Caney - comenzou a semana Mexicana


Arrinca a Semana Gastronómica Mexicana no Caney cunha ampla carta de pratos típicos de México
 O Restaurante Caney do Hotel Eurostars Araguaney de Santiago xa loce un look inspirado en México. As distintas estancias do restaurante estarán decoradas, ao longo desta semana, cos típicos chapeus, banderitas e detalles inspirados no lugar das rancheiras por excelencia.

Ata o sábado 16 de Xuño o Caney celebra, un ano máis, a súa Semana Gastronómica Mexicana. Para iso, o equipo do restaurante, con Pedro Lestón ao mando dos fogóns, ofrecerá aos seus clientes unha ampla oferta de pratos mexicanos entre os que non faltan o guacamole, as enchiladas, as quesadillas, o mole poblano ou o huachinango veracruzano. Primeiros, segundos e sobremesas inspiradas nas receitas máis típicas de México.
E para os que desexen probar varios pratos, está dispoñible un Menú Degustación a 20 euros composto por ceviche, guacamole, enchilada, lagostinos do diaño, mole poblano de polo e cajeta de piña.

Ningún comentario: