O BRIONÉS PABLO CONDE FERREIRA, GAÑADOR DO
IV CONCURSO DE FOTOGRAFÍA BRIONATURA 2012
Nesta edición
presentáronse un total de 93 fotografías de 38 concursantes, das que se
escolleron 12 finalistas que están expostas no centro social polivalente
O brionés Pablo Conde Ferreira, coa súa obra
“Roteiro misterioso” (Forxán), foi o gañador da cuarta edición do Concurso de
Fotografía Brionatura 2012, que este ano estivo adicado aos sendeiros de Brión.
Un premio consistente nunha cea, noite de hotel, almorzo e circuito termal no
Hotel Balneario de Compostela para dúas persoas que lle foi entregado pola
concelleira de Cultura, Patricia Vázquez Lamas.
Patricia Vázquez destacou “a alta participación deste cuarto concurso, con
38 aspirantes e 93 fotografías presentadas, o cal dificultou moito o labor do
xurado debido á gran calidade das imaxes”. E é que esta cuarta edición é a que
rexistrou un maior número de participantes, fronte á media de setenta
fotografías rexistradas en anos anteriores. Uns concursntes procedentes non só
de Brión senón tamén de concellos como Ames, Teo, Santiago de Compostela,
Pontecesures, Lousame, Porriño e A Estrada.
Se o primeiro premio foi para un fotógrafo local, o segundo recaeu en
Agustín Iglesias Otero, de Lousame, pola súa obra “Auga, afluente da mesma
natureza”, imaxe tirada na aldea de Vilas (Bastavales). Iglesias Otero levou
unha cea, noite de hotel e almorzo no Hotel Casa Rosalía para dúas persoas.
Finalistas
O xurado tamén elixíu outras dez fotografías finalistas que, canda as dúas
gañadoras, poden visitarse nunha exposición no centro social polivalente de
Pedrouzos. Todos eles levaron diploma acreditativo e un abono para a piscina
municipal de Brión cortesía de Aquafit Gestión, que inclúe matrícula e unha
mensualidade.
Os outros 10 finalistas foron: Rafael Arroyo Muñiz (Brión), Manuel Jesús
Lojo Formoso (Ames), Pablo Conde Ferreira (Brión), Laura Cunqueiro Suárez
(Brión), Juan Manuel Vidal Seage (Pontecesures), Jesús García Otero (Brión),
Gerardo Martínez Feijoo (Brión), Ana Lucía Sánchez Vázquez (Brión), Sonia
Sánchez Cabarcos (Brión) e Rosana Calvo Diéguez (Santiago).


Ningún comentario:
Publicar un comentario