VALORACIÓN DO PLENO DE TEO DO MES DE SETEMBRO
No Pleno de setembro de 2012, tratáronse diversas cuestións tanto económicas como sociais, de gran interese para a cidadanía teense.
A aprobación da Conta Xeral do ano 2011 amosou, unha vez mais, a xestión desastrosa do equipo de goberno de Martiño Noriega, con datos arrepiantes como o aforro neto negativo, -572.000 euros, ou o aumento da débeda viva nun 39% nun ano. A solución a esta situación pasa, conforme sinalou a concelleira do PSdeG de Teo, por un efectivo control do gasto e unha maior
responsabilidade na determinación dos ingresos. Uxía Lemus, ademais, solicitou ao equipo de goberno que cumpra a normativa contractual.
Ante o contido dos Informes da Intervención municipal, que sinalan irregularidades en servizos como o de Teo Madruga prestado por unha empresa sen contrato, Martiño Noriega sinalou que hai outras prioridades nos temas contractuais e que se irán “regularizando”, adecuándose aos medios técnicos ao respecto. Reflexións que desde o PSdeG se rexeitaron porque enmascaran incumprimentos normativos prolongados no tempo, por exemplo, no servizo anteriormente citado prestado sen contrato desde hai xa 3 anos.
Outro punto do día foi a aprobación do Plan DTC 94, de 309.000 euros da Deputación para o Concello de Teo, que se vai dedicar, nun 56% ao pagamento de gasto corrente, mais concretamente ao pagamento de facturas do alumeado público. O mal estado económico do Concello amosase en decisións como esta, na que se dedican fondos doutras Administracións para o pagamento de facturas, e non para inversión. Uxía Lemus abstívose na votación, explicando que aínda que no Plan se inclúe unha importante obra, como o acondicionamento do vial Recesende-Catro Camiños, de vital importancia para Teo, o emprego deste tipo de fondos para pagamento de gasto corrente reduce tanto a escasa labor dinamizadora e de fomento do emprego do Concello, como as inversións na mellora de infraestruturas municipais.
Amosamos a nosa satisfacción polo feito de que a moción socialista presentada para implantar dunha vez por todas a sede electrónica no Concello fose apoiada por todas as forzas políticas. Agardemos que na maior brevidade a cidadanía teense poda presentar e recibir todo tipo de documentación de forma telemática, sen ter que acudir presencialmente ao rexistro municipal.
Así mesmo, os Socialistas de Teo queren felicitar a Asociación Teenses pola Igualdade, na súa iniciativa de presentar ás forzas políticas de Teo unha moción, aprobada por unanimidade, na que o Concello se adhire á Plataforma
Ningún comentario:
Publicar un comentario