Santiago - a I Xornada de cooperación empresarial ten xa máis de 100 inscritos


Cen empresas xa se inscribiron en Getting Contacts!

 A primeira Xornada de Cooperación Empresarial Getting Contacts! ten coma obxectivo xerar novas oportunidades de negocio.
Cen empresas xa se inscribiron para participar na primeira Xornada de Cooperación Empresarial Getting Contacts! de Santiago de Compostela, dentro do programa Santiago Investors Support da Concellería de Economía, que se celebrará o próximo 19 de xuño.

A Xornada ten coma obxectivos fortalecer as empresas locais, facilitando os contactos e o networking, xerar novas oportunidades de negocio, atraer a empresarios de outras pobacións e abrir as portas a novas inversións.
A organización das xornadas, que ten experiencia en máis de cen eventos destas características por toda España nos que teñen participado máis de 7.000 persoas, garante que cada participante poderá entrevistar cun mínimo de dez empresarios con intereses comúns para atopar novos clientes e proveedores, novos socios e proxectos, mellorar a súa rede comercial ou atopar potenciais inversores.
A Xornada celebrarase o martes 19 de xuño pola mañá no Hotel AC Palacio del Carmen. A inscrición é gratuita e pode tramitarse na páxina www.gettingcontacts.com. Nesta web hai que cubrir o formulario de inscrición do xeito máis preciso posible para que se podan fixar as entrevistas máis interesantes para cada un dos participantes.

Ningún comentario: