Saltaron á pista de A Malata os
xogadores do Santiago Futsal con moitas intensidade en ataque e cuxas contínas
acción ofensivas conlevarían a que chegara o primeiro tanto do Santiago Futsal
coa firma de Hugo Sánchez aos dos minutos do comezo. Dani Montes aumentaría a
conta co segundo gol tras unha boa xogada en combinación con Pablo Mel, pero os
de Ferrol lograrían reducir distancias co 1-2 aproveitando a inferioridade
numérica do Santiago Futsal tras a expulsión de Diego Quintela.
De novo sería Dani Montes o
protagonista do terceiro e do cuarto tanto dos santiagueses. Cun Cofersa O
Parrulo que acumulara xa as cinco faltas no seu contador, o pívot salmantino anotaría, até en dous
ocasións, dende os 10 metros.
Tralo descanso, o Santiago Futsal
mantería o seu plantexamento ofensivo da primeira metade e non tardaría en
aumentar a conta co quinto tanto. O xogador do filial Isma, superaría ao meta
ferrolán no 1x1 tras un excelente pase de Hugo Sánchez dende o seu propio
campo.
Cofersa O Parrulo FS non desistiría e
tería a oportunidade de reducir distancias, pero o meta Marcos Vara estaría
contundente baixo paos para frenar as acometidas locais. No ecuador da segunda
metade, os de Santiago cometerían a quinta falta acumulativa e Jacobo faría o
segundo tanto de O Parrulo dende os 10 metros.
O conxunto local sumaría cinco faltas
e Dani Montes anotaría, de novo e até en dúas ocasións consecutivas, dende a
línea dos 10 metros, para facer o 2-6 e o 2-7 con só un minuto de diferenza.
A falta de 3 minutos para o final,
Jacobo pecharía a conta co 3-7 definitivo para o Cofersa O Parrulo Ferrol.
Santiago Futsal suma xa tres vitorias
nos encontros de pretemporada, e o venres afrontará a súa quinta cita no Torneo
‘E para comer Lugo’ que terá lugar venres e sábado en Burela, e no que se
medirá a Palma Futsal e a Cidade de Narón ou Burela FS nas finais do sábado.
Ficha do partido
Cofersa O Parrulo FS: Ángel, Miguel, Cristian, Dani e Iñigo –cinco inicial- Rubi, Rubén
Mouriz, Chicha, Isma, Jacobo, Cagi,
Santiago Futsal:
Iker López, Isma, Hugo Sánchez, Pablo Mel e Dani Montes –cinco inicial- Diego
Quintela, Álex Diz, Iván Rumbo, Quique, Dani Quintela, Santi e Marcos Vara.
Árbitros: Dans
Rey e Montero Garrido. Expulsaron a Diego Quintela no Santiago Futsal con doble
cartón amarelo e a Rubi no Cofersa O Parrulo con doble cartón amarelo.
Amonestaron a Hugo Sánchez, Santi e Isma no Santiago Futsal; e a Chicha,
Jacobo, Dani e Cristian no Cofersa O Parrulo FS.
Incidencias:
Partido celebrado no Pavillón Municipal de A Malata (Ferrol) cunha asistencia
aproximada de 300 personas.
Goles: 0-1
min.2 Hugo Sánchez, 0-2 min.8 Dani Montes, 1-2 min.13 Isma, 1-3 min.13 Dani
Montes, 1-4 min.19 Dani Montes, 1-5 min.23 Isma, 2-5 min.30 Jacobo, 2-6 Dani
Montes min.34, 2-7 Dani Montes min.35, 3-7 Jacobo min.37.
O ciclo de concertos "Música no Camiño" é posible grazas ao convenio da Federación Galega de Bandas de Música Populares coa Axencia de Turismo de Galicia para facer visible o traballo e calidade das bandas de música galegas entre os peregrinos que visitan a cidade de Compostela. Este ciclo está composto por 24 concertos de bandas de música populares galegas realizados os domingos dos meses de abril, maio, xuño, setembro, outubro e novembro ás 13.00 na Praza da Inmaculada.
Como é habitual o último fin de semana de agosto en Melide hai unha cita obrigada coas compras na XVI edición do Mercamelide de verán.
A compañía Bambolea, en coprodución con Alas Circo, preséntanos ás irmás Bambalas, cada unha máis presumida ca outra. Será mañá, xoves 27 de agosto, ás 19.30 h na praza da Quintana (en caso de choiva, o espectáculo trasládase ao Teatro Principal). Con esta cita, que será con entrada de balde, chegamos ao fin de Verán na Rúa, festival no que a concellaría de Acción Cultural engloba a súa programación de agosto nos espazos públicos da cidade.
O alcalde de Lalín, Rafael Cuíña, mantivo hoxe unha xuntanza con Alain Michaud, representante do Comité de Irmanamento da localidade francesa de Lalinde. A reunión serviu como toma de contacto entre o Goberno Municipal e a Federación Linden á que pertence Lalín, xunto con outras 5 vilas de distintos países europeos. Neste senso, o rexedor expresou a intención de “mellorar a comunicación e as relacións entre o Concello e as localidades irmanadas -que o anterior goberno tiña abandonadas- co fin de contribuír ao impulso cultural de Lalín”. “O contacto con outros lugares de Europa é moi interesante, pois serve para reactivar o municipio a través de actividades culturais, que antes estaban ligadas exclusivamente ao cocido durante 8 meses ao ano”, explicou Cuíña.
.- O alcalde de Oroso, Manuel Mirás, vén de reunirse con Darío Rivas,
impulsor da querela presentada en Arxentina contra os crimes do franquismo. No
encontro, o alcalde destacou a importancia de recuperar e manter a memoria
histórica “porque un país sen memoria é un país sen alma”. Rivas agradeceu o
apoio de Mirás, aprezou o seu interese pola causa e desexoulle moita sorte na
xestión municipal. 
