Axenda e tempo do sábado 9 de agosto - Danza, música, festas, exposicións

Actividades

Santiago- Danzas nas prazas de Compostela

Santiago - Feito a man -terraza Embora - The Fabulosos resaca Brothers

Santiago - Brincadeira

Santiago - Atardecer no Gaias - The Versionettes

Ames - Festas da Peregrina en Bertamiráns 

Outros Concertos + info

Exposicións

Santiago - Ánxel casa - mi casa, su casa

Santiago - Fundación Granell - Ana Gesto - a volta dun plato

Santiago - Museo das Peregrinacións - Miguel Ánxo Prado

Santiago - Museo do Pobo Galego - cerámica de Díaz Pardo

O Tempo

Touro - XXII Festa dos maiores

Touro celebra el próximo domingo, 10 de agosto, su XXII ‘Encontro dos Maiores’

El Concello organiza también ese día una jornada de puertas abiertas para que los vecinos conozcan los nuevos edifícios de la Casa de Cultura y el PAI de Touro

El Concello de Touro celebrará el próximo domingo, día 10 de agosto, su XXII Encontro dos Maiores. La cita, dirigida a los mayores de 60 años del concello de Touro, se celebrará en esta ocasión en la parroquia de Touro. Ese mismo día el Concello organiza una jornada de puertas abiertas para que los vecinos y vecinas conozcan las nuevas instalaciones de la Casa de Cultura y del nuevo Punto de Atención á Infancia (PAI).

La Festa dos Maiores tendrá lugar el próximo domingo en las instalaciones ubicadas en las proximidades de la Casa de Cultura y el PAI. Allí se instalará una carpa que albergará el evento. Habrá misa campestre, xantar y música, como de costumbre. 

La Casa de Cultura de Touro, recién finalizada, está ubicada en una zona de ocio donde también está localizada la piscina, el área de autocaravanas y la residencia de mayores. En esta zona también está ubicado un pequeño edificio que acogerá el nuevo centro social. La empresa encargada del proyecto de la Casa de Cultura ya entregó las llaves al Concello de Touro, que a la vuelta de agosto procederá a dotarlo de mobiliario. El edificio del PAI, adosado a la Casa de Cultura, también está finalizado. El Concello asegura que podrá estrenarse con el nuevo curso. Los vecinos y vecinas podrán conocer ambas instalaciones de los nuevos edificios el día 10.

La jornada del próximo domingo servirá para ocupar el tiempo de los mayores, fomentar su participación en actividades de ocio y cultivar las relaciones entre las personas de una misma edad. El Departamento de Servizos Sociais de Touro presta especial atención a este colectivo de la población, ya que los mayores de sesenta años representan en torno al 25% de los habitantes del Concello.

En la jornada de celebración del próximo domingo habrá una misa campestre, música y ‘xantar. Los asistentes serán premiados, como ya es tradicional, con el reconocimiento al hombre y la mujer de mayor edad del Concello de Touro. La celebración finalizará a las 19.30 horas.

Psoe Ames - A débeda do concello incrementouse cando eran maioría

O GOBERNO DE AMES INCREMENTA A DÉBEDA DO CONCELLO E NON PAGA UN SÓ EURO DOS PRÉSTAMOS SOLICITADOS

O Goberno en maioría de Amor e Argibay pediron 1.600.000€ en préstamos que agora non paga e deixa en man dos futuros rexedores.

Miñones denuncia tamén o silencio e a incongruencia dos membros de Pacto x Ames que permitiron co seu voto a toma desta decisión.

O goberno presidido por Santiago Amor e o líder de Pacto x Ames, Ramón García Argibay, aprobaron no 2012 a solicitude de dous préstamos por importe de 1.600.000 euros nunhas condicións prexudiciais para os intereses do Concello cun interese do euribor+0,45% que supón o pago de preto de 400.000€ en xuros a pagar ata o 2022. O Grupo municipal Socialista criticou no seu día esta decisión tomada polo goberno maioritario de entón e advertiu das consecuencias que tería no futuro. Agora o tempo pon a cada un no seu sitio e demostra o desastroso desa medida cunhas condicións sangrantes que o propio Concello está mirando de cambiar e ligadas a un plan de axuste inxusto e inxustificado. Din os Socialistas que lonxe de mellorar, as arcas municipais presentan agora mais débeda e se lle deben aos provedores máis cartos que cando se tomou dita medida.

Plan de Axuste

O PP de Ames tomou como medida estrela á súa chegada ao Goberno a imposición dun Plan de Axuste que hipotecaba ao Concello de Ames nos vindeiros 10 anos con medidas restritivas en todos os sectores do Concello. Coa aprobación deste plan de axuste o Goberno afogou aos veciños e veciñas de Ames con subidas de taxas e impostos directos e indirectos sen aplicarse así mesmo a mesma vara de medir, e permitíndose un incremento de dedicacións exclusivas con cargo aos que gobernan, e multiplicando por 3 o gasto en persoal de confianza con respecto á lexislatura anterior. O hipotético aforro que fixo o Goberno foi descargado sobre a oposición á que retirou as dedicacións que cobraban eles mesmos cando se sentaban no banco da oposición, e sobre o persoal e veciños e veciñas, con medidas extraordinarias, rebaixas de soldos, de permisos e dereitos.

Todo este plan de axuste foi defendido por parte do Alcalde e tamén o entón primeiro tenente de alcalde, o Sr. Argibay, agora líder dos non adscritos de Pacto x Ames, baixo unha suposta necesidade dun pago aos provedores que nunca tivo xustificación crible e coherente e,que agora co paso do tempo se amosa ineficiente, cunha carga maior pendente de pago sobre estes mesmos provedores.

O plan de axuste aprobado presentaba as seguintes medidas que o Goberno fixo ou ten previsto facer nos vindeiros meses:

¾ Subida do IBI

¾ Subida do imposto de vehículos

¾ Subida das taxas de comedores, escola de música, bos días, tardes divertidas e escolas deportivas.

¾ Cobro retroactivo da taxa do lixo

¾ Axuste máximo de usuarios e de prezo nas actividades municipais

¾ Non cobertura de baixas e xubilacións, etc.

O Goberno baixo a mentira do pago de provedores 

No 2012 o Goberno en maioría solicitou dous préstamos aos bancos por máis de millón e medio de euros para facer fronte á débeda cos proveedores. Daquelas facturas sen pagar un porcentaxe moi baixo correspondía á etapa do PSOE no goberno, poñendo de manifesto a reiterada mentira do PP ao longo da súa etapa na oposición e durante as eleccións de 2011, onde afirmaban unha suposta débeda de 16 millóns de euros e acusaban ao Goberno socialista de non facer fronte aos proveedores por importes superiores a 4 millóns. A solicitude deses préstamos foi ligado a un plan de axuste a dez anos que provocou a subida de taxas, as restricións de prazas para as diferentes actividades (escola de verán, xuño lúdico, etc.) e que hipotecou ao Concello para toda unha década. Os Socialistas catalogamos de innecesaria aquela medida e criticamos a vía fácil pola que optou o Goberno de Amor, pedindo cartos aos bancos en vez de xestionar a débeda cun plan de pago aprazado. “O Alcalde e o seu goberno maioritario preferiu asumir unhas condicións sangrantes dos bancos antes que xestionar e solucionar os problemas”, afirma o voceiro Socialista, José Miñones.

O PP intentou facer ver que a débeda cos provedores eran facturas deixadas sen pagar pola anterior corporación cando a realidade foi que tan só 246 das 836 correspondían á anterior etapa tal e como se contabilizan no informe de intervención. Foi o goberno de Amor e Argibay o maior responsable da débeda cos provedores froito da súa xestión e cun importe de preto de un millón e medio de euros dende a súa chegada ao Goberno. “Os Socialistas nunca botamos balóns fóra e sempre asumimos a nosa débeda cos provedores da que nos fixemos cargo con pagos puntuais nos que tan só 15 facturas excedían dos 6 meses de atraso e sen ter que recorrer a medidas drásticas e endebedamentos innecesarios tal e como fixo o Goberno de Amor”, di o portavoz do Grupo Socialista.

O goberno de Amor non amortizou nin un euro

Pero o peor de todo chega agora cando observamos que o Goberno do PP lonxe de facerse cargo das súas decisións carga sobre o futuro goberno municipal o pago dos seus préstamos. Durante os dous primeiros anos dende a aprobación deses préstamos, 2012 e 2013, o goberno de Amor non se responsabilizou da súa equivocada decisión e non amortizou nin un só euro de cada un deses préstamos, nin pagou xuro algún dos mesmos. “Amor e compañía impoñen pedir cartos aos bancos e eles despois non pagan utilizando os dous anos de carencia para que sexan outros os que teñan que asumir ese custe no futuro”, sentenza Miñones. Non é a primeira vez que o Goberno utiliza esa táctica xa que recentemente xa veu de propoñer unha modificación de pagos a Augas de Galicia polo tema da potabilizadora atrasando a aportación e solicitando pagar nos anos 2014 e 2015 en vez de 2013 e 2014. Ademais a maior parte do pago atrásase ao vindeiro ano electoral de 2015 para ter agora unha maior liquidez, “Amor fai uso da barra libre para que sexan outros os que paguen as súas decisións”.

Finalmente os Socialistas catalogamos de innecesaria a toma de decisión de solicitude destes préstamos porque levaban implícito un plan de axuste directo e imposto pola porta de atrás que ademais implicaría un aumento da débeda. Cremos e afirmamos con rotundidade que os proveedores deben cobrar en forma e tempo pero non permitiremos que iso vaia asociado a un axuste e afogamento do Concello. O tempo nos demostra agora que non tivo sentido algún dita medida e así a día de hoxe a realidade volve a amosar a falta de xestión dun goberno á deriva que despois de poñer o contador a cero en febreiro de 2012 co pago aos provedores, a día de hoxe deben mais de 1.750.000€ en tan só 2 anos e medio, onde está agora a crítica dos dirixentes do PP que facían cando estaban na oposición?, debemos de dicir os socialistas que o Goberno do PP non quere pagar e son uns morosos como facían eles antes? “Os Socialistas non imos caer nesa política rastreira e populista, e o único que facemos é criticar as medidas equivocadas adoptadas polo Goberno en maioría, o incremento de débeda provocado e a falta de seriedade deixando de pagar os préstamos pedidos para que sexan outros os que o teñan que asumir”, aclara o portavoz socialista.

Pacto x Ames

E a todo isto, onde están os concelleiros de Pacto x Ames? Nestes últimos meses veñen criticando ao goberno e sumándose ao mensaxe dos socialistas sobre a parálise do Concello, pero non din que esta consecuencia é en gran medida por un acordo tomado por eles mesmos cando eran compañeiros no goberno do PP e chama a atención non escoitarlles nada acerca do incremento da débeda ou do alto interese que ten que pagar o Concello. Por iso os Socialistas tamén criticamos o silencio e a irresponsabilidade dos ex-socios de Goberno que agora conforman Pacto x Ames. Non entendemos os Socialistas como os ex-concelleiros/as do PP poden estar criticando ao goberno por numerosas actuacións e quedar calados ante a situación creada pola petición destes préstamos e o plan de axuste que eles votaron a favor. Para Miñones esta postura dos escindidos é covarde e lles pide que fagan autocrítica e recoñezan o erro feito e o dano causado co seu voto favorable a dito plan, “non recoñecer o seu erro é estar do lado de todas as medidas levadas a cabo polo goberno amiense e que tanto critican” afirma o voceiro Socialista. Un exemplo desta incongruencia coa que actúan os membros de Pacto é a crítica que veñen de facer do límite de prazas das escolas de verán e xuño lúdico que levou acabo o Goberno e que é consecuencia do aprobado no plan de axuste, ou a crítica pública que fai o concelleiro Argibay sobre a suba de IBI e que novamente estaba contemplada no plan de axuste que el mesmo aprobou ou a recente denuncia que fixeron sobre a xestión de tributos e que tamén estaba contemplada no citado plan. Á vista queda que Pacto x Ames é preso das equivocadas decisións tomadas no pasado e cómplice de moitas das decisións que o goberno toma como do incremento da débeda creada por solicitar 2 préstamos bancarios por mais de un millón e medio de euros. Miñones pídelles que “quiten a careta e amosen a súa verdadeira cara, ou que fagan autocrítica e recoñezan publicamente o seu enorme erro”.

Santiago - Novo servizo anual de rozas

O novo servizo anual de rozas garante xa unha resposta máis áxil e eficaz ás necesidades de mantemento das marxes do vieiros municipais

O Concello programará mensualmente as actuacións en función das necesidades detectadas polos técnicos e as solicitudes dos cidadáns, pero tamén garantirá a atención dos requirimentos máis urxentes 

A concelleira de Desenvolvemento Urbano Sostible, Teresa Gutiérrez, anunciou a adxudicación e posta en marcha do novo servizo de limpeza de marxes e drenaxes de vieiros, de sendeiros fluviais e de parcelas de titularidade municipal. Este contrato, de carácter anual, permitirá dar unha resposta áxil e eficaz, executando os traballos en función das necesidades que se vaian producindo e dunha programación mensual. O servizo prestarase fundamentalmente nos máis de 400 quilómetros de pistas rurais asfaltadas coas que conta Santiago de Compostela.

“O obxectivo deste servizo é atender unha das demandas máis recorrentes dos cidadáns, e resolver con eficacia e rapidez un problema que centra boa parte das queixas veciñais”, indicou a concelleira. Neste sentido, subliñou que o servizo está pensado fundamentalmente para as parroquias da rural e que resolverá non só unha cuestión estética, senón fundamentalmente de seguridade. “Seguridade para os coches (maior visibilidade) e para os propios peóns, pois este tipo de vieiros soen ser utilizados con frecuencia polos veciños da zona para desprazamentos curtos, e a diferenza entre ter unha cuneta chea de silveiras ou unha cuneta limpa é vital á hora de evitar riscos de atropelo”.

Os veciños e veciñas poderán seguir transmitindo as súas solicitudes de limpeza de marxes de vieiros ao Concello. En función das mesmas e das necesidades detectadas polos técnicos municipais, elaborarase un programa mensual de traballos que se remitirá á empresa adxudicataria para a súa execución. 

A intención do Concello –apuntou a edil- é que, “cando menos, se poidan facer dous repasos a cada vieiro anualmente”. Neste programación estarán tamén moi presentes as datas das festas patronais de cada parroquia, para que os accesos, o entorno da igrexa e o campo da festa poidan estar en perfecto estado cegadas as respectivas datas.

Esta programación mensual de traballo incluirá labores nos vieiros como a limpeza e reparación de cunetas, baixantes, arquetas ou drenaxes; o segado de herba e o seu tratamento; a retirada de residuos vexetais, escombros e lixo; a limpeza de colectores, barreiras de seguridade, sinais e indicadores; o revestimento de cunetas ou a construción de baixantes. Tamén comprende a roza e mantemento dos sendeiros fluviais, basicamente o río Sarela, dos que antes se encargaba o Servizo de Medio Ambiente do Concello. No caso das parcelas municipais, a maioría dotacionais e edificables e situadas no ámbito urbano, procederase igualmente á roza e limpeza.

Pero contrato tamén inclúe actuacións urxentes como a limpeza de aterramentos e desprendementos ocasionais, a limpeza de canos, taxeas e sumidoiros, ou a retirada ocasional de árbores, entre outros. Todos estes labores serán executados pola empresa adxudicataria de forma inmediata, nun máximo de dúas horas.

Para a execución dos traballos, a empresa destinará un mínimo de seis persoas. En canto a medios materiais, disporá de vehículos, equipos de sinalización viaria e accesibilidade, 4 tractores, 1 retroescavadora, 1 motoniveladora, 1 camión grúa, 1 varredora, equipos auxiliares (cortadora, compresor pisón, xerador) e equipos de limpeza manual (rozadoras e motoserras).

Outros investimentos no rural

Teresa Gutiérrez apuntou que este contrato é complementario do de conservación e mantemento dos pavimentos dos vieiros, estimado en 300.000 euros e que se adxudicará nos vindeiros días. Lembrou tamén outras actuacións previstas para o rural, como a limpeza de pistas forestais para a prevención de risco de incendio -en colaboración coa Consellería de Medio Rural- por importe 47.370 euros, ou as obras do Plan de Obras e Servizos da Deputación da Coruña (POS 2014), que permitirán o acondicionamento e mellora de 37 pistas de 17 parroquias do rural, cun investimento de 508.320 euros.

Psoe Ordes - Axudas para a estrada de Mercurín

Os socialistas de Ordes solicitan aproveitar a nova convocatoria de axudas de zona mineira para a mellora da estrada de Mercurín

A Agrupación Socialista de Ordes solicita que a nova convocatoria de axudas para zonas mineiras se aproveite para a reparación e mellora da estrada que une os polígonos industriais de Ordes e de Cerceda a través da parroquia ordense de Mercurín. Os socialistas consideran que esta pode ser a derradeira oportunidade de conseguir unha axuda directa para deixar o vial en condicións dignas para o tránsito. 

A convocatoria, recollida nun real decreto publicado este mércores pasado polo Ministerio de Industria, Energía y Turismo no BOE, inclúe Ordes como concello mineiro afectado con carácter excepcional. Deste xeito, o municipio pode ser beneficiario das subvencións, que cobren tanto a execución de proxectos de infraestruturas como a de proxectos de restauración de zonas degradadas. 

Con respecto ás infraestruturas, o PSOE ordense destaca que o propio Ministerio recoñece que se “requiren aínda esforzos adicionais para acadar o obxectivo de permitir un desenvolvemento alternativo eficaz” nas comarcas afectadas polo cese da actividade mineira. Por eso, os socialistas consideran que o proxecto da estrada de Mercurín ten pleno encaixe na nova convocatoria, que forma parte do marco de actuación acordado para o período 2013-2014.

Os socialistas lembran que a estrada entre Ordes e Cerceda por Mercurín é unha vía de comunicación fundamental para os habitantes de ambos os municipios, ao ser o traxecto máis curto e comunicar os dous polígonos industriais. O vial, que presenta moi mal estado e restrinxiu o paso de tráfico pesado hai uns meses, é vítima da inacción da Xunta de Galicia nos últimos cinco anos. O goberno autonómico non foi quen de formalizar neste tempo o convenio de colaboración co Concello de Ordes e co Ministerio de Industria para financiar o arranxo da estrada dentro do Plan Miner. 

As obras estiveron orzamentadas inicialmente en 2,8 millóns de euros, cun proxecto de 2010 que contemplaba ampliar a estrada ata unha anchura total de dez metros, con beiravías de metro e medio en cada marxe. Á vista da falta de xestión e as promesas incumpridas por parte da Xunta nos últimos anos, baralláronse outros proxectos de alcance e contía menor, tamén rexeitados pola Xunta. 

Os socialistas de Ordes agardan que, se se consegue unha axuda suficiente con esta nova convocatoria e se arranxa a estrada, a Xunta se anime tamén a asumir a súa titularidade, dado que se trata dunha infraestrutura que adquiriu interese autonómico. Non en van, a maior parte do seu deterioro débese ao paso de camións de gran tonelaxe con dirección á planta e ao vertedoiro que Sogama ten en Cerceda.

Frades - Abertas as inscricions da Festa da Xuventude

 O Concello de Frades mantén aberto ata o 14 de agosto o prazo de inscrición para participar na súa Festa da Xuventude 2014, que se celebrará o sábado 23 de agosto a partir das 13:00 horas na área recreativa dos Pasos, na parroquia de Aiazo. As inscricións son gratuítas e poden formalizarse na Casa do Concello ou no teléfono 981 69 55 67, entre as nove da mañá e a unha da tarde. 

A festa contará con actividades ao longo de todo o día. A partir das tres da tarde, comezará un xantar gratuíto para os empadroados no municipio, sempre con anotación previa. As persoas que non estean empadroadas en Frades deberán consultar o prezo á hora de inscribirse. 

Entre as propostas de entretemento da Festa da Xuventude 2014 do Concello de Frades, destacan as actuacións de DJs e unha xincana de competición por grupos, na que poderán participar equipos de entre tres e cinco compoñentes. 

Con esta proposta, o Concello de Frades ofrécelle á súa poboación xuvenil unha alternativa de ocio moi variada para o tempo estival, que conta ademais co aliciente de ter como escenario unha área recreativa ampla e cómoda, con todos os servizos e ubicada nunha paraxe natural de primeira magnitude a carón do río Tambre.

Ames - Adxudicada a reparación de distintos parques infantís

Ames adxudica as obras de reparación de varios parques infantís

Os parques nos que se realizarán as obras de reparación e adecuación son o situado na Praza de Chavián, en Bertamiráns; o ubicado na praza de Correos, no núcleo do Milladoiro, e o parque infantil da urbanización Agro do Muíño, en Ortoño.

O Goberno amiense, reunido en Xunta de Goberno Local, deu luz verde áaprobación das obras de reparación e adecuación de tres parques infantís do municipio nas que se investirán un total de 51.307 euros. Estes traballos estaban contemplados no Plan de Obras e Servizos complementario da Deputación correspondente ao exercicio 2013 e, grazas aos aforros conseguidos nas restantes licitacións, poderán acometerse agora.

Os parques nos que se realizarán as obras de reparación e adecuación son o parque infantil situado na Praza de Chavián, en Bertamiráns; o ubicado na praza que está limitada polas rúas Agro da Madalena, Agro do Medio e Viorneira (máis coñecida como Praza de Correos), no núcleo do Milladoiro, e o parque infantil da urbanización Agro do Muíño, na parroquia de Ortoño.

Trátase de tres parques moi empregados debido a súa situación. O da praza de Chavián é o máis concorrido de Bertamiráns, debido a súa situación nas inmediacións da Casa da Cultura e do centro de saúde. O mesmo acontece co da praza de Correos do Milladoiro, situado no centro do núcleo urbano e próximo tamén ao centro de saúde. Por último, na urbanización Agro do Muíño, situada na parroquia de Ortoño, existe un colexio nas inmediacións do parque, polo que á afluencia de público infantil procedente da propia urbanización únese á que vén da saída do colexio.

Obras a realizar

No parque de Agro do Muíño as actuacións consistirán na retirada do pavimento de grava, que existe na actualidade e que ocupa unha superficie total de 147 metros cadrados, e substituirase por lousas de caucho. Antes da colocación do pavimento de caucho haberá que realizar unha soleira de formigón sobre a que se colocarán ás devanditas lousas de caucho. Ademais, inclúese a colocación dun valado perimetral que delimite a área de xogos.

Nos parques da praza de Chavián e do Milladoiro prevese a retirada do pavimento actual de lousas de caucho, a posterior limpeza e preparación da soleira de formigón e a posterior execución de pavimento de caucho continuo para garantir a amortiguación das posibles caídas dos nenos/as.

Axenda e tempo do venres 8 de agosto - Festivais, música, danza, exposicións

Actividades

Santiago - Catedral - concerto da Real Filharmonía

Santiago- Danzas nas prazas de Compostela

Santiago - Feito a man -San Martiño Pinario -  Andhrea and the Black Cats

Santiago - Brincadeira

Santiago - Atardecer no Gaias - Dirty Socks

Santiago - Verán na Rúa  - Supergalácticos

Outros Concertos + info

Exposicións

Santiago - Ánxel casa - mi casa, su casa

Santiago - Fundación Granell - Ana Gesto - a volta dun plato

Santiago - Museo das Peregrinacións - Miguel Ánxo Prado

Santiago - Museo do Pobo Galego - cerámica de Díaz Pardo

O Tempo

Teo - Medio Rural non permite que os veciños de San Domingo pasen os depósitos de auga

O concello de Teo lamenta o incumprimento de medio rural cos veciños de San Domingo que non poden acceder aos seus depósitos de auga

Na concentración parcelaria de monte de Calo a Consellería non fixo unha pista de acceso a uns depósitos de auga no medio da aldea 

No outono pasado o Xefe Territorial, Antonio Manuel Aguión, reuníase co alcalde de Teo e cos propietarios de cara a avanzar nunha solución 

O Concello de Teo lamenta o incumprimento da Consellería de Medio Rural cos veciños de San Domingo que teñen unha problemática dende hai anos pola que non poden acceder aos seus depósitos de auga. A concentración parcelaria de monte na parroquia de Calo, que comezou hai décadas, contemplaba un camiño de acceso polo medio da aldea aos depósitos. Sen embargo este camiño non se realizou e anos despois o acceso non está garantido. 

A comunidade de propietarios solicitaba hai meses a mediación do Concello e o alcalde de Teo, Martiño Noriega, acompañado de varios veciños reuníanse co Xefe Territorial de Medio Rural, Antonio Manuel Fernández. Nesa xuntanza o responsable autonómico comprometíase a estudar a solución para o problema. De feito dende a Consellería traballaron na valoración do proxecto de apertura do acceso que eles estimaban nun custo cercano aos 10.000 euros.

Os veciños están fartos de esperar xa que esta situación está provocada polo mala execución dos traballos feitos na concentración hai anos. Os depósitos de agua dan servizo a 17 familias do núcleo de San Domingo, na parroquia de Calo. Como teñen trasladado á Xunta en numerosas ocasións de xeito verbal e por escrito neste momento non poden facer as tarefas de mantemento, acondicionamento ou limpeza necesarias para o bo funcionamento deste equipamento. 

Ata hai dous anos os propietarios accedían con maquinaria pola finca colindante á zona na que debía estar o camiño, grazas á boa disposición dun veciño. Sen embargo dende hai dous anos este propietario pechou a finca e neste momento a situación resulta insostible para os donos dos depósitos. 

O Concello realizou traballos de desbroce e limpeza na zona do “camiño virtual” pero é imprescindible que Medio Rural faga os traballos de apertura do acceso. O alcalde de Teo, Martiño Noriega, explica que “o propio Xefe Territorial de Medio Rural comprometeuse a estudar unha solución e case un ano despois a única resposta da Xunta son evasivas”. Resulta “intolerable que non abran o acceso cando esta situación vén provocada só por unha mala execución dos traballos de concentración da propia Xunta” destaca Noriega.

Ordes - Hoxe celébrase o Día do Neno

Ordes celebrará hoxe venres o ‘Día do neno’

Terá lugar a partir das 17 horas con obradoiros, hinchables, xogos en familia e moito máis. A xornada rematará cunha gran festa da espuma

Dentro do programa ‘Verán Cultural’ o Concello de Ordes celebrará hoxevenres unha xornada temática adicada aos nenos e nenas do municipio. 

Será a partir das 17 horas cando no Campo da Feira se inicien as actividades que conforman o Día do neno, aínda que se a chuvia non permite celebralo no exterior trasladarase ao pavillón Campomaior. Este ano poderase desfrutar de hinchables indicados para calquera idade. Tamén haberá talleres de maquillaxe, chaveiros e vidro, así como personaxes e zancudos que en todo momento estarán ambientando con grandes pompas de xabón e figuras de globoflexia. A xornada tamén está pensada para poder ser desfrutada en familia, de aí que se organizasen xogos de lóxica e habilidade entre pais e fillos. Tamén haberá outras actividades lúdicas na que os elementos reciclados serán indispensables. Un floqueiro non parará de facer flocos para todos os asistentes. 

Como peche terá lugar a tan esperada festa da espuma, na que un gran cañón transformará o espazo nunha gran nube branca.

Silleda - O próximo día 23 XL Festa da Empanada

A Festa da Empanada volta á vila da Bandeira o vindeiro sábado 23 celebrando o seu 40 aniversario

-A cita gastronómica estará precedida polo Bandeirock e o Esmorga Folk

-O actor Luis Zahera repite como pregoeiro nesta edición

-A Ruta da Empanadilla, na que participan todos os bares da localidade, aperitivo na xornada do venres por cuarto ano consecutivo. 

As Festas de Verán da Bandeira, coa empanada, como protagonista, voltan á vila silledense do 21 ao 24 de agosto próximos. A presentación da festa gastronómica, declarada de Interese Turístico e que dende hai xa 4 décadas xunta a preto de 10.000 persoas en torno a un dos pratos máis afamados da cociña galega, na carballeira da localidade, tivo lugar hoxe no Centro Cultural Vista Alegre. 

No acto, no que os organizadores dos distintos eventos estiveron arroupados polo alcalde, Manuel Cuíña, e a concelleira de Cultura e Turismo, Margarita Campos, entre outros membros da Corporación, deuse a coñecer o cartel dos festexos de verán, que comezarán o xoves día 22 co XVI Bandeirock.

O festival, que terá lugar a partir das 22.00 horas na rúa Camilo José Cela, con protagonismo de formacións silledenses. Así, Pepe Luis Gil, membro da organización explicou que ademais do grupo anfitrión, Kona ke te fixo, estarán presentes Barrio Rojo e Pujolandia, integrados por xente de Silleda e a banda compostelana de blues eléctrico Fifty fifty Blues Band.

XVI Esmorga Folk

Na xornada do venres día 22, na que se procederá xa ao corte da estrada nacional 525 (o tráfico estará desviado ata a madrugada do luns), o programa arranca con diversas actividades pola tarde. Así, logo do corte da estrada nacional, previsto para as 16.00 horas haberá xogos infantís. Ás 18.30 horas chega ao circuito de A Moa a III Exhibición de coches de Radio Control e ás 19.00 horas comezará a IV Ruta da Empanadilla. Un ano máis todos os establecementos hostaleiros da Bandeira servirán como apertivo á gran cita do sábado tapas a base de empanadillas. Participan: Bar Arume, Bar Atly, Bar Zaux, Conde, Vitorino, Café Bar Totola, Mesón Bandeira, A Plazoleta, A de Tachy, Vinoteca Cadeira, Trécola, A Taberna do Músico, e O Refuxio).

Ás 20.00 horas o grupo Fortín da Pomba ofrecerá unha actuación na propia estrada xeral e unha hora despois, ás 21.00 horas terá lugar a cuarta edición do Campionato Interparroquial de Tiro á Corda, nas categorías masculina e feminina, con trofeos donados polo Concello de Silleda.

O broche de ouro á xornada do venres chega co Esmorga Folk, un dos festivais máis senlleiros do panorama galego da música tradicional, que este ano cumpre o seu 26 aniversario. Na cita, segundo explicou Ana Codesido, da organización do certame actuarán catro formacións: Tanxedoras, Folieiros, Os d’abaixo e Xistra.

Xornada estrela: concurso e pregón

O sábado chega a cita estrela do programa, coa celebración da XL Festa da Empanada, declarada de Interese Turístico Galego no ano 1999. A xornada abrirase co pasarrúas a cargo da Banda de Veteranos da Bandeira (11.00 horas), que darán un concerto ás 14.00 horas, e a misa solemne na honra de Nosa Señora das Ermidas.

Xa pola tarde, a partir das 16.00 horas arranca a cita coa gran protagonista da gastronomía silledense. O presidente da Asociación Amigos da Empanada da Bandeira, Diego Cuíña, explicou durante a presentación que as empanadas que se presenten a concurso recolleranse de 16.00 a 18.00 horas. Tamén aclarou que ao igual que o ano pasado a organización decidiu non realizar a poxa das pezas premiadas.

Cuiña vanzou que o pregoeiro desta edición será Luis Zahera, que xa ensalzou hai varios anos na Bandeira as excenlencias do versátil prato galego. O actor, que ten participado en numerosas series e longametraxes (recibiu premios pola súa interpretación en películas como Celda 211 ou Todo es silencio, entre outras) fíxose moi popular logo de dar vida a Petróleo, na serie galega Mareas Vivas. Ten ademais participado noutras series televisivas de éxito, como Sin tetas no hay paraíso. O cartel desta edición é obra de Andrea Dunia Díaz Casal, veciña da localidade e membro da directiva da asociación.

Na cita non faltará a actuación do grupo local Xirandola nin o tradicional concurso de empanadas. En canto ao concurso, un xurado profesional xulgará o sabor, presentación e orixinalidade das empanadas que se presenten ao concurso, concedendo como sempre tres premios en dúas categorías: amas de casa e restaurantes e panaderías. Tamén haberá un premio á peza máis orixinal. 

O xurado estará formado por Rafael, de Casa Lodeiro de Ponte Ledesma; Natalia Guzmán, do restaurante O Refuxio de Merza; Diego López, de La Molinera de Lalín; e Adriana Abelleiro, de Sala Gradín, en A Estrada. Tamén formará parte do xurado Diego Taboada, veciño da Bandeira, e que o pasado ano gañou o premio na categoría de sabor tradicional.

Unha vez rematado o pregón, e logo da entrega dos premios, ás 21.00 horas haberá un espectáculo pirotécnico e sobre as 22.000 horas comezará a cea das peñas, na que se agarda superar as 10.000 persoas “tendo en conta que este ano a festa celebra o seu 40 aniversario”, apuntou o presidente 

A verbena da multitudinaria xornada do sábado na estrada N-525 estará amenizada polas orquestras Ismael e Aramio.

Reservas ata o día 18

Cuíña tamén lembrou que o prazo de reserva de espazo para a cea das peñas do sábado está aberto e que rematará o vindeiro luns día 18. Os socios e as persoas que estén interesadas en reservar sitio deben achegarse polas tardes á Casa da Cultura da Bandeira para formalizar as reservas. “É moi importante para nós, por cuestións de operatividade, que se cumpra o prazo e que a xente non espere ata o último día”, dixo lembrando o traballo que supón a montaxe das mesas.

Petanca e verbena o domingo

O domingo, último día das festas, comezará con todo un clásico: o Open Internacional de Petanca. O pasarrúas e concerto de mediodía correrá a cargo da Banda Recreativa e Cultural da Bandeira e Banda Artística de Merza. Tamén se celebrará ás 13.00 horas a misa en honor a San Antonio. Xa pola tarde, ás 20.00 horas, terá lugar un concerto coas citadas bandas, que ás 22.00 ofrecerán unha sesión de bailables. Ás 23.30 haberá verbena coa Orquesta Troco.

Diego Cuiña agradeceu en nome da organización o apoio dos veciños e veciñas da Bandeira, e das empresas e comercios que están a colaborar coa festa. Tamén apuntou que os veciños poden facer as aportacións económicas na conta que a comisión ten na entidade Abanca.

Na presentación interviron tamén a concelleira de Cultura e Turismo, Margarita Campos, que reiterou o apoio do Concello “á festa de Silleda con máis proxección”, e o alcalde Manuel Cuíña, que pechou o acto destacando a importancia da empanada, e agradecendo o esforzo dos organizadores e colaboradores. 

Actos conmemorativos nos vindeiros meses

Dende a Asociación Amigos da Empanada tamén prevén realizar nos vindeiros meses distintos actos para conmemorar o 40 aniversario da Festa da Empanada. “Durante o que resta de ano temos previsto organizar distintos eventos para celebrar as 4 décadas desta festa que xa é un símbolo de identidade para esta vila”, engadiu Diego Cuiña.

Ordes - Contúan os espectáculos do Verán Cultural

‘O mellor espectáculo do mundo…. Ou non’ enche de risas e diversión a Alameda de Ordes

‘O mellor espectáculo do mundo…ou non’. Este foi o título do espectáculo que o Concello de Ordes ofrece na tarde de onte dentro da programación do seu Verán Cultural. A Alameda de

Ordes encheuse de nenos e nenas que desfrutaron ao grande cos chistes, malabares e divertidas situacións nas que se viu envolto o protagonista desta xornada marcada pola risa.

Ames - Bertamiráns celebra as festas da Peregrina

Bertamiráns celebra esta fin de semana as festas da Peregrina

A Asociación de Comerciantes de Bertamiráns e a Cofradía Nosa Señora a Divina Peregrina, en colaboración co Concello de Ames, organizan un programa moi variado de actividades para as festas da Peregrina.

Durante estes tres días haberá música a cargo de varios grupos amienses, obradoiros de cultura urbana, exhibicións de aeromodelismo, unha feira de artesanía, desfile de mascotas, un obradoiro de xornalismo, procesións, misas, etc.

Os locais hostaleiros de Bertamiráns poderán ampliar o seu horario de peche nunha hora os días 8, 9 e 10 de agosto con motivo das festas da Peregrina.

A Asociación de Comerciantes de Bertamiráns e a Cofradía Nosa Señora a Divina Peregrina, en colaboración co Concello de Ames, organizaron un programa moi variado de actividades para as festas da Peregrina, de Bertamiráns, que se celebran os días 8, 9 e 10 de agosto. Na reunión mantida hoxe na Casa do Concello cos membros da ACB e da Cofradía Nosa Señora a Divina Peregrina perfiláronse os últimos detalles da celebración destas festas. Durante estes tres días haberá música a cargo de varios grupos amienses, obradoiros de cultura urbana, exhibicións de aeromodelismo, unha feira de artesanía, desfile de mascotas, un obradoiro de xornalismo, procesións, misas, etc. A Asociación de Comerciantes de Bertamiránsdecidiu realizar estas actividades por diferentes prazas de Bertamiráns para achegar as festas a toda a veciñanza. O programa de actividades está dirixido a todos os públicos.

O primeiro día as festas comezarán ás 17:00 h cunha festa da espuma e con inchables que estarán instalados na praza de Chavián ata as 21:00 horas. Despois, ás 19:00 horas, haberá un obradoiro de breakdance a cargo da Asociación Vella Escola e actuará o DJ Turntablism na explanada da piscina A Telleira. Xa pola noite, entre as 21:30 h e as 23:30 horas, o grupo de pandereteiras As Maianas actuará na praza da Maía.

O sábado, 9 de agosto, ás 10:00 horas realizarase un obradoiro de xornalismo na praza do Concello. A música comezará ás 11:30 h na praza do Concello coa actuación do grupo de gaitas da Asociación Cultural Os Castros. Xa pola tarde, ás 17:00 horas, volverán organizarse novas actividades na praza do Concello. Nesta ocasión organizarase un obradoiro de pinturas e preparación de miniaturas.

Unha hora despois, ás 18:00 horas, comezará no paseo fluvial de Bertamiráns un desfile de mascotas cos seus donos. Ademais, haberá un photocall e diferentes obradoiros. O segundo día de festas rematará cun concerto de blues, ás 21:00, na praza da Maía a cargo do grupo Cairo Killers.

Día grande das festas da Peregrina

As 21 bombas de palenque que se lanzarán o domingo 10 de agosto, ás 9:00 horas, anunciarán o inicio do día grande das festas da Peregrina. Posteriormente, ás 12:30 horas haberá unha misa solemne na capela da Peregrina, e ás 13:15 horas, realizarase a correspondente procesión. Ademais, durante e despois da procesión actuarán os Danzantes de Meaño, de Pontevedra.

Ademais da parte relixiosa, o domingo 10 de agosto, haberá máis actos festivos que comezarán ás 11:00 horas cunha exhibición de aeromodelismo que está organizada polo Ames RC Club. Deste xeito, realizaranse varias demostracións de pilotaxe sincronizada e acrobática no parque do Ameneiral. Ademais, o paseo fluvial de Bertamiráns acollerá ao longo de todo o día unha feira de artesanía na que haberá postos de diferentes produtos artesanais e de alimentación. As festas da Peregrina 2014 rematarán cun concerto a cargo do grupo Mas Tango. Esta actuación terá lugar ás 21:00 horas praza do Concello.

Apertura dos establecementos hostaleiros de Bertamiráns

Por outra banda, os locais hostaleiros de Bertamiráns poderán ampliar o seu horario de peche nunha hora os días 8, 9 e 10 de agosto con motivo das festas da Peregrina.

Axenda e tempo do xoves 7 de agosto - Brincadeira festival, música, exposicións

Actividades

Santiago - Catedral - concerto da Real Filharmonía

Santiago- Danzas nas prazas de Compostela

Santiago - Feito a man -San Martiño Pinario -  Le Petit Swing

Santiago - Brincadeira

Santiago - Verán na Rúa - Fuenteovejuna

Outros Concertos + info

Exposicións

Santiago - Ánxel casa - mi casa, su casa

Santiago - Fundación Granell - Ana Gesto - a volta dun plato

Santiago - Museo das Peregrinacións - Miguel Ánxo Prado

Santiago - Museo do Pobo Galego - cerámica de Díaz Pardo

O Tempo

Santiago - A Real Filharmonía celebra hoxe un concerto na Catedral

A Real Filharmonía de Galicia celebra un concerto na Catedral de Santiago, hoxe xoves ás 21:30 horas

A orquestra interpretará obras de compositores españoles, “Victoriana” de Pablo Sorozábal, e dúas das “Canciones para Dulcinea” de Antón García Abril

A Real Filharmonía de Galicia (RFG) celebra hoxe xoves un concerto na Catedral de Santiago, ás 21:30 horas. Levará a batuta o director asociado da orquestra, o mestre compostelán Maximino Zumalave.

O concerto comezará coa obra Victoriana, do compositor e director de orquestra vasco Pablo Sorozábal (1897-1988). Escrita en 1951, estreouse 36 anos despois no Teatro Real de Madrid dirixida por Jesús Lopez Cobos. Un Sorozábal xa consagrado dende que na década dos trinta triunfara coas súas zarzuelas, a estrea estaba prevista para o 14 de decembro de 1952. Nese momento o músico desempeñaba o cargo de director titular da Orquestra Filarmónica de Madrid. Xa non quedaban entradas para o concerto cando, a véspera, aunciouse que a actuación quedaba cancelada e Sorozábal dimitiu como director da formación. A obra non se estrearía ata 1987.

De seguido a orquestra achegará ao público Canciones para Dulcinea, do compositor aragonés Antón García Abril (1933). Os músicos tocarán dúas das pezas que integran esta composición: a canción número 2, Canción de la noche blanca, e a número 5, Canción del encuentro. Escritas en 1985, están inspiradas no Don Quijote de Cervantes.

O concerto rematará coa Sinfonía nº 3 “Heroica” do xenial Beethoven (1770-1827). Está considerada como o inicio do Romanticismo musical, posto que racha con varios esquemas da tradicional sinfonía clásica. Inicialmente estivo dedicada a Napoleón Bonaparte, xa que o compositor admiraba os ideais da Revolución Francesa encarnados na figura de Napoleón. Pero cando este se autocoroou emperador, Beethoven decidiu borrar o nome de Bonaparte do título. No momento no que se publicou a obra, en 1806, o compositor deulle o título de “Sinfonía Heroica, composta para festexar a lembranza dun gran home”.

Cámara de Comercio - No primeiro semestre impulsouse a creación de 36 empresas

A Cámara de Comercio impulsou a creación de 36 empresas no primeiro semestre de 2014

Os programas de asesoramento a emprendedores e apoio empresarial a mulleres atenderon máis de 300 demandas neste período

Facilitou o aluguer de 12 locais comerciais no último ano 

A Cámara de Comercio, Industria, Servizos e Navegación de Santiago de Compostela continúa impulsando dende hai máis dunha década o Programa de Apoio Empresarial ás Mulleres (PAEM) co que se pretende fomentar o autoemprego e a actividade empresarial entre o sector feminino. Esta iniciativa, que conta cos apoios financeiros do Fondo Social Europeo e do Ministerio de Igualdade, quere impulsar as propostas de negocio das mulleres emprendedoras. Para iso, a Cámara ofrécelles un servizo de asesoramento presencial ou a través de internet en www.e-empresarias.net. No primeiro semestre do ano, o PAEM atendeu as demandas de asesoramento de 145 mulleres correspondentes a 128 novas usuarias do servizo, grazas ao cal contribuíron a crear 21 empresas.

Ademais, existe tamén un Programa de Asesoramento a Emprendedores destinado a ofrecer orientación personalizada, sen distinción de xénero, ás persoas que teñan decidido emprender. A Cámara escoitou ata 159 propostas, rexistrou 137 usuarios e chegáronse a crear 15 empresas nos seis primeiros meses de 2014. Tamén neste período o ente cameral, a través dos Puntos de Atención ao Emprendedor (PAE) gratuitos, axudou a formalizar as altas de oito autónomos, sete sociedades limitadas e unha sociedade limitada nova empresa. 

A Cámara tamén ofrece servizos de asesoramento xurídico e empresarial que se encarga, entre outros asuntos, da redacción de estatutos, os rexistros de marcas ou a tramitación de subvencións. Así mesmo, existe dende o ano 1993 un servizo de arbitraxe e de maneira inminente comezará a funcionar outro de mediación. 

Aluguer de locais comerciais

A Cámara de Comercio de Santiago puxo en marcha o ano pasado un servizo de aluguer de locais comerciais a disposición de emprendedores e comerciantes. O obxectivo é fomentar a rexeneración comercial e incrementar a dispoñibilidade para alugar estes espazos. A día de hoxe triplicouse a oferta e conseguíronse alugar un total de 12 locais comerciais.

Ordes - Arranxo de camiños en Guindiboo

O Concello de Ordes procede co arranxo de dous camiños situados na ‘Aldea de abaixo de Guindiboo’

En total investíronse máis de 5.600 euros e as obras están incluídas no POS

O Concello de Ordes vén de investir máis de 5.600 euros na coñecida como Aldea de abaixo de Guindiboo, na parroquia de Santa Cruz de Montaos. Concretamente procedeuse co arranxo de dous camiños ubicados neste punto. Un deles transcorre polo núcleo poboacional e enlaza coa N-550, mentres que o outro é o que deriva ata a escola unitaria. Nestes últimos días executáronse as labores de asfaltado superficial e aplicación de graba. As obras están incluídas no Plan de Obras e Servizos (POS).

Touro - Iniciativa Xplora xuventude

Xóvenes de Touro, coa iniciativa Xplora Xuventude

Xóvenes de Touro participaron o martes, coincidindo coa Feira dos Emigrantes que se celebrou unas rúa de Fonte Díaz, na iniciativa Xplora Xuventude. A Carpa Xplora Xuventude achegouse ata a capital de Touro para que mozos e mozas do Concello e de toda a comarca poidesen coñecer os recursos e programas dirixidos a eles. 

Esta iniciativa tamén ofrece asesoramento por parte de técnicos especializados. A Carpa Xplora Xuventude, iniciativa da Consellería de Traballo e Benestar, estivo instalada nas proximidades do Campo da Festa. Ata alí acjegáronse xóvenes do Concello durante a mañán. A campaña desenvólvese por toda Galicia entre xuño e setembro. Durante estes meses, os técnicos da Rede Galega de Dinamización Xuvenil percorrerán 110 localidades da xeografía galega.

Santiago - En setembro celebrarase Compostela Gastronómica

Santiago acollerá en setembro Compostela Gastronómica, primeiro Festival da Cociña Galega

· Compostela Gastronómica, que se desenvolverá na segunda quincena de setembro, nace para amosar as posibilidades dos produtos e da restauración de Galicia.

· O programa de Compostela Gastronómica xirará en torno ao Mercado de Abastos de Santiago, espazo de referencia para os turistas da cidade e a gastronomía galega.

O Alcalde de Santiago, Agustín Hernández, presentou as liñas mestras de Compostela Gastronómica, primeiro Festival da Cociña Galega. O obxectivo do evento, organizado por Turismo de Santiago, é amosar as posibilidades dos produtos e da restauración de Galicia como atractivos turísticos. Para isto empregarase o Mercado de Abastos como plataforma de promoción xa que ao mesmo tempo é o segundo lugar máis visitado de Santiago e un lugar de referencia para os profesionais da gastronomía galegos. O evento celebrarase do 19 ao 28 de setembro.

O Alcalde, que estivo acompañado pola Concelleira de Turismo, Reyes Leis, e o Presidente da Cooperativa do Mercado de Abastos, José Ramón del Rio, salientou que Compostela Gastronómica concíbese coma un Festival de Cociña, é dicir, non como unha feira ou un congreso, senón coma un evento lúdico para gozar das diferentes perspectivas da gastronomía. 

Agustín Hernández tamén destacou que Compostela Gastronómica non resposta a un modelo pechado e inflexible, que se pode desenvolver en múltiples cidades, senón que é un proxecto pensado dende Santiago e para Santiago, co que non podería desenvolverse en ningún outro lugar. Así, apuntou que a experiencia desta primeira edición servirá para consolidar o evento nos próximos anos. Finalmente, agradeceu o financiamento da Xunta de Galicia, a través da Axencia de Turismo de Galicia.

Compostela Gastronómica desenvolverase na segunda quincena de setembro, cun amplo programa de actividades pensadas para tres tipos de públicos: actividades para produtores e profesionais do sector da gastronomía; actividades para xornalistas e creadores de opinión especializados nos sectores de viaxes e de gastronomía; e actividades para o público final, tanto composteláns e galegos, como visitantes e turistas. 

Con este programa de actividades dirixidas a diferentes públicos pero complementarias, Turismo de Santiago pretende conseguir varios obxectivos: colaborar co impulso que a gastronomía de Santiago está vivindo nos últimos anos, cunha oferta na que se combinan tradición e modernidade pero sempre co produto galego como base; transmitir aos comunicadores a mensaxe de que a Gastronomía Galega está máis viva que nunca e Santiago ocupa un lugar privilexiado; e potenciar o atractivo turístico da cidade a través da súa oferta gastronómica.

Compostela Gastronómica incluirá unha ruta de Menús do Mercado de Santiago, na que os restaurantes da cidade participantes ofrecerán diferentes pratos elaborados co mellor produto do Mercado de Abastos. Os establecementos interesados en participar poden facer a súa solicitude antes do 18 de agosto a través da páxina web do evento, www.compostelagastronomica.es

O programa incluirá xornadas profesionais impartidas por cociñeiros de referencia, que terán lugar na aula do Mercado de Abastos. Serán unhas xornadas concibidas como unha oportunidade de formación para os cociñeiros da cidade, polo que se adecuarán as súas necesidades en horarios e contidos. As prazas para estas xornadas estarán limitadas, polo que a comezos de setembro abrirase o período de inscrición.

Ames - más de 4.000 personas pasaron pola bibliopiscinas en Xullo

Máis de 4.000 persoas empregaron o servizo de bibliopiscinas do Concello de Ames durante o mes de xullo

Segundo os datos recollidos nas bibliopiscinas, un total de 2.837 persoas, tanto adultas como nenos ou nenas, empregaron durante o mes de xullo este servizo. A este total habería que engadirlle as persoas que participaron nos obradoiros e contacontos, que foron 1.336 persoas. A inmensa maioría dos asistentes ás bibliopiscinas son nenos/as menores dos 9 anos.

O concelleiro de Educación, Bernardo Moar, explicou que “este ano a pesar de que en xullo non fixo demasiada calor os datos de participación no servizo de bibliopiscinas son moi bos”. Bernardo Moar engadiu que “este ano hai 6 mozos/as que colaboran como voluntarios/as no servizo de bibliopiscinas, que se encargan de impartir a maioría dos obradoiros ofertados por este servizo”.

As bibliopiscinas de Ames, unha iniciativa que leva a lectura e outros servizos da biblioteca municipal, como os xogos, xoguetes ou actividades e contacontos, aos lugares de ocio de todo o municipio, rexistraron durante o mes de xulloun total de 2.837 usuarios/as. O servizo de bibliopiscinas que maior demanda tivo foi o da praia fluvial de Tapia, seguido do da piscina do Milladoiro e do da piscina de Bertamiráns. Ademais, nas actividades de contacontos e obradoiros houbo un total de 1.336 participantes. A inmensa maioría dos asistentes ás bibliopiscinas son nenos/as menores de 9 anos. Este ano hai 6 mozos/as que colaboran como voluntarios/as no servizo de bibliopiscinas. Esta colaboración enmárcase dentro do proxecto “Ambientando o lecer”, que sufraga a Xunta de Galicia.

Segundo os datos recollidos nas bibliopiscinas, un total de 2.837 persoas, tanto adultas como nenos ou nenas, empregaron durante o mes de xullo este servizo. A este total habería que engadirlle as persoas que participaron nos obradoiros e contacontos, que foron1.336 persoas. A inmensa maioría dos asistentes ás bibliopiscinas son nenos/as menores dos 9 anos.

O servizo de bibliopiscinas de Ames é unha iniciativa da concellaría de Educación que, por décimo segundo ano consecutivo, pretende achegar os seus servizos tradicionais, levando os libros, os xogos, os contos, os xoguetes e varias actividades a estas áreas de baño. Ademais, nas bibliopiscinas hai xornais, xogos de mesa e libros para os maiores. Nesta edición, o servizo é impartido por varios monitores/as da empresa amiense Vagalume, que se encargan de facer máis entretidas as tardes de piscina da época estival.

Ademais, pódese acceder aos servizos de préstamo de libros a toalla e a domicilio. Algo para o que só é preciso contar co carné das bibliopiscinas ou da piscina municipal descuberta. Todos os demais servizos son de acceso libre.

O concelleiro de Educación, Bernardo Moar, explicou que “este ano a pesar de que en xullo non fixo demasiada calor os datos de participación no servizo de bibliopiscinas son moi bos. A través deste servizo pretendemos que os nenos e nenas poidan asociar a lectura non só coas horas de estudo senón tamén co tempo de lecer”.

Bernardo Moar engadiu que “este ano hai 6 mozos/as que colaboran como voluntarios/as no servizo de bibliopiscinas. O Concello está levando a cabo o proxecto “Ambientando o lecer”, un programa de actividades de animación á lectura e promoción do medio ambiente no tempo de lecer. Grazas a estes mozos/as voluntarios/as pódese ofertar unha programación máis ampla de obradoiros, xa que son eles os encargados de impartir a maioría destas actividades”.

Horario e persoal das bibliopiscinas

En Bertamiráns e no Milladoiro o horario será de luns a venres de 16:00 h a 20:00 horas. As fins de semana e os festivos estarán pechadas. En Tapia o horario será o mesmo, dende as 16:00 h ás 20:00 horas, pero de martes a domingo (os luns estarán pechadas por descanso do persoal). Ademais, estará aberto os días festivos.

Este servizo está sendo impartido por varios monitores/as da empresa amiense Vagalume, que se encargarán de facer máis entretidas as tardes de piscina da época estival. Cómpre salientar que este servizo será impartido por persoal amiense. Durante os meses de xullo e agosto o horario das bibliotecas municipais de Bertamiráns e do Milladoiro será de 9:00 h a 14:00 horas.

Este ano o Concello de Ames está desenvolvendo o programa “Ambientando o lecer” que inclúe actividades lúdicas e ambientais para a infancia e a mocidade, a través da creación dun equipo de 8 voluntarios/as xuvenís que colaboran en actividades municipais, especialmente durante os meses de verán (6 en bibliopiscinas, e 2 en campamentos e na Aula da Natureza). Este programa foi posto en marcha grazas a unha subvención que se lle solicitou á Dirección Xeral de Xuventude e Voluntariado, da Xunta de Galicia, co obxectivo de desenvolver e promover actividades de voluntariado xuvenil que favorezan o desenvolvemento persoal e/ou profesional da mocidade.

BNG A Estrada - O BNG non asistirá a inauguración do campo de fútbol

O BNG non asistirá á inauguración do novo campo de fútbol

Resulta paradóxico que un concello que agora mesmo ten tres campos de fútbol situados na vila carece de centro de día e o 90% do rural estea sen saneamento

O BNG da Estrada rexeita o convite da Deputación e do Concello para asistir á inauguración do novo campo de fútbol, que se levará a cabo o vindeiro venres 8 de agosto.

Segundo explicou o concelleiro do BNG, Xosé Magariños, “este novo campo de fútbol é a crónica do despilfarro e do despropósito que escribe na Estrada unha nova páxina da man do Deputación e do Concello, gobernados ambas as dúas institucións polo Partido Popular”.

“Esta nova instalación deportiva”, indicou o concelleiro nacionalista, “custou 1.233.000 euros, dos cales 241.000 euros saíron das arcas municipais, un importe que con toda seguridade se incrementou notabelmente, xa que como denunciamos no seu momento, e á luz do convenio asinado coa deputación, o concello tivo que facerse cargo do subministro eléctrico, postes, o subministro de auga, o saneamento, etc, obras que a día de hoxe aínda están sen rematar”. “Ademais, o concello tamén terá que asumir a partir de agora o mantemento desta instalación, cuxo custe tampouco será pequeno”, engadiu o concelleiro do BNG.

“Por outra parte”, explicou Magariños, “esta nova instalación deportiva non ten a polivalencia que si ten a Baiuca, que conta cunha completa pista de atletismo, cousa que non hai en ningún concello da nosa comarca, e que se até agora estaba infrautilizada, agora correrá a mesma sorte do antigo campo de fútbol da Baiuca, a demolición”.

O concelleiro do BNG tamén indicou que “esta obra non é en absoluto necesaria e hai outras prioridades no noso concello que termos un novo campo de fútbol”. “Así,” explicou Magariños, “resulta paradóxico que un concello que agora mesmo ten tres campos de fútbol situados na vila, carece de centro de día para os seus maiores, ten o 90% do rural sen saneamento ou ten nunha silveira a Torre de Guimarei, por citar algúns exemplos de entre as múltiples carencias que ten A Estrada”.

O concelleiro nacionalista tamén criticou a política deportiva da Deputación de Pontevedra. Segundo explicou Magariños, “a deputación, é dicir, o PP, están inzando toda a provincia de Pontevedra de campos de fútbol”. “Así,” engadiu o concelleiro do BNG, “se ollamos os concellos da nosa contorna vemos que en Cuntis e Moraña tamén inauguraron recentemente novos campos de fútbol cun custe multimillonario para as arcas públicas”. “Con este investimento, desta nova meca do fútbol creada pola Deputación de Pontevedra, abofé que terá que saír un novo Messi ou un novo Cristiano Ronaldo”, ironizou o concelleiro nacionalista.