O xogador do Rio Natura Monbus Obradoiro Adam Waczynski someteuse a cirurxía polas feridas sufridas o sábado na súa man esquerda ao chocar contra a pantalla LED televisiva salvando un balón.
As dúas feridas no dorso da man resultaron con sección total do extensor do dedo corazón e con sección parcial do extensor do dedo índice.
Tras a operación realizada esta mañá polo reputado cirurxián plástico Dr. Valdés, a zona afectada deberá permanecer inmobilizada un mes antes de empezar a rehabilitación, polo que o xogador perderase o que resta de tempada.
Adam Waczynski xa repousa no Hospital Policlínico A Rosaleda tras a exitosa intervención. Xogador e club agradecen as mostras de apoio e agarimo recibidas dos afeccionados.
Ningún comentario:
Publicar un comentario