-“Con
este datos queda desacreditada a tese do PP, que insistiu no debate
orzamentario en que estabamos a inflar os ingresos”, sinala a alcaldesa
O Concello
de Silleda vén de recibir nas últimas semanas por parte do Organismo de Xestión
Tributaria e Catastral (ORAL) os padróns correspondentes a distintos impostos
directos. As cantidades achegadas dende o ORAL de Pontevedra achegánse moito,
superando en todos os casos, as previsión do goberno municipal silledense
recollidas no orzamento de 2012.
Así,
por exemplo a cantidade que lle correspondería ao Concello de Silleda en
concepto de Imposto de Bens Inmobles (IBI) sitúase en 785.190 euros, e a cantidade prevista no orzamento é de 720.00
euros. No caso do Imposto de Actividades Económicas (IAE), a cantidade ascende
a 113.000 euros, e orzamentáronse 105.000 euros. O mesmo acontence co imposto referido
aos vehículos (IVTM), onde a cifra do padrón remitido polo ORAL ascende a
505.000 euros e hai orzamentados un total de 455.000 euros. No tocante o
Imposto de Bens Inmobles de Natureza Rústica, no exercicio de 2012 o padrón
ascende a 35.562 euros, e hai orzamentados 30.000 euros.
En
canto aos Bens Inmobles de Características Especiais (BICES) o importe total da
recadación recollida no padrón é de 337.356,41 euros. A cifra é o resultado dos
tributos que deben de abonar as empresas titulares da autoestrada AP-53
(279.146,01 euros); do parque eólico Monte de San Sebastián (36.696 euros) e do
parque eólico Masgalán-Campo do Coco (21.514,18 euros).
“Con
estas cifras quedan totalmente desacreditadas as acusacións do PP, que no pleno
no que se debatiu o orzamento de 2012 insistiu en que tiñan datos do ORAL e que
os ingresos estaban inflados”, sinala a alcaldesa, Paula Fernández, tamén
responsable do departamento municipal de Facenda.
Ainda
que advirte que haberá que agardar á liquidación do exercicio, a rexedora
silledense sostén, á vista dos padróns, “ que o orzamento que deseñou este
goberno non está desvirtuado, e que as cifras se axustan á realidade”, engade.
“Aínda recoñecendo que este ano por mor da situación económica poida haber
moitos impagos, os datos reflexan que a previsión era acertada”, remarca a
rexedora.
Ningún comentario:
Publicar un comentario