguiu.

Santiago Futsal - O equipo cae ante El Pozo Murcia

· El Santiago Futsal cae ante El Pozo Murcia 4-2

· Los gallegos intentaron la remontada en la segunda parte pero sin éxito

· Santi Valladares “Pese al resultado adverso el partido nos deja buenas sensaciones”

El Santiago Futsal cae ante el Pozo Murcia en un partido que comenzó muy abierto, y que pese a ponerse cuesta arriba en la segunda parte, los gallegos buscaron la remontada hasta el final.

El primer gol de los locales llegó en un saque de falta en el minuto 10 de partido. Adri sacaría el tiro libre, que pasó a Lima y este a su vez a Álex, que marcaría el primero para los suyos. Sólo 2 minutos después el Santiago Futsal se ponía con 5 faltas en el contador. A falta de 50 segundos para finalizar la primera parte, los gallegos cometerían la sexta falta y, a pesar de repetir el lanzamiento de doble penalti, Miguelín batiría a Iker y sumaría el segundo en la cuenta local.

Tras el descanso, el conjunto local marcó el tercero por medio de Raúl Campos sólo 5 minutos después de la reanudación, aumentando más la distancia en el marcador. El Santiago Futsal lograría rebajar la distancia en el minuto 27. Dani Chino sería el autor del primer tanto de los gallegos a los que todavía les quedaban 13 minutos para lograr la igualada. Pero José Ruíz marcaría el cuarto para El Pozo tres minutos después. Con 5 faltas los locales, el Santiago Futsal buscaría con más inquietudla meta contraria intentando recortar distancias.El capitán en el encuentro de hoy, Hugo Sánchez, marcaría el segundo para los gallegos en el minuto 32. Los de Santiago insistieron llegando a meta contraria con varias oportunidades de marcar el tercero con portero-jugador en pista, pero el meta murciano estuvo muy acertado en todas sus apariciones. Sin tiempo para más, finalizó el encuentro en Murcia. Los tres puntos se quedan en la imbatida pista de El Pozo Murcia en la 3ª Jornada de Liga.

Sala de prensa

El técnico del Santiago Futsal, Santi Valladares, manifestó que “el equipo estuvo a un nivel defensivo de mucho sacrificio, con un desgaste físico enorme, y que pese al resultado estuvo al nivel todo el encuentro. Hasta al final con portero jugador tuvimos dos ocasiones claras. Pero las dos acciones a balón parado de la primera parte fueron determinantes, y nosotros ahí no podemos hacer más”.

Por otra parte también destacó que “este es el camino a seguir, si podemos hacer estos partidos con este nivel de trabajo contra un rival como El Pozo, podemos hacerlo contra cualquiera. Los objetivos de esta temporada pasan por hacer partidos como el de hoy, que pese al resultado adverso, nos deja unas buenas sensaciones”.

Ficha del partido:

El Pozo Murcia 4: Fabio, Franklin, Lima, Álex y José Ruíz- cinco inicial- Eka, Bebe, Raúl Campos,Miguelín, Grellóy Adri

Santiago Futsal 2: Iker López, Hugo, Marci, Lucas Bolo y Chino- cinco inicial- Iván Rumbo, Gallego, Pablo Tallón, Borja, Kike

Árbitros: González Ruano y Rabadán Saínz. Amonestaron aAdri por El Pozo Murcia,y a Iker López, Marcos Varay Hugo Sánchez por parte del Santiago Futsal.

Incidencias: Partido de la 3ª Jornada de Liga celebrado en el Pabellón de Deportes de Murcia

Goles: 1-0 min.10 Álex. 2-0 min. 19 Miguelín, 3-0 min.25 Raúl Campos, 3-1 min.27 Chino, 4-1 min.30 José Ruíz, 4-2 min.32 Hugo Sánchez.

Lindeiros - Diego Calvo di que a situación do PP en Santiago pasou de ser un problema a unha solución (audio)

Diego Calvo, secretario provincial do PP na Coruña, presentou onte en rolda de prensa os candidatos as alcaldías no partido xudicial de Santiago de face as municipais do 2015; o fixo coa presenza de aqueles candidatos que se presentan o cargo por primera vez ainda que se da a circunstancia de que por diversos motivos algúns xa exercen o cargo; e o caso de Ramón Camilo Varela alcalde en Val do Dubra despois do pasamento de Manuel Baleato ou de Roberto Rey Martinez que chegou a alcaldía de Frades trala renuncia de MIguel Prado co fin de presentarse nas listas o parlamento autonómico. 

En Brión se presentará David García despois da marcha de Carlos Tomé candidato nas últimas eleccións; en Oroso será o presidente das novas xeracións do partido no municipio Alexander Doval; en Mesía Adolfo Grobas intentará recuperar a alcaldía e en Boqueixón presentarase a elecicón o actual Director Xeral de Xuventude Ovidio Rodeiro que xa fora Primeiro Tenente de alcalde no concello; no resto de alcaldías do partido xudicial repetiran os candidatos, falta so por decidir Arzua onde se están valorando distintas opcións.

Lindeiros preguntoulle a Diego Calvo pola situación do partido na comrca tralos problemas de Santiago, os gobernos en minoría de Ames ou Padrón, ou a situacións xudiciais de concellos como Trazo ou A Baña

 

Diego Calvo explicou tamén que nos vindeiros 8 meses os candidatos dedicaranse a escoitar os veciños e traballar duro xa que a intención e gobernar nas 27 alcaldías do partido xudicial de Santiago e mostrouse partidario de reformar a lei para que os veciños recuperen o protagonismo a hora de decidir quen goberna.

Axenda e tempo do venres 26 de setembro - Música, charlas, teatro, exposicións

Santiago - Kunsthalle - Escépticos en el pub

Santiago - Teatro Principal - Goyo Jiménez

Santiago - Sala Moon - Orquestra Os Modernos

Santiago - Auditorio - Maximino Zumalave y xoves talentos

Santiago - Zona C - despóis do tranvia

Rois - Reunión aberta cos veciños, Xente de Rois

Outros Concertos + info

Exposicións

Santiago - La Croquette - pinturas de ultratumba (ata o 5 de outubro)

Oroso - GóisOrosoArte 2014 - (ata o 3 de outubro)

Santiago - Fundación Granell - O Universo de Granell (ata o 5 de outubro)

Brión - Nolo Suárez Fragmentos de tempo (ata o 8 de outubro)

Santiago - Museo do Pobo Galegos - Fotografías de Elisa Gianni (ata 26 outubro)

O Tempo

Oroso - os Bolechas chegan mañá a Sigüeiro

O Centro Cultural de Sigüeiro acolle este sábado a obra “Os Bolechas e o Sabichón”

Incluído no programa de dinamización lingüística FalaRedes, terá lugar ás 12:00 horas. A entrada é libre e de balde ata completar aforo

O Centro Cultural de Sigüeiro acollerá este sábado 27 de setembro, ás 12:00 horas, a obra “Os Bolechas e o Sabichón”, que está especialmente dirixida a nenos e nenas de entre 4 e 8 anos. A entrada é totalmente de balde, ata completar o aforo do salón de actos da centro cultural orosán.

Os famosos personaxes creados por Pepe Carreiro protagonizan un espectáculo de monicreques manipulados por actores á vista do público e que simularán un concurso, no que os dous equipos participantes, liderados por Braulio e Loli, pedirán a participación e a complicidade dos nenos e nenas de Oroso para poder vencer. Así poténciase aínda máis a identificación dos pequenos cos Bolechas, un referente positivo estreitamente asociado ao galego xa que falan sempre a nosa lingua (nos libros, nos programas de televisión e nos espectáculos coma este). Ademais de promover o uso do galego, “Os Bolechas e o Sabichón” tamén ten a súa parte didáctica, xa que os nenos e nenas de Oroso deberán amosar os seus coñecementos e habilidades lingüísticas durante o concurso.

Esta actuación está organizada polo Concello de Oroso e a Secretaría Xeral de Política Lingüística, a través do programa de dinamización lingüística FalaRedes. O Concello de Oroso, como membro da Rede de Dinamización Lingüística (RDL) da Xunta de Galicia, é un dos 57 Concellos que recibirá a visita dos personaxes creados por Pepe Carreiro, unha iniciativa que conta coa colaboración da Deputación Provincial da Coruña.

Outono festival - maña chega a gañadora dun grammy Irma Thomas

rma Thomas, raíña do soul de Nova Orleans, chega este sábado para iluminar o Outono Códax Festival

Para algunos críticos, Irma Thomas ostenta, junto a Aretha Franklin y Etta James, el reinado triangular del soul mundial. Palabras mayores. Y es que, pese a no haber contado con el recorrido comercial de sus dos coetáneas, la aclamada como “reina del soul de Nueva Orleans” encarna al igual que ellas la esencia misma del género. Su cálida y poderosa voz, su elegancia natural y su magisterio sobre el escenario la convierten en una de las leyendas en activo más respetadas de la música contemporánea. 

Nacida en Louisiana en 1941, Irma inició su carrera en el góspel y obtuvo su primer éxito en 1960 con el single (You Can Have My Husband but) Don't Mess with My Man, que se situó en el número 22 de la lista Billboard R&B. Fue entonces cuando de la mano del maestro compositor y productor Allen Toussaint, firmó con el sello Minit Records para iniciar una etapa que resultaría llena de éxitos, con clásicos como It´s Raining o Ruler of my heart, tema este último que posteriormente reinterpretó Otis Redding en aquel Pain in my heart. A estos siguieron otros muchos como el reconocidísimo Wish someone would care, Brekaway, Anyone who knows what love is o el clásico Time is on my side, que versionaron dos años más tarde The Rolling Stones.

Tras grabar en 1978 el estratosférico álbum Soul Queen of New Orleans (una de las joyas del género) y después de un descanso, Thomas retomó su carrera en los 80 ya con Rounders Records. Fue en 1991 cuando obtuvo su primera nominación a los Grammy con Live! Simply the Best, directo grabado en San Francisco; en 1999 obtuvo una segunda nominación por Sing It!, soberbio trabajo de góspel tradicional. El reconocimiento definitivo llegaría en 2007 cuando por fin ganó el Grammy, en este caso al mejor álbum de blues contemporáneo, con su fabuloso After the rain.

En los últimos años y con la energía más propia de quien acaba de empezar, la gran dama del soul ha seguido y sigue cautivando a propios y extraños en escenarios y festivales de todo el mundo (en ocasiones compartiendo tablas con otros no menos grandes como Bruce Springsteen o Elvis Costello).

Santiago - O Concello encarga un proxecto de mellora do Camiño portugués no termo municipal

O alcalde compostelán, Agustín Hernández, manifestou que o Concello vai encargar un proxecto de mellora do Camiño portugués no tramo comprendido dentro do termo municipal de Santiago. Así o anunciou durante a visita que realizou esta mañá, acompañado pola directora da Axencia de Turismo de Galicia, Nava Castro, a un tramo do Camiño Fisterra-Muxía no que a Axencia está realizando traballos de mantemento e conservación.

Agustín Hernández referiuse ao “compromiso total” do Concello cos Camiños de Santiago, do que dan conta os traballos en marcha. Así, destacou o labor do Consorcio de Santiago, que está elaborando o Plan Especial do Camiño Francés, coa previsión de que estea rematado para 2015.

A segunda acción afecta ao Camiño portugués, cuxa delimitación por parte da Xunta determinou un novo percorrido polo municipio que afecta á Rocha Vella e Conxo, de aí que, en palabras do alcalde, sexa necesaria a súa adecuación e sinalización. “A Concellería de Cultura e Patrimonio está tramitando o encargo dun proxecto que permita definir as necesidades desta ruta no sentido de facer practicable nas mellores condicións o Camiño, ao tempo que se realizará a súa sinalización”, explicou.

Ademais, apuntou que “esta nova traza permite poñer máis en valor outro dos bens patrimonais máis singulares do noso Concello, o Castelo da Rocha, no que se está a traballar na súa recuperación”. 

Delimitacións e Plan Director dos Camiños

Seguindo co labor de posta en valor dos Camiños, o alcalde tamén aludiu aos traballos de delimitación que realizou á Xunta de Galicia a través da Dirección Xeral de Patrimonio Cultural da Consellería de Cultura, Educación e Ordenación Universitaria, co fin de asentar a traza dos Camiños no termo municipal, o que nalgúns casos supuxo variacións nos perrcorridos.

Tamén agradeceu o traballo da Axencia de Turismo de Galicia, coa licitación do Plan Director dos Camiños de Santiago, que servirán de folla de ruta e marcará a pauta a seguir en todos os eidos: medioambiental, patrimonial, promocional... Lembrou Agustín Hernández que o Concello de Santiago terá un representante na comisión de seguimento deste Plan dada a importancia e incidencia do Camiño no noso termo municipal.

O alcalde considera “imprescindible” a colaboración nesta materia coa Axencia de Turismo, directamente ou a través do Xacobeo, porque “o Camiño é o buque insignia do turismo de Galicia; mesmo podemos dicir que é a marca máis potente que hoxe en día ten Galicia e a súa incidencia no noso Concello é fundamental. Non podemos esquecer que somos os receptores de todos los Camiños e a singularidade de cada un deles debe ser tratada e reflectida no noso planeamento”.

Santiago Maxia, cultura urbana e bicicleta para pechar seis meses de actividades da UMAD

Nos últimos seis meses, a Concellería de Servizos Sociais, a través da Unidade Municipal de Atención a Drogodependentes (UMAD) veu realizando diversos programas de lecer alternativo dirixidos á mocidade. Este vindeiro fin de semana rematan estas iniciativas con tres actividades abertas a todo o público: unha xornada de maxia, outra de cultura urbana e a segunda entrega das Xornadas da Bicicleta na Mocidade.

A primeira destas xornadas celebrarase hoxe venres, 26 de setembro, no Centro Sociocultural da Trisca. O Mago Xacobe ofrece o seu espectáculo “Maxia de cerca” para 30 persoas, en dous pases, ás 20:00 e ás 21:00 horas. A entrada é de balde ata completar aforo.

A maxia continuará o domingo 28 na praza Roxa. Alí, de 17:00 a 20:00 horas, haberá diversos obradoiros de maxia, globoflexia e artes afíns, impartidos por magos profesionais.

Hip Hop e Xornadas da Bicicleta

O sábado 27, de 17:00 a 20:00 horas, a praza Roxa acollerá unha xornada de cultura urbana denominada Go Hop. O programa inclúe obradoiros de breakdance, graffiti, turntablism DJ e beatbox, ademais de exhibicións destas disciplinas.

Finalmente, o domingo 28, celebrarase a segunda entrega das Xornadas da Bicicleta na Mocidade. Será no Campus Sur (zona do estanque) entre as 10:00 e as 14:00 horas. 

O programa arrancará ás 10:00 horas cunha concentración de ciclistas no punto de encontro. Logo, entre as 10:30 e as 11:00 horas, a Asociación Vella Escola fará unha exhibición de BMX e Skate. Entre as 11:15 e as 13:00 horas está prevista unha ruta en bicicleta de montaña polo Monte Pedroso, dirixida a todos os públicos idades. O percorrido, de 14 quilómetros, está organizado polo Club Ultreia. A xornada concluirá no punto de chegada, ás 13:00 horas, cunha exhibición de saltos e descensos a cargo do grupo de descenso do Club Ciclista Muebles Compostela.

Bens decomisados

Todas estas accións son financiadas cunha subvención do Ministerio de Sanidade, procedentes dos bens decomisados por tráfico de drogas e outro delitos relacionados a que accedeu o Concello de Santiago, polo que o 70% do custo das actividades está subvencionado.

A idea destes programas organizados pola UMAD é facilitar a práctica e difusión de actividades de lecer alternativo e saudable. Preténdese a posta en marcha e consolidación destas propostas, co fin de que logo poidan funcionar de forma autónoma.

Ames - O concello reparará camiños en distintas parroquias

O Concello de Ames levará a cabo obras de reparación de camiños en Ortoño, Ventín, Tapia, Covas, Bugallido, Bertamiráns e Agrón por valor de 277.770 euros

O goberno municipal, reunido en Xunta de Goberno Local, aprobou o inicio do expediente de contratación de varias obras que están incluídas no plan provincial DTC 93 “Unha Deputación para todos os concellos”, que está dotado de 277.770,78 euros.

A través deste plan o Concello de Ames levará a cabo varias obras de reparación de camiños e pistas que se consideran de vital importancia para a cidadanía amiense. O Concello de Ames dedicará o 100% desta contía a execución destes seis proxectos.

O goberno municipal, reunido en Xunta de Goberno Local, aprobou o inicio do expediente de contratación de varias obras que están incluídas no plan provincial DTC 93 “Unha Deputación para todos os concellos”, que está dotado de 277.770,78 euros. A través deste plan o Concello de Ames levará a cabo varias obras de reparación de camiños e pistas que se consideran de vital importancia para a cidadanía amiense. O Concello de Ames dedicará o 100% desta contía a execución destes seis proxectos.

Un dos proxectos é a reparación do camiño, que vai dende Ponte Lapido ata A Tarroeira (Ortoño). Esta obra consiste na mellora da capa de rodaxe deste camiño, para mellorar o tránsito pola devandita estrada, tanto dos vehículos coma dos peóns. Neste proxecto tamén se inclúe a reparación dun muro de contención, que está en estado de derrubamento no lugar de Castiñeiro do Lobo, e a reparación da rúa Rueiro e da rúa Arrucheiro, ambas situadas na localidade de Bertamiráns. Este proxecto conta cun orzamento de 36.777,94 euros.

Outro dos proxectos que se inclúen neste plan é a reparación do cruce do camiño que vai do Milladoiro a Ventín. Esta actuación é moi importante, xa que afecta a unha vía de entrada cara o CEP de Ventín, que conta cun gran volume de tráfico no momento en que o alumnado entra e sae do centro educativo. Esta obra tería un custo de 63.253,11 euros.

Neste plan provincial tamén está incluído o proxecto de reparación do camiño que vai dende o lugar da Mámoa ata a praia fluvial de Tapia. Esta obra consiste na reparación do viario co correspondente tratamento asfáltico superficial. Ademais, neste proxecto inclúese a reparación do camiño transversal que discorre polos lugares de Capeáns, Covas e A Igrexa, na parroquia de Covas, así como a reparación interior en Quistiláns. Estas obras, que contan cun orzamento de 30.422,95 euros, mellorará a seguridade viaria das devanditas estradas, dando resposta ás necesidades dos veciños da zona.

Reforma da estrada que vai da rúa do Pedregal á rotonda de Poeta da Maía

No tocante ó proxecto de reforma da estrada que vai dende a rúa do Pedregal ata a rotonda de Poeta da Maía, en Bertamiráns, realizarase unha mellora da capa de rodaxe deste viario. Así mesmo, reporanse as beirarrúas en dous treitos con bordo de formigón e baldosa de formigón vibrado. Antes de reparar o pavimento contémplanse a colocación de varias canalizacións para o saneamento, a recollida de pluviais, as liñas eléctricas, de comunicacións e de iluminación pública. Neste proxecto tamén se contempla a colocación da sinalización horizontal e o pintado de liñas en bordes, símbolos, pasos de peóns e isletas. A actuación dará resposta a un problema de seguridade peonil existente nesta zona situada en pleno núcleo urbano de Bertamiráns. Este proxecto conta cun orzamento de 66.322,97 euros.

O proxecto de reparación do camiño paralelo ao campo de fútbol de Bertamiráns cara o lugar de Castrigo consiste na reparación do devandito camiño, pero ademais inclúe outra obra que é a reparación do camiño da Tarroeira, situado na parroquia de Ortoño, que consiste na mellora da capa de rodaxe deste viario. Esta obra, que conta cun presuposto de 35.298,62 euros, facilitará o transito dos vehículos cunhas condicións idóneas de seguridade.

Por último, o proxecto de reparación do camiño que vai dende o lugar de Piñor ata A Garea, na parroquia de Agrón, consistirá na mellora da capa de rodaxe do devandito camiño e a colocación da correspondente sinalización horizontal. Esta actuación mellorará a seguridade viaria, tanto de peóns coma de vehículos, dando resposta ás necesidades da zona. Este proxecto conta cun orzamento de 45.695,19 euros.

Santiago Futsal - O filial comeza a liga mañá sábado

· El Santiago Futsal B comienza este sábado la Liga recibiendo al Pazos de Borbén

· Esta será la segunda temporada consecutiva en 3ª División del filial del Santiago Futsal

· El técnico blanco Jorge Basanta destaca el peligro del rival en jugadas de transición

El 2º equipo del Santiago Futsal comienza la Liga este sábado y recibe al Pazos de Borbén el sábado a las 17h en el Pabellón de Santa Isabel.

El Santiago Futsal B encara esta segunda temporada consecutiva en la 3ª División Nacional con el mismo objetivo de la temporada 13/14, en la que consiguieron unos buenos resultados terminando la Liga en los puestos altos de la clasificación. La temporada 14/15 comienza con la misma filosofía y ambición, tomando como referencia al primer quipo, el Santiago Futsal, el espejo de los equipos de la base.

El filial del Santiago Futsal mantiene la columna vertebral de la temporada pasada aunque con nuevas incorporaciones, incluido el cambio de entrenador, Jorge Basanta. El técnico del conjunto blanco destaca de su rival de esta jornada “la importancia de que mantenga el bloque de jugadores de la temporada pasada y el peligro que nos puedes suponer en jugadas de transición”. Basanta vaticina un encuentro muy igualado que “se decidirá en ocasiones puntuales y se lo llevará el equipo que menos errores cometa a lo largo de los 40 minutos”.

Santiago - Curtocircuito estre 27 filmes na sección oficial

− Dun total de 53, 4 traballos son amais estrea mundial; ao que hai que sumar outras seccións, co que o número de películas exhibidas supera as 120

− O certame reparte 12.500 euros en premios, outorgados por xurados internacionais con membros da talla do cineasta canadense Mike Hoolboom ou o crítico australiano Adrian Martin

− As actividades tamén están cargadas de nomes referenciais no sector, coma o produtor de cinema independente Luis Miñarro

 Curtocircuíto Festival Internacional de Curtametraxes, que terá lugar entre o 6 e o 11 de outubro, presentou hoxe a súa programación completa, a proxectarse no Teatro Principal e na Zona C. Con vontade internacional e a calidade como máxima, a sección oficial acolle 53 traballos, 27 deles estrea en España, 4 deles estrea mundial en Curtocircuíto. Todos pretenden recoller as tendencias actuais do cinema internacional, a través de dous programas que miden o nivel de exploración formal e narrativa da linguaxe cinematográfica: Radar (máis convencional) e Explora (para as propostas máis rompedoras).

Estas películas foron elixidas polo equipo de programación logo do visionado dos máis de 3.400 filmes presentados este ano, chegados de 94 países. Isto supón un incremento de ao redor do 45% respecto da edición anterior, e o número máis alto de inscritos na traxectoria de Curtocircuíto. Os xurados internacionais Radar e Explora, con membros da categoría do cineasta canadense Mike Hoolboom ou o reputado crítico australiano Adrian Martin, a participar tamén nas actividades do festival; deberán elixir as cintas gañadoras, con premios valorados en 3.000 euros para cada categoría.

O crterio de programación conceptual, e non xeográfico, como nas edicións anteriores; aplícase tamén na terceira sección competitiva fóra da oficial. Planeta GZ nace para dar cabida aos traballos galegos máis arriscados do ano, en sintonía coa liña editorial do certame. Nove curtas compiten nesta categoría por un premio de 2.000 euros, amais de optar aos de mellor director galego e mellor guión, galardóns dotados de 500 euros cada un. Estes recoñecementos outórganos CREA (Asociación de Directores e Realizadores de Galicia) e AGAG (Asociación Galega de Guionistas) respectivamente, en colaboración co festival. Deste xeito, Curtocircuíto repartirá, sumando os galardóns do Xurado Novo e o do público, un total de 12.500 euros en premios.

Actividades e sesións para todos os gustos

Como festival público, Curtocircuíto debe e quere chegar a toda a cidadanía, por iso propón un amplo conxunto de actividades e seccións paralelas variadas, nas que deixa tamén a súa pegada. O cinema non podería existir sen os profesionais que o fan posible. Por iso, proponse un conxunto de actividades paralelas para que o espectador descubra o cinema por dentro.

Clase maxistral de Mike Hoolboom. O enérxico cineasta canadense, ao que o festival dedica a primeira retrospectiva en España, ofrecerá unha clase maxistral baseada na clásica adiviña zen «Por que ao animal non lle pasa a cola?». Nunha mestura de relatorio e proxección, o artista falará do cinema centrado no proceso, da cinematografía como práctica, dos métodos do non-saber e do crucial que resulta a investigación.

Charla sobre o ensaio audiovisual. O australiano Adrian Martin, autor de obras referenciais como Mutaciones del cine contemporáneo, é unha figura clave para entender a crítica. Cristina Álvarez é coeditora da revista Transit: cine y otros desvíos, unha das que máis contan no ámbito do cinema de autor actualmente na Internet. Xuntos, partindo da súa propia experiencia e servíndose tamén doutros exemplos, ofrecerán unha charla que titulan «Novos camiños para a crítica de cinema: o ensaio audiovisual», xénero de análise fílmica que ofrece infinitas posibilidades, cada vez máis popular entre as novas xeracións de críticos.

Mesa redonda sobre produción de cinema de autor. A crise económica, a democratización da tecnoloxía audiovisual e o desenvolvemento das redes de comunicación son algúns dos factores que levaron a un cambio de paradigma no sector audiovisual. As novas narrativas comportan novos modelos de produción e iso obrigou a redefinir os perfís profesionais; entre eles, a figura do produtor, que agora, alén de ser empresario, desempeña un papel determinante no proceso creativo. Tres referencias no sector, participarán nunha mesa redonda aberta ao público, para discutir sobre modelos de produción no cinema de autor. Elos son Luis Miñarro, responsable de grandes éxitos do cinema internacional coma O Estranho Caso de Angélica (Manoel de Oliveira, 2010) ou Tío Boonme recuerda sus vidas pasadas (Apichatpong Weerasethakul, 2010); o coruñés Felipe Lage, que dende Zeitun Films produciu algúns dos títulos máis relevantes do Novo Cinema Galego (Arraianos ou Costa da Morte); e a catalá Neus Ballús, que obtivo un gran éxito internacional con La plaga, estreada na Berlinale e nomeada aos premios Goya.

Seminario sobre cinema experimental español. A estas clases maxistrais, charlas e coloquios, súmanse ademais o seminario do historiador Luis E. Parés sobre o cinema experimental español; os encontros profesionais organizados por CREA (Asociación de Directores e Realizadores de Galicia); e presentacións de colectivos como NUMAX, sala de cinema que abrirá as súas portas en marzo en Compostela; o festival de documentais Porto/Post/Doc, a celebrarse por vez primeira este decembro; e a Unión de Cineastas, asociación cultural que nace coa idea de se conformar como un novo dinamizador no eido do cinema español.

Obradoiro Blank Paper. Por último, o obradoiro Blank Paper pretende reflexionar sobre a idea do tempo; por unha banda, dende un punto de vista metalingüístico, é dicir, como representa o cinema o tempo e de que mecanismos se serve a fotografía; e, por outra banda, dende unha perspectiva máis filosófica. Que é realmente o tempo? Pódese representar? Estas son as ideas en torno ás que virará o obradoiro, organizado polo colectivo homónimo e impartido polo fotógrafo Óscar Monzón e o cineasta Lois Patiño.

Todas estas actividades son de balde, previa inscrición na web do festival. Co espírito de ofrecer prezos asumibles para todos, Curtocircuíto só cobra 2 euros por sesión na sección oficial e na retrospectiva de Mike Hoolboom. O resto das sesións son de balde, previa retirada das entradas na billeteira. Entre estas sesións, inclúese un conxunto variado de seccións paralelas para todos os públicos. As entradas poden adquirirse xa no despacho de billetes do Teatro Principal.

A continuación, un diagrama de todas as seccións do festival, cunha descrición de cada unha delas:

SECCIÓNS COMPETITIVAS

- Oficial RADAR: Obras de calquera nacionalidade. Unha variada selección dos títulos que marcan tendencias a nivel internacional, tanto na ficción como na animación ou o documental. Cineastas experimentados conviven con novos realizadores aos que Curtocircuíto quere dar visibilidade.

- Oficial EXPLORA: Obras de calquera xénero e de calquera nacionalidade. Sección centrada na procura de novas caligrafías fílmicas. Pezas dificilmente catalogables nun  xénero, que dilúen a idea tradicional do cinema mediante a exploración de sendas  innovadoras e as hibridacións próximas ao documental ou ao cinema de vangarda.

- Planeta GZ: O cinema galego vive unha efervescencia e pluralidade sen precedentes. Nesa heteroxeneidade, Planeta GZ recolle unha selección das propostas máis ousadas e autorais. Serán dous programas de arredor dunha hora e cuarto de duración cada un.

SECCIÓNS PARALELAS

- 14_17: Non queremos esquecer o aspecto máis educativo do cinema, que é unha gran vía para a transmisión de valores á mocidade. Neste programa dobre atopamos unha selección de curtas destinadas aos adolescentes.

- Carta branca a... Cineclube de Compostela: Non se pode entender a vida cultural de Compostela sen a achega imprescindible do Cineclube. Ao igual que Curtocircuíto, levan dez anos programando cine de primeirísimo nivel, e non só fan proxeccións, senón que tamén traen directores, xeran debate e dinamizan a cidade. Nesta sección dámoslles carta branca para facer un percorrido histórico polas obras curtas que eles consideran claves na historia do cinema.

- Criaturas: Hai que facer canteira. Queremos os máis noviños no cinema para agasallalos cun programa de curtas que os farán pensar e vibrar.

- Noite Malandra: A nosa sesión canalla coas curtas máis atrevidas e divertidas. Un programa de curtas deseñado para atraer os espectadores máis malandros. Humor e troula, que non vai ser todo cinema transcendental.

- Penínsulas: Unha sección panorámica que recolle interesantes películas portuguesas e españolas da tempada que o festival non quería deixar de proxectar. Un conxunto diverso que non busca unha liña definida máis aló do interese de cada obra en si mesma.

- Púlsar – Gabriel Abrantes: (Def.: Un púlsar é unha pequena estrela de neutróns que emite radiación periódica. Os púlsares posúen un intenso campo magnético que induce a emisión destes pulsos de radiación electromagnética a intervalos regulares.)

Curtocircuíto ten a obriga de pór en valor as cinematografías incipientes. Por iso, esta sección fixou o reto de traer cada ano un cineasta novo que amosase xa un percorrido sólido que delate unha ollada persoal e intrasferible. Púlsar é enerxía, frescura, novidade e, coma sempre, risco. Nesta sección, o enfant terrible luso Gabriel Abrantes fará as delicias do público coa súa irreverencia e o seu irónico e morboso tratamento do sexo. A súa obra mostrouse en diversos festivais internacionais e obtivo importantes premios en certames de referencia como Locarno e IndieLisboa.

- Retrospectiva – Mike Hoolboom: Esta sección ten como obxectivo traer en cada edición á cidade a un cineasta internacional cuxa traxectoria vaia na liña do festival e cuxa obra, ao tempo, achegue valores interesantes á cidade. Este ano escollemos o respectado autor canadense Mike Hoolboom. Unha referencia absoluta do cinema de vangarda. Ao longo das últimas tres décadas, Mike converteuse nun dos cineastas experimentais máis orixinais e apreciados; creou máis de cincuenta películas e vídeos que recibiron máis de trinta premios en festivais de todo o mundo. Hoolboom, un verdadeiro artista, empurra fronteiras creativas na procura dunha linguaxe que permita aos espectadores ter experiencias propias e únicas.

SESIÓNS ESPECIAIS

- Blank Paper: Esta sección é o complemento ao obradoiro que durante o festival executará o fotógrafo Óscar Monzón, do colectivo fotográfico madrileño Blank Paper, xunto co galego Lois Patiño no CGAC. Programa composto por pezas audiovisuais feitas por fotógrafos do colectivo nas que exploran formas de narrar que xiran arredor de imaxes estáticas ou dinámicas, ou ambas; arredor da cuestión do tempo ou do non-tempo; do movemento ou da ausencia deste.

- Cámping: Sesión especial para esta tempada posestival. En diferentes festivais aos que acudimos, detectamos unha serie de curtas variadas de temática dispar, pero todas situadas neses estraños lugares que son os cámpings. O lecer, os campamentos de verán, a política, a vida... Todo é posible nesas comunidades efémeras.

CONCERTOS

PETER BRODERICK

Sala Capitol | Martes 7, 21 h | Entradas: 8 € (anticipada) / 10 € (billeteira) | Venda de entradas: A Reixa Tenda, salacapitol.com e despacho de billetes do Teatro Principal

Peter Broderick empezou na música a unha tenra idade. Cando aínda estaba na escola aprendeu a tocar varios instrumentos. Máis tarde converteuse en músico de sesión para artistas como M. Ward, Zooey Deschanel e Delorean, entre outros, para os que tocaba o violín, o banjo ou a mandolina. Foi de xira, ademais, con bandas como Efterklang (durante a promoción de Parades en 2007), Horse Feathers e Laura Gibson. A finais dese ano decidiu publicar a súa propia música. Así chegou Docile, un minidisco de piano só, e o sete polgadas Retreat/Release, editado en Type, discográfica de confianza.

CAPSULA + PABLO UND DESTRUKTION

Sala Capitol | Venres 10, 21:30 h | Entradas: 9 € + gastos (anticipada) / 12 € (billeteira) | Venda de entradas: Teatro Principal, entradas.abanca.com (902434443), A Reixa Tenda,

salacapitol.com, ticketea.com​

Cápsula

En Bos Aires, Arxentina, unha parella de amantes del rock and roll escuro e psicodélico e do punk decidiu montar un grupo que, en poucos anos, se converteu nun dos máis interesantes da escena rock actual. Emigraron da súa Arxentina natal para se afincaren en Bilbao e desde ese centro de operacións souberon desenvolver unha carreira frutífera, intensa e activa como poucas con xiras polo Reino Unido, Francia, Alemaña, EUA e moitos outros países. Os seus referentes musicais, The Velvet Underground, The Stooges, o primeiro David Bowie, Television, son os que converten as súas aclamadas actuacións en directo en verdadeiras cataratas de suor e adrenalina.

Pablo Und Destruktion

Cun discurso tan intenso como propio, e pondo un ollo na cultura tradicional e outro na sociedade postindustrial, a proposta de Pablo Und Destruktion pódese entender como a ponte que une a Asturias musical de Nacho Vegas e Lucas 15 coa actitude do Nick Cave máis recente.

ALGÚNS NÚMEROS SOBRE O FESTIVAL:

FILMES RECIBIDOS

Edición de 2014: 3.410, procedentes de 94 países

Edición de 2013: 1.893, procedentes de 88 países

Supón un incremento do 44'49% no número de filmes recibidos

PREMIOS

Mellor Curtametraxe Radar: 3.000 €

Mención ou Mencións Especiais Radar: sen dotación

Mellor Curtametraxe Explora: 3.000 €

Mención ou Mencións Especiais Explora: sen dotación

Mellor Curtametraxe Galega: 2.000 €

Mención Especial Galicia: sen dotación

Premio do Público á Mellor Curtametraxe: 2.000 €

Premio do Xurado Novo á Mellor Curtametraxe: 1.500 €

Premio CREA á Mellor Dirección Galega: 500 €

Premio AGAG ao Mellor Guión Galego: 500 €

Total en premios: 12.500 €

SECCIÓN OFICIAL

Filmes a concurso: 53

Xéneros:

Ficción: 17 (32'07%)

Documental: 16 (30'19%)

Animación: 14 (26'42%)

Experimental: 6 (11'32%)

Países:

Europa: 41 (77'36%)

América: 6 (11'31%)

Asia: 4 (7'55%)

Oceanía: 1 (1'89%)

África: 1 (1'89%)

Directores:

Homes: 39 (73'58%)

Mulleres: 14 (26'42%)

A competición en RADAR

Total curtas: 32

Xéneros:

Ficción: 11 (34'375%)

Documental: 10 (31'25%)

Animación: 11 (34'375%)

Países:

Europa: 24 (75%)

América: 4 (12'50%)

Asia: 3 (9'375%)

Oceanía: 1 (3'125%)

Directores:

Homes: 22 (68'75%)

Mulleres: 10 (31'25%)

A competición en EXPLORA

Total curtas: 21

Xéneros:

Ficción: 6 (28'58%)

Documental: 6 (28'58%)

Animación: 3 (14'26%)

Experimental: 6 (28'58%)

Países:

Europa: 17 (80'95%)

América: 2 (9'53%)

Asia: 1 (4'76%)

África: 1 (4'76%)

Directores:

Homes: 17 (80'95%)

Mulleres: 4 (19'05%)

Títulos en RADAR

-        Sonnet 81, de Maaike Neuville (Bélxica, 2013) – 20 min. - ESTREA ESPAÑA

-        Reizigers in de Nacht, de Ena Sendijarevic (Holanda, 2013) – 10 min. - ESTREA ESPAÑA

-        Pride, de Pavel Vesnakov (Bulgaria, 2013) – 30 min. - ESTREA ESPAÑA

-        Forever Over, de Erik Schmitt (Alemaña, 2014) – 15 min. - ESTREA ESPAÑA

-        Le garçon, de Nikola Jovanovic (Serbia, 2014) – 28 min. - ESTREA ESPAÑA

-        Solecito, de Óscar Ruiz Navia (Colombia, 2013) – 20 min.

-        Washingtonia, de Konstantina Kotzamani (Grecia, 2014) – 26 min. - ESTREA ESPAÑA

-        Tant qu'il nous reste des fusils à pompe, de Jonathan Vinel e Caroline Poggi (Francia, 2014) – 30 min.

-        Hole, de Martin Edralin (Canadá, 2014) – 15 min. - ESTREA ESPAÑA

-        The Misfortune of Others, de Mat Govoni (Australia, 2013) – 12 min. - ESTREA ESPAÑA

-        Gambozinos, de João Nicolau (Portugal, 2013) – 19 min.

-        La reina, de Manuel Abramovich (Argentina, 2013) – 19 min.

-        Imraan C/O Carrom Club, de Udita Bhargava (Alemaña, 2014) – 14 min. - ESTREA ESPAÑA

-        L'ésthétique sécuritaire/1: un entraînement pour touristes, de Ariana Arlotti (Suíza, 2014) – 10 min. - ESTREA ESPAÑA

-        Escort, de Guido Hendrikx (Holanda, 2014) – 19 min.

-        Shipwreck, de Morgan Knibbe (Holanda, 2014) – 15 min. - ESTREA ESPAÑA

-        Traversées, de Antoine Danis (Francia, 2013) – 8 min. - ESTREA ESPAÑA

-        Zima, de Cristina Picchi (Rusia, 2014) – 11 min.

-        La lampe au beurre de yak, de Hu Wei (China, 2013) – 15 min.

-        La part de l'ombre, de Olivier Smolders (Bélxica, 2014) – 28 min.

-        Hacked Circuit, de Deborah Stratman (Estados Unidos, 2014) – 15 min. - ESTREA ESPAÑA

-        Big Hand On Big Hands, Let It Be Bigger And Bigger, de Lei Lei (China, 2013) – 6 min. - ESTREA ESPAÑA

-        Zepo, de César Diaz Meléndez (España, 2014) – 3 min.

-        8 Bullets, de Frank Ternier (Francia, 2014) – 13 min. - ESTREA ESPAÑA

-        Northern Starfish, de Mattias Mälk (Estonia, 2014) – 14 min.

-        Wind, de Robert Löbel (Alemaña, 2013) – 14 min.

-        Dark Mixer, de Hirotoshi Iwasaki (Xapón, 2014) – 5 min.

-        Heir to the Evangelical Revival, de Wendy Morris (Bélxica, 2013) – 7 min. - ESTREA ESPAÑA

-        Ex Animo, de Wojciech Wojtkowski (Polonia, 2013) – 7 min. - ESTREA ESPAÑA

-        Daphné ou la belle plante, de Sylvain Derosne (Francia, 2014) – 15 min.

-        Dans la joie et la bonne humeur, de Jeanne Boukraa (Bélxica, 2014) – 6 min. - ESTREA ESPAÑA

-        Don't Fear Death, de Louis Hudson (Reino Unido, 2013) – 3 min.

Títulos en EXPLORA

-        Picture Particles, de Thorsten Fleisch (Alemaña, 2014) – 6 min. - ESTREA ESPAÑA

-        Recycled, de Thomas Sauvin (China, 2013) – 5 min.

-        Uns geht es gut, de Michaela Taschek (Alemaña, 2013) – 7 min. - ESTREA ESPAÑA

-        Sedated Army Crazy Mirror, de Miquel Martí Freixas e Joan Tisminetzky (España, 2014) – 28 min. - ESTREA MUNDIAL

-        Superfícies: Sonho Bolivariano (balor), de Alberte Pagán (España, 2014) – 6 min. - ESTREA MUNDIAL

-        Substanz, de Sebastian Mez (Alemaña, 2014) – 14 min.

-        The Shepherd Principle, de Georgia Papageorge (Botswana, 2014) – 12 min. - ESTREA ESPAÑA

-        Still Dissolution, de Siegfried A. Fruhauf (Austria, 2013) – 2 min. - ESTREA ESPAÑA

-        Komm und Spiel, de Daria Belova (Alemaña, 2013) – 30 min.

-        O Corpo de Afonso, de João Pedro Rodrigues (Portugal, 2013) – 32 min.

-        PIX, de Antonio da Silva (Portugal, 2014) – 3 min.

-        Diámbulo, de Javier Garmar (España, 2014) – 29 min.

-        The Claustrum, de Jay Rosenblatt (Estados Unidos, 2014) – 17 min. - ESTREA ESPAÑA

-        Laborat, de Guillaume Cailleau (Alemaña, 2014) – 22 min. - ESTREA ESPAÑA

-        Village Modèle, de Kwon Hayoun (Francia, 2014) – 10 min. - ESTREA ESPAÑA

-        L'autre silence, de Gaston Igounet (Francia, 2014) – 11 min. - ESTREA MUNDIAL

-        Hillbrow, de Nicolas Boone (Francia, 2014) – 30 min. - ESTREA ESPAÑA

-        En la orilla, de Stefano Tononi (Uruguai, 2013) – 15 min.

-        Septiembre, de Pablo Arellano (España, 2014) – 13 min. - ESTREA MUNDIAL

-        Wildnis, de Helena Wittmann (Alemaña, 2013) – 12 min. - ESTREA ESPAÑA

Membros do xurado RADAR

-        Adrian Martin é catedrático de Estudos de Cinematografía da Goethe-Universität (Frankfurt) e da Monash University (Melbourne). Publica internacionalmente e foi traducido a máis de vinte idiomas, ao que hai que lle sumar as columnas regulares que escribe en De Filmkrant (Holanda) e Caimán (España). É autor de seis libros, entre os que se conta ¿Qué es el cine moderno? (2008), e coeditor das revistas de cine publicadas na Internet LOLA e Screening the Past, ademais de coautor das obras Movie Mutations e Raúl Ruiz: Images of Passage. O seu próximo libro (Palgrave, finais de 2014) levará por título Mise en Scène and Film Style: From Classical Hollywood to New Media Art.

-        Ana Moreira. Tras concluír o bacharelato artístico, no 2000 empeza a especialidade de deseño gráfico en Ar.Co e, simultaneamente, a súa carreira como actriz. Desde 1998 colabora con realizadores como Teresa Villaverde, João Botelho, Jorge Cramez, Eugène Green, Gabriel Abrantes, Salomé Lamas e Miguel Gomes, cuxa última película, Tabú, recibiu o premio oficial Alfred Bauer e o FIPRESCI da crítica no Festival de Berlín. Foi premiada como mellor actriz polas películas Os Mutantes, Transe e Adriana en diversos festivais nacionais e internacionais. Alén de traballar con outras compañías de teatro, foi co-fundadora da compañía Voz Humana. Foi xurado en festivais internacionais como Locarno, Vila do Conde e Sofía, entre outros. Actualmente cursa o Mestrado en Prácticas Artísticas Contemporáneas na Faculdade de Belas Artes da Universidade do Porto.

-        Felipe Lage é director de Zeitun Films, produtora fundada conxuntamente con Oliver Laxe e Martin Pawley. Participou na produción de catro filmes ata a data, Todos vós sodes capitáns (Oliver Laxe, 2010), Arraianos (Eloy Enciso, 2012), O quinto evanxeo de Gaspar Hauser (Alberto Gracia, 2013) e Costa da Morte (Lois Patiño, 2013), filmes todos eles recoñecidos nalgúns dos festivais de cine máis importantes (Cannes, Locarno, Róterdam, BAFICI, FICUNAM ou Jeonju). Actualmente traballa na produción dos novos proxectos de Oliver Laxe (As mimosas), Rainer Kirberg (A ausencia) e Lois Patiño (Tempo vertical).

-        Neus Ballús é directora de cine e guionista. A súa primeira longametraxe, La plaga (2013), estreouse internacionalmente na 63.a edición da Berlinale, gañou catro premios Gaudí 2013 e foi nominada aos 2013 Lux Awards e aos European Film Awards, alén de ter unha candidatura aos Premios Goya. O filme retrata a existencia diaria en Gallecs, unha zona rural do Vallès Oriental, na periferia de Barcelona, a través do seguimento das relacións de cinco personaxes que viven aí. Licenciada en Comunicación Audiovisual e mestrado en Documental de Creación pola Universitat Pompeu Fabra, filmou así mesmo as curtametraxes La Gabi (2004) e L’avi de la càmera (2005) e o documental Immersió (2009), rodado baixo a auga dunha piscina, que recibiu o premio á mellor curtametraxe no festival ALCINE.

-        Tim Redford naceu no Reino Unido, mais pasou case toda a vida en Francia, onde, a partir de 1998, adquiriu experiencia grazas ao seu traballo na produción do Festival Internacional de Curtametraxes de Clermont-Ferrand. A continuación viviu varios anos no Reino Unido, onde desempeñou o cargo de xefe de proxectos do Signals Media Arts; porén, durante unha viaxe que realizou en 2006 namorouse de Galicia e mudouse a Santiago de Compostela, onde asumiu o posto de director de Curtocircuíto, Festival Internacional de Curtametraxes. Na actualidade Tim está a piques de se sumar ao persoal permanente do Festival Internacional de Curtametraxes de Clermont-Ferrand, no cal vai ocupar o cargo de coordinador internacional e será membro do comité de selección internacional.

Membros do xurado EXPLORA

-        Andrés Duque é un cineasta hispano-venezolano. O seu traballo máis coñecido é Iván Z, un retrato do cineasta de culto Iván Zulueta que lle valeu un nomeamento aos premios Goya da Academia. En 2011 realiza a súa primeira longametraxe, Color perro que huye, estreado no Festival de Cinema de Róterdam e que obtivo o premio do público no Festival Internacional de Cinema Punto de Vista. En 2012 é un dos cineastas convidados ao prestixioso seminario Flaherty, que se celebra en Nova York. En 2013 recibe o Premio Ciudad de Barcelona pola súa película Ensayo final para utopía.

-        Cristina Álvarez López é crítica de cine; cofundadora e coeditora de Transit: cine y otros desvíos; co-curadora da sección de ensaios audiovisuais en NECSUS: European Journal of Media Studies. Os seus textos e os seus traballos videográficos sobre cine apareceron en publicacións españolas e internacionais: Caimán. Cuadernos de cine, Trafic, Lola, Notebook, Fandor, Screening the Past, De Filmkrant, Frames, [in]Transition... Participou en libros colectivos dedicados a cineastas como Chantal Akerman, Paul Schrader, Max Ophüls e Philippe Garrel. Actualmente imparte un curso sobre crítica de cine e ensaios audiovisuais na Goethe-Universität (Frankfurt).

-        Lois Patiño compaxinou os seus estudos de psicoloxía na Universidad Complutense de Madrid cos de cine na Escuela Tai. Continuou a súa formación de cine na NYFA de Nova York e en Barcelona, onde realizou o Mestrado en Documental de Creación na Universitat Pompeu Fabra. Os seus vídeos e videoinstalacións puidéronse ver en centros de arte como a Casa Encendida (Madrid), o CCCB (Barcelona), o MARCO (Vigo), o Centro Cultural San Martín (Bos Aires) e a Galería Solar (Portugal). As súas películas mostráronse en festivais de cine como Locarno, Róterdam, San Francisco FF, Ann Arbour, Roma, Cinema du Réel, Vila do Conde, Media City, Jihlava, Viennale, Punto de Vista... e nos Rencontres Internationales, que tiveron lugar no Centre Pompidou (París), a Haus der Kulturen der Welt (Berlín) e o Museo Reina Sofía (Madrid). Con Montaña en sombra gañou premios no Festival de Oberhausen (Alemaña) e en Clermont-Ferrand (Francia), entre outros. En 2013, no Festival de Locarno, director emerxente coa súa longametraxe Costa da Morte.

-        Margarita Ledo Andión. Da súa novela Porta blindada (Edicións Xerais, Vigo, 1990) sae o personaxe masculino da súa primeira ficción, A cicatriz branca. Investigadora e autora de obras sobre cinema autoral como Cine de fotógrafos (GG, Barcelona, 2005), Premio Espais d’Art Contemporani. Cineasta experimental en Illa (2009) e en Cienfuegos, 1913 (2009); axitadora política e feminista, fai dialogar todo o que na historia ficou sen desenvolver nos documentais Santa Liberdade (Galicia/Brasil/Venezuela, 2004) e Liste, pronunciado Líster (Galicia, 2005), para elaborar proxectos académicos en torno das pequenas cinematografías e as políticas da diversidade. É catedrática de Comunicación Audiovisual da USC e numeraria da Real Academia Galega.

-        Mike Hoolboom. Nacemento: guerra de Corea, a pílula, bomba de hidróxeno, Mansión de Playboy. Década de 1980: teima coa emulsión fotográfica, aldrabadas en columnas dedicadas a temas de actualidade. Escolarización no Funnel: utopía cinematográfica pregafapastista. Década de 1990: longametraxes experimentais, psicodramas transgresores, cuestións sobre o nacionalismo. Década do 2000: cíborg da seroconversión (vida despois da morte), transcodificación de película a vídeo: longametraxes biográficas do xénero da metraxe atopada. Arqueólogo de medios de comunicación alternativos: autor de sete libros sometidos a esquerdos de autor, editor ou coeditor de doce obras. Comisario: trinta programas + www.fringeonline.ca. Empregos ocasionais: director artístico do Images Fest, distribución alternativa en Canadian Filmmakers. Setenta e cinco películas e vídeos, a meirande parte deles con cortes. Dez longametraxes. Trinta galardóns, catorce retrospectivas internacionais. Dous premios a toda unha carreira. www.mikehoolboom.com.