CASE TRINTA MOZOS/AS MARCHARON DE CAMPAMENTO MUNICIPAL A OLEIROS
·
Durante os días que
estarán fóra realizarán actividades de aventura, deportivas ademais de
aproveitar a praia se o tempo acompaña
·
O alcalde de Teo, Martiño
Noriega a e concelleira de Educación, María Álvarez Garea, estiveron na
Ramallosa para despedilos
En total 28 mozos/as de entre 13 e 18 anos
que tomaron rumbo a Santa Cruz de Oleiros, onde estarán desfrutando do seu
tempo de lecer ata o día 14 de agosto. Con eles estivo o alcalde de Teo,
Martiño Noriega, e a concelleira de Educación, María Álvarez Garea, para desexarlle
ó grupo unha boa estancia.
Segundo explican os monitores que atenderán ós nenos/as durante o
campamento fomentarase o traballo en equipo, a cooperación, as relacións
sociais, a convivencia así como outros elementos como o respecto á natureza ou
a aprendizase da autonomía persoal.
O campamento xuvenil desenvolverase no albergue de Santa Cruz de Oleiros.
Alí están previstas actividades de aventura como tiro con aro, escalada ou
canoa. Tamén farán actividades deportivas a través de xogos populares, xincanas
ou olimpiadas. E aínda quedará tempo para a praia, os obradoiros ou a
celebración de pequenas festas.
Ningún comentario:
Publicar un comentario