Santiago, 24/07/2016 - Santiago de Compostela encherase de música e de diversión na noite do 24 de xullo, véspera do Día da Patria, cun Festigal cheo de enerxía na súa XV edición con Kepa Junkera & Sorginak, Poetarras, Arrhythmia, Biribirlocke e Esposa.
Amosando publicacións coa etiqueta FESTIGAL b>. Amosar todas as publicacións
Amosando publicacións coa etiqueta FESTIGAL b>. Amosar todas as publicacións
A artesanía tradicional ten espazo propio no Festigal 2014
Santiago, 23/07/2016 - O Festigal é lugar de encontro, de ideas, de música e de reivindicación, mais tamén ten espazo reservado para un mercado de artesanía galega e para o asociacionismo.
O Festigal 2016 promove unha campaña de voluntariado
Santiago, 18/07/2016 - O Festigal 2016 promove unha campaña de voluntariado ao servizo do que constitúe unha das maiores manifestacións culturais de Galiza, neste evento que congrega máis de 100 actividades que se celebra o 24 e 25 de xullo en Santiago de Compostela.
O Festigal terá unha zona de acampada
Santiago, 07/07/2016 - O Festigal 2016 fomentará a participación da mocidade nas máis de 100 actividades programadas nesta XV edición cunha zona de acampada para facilitar a estancia na noite do 24 de xullo en Santiago de Compostela. As persoas interesadas deben inscribirse na web Festi.Gal e recibirán unha tarxeta personalizada de campista previo depósito de 3 euros.Festigal - Concertos do 24 e 25
O Festigal 2015 ten todo preparado para as dúas xornadas de festa reivindicativa do 24 e do 25 de xullo no campus sur de Santiago de Compostela, coas actuacións de Ruxe Ruxe, Sokram, Familia Caamagno, Ibuprofeno Teatro, Superoito, Caxade, Carapaus, o Mago Antón Habelas Hainas e Maianas, ademais do cento de actividades previstas no marco do Día da Patria Galega.
A noite do 24 de xullo, o Festigal abre coas Maianas, o grupo gañador do concurso "Novos Valores" que introducirán temas de composición propia nos que mesturan a creación melódica e lírica. Acompañan as voces con instrumentos tradicionais de percusión como pandeiretas, pandeiras, pandeiros ou carrizos, ademais doutros instrumentos pobres como cunchas ou cuncas.
Habelas Hainas ten o seu punto de partida na música tradicional e de raíz, sentíndose parte dunha tradición longa e viva da que xorde a natural necesidade de expresárense, sempre dende unha ollada feminista e plural. Isto lévaas a explorar outras músicas, crear os seus propios temas e experimentar coa tradición. Esta permanente inquedanza reflítese na indagación e aproveitamento dos diferentes recursos dos instrumentos tradicionais, creando un son enérxico, fresco e orixinal.
Caxade, acompañado da Banda de Música da Bandeira, porá o punto polp-pok de banda popular de música com arrecendo a música minimalista e a sons bucólico-pastorís da velha Europa. Música elegante, modesta e sinxela, surrealismo pós-modernista e discurso reivindicativo, metafórico e irónico. Este proxecto que se inicou na internet, con video-creacións como «Gente Pota», após do extraordinario acollemento do público e da crítica que tivo o seu disco de estrea «A Dança dos Moscas» e despois de máis de 70 concertos de presentación, Caxade é agora un referente da nova música galega.
Ruxe-Ruxe é unha banda lendaria no panorama do rock galego que soubo gañarse a pulso o respecto e o cariño do público. Pasou xa moito tempo dende aquel ano 1996 no que naceu esta formación que presentará no Festigal a súa décima achega discográfica: «Un Mundo Perfecto», con 14 novos temas nos que reflicten a súa personalidade nunha viaxe a un universo sonoro de cor e soños onde as súas reivindicativas letras nos falan da amizade, do amor, da vida ou mesmo as loitas persoais, sempre en clave optimista e desenfadada.
Sokram é unha das voces de peso en Dios Ke Te Crew e unha das personalidades máis prolíficas e irreverentes do famoso colectivo hip hop. Neste 2015 editou o seu primeiro Lp en solitario titulado “Chuvia Ácida”, con letras brillantes e a versatilidade e potencia vocal de Sokram que bailan á perfección cos ritmos e melodías secuenciadas e retorcidas pola alquimia das máquinas de Mou e cos camaleónicos sons das guitarras de Santino. Hip Hop, rap e electrónica que se contorsionan con Rock&Roll, con Funk e Blues, Hardcore e Psicodelia.
O Café Concerto do 25 de xullo, iniciarase coa maxia do Mago Antón, despois Isabel Risco e Marián Bañobre van dinamizar a festa co espectáculo "O Furancho", para seguir co folk de Carapaus co último disco "Déixao andar"; co rock de Familia Caamagno e con Superoito.
Festigal - Este ano os cativos terán o seu espazo
O Festigal 2015 terá un espazo infantil, patrocinado por Galletas Mariñeiras Daveiga, con obradoiros, actuacións, música e diversión que servirán de escaparate de actividades culturais e creativas destinadas ás crianzas feitas en Galiza.
Así, poderán gozar do "Brinca Vai!", de Paco Nogueiras; do espectáculo "Alegría", de Sergio Tanus; de "O horroroso crime de Xan Miñoca", de Títeres Viravolta. Ademais, a Mesa pola Normalización Lingüística presenta "Abecedario", con Magín Blanco, Óscar Vilán e Mónica Pazos.
A isto únense os obradoiros de instrumentos vexetais e de bailes e xogos tradicionais galegos, coa colaboración da Asociación de Gaiteiros Galegos, dinamizados por Emilio Lois e Rebeca Tallón, respectivamente.
O espazo infantil do Festigal atrae, cada edición, centos de nenos e nenas que na tarde do Día da Patria Galega se achegan ao campus sur de Santiago de Compostela para gozar das máis de 100 actividades programadas para xente de todas as idades nesta gran festa do nacionalismo.
ESPAZO INFANTIL - GALLETAS MARIÑEIRAS DAVEIGA
16h00 Obradoiro de instrumentos vexetais coa colaboración da Asociación de Gaiteiros Galegos e dinamizado por Emilio Lois
16h30 Obradoiro de bailes e xogos bailados no que se ensinarán bailes e xogos tradicionais galegos coa colaboración da Asociación de Gaiteiros Galegos e dinamizado por Rebeca Tallón.
17h15 Presentación de Abecedario de A Mesa pola Normalización Lingüística coa participación de Magín Blanco, Óscar Vilán e Mónica Pazos.
17h45 O horroroso crime de Xan Miñoca. Títeres Viravolta
18h45 Presentación de Alegría de SergioTanus
19h30 Brinca Vai!. Paco Nogueiras
Festigal - campaña de inscrición de voluntariado
O Festigal 2015 inicia a campaña de inscrición de voluntariado que, nun compromiso decidido, pon parte do seu tempo da fin de semana ao servizo do que constitúe unha das maiores manifestacións culturais do noso país neste evento con máis de 100 actividades programadas que se celebra o 24 e 25 de xullo no campus sur de Santiago de Compostela.
"O Festigal é xa un evento de referencia na axenda do nacionalismo galego e de todas as persoas que aman a música e que teñen interese pola nosa cultura", explícase nunha carta enviada pola comisión organizadora a centos de mozos e mozas para animalos a participar, "porque o pobo participa así na creación da Galiza que quere, cun Festigal que promociona artistas que tocan en galego, con maxia, obradoiros infantís, deportes tradicionais, galería de ideas, presentacións de libros, artesanía, asociacións..."
A dinámica do voluntariado no Festigal "enriquece a convivencia e a participación grazas ao valor social e as sinerxías que se crean ao traballar en equipo de xeito solidario, con rebeldía e con alegría, coa satisfacción de axudar a construír unha Galiza con entidade de seu", expón a carta. Por iso poñen a disposición do voluntariado a zona de acampada, identificacións e outras facilidades que ofrecen cando se inscriben.
Deste xeito, a comisión organizadora convida a visitar a web festi.gal/voluntariado para ver as áreas de colaboración e as quendas do Festigal 2015, para que o voluntariado indique as súas preferencias e comece a compartir "esta edición que camiña co horizonte de abrir un novo tempo para Galiza".
Festigal - Chega a edición 2015
O Festigal 2015 chega coas actuacións de Ruxe Ruxe, Sokram, Familia Caamagno, Ibuprofeno Teatro, Superoito, Caxade, Carapaus, o Mago Antón Habelas Hainas e Maianas, ademais do cento de actividades previstas para o 24 e o 25 de xullo no campus sur de Santiago de Compostela no marco do Día da Patria Galega.
Na presentación deste evento "festivo e reivindicativo", Alberte Mera, de Galiza Nova -unha das entidades da comisión organizadora- explicou que o Festigal está consolidado dende os seus inicios en 2002 no calendario de festivais de verán, "cunha aposta polo talento e a creatividade do noso país que se celebra no marco do Día da Patria" e que serve para "reivindicar a nosa cultura, en momentos en que as institucións e poderes intentan calar a nosa nación, a nosa lingua, artistas e novos valores". "Os escenarios do Festigal serviron de lanzadeira de moitos grupos hoxe consolidados", engadiu.
Así, haberá máis de 100 actividades en 2 días, con actividades musicais, teatro, presentacións de libros, debates, ideas, coloquios sobre a situación de Galiza e o dereito a decidir, espazo infantil, obradoiros, deporte, artesanía, asociacionismo, entre outras, todas elas gratuítas. Destacou tamén que haberá espazo para acampada na noite do 24 de xullo cun prezo simbólico de 3 euros para o que cómpre inscribirse en info@festi.gal "O Festigal só é posíbel grazas ao público, a artistas comprometidas e ao voluntariado nacionalista que fai ese traballo", explicou, "e así conseguimos o premio da música Martín Códax como mellor festigal galego". "O Festigal é rebeldía e alegría para erguer a nosa nación", concluíu.
