Amosando publicacións coa etiqueta MUSICA NA NOITE. Amosar todas as publicacións
Amosando publicacións coa etiqueta MUSICA NA NOITE. Amosar todas as publicacións

Hoxe Música na Noite chega a súa maioría de idade

Teo, 09/07/2016 -  O Festival Música na Noite, un dos máis veteranos do panorama estival galego, chega aos 18 anos cunha selección das mellores bandas de rock, folk e hip hop do país. Zurrumalla, Barbitúricos, O Sonoro Maxín, Maladrómeda e Aririños do Maycar actuarán hoxe no Campo de San Domingo en Solláns, Calo (Teo) para celebrar a
maioría de idade do evento, organizado pola Asociación Cultural Lúa Chea.

Música na Noite - Decimo oitava edición do festival de Teo

Un concentrado de cinco bandas de folk e rock nunha única xornada compoñen este ano o cartel do Festival Música na Noite, que chega á súa décimo oitava edición en Calo (Teo). Terbutalina, Os Tres Trebóns, Deseqilibrio Mental, Pan de Capazo e A Magnifique Bande dos Homes sen Medo compoñen unha noite con varias das propostas máis en forma do panorama musical galego. 

O festival celébrase o próximo sábado 4 de xullo no Campo de San Domingo en Solláns, Calo. A cita leva xa case tres decenios como referente da música en Galiza. Os concertos son gratuítos e comezan ás 22.00 horas. 

As bandas 
Entre as propostas que actuarán en Calo están os inclasificables A Magnifique Bande dos Homes sen Medo, un conxunto de dez fantásticos instrumentistas herdeiros das charangas 
populares que se atreven a r interpretar desde a música de fanfarria balcánica ao jazz ou o 
rock progresivo, sempre co humor e a diversión com bandeira. Pola súa banda, Pan de 
Capazo porán a cara folk ao Música na Noite cun concerto de baile e mestizaxe no que se mesturan as gaitas galegas con instrumentos e texturas doutros países, de Euskadi a Moldavia; o grupo, curtido en escenarios de media Europa, editou xa catro disgos de grande interese.

Deseqilibrio Mental son, pola súa banda, a achega local ao festival. Experimentados e cunha traxectoria que se aproxima aos dez anos, acaban de editar novo EP, Séculos Escuros (I), onde afondan nas súas raíces apegadas ao punk rock directo, comprometido e visceral. Os Tres Trebóns é o medio de expresión de tres grandes da música galega, Xurxo Souto (Os Diplomáticos de Monte‐Alto), Fran Amil (Ulträqäns, Os Papaqueixos) e Antón Díaz (Ulträqäns, Os Papaqueixos), un vehículo para contar historias con instrumentación peculiar (baixo, batería e acordeón). 

Por último, Terbutalina, son, con cinco anos e seis discos ás costas, o presente perfecto do punk máis irreverente, unha banda cunha lexión de seguidores e un dos directos máis divertidos da volta. 

A historia
Música na Noite naceu nos anos oitenta para achegar a Calo a diversas bandas de folk do momento. Durante esta primeira vida, que durou ata 1996, converteuse nunha das citas máis populares do panorama da música tradicional. A asociación Lúa Chea recuperouno no 2008, desta vez apostando por dúas noites de estilos diversos.

Música na Noite - éxito do 15º festival


Miles de persoas encheron o campo da festa nas dúas xornadas
Éxito rotundo do 15º Festival Música na Noite

 A 15ª edición do Festival Música na Noite rematou onte cun gran éxito de asistencia. Se na primeira xornada a estimación de público rondaba as 2.000 persoas, a noite de onte non foi menos, cunha afluencia similar, aínda que con máis variedade de idades entre as persoas asistentes. A A.C. Lúa Chea rematou as existencias de comida e non deu abasto para atender a barra, que estivo toda a noite tan animada como concorrida.

Música na Noite - hoxe o retorno dos Cempes


Na xornada de onte asistiron unhas 2.000 persoas
O Música na Noite continúa hoxe co retorno dos Cempés e máis músicas tradicionais

 Calo. Teo. Tralo éxito de onte da noite das Músicas Emerxentes, no que a chuvia non puido vencer os ánimos festeiros, o Festival Música na Noite continúa hoxe con máis festa e co retorno aos escenarios da lexendaria banda Os Cempés. Unhas 2.000 persoas asistiron á súa primeira xornada, que rematou pasadas as catro da mañá cun público animadísimo bailando ao son da Compañía do Ruído.

Música na Noite - esta fin de semana chega a 15 edición de Música na Noite


Celébrase esta fin de semana en Calo (Teo)
Todo listo para o 15º Festival Música na Noite, que arrinca este venres
Calo. Teo. A parroquia de Calo quenta motores para a celebración, esta fin de semana, do Festival Música na Noite. No lugar de Solláns, desde as dez e media da noite do venres, arrica a 15ª edición do festival organizado pola Asociación Cultural Lúa Chea.

Música na Noite - a decimoquinta edición o 6 e o 7 de xullo


Músicas emerxentes e tracicionais converxen no 15º Festival Música na Noite
Celébrase en Calo (Teo) os días 6 e 7 de xullo

 A Asociación Cultural Lúa Chea presentou esta mañá, na Casa Común de Calo, en Teo, a 15ª edición do Festival Música na Noite. O festival vaise celebrar nas noites do venres, 6 de xullo, e do sábado 7, no lugar de Solláns, na mesma parroquia na que se presentou. No acto estiveron presentes os membros da A.C. Lúa Chea Xoán Carlos Portos, Ana Fernandez e Jesús Parajó, o concelleiro de Mocidade e Servizos de Teo, Xurxo Francos, o alcalde da localidade, Martiño Noriega, e o músico Leo i Arremecághona, que ofreceu unha pequena mostra da que vai ser a súa actuación no festival.