Oroso - o concello homenaxea hoxe aos deportistas máis destacados


O CONCELLO DE OROSO HOMENAXEARÁ HOXE VENRES AOS DEPORTISTAS E ENTIDADES DEPORTIVAS MÁIS DESTACADOS DA TEMPADA 2011-2012 
O acto terá lugar ás 20:15 horas no centro cultural e serán distinguidos o axedrecista Martín Pena Varela, a ED Xuventude Oroso, a SD Deixebre, o Oroso Tenis de Mesa e o equipo de veteráns Vinoteca Raquel

 O centro cultural de Sigüeiro acollerá mañá venres 6 de xullo, ás 20:15 horas, a entrega de recoñecementos ao mérito deportivo dos clubes e deportistas orosáns máis destacados ao longo da tempada 2011-2012. Un acto que estará presidido polo alcalde de Oroso, Manuel Mirás Franqueira, e polo concelleiro de Deportes, Luís Rey Villaverde. A entrada é libre e de balde.

Os deportistas e clubes que serán distinguidos mañá venres polo Concello de Oroso son:

-          Martín Pena Varela. Xadrez. Subcampión galego que vén de conseguir o terceiro posto no Campionato de España de Xadrez, celebrado en Granada.
-          ED Xuventude Oroso. Fútbol. A entidade será premiada polos éxitos acadados polo equipo infantil, que foi campión de Liga e conseguíu o ascenso de categoría; así como ao equipo infantil, que ascendeu a Primeira Comarcal.
-          SD Deixebre. Fútbol. Campión de Liga da Terceira Rexional e que conqueriu o ascenso a Segunda Rexional.
-          Equipo de veteráns da Vinoteca Raquel. Fútbol. Este conxunto vén de conseguir o ascenso á División De honra de Santiago. Ademais, tamén son Campións de Galicia de Fútbol 7.
-          Oroso Tenis de Mesa. Tenis de mesa. Ademais dos distintos logros individuais conseguidos polos seus compoñentes ao longo da tempada, o equipo conseguiu o ascenso á División de Honra Masculina.

Ningún comentario: