BNG Ordes - o BNG acusa o alcalde de despilfarrar 30000 euros en 3 meses


 BNG ACUSA AO ALCALDE DE DESPILFARRAR MÁIS DE 30.000 EUROS EN 3 MESES COA CONVOCATORIA MASIVA DE PLENOS E COMISIÓNS
- Gonzalo Castro informou de que o alcalde de Ordes convocou, nos últimos 3 meses, 6 plenos 15 comisións informativas, sen que a moitas desas reunións o goberno levase propostas.
- O portavoz do BNG calificou este comportamento do alcalde de “atraco” aos veciños de Ordes e puxo como exemplo o Pleno Extraodinario convocado para este venres, só unha semana despois da celebración dun Pleno Ordinario, onde o goberno non levou ningunha proposta.
- Castro afirmou que esta convocatoria desproporcionada de Plenios e Comisións só obedece ao interese do goberno municipal por engordar as súas dietas e por evitar que os veciños poidan asistir aos Plenos onde se adoptan medidas impopulares.
Gonzalo Castro, portavoz municipal do BNG de Ordes, acusou ao alcalde, Manuel Regos de “despilfarrar máis de 30.000 euros en 3 meses coa convocatoria masiva de Plenos e Comisións Informativas da Corporación Municipal, sen que a moitas desas reunións o goberno levase ningunha proposta”
O portavoz do BNG de Ordes calificou esta situación de “auténtico atraco aos veciños e veciñas de Ordes, como o demostra o feito de que en Concellos da envergadura Santiago ou A Coruña se teñen celebrado a metade de Plenos e Comisións que no Concello de Ordes ”.
Gonzalo Castro salientou que “as únicas explicacións para esta actitude do alcade son, por unha banda, o interese do goberno municipal por engordar as súas dietas por asistencia a plenos e comisións e, por outra banda, a intención do alcalde de ocultar as decisións impopulares aos veciños de Ordes, convocando Plenos Extraordinarios pola mañá para evitar a asistencia de público”.
Pleno Extraordinario de Orzamentos e de ampliación da ORA
O portavoz nacionalista citou como “último exemplo desta intolerábel atitude do alcalde, a convocatoria dun Pleno Extraordinario ás 10:00 da mañá deste venres, para aprobar, tanto uns Orzamentos que incluen unha elevada subida das taxas e impostos, como a ampliación da zona ORA a 5 rúas máis”.
Para Castro, “ademáis do interese por engordar as dietas do goberno municipal, só existe unha evidente intención por parte do alcalde, evitar que os veciños poidan asistir ao Pleno cando se tratan medidas impopulares, xa que só hai una semana que se celebrou un Pleno Ordinario, ás 20:00, onde o goberno podería ter levado estas propostas”.
O portavoz nacionalista enfatizou que “este comportamento, desgrazadamente xa non é novo, xa que hai dous meses o alcalde aprobou un crédito leonino que hipotecará o futuro dos veciños de Ordes, convocando de forma sorpresiva e urxente un Pleno para as 7:30 da mañá, algo absolutamente inaudito es en parangón coñecido”.

Ningún comentario: