BNG Ordes - o BNG votará en contra dos orzamentos


O BNG VOTARÁ EN CONTRA DOS ORZAMENTOS PORQUE NON EXISTE NINGUNHA MEDIDA PARA A REACTIVACIÓN ECONÓMICA E A CREACIÓN DE EMPREGO
-        Gonzalo Castro, manifestou que “mentres se aumentan os gastos correntes e protocolarios en 2,5 millóns de euros, non se destina nin nun euro dos 13 millóns do Orzamento a investimentos para promoción económica e a creación de emprego”.

-        Os nacionalistas defenden a inclusión de investimentos para a creación dun viveiro de empresas e o impulso e promoción da praza de abastos.
-        Castro criticou a brutal suba de taxas e impostos municipais e a falta de talante e diálogo do alcalde.
Gonzalo Castro, portavoz municipal do BNG de Ordes, anunciou que os nacionalistas  votarán en contra dos Orzamentos Municipais que serán debatidos este venres polo Pleno de Ordes.
O portavoz do BNG de Ordes manifestou que “a principal razón do voto negativo do BNG aos Orzamentos Municipais son a inexistencia de medidas e investimentos para reactivar económicamente o concello e intentar crear emprego”.
Gonzalo Castro afirmou que “o alcalde esquécese totalmente da situación crítica que están a vivir os principais sectores económicos do noso Concello e non contemnpla nin un euro dos 13 millóns do Orzamento para apoialos”.
O portavoz do BNG afirnmou que “propostas reiteradas polo BNG, como a creación dun viveiro de empresas ou o impulso e promoción da praza de abastos, non están presentes no Orzamento presentado polo goberno municipal, cando poderían ser moi útiles para fomentar creación de emprego, reactivando sectores económicos moi importantes como o comercial e o agrogandeiro”
Castro salientou que “o alcalde esquece nos Orzamentos os investimentos para paliar o drama do desemprego, que xa afecta a máis de 1.200 ordenses, mentres aumenta os gastos correntes e protocolarios en máis de 2,5 millós de euros” .
Aumento de taxas e impostos e ausencia de talante democrático do alcalde
Gonzalo Castro criticou a “brutal suba de taxa e impostos que prevén estes Orzamentos e que afogarán as economías das familias ordenses, chegando nalgúns casos a multiplicar por dous a súa contía actual”.
Finalmente, o portavoz nacionalista criticou a actitude do alcalde, ao que acusou de “ausencia de talante democrático, ao negarse a dialogar para chegar a acordos que permitisen que Ordes tivese uns Orzamentos pensados para resolver os problemas dos veciños e non en función dos intereses do alcalde e da súa rede clientelar”.
Sen outro particular, atentamente.

Ningún comentario: