Ames, 09/07/2016 - Estes días pasados, a instancia de numerosas queixas de veciños, membros do Grupo Popular visitaron a biblioteca de Bertamiráns, emprazada na primeira planta da Casa da Cultura da localidade, e puideron comprobar o completo abandono na que se atopa. 
Silleda, 09/07/2016 - Dende o goberno municipal de Silleda infórmase da saída da concelleira Aida Castro Caramés do executivo local, motivada por unha decisión estritamente persoal, ao xurdirlle unha nova e interesante oportunidade laboral fóra do país.
Vedra, 09/07/2016 - Un ano máis o concello de Vedra pon todo da súa parte para que os turistas poidan visitar o concello e disfrutar de distintas actividades.
Ames, 09/07/2016 - Esta fin de semana Bertamiráns acolle, por primeira vez e grazas a participación do CV Bruxas e a colaboración do Concello de Ames, a segunda proba do circuíto Barbanza de volei praia. O torneo, no que participan as categorías sub-15, sub-17, sub-19 e sénior xogarase o sábado e o domingo, no parque do río Ameneiral. Neste torneo participarán 63 parellas, algunhas das cales xogan no CV Bruxas de Ames.
Teo, 09/07/2016 - O Festival Música na Noite, un dos máis veteranos do panorama estival galego, chega aos 18 anos cunha selección das mellores bandas de rock, folk e hip hop do país. Zurrumalla, Barbitúricos, O Sonoro Maxín, Maladrómeda e Aririños do Maycar actuarán hoxe no Campo de San Domingo en Solláns, Calo (Teo) para celebrar a
Santiago,
09/07/2016 - As concelleiras de Acción Cultural e Turismo, Branca Novoneyra e
Marta Lois, presentaron no Pazo de Raxoi Compostelánea, nova publicación que
informará da ampla oferta cultural e de ocio da cidade. Compostelánea nace co
obxectivo de que a veciñanza de Santiago e as persoas que visitan a cidade podan
coñecer toda a actividade que se desenvolve en Compostela durante cada mes,
tanto a promovida dende o propio Concello como dende calquera outra entidade.
Santiago, 08/07/2016 - A concelleira de Acción Cultural presentou o programa das festas do Apóstolo, que arrancarán o venres 15 de xullo. 
Santiago, 08/07/2016 - Despois duns meses sen pubicarse, o pasado 30 de xuño de 2016 saiu de novo á rúa o último número de CompH!ostelería cun novo formato e novos contidos.
Oroso, 08/07/2016 - “O que está pasando é un auténtico esperpento. Nos anos que levo de alcalde non vin cousa semellante”. Así resume o alcalde de Oroso, Manuel Mirás, a situación que se está a vivir no municipio coa paralización das obras da saída sur da AP-9 en Sigüeiro, que o vindeiro mes de agosto cumpriran un ano de atraso sobre a primeira data ofrecida polo Ministerio de Fomento para a súa inauguración.
Silleda, 08/07/2016 - Operarios da empresa Celta Prix,
adxudicataria do servizo de recollida de lixo en Silleda, comezaron esta semana
o lavado dos colectores instalados nas rúas da vila.  |
| Fest do Neno no 2014 |
Ames,
08/07/2016 - Este domingo a parroquia de
Ortoño celebra unha nova edición da súa Festa do Chourizo ao Viño, organizada
pola Asociación Gastronómica, Recreativa e Cultural do Chourizo ao Viño. Con
esta xa suman doce edicións degustando este prato, acompañándoo con albariño, e
cinco dende que na mesa se incluíu tamén a orella de porco cocida. Catro
actuacións musicais, un campionato de chave e a retransmisión da final da
Eurocopa completan o cartel da festa.
Santiago,
08/07/2016 - Francisco Rivadulla,
investigador no Centro Singular de Investigación en Química Biolóxica e
Materiais Moleculares da USC (CiQUS) acaba
de ser recoñecido cunha das axudas PoC–Proof of Concept (Proba de Concepto) que concede o
Consello Europeo da Investigación (European Research Council - ERC). Dotadas
con 150.000 euros, a misión principal destas axudas é contribuír a salvar a
brecha entre a investigación básica e o mercado, servindo de impulso nas
primeiras fases de comercialización dun produto innovador.
Ordes,
08/07/2016 - O escritor ordense Jacobo Ríos mantivo un encontro cos seus
lectores no Museo do Traxe. 
Silleda, 08/07/2016 - O Concello de Silleda vén de firmar
un convenio co Bispado de Lugo que permitirá o arranxo da capela de San
Sebastián, situada no alto do mesmo nome, na parroquia de Moalde.
Teo,
08/07/2016 - O Concello de Teo avanza na construción dunha senda peonil en
Luou, para incrementar a seguridade viaria no tramo de 460 metros entre a
igrexa parroquial e a intersección da estrada de Calo. Esta obra culmina un
proxecto do que forman parte outras catro sendas e que supuxo un investimento
duns 130.000 euros, financiados dentro do Plan de Obras e Servizos (POS) 2015
da Deputación.
Melide, 07/07/2016 - A alcaldesa de Melide, Dalia García, defende a aptitude da zona de baño da Praia Fluvial de Furelos que se encontra dende o inicio da temporada estival a pleno rendemento. Gran cantidade de veciños e veciñas de Melide e da comarca acuden a este entorno natural a desfrutar do seu ocio e do seu tempo de verán. 
Silleda, 07/07/2016 - O Alcalde de Silleda, Manuel Cuíña, xunto coa concelleira de Benestar e Igualdade, Educación e Sanidade, Pili Peón, e o coordinador do colectivo Solidariedade Galega co Pobo Saharaui, Pablo Romeo, asinaron un convenio de colaboración entre as dúas institucións, co fin de regular o desenvolvemento do programa Vacacións en Paz 2016 durante os dous meses de verán, no que nenos do pobo saharaui estarán no Concello de Silleda.
Santiago, 07/07/2016 - O Festigal 2016 fomentará a participación da mocidade nas máis de 100 actividades programadas nesta XV edición cunha zona de acampada para facilitar a estancia na noite do 24 de xullo en Santiago de Compostela. As persoas interesadas deben inscribirse na web Festi.Gal e recibirán unha tarxeta personalizada de campista previo depósito de 3 euros.
Santiago, 07/07/2016 - O Consorcio de Santiago, organismo responsable da Real Filharmonía de Galicia, en colaboración co Auditorio de Galicia, sede da orquestra, realizou un estudo para valorar a posibilidade de cambiar os horarios de inicio dos concertos de abono da RFG. Co fin de coñecer as preferencias da maioría, enviouse unha enquisa aos 502 aboados cos que conta a orquestra esta temporada.
Ames, 07/07/2016 - A música de Sés chega este venres a Bertamiráns. A artista bergantiñá ofrece un concerto gratuíto este venres, 8 de xullo, no Pazo da Peregrina a partir das 22:00 horas. Nel interpretará temas do seu terceiro e último álbum en ver a luz, “Tronzar os valos”. Para continuar coa programación cultural desta semana o “Autoestopista galáctico”, espectáculo de novo circo, achegarase á Travesía do Porto este domingo, 10 de xullo, ás 13:00 horas.
Santiago, 07/07/2016 - ‘Inside the Lab’ é unha xornada de demostración coa que o Centro Singular de Investigación en Tecnoloxías da Información da USC (CiTIUS) presentará este venres 8 algunhas das solucións de alta calidade desenvolvidas neste centro co gallo de poñer en valor as súas distintas aplicacións en múltiples ámbitos da actividade industrial. 
Santiago, 07/07/2016 - Explicar cómo en poucos días Santiago pasou de ser unha cidade en plenas festas do Apóstolo, na que aínda se celebraba o Estatuto de Autonomía de Galicia, a vivir o triunfo do golpe de estado. Ese é o propósito da mostra que o grupo de investigación histórica da USC Histagra inaugura este xoves 7 ás 19.00 horas na Fundación Granell.
Compostela, 6 de xullo de 2016. Hoxe o Vía Sacra 5 Estrelas Fest, o festival do verán na terraza da Vía Sacra que organizan a Casa das Crechas e o Cervantes e que patrocina a cervexa Mahou, acolle un novo concerto protagonizado polo percusionista LAR Legido e algúns amigos, neste caso: F.I.L.O., Saúl Puga (contrabaixo) e Pablo Rega (guitarra) a partir das sete da tarde 
Hoxe xoves continuamos coa programación do ciclo Verán en Verde que nesta ocasión, ademais dunha ruta natural polo Sarela, ofrece o espectáculo ‘O segredo do tendal’ de Raquel Queizás. 
Santiago, 07/07/2016 - O Santiago Futsal A Gaiola viaxou por 2ª vez a Portugal
para participar no 1er Encontro Ibérico, que serviu de presentación do novo
equipo de fútbol sala feminino Scp-Núcleo de Condeixa, organizador do evento,
en colaboración co goberno local da localidade de Mira.
Teo,
07/07/2016 - O Concello de Teo entregou hoxe os premios do seu IV Concurso de
Petiscos TapaTeo, nun acto presidido polo alcalde, Rafael Sisto, no que tamén
participaron a concelleira Conchi García, responsable das áreas de Turismo,
Comercio e Emprego, e representantes das firmas patrocinadoras do certame.
Santiago, 07/07/2016 - O emprendedor David Sánchez
viaxará coa iniciativa Yuzz a Sillicon Valley ao ser elixido o seu proxecto Pyrkaia
Firing System, de creación, deseño e xestión de espectáculos de pirotecnia,
como o mellor do centro YUZZ Santiago de Compostela, no que traballaron durante
cinco meses 25 emprendedores –seleccionados de entre máis de 70 solicitantes– para
converter as súas ideas empresariais en proxectos. 
Ames,
06/07/2016 - Este luns, 4 de xullo, o alcalde de Ames, José
Miñones, e mailo concelleiro de Urbanismo, Obras Públicas e Servizos Básicos,
Blas García, mantiveron unha xuntanza coa conselleira de Infraestruturas e
Vivenda, Ethel Vázquez, co fin de trasladarlle varios asuntos e peticións da
veciñanza que preocupan e que se queren solucionar o antes posible. 
Lalín, 06/07/2016 - O Boletín Oficial da Provincia de Pontevedra publicou onte o anuncio da licitación do primeiro proxecto para a mellora integral da Rolda Leste. O prego de cláusulas administrativas para este primeiro contrato contempla un investimento de 299.300 euros e servirá para desenvolver as actuacións de arranxo do tramo que vai da Avenida de Ourense (á altura da subestación de Fenosa) ata a Estrada do Rodo.
Lousame, 06/07/2016 - A conselleira de Infraestruturas e Vivenda, Ethel Vázquez, presentoulles hoxe á alcaldesa de Lousame, Teresa Villaverde, aos veciños deste municipio e ao alcalde de Noia, Santiago Freire, o proxecto da conexión da VAP Brión-Noia, en Sampaio- Portobravo, cuxas expropiacións comezarán nos vindeiros días e cuxas obras serán contratadas no próximo mes de agosto coa publicación no Diario Oficial de Galicia (DOG). 
Ames, 06/07/2016 - Este verán o centro deportivo municipal A Telleira pon en marcha unha nova campaña para animar á veciñanza a practicar máis deporte nos meses estivais. A matrícula reducirase a un prezo de 9,99 euros se as persoas que se inscriben abonan nun único pago os meses de xuño e xullo. Trátase dunha campaña de captación para que os veciños e visitantes do concello de Ames sigan gozando da actividade física. 
Santiago, 06/07/2016 - O Outono Códax celebra este ano a súa 6º edición con Le Fields e Martha High, dúas das grandes voces do soul contemporáneo. Onte era presentado o festival no hotel Virxe da Cerca de Santiago e este é un pequeno resumo do acto.
Oroso, 06/07/2016 - A Aula CeMIT de Sigüeiro-Oroso impartirá durante o mes de xullo as súas primeiras catro sesións de Formación Aberta, un proxecto de formación continua e gratuíta de adultos sobre distintas temáticas e nas que os veciños e veciñas poden participar como alumnos ou como docentes.
Santiago, 06/07/2016 - O cinema checo será nas noites dos mércores e os xoves do mes de xullo o protagonista dun ciclo de cinema ao aire libre no CGAC organizado en colaboración co Centro de Linguas Modernas da USC e o Centro Checo en Madrid, e baixo a dirección de María Villamarín. Todas as sesión, de entrada libre e de balde, terán lugar ás 22.30 horas.
Santiago, 06/07/2016 - O Colexio de Fonseca acubillará a partir deste mércores 6 a exposición ‘Aos olhos de Eduardo. O artista que retratou Amarante’, do recoñecido fotógrafo portugués Eduardo Teixeira Pinto, falecido en 2009. 
Santiago, 06/07/2016 - Baixo o título “Camilo Otero. Raíces de Compostela”, o Consorcio de Santiago promove unha exposición de pezas do polifacético artista compostelán, falecido en 2003. A mostra exhíbese dende onte na Casa do Cabido, na Praza das Praterías, Ao acto asistiron o alcalde de Santiago e presidente do Consorcio da Cidade, Martiño Noriega; a xerente do Consorcio, Belén Hernández; o comisario da exposición, David Ferreras; o co-comisario, José Carlos Quintana; e o responsable de Publicacións e Exposicións do Consorcio, Juan Conde; ademais do fillo do artista, Nelson Otero; e o seu sobriño, Miguel Ángel Ulla Otero. 
Santiago, 05/07/2016 - Hoxe martes temos de novo proxección de ópera do Festival Aix-en-Provence no Auditorio de Galicia. Nesta ocasión poderemos ver ‘O reiseñor’ de Igor Stravinski. 
Silleda, 05/07/2016 - As obras da colocación do ascensor
da Casa da Cultura de Silleda están xa rematadas. A empresa que resultou
adxudicataria dos traballos -Endenor S.L.- finalizou en días pasados os
traballos para contar con esta dotación. O ascensor está situado na fachada
traseira do edificio, tal e como se recollía no proxecto aprobado polo goberno
municipal.
Ames,
05/07/2016 - Os alcaldes de Ames, José Miñones, e de Negreira, Jorge Tuñas,
achegáronse ata A Ponte Maceira, para ver de primeira man o inicio dos
traballos de limpeza e roza que están realizando varios operarios das brigadas
municipais de ambos concellos nas marxes do río Tambre ao paso por este lugar.
Nesta visita tamén participaron os concelleiros amesáns Blas García e David
Santomil, a concelleira amesá, Isabel González, e mailo concelleiro
nicrariense, Ángel Leis.
Santiago,
05/07/2016 - A concelleira de Acción Cultural, Branca Novoneyra, e o
concelleiro de Medio Ambiente, Xan Duro, presentaron o programa Verán en Verde,
no que se recollen as propostas dos seus departamentos para os meses de xullo a
setembro. En total, serán 66 actividades que se celebran nos parques, espazos
naturais e lugares de encontro sociocultural. Irán estruturadas en tres
apartados segundo a implicación do público: VER, FACER e PERCORRER e todas
serán de balde, sendo preciso inscribirse para algunhas delas.
Ames,
05/07/2016 - O alcalde de Ames, José Miñones, asinou o convenio de
colaboración proposto pola consellería do Medio Rural e do Mar para a
participación na prevención e defensa contra incendios forestais. A través da
adhesión a este convenio, a Xunta de Galicia sufraga o salario de catro peóns e
un capataz durante tres meses. Este ano como novidade, o Concello sufragará o
salario de dous destes peóns e do capataz da brigada durante 2 meses máis co
obxectivo de que deseñen as labores de prevención de cara ao vindeiro ano 2017.
Santiago, 05/07/2016 - A profesora María José López Couso tomará posesión como decana da Facultade de Filoloxía da USC hoxe martes 5 ás 14.00 horas no Salón de Graos do Colexio de San Xerome. O acto estará presidido polo reitor Juan Viaño.