Melide - hoxe celebrase o Corpus Christi


A asociación Charamela xunto con voluntarios e outras asociacións ultiman o Corpus en Melide.

·         Hoxe Melide engalanará as súas rúas con alfombras e altares florais co motivo da celebración do Corpus Cristi 2012.
·         O Concello de Melide colocou unha carpa para preservar os ornamentos florais na Praza do Convento ante previsión de mal tempo.


Persoal do Concello de Melide xunto con veciños e veciñas de Melide Baixo a dirección da asociación sociocultural Charamela levan días preparando as plantillas xunto co resto dos elementos que farán das rúas de Melide un paseo floral e ornamental co galo da festividade do Corpus. Dende o Concello de Melide agradecen a colaboración desinteresada das persoas que donaron flores, verde e demais materiais que farán que o gasto sexa mínimo e a repercusión artística máxima nun día especial para Melide. Como novidade nesta edición introducese viruta pintada que complementada coa veXetación natural fará un tápiz floral digno de ser visitado por todos aqueles que o desexen. Recúperase a tradición dos altares igual que en tempos antigos que se porán polas rúas de Melide. Isto contribuirá a facer do Corpus unha celebración na que cada ano participen un maior número de persoas. Os traballos levaranse a cabo ao longo de todo o sábado para que o domingo Melide esperte ataviado de cor e arrecendos anisados. O día rematará coa celebración da misa ás oito da tarde na Igrexa Parroquial de Melide, acto ao que son convidados toda a corporación municipal.

Ningún comentario: