Moción presentada polo BNG e a Intervención da Plataforma E.R.C. no Concello de Santiago do día 26.12.2014. pedindo apoio de tódolos partidos á nosa causa.
-A Plataforma de Emigrantes Retornados de Compostela, congratúlase de que grazas á presión que a Cordinadora Nacional Galega de Emigrantes Retornados está a facer na rúa por fin se saiba quen son os verdadeiros defraudadores, que non somos os/as pensionistas retornados. Pero non imos consentir que se lle dea unha solución simplemente cosmética ao noso contencioso coa Axencia Tributaria por atopármonos nas vésperas dun ano de importantes envites electorais. Pola contra queremos que se adopten medidas eficaces para que a tributación das nosas pensións sexa xusta e igualitaria.
Con todo isto temos que lamentar a resposta negativa, o pasado mes de outubro, no Parlamento Galego, do Partido Popular, con 40 votos en contra, que tumbou a proposta de modificación da Lei 35/2006, presentada polo BNG con 34 votos a favor de tódolos grupos da oposición que encetaría a posibilidade de solucionar o noso problema.
Foi indignante para os primeiros retornad@s afectados e afectadas que recibían as cartas sorpresa da Axencia Tributaria, primeiro no sur de Galiza, e que pronto chegaron a todo País vai agora para dous anos. Todo un expolio que ninguén esperaba.
Mobilizámonos para protestar polo abuso de poder político, xa que non somos defraudadores e así o recoñeceron máis tarde dende o Goberno español, nós, sabíamos que nisa condición tamén é ilegal multar a ninguén. Uns meses despois, o primeiro de agosto, o Goberno central, anunciaba que ian condonar as multas, sancións e intereses de demora.
Titulares de devolución nos medios, como solución definitiva ao problema dos emigrantes retornados, na Xunta de Galiza, aplaudian a nova coma un problema arranxado coa emigración, a sabendas de que as plataformas de retornados lle deixáramos na mesa da Conselleira de Facenda da Xunta as nosas reivindicacións. A devolución do Goberno non responde máis que a unha pequena parte do que nos levou de forma inxusta. Galiza para emigrar, Madrid para mandar, Goberno galego a obedecer sen rechistar.
Así, imos moi mal. Por iso a Plataforma de Emigrantes Retornados de Compostela , solicita do Pleno da Corporación Municipal, a adopción do seguinte:
ACORDO:
1. Demandar do Goberno do Estado a adopción urxente das seguintes medidas para modificación da Lei 35/2006 e non o arranxo cosmético na refundición da Lei 35/2014 que se ven de aprobar e que non mudou nada. Para elo queremos:
1.1.A modificación lexistativa que fixe un mesmo rexime do IRPF, con independencia de se estas proceden dun estado ou de varios Estados. Para que se cumpra co principio de igualdade, modificando a Lei 35/2006, para que as nosas pensións sexan iguais que a do resto d@s Gales@s, concretamente, no artigo 96 en relación co 17, de tal forma que se estableza a obriga de declarar a partir de 22.000€ ano de ingresos e que para os restantes se estableza un réxime de retencións idéntico ao resto d@s pensionistas.
1.2. O recoñecemento de oficio das pensións de invalidez, recoñecidas nos países de procedencia coa finalidade de acreditar a exención na tributaciçon de ditas pensións (actualmente hai persoas con incapacidade total no país de orixe, que segundo o INSS é equiparábel á absoluta, que están sendo requeridas pola Axencia Tributaria para a súa tributación) queremos a equivalencia coas invalideces daquí.
1.3.Revisión dos convenio marco con outros países para evitar que situación deste tipo poidan volverse a producir.
1.4.Que a regularización a partir diste ano en ningún caso se aplique con carácter retroactivo.
1.5.Convenios coa seguridade social para ter dereito á asistencia sanitaria ou pago no país de orixe. Moitos emigrantes retornados para teren dereito á asistencia sanitaria teñen que ter un convenio ou ben no país de orixe ou aquí con algunha entidade, aquí coa Taxa da SS, polo cal teñen que pagar unhas cantidades mensuais. No caso da SS aqui son uns 87 euros ao mes e no extranxeiro a contía é maior. Os traballadores poden deducir os gastos de SS na súa declaración, porqué os pensionistas retornados non?
1.6. Problemas coas pensións do 2º Piar. En moitos países as pensión do chamado segundo piar, aínda sendo obrigatorias están xestionadas por fondos de pensións, polo tanto a A.T. considera que teñen a consideración de pensión privadas cando existe xurisprudencia que mantén o contrario.
2. Doble imposición. Malia que as normas da OCDE establecen que non debe existir doble imposición non se establecen medidas para evitala. En moitos casos esas pensións do 2ª piar xa tributan no país de orixe sen que a A.T. as considere excluídas de tributación aquí. Imponlle novamente aos retornados unha carga de burocracia e de litixios para defender os seus dereitos, coa “regularización” que escomezará a partires de xaneiro 2.015.
2.1.A Axencia Tributaria á vista dos feitos non ten intención de facer unha campaña aclaratoria e informativa entre as persoas afectadas, Isto afecta tanto ás solicitudes de devolución como á obriga de regularizar as débedas tributarias nos 6 meses. Ademais de pretender que fagamos o seu traballo dirixen cara nós a culpabilidade de posíbeis erros ou omisión nas declaracións, que poden ser numerosos á vista das eivas da normativa aprobada.
2.2.Instar á Xunta de Galiza a:
2.3.Realizar unha campaña de información a tódalas persoas afectadas e que se indique quen ten obriga de incluír as pensións na declaración tendo en conta: país de procedencia das pensións, as sentenzas existentes, as resolucións do Tribunal Económico Adminsitrativo e os cambios dos últimos anos nos diferentes convenios bilaterais..
2.4. Que tódolos grupos políticos que forman parte da Corporación deste Concello asinen un comunicado público condenando a actuación de “dobre cara” do Partido Popular que maioritariamente apoia aos emigrantes retornad@s nos Concellos, votando a favor das inciativas da Cordinadora Nacional Galega de Retornad@s a traverso de mocións, pero, a súa vez, votan en contra destas mesmas iniciativas tanto no Parlamento Galego, coma no Congreso dos Deputados, impedindo estes, que a modificación da Lei 35/2006 vaia adiante, facendo unha nova refundición, agora, Lei 35/2014, para facer ver que algo mudou sen haber mudado absolutamente nada.
A Plataforma de Emigrantes Retornados Compostela, dámolas grazas ao BNG por ista Moción que presenta hoxe, destinada a recadar o apoio de todos os partidos políticos do Concello de Santiago de Compostela, ás persoas que perciben pensións do estranxeiro afectadas pola reclamación da Axencia Estatal Tributaria para que dunha vez por todas se vaia facendo xustiza con un colectivo maltratado na ida ao ter que emigrar e tamén na volta cando nos reintegramos ao noso País.
