Frades - curso homologado de monitor de tempo libre

O CONCELLO DE FRADES CONVOCA UN CURSO DE MONITOR DE TEMPO LIBRE DE 350 HORAS LECTIVAS E HOMOLOGADO POLA XUNTA DE GALICIA 

Ten un custe de 260 euros e desenvolverase entre outubro e xaneiro no centro multiusos de Frades
 O Concello de Frades convoca un curso de monitor de tempo libre 350 horas lectivas e homologado pola Xunta de Galicia. Un curso dirixido a maiores de 18 anos, veciños de Frades ou da comarca de Ordes, que desexen traballar en proxectos de tempo libre, con nenos e maiores, en campamentos, obradoiros, festas infantís, ocio para maiores, comedores escolares… 

O curso consta dunha fase teórico-práctica de 200 horas lectivas, que se impartirán no centro multiusos do Concello de Frades todos os sábados (e algún domingo se fose preciso) entre os meses de outubro e xaneiro, en horario de 9:00 a 14:00 horas e de 16:00 a 21:00 horas. O curso complementarase cunha fase práctica de 14 días de actividade nun campamento ou 150 horas nunha entidade de tempo libre. Durante esas 350 horas, os alumnos aprenderán a deseñar, programar, pór en práctica e avaliar actividades socioculturais e para o tempo libre para a infancia, a xuventude, as persoas maiores e persoas con necesidades especiais.

Inscricións
Os dous únicos requisitos para poder participar neste curso de monitor de tempo libre son: ter máis de 18 anos e posuir o Graduado en Educación Secundaria, Graduado Escolar ou equivalente. A cota de inscrición é de 260 euros, que poden ser aboados xunto coa matrícula ou en tres prazos. 
O número de prazas é limitado (25 como máximo) e o curso comezará tan pronto como se xunte un número mínimo de participantes. Para anotarse é preciso dirixirse ao Servizos Sociais Municipais do Concello de Frades ou chamar ao teléfono 981695567, encher unha folla de inscrición e presentar fotocopia do DNI, foto tamaño carné, fotocopia do título de secundaria e resgardo do abono bancario do importe da matrícula (ou do primeiro pago).

Ningún comentario: