Santiago - ciclo "A Escola na cidade" organizado pola Escola de Altos Estudos Musicais



 A Escola de Altos Estudos Musicais de Galicia programa concertos en diferentes lugares de Santiago

A Orquestra de Cámara da Escola de Altos Estudos Musicais actuará o 12 de xuño no Teatro Principal
A recadación será destinada á Cociña Económica de Santiago

ofrecerán este días de xuño un ciclo de concertos en diferentes lugares singulares de Santiago. A iniciativa, chamada “A Escola na cidade”, inclúe un concerto da orquestra de cámara no Teatro Principal e seis concertos de cámara no Hostal dos Reis Católicos, na igrexa da Universidade, no Paraninfo e no Centro Galego de Arte Contemporánea. O ciclo é froito da colaboración entre o Concello e o Consorcio de Santiago, co apoio da USC, o CGAC e o Hostal dos Reis Católicos.



A inauguración correrá a cargo da Orquetra de Cámara da Escola de Altos Estudos Musicais, que baixo a batuta do mestre Maximino Zumalave, interpretará as tres sinfonías que Haydn compuxo en 1761 e que levan o sobrenome de “A mañá”, o mediodía” e “A tarde”.

Ademais, os días 13, 15, 19 e 20 de xuño haberá concertos de cámara, nos que os alumnos agrúpanse en cuartetos e quintetos para interpretar un amplo repertorio, tanto clásico como contemporáneo, en lugares singulares da cidade En total tocaranse 17 pezas.

A entrada oa concerto do Teatro Principal supón unha aportación voluntaria de 3, 5 ou 10 euros. A entrada aos concertos de cámara será libre, aínda que tamén se poderá realizar unha aportación voluntaria de 3 euros. Toda a recadación será destinada á Cociña Económica de Santiago.

A Escola de Altos Estudos Musicais de Galicia é un centro de educación musical xestionado polo Consorcio de Santiago para a formación e perfeccionamento de futuros profesionais galegos da música clásica, así como a organización de diferentes actividades de divulgación musical. Dende o pasado ano 2011, imparte o Curso Avanzado de Práctica Orquestral, recoñecido oficialmente como estudo de posgrao, con título propio expedido pola Universidade de Santiago. Os músicos da Real Filharmonía de Galicia son profesores na Escola, de modo que orquestra e escola forman un proxecto conxunto, único no territorio español, ao estilo das “academias de orquestra”, máis frecuentes no ámbito saxón.



A ESCOLA NA CIDADE

ORQUESTRA DE CÁMARA DA ESCOLA DE ALTOS ESTUDOS MUSICAIS DE GALICIA
Maximino Zumalave, director

Martes 12 de xuño, 20:30h. Teatro Principal. Santiago de Compostela

F. J. Haydn, Sinfonía núm. 6 en Re maior “Le Matin” (A mañá)
       Sinfonía núm. 7 en Do maior “Le Midi” (O mediodía)
       Sinfonía núm. 8 en Sol maior “Le soir” (A tarde)


GRUPOS DE CÁMARA DA ESCOLA DE ALTOS ESTUDOS MUSICAIS DE GALICIA

Mércores 13 de xuño, 19:00h - Hostal dos Reis Católicos

Quinteto de cordas
Antonin Dvorák, Quinteto núm. 2 en Sol maior, op. 77                                                                             

Mércores 13 de xuño, 20:30h - Igrexa da Universidade

Cuarteto de cordas
Wolfgang Amadeus Mozart, Adagio e Fuga en do menor
Dimitri Schostakovich, Cuarteto núm. 7                       

Quinteto de ventos
Samuel Scheidt, Canzon núm. 30                                                                                                   
Victor Ewald, Quinteto núm. 1                                                                                                        
Malcolm Arnold, Quinteto                                                                                                                           

Venres 15 de xuño, 20:30 h - Paraninfo da Universidade

Quinteto de cordas
Antonin Dvorák, Quinteto núm. 2 en Sol maior op. 77                                                                              

Trío de violín, viola e piano
Wolfgang Amadeus Mozart, Sinfonía concertante en Mi bemol maior                                                 

Martes 19 de xuño, 19:00h - Hostal dos Reis Católicos

Quinteto de ventos
Samuel Scheidt, Canzon núm. 30                                                                                                   
Victor Ewald, Quinteto núm. 1                                                                                                        
Malcolm Arnold, Quinteto                                                                                                                                

Martes 19 de xuño, 20:30h - Centro Galego de Arte Contemporánea CGAC

Violín e percusión
Paul Landsky, Hop                                                                                                                                            

Quinteto de ventos
Samuel Barber, Summer Music, op. 31.                                                                                          
Paul Hindemith, Kleine Kammermusik núm. 2, op. 24                              
Luciano Berio, Opus Number Zoo                                                                                  

Mércores 20 de xuño, 20:30h - Igrexa da Universidade

Quinteto de ventos
Carl Nielsen, Quinteto op. 43                                                                                           
               
Cuarteto de cordas

Franz Joseph Haydn, Cuarteto núm. 3, op. 33

Ningún comentario: