PSOE A BAÑA – POSICION SOBRE A PRESUNTA ADULTERACION DO CENSO ELECTORAL

O PSdeG-PSOE ESIXE AO PARTIDO POPULAR EXPLICACIÓNS SOBRE A ADULTERACIÓN DO CENSO ELECTORAL NA BAÑA NOS COMICIOS DE 2007

O candidato socialista, Enrique Vázquez, asegura que o acoso e a persecución política son “o pan de cada día” na Baña

A Baña, 4 de maio de 2011. O PSdeG-PSOE esixe ás direccións provincial e autonómica do PP que aclaren as actividades do alcalde e candidato na Baña, José Andrés García, que deron lugar á acusación da Fiscalía por falsear o censo electoral en 2007. O cabeza de lista do PSdeG-PSOE, Enrique Vázquez, manifestou a súa satisfacción coa iniciativa do Ministerio fiscal e mostrou a súa confianza na Xustiza e no Estado de Dereito, pero lamentou que esta acción chegase “moi tarde”.

O candidato socialista lembrou que desde a Agrupación local levan anos denunciando estes feitos: “O alcalde dicía que eran imaxinacións nosas, pero agora a investigación da Fiscalía dános a razón”, apuntou. Vázquez sinalou ademais que, si non se produciran estas irregularidades en 2007, o reparto de concelleiros sería distinto e levaría ao Partido Popular a perder a maioría absoluta da que gozou nestes últimos 4 anos. O cabeza de lista advertiu asemade que a manipulación do censo é só “a punta do iceberg nun municipio onde o acoso e a persecución política son o pan noso de cada día”. “Non hai dereito”, concluíu Enrique Vázquez, “a que persoas como José Andrés García ocupen un cargo público”.

Indignados pero non sorprendidos

O secretario de Organización provincial do PSdeG-PSOE, Emilio Vázquez, declarouse “indignado aínda que non sorprendido” pola nova acusación sobre o PP aparecida hoxe na prensa: “Era o que faltaba”, manifestou Vázquez, “ademais da Operación Orquesta e do transfuguismo, agora o Partido Popular aparece relacionado cun feito tan grave como é a manipulación dun censo electoral”. O responsable provincial, que recordou que o PSdeG-PSOE leva meses denunciando as dubidosas actuacións do PP, reiterouse na súa demanda a Carlos Negreira e a Núñez Feijóo para que retiren das súas listas aos candidatos relacionados con feitos irregulares e delitivos, aos que agora se suma o alcalde da Baña.

BRION – 68 VECIÑOS PARTICIPARON NUNHA RUTA DE SENDEIRISMO

68 VECIÑOS E VECIÑAS DE BRIÓN PARTICIPARON NA RUTA DE SENDEIRISMO POLOS MUIÑOS DO FOLÓN E DO PICÓN, NO MUNICIPIO PONTEVEDRÉS DE O ROSAL

O Concello de Brión ultima dúas rutas máis para o mes de xuño: unha ás Illas Cíes e outra aínda por determinar

3 de maio de 2011. Un total de 68 veciños e veciñas de Brión participaron esta fin de semana nunha ruta de sendeirismo polos muiños do Folón e do Picón, unha impresionante sucesión de 67 muiños situados no municipio pontevedrés de O Rosal que están declarados Ben de Interese Cultural. O tempo acompañou, polo que os brioneses puideron disfrutar non só da impresionante estampa destes muiños, senón tamén das fantásticas vistas á desembocadura do río Miño, co monte de Santa Tecla e Portugal.

En total, os veciños de Brión fixeron unha andaida de doce quilómetros, pois aos tradicionais catro quilómetros da ruta dos muiños engadíronse camiñatas cara outros lugares de interese na zona, como un regato que pasa cerca do alto do “Chan da Cereixeira”, dende onde observaron unha vista da metade dos muiños pola ladeira do monte e a mencionada desembocadura do Miño.

Visto o éxito acadado tanto nesta convocatoria como na da semana pasada ao río Belelle, a Concellería de Cultura do Concello de Brión acordou organizar dúas novas rutas de sendeirismo para o vindeiro mes de xuño. A primeira terá como destino as Illas Cíes, cita que repite despois de que máis de cen brioneses as visitaran o ano pasado, e a segunda aínda está por determinar.

OROSO – O CONCELLO PON EN MARCHA O PAGO DE TRIBUTOS POR INTERNET

O CONCELLO DE OROSO PON DENDE HOXE A DISPOSICIÓN DOS VECIÑOS UN SISTEMA DE XESTIÓN

E PAGO DE TRIBUTOS A TRAVÉS DE INTERNET

O contribuínte podera conseguir os impresos e aboar as taxas e prezos públicos municipais comodamente dende o seu ordenador

3 de maio de 2011.- O Concello de Oroso puxo hoxe en marcha un sistema de xeración dinámica dos impresos de autoliquidacións, o que permtirá que os veciños e veciñas de Oroso poderán pagar as taxas e os prezos públicos municipais comodamente dende o seu ordenador. O alcalde, Manuel Mirás, explica que “coa implantación deste servicio o Concello de Oroso continúa o seu proceso de modernización coa implantación de novas tecnoloxías para facilitar a realización de trámites a todos os veciños”.

Así, para utilizar este novo servizo, ao que se pode acceder dende a páxina web municipal (www.concellooroso.com), o veciño só terá que cumprimentar os datos dun formulario e automaticamente se lle mostrará o documento PDF correspondente á autoliquidación, que poderá imprimir e pagar en calquera entidade bancaria colaboradora do Concello. Así mesmo, o Concello de Oroso tamén lle ofrecerá aos veciños a posibilidade de utilizar a pasarela de pago on-line de “La Caixa” (ata un límite de 2.000 euros) para poder pagar mediante tarxeta de crédito ou débito dun xeito seguro e sen ningún custo adicional para o veciño ou veciña.

Unha vez feito o pago, o veciño deberá facer chegar o exemplar correspondente ao Concello xunto coa xustificación do pago (certificación mecánica da entidade bancaria impresa ou resgardo de pago telemático on-line) á Tesourería municipal para que quede constancia do abono. Este servizo está dende hoxe dispoñible para as seguintes taxas e prezos públicos:

• Prezos públicos por actividades para nenos

• Prezos públicos por prestación de servizos deportivos

• Prezos públicos por prestación de servizos educativos

• Taxa por utilización das instalacións deportivas públicas municipais

• Taxa por outorgamento de licenzas de apertura

• Taxa por prestación de servizos urbanísticos

• Taxa por utilizacións privativas e aproveitamentos especiais do dominio público local

• Taxa por entrada de vehículos a través da beirarrúa e reserva da vía pública para aparcamento, carga e descarga

• Taxa por dereitos de exame

FRADES – A CONSELLERIA DE BENESTAR CONSTRUIRA UN CENTRO DE DIA NO MUNICIPIO

BENESTAR LEVARÁ A CABO A CONSTRUCIÓN DUN CENTRO DE DÍA EN FRADES, QUE CONTARÁ CON CORENTA PRAZAS PARA MAIORES

A conselleira de Traballo e Benestar, Beatriz Mato, presentoulle ao alcalde Miguel Prado o anteproxecto deste servizo social, que contempla unha superficie construída de 800 m2

Prestará atención diurna a todas aquelas persoas que, por razóns de idade, estean en risco de padecer algún tipo de dependencia

3 de maio de 2011.- A Consellería de Traballo e Benestar dotará á localidade de Frades dun centro de día, de xeito que Frades será o segundo municipio da comarca de Ordes en dispor deste servizo, toda vez que xa comezaron os traballos de construción en Cerceda. A titular do departamento autonómico, Beatriz Mato, presentoulle hoxe ao alcalde de Frades, Miguel Prado, o anteproxecto da futura infraestrutura que, con 800 metros cadrados de superficie, dará servizo a 40 familias

O centro de día de Frades ubicarase en Ponte Carreira, ao lado do centro médico. Contará cun orzamento superior aos 700.000 euros e prestará atención diúrna a todas aquelas persoas que, por razóns de idade, estean en risco de padecer algún tipo de dependencia co obxectivo de que poidan preservar a súa autonomía durante o maior tempo posible.

Mato destacou a aposta da Xunta polos servizos de proximidade, xa que lembrou que traballadores sociais, xerontólogos e outros expertos din que os maiores de Galicia queren manterse no seu entorno. “Por iso, o Goberno galego está a avogar por este tipo de servizos ao tempo que lles brindamos aos nosos maiores a oportunidade de ser partícipes dos nosos proxectos para que secan unha parte activa da sociedade”, indicou.

Ao respecto, a titular de Benestar subliñou que a Xunta está a poñer en marcha o Plan para as Persoas Maiores de Galicia 2010-2013, un documento que foi acordado coas entidades e cos profesionais que traballan nos servizos para as persoas maiores. “É un documento asumido por todo o Goberno da Xunta que supón unha planificación a curto e medio prazo do que temos que facer para que Galicia conte con máis e mellores servizos sociais”, sinalou.

Por último, Mato lembrou que a Xunta incrementou desde abril de 2009 nun 43,7 por cento as prazas en centros de días para maiores na provincia da Coruña. Na actualidade, a provincia conta con 460 prazas desta tipoloxía.

Poboación maior en Frades

Pola súa banda, o alcalde de Frades agradeceu especialmente o apoio recibido por Beatriz Mato xa que “tiñamos os terreos cedidos para o centro de día dende o ano 2008, uns terreos que compramos con esta única finalidade e por máis de 30.000 euros, pero nos que a Xunta do bipartito non fixo nada con eles”. Uns terreos ubicados a carón do centro médico de Ponte Carreira, con amplas zonas para pasear e con zona de aparcamento.

Prado Patiño fixo fincapé na importancia que esta infraestrutura vai ter para os veciños e veciñas do Frades xa que “temos unha poboación bastante envellecida, con moitos veciños que superan os noventa anos, e con este centro de día o que buscamos é que poidan ficar o maior tempo posible nas súas casas, estando perfectamente atendidos”.

Unha vez rematada a reunión, o alcalde de Frades presentoulle á conselleira de Traballo e Benestar a Mostra de Apeiros de Labranza, ubicada no centro multiusos José María Botana, onde se recollen pezas únicas propias da tradición dun concello gandeiro como Frades.

TEO – VISITA DE ESCOLARES O PUNTO LIMPO E A ETAP DE PONTEVEA

ESCOLARES DO IES DE CACHEIRAS VISITAN O PUNTO LIMPO E A ETAP DE PONTEVEA

• Durante a excursión pudieron ver de primeira man o funcionamento das instalacións municipais e escoitar a explicación técnica sobre os procesos que se desenvolven alí

• O grupo estivo formado por 26 escolares de 2º e 3º da ESO

03 de maio de 2011. O departamento de Medio Ambiente municipal coordinou esta mañá unha visita de escolares do IES de Cacheiras ó Punto limpo e á Estación de Tratamento de Auga Potable (ETAP) de Pontevea. O grupo, que chegou acompañado da mestra de ciencias, recibiu unha clase práctica nas instalacións municipais.

O grupo estivo formado por 26 escolares de 2º e 3º da ESO e chegaron en primeiro lugar ó Punto Limpo, situado no lugar da Lagoa. Alí escoitaron as explicacións dunha técnica de Coregal, a empresa xestora do servizo. Puideron ver ademais os colectores nos que se depositan os residuos e explicáronlle os requisitos para poder depositar os residuos no punto limpo.

Unha das anécdotas da xornada foi que varios alumnos baixaron do autobús con pantallas de ordenador para depositar na instalación, aproveitando a excursión escolar.

Despois do Punto Limpo o grupo dirixiuse a Pontevea, concretamente a ETAP de Pontevea, onde un técnico de Aquagest lles explicou o ciclo da auga potable en Teo dende a captación no río Ulla ata que chega aos domicilios.

Nas últimas semanas diversos grupos escolares tamén dos CEIPS e das escolas infantís municipais están realizando visitas á Casa do Concello ou a lugares do termo municipal para coñecer de preto a realidade municipal e participar da riqueza natural e paisaxística do Concello.

AMES – EXPOSICION NO PAZO DA PEREGRINA DE HELENA SEGURA-TORRELLA

Helena Segura-Torrella expón a súa obra no Pazo da Peregrina

O Pazo da Peregrina acolle entre o día 2 e o 10 de maio a exposición fotográfica “Innocence”, de Helena Segura-Torrella. A exposición mostra un total de 16 fotografías de gran formato onde a artista fala de sentimentos e presentimentos infantís: o despertar e o camiño cara a madurez; o medo, o corpo, a sensualidade e a sexualidade. Segundo a propia autora a mostra está composta de instantes eternos que supoñen un regreso á infancia a través da imaxinación, o que nos permite ver de novo a realidade a través dos ollos dun neno. A exposición está organizada pola Deputación da Coruña e recorrerá un total de dez concellos da provincia. A mostra permanecerá aberta en Ames durante nove días.

A mostra, patrocinada pola Deputación da Coruña, recolle dezaseis fotografías de gran formato que, segundo a autora, “está composta de instantes eternos” que supoñen un regreso á infancia a través da imaxinación, “o que nos permite ver de novo a realidade a través dos ollos dun neno”. As instantáneas evocan a infancia e o universo imaxinario dos contos infantís, a inocencia á que alude o título desta mostra, a través do obxectivo da fotógrafa Helena Segura-Torrella.

A autora, pese á súa xuventude, conta cun extenso currículo e xa dispón dun nome relevante no eido da fotografía. A mostra, para a que a entidade provincial editou un catálogo, percorrerá dez municipios da provincia co obxectivo de achegar a cultura a todos os concellos, para que a igualdade de oportunidades non sexa só unha palabra, senón unha realidade.

A autora da mostra agarda que os visitantes “se sintan por un momento como esa nena que aparece nas fotografías e que en boa medida reflicte o que son eu, porque é un traballo autobiográfico”.
Helena Segura-Torrella (Ferrol, 1969) conta, a pesar da súa mocidade, cunha dilatada traxectoria profesional ás súas costas e cunha excelente formación no campo da imaxe, sobre a que asenta a súa experiencia creativa. A súa participación no espazo “Descubrimentos de Photoespaña” con outro ensaio fotográfico caracterizado pola súa orixinalidade e fantasía, titulado “A través do espello”, serviulle para darse a coñecer a nivel nacional e para ser recoñecida como unha das artistas emerxentes de Galicia no ámbito da fotografía.

Helena Segura gañou tamén o premio “Isaac Díaz Pardo” da Deputación da Coruña cunha fotografía titulada “Sopa de Caracol”, incluída na exposición que está exposta no Pazo da Peregrina, e foi finalista da “London Shots Young Photographer” en 2009. Con esta exposición o Concello de Ames, a través da mostra organizada pola Deputación da Coruña, pretende contribuír a dar a coñecer a obra desta fotógrafa galega e seguir apoiando os novos artistas da nosa provincia que traballan no ámbito da imaxe.

BNG ORDES – PROGRAMA DE GOBERNO

O BNG PRESENTA O SEU PROGRAMA CO COMPROMISO DE CREAR 500 EMPREGOS EN ORDES

Gonzalo Castro comprométese a facer realidade o viveiro de empresas antes de que finalice 2011

O candidato do BNG á alcaldía de Ordes, Gonzalo Castro, presentou o programa de goberno do BNG de Ordes nuns ateigados salóns do Restaurante O Túnel, e anunciou o seu compromiso de “poñer en marcha, antes de que remate este ano, un viveiro de empresas e un centro de promoción económica, xa que a prioridade do próximo goberno municipal será a creación de emprego e a reactivación económica”.

O acto contou coa participación de Carlos Aymerich, portavoz do BNG no Parlamento Galego, que amousou o seu respaldo á candidatura de Gonzalo Castro á alcaldía de Ordes, que manifestou que “o programa de goberno da candidatura encabezada por Gonzalo Castro conseguirá sacar a Ordes do seu atraso e poñelo no lugar que merece como cabeceira comarca dunha importante comarca”.

A número dous da candidatura do BNG de Ordes, Montserrat Rei, manifestou o compromiso do BNG “para demostrar aos veciños e veciñas de Ordes que outra forma de gobernar é posíbel, unha forma de gobernar que poñerá o concello de Ordes ao servizo de todos e todas, sen discriminacións”..

Gonzalo Castro manifestou que “o certo é que a ampliación do Concello non era unha obra prioritaria, mais xa non é a hora das críticas é a hora de buscar solucións á situación que está a vivir o noso concello, por iso, sen descoidar as necesidades administrativas do Concello de Ordes, destinaremos o espazo que se habilitará no novo edificio do Concello á creación dun viveiro de empresas e un centro de promoción económica, reformulando esta actuación para destinala ás prioridades que ten o noso Concello, a reactivación económica e a creación de emprego”.

O candidato do BNG á alcaldía de Ordes manifestou que “con esta actuación facilitaremos as instalacións e o asesoramento necesario aos novos emprendedores, co obxecto de impulsar o inicio da súa actividade nos anos máis duros, os do comezo da actividade empresarial”.

Castro anunciou que “este será o primeiro paso dunha actuación de goberno que ten como obxectivo recuperar o dinamismo económico de Ordes como cabeceira de comarca e recuperar os 500 empregos destruídos nos últimos catro anos”.

Finalmente, o candidato do BNG á alcaldía ordense fixo público o seu compromiso “para aprobar inicialmente o PXOM antes de que finalice 2011, e incluir nos Orzamentos Municipais de 2012 a dotación dun centro de día e unha casa da xuventude no noso Concello”.

AMES – ACTIVIDADES DA BIBLIOTECA

A biblioteca municipal organiza contacontos e obradoiros para o mes de maio

Durante o mes de maio continúan as actividades de animación á lectura organizadas polas bibliotecas municipais amienses. Como está programado dende principios de curso, todos os meses elíxese un tema diferente arredor do cal xiran os contacontos e obradoiros programados. Estas sesións de contacontos están dirixidas aos nenos e nenas maiores de 3 anos e teñen como principal obxectivo mostrar os libros como fonte de diversión e coñecemento. Ademais os nenos/as maiores de 8 anos poderán participar no obradoiro “Ven xogar connosco ao pasapalabras...”. O prazo para inscribirse neste obradoiro remata o día 6 de maio.

“Conto, contas, contan... Cantos contos contas ti?”, este é o lema da programación de animación á lectura que puxo en marcha a Biblioteca municipal para este curso. Para os nenos e nenas maiores de 3 anos hai contacontos, mentres que a rapazada maior de 8 anos teñen a oportunidade de acudir aos obradoiros. Estas actividades da Biblioteca municipal atopan o seu escenario nas bibliotecas de Bertamiráns e O Milladoiro, así como no local social de Aguapesada. Con contacontos e obradoiros, a programación das actividades de animación á lectura, organizadas pola Biblioteca municipal dependente da Concellaría de Educación e Servizos Complementarios, dánlle a oportunidade aos nenos e nenas de achegarse aos libros dun xeito máis divertido.

Coa chegada do novo mes a Biblioteca Municipal inaugura un novo tema en torno ao cal xirarán as súas actividades. Así, durante o mes de novembro, a música é o tema sobre o que xirarán obradoiros e contacontos. Once damas atrevidas será un dos contos que se relatarán nas sesións de contacontos. Estas sesións, dirixidas a nenos e nenas de máis de tres anos, comezarán o mércores 4 de maio na biblioteca do Milladoiro, ás 18:00 horas, e continuarán o xoves 5 na biblioteca de Bertamiráns á mesma hora.

Pero os contacontos non rematan aquí xa que a partir da terceira semana de maio regresarán. Así o luns 16 tocaralle aos nenos e nenas de Augapesada poder gozar dos contos sobre a música. O mércores 18 os contos volverán ás bibliotecas, esta vez a Bertamiráns, para rematar o xoves 19 na biblioteca do Milladoiro, sempre ás 18:00 horas.

Ven xogar connosco ao pasapalabras...

Pero a música, a rima e a poesía non se tratarán só a través dos contos para os máis pequenos xa que nos obradoiros dirixidos a nenos e nenas de máis de oito anos tamén se traballarán valores como a solidariedade ou a capacidade de valorar positivamente a diferenza. Como sempre, este traballo está baseado nunha metodoloxía na que o achegamento á literatura se fai dunha maneira lúdica e atractiva para os rapaces e rapazas que participan cada mes nestes obradoiros.

Durante este mes a biblioteca municipal organiza un obradoiro, pero diferente ao que se levan realizado durante todo este curso. En vez de ser un obradoiro no que os rapaces fan diferentes traballos, que despois levan para as súas casas, nesta ocasión faranse diferentes xogos (pasapalabras, adiviñas, rimas, etc).

O prazo de inscrición para participar nos obradoiros para nenos e nenas de máis de oito comezou o día 25 de abril e rematará o venres 6 de maio. Aqueles que queiran participar non teñen máis que achegarse ás bibliotecas e anotarse. Os obradoiros terán lugar o mércores 11, ás 18:30 horas, na biblioteca de Bertamiráns e o xoves 12 á mesma hora na biblioteca do Milladoiro.

PP BRION – PRESENTACION CANDIDATURA

"LLENO TOTAL" EN LA PRESENTACIÓN DE LA CANDIDATURA DEL PP DE BRIÓN.

CARLOS TOMÉ PRESENTA SU LISTA COMO LA ALTERNATIVA DEL PUEBLO.

El Partido Popular de Brión presentó anteayer su candidatura en el restaurante "O Padriño" de Bastavales, en la que obtuvieron un lleno total, dado que el salón comedor se quedó corto para dar cabida a las casi 400 personas que allí se juntaron, algo impensable en Brión.

Al acto asistieron el Secretario de Organización del PP Provincial y Pte. de Portos de Galicia, Manuel Álvarez Campana, la Conselleira do Mar y vecina de Brión, Rosa Quintana, y la Secretaria Xeral de Igualdade y también vecina brionesa, Marta González.

El candidato a la alcaldía y portavoz municipal durante este mandato, Carlos Tomé, hizo un breve resumen de lo que fueron estos cuatro años en la Corporación. Así, destacó que el equipo de gobierno no ha creado ningún puesto de trabajo, ni ayudado al sector empresarial ni comercial, y ni siquiera aceptado la propuesta de crear un polígono comercial e industrial.

Respecto a la economía, Tomé destacó que en estos momentos de crisis, no se puede aceptar el despilfarro en gastos absurdos que hizo elevar la deuda municipal a más de 2 millones de euros, pasando del 12% al 46,8%.

La lista presentada, está formada por 22 personas de todas las edades y representantes de todo el Ayuntamiento. Tomé aplaudió la valentía de todas ellas, dado que por desgracia, debido al ambiente que existe en Brión, cualquier vecino tiene que ser valiente para decir públicamente que no está de acuerdo con las actuaciones del Alcalde.

Finalmente, Tomé adelantó parte de su programa electoral, que será centrado en fomentar empleo, en gestionar adecuadamente el dinero de los vecinos, y en un trato igualitario para todos los vecinos y parroquias.

AMES – SE ESTRENA UNA SENDA VERDE ENTRE BERTAMIRANS Y MILLADOIRO

Este domingo estréase a senda verde que une Bertamiráns e Milladoiro cun andaina popular

A senda verde enlaza Bertamiráns co Milladoiro, e O Milladoiro con Bertamiráns, a través de vellos camiños e novas pistas forestais que, nun traxecto de 12 quilómetros, percorren novas zonas cun interesante valor patrimonial e paisaxístico. O seu trazado permite incorporarse á ruta ou abandonala en varios puntos ao longo do itinerario, grazas a extensa rede de camiños e pistas existentes non rural amesán. A ruta ofrécenos fermosas vistas do Val da Maía, paraxes de singular beleza, lugares de interese histórico local, núcleos de poboación tradicionais e elementos de carácter etnográfico e relixioso. Este proxecto foi sufragado con cargo ao Fondo Estatal para o Emprego e a Sustentabilidade. Os traballos de acondicionamento dos camiños polos que discorre a senda e a colocación da correspondente sinalización tiveron un custo de 57.434,88 euros. A senda verde estréase este domingo 8 de maio cun andaina popular á que están invitados todos os veciños/as de Ames. Para inscribirse nesta actividade tan só hai que chamar ao teléfono 981 884 991 ou enviar un correo electrónico, indicando nome e apelidos, idade, teléfono e enderezo antes das 14:00 horas do venres 6 de maio.

O Concello de Ames vén de rematar o acondicionamento dunha senda verde que una as dúas principais localidades de Ames, Bertamiráns e O Milladoiro. Deste xeito, ofrécese un camiño alternativo e máis humanizado para todos os amienses onde poder gozar do contacto coa natureza. Este proxecto foi sufragado a través do Fondo Estatal para o Emprego e a Sustentabilidade. Trátase duna senda destinada só a peóns e bicicletas que discorre por zonas que combinan espazos verdes de interese ambiental e núcleos rurais.

A senda permite observar e comprender a sucesión de diferentes ecosistemas (urbano, rural, forestal e fluvial) nun percorrido de 12.000 metros. Os puntos de partida e chegada desta senda son O Milladoiro e Bertamiráns, dous grandes núcleos de poboación, caracterizados pola rápida expansión urbanística que experimentaron nos últimos anos. Estas localidades presentan un ecosistema claramente urbano no que predomina unha fauna e flora que vai moito máis alá do que podemos percibir nunha zona verde ou parque. Andoriñas, pardais, estorniños, pombas… son aves que conviven sen problemas co ritmo e xeito de vida urbano.
Unha vez deixamos atrás os núcleos do Milladoiro ou de Bertamiráns observamos ao longo de toda a ruta unha natureza ligada fundamentalmente a tres medios diferentes. Por unha parte temos unha sucesión de pequenos espazos de paisaxe silvopastorais tradicionais e prados asociados ao entorno dos núcleos rurais. Por outra banda existen espazos de alto valor natural, fundamentalmente cando nos achegamos ao entorno de río Sar, e por último hai espazos forestais que mostran o estado de abandono do noso monte e o resultado dun proceso de fragmentación continua da terra e do monocultivo de especies como os eucaliptos e pinos.

Variedade de ecosistemas e hábitats

Durante o percorrido poderanse observar diferentes ecosistemas e hábitats que albergan unha ampla variedade de vida. En Bertamiráns e no Milladoiro predominan os ecosistemas urbanos, que presentan os elementos climáticos, físicos, lumínicos, paisaxísticos e sociais que lle son propios. A fauna e a flora asociada a este espazo é moi ampla. Algunhas das especies que se atopan na cidade son estorniño, as andoriñas ou os esquíos, que se introducen na zona urbana na procura de alimentos.

Unha vez nos somerxemos na ruta, nas beiras dos camiños, podemos atopar diferentes especies de plantas vivaces como é o caso das especies Digitalis purpurea ou a Gardus carpetans. Tamén se poden ver toxeiras, xesteiras ou grandes prados. Os prados sitúanse nas proximidades das valgadas, fundamentalmente pola existencia de humidade e de terra pesada capaz de sustentar un ecosistema ao que se lle esixe dúas cortas ao ano. Na ruta atopamos diferentes tipos de prados, uns dedicados a pasto e outras a herba. Por último cómpre salientar que se poden ver diversas carballeiras. Ao longo desta ruta atópanse carballos, máis ou menos espallados, en moitos puntos da ruta pero case é obrigado facer unha parada para admirar este tipo de bosque na Carballeira das Cortes.

A ruta atravesa as parroquias de Ortoño, Bugallido e Biduído, pasado polos núcleos rurais de Eirapedriña, Firmistáns, Tarrío, Buceleiras, Barreiro, Framil, Fraiz e Ventín. Cómpre destacar que a zona sur por onde transcorre esta vía está formada polas parroquias de Biduído, Bugallido e Ortoño, a área con maior densidade de poboación do concello de Ames, e que polo tanto sufriu unha maior presión humanizadora.

As condicións topográficas do percorrido posibilitan a práctica do sendeirismo e do ciclismo para persoas de diferentes idades, ao mesmo tempo, que se pode gozar do patrimonio do rural (igrexas, lavadoiros, cruceiros…) e dos diferentes ecosistemas ambientais. Un exemplo do rico patrimonio relixioso que atesoura o concello de Ames, ao que esta senda nos achega, é a igrexa de San Pedro de Bugallido, mentres que a zona ambiental máis rica pódese dicir que é a sur posto que alí pódense atopar As Brañas, a Carballeira das Cortes a zona da Rede Natura.

Obras de acondicionamento e sinalización

Neste proxecto investíronse 57.434,88 euros, con cargo ao Fondo Estatal para o Emprego e a Sustentabilidade, para reparar aquelas pistas que tiñan algunha fochanca e para colocar a correspondente sinalización do itinerario que segue a ruta. Durante a colocación dos paneis de sinalización producíronse varios actos vandálicos que provocaron estragos en moitos dos paneis colocados. Iso provocou un considerable atraso na posta a punto desta ruta xa que a dirección de obra tivo que estudar a colocación doutos paneis feitos por un tipo de material máis resistente.

Durante esta semana estanse substituíndo os vellos paneis de PVC, que están estragados, por outros máis resistentes feitos con aluminio. Estes paneis foron colocados cada 250 metros e nos cambios de dirección, para sinalizar a ruta que segue a senda verde. Unha vez finalizado este traballo a ruta xa poderá ser empregada por todos os veciños e veciñas de Ames. Para a estrea da senda verde programouse unha andaina popular para este domingo.

Esta actividade desenvolverase o día 8 de maio a partir das 10:00 horas. Deste xeito a veciñanza amiense poderá coñecer de primeira man a senda verde. Todos aqueles veciños maiores de 12 anos que desexen pasar unha xornada gozando do medio natural de Ames pódense inscribir nesta actividade chamando ao teléfono 981 884 991 ou enviando un correo electrónico, indicando nome e apelidos, idade, teléfono e enderezo antes das 14:00 horas do venres 6 de maio.

MESIA – O CONCELLO ADXUDICA OBRAS POR MÁIS DE 230000 EUROS

O CONCELLO DE MESÍA ADXUDICA OBRAS DE SANEAMENTO E CANALIZACIÓN DE PLUVIAIS EN OLAS E XANCEDA POR 238.000 EUROS

02-05-2011.- O Concello de Mesía acaba de adxudicar dous proxectos de obras de saneamento e de canalización de augas pluviais por importe total de 238.000 euros, que beneficiarán ás parroquias de Olas e de Xanceda.
Un dos proxectos é o de saneamento e instalación dunha estación depuradora de augas residuais (EDAR) en Xanceda. Foi adxudicado por 120.000 euros e ten un prazo de execución de seis meses unha vez se formalice o contrato nas vindeiras semanas. Esta actuación suporá a continuación doutras obras hidráulicas acometidas nesta parroquia, como unha reparación de canalización de pluviais e a instalación de acometidas da rede de distribución de auga potable, que tamén chega xa a domicilios das parroquias de Boado, Cabrui, Castro, Cumbraos, Lanzá e Mesía.
O outro proxecto foi adxudicado por 118.000 euros e comprende a ampliación da rede de saneamento en Xanceda máis unha canalización para augas pluviais no lugar de Leborís (Olas), coa que se evitarán as anegacións que adoitaban producirse en caso de fortes chuvias ao ser un núcleo situado en pendente. Neste caso o prazo de execución das obras é de tres meses, unha vez sexa formalizado o contrato nas vindeiras semanas.

MANCOMUNIDADE DE ORDES – A MANCOMUNIDADE PEDIRÁ UNHA AXUDA PARA O CIM

O PLENO DA MANCOMUNIDADE DE ORDES ACORDA SOLICITAR UNHA SUBVENCIÓN AUTONÓMICA DE 45.000 EUROS PARA O PERSOAL DO CIM

A entidade supramunicipal reivindica a continuidade da unidade de doantes de embrións bovinos de Bergondo para que os gandeiros da comarca non teñan sobrecustos na súa aposta pola mellora xenética

2 de maio de 2011.- O pleno da Mancomunidade de Municipios de Ordes acordou solicitarlle unha axuda económica de 45.000 euros á Consellería de Presidencia, Administracións Públicas e Xustiza, para asumir parte dos gastos derivados do persoal asignado ao Centro de Información á Muller (CIM), que desde principios deste ano pasou a depender da entidade supramunicipal.

A axuda, solicitada ao abeiro dunha convocatoria da Xunta para a promoción da igualdade, permitiría incorporar ao plantel do CIM un axente de igualdade a xornada completa. Ademais, a cantidade pedida á consellería serviría para asumir parte cos custos derivados do actual cadro de persoal do CIM, composto por unha directora, unha psicóloga e unha asesora xurídica.

O presidente da Mancomunidade, Miguel Prado, destaca a importancia de que a consellería conceda a subvención tramitada, para manter os servizos actuais e para reforzalos coa incorporación do axente de igualdade. “Esa persoa –explica Prado Patiño- encargaríase da preparación de actividades relacionadas coa igualdade de xénero e co desenvolvemento do Plan de Igualdade co que xa contamos na Mancomunidade, e que esperamos que sirva para camiñar cara unha igualdade plena e real entre homes e mulleres”.

Apoio á Unidade de Doantes de Embrións de Bos

Na sesión celebrada esta mañá, o pleno da Mancomunidade tamén acordou apoiar a continuidade da Unidade de Doantes de Embrións de Bos (Guísamo-Bergondo), polo valor que esta entidade xenética ten para o sector gandeiro na comarca. A decisión tomouse logo dunha comparecencia no pleno do presidente da Asociación da Frisona da Coruña (AFRICOR), Luis Seoane Labandeira, na que expuxo os prexuízos que o peche da unidade suporía para o sector.

Tal como explicou Seoane, nos novos plans da Consellería de Medio Rural contémplase “o máis que probable peche” da unidade e a produción de embrións bovinos de xenética de elite “vai quedar en mans duns poucos, polo que se o resto de gandeiros desexamos traballar con ela deberemos adquila a estes privilexiados”. A diferencia é que, mentres que os embrións que produce a unidade situada en Bergondo están a disposición de todos os gandeiros de Galicia a uns 300 euros por unidade, co novo programa estarán no mercado a un prezo entre os 1.000 e os 1.500 euros.

O presidente da Mancomunidade, Miguel Prado Patiño, manifesta que o acordo desta mañá vai na liña de reivindicar “que os gandeiros da comarca non teñan que sufrir ese incremento de custos, porque as explotacións xa non están pasando polo seu mellor momento e o que necesitan son apoios, non novos sobrecustos, neste caso na súa aposta por mellorar a xenética da cabana e a súa productividade”.

Por eso, emprazouse á Consellería de Medio Rural a reconsiderar a súa postura sobre a Unidade de Doantes de Bos, que nos seus vinte anos de existencia se convertiu nunha marca de prestixio e calidade no esixente mercado da xenética e leva posto a disposición dos gandeiros galegos 11.516 embrións das mellores familias de vacas do mundo.

A sesión plenaria desta mañá estivo presidida por Miguel Prado Patiño e asistiron o vicepresidente da mancomunidade e representante do Concello de Ordes, Nel Astray Mariño; máis os alcaldes de Mesía, Mariano Iglesias Castro; e de Tordoia, Antonio Pereiro Liñares. Os representantes dos concellos de Cerceda, Oroso e Trazo excusaron a súa ausencia.

BRION – CONVENIO COA DEPUTACION

O CONCELLO DE BRIÓN E A DEPUTACIÓN DA CORUÑA ASINAN UN CONVENIO DE 150.000 EUROS PARA ACONDICIONAR A PARCELA DA PISCINA MUNICIPAL

Crearanse 80 novas prazas de aparcamento: 30 na piscina e outras 50 no entorno do pavillón polideportivo e do colexio

2 de maio de 2011.- O alcalde de Brión, Xosé Luís García, e o presidente da Deputación da Coruña, Salvador Fernández Moreda, asinaron un convenio de colaboración polo cal a institución provincial aportará 150.000 euros para o acondicionamento da parcela de 5.490 metros cadrados na que se ubica a piscina municipal brionesa. Un acordo que posibilitará a creación de trinta prazas de aparcamento no entorno da piscina brionesa, cuxa xestión será adxudicada esta mesma semana.

O proxecto de acondicionamento da parcela na que está situada a piscina de Brión inclúe traballos de conservación do regato que pasa pola zona, colocación de barandillas, construción de beirarrúas de formigón e a habilitación dunha zona de ocio con 7 bancos de formigón, papeleras e alumeado público. Unha zona de ocio que estará situada entre o pavillón polideportivo e a piscina cuberta municipal.

Así mesmo, contémplase a creación dunha trintena de prazas de aparcamento, nunha zona na que non existía praza algunha. Deste xeito, o presidente provincial cumpre o compromiso anunciado o pasado mes de marzo durante a inauguración da piscina municipal de Brión e subvencionará estes traballos ao 100%.

Obras complementarias

Estas obras complementaranse á perfección cun proxecto de acondicionamento do entorno do pavillón polideportivo municipal e da parte traseira do colexio de Pedrouzos. Un proxecto que levará a cabo o Concello de Brión e que permitirá a creación doutras cincuenta novas prazas de aparcamento, incluída unha zona especial para os autobuses escolares. Deste xeito, no triángulo que conforman a piscina, o polideportivo e o colexio habilitaranse nas vindeiras semanas un total de 80 novas prazas de aparcamento. Así mesmo, o Concello de Brión acometerá unha reordenación do entorno, construíndo novas beirarrúas.

Características da instalación

A piscina cuberta climatizada municipal de Brión consta dun edificio de planta baixa e soto, situado xusto a carón do polideportivo municipal e do CEIP de Pedrouzos, e moi preto da entrada/saída da autovía Santiago-Brión. Ocupa unha superficie de 2.353 metros cadrados, sobre unha parcela de 5.490 m2 que xa dispón de todos os servizos urbanísticos precisos.

No edificio inclúese unha piscina climatizada de 577 m2 e 1,55 metros de profundidade, un ximnasio de 141 m2 de superficie, vestiarios para homes e mulleres e outras dependencias comúns (dous almacéns, zona de recepción, aseos, área para o socorrista e locais na planta soto para a ubicación de todos os sistemas para o funcionamento da instalación).

OROSO – MÁIS DE VINTE ARTISTAS NA XV FESTA DA TROITA

A XV FESTA DA TROITA INCLUIRÁ A PARTICIPACIÓN DUNHA VINTENA DE ARTESÁNS DE TODA GALICIA DENTRO DA II FEIRA DA ARTESANÍA E DOS OFICIOS

A feira inclúe como novidades este ano a presenza dun obradoiro de chocolate e un posto de fotografía minutera

2 de maio de 2011.- O Concello de Oroso ultima os detalles da súa gran festa: a decimoquinta edición da Festa da Troita que terá lugar en Sigüeiro os días 6, 7 e 8 de maio. Unha festa declarada de interese turístico e que este ano acollerá a segunda edición da Feira da Artesanía e dos Oficios, que reunirá a unha vintena de artesáns chegados de toda Galicia.

O coordinador da Festa da Troita, Antonio Leira, explica que “a día de hoxe temos confirmada a participación de dezaséis artesáns, que estarán traballando en Sigüeiro e á vista de todos os visitantes durante toda a fin de semana” e sinala que “aínda estamos a pechar algunhas incorporacións máis, polo que agardamos que nesta segunda edición da Feira da Artesanía e dos Oficios participen unha vintena de artesáns chegados de toda Galicia”.

Expertos artesáns na arte da orfebrería, da canteiría, da encadernación, da litografía e da talla de madeira terán os seus postos en Sigüeiro os días 7 e 8 de maio, no entorno da praza Isaac Díaz Pardo e a carón da alameda de Góis e do paseo fluvial do río Carboeiro. Tamén asistirán un ferreiro, un pintor, un artesán do vidro e outro do coiro que “estarán facendo as súas obras en vivo diante dos milleiros de persoas que nos visitan, vendéndoas e incluso facilitando a participación da xente”, explica Leira Piñeiro.

Chocolate e fotografía

As grandes novidades deste ano serán a presenza dun artesán do chocolate, cuxo obradoiro a bo seguro que terá especial éxito entre os máis pequenos, e un posto de fotografía minutera, un oficio case extinto no que os visitantes viaxarán ata finais do século XIX e vivirán a experiencia de ser fotografados coas mesmas técnicas e procedementos que os seus avós. Así, aqueles que se acheguen por Sigüeiro poderán coñecer os misterios que se agachaban nos laboratorios desa época e ver os materiais e a maquinaria que se utilizaba, moi alonxadas das modernas cámaras dixitais.

O coordinador da Festa da Troita lembra que “o noso obxectivo é axudar a recuperar estes oficios, achegalos aos milleiros de persoas que visitan Sigüeiro neses días de festa e ofrecerlles a estes artistas un excepcional escaparate para vender os seus produtos”.

AMES – XORNADA DE INICIACION O BALONCESTO

100 nenos/as da Escola infantil do Milladoiro participaron nunha xornada de iniciación ao baloncesto

O pasado venres pola mañá tivo lugar unha xornada de iniciación ao baloncesto para os cativos de 5 e 6 anos da Escola de educación infantil do Milladoiro. Con esta actividade o que se pretendeu foi proporcionarlles unha mañá divertida e complementaria ás actividades habituais de educación física que realizan dentro da programación do centro de ensino, ademais de interesalos por un deporte en auxe que conta cada día con máis seguidores. Un centenar de nenos de 5 e 6 anos participaron nesta xornada que se desenvolveu dende as 10:00 h. ata as 13:30 horas.

O goberno municipal aposta polo deporte como vía para desenvolver unha vida saudable sen malos hábitos e para formar as persoas en valores tan importantes como poden ser a deportividade, o respecto e a tolerancia. Para iso ten en marcha un servizo de escolas deportivas no que participan máis de 800 nenos e nenas. Pero este servizo non é o único que se desenvolve para fomentar o deportes entres os máis cativos/as. O pasado venres o Concello de Ames realizou unha xornada de iniciación ao baloncesto que estivo dirixida ao alumnado da Escola de educación infantil do Milladoiro.

Os nenos e nenas de 5 e 6 anos da EEI do Milladoiro gozaron o pasado venres pola mañá dunha xornada deportiva que xirou arredor do baloncesto na que puideron divertirse e familiarizarse con este deporte. Uns 100 cativos tomaron parte nesta iniciativa que se desenvolveu entre as 10:00 h. e as 13:30 horas. A través desta actividade intentouse que os nenos e nenas se interesen pola práctica dunha actividade deportiva en auxe e moi completa como é o baloncesto. Ademais ofrecéuselles unha alternativa complementaria ás actividades tradicionais de educación física que desenvolven no seu día a día.

A xornada, que se desenvolveu no pavillón polideportivo do Milladoiro, contou con actividades de adestramento e xogo de baloncesto, para as cales o equipo empregado, como as canastras, estiveron especialmente adaptadas ás características físicas de nenos e nenas de corta idade. Outro dos elementos específicos que se empregou nesta actividade foi un balón de menor dimensión para facer máis doada esta actividade. Os rapaces estiveron divididos en oito grupos de entre 12 e 13 nenos/as. Quizais nalgún dos nenos e nenas que o venres se introduciron no mundo do baloncesto teñamos algún xogador de elite o día de mañá.

AMES – ABRESE O PRAZO PARA O PAGO DE IMPOSTOS DE VEHICULOS

Comeza o prazo para efectuar o pagamento do imposto de vehículos e da taxa do mercadiño

O Concello de Ames recórdalle a todos os veciños e veciñas que o día 1 de maio comezou o período impositivo voluntario para efectuar o pagamento do imposto sobre vehículos de tracción mecánica e da taxa por instalación de postos, barracas, casetas de venda, espectáculos, atraccións ou recreo, situados en terreo de uso público municipal. Os contribuíntes poden efectuar os seus pagamentos nas entidades bancarias colaboradoras que figuran nos documentos de pagamento enviados aos contribuíntes. A veciñanza amiense tamén pode efectuar o pagamento deste dous impostos a través da Oficina Virtual Tributaria. No caso de perda do devandito documento o obrigado tributario pode obter un duplicado nas oficinas municipais de xestión tributaria. O prazo para o cobro remata o día 30 de xuño.

Esta semana comeza o prazo de pagamento do imposto sobre vehículos de tracción mecánica e da taxa por instalación de postos, barracas, casetas de venda, espectáculos, atraccións ou recreo, situados en terreo de uso público municipal. Deste xeito o período para efectuar a liquidación destes dous impostos quedou fixado entre o 1 de maio e o 30 de xuño. A través destes dous impostos o Concello de Ames ten previsto recadar 1.003.350,95 euros.
O imposto sobre vehículos de tracción mecánica aportará ás arcas municipais un total de 991.106,91 euros, en concepto de recadación polos 15.285 vehículos inscritos. Pola súa banda, o cobro da taxa por instalación de postos, barracas, casetas de venda, espectáculos, atraccións ou recreo, situados en terreo de uso público municipal, así como industrias na rúa e ambulantes e rodaxe cinematográfica aportará un total de 12.244,04 euros correspondentes a 64 liquidacións. A base impoñible sobre a que se determina a cota tributaria se calcula sobre os metros cadrados ocupados en terreo de uso público e inclúese a tarifa por expedición de documentos administrativos (carné de vendedor ambulante).

Formas de pagamento
A cidadanía amiense que teña que efectuar algún destes pagamentos poderá facelo nas entidades bancarias que colaboran co servizo de recadación. Todas aquelas persoas que desexen ser atendidas ou realizar calquera tipo de suxestión poden acudir ás oficinas municipais de xestión tributaria. En Bertamiráns estas oficinas están situadas na rúa de Entrerríos, número 6. O horario de atención ao público será de luns a xoves de 8:30 h. a 14:30 horas pola mañá e de 16:15 h. a 18:30 horas en horario de tarde. Os venres as instalacións permanecerán abertas de 8:30 h. ata as 14:30 horas. No caso do Milladoiro, poderase acudir ás dependencias municipais desta localidade, situadas na rúa do Agro do Medio. Neste caso o horario de atención ao público será dende as 9:00 h. ata as 14:00 horas de luns a venres.
Oficina Virtual Tributaria
Outra alternativa é efectuar o pago destes impostos por vía telemática, a través da Oficina Virtual Tributaria. Para acceder á oficina virtual tributaria hai que entrar na web municipal. Unha vez aí podes premer no banner que hai na páxina principal ou ir a sección de Ames Dixital onde atoparás unha ligazón que indica Oficina Virtual Tributaria. Para entrar no panel de xestión podes empregar tres vías, sempre e cando os contribuíntes dispoñan dos instrumentos correspondentes que se precisan en cada caso para facilitar o acceso.
A primeira vía implica ser titular da certificación dixital en vigor da Fabrica Nacional de Moeda e Timbre. Outra opción é a través do servizo de Banca Electrónica daquelas entidades colaboradoras que asinen o correspondente convenio da Oficina Virtual Tributaria co Concello de Ames. Nestes intres a Administración local ten asinado un convenio con Nova Caixa Galicia para poder acceder á oficina virtual tributaria a través de Caixa Activa ou Caixa Xestión.
Por outra banda, existe a posibilidade de que mediante o DNI electrónico se poida empregar a oficina virtual tributaria. Para poder empregar esta terceira vía de acceso o usuario deberá dispor de DNI electrónico e coñecer a clave para utilizar os certificados do mesmo.

PP MELIDE – PRESENTACION CANDIDATURA

Álvarez – Campana: “Lo mejor que le puede pasar a Melide es que Ánxeles sea la próxima alcaldesa”
· El secretario de organización hizo especial hincapié en la necesidad de un cambio de rumbo en el gobierno local, tras 4 años de desgobierno y estancamiento por culpa del bipartito
Melide, 1 de mayo de 2011.- El secretario de organización, Manuel Álvarez – Campana, arropó a Ánxeles Vázquez en la presentación “de la futura alcaldesa y del equipo de gobierno de Melide”. En este sentido, incidió en que ha llegado el momento del cambio, de dar el relevo a otra forma de gobernar y de poner en marcha proyectos clave y de futuro para el municipio. En esta misma línea, el representante popular hizo referencia a los actuales y difíciles momentos económicos e incidió en que “va a ser un camino duro, largo y repleto de obstáculos. Pero Ánxeles y su equipo tienen la energía, la determinación, el proyecto y la ilusión para afrontarlo”. “Melide –añadió- es un barco a la deriva tras los 4 años de agotamiento y desgobierno bipartito, pero los ciudadanos deben saber que hay soluciones, y que el PP tiene una candidata y unos equipos gestores dispuestos a darle la vuelta a la grave situación”. Por ello, subrayó que lo mejor que le puede pasar al municipio es que Ánxeles sea su próxima regidora”. En este sentido, recalcó que Ánxeles Vázquez tiene que ser la próxima alcaldesa porque “la alianza de perdedores sólo perjudica a Melide, porque entre ellos tratarán de repartirse las migajas del Gobierno y no tendrían un rumbo decidido”.
El representante de los populares lamentó los 4 años perdidos y de parálisis en el ayuntamiento, “por culpa de la actual alcaldesa, que no ha sabido estar a la altura del cargo ni de las circunstancias”. En este sentido, criticó la nefasta gestión de Socorro Cea al frente del Concello y destacó que Melide es uno de los ayuntamientos más endeudados de Galicia con 5 millones de deuda y que, en los 4 años de su mandato, “la tasa de paro se ha visto incrementada un 40%”. Álvarez - Campana lamentó que no haya centrado todos sus esfuerzos en fomentar el empleo en el municipio. “Cea será conocida por ser la regidora que ha construido más aceras por las que cada día pasean más parados”. El secretario de organización destacó que este es el resultado de tener en el gobierno bipartito con “dos cabezas, dos alcaldes, pero ningún proyecto”. En estos momentos, en Melide no hay un gobierno municipal, sino dos partidos que cada uno tira por un lado, enfrascado en luchas y discusiones internas, y con una alcaldesa sin liderazgo, que crea conflictos en vez de solucionar problemas y que carece de un proyecto global para enfrentarse a los retos que tienen en estos momentos los melidenses.
En esta misma línea, el secretario de organización hizo especial hincapié en que “vuestra futura alcaldesa está trabajando para presentar las mejoras propuestas en positivo, porque este municipio tiene importantes retos de futuro que afrontar en los próximos años y necesita un gobierno serio y eficaz”. Álvarez - Campana mostró su plena confianza en que la capacidad de trabajo de Ánxeles Vázquez se verá reflejada en que no dudará en tomar el timón y resolver los problemas comunes que afectan a sus vecinos. “Ánxeles tiene un gran proyecto y un equipo con experiencia y gran valía para mejorar Melide, y lo hará con un programa en el que los vecinos sean los protagonistas”, indicó.

PSOE AMES – CEA MITIN PRESENTACIÓN DA CANDIDATURA

RECORD DE APOIO Ó CANDIDATO A ALCALDÍA DE AMES, CARLOS FERNÁNDEZ, CON MÁIS DE 500 ASISTENTES NA PRESENTACIÓN DA CANDIDATURA SOCIALISTA

Fernández agradeceu a presenza do Ministro do Goberno, Francisco Caamaño, e do Secretario Xeral do PSOE, Pachi Vázquez

O candidato á alcaldía de Ames insistiu na necesidade de traballar ata o último momento no proxecto socialista, recordou que o concello pode perder a súa condición de referencia na prestación de servizos e conciliación familiar e chamou á participación nas urnas para evitalo, votando ao Partido Socialista

Pediu un esforzo aos seus militantes e simpatizantes para acadar a maioría suficiente para gobernar sen ataduras, en solitario, recordando as negativas consecuencias que tivo para Ames a pinza PP-BNG nesta lexislatura

O PSdeG-PSOE de Ames presentou publicamente na tarde de onte, sábado día 30 de abril, a candidatura para as vindeiras eleccións do 22 de maio nunha cea-mitin no pavillón municipal de Bertamiráns. Ao acto asistiron o Ministro de Xustiza, Francisco Caamaño, mailo Secretario Xeral do PSdeG-PSOE Manuel Pachi Vázquez, que manifestaron xunto ao candidato socialista á reelección, Carlos Fernández, a “sorpresa e o agradecemento pola masiva resposta dos veciños de Ames a esta convocatoria”, dixo Fernández, ao quedarse moi pequena a estimación dos organizadores e superarse os cincocentos comensais, que para asistir abonaron 20 € por invitación.

O alcalde de Ames insistiu en varias ocasións no agradecemento pola resposta veciñal, “que supera as arelas que puidera ter posto na convocatoria e, desde logo, ridiculiza as cifras das que outros pretendían presumir”. Fernández saudou a presenza do Ministro do Goberno, Francisco Caamaño, “querido por todos nós. Por ser e exercer de galego e por ser tan boa persoa e tan bo ministro”. Non faltaron tamén palabras de agradecemento pola presenza de Pachi Vázquez “o noso Secretario Xeral quen manifestou sempre o seu apoio, o compromiso e toda axuda para a nosa candidatura”, valorou o importante papel que desenvolve o líder dos socialistas galegos logo de ter collido o partido en momentos de dificultade, e de “impulsarnos cara o triunfo agora nas municipais e logo para gañar as xerais e as autonómicas”.

Insistiu na necesidade de “traballar ata o último momento” polo proxecto dos socialistas para Ames. Fernández lembrou o que se tiña avanzado, “convertendo a Ames nun concello emerxente, referencia de servizos e calidade de vida” e insistiu en que isto non sempre foi así e se pode volver atrás. Animou aos presentes á mobilización para que isto non ocorra e o equipo de “persoas preparadas, capaces, honradas e solventes” que forman a candidatura que encabeza conten coa “maioría suficiente para gobernar” sen ataduras. “ A experiencia destes últimos catro anos indícanos que importantes asuntos municipais quedaron sen resolver pola pinza dos grupos PP e BNG. Na maioría dos plenos celebrados no noso Concello, con temas clave para a cidadanía amiense foron rebentados pola coalición malévola destes dous grupos”, declarou Fernández.

Por iso, “é necesario o voto, un xesto tan simple, pero á súa vez tan importante” para que o proxecto socialista de Ames siga adiante, dixo o candidato socialista. Por iso volveu a insistir na necesidade de explicar o proxecto e chamar ao voto aos veciños e ás veciñas que comparten a súa ilusión porque Ames siga avanzando.

BNG ORDES – PRESENTACIÓN DO PROGRAMA ELECTORAL

O BNG PRESENTA ESTE LUNS O PROGRAMA DE GOBERNO CO QUE OS NACIONALISTAS REACTIVARÁN A ECONOMÍA DE ORDES

Gonzalo Castro, acompañado de Carlos Aymerich, debullará as propostas coas que os nacionalistas potenciarán a creación de postos de traballo e mellorarán os servizos sociais públicos

O BNG de Ordes presenta este luns, 2 de maio, ás 21.00 horas no Restaurante O Túnel, o programa de goberno co que concorre ás eleccións municipais nun acto que contará coas intervencións de Carlos Aymerich, portavoz do BNG no Parlamento de Galiza, de Gonzalo Castro, candidato do BNG á Alcaldía de Ordes, e de Montse Rei, número dous da candidatura.

Castro avanza que o programa electoral do BNG se artella sobre dúas prioridades, “a creación de emprego e a mellora dos servizos sociais públicos”. “Con estas dúas premisas, o BNG liderará o Goberno de cambio que todos e todas as ordenses demandan”, engade o cabeza de lista, que sinala que as actuacións que recolle o BNG no seu programa “incidirán na reactivación económica de Ordes”. De aí que unha das actuacións dos nacionalistas consista en destinar o novo edificio do concello a un viveiro de empresas e tamén a creación dun centro de promoción económica.

Nesta liña, Castro aposta por que Ordes “sexa motor de desenvolvemento económico e social da nosa comarca, para o que defenderemos o emprego e os servizos sociais de calidade”. “O BNG é a única alternativa para rematar coas desigualdades sociais no noso Concello”, explica Castro, quen advirte de que o programa co que concorren os nacionalistas ás eleccións “está concibido para que o Concello de Ordes sexa tamén referente comercial e motor de creación de postos de traballo co obxectivo de recuperar e incrementar os 500 empregos destruídos nos últimos catro anos”.

O actual portavoz municipal salienta ademais tres características nas que o BNG baseou as súas propostas para gobernar Ordes: transformación, benestar e participación da cidadanía. “Trátase dun programa co que gobernaremos para todos e todas e co que trataremos a todos e todas por igual, sen discriminacións”, revela Castro, quen adianta que as actuacións que presentará este luns o BNG “inciden na mellora das condicións de vida de toda a cidadanía e fornecen o noso concello de oportunidades de futuro”.

Castro conclúe que a constante do BNG no próximo Goberno municipal serán “o diálogo, a colaboración e a posta en común de actuacións cos sectores socioeconómicos de Ordes”.

PSOE ROIS – PRESENTACION CANDIDATURA

JOSÉ GARCÍA GRELA, CANDIDATO Á ALCALDÍA DE ROIS: “A DESORGANIZACIÓN DO CONCELLO REPERCUTE NUNHA MALA ATENCIÓN AOS VECIÑOS”

A eurodeputado Antolín Sánchez Presedo acompañou a os roisenses durante o seu acto de presentación

Rois, 30 de abril de 2011. O PSdeG-PSOE de Rois presentou hoxe aos integrantes da candidatura coa que concorrerá ás vindeiras eleccións municipais do 22 de maio. O candidato á Alcaldía, José García Grela, sinalou que a “desorganización” na que está sumida o funcionamento do Concello repercute “nunha mala atención aos veciños e veciñas e na perda de moitas subvencións”. O cabeza de lista propuxo, para paliar esta situación, unha “profunda” reforma administrativa da Casa do Concello.

García Grela, que se declarou “moi ilusionado, motivado e con unha dispoñibilidade total” para afrontar o reto de dirixir o Concello e sacalo da “gran parálise” na que se encontra desde hai catro anos, adiantou que completar a rede de saneamento e abastecemento do municipio será un dos seus principais obxectivos de cara a vindeira lexislatura. O candidato socialista tamén se comprometeu a traballar para facer realidade o enlace viario entre Quintáns e Urilde e para mellorar a estrada desde Quintáns ao núcleo de Rois.

A actual voceira do grupo municipal socialista, María Jesús Castro Neo, fixo durante a súa intervención un balance da lexislatura que está a piques de rematar. Segundo a concelleira, o goberno local “viviu de rendas” cos proxectos que xa estaban en marcha ou quedaron pendentes do mandato anterior do bipartito. Castro Neo sinalou tamén que a administración rexida polos populares “dilapidou as axudas do Plan E en asfalto” e acusou a goberno local de non ter capacidade para captar recursos e oportunidades para o Concello, o que se traduciu nunha acusada perda de poboación e de vías de financiamento.

O eurodeputado Antolín Sánchez Presedo, que participou no acto de presentación, manifestou o seu compromiso cos roisenses e felicitou ao equipo socialista pola elaboración unha candidatura “gañadora”. A lista encabezada por García Grela complétase, por esta orde, con José Manuel Iglesias Pérez, Margarita Castro Bustelo, Manuel Vázquez Figueiras, Verónica González Osorio, Francisco Ramón Lapido Boullón, José González Freire, Margarita Arufe Blanco, Eugenio Autrán García, María Teresa Iglesias López e María Jesús Castro Neo.

PSOE SANTA COMBA – PRESENTACION CANDIDATO

JOSÉ ANTONIO UCHA VELO, CANDIDATO Á ALCALDÍA DE SANTA COMBA: “ALGÚNS DOS NOSOS RIVAIS ESTÁN PENSANDO EN VENDER OS SEUS VOTOS”

O eurodeputado Antolín Sánchez Presedo acompañou aos socialistas xalleiros no seu acto de presentación

Santa Comba, 30 de abril de 2011. O PSdeG-PSOE de Santa Comba presentou onte nun ateigado Edificio Multiusos aos compoñentes da candidatura coa que concorrerá ás vindeiras eleccións municipais do 22 de maio. O candidato á Alcaldía, José Antonio Ucha Velo, advertiu ante o auditorio que algúns dos rivais políticos dos socialistas venderán os seus votos despois dos comicios. Ante esta situación, Ucha Velo anunciou que os integrantes da súa lista teñen firmado un compromiso ético que impedirá cambios e transaccións irregulares a partir do 22 de maio. “Imos coa verdade por diante e non somos manipulables”, manifestou Ucha.

O cabeza de lista apostou por liderar “un proxecto de cambio” que teña por sinais de identidade “a liberdade, a igualdade, a honradez e o traballo”. O equipo socialista, segundo explicou Ucha Velo, xa demostrou a súa capacidade de xestión, “pero lamentablemente non nos deixaron desenvolver o noso proxecto”. O candidato do PSdeG-PSOE indicou que o 22 de maio haberá “unha oportunidade única para cambiar de verdade as cousas e rematar co caciquismo”.

Ucha Velo adiantou que o programa dos socialistas, que fará público en datas próximas, estará baseado na promoción económica e do emprego, na mellora e ampliación dos servizos sociais e na creación de novas infraestruturas e vías de comunicación.

O eurodeputado Antolín Sánchez Presedo acompañou aos socialistas xalleiros no acto e amosoulles todo o seu apoio e compromiso co seu proxecto para Santa Comba. Juan José Carnes Brión, Miguel Caamaño Espasandín, María Dolores García Mata, Patricia Val Antelo, María Isabel Gesto Gesto, José María Espasandín Martínez, María Elisa García Capelo, Victorino Álvarez Capelo, José María Gesto Nariño, Lucía Blanco Carril, Silvia Quintáns Temes, Manuel Estévez García, Santiago Grille Ferreiro, Manuel Martínez Tajes, María Ángeles Rodríguez Berrocal e Ángel Souto Mata completan, por esta orde, a candidatura socialista xalleira.

OROSO – JOSE BREA NOMEADO PRIMEIRO FILLO PREDILECTO DA VILA

JOSÉ BREA DONO, FUNDADOR DO GRUPO BREA E AUTOS BREA, CONVÉRTESE NO PRIMEIRO FILLO PREDILECTO DO CONCELLO DE OROSO

Manuel Mirás aposta pola creación dun corredor industrial Santiago-Oroso-Ordes, onde estas infraestruturas poderían complementarse

30 de abril de 2011.- Máis de 250 persoas encheron esta mañá o centro cultural Fernando Casas e Novoa de Sigüeiro para asisitiren ao nomeamento de José Brea Dono, fundador do Grupo Brea e de Autos Brea, como primeiro fillo predilecto do Concello de Oroso. Un acto presidido polo alcalde de Oroso, Manuel Mirás, acompañado polo alcalde de Santiago, Xosé Antonio Sánchez Bugallo, quen se encargo uda laudatio ao homenaxeado.

Manuel Mirás entregoulle a José Brea unha insignia, unha medalla e un pergamiño honoríficos que demostran o recoñecemento do Concello de Oroso cara “un ilustre empresario que tivo o acerto e o bo gusto de nacer aquí” e cuxas empresas dan traballo a 212 persoas, “moitas delas veciños e veciñas de Oroso”. Así, explicou que este tipo de actos “son froito dunha aposta deste Goberno que presido por poñer en marcha unha cultura de recoñecemento ás persoas deste municipio para, entre todos, facer máis pobo, máis Oroso”.

Mirás Franqueira destacou que José Brea “pertence a unha familia de Oroso das de toda a vida”, pois é o segundo fillo dunha familia numerosa de dez irmáns nacidos do matrimonio formado por Manuel Brea Vázquez e Manuela Dono Rey. Así, aínda que este empresario desenvolveu dende moi novo a súa actividade no veciño concello de Santiago de Compostela, o alcalde orosán ofreceulle un espazo nos máis de 500.000 m2 do polígono empresarial San Martiño II por “se tes previsto facer algun investimento complementario das plantas que tes en Santiago, que saibas que aquí tes a túa casa”.

Corredor industrial Santiago-Oroso-Ordes

Manuel Mirás explicoulles aos presentes que a súa intención non era que o Grupo Brea trasladase a súa sede de Santiago a Oroso, senón que dixo que “tanto os polígonos empresariais de Santiago como os de Oroso, e incluso o de Ordes, poden ser complementarios. De feito, deberían conformar un auténtico corredor industrial, que sería dos máis importantes de Galicia”. Así, Mirás Franqueira esbozou “un corredor industrial Santiago-Oroso-Ordes, vertebrado por dúas infraestruturas tan importantes como a Nacional 550 e a Autopista AP-9, que estou seguro que sería unha oportunidade de negocio moi importante pola nosa situación xeográfica estratéxica e as boas comunicacións das que dispoñemos”.

Unhas boas comunicacións que en Oroso aínda se verán máis melloradas coa execución do enlace sur da autopista. “Este era un dos grandes compromisos cos cidadáns do Goberno que presido e podo dicir que espero que o Ministerio de Fomento saque a licitación o enlace sur da AP-9 o vindeiro mes de xuño”, anunciou o alcalde orosáns.

Sánchez Bugallo: “escoitar Brea é sentir o orgullo de ser cidadán de Compostela”

Na súa intervención, o alcalde de Santiago, Xosé A. Sánchez Bugallo, destacou que José Brea “é un exemplo do galego emprendedor” e remarcou que “a distinción que hoxe se lle outorga é un recoñecemento a ese brillante labor como empresario”. O rexedor da capital de Galicia fixo un repaso pola traxectoria vital e profesional de Brea Dono e do seu vínculo co progreso da cidade, para concluír que “hoxe, escoitar Brea é sentir o orgullo de ser cidadán da área de Compostela e admiración por que un paisano noso teña sido capaz de acadar metas tan altas”.

Bugallo recoñeceuse “afortunado” por “contar dentro do meu territorio cun emprendedor” como Brea Dono. Suliñou que o dinamismo do tecido empresarial redunda na fortaleza da cidade e nun maior grao de cohesión social. Neste sentido, o alcalde santiagués agradeceu o traballo de Brea para “construír cidade” na súa etapa como membro da xunta directiva da Asociación de Empresarios do Polígono do Tambre.

O primeiro edil compostelán aproveitou tamén para destacar que o novo Fillo Predilecto de Oroso “nunca perdeu o contacto co seu pobo natal, vén case todas as fins de semana e visita aos seus veciños e a súa casa familiar que aínda conserva e onde mantén vivas as lembranzas da súa infancia”, comentou.

Agradecemento de José Brea

José Brea Dono dedicou a súa intervención a agradecer a distinción que recibiu hoxe e manifestou que a recolle “con moita honra e gran ilusión”. Dixo tamén sentirse emocionado polo “cariño co que sempre me tratades todos, hoxe e cada vez que veño”.

José Brea Dono é o primeiro fillo predilecto de Oroso, despois de que o Concello orosán se dotase o pasado ano dun regulamento de distincións polo que nomeou tamén fillo adoptivo a Joaquín González Iglesias, director xeral do grupo Vegalsa-Eroski. O seu nomeamento foi aprobado polo pleno municipal de 30 de setembro de 2010 cos votos a favor de PSOE, BNG e PP, e coa abstención da concelleira de Terra Galega (o Partido Galeguista non asistiu á sesión).

José Brea Dono, nacido en Oroso no ano 1928, é o fundador de Autos Brea e do Grupo Brea, que na actualidade dan traballo a un total de 212 persoas. Brea Dono é o segundo fillo dunha familia numerosa de 10 irmáns nacidos do matrimonio formado por Manuel Brea Vázquez e Manuela Dono Rey. Casou en 1952 con Celsa Hervés Parada, coa que tivo dous fillos e tres fillas. José Brea comezou a traballar no mundo da automoción aos 18 anos no taller mecánico Sánchez y Seoane (Santiago). Despois de traballar en Talleres Caeiro, abriu o seu primeiro negocio no 1961: un pequeno taller mecánico especialista nas marcas Seat e Renault en Santiago de Compostela.

No ano 1963, xunto ao seu irmán Luis (xa falecido), creou unha empresa de aluguer de automóbiles sen condutor: Autos Brea, un negocio pioneiro en Galicia e que despois se expansionou a Vigo, A Coruña, Ourense, Lugo e Ferrol. En 1975 abriu un novo taller de reparación de mecánica, chapa e pintura denominado Talleres Brea.

No 1979 nace o que hoxe é coñecido como Grupo Brea, coa apertura dunha nave no polígono do Tambre (Santiago) e como axente de vendas de Seat. Posteriormente, pasaron a ser concesionario de vehículos Seat, momento no que asumiron o nome de Brea Hervés. En 1986 convertéronse en concesionarios de Seat, Volkswagen e Audi. Despois chegarían Brea Móvil (1999), Brea Automoción (2002) e unha importante expansión por Galicia. Na actualidade, dá emprego a un total de 212 persoas: 52 en Autos Brea e 160 no Grupo Brea.

PP ARZUA – OBRAS TRAVESÍA DE LUGO

Cascón insta ao actual goberno local a que deixe de improvisar coas obras da travesía Lugo – Santiago

· Considera que a falta de planificación nesta obra está a causar importantes desfeitas e inundacións en inmobles particulares

· Veciños da rúa do Rego da Raña presentaron firmas para evitar a instalación de contedores subterráneos sen previlo no proxecto

· O candidato popular esixe que se indemnice ós establecementos públicos polas incidencias do pasado venres, xa que é única e exclusivamente responsabilidade do concello

Arzúa, 30 de abril de 2011. O candidato do PP á Alcaldía de Arzúa, Armando Cascón, lamenta a falta de diálogo e de consenso que o actual equipo de goberno mantén coa cidadanía. “Os nacionalistas están a impoñer as súas teses a costas do sentir xeral, como así se demostra nas obras de reurbanización da travesía urbana, rúas Lugo e Santiago”, explica Cascón. Neste senso, o candidato popular pon como exemplo os desencontros que a cotío se producen entre os residentes e os dirixentes municipais, como así o demostra o último capítulo, onde os veciños da rúa Rego da Raña se puxeron en pé de guerra, plantándose ante a maquinaria pesada, cando os operarios da empresa que está a facer as obras da rúa de Lugo, se dispoñían a picar unha zona da devandita rúa para a instalación duns colectores soterrados.

Cascón subliña que a localización destes colectores estaba prevista na rúa de Lugo como dotación incluída nas obras de reurbanización, motivo polo cal os residentes na rúa Rego da Raña, presentaron un escrito de queixa ante o alcalde, no que lle esixirían a expedición dun informe técnico onde se precisen con detalle os motivos que levaron a semellante cambio de localización, cando o concello dispón na zona da praza do Peregrino, que pode acoller a instalación sen prexudicar directamente a ningún veciño.

Outro dos problemas xurdidos froito da improvisación son as constantes inundacións que a título particular están sufrindo veciños e propietarios de establecementos públicos, hostaleiros e comercio en xeral. “Estas incidencias ben poderían ser subsanables se dende o equipo de goberno afrontaran estas obras cunha formulación seria e consensuada cos diferentes axentes sociais sen presas de última hora e sen fins electoralistas”, manifesta o candidato.

Neste sentido, indica ademais que o proxecto en execución non conta cos desaugues necesarios para previr inclemencias meteorolóxicas como a acontecida o pasado venres. Neste senso, Armando Cascón esixe que se indemnice ós establecementos públicos polas incidencias do pasado venres, xa que é única e exclusivamente responsabilidade do concello afronta-los danos. Por últimos, Cascón considera que a eliminación de puntos de estacionamento tampouco beneficiará ó tecido comercial e non responderá ás verdadeiras necesidades da vila.