Ordes - celebrouse o XIII Festival de Bandas


A XIII Xuntanda de Bandas de Música preséntase como a cita máis musical do 'Verán Cultural' de Ordes 
A Banda de Amigos da Música de Ordes e a Banda Municipal de Boiro atrouxeron hoxe ata a Casa da Cultura a un público chegado de toda a comarca e de distintos puntos de Santiago e A Coruña

Tal e como se esperaba a XIII Xuntanza de Bandas de Música celebrada hoxe no Concello de Ordes gozou dunha gran acollida por parte dos veciños e veciñas do municipio. E é que cada ano o número de de asistentes aumenta nesta cita musical  da cal se pode desfrutar de balde e que en Ordes se coñece coloquialmente como O Día das Bandas. Incluso hai que fdestacar a chegada de asistentes doutros puntos non só da comarca senón do tamén do Concello de Santiago e A Coruña. E todo elo a pesar de que o bo tempo non quiso acompañar nesta cita, polo que o concerto tivo que trasladarse ata o auditorio da Casa da Cultura, descartando o pasarrúas e a súa celebración na Alameda tal e o como se tiña previsto nun principio.

     Este ano as bandas participantes foron a Banda Amigos da Música de Ordes e a Banda Municipal de Boiro. Precisamente esta última foi a encargada de abrir o concerto co pasodoble 'Evocación', seguido por 'Concerto de Amore' e a obra para solista 'Memory', interpretada ó bombardino por Antón Fernández. 'Amerland' e 'Muiñeira dos pendellos' foron as pezas coas que pecharon a súa intervención os 25 integrantes desta banda dirixida por David Lojo.

     A Banda Amigos da Música de Ordes, dirixida por Fernando Gontad,  iniciou e pechou a súa intervención tamén a ritmo dos pasodobles 'Calpe' e Alvite, respectivamente. Precisamente neste último, caracterizado polo acompañamento de gaitas que conleva, respirouse un dos momentos máis emotivos de toda a sesión que levantou un gran aplauso. 'Virginia', 'El barberillo de Lavapiés', 'Magic Slides' e 'A Feiticeira' foron as restantes pezas interpretadas para un abarrotado auditorio.

Maxia da man de 'Don Gelati'

     O Día das Bandas é unha actividade englobada dentro do programa Verán Cultural, organizado polo Concello de Ordes. Seguindo con él mañá será o turno da comedia máxica 'Don Gelati'. Interpretada por Dani García nela nárranxe as peripecias deste peculiar xeadeiro co seu vehículo, un auto que o poñerá en máis dun apreto do cal tratará de sair do xeito máis inxenioso.  

Ningún comentario: