O S.E. ABELLÁ ASCENDE A PRIMEIRA AUTONÓMICA
13 de xuño de 2012.- O S.E. Abellá vén de conseguir o ascenso á
Primeira Autonómica, logo de impoñerse no segundo partido da liguiña de
ascenso, disputado este domingo no campo de fútbol de Elviña (A Coruña). Destte
xeito, o conxunto de Frades impúxose nos dous encontros da liguiña de ascenso,
que se disputou a un único partido diante do Cultural Maniños e do Oza Xuvenil,
polo que conseguíu o tan desexado ascenso directo a Primeira Autonómica.
Os dous goles de Iván e Cacho déronlle ao SE Abellá a primeira victoria,
conseguida no seu propio campo en Frades diante do Cultural Maniños (2-1) o
pasado domingo 3 de xuño. Esa victoria permitiu que un novo triunfo, nesta
ocasión como visitantes ante o Oza Juvenil (A Coruña) por 0-2 lles permitira
acadar o ascenso á Primeira Autonómica. Nese partido decisivo, os goles foron
de Quinto e Cacho.
Ata o campo de fútbol de Elviña desprazouse unha numerosa expedición de
afeccionados fradenses, encabezados pola directiva da Santo Estebo de Abellá
SDC e polo alcalde de Frades, Miguel Prado Patiño.

Ningún comentario:
Publicar un comentario