Axenda e tempo do xoves 24 de Nadal - Noiteboa

Santiago - Numax

Si estas solo lembra que en Santiago a familia Paluso organiza cada ano a cea de Noiteboa e a comida de Nadal, aqui tes tódolos datos

Outros Concertos + info

Exposicións

Santiago - Galería 30 - Lamujer de agua sigue cantando (ata o 4 de xaneiro)

Santiago - Auditorio de Galicia - Salto de páxina (ata febreiro 2016)


Santiago - Área Empresarial do Tambre - exposición do colectivo Artefacto (ata o 8 de xaneiro)


O Tempo

Brión - Concerto de Nadal da Banda Municipal de Música

O auditorio do centro social polivalente de Brión acollerá este sábado 26 de decembro, ás 19:00 horas, un Concerto de Nadal a cargo da Banda de Música Municipal de Brión. A entrada é libre e de balde. 

Esa mesma tarde, ás 20.30 horas, o teleclube de Ons acollerá a última sesión do ano de teatro afeccionado. Nesta ocasión, Chumpá Teatro, da asociación cultural e xuvenil Escola Artística de Cuntis, representará a obra “Un marido de ida e volta”. Esta peza é unha comedia sobre o “máis alá”, sobre o amor que fai ao marido defunto voltar en forma de pantasma ao lado da súa muller, novamente casada, con todas as situacións extremas que iso orixina.

Numax - Programación do 21 ao 31 de decembro

O dereito ao voto das mulleres na nosa estrea semanal: 'Sufraxistas' Vimos de votar hai apenas uns días. O sufraxio universal, porén, é aínda moi recente na meirande parte das democracias, que até hai ben pouco excluían as mulleres de teren ese dereito. Sufraxistas, o filme de Sarah Gavron que estreamos este venres 25, recolle a historia das pioneiras que, á altura da Primeira Guerra Mundial, radicalizaron a súa loita na procura da igualdade. Carey Mulligan no papel protagonista, canda Helena Bonham Carter e Meryl Streep encabezan o reparto. Últimos pases Continuamos coas proxeccións de La novia, que vimos de estrear este mesmo mércores e despediremos A relixiosa e máis Phantom Boy (que vos lembramos que está proxectada na súa versión orixinal en francés subtitulada ao galego) o vindeiro día de fin de ano, o xoves 31 de decembro.

Sufraxistas (Sarah Gavron, 2015) Sufraxistas conta a historia das sufraxistas inglesas á altura da Primeira Guerra Mundial. Radicalizadas e violentando cadora a súa loita, estaban dispostas a perdelo todo na súa procura incansábel da igualdade: os seus traballos, as súas casas, os seus fillos e as súas vidas. Esta é a historia de Maud (Carey Mulligan), unha destas mulleres, e da súa loita pola dignidade e a das súas compañeiras. Programación Venres 25 de decembro 18:00 A relixiosa 20:00 Sufraxistas Estrea 22:00 La novia (VO) Sábado 26 de decembro 12:00 Phantom Boy (VOSG) 16:00 A relixiosa 18:00 Sufraxistas 20:00 La novia (VO) 22:00 Sufraxistas Domingo 27 de decembro 12:00 Phantom Boy (VOSG) 16:00 Sufraxistas 18:00 A relixiosa 20:00 Sufraxistas 22:00 La novia (VO) Martes 29 de decembro 12:00 Phantom Boy (VOSG) 16:00 A relixiosa 18:00 Sufraxistas 20:00 La novia (VO) 22:00 Sufraxistas Mércores 30 de decembro 12:00 Phantom Boy (VOSG) 16:00 Sufraxistas 18:00 A relixiosa 20:00 Sufraxistas 22:00 La novia (VO) Xoves 31 de decembro 12:00 Phantom Boy (VOSG) Último pase 16:00 A relixiosa Último pase 18:00 Sufraxistas 20:00 La novia (VO)

Santiago - Obras de mellora no Convento de Santa Clara

O Consorcio de Santiago acaba de adxudicar a intervención na igrexa do convento de Santa Clara á empresa Augasmestas Inversións do Rural, S.L. Co fin de eliminar as humidades que afectan ao templo, actuarase nas revocaduras, nas cubertas e no patio de acceso á igrexa. O importe global das obras, cun prazo de execución estimado de seis meses, ascende aos 108.334,18 euros.

A arquitecta da Oficina Técnica do Consorcio responsable deste proxecto é Idoia Camiruaga. Explica que o obxecto da obra é a eliminación das humidades da nave e do transepto sur da igrexa. Recentemente o Consorcio actuou na tarima do templo, colocada en torno aos anos 10 ou 20 do século XX. “Neste proceso viuse que a pedra secada e limpa para colocar a nova tarima cubríase, coas primeiras choivas, dun fino manto de mofo nas partes máis expostas á entrada da auga, sobre todo no transepto sur” -sinala-.

Aplicaranse novas revocaduras e revisarase o tellado

“As revocaduras que se aplicaron en obras anteriores están moi fisuradas, desprendidas do soporte e non son garantía nin protección dos muros” -indica Camiruaga-. Polas fisuras e gretas entra moita auga de escorrentía, que ten máis problemas en saír, polo que se vai acumulando nas partes baixas do muro sur da nave e do transepto sur. Así, eliminaranse todas as revocaduras exteriores e trataranse cun biocida os paramentos externos dos muros para eliminar os mofos e fungos. Aplicaranse novas revocaduras e, finalmente, pintaranse os muros.

Por outro lado, a arquitecta sinala que o tellado necesita unha revisión, así como os canlóns e baixantes, pois deixan saír moita da auga de choiva que recollen, de xeito que se empapa aínda máis o terreo e empeora o problema da humidade interior.

Intervención no xardín de acceso á igrexa e no patio pechado

O xardín de acceso á igrexa ten unha pendente que dirixe a auga da choiva contra o templo, que non posúe ningunha canle de recollida das augas, polo que as absorbe cara ao interior das fábricas. Ante esta situación, remodelarase o recheo do xardín, ao tempo que se trazará unha rede de recollida das augas pluviais para conducilas lonxe dos muros. 

Por outro lado, entre os muros do presbiterio e do transepto sur hai un pequeno patio pechado sen acceso posible, co que non ten posibilidade de mantemento salvo mediante o uso de estadas ou grandes escaleiras. Este espazo non conta cunha saída da auga da choiva, que vai cara ás fábricas, de maneira que se intervirá para reconducir as pluviais. 

Ademais, prevese modificar as fiestras da nave para aumentar a ventilación da igrexa sen causar falta de confort aos usuarios. 

A importancia de manter os bens da igrexa lonxe da humidade

“A durabilidade da nova tarima e a conservación dos bens de calidade que posúe a igrexa son incompatibles coa entrada de auga e a alta humidade relativa do interior” -manifesta a arquitecta do Consorcio-. Entre estes bens destacan os retablos, que sofren coa humidade porque son máis proclives aos ataques dos xilófagos. Tamén, no coro alto, que está separado da igrexa por unha simple reixa, hai un órgano barroco de excelente son que se ve afectado pola humidade. 

Ames - Informe da policía local entre setembro e decembro

A seguridade viaria segue a ser unha prioridade para a Policía Local de Ames. Deste xeito, o corpo de seguridade amesá durante os meses de setembro, outubro, novembro e comezos de decembro imputou nove delitos contra a seguridade viaria por dar positivo nos controis de alcol, negarse a someterse a proba de control de alcol, condución temeraria, conducir sen permiso de conducir ou coa perda total de puntos asignados. Tamén interviron en tres casos de furtos e noutros casos de ameazas a axentes da autoridade, violencia no ámbito familiar e quebrantamento dunha orde de inmobilización dun vehículo. 

Dentro do traballo de vixilancia e control que realizan os axentes da Policía Local de Ames, durante o mes de setembro recibiuse unha chamada informando que un condutor tivera un accidente de tráfico ao chocar contra outros vehículos que estaban correctamente estacionados. Unha vez no lugar dos feitos os axentes observaron que o devandito condutor mostraba síntomas evidentes de atoparse baixo a influencia de bebidas alcohólicas, polo que se lle realizou o control de alcol dando un resultado positivo. Debido a iso imputóuselle un delito contra a seguridade viaria. 

Tamén en setembro se imputaron dous delitos máis contra a seguridade viaria. Un deles a unha persoa que se negou a someterse ás probas de detención de alcol. O segundo caso sucedeu nas inmediacións dun centro escolar cando os axentes da Policía Local detectaron a unha persoa que conducía un vehículo sen o correspondente permiso de circulación xa que non dispoñía deste documento. Ademais, levaba a un menor no vehículo sen os dispositivos de retención homologados para a súa talla e peso. 

No momento no que os axentes lle indican a esta persoa que ía a ser imputado por un delito contra a seguridade viaria o condutor volveu a entrar no seu vehículo e arrancou bruscamente. Os axentes que estaban diante do vehículo tiveron que realizar unha manobra evasiva para evitar ser atropelados. De seguido, o vehículo incorporouse á vía cruzando unha isleta e non cedendo o paso aos demais coches que circulaban correctamente. Por todo iso, imputóuselle un delito contra a seguridade viaria (condución temeraria e sen permiso de conducir), así como un delito de atentado contra os axentes da autoridade. 

Ademais, no mes de setembro procedeuse á identificación do presunto autor dun furto de mercadoría nun establecemento público, despois que os axentes atopasen varios produtos de dito establecemento no interior do seu vehículo. Asemade procedeuse á detección dunha persoa por un presunto delito de atentado e ameazas aos axentes da autoridade; e detívose a outra persoa por un presunto delito de violencia no ámbito familiar no que o presunto agresor agrediu a seu pai e a súa irmá nunha disputa.

O alcalde, José Miñones, que é o responsable de seguridade, afirma que “o Concello de Ames ten máis que amosado que é un municipio seguro cunha presenza policial os 365 días do ano e as 24 horas do día, na procura de conseguir unha vixilancia continua”. O rexedor municipal agradece o traballo do departamento da Policía Local e a coordinación existente coa Garda Civil do Milladoiro. 

Actuacións en agosto e novembro

En outubro, os axentes da Policía Local interviron en dous casos de furto. No primeiro recuperaron un can de raza beagle que lle fora roubado ao seu propietario, motivo polo cal xa presentara unha denuncia. No segundo caso procedeuse a identificar a unha persoa que foi denunciada por un presunto roubo de varios obxectos nun establecemento público de Bertamiráns. 

No mes de novembro a Policía Local de Ames procedeu a imputar dous delitos contra a seguridade viaria. Un destes delitos foi porque unha persoa deu positivo no control de alcol e outra negouse a someterse a dita proba cando presentaba síntomas evidentes de estar baixo a influencia de bebidas alcohólicas.

Actuacións no mes de decembro

Por último, ata o día 10 de decembro os axentes da Policía Local imputaron catro delitos contra a seguridade viaria. Dous destes delitos fóronlle imputados a dous condutores que circulaban baixo a influencia de bebidas alcohólicas e deron positivo no control de alcol. A un destes condutores tamén se lle imputou un delito de quebrantamento dunha orde de inmobilización do seu vehículo. Outro delito imputóuselle a unha persoa que conducía o seu vehículo coa perda total dos puntos asignados no seu permiso de circulación. 

Ademais, a Policía Local detivo a unha persoa por un presunto delito de falsidade documental e un delito contra a seguridade viaria por carecer de permiso de condución. Esta persoa intentou enganar aos axentes mostrándolles un permiso de condución expedido en Portugal que non era orixinal, pero detectouse que nunca obtivera o devandito permiso de conducir.

Silleda - O Concello asina unha operación de tesoureira para abonar a débeda principal con Indeza

O alcalde de Silleda e responsable de Facenda, Manuel Cuiña, asinou hoxe con representantes de BBVA a operación de tesoureira que se vén renovando nos últimos anos para facer frente á débeda principal do Concello de Silleda coa empresa Indeza, por valor de 500.000 euros.

Cuiña explica que esta operación, que saiu a concurso público entre as entidades bancarias, se ven renovando cada ano coa amortización de 5.000 euros ao mes máis intereses. A operación contratouse no seu día cun tipo de interese mínimo, por debaixo do medio punto, “en condicións o máis favorables posible para as arcas municipais”, engade.

En total, dende o Concello de Silleda véñense abonando 60.000 euros ao ano con esta operación de tesourería.

Acordo de 2008 que non se cumpliu

A día de hoxe quedan aínda por pagar da operación de tesuorería algo máis de 300.000 euros da débeda principal. En agosto de 2008, un ano despois da chegada dos socialistas ao goberno municipal de Silleda logrouse asinar un acordo coa empresa, -que entonces era o principal acreedor do Concello-, para ir abonando a débeda. Daquela a débeda total con Indeza, un dos lastres que arrastraba o Concello de Silleda dende os anos 90, -recoñecida por sentencias xudiciais- superaba os 850.000 euros.

“Grazas a ese acordo que asinamos no ano 2008, conseguimos negociar coa empresa e a débeda quedou en 790.000 euros”, recorda Cuiña explicando tamén que en dito acordo se incluía a compensación de taxas polo vertedoiro de escombros de Campomarzo. 

O goberno socialista acudiu entón a unha operación co Banco de Crédito Local para abonar o primeiro prazo acordado, por importe de 454.091 euros, que correspondía ás obras da avenida do Parque de Silleda, que estaban sen pagar.

“Pero lamentablemente, os gobernantes que entraron neste Concello coa moción de censura esquecéronse dese acordo e nin pagaron as cuotas acordadas nin reclamaron as taxas do vertedoiro, co que o esforzo que fixemos no seu día quedou en nada”, explica o rexedor.

“Esa gravísima irresponsabilidade desembocou nunha nova demanda xudicial, pola que agora o Concello terá que facer fronte a outros 560.000 euros correspondentes a intereses de demora”, engade o alcalde.

A empresa acudiu de novo aos tribunais ante o incumplimento do acordo, “nun novo caso no que ao igual que outros que vivimos neste Concello os intereses superan incluso as débedas principais por culpa da deixadez e a irresponsabilidade manifesta dalgúns gobernantes”, engade.

Cuiña afirma que “é triste ter que estar remontándose aos tempos da moción de censura” pero advirte “que os veciños e veciñas de Silleda aínda temos que estar pagando a día de hoxe as neglixencias que se cometeron, coma o abono desta débeda que a día de hoxe debía de estar xa liquidada”, engade.

300.000 euros pendentes

Por medio da operación de tesourería que se renovou hoxe financiaranse os algo máis de 300.000 euros pendentes da débeda principal. Cuiña explica que nos primeiros anos “só se puido facer fronte ao pago de intereses porque non había liquidez suficiente”. Agora, con esta operación a débeda que quedou pendente do 2008 irase executando con eses abonos de 5.000 euros mensuais “e un tipo de interese vantaxoso”.

Aínda así, lamenta que a nova sentenza “volve supoñer un grave retroceso no caso Indeza, o único que nos queda por pechar da triste herdanza de fallos xudiciais por impago que fomos resolvendo nos últimos anos”, engade.

Santiago - O tenor Zapata pecha o luns o Ciclo Todo Lírica

O ciclo Todo Lírica, organizado pola concellaría de Acción Cultural e a Asociación Galega de Lírica Teresa Berganza, ofrece na súa 15ª edición tres concertos. Pechamos esta XV edición o luns 28 de decembro da man do tenor Zapata, Claudio Constantini ao piano e bandoneón, e Juan Francisco Padilla na guitarra que nos ofrecerán un programa de tangos en ‘Gardel mediterráneo’, homenaxe a Carlos Gardel no 80º aniversario do seu pasamento. O prezo das entradas é de 8 euros por concerto e un abono para os tres por 16 euros e poden mercarse en Abanca (web e teléfono) ou no despacho de billetes do Teatro Principal.

Antes deste concerto tivemos o domingo 20 de decembro á soprano Carmen Solís acompañada do pianista Rubén Fernández Aguirre cun programa de cancións de berce e Verdi; e o mércores 23 de decembro, ás sopranos Belén López León e Ruth González e o barítono Elías Benito Arranz acompañados ao piano por Rubén Fernández Aguirre e con Quico Cadaval como narrador presentando ‘Unha educación incompleta’, opereta de Chabrier para tres cantantes e piano. Todos os concertos son no Teatro Principal ás 20.30h. 

ZAPATA tenor

CLAUDIO CONSTANTINI piano / bandoneón

JUAN FRANCISCO PADILLA guitarra

ZAPATA tenor

José Manuel Zapata converteuse, dende o seu debut hai 12 anos, nun dos tenores máis importantes da súa xeración. Tras a súa primeira actuación na Ópera de Oviedo en 2002, conseguiu debutar nun curto espazo de tempo, como protagonista, nalgúns dos teatros de ópera máis senlleiros do mundo (Teatro Real de Madrid, Teatro Liceo de Barcelona, Rossini Opera Festival, Deutsche Oper de Berlin, Teatro Chatêlet de Paris, Semperoper de Dresde, Teatro Massimo de Palermo, Theater an der Wien de Viena, Deutsche Oper Rhein, Palais de Beaux Arts de Bruxelas, etc.). O seu debut no Metropolitan Opera House de Nova Iorque, protagonizando O barbeiro de Sevilla, e a súa actuación nunha nova produción de Armida de Rossini, no mesmo coliseo, convertéronse no punto álxido da súa carreira recinte. Foi dirixido por algunhas das batutas máis prestixiosas do mundo: Alberto Zedda, Jesús López Cobos, Riccardo Frizza, Cristophe Rousset, Jean-Cristophe Spinosi, Sir Andrew Davis, Frederic Chaslin, Josep Pons, Sebastian Weigle, Claudio Scimone, Antonio Florio, Fabio Biondi, Julian Reynolds, Vladimir Jurowski, Victor Pablo Pérez, etc. No eido do concerto, cantou en salas tan importantes como o Carnegie Hall de Nova Iorque, o Rossini Opera Festival, o Auditorio Nacional de la Música ou o Teatro de la Maestranza, acompañado sempre polo mestre Rubén Fernández Aguirre. Foi galardoado cos dous premios máis importantes aos que pode optar un cantante lírico en España: Premio Ópera Actual e Premio Teatro Campoamor 2005 ao cantante revelación. Entre os seus últimos proxectos atopanse Los Divinos, un espectáculo de produción propia xunto ao violinista Ara Malikian que se estreou no Teatro Español de Madrid, e unha nova obra de Albert Boadella estreada nos Teatros del Canal de Madrid. No pido discográfico participou como protagonista en importantes producións: La Cenerentola (Naxos), La pietra di paragone (DVD, Naive), Il Califo de Bagdad (Archiv / Deustche Gramophone), Tango mano a mano (Sony), etc. En 2013 presentou o seu último disco como solista (Operazza), onde se fusionan, en clave de jazz, pezas do repertorio clásico con outras dos anos 50-60. Durante o 2015 cómpre salientar as súas actuacións no Theater an der Wien de Viena e en el Teatro Real, obtendo éxito unánime de público e crítica, interpretando o papel de La Bruja na ópera Hänsel und Gretel de Humperdinck.

CLAUDIO CONSTANTINI piano / bandoneón 

Pianista, bandoneonista e compositor nado en Lima, Claudio Constantini mantén unha multifacética carreira musical internacional con recitais e concertos de diversa índole e natureza estética. Actúa nos máis importantes teatros europeos: Teatro Real de Madrid, L´Auditori de Barcelona, Palau de Valencia, Sala Mozart de Zaragoza, Concertgebouw Amsterdam, De Doelen Rotterdam, Auditorio de Tampere Finlandia, Filharmónica de San Petersburgo, Teatro Mainichi de Osaka (Xapón), Michaelskerk Leipzig, Teatro Sao Carlos de Lisboa, Ópera de Budapest, entre outros. As súas actuacións foron retransmitidas por importantes canais de televisión, salientando a gravación en vivo que realizou a televisión nacional de Lituania da súa actuación no Festival de Piano de Vilnius interpretando as 5 Tango Sensations de Astor Piazzolla e o Concerto núm. 4 de Beethoven xunto á Orquestra Cristoforo Kamerinis e tocando ambos instrumentos, o bandoneón e o piano, na mesma noite. Tamén salienta a gravación que fixo a Radio e Televisión Nacional Portuguesa da estrea do Concerto para bandoneón e orquestra de Daniel Schvetz xunto coa Orquestra Metropolitana de Lisboa. A estas dúas importantes gravacións súmanse dúas aparicións televisivas en distintos países europeos, Rusia, Xapón e Perú. O seu primeiro disco solista de piano é o primeiro volume da obra integral para piano de Debussy do selo IBS Classical. Dende 2012 é organizador e profesor asistente do prestixioso curso internacional Primavera Pianística, ademais de organizar o concurso internacional de piano do mesmo nome. Tamén coordina os cursos maxistrais de piano de París levados a cabo no centro de artistas Yamaha. En ambos cursos traballa de asistente do pianista e pedagogo Aquiles Delle Vigne quen fóra o seu profesor. Suite Latinoamericana, o seu primeiro disco como compositor foi publicado en 2014 polo selo Silvox (Holanda). Como bandoneonista, explora música de diferentes orixes, aínda que enfocándose en tres xéneros principais: o tango, a música clásica e o jazz. No eido do tango arxentino colaborou con algúns dos músicos actuais de maior relevancia, ao tempo que no xénero clásico se lle pode escoitar interpretando como solista o con conxuntos de cámara un repertorio que vai dende o barroco temperá ata a música actual. A súa última incursión musical foi no jazz e xa ten actuado nalgúns dos escenarios españois e europeos máis importantes: Jamboree (Barcelona), Bimhuis (Amsterdam), Blue Note (Milán), Auditorio Nacional de Andorra, etc. Lidera o seu propio grupo de fusión de tango e jazz, o Constantini Tangojazz Ensemble. Foi invitado a impartir clases maxistrais en institucións como o conservatorio Pietro Mascagni (Italia), Academia Sibelius e Conservatorio de Kuopio (Finlandia), Conservatorio Superior de Aragón, Conservatorio Nacional de Música (Perú), Instituto Cedam (Madrid), etc. Foi galardoado cos primeiros premios en concursos internacionais como o Concurso Astor Piazzolla (Milán) e o Concurso Internacional Litmann (Nova Iorque). En 2008 o goberno holandés outorgoulle o premio HSP Huygens á excelencia en estudos artísticos.

JUAN FRANCISCO PADILLA guitarra

Nado en Almería en 1975, foi distinguido en 2004 coa Insignia de Ouro á personalidade artística máis salientable do ano pola Junta de Andalucía. Considerado dende moi curta idade neno prodixio do seu instrumento, na actualidade é un dos guitarristas máis importantes da súa xeración. Ofreceu numerosos recitais en España, Italia, Portugal, Francia, Eslovenia, Alemaña, México, Inglaterra, Brasil, Ucrania, Estados Unidos, etc. Gañador de multitude de premios en concursos internacionais, ten realizado unha gira xunto a Cecilia Bartoli e Il Giardino Armonico, artistas cos que gravou para o selo Decca Sacrificium, disco gañador dun Premio Grammy 2011. Tamén gravou para Warner (Catro estacións de Vivaldi), Radio Nacional de España, Radio Clásica e para o selo da Junta de Andalucia (Suite Jerez de Germán Beigbeder xunto á Orquesta Ciudad de Córdoba). En 2011 lanzou ao mercado ARVUM, o seu primeiro disco de guitarra soa. Actuou como solista coa Joven Orquesta Nacional de España, Orquesta Joven de Andalucía, Orquestra Filharmónica de Kiev, Real Orquesta Sinfónica de Sevilla, Orquesta Filarmónica de Málaga, Orquesta Ciudad de Granada, Orquesta de Córdoba, Orquesta de Cádiz, Orquesta Ciudad de Almería, Orquesta de Santo Tirso e Camerata Vivaldi, entre outras, baixo a dirección de Giovanni Antonini, Leo Brower, Edmon Colomer, Yaron Traub, George Pehlivanian, Juan Luis Pérez, Gloria Isabel Ramos, Barry Sargent e Michael Thomas. Nos últimos anos foi invitado regularmente a diversos festivais internacionais e tempadas de concertos, actuando en salas como o Teatro Real (Madrid), Palau de la Música (Barcelona), Barbican (Londres), Teatro dos Campos Elíseos (París), Palau de Les Arts Reina Sofía (Valencia), Filarmónica de Kiev (Ucrania), Auditorio Maestro Padilla e Festival Internacional Julián Arcas (Almería), Teatro Maestranza (Sevilla), Gran Teatro (Córdoba), Centro Cultural Manuel de Falla (Granada), Teatro Manuel de Falla (Cádiz), Sala Carlos Chávez (Ciudad de México), Sala dos Mestres Cantores (Nuremberg), Stadtmuseum Fürth (Alemaña), Academia de Interpretación Guitarrística Francisco Tárrega (Pordenone, Italia). Ten colaborado en proxectos de música de cámara con músicos da categoría de Eliot Fisk (guitarra), Ivan Rijos (guitarra), Ara Malikian (violín), Mary Carmen Reverte (flauta), Laura Moyano (soprano), The soloist of London, Taima Granada, grupo de cámara da Orquesta Sinfónica de Madrid, grupo de música antiga de instrumentos orixinais Intavolatura (do que fi fundador, director e laudista), etc. Foi galardoado co Premio á Difusión polo Instituto Andaluz de la Juventud. Implicado dende neno na evolución cultural da sociedade almeriense, a súa inquietude o levou a desenvolver actividades paralelas como xestor cultural, sendo o impulsor e creador de diferentes proxectos que acadaron altas cotas de prestixio, como o Certamen Internacional de Guitarra Clásica Julián Arcas do que é director artístico hai once anos, e organizador de concursos, concertos, exposicións e conferencias, impulsor da tradución e publicación de libros de referencia mundial no sector da organoloxía, etc. É creador e director do primeiro portal de internet sobre o xenio almeriense Antonio de Torres, considerado o construtor de guitarras máis importante da historia, e realizou ademais o proxecto museolóxico do Museo da Guitarra Española Antonio de Torres (Almería). No eido da construción de guitarras, investigou e evolucionou o instrumento xunto a construtores que se converteron posteriormente en figuras relevantes neste campo grazas á súa hachea en torno ao coñecemento acústico e estrutural da guitarra de concerto. Actualmente mantén a súa actividade como concertista solista, realiza arranxos musicais, composición de bandas sonoras e novos proxectos como o innovador From Bach to RadioHead no que mistura música que vai dende o barroco ata a música rock.

PROGRAMA

Gardel mediterráneo

homenaxe a Carlos Gardel no 80º aniversario do seu pasamento

Funiculì funiculà (Luigi Denza, 1846-1922)

Mano a mano (Carlos Gardel, 1890-1935 / José Razzano, 1887-1960)

Melodia de arrabal (Carlos Gardel, 1890-1935)

Torna a Surriento (Ernesto de Curtis, 1875-1937)

Oblivion (Astor Piazzolla, 1921-1992)

Cambalache (Enrique Santos Discépolo, 1901-1951)

Non ti scordar di me (Ernesto de Curtis)

Cuesta abajo (Carlos Gardel)

La Danza (Tarantella napolitana) (Gioacchino Rossini, 1792-1868)

Historia del tango (Astor Piazzolla)

Tomo y obligo (Carlos Gardel)

Santa Lucia (Teodoro Cottrau, 1827-1879)

Nostalgias (Juan Carlos Cobián, 1896-1953)

(instrumental)

Garganta con arena (Cacho Castaña, n. 1942)

O sole mio (Edoardo di Capua, 1865-1917)

USC - O Premio Aresa de Desenvolvemento Rural distingue ao grupo empresarial Agroamb

O xurado do XV Premio Aresa de Desenvolvemento Rural, un certame promovido de xeito continuado desde o ano 2000 polo grupo empresarial de subministros agrogandeiros Aresa en colaboración coa USC, acordou distinguir na décima sexta edición deste galardón, dotado con 10.000 euros, o grupo empresarial galego Agroamb, con sede no concello de Castro de Rei.

A candidatura gañadora resultou escollida entre un total de nove finalistas, logo de que os integrantes do xurado, presidido polo reitor da USC, Juan Viaño, examinaran a documentación recibida e tralas oportunas deliberacións ao respecto. O presidente do grupo empresarial Aresa, Álvaro Rodríguez Eiras, o catedrático de Saúde Pública Veterinaria do Royal College Veterinary of London, Javier Guitián Martínez; o xerente de Alibós Galicia e conselleiro da Confederación de Empresarios de Lugo (CEL), Jesús Quintá García,e o vicerreitor de Coordinación do campus de Lugo, Javier Bueno Lema, tamén formaron parte do tribunal encargado de xulgar as candidaturas presentadas ao XVI Premio Aresa de Desenvolvemento Rural, cuxa cerimonia de entrega do galardón se desenvolverá o vindeiro 22 de xaneiro de 2016 na Facultade de Veterinaria de Lugo.

A concesión do XVI Premio Aresa de Desenvolvemento Rural ao grupo empresarial galego Agroamb, do que é administrador único Severiano Ónega Ares, pretende recoñecer a capacidade innovadora do primeiro xestor en Galicia autorizado pola Administración para o uso de residuos orgánicos en agricultura, que logo se ten convertido na empresa líder desta actividade. 

O xurado tamén valorou da candidatura presentada polo grupo Agroamb a súa capacidade para a creación de postos de traballo, con 38 empregos directos e 150 indirectos, así como a diversificación da súa actividade coa creación de novas iniciativas empresariais a carón da explotación en común da terra, da prestación de servizos agrícolas e tamén da loxística con contedores.

A especial contribución desta empresa de ámbito galego, pero con sede no localidade de Ponte de Outeiro, en Castro de Rei, á creación de riqueza nos ámbitos agrícola e gandeiro, procesando e reciclando máis de 250.000 toneladas de residuos ao ano, constitúe outro dos activos de Agroamb destacados polo xurado do XVI Premio Aresa, que tamén fai fincapé no feito na capacidade amosada por esta empresa para agrupar 150 explotacións agrogandeiras e forestais e traballar en común 600 hectáreas de cultivos.

Na decisión unánime do xurado tamén se tivo en conta que Agroamb ten comezada xa a súa fase de internacionalización coa implantación dunha oficina comercial en Paraguay, así como a súa inversión en investigación e a colaboración permanente coas tres universidades galegas. O labor desenvolvido nestes anos por Agroamb coincide plenamente co obxectivo do Premio Aresa, xa que esta empresa ten contribuído e segue a impulsar a mellora da economía rural da Terra Chá e da provincia de Lugo, sinalou o reitor da USC. O presidente de Aresa, Álvaro Rodríguez Eiras, sinalou tamén neste senso, que a concesión deste galardón recoñece, ademais da traxectoria deste grupo empresarial, as súas expectativas de futuro.

Premiados nas edicións anteriores

Na traxectoria do Premio Aresa de Desenvolvemento Rural, un galardón creado no ano 2000 e que acadou un recoñecido prestixio no sector, figuran premiados como o profesor da USC Javier Guitián (en 2001), a Aula de Produtos Lácteos (2002) ou a Facultade de Veterinaria (2008). Fóra do ámbito universitario, outros gañadores foron a IXP Ternera Gallega (2004), o programa de TVG ‘O Agro-labranza’ (2005), a D.O. Ribeira Sacra (2006), a Asociación de Criadores de Rubia Galega - Acruga (2010) e a Sociedade Agraria de Transformación ‘Montes de Trabada’ (2011). 

Recibiron tamén este galardón o director xeral de Agricultura da Comisión Europea, o lucense Xosé Manuel Rodríguez Silva (2003); os impulsores da queixería Casa Macán (2007); e empresas como a industria cárnica Nova Novafrigsa (2000), Ingapán (2009), Champivil (2012), Alibós Galicia, que foi a gañadora da edición de 2013, e a Denominación de Orixe Protexida San Simón da Costa, que recibiu este galardón na súa edición de 2014

Lalín - Moción do grupo de goberno para reclamar a rebaixa da peaxe da ap-53 entre Santiago e Lalín

A autoestrada AP-53 é, dende a súa posta en servizo, un dos principais eixos de comunicación viaria entre Santiago e Lalín e, por extensión, do centro de Galicia. Malia todo, a súa potencialidade como elemento de vertebración territorial e dinamización social e económica está claramente limitado por unha das peaxes máis caras de todo o Estado español, que ademais experimentou un incremento constante nos últimos anos.

A elevada cantidade que teñen que pagar os usuarios da AP-53 -case seis euros por un traxecto de pouco máis de 40 quilómetros- explica unha densidade de vehículos moito máis baixa que a media nacional. En concreto, segundo os datos do pasado mes de outubro, foron 6.050 coches os que transitaron a diario por esta vía de comunicación, unha cifra que segue a estar a moita distancia da media nacional e que impide que a AP-53 sexa un referente para a reactivación económica dos concellos polos que pasa. 

Noutro eido, o prezo prohibitivo da peaxe afecta de forma moi directa á mobilidade de tres municipios -o de Lalín, o de Silleda e o de Compostela- que están chamados a colaborar de maneira moi estreita debido á súa proximidade xeográfica e que, entre outras cousas, comparten área sanitaria. Xa que logo, o benestar das veciñas e veciños destes concellos tamén depende dunha infraestrutura que moitos se ven obrigados a utilizar para, por exemplo, acudir a unha simple consulta médica.

Por todo o exposto -e vista a pasividade evidente da Xunta de Galicia e do Ministerio de Fomento- os Gobernos municipais de Lalín, Silleda e Compostela deciden liderar de maneira conxunta esta reivindicación da rebaixa da peaxe da AP-53 e presentar, en cadanseu Concello, esta moción na que se propón a adopción dos seguintes acordos:

Solicitude de acordos 

1.- Esixirlle ao Goberno da Xunta de Galicia que, dentro do seu ámbito competencial, asuma de maneira clara e firme o compromiso de realizar todas as xestións necesarias para propiciar con carácter urxente a rebaixa da inasumible peaxe da AP-53.

2.- Esixirlle ao Ministerio de Fomento a que, dentro do seu ámbito competencial, asuma de maneira clara e firme o compromiso de realizar todas as xestións necesarias para propiciar con carácter urxente a rebaixa da inasumible peaxe da AP-53.

3.- Remitir este acordo ao resto de Concellos polos que discorre a AP-53, así como a institucións, partidos políticos e axentes sociais de ámbito galego e estatal para que se sumen a esta reivindicación e, dentro dos seus ámbitos competenciais e das súas funcións propias, se impliquen de maneira activa na procura de solucións.

Ames - Proposta de colaboración a Teo, Brión e Negreiro sobre terapia con animáis

As concelleiras de Medio Ambiente e Desenvolvemento Sostible, Catuxa García, e de Sanidade, Servizos Sociais e Igualdade, Luísa Feijóo, veñen de manter unha xuntanza esta semana con concelleiros/as de Teo, Brión e Negreira, para estudar, xunto coa Asociación "Só lles falta falar", a posibilidade de poñer en marcha unha serie de obradoiros e aulas en torno a adopción e coidado dos cans nos fogares, así como a súa integración na sociedade. Para iso preténdese desenvolver un traballo conxunto para desenvolver un programa de convivencia e terapia asistida. 

A concelleira de Medio Ambiente, Catuxa García, e a concelleira de Servizos Sociais, Luísa Feijóo, reuníronse esta semana cos concelleiros Ignacio Iglesias, do municipio de Teo, Yolanza Bouzas, concelleira de Brión, e María del Mar García, concelleira de Negreira, para achegarlles estas propostas e ofrecerlles a posibilidade de sumarse a esta iniciativa e de aproveitar as sinerxías existentes. Nesta xuntanza tamén participaron membros da asociación "Só lles falta falar".

Dende a concellaría de Servizos Sociais e Igualdade estase estudando a posibilidade de organizar obradoiros divididos en bloques: un no que se presenten os "cans de familia" como unha alternativa de compaña e coidado para aquelas persoas que viven soas e noutro no que se trate o papel dos "cans terapéuticos na sociedade". O goberno municipal quere así mesmo levar a cabo programas de inclusión ou obradoiros de terapia cognitiva con cans.

Por outra banda, dende a concellería de Medio Ambiente estase estudando a creación de diversas liñas de actuación para fomentar entre os amesáns e amesás a tenza responsable de cans e a súa integración na sociedade, buscando a óptima socialización dos "cans de familia" nos espazos públicos. 

A educación de nenos e nenas nas escolas sería unha parte importante no eido do programa correspondente ao departamento de Medio Ambiente, buscando sobre todo que os máis pequenos aprendan a achegarse aos animais recoñecendo as sinais de perigo real daquelas que non o son, ou concienciando aos adolescentes propietarios de cans potencialmente perigosos da importancia do adestramento e da correcta educación dese tipo de animais.

A concelleira de Medio Ambiente e Desenvolvemento Sostible, Catuxa García, explica que “a educación en positivo é esencial para poder inculcar un novo modelo de convivencia coas mascotas. Polo que a través de diferentes obradoiros divulgativos e participativos apostaremos pola correcta socialización e integración dos cans de familia na sociedade e nos espazos públicos”.

Santiago Futsal - Torneo de Nadal "Todo é deporte"

A sección feminina Santiago Futsal, Santiago Futsal A Gaiola, organiza este sábado a 7ª edición do Torneo de Nadal ‘Todo é Deporte’. Por sétimo ano consecutivo, o torneo de Nadal da sección feminina do club realízase co obxectivo de fomentar a igualdade de xénero e a non violencia no deporte, transmitindo eses dous valores sociais por medio do deporte.

O Torneo celebrarase o sábado 26 de Decembro a partir das 17.30h no pavillón de Santa Isabel. Participarán as xogadoras dos equipos femininos do Santiago Futsal A Gaiola e, como cada ano, moitos rostros coñecidos do panorama galego, tanto actores e actrices como deportistas de nivel internacional, así como xornalistas e cantantes.

Ademais haberá sorteos, agasallos para os asistentes, actuacións musicais, exhibicións, zona especial de xogo para nenos e un partido mixto entre invitados e as xogadoras do Santiago Futsal A Gaiola. Tamén haberá un servizo de catering ao finalizar o Torneo do que poderán gozar todos os asistentes.

O Torneo de Nadal ‘Todo é Deporte’ preséntase como unha gran cita na que gozar do fútbol sala en familia na tarde do sábado.

PP Santiago - Falta de transparencia no goberno municipal

O Grupo Municipal do Partido Popular acusa ao goberno local de Compostela Aberta de incumprir a Lei de Transparencia, que entrou en vigor o pasado 11 de decembro e que obriga a todos os concellos a publicar datos da súa xestión, tanto nos aspectos xurídicos coma nos económicos. Neste senso, insta ao executivo de Martiño Noriega a que faga público a relación de todos os contratos menores que deixaron de colgarse na páxina web desde que Compostela Aberta entrou no goberno. 

Tal e como explican os populares, a Lei de Transparencia non ten outro obxectivo que o de facilitar o acceso á información para que todos os cidadáns poidan fiscalizar a acción de goberno, “algo que está a incumprir de forma reiterada este concello”. “Ademais de ser un goberno inactivo e sen proxecto de cidade –continúan-, estamos ante un goberno que practica a opacidade”, subliñan. 

O grupo popular lamenta que a falta de transparencia forme parte xa do carácter deste goberno que, dende que tomou posesión, deixou de publicar de xeito inmediato datos de xestión na páxina web do concello. Neste senso, informan de que se ocultou todo o relativo á contratación de asistencias técnicas e ao prazo de pago a provedores, dous aspectos que a Lei de Transparencia obriga a facer públicos. “Máis que Compostela Aberta, este é o goberno da Compostela pechada”, critica o grupo popular que recordou a práctica recorrente do alcalde pola dedocracia, xa que nos últimos dous meses, leva contratado máis de 70.000 euros en contratos menores, algo que afecta directamente aos petos dos cidadáns, xa que se prescinde dos traballadores municipais e se contrata a empresas externas. 

Os populares lembran que, no pleno de setembro, o grupo popular presentaba unha iniciativa instando ao goberno local a que publicase a relación de contratos menores dende a súa entrada ao concello, momento no que se deixaran de facer públicos. “Pasaron máis de tres meses e a situación é a mesma, algo que non é de estrañar se temos en conta o elevado número de asistencias técnicas que se levan contratadas para tarefas que poderían desenvolver sen problema polos traballadores municipais”, destacan.

A isto hai que engadir tamén o “absoluto desprezo” do Goberno local no tocante ao recollido na Lei de Transparencia que ordena publicar a relación de memorias e informes dos textos normativos, os convenios firmados, as subvencións e axudas públicas concedidas ou as retribucións dos altos cargos.

Pago a provedores

O grupo popular subliña que o Goberno local continúa incumprindo coas súas obrigas cos provedores, xa que un mes máis, dende a súa chegada a Raxoi, segue incrementando o período medio de pago. Neste senso, denuncia que o período medio de pago relativo ao mes de outubro –último dato publicado polo Goberno estatal- incrementouse, con respecto ao mes anterior, máis dun 17%, ao situarse nos 40 días. Se temos en conta o mes de xuño, o incremento foi do 145%. Esta “evolución negativa” pon de manifesto a incapacidade do actual equipo de goberno por asumir as súas responsabilidades e xestionar con rigor a facenda municipal. Esta situación dista moito da que había no mandato do Partido Popular cando, grazas á boa xestión, logrouse rebaixar o período medio de pago de máis de 100 días que había en 2011 ao 16,34 días do pasado mes de xuño. Os populares tamén critican a falta de transparencia neste aspecto, xa que este dato tiña que publicarse mensualmente, tal e como dita a lei.

Axenda e tempo do mércores 23 de Nadal - Música, obradoiros, títeres, exposicións

Santiago - Numax

Santiago - Teatro Principal - Unha educación incompleta

Santiago - Compostela Gastronómica

Santiago - Casa das Crechas - Uxía + Joao Gentil 

Lalín - Obradoiro de instrumentos vexetáis

Santiago - Ánxel Casal - Títeres Cachirulo - "A historia do Apalpador"

Santiago - O camiño das burbullas

Outros Concertos + info

Exposicións

Santiago - Galería 30 - Lamujer de agua sigue cantando (ata o 4 de xaneiro)

Santiago - Auditorio de Galicia - Salto de páxina (ata febreiro 2016)


Santiago - Área Empresarial do Tambre - exposición do colectivo Artefacto (ata o 8 de xaneiro)


O Tempo

Club Beisbol Os Tilos - Jornada solidaria en Os Tilos

El pasado sábado 19 de diciembre se celebró en el Concello de Teo una jornada de Softbol con objetivo benéfico.

El Club de Béisbol y Softbol Os Tilos reunió a todas sus categorías en el pabellón para colaborar en el tratamiento de Jesús, un bebé de 5 meses con encefalopatía hipóxico isquémica.

Los equipos alevín, infantil, cadete, juvenil, femenino y de padres se mezclaron en 3 partidos en los que los MVP fueron Yenneri Alcántara, Rubén Pérez y Jaime Rios.

El evento contó con speaker (comentarista), música, mucho béisbol y la presencia del concejal de deportes de Teo, que hizo el lanzamiento inicial del partido senior.

Todo lo recaudado, en la cantina y en el sorteo de 10 cestas con productos donados por patrocinadores y amigos del club, se entregó a la familia de Jesús, vecina de Teo.

Si quieres conocer mas sobre el Club de béisbol Os Tilos, puedes hacerlo en su web www.cbsostilos.com

Santiago - A opereta "Unha educación incompleta" no Teatro Principal

O ciclo Todo Lírica celebra este ano á súa 15ª edición con tres concertos. Despois de que o domingo 20 de decembro escoitaramos á soprano Carmen Solís acompañada do pianista Rubén Fernández Aguirre cun programa de cancións de berce e Verdi; hoxe mércores 23 de decembro serán as sopranos Belén López León e Ruth González e o barítono Elías Benito Arranz acompañados ao piano por Rubén Fernández Aguirre e con Quico Cadaval como narrador os que estarán no Teatro Principal presentando ‘Unha educación incompleta’, opereta de Chabrier para tres cantantes e piano.

Pecharemos esta XV edición o luns 28 de decembro da man do tenor Zapata, Claudio Constantini ao piano e bandoneón, e Juan Franciso Padilla na guitarra que nos ofrecerán un programa de tangos en ‘Gardel mediterráneo’ Todos os concertos serán no Teatro Principal ás 20.30h. O prezo das entradas é de 8 euros por concerto e un abono para os tres por 16 euros e poden mercarse en Abanca (web e teléfono) ou no despacho de billetes do Teatro Principal.

BELÉN LÓPEZ LEÓN  soprano

RUTH GONZÁLEZ  soprano

ELÍAS BENITO-ARRANZ  barítono

RUBÉN FERNÁNDEZ AGUIRRE  piano

QUICO CADAVAL  narrador

Emmanuel Chabrier (1841-1894)

UNE ÉDUCATION MANQUÈE  (Unha educación incompleta)

opereta nun acto e nove escenas

libreto: Eugène Leterrier e Albert Vanlo

estrea: París (Cercle de France International), 1 de maio de 1879 

BELÉN LÓPEZ LEÓN  soprano

Nada en Madrid, comezou os estudios de canto na Escuela Superior de Canto, licenciándose posteriormente na Escuela Superior de Música de Cataluña con Enedina Lloris. Completou os seus estudos artísticos coa carreira de Danza Española e estudando interpretación con José Carlos Plaza. Recibiu consellos de Teresa Berganza, con quen preparou o papel de Ascensión de La del manojo de rosas para unha produción de Emilio Sagi coa que debutou no Teatro de la Zarzuela de Madrid. Gaño premios en varios concursos líricos internacionais entre os que compre salinera o 1º premio no Concorso Internazionale Gianluca Ricci (Italia), 2º premio na International Singing Competition Oper in Berg (Austria), 1º premio no Concurso Internacional Ciudad de Elda, 2º premio no Concurso Internacional Ciudad de Logroño e finalista do Plácido Domingo’s Operalia (Pekín). Debutou internacionalmente con Donna Elvira de Don Giovanni, continuando a sea traxectoria operística con Desdemona de Otello de Verdi, Micaela de Carmen, Clorinda de La Cenerentola, Gretel de Hänsel und Gretel, Rowan de Little Sweep, Adalgisa de Norma, Sophie de Werther, etc. No pido da zarzuela interpretou os papeis de Ascensión de La del manojo de rosas, Luisa de Luisa Fernanda, Antonelli de El dúo de La Africana, Rosa de Los claveles, Susana de La verbena de la paloma, Pepa de Agua, azucarillos y aguardiente, Doña Pepita de Pan y toros, Mari Pepa de La revoltosa, etc. También el oratorio, la opereta y la ópera de cámara forman parte de su repertorio artístico, entre el que destacan interpretaciones de Une éducation manquée de Chabrier, Die Grosse Messe de Mozart, To be sung de Pascal Dusapin (Orquesta de Radio Nacional de España), etc. Ha sido invitada a diversos teatros españoles e internacionales entre los que destacan la Opéra National de Montpellier, Teatre del Liceu, Teatro de la Zarzuela e Teatros del Canal de Madrid, Teatro de la Maestranza de Sevilla, Teatro Calderón de Valladolid, Teatro Villamarta de Jerez, Teatre Principal de Mallorca, Teatro Arriaga de Bilbao, Auditorio Nacional de Madrid e Festival Mozart de A Coruña. Traballou con directores da relevancia de Robert Tuohy, Andreas Schuller, Daniele Agiman, Víctor Pablo Pérez, Miguel Ángel Gómez Martínez, Íñigo Pirfano, Tulio Gagliardo, Carlos Aragón, Miguel Roa, Oliver Díaz, Cristóbal Soler e José Antonio Montaño, e escenicamente con José Carlos Plaza, Emilio Sagi, Beppe di Tomasi, Jean-Paul Scarpitta, Gustavo Tambascio, Ignacio García, Pablo Viar, Alfonso Romero, Els Comediants e Pepa Gamboa.

RUTH GONZÁLEZ  soprano

Nada en Tenerife, iniciou os estudos de arte dramático e canto na súa ciudad natal, participando en diversos montaxes teatrais como protagonista (La Rosa Tatuada de Tenessee Williams, Marat Sade de Peter Weis, Tierra Baja de Ángel Guimera, Amelia, dulce Amelia de Angel Canóvas, etc.). Debutou no xénero da zarzuela con Doña Francisquita de Amadeo Vives, cantando dende aquella gran parte do repertorio español de soprano lírico-lixeira, en títulos como Marina, La tabernera del puerto, Bohemios, Gavilanes, El barberillo de Lavapiés, etc. Colaborou coa compañía Ópera Cómica de Madrid nun proxecto de recuperación de partituras españolas, interpretando o papel protagonista en obras como Mis dos mujeres, Tres sainetes picarescos, El relámpago, etc. Cantou en tempadas de ópera e zarzuela en Madrid, Barcelona, A Coruña, Jerez, Tenerife, Las Palmas, Bilbao, Oviedo, Pamplona, San Sebastián, Valencia, Valladolid, Sevilla, Wildbad, Costa Rica, Puerto Rico, etc. No Festival Rossini de Wildbad (Alemaña) debutou o papel de Elvira de A italiana en Arxel nunha produción que o selo Naxos gravou baixo a dirección de Alberto Zedda. No Teatro Euskalduna de Bilbao debutou co papel de Adele de O Morcego de Johann Strauss e a súa primeira actuación no Teatro Real de Madrid foi na produción de Macbeth de Verdi; posteriormente foi invitada por este teatro para interpretar os papeis de Juliet na ópera Little Sweep de Britten, Sor Valentine (Diálogo de Carmelitas de Poulenc), Menica (Il tutore burlato de Vicente Martín y Soler), Trujamán (El retablo de Maese Pedro de Falla), Zerlina (Don Giovanni), Susanna (As vodas de Fígaro) e Raíña da noite (A frauta máxica). No Teatro de la Zarzuela de Madrid cantou as producións de La Reina Mora de Serrano e Curro Vargas de Chapí. En escenarios como o Teatro Español de Madrid, Arriaga de Bilbao ou Apolo de Barcelona interpretou, baixo a dirección de Mario Gas, o papel de Toby en Sweeney Tood de Stephen Sondheim polo que recibiu o premio á Mellor Actriz de Reparto nos Premios Gran Vía de Teatro 2009. Interesada polo mundo da música contemporánea, foi seleccionada polo VocaalLab (Holanda) para ser formada en dito repertorio e realizar unha serie de concertos por España. Máis adelante cantou Con los pies en la Luna de Antonio Parera nunha coprodución dos teatros Liceo, Maestranza, Arriaga e Real e estreou a ópera Tres deshechos en forma de ópera de Jorge Fernández, compositor para quen tamén traballou na súa seguinte composición Angelus Novus nos madrileños Teatros del Canal, e o espectáculo Bestiari, una coprodución dos teatros Real, Liceu, Arriaga e Campoamor. Forma parte da compañía Hijos de Mary Shelley, coa que interpretou Sirena Negra, que proximamente será estreada en cine e foi seleccionada polo Festival de Sitges 2015, e El último vals de M. Shelley, con texto de Vanessa Montfort e música de Luís Antonio Muñoz. Recentemente participou na estrea dunha nova produción da Fundación Juan March da opereta Une éducation manquée de Chabrier e debutou os papeis de Gilda en Rigoletto de Verdi e Musetta en La Boheme de Puccini.

ELÍAS BENITO-ARRANZ  barítono

Realizou os seus estudos superiores de canto na prestixiosa Royal Academy of Music de Londres, perfeccionarse a continuación con José Van Dam na Opera Studio do Real Teatro de La Monnaie - CMRE (Bruxelas) e no primeiro Máster en Interpretación Operística de España baixo a dirección de Ana Luisa Chova (Valencia). Debutou no Gran Teatre del Liceu, como Papageno en La petita Flauta Màgica con dirección de Els Comediants, e no Teatro de la Zarzuela de Madrid, como Dux/Marco en La Dogaresa. Entre os papeis xa debutados, salientan Marcello en La Bohème (Opera on the Avalon, Canada), Conde de Almaviva en Le nozze di Figaro (Valencia e Bamberg, Alemaña), Argante en Rinaldo (Valencia) e Nazareno en Salomé baixo a dirección de Paco Azorín (Festival de Mérida). En 2013 debutou no Théatre des Champs Elysées de París interpretando Lesbo en Agrippina xunto a Anne Hallenberg, Vivica Genaux e Al Ayre Español e con anterioridade xa encarnara a Papageno en Die Zauberflöte (Jackdaws Festival, Reino Unido), Uberto de La Serva Padrona (Festival de l’Été Mosan, Bélxica), Leporello en Don Giovanni (Amersham Festival, Londres) e Death in Venice (La Monnaie, Bruxelas). No eido do oratorio cómpre salientar as súas interpretacións das maiores obras de Bach, que cantou con mestres como Trevor Pinnock e Juan José Mena. En 2013 cantou as arias de A paixón segundo san Xoan coa Orquesta Sinfónica del Vallés e foi Jesús na mesma obra xunto á Orquesta de Cámara de Andorra e o Orfeó Català no Palau de la Música Catalana. Tamén cantou como solista na Novena Sinfonía (Beethoven), A Creación (Haydn), Oratorio de Noël (Saint-Saens), nos requiem de Fauré, Mozart e Bruckner e distintas misas de Haydn en auditorios e festivais de Reino Unido, Bélxica, Francia, México e España. Activo liederista, salientan na súa nova traxectoria recitais na Quincena Musical de San Sebastián, o Festival de Música de Granada e a súa interpretación de Die Schöne Müllerin de Schubert xunto ao pianista Rubén Fernández Aguirre na Sociedad Filarmónica de Bilbao. Tamén ofreceu recitais no MIM de Bruxelas, a Embaixada Mexicana de Washington, Virginia Arts Festival (Estados Unidos) e o Festival Mas y Mas de Barcelona. Esta tempada 2015-16 será Marcello en La Bohème (Teatro Jovellanos, Xixón), Escamillo en Carmen (Prinzregentertheater de Múnic), Papageno de A frauta máxica (Teatro Principal de Vitoria e Gran Teatre del Liceu) e Maestro Pausanias en Une éducation manquée de Chabrier (Teatro Arriaga de Bilbao) e interpretará a Petite Messe Solennelle de Rossini e O Mesías de Haendel.

RUBÉN FERNÁNDEZ AGUIRRE  piano

Nado en Barakaldo (Bizcaia), realizou estudos de Correpetición (acompañamento de cantantes) en Viena con D. Lutz e en Múnic con D. Sulzen. Recibíu ademais os consellos de Félix Lavilla, Miguel Zanetti e Wolfgang Rieger. Pianista habitual de cantantes como Carlos Álvarez, Ainhoa Arteta, María Bayo, Gabriel Bermúdez, Mariola Cantarero, Nancy Fabiola Herrera, Ismael Jordi, José Antonio López, Elena de la Merced, David Menéndez, Carmen Romeu, Carmen Solís ou José Manuel Zapata entre outros, tamén colaboro con Celso Albelo, Yolanda Auyanet, José Bros, Mesha Brueggergosman, Mariela Devia, Manuela Custer, Cristina Gallardo-Domâs, Montserrat Martí, María José Montiel, Clara Mouriz, Sabina Puértolas, Isabel Rey, Christopher Robertson, Ana María Sánchez, etc. Ten actuado na maioría de festivais e teatros españois, así como en importantes escenarios internacionais (Musikverein de Viena, Teatro de La Monnaie de Bruselas, Festival Rossini de Pesaro, Slovenská Televízia de Bratislava, Carnegie Hall e Avery Fisher Hall de Nova Iorque, Teatro Solís de Montevideo, Usina del Arte de Bos Aires) e salas de concerto de París, Bremen, Graz, Damasco, Argel, México, Punta del Este, Sao Paulo, etc. Repertorista en cursos e clases maxistrais de Teresa Berganza, Renata Scoto, Jaume Aragall, Ileana Cotrubas, Simon Estes, Ana Luisa Chova, Enrique Viana, Bruno de Simone ou Emilio Sagi, foi pianista oficial do concurso Operalia 2006 (presidido por Plácido Domingo) e correpetidor no Palau de la Música de Valencia, o Teatro Real de Madrid e o Teatro de la Maestranza de Sevilla. Entre a súa discografía cómpre salientar a integral de cancións de Antón García Abril (Bolamar Music) e o compacto Canciones en la Alhambra (Ibs Gold) xunto á soprano Mariola Cantarero. En 2010 recibiu o premio Ópera Actual “pola súa dedicación á lírica e o crecente prestixio que está acadando neste campo”.

QUICO CADAVAL  narrador

Contador de historias e director teatral. Con estes dous oficios viaxou por Europa e Latinoamérica e recibiu algún premio como o Max, o María Casares e o Coruxa do Humor. Negado para a música e o canto polo tenaz desdén das musas, sente unha paixón infantil como un amante contrariado, por esa arte que non pode acadar. Tivo a fortuna de participar, como honesto acompañante, de diversos proxectos musicais: Narf, Leilia, Ultranoites, Real Filharmonía de Galicia con Paul Daniel ou TAC con Diego García Rodríguez. Fixo de director de escea na Ópera dos 3 Reas de Weill-Brecht e de meteur-en-espace da Ópera das 4 notas de Jones, as dúas con versión galega de Pepe Sendón. Hai catro anos ano foi convidado para facer a narración de Die Schone Mullerin de Schubert por Rubén Fernández Aguirre. Agora, “O Fado" fai que o mestre me convide para completar esta miña éducation manquèe.