Pola súa parte, Tania Ameneiro, da Fundación Galiza Sempre, agradeceu a participación de artistas nesta presentación e explicou que As Maianas, que gañaron o concurso "Novos Valores Festigal 2015" serán quen abran esta edición o 24 de xullo ás 22:00 no campus sur.
Seguirán Habelas Hainas, que ofrecerán música tradicional e feminista; Caxade presentará unha mostra da Banda de Música da Bandeira; segue a veterana banda Ruxe Ruxe e pecha a xornada do 24 Sokram co seu disco "Chuvia ácida" que virá con colaboracións.
O Café Concerto do 25 de xullo, iniciarase coa maxia do Mago Antón, despois Isa Risco e Marián Bañobre van dinamizar a festa co espectáculo "O Furancho", para seguir co folk de Carapaus co último disco "Déixao andar"; co rock de Familia Caamagno e con Superoito.
Festigal - Maianas gaña o concurso Novos Valores Festigal
O concurso “Novos Valores Festigal” para a difusión da música galega e en galego feita por xente moza proclamou gañador o grupo Maianas, logo da decisión do xurado que estimou o seu valor artístico na promoción da música tradicional. Maianas son tamén promotoras dun festival do Festival da Maía, teñen dous traballos editados e son mulleres novas comprometidas co país. Así, actuarán no palco de concertos do Festigal a noite do 24 de xullo de 2015, participarán na presentación do cartel xunto coas demais bandas e recibirán unha dotación económica de 300 euros.
O xurado valorou ademais a calidade e a variedade de estilos dos grupos e artistas que se presentaron a este certame como SeisPorOito, Panghea, Coso Carnobrigo, Miguel Alonso, AutOOdio, Noé Subiela, Balbordo Público, Monoulious DOP, Marta Sancho e Jorge Abreu Seoane. Estimou tamén a participación e interese de milleiros de persoas que compartiron os vídeos a través das redes sociais, na primeira fase do concurso, e que contribuíron deste xeito á difusión de música emerxente en galego.
Este concurso conseguiu a participación dunha ampla representación de estilos que pasan polo folk, pop, música de autor, death metal melódico, rap, pop-rock, festa, comedia e música de cámara, entre outros, que dan conta da creatividade e da diversidade da oferta artística existente que nace no noso país. Este certame abriuse á participación de grupos amadores e profesionais emerxentes que empregan a lingua galega nas súas letras.
Festigal - Ampliase o prazo para participar no concurso de novos valores
O concurso “Novos Valores Festigal” amplía o prazo de presentación das maquetas até o 15 de abril, co fin de abrirlles as portas á creatividade dos grupos e artistas emerxentes galegos que canten en galego e ante a demanda existente. As bases poden consultarse na web do Festigal http://festi.gal
Este concurso pretende servir de plafaforma de difusión de artistas noveis en momentos en que a maioría das institucións tratan con desleixo a creación musical do noso país e recortan orzamentos públicos destinados á cultura galega, ao tempo que promoven artistas de fóra que demandan grandes cachés.
O premio para o grupo gañador será abrir o 24 de xullo pola noite o Festigal 2015. O certame está aberto á participación de grupos amadores e profesionais, de todos os estilos, que empreguen a lingua galega nas súas letras.
O prazo de presentación de traballos remata o 15 de abril e deberán entregar unha maqueta e un vídeo dunha gravación dun ensaio, que será obxecto de votación por parte do público co método de compartilo na páxina do Facebook do Festigal. Os grupos máis compartidos pasarán a un xurado integrado pola Comisión do Festigal e polo músico Xurxo Souto.
Festigal - Primeira xornada da edición de este ano
O Festigal despega coa potencia de Nao, Sés, Festicultores e A Quenlla
A zona de acampada será un dos alicientes para a mocidade achegarse a Santiago de Compostela e participar nas máis de 100 actividades programadas
O Festigal 2014 despegará na véspera do Día da Patria coa potencia sonora de Nao, Sés, Festicultores e A Quenlla, que se completará na tarde do 25 de xullo no campus sur con García MC, Os da Ría, Grampoder e Bouba. Galiza Nova, a Fundación Galiza Sempre e a Comisión organizadora programan este evento consolidado entre as feiras culturais con máis afluencia de Galiza.
Ademais da galería de artesanía, onde se poderán adquirir pezas orixinais e a bo prezo; do espazo deportivo, que disputará o tradicional Aberto de Billarda do Día da Patria, a exhibición de artes marciais históricas e a “All Stars Liga Gallaecia” de fútbol gaélico; Tasmina Ahmed, do Scotish National Party, participa na Galería das Ideas; a Escola de Ensino Galego Semente exporá as súas iniciativas na Galería de Centros Sociais; presentarase “50 preguntas e 50 argumentos para a soberanía de Galiza”; Xurxo Souto traerá “Contos do mar de Irlanda”, Teresa Moure “Uma Mãe Tão Punk”; “Autores e autoras para o 25 da patria” ofrecerán un recital poético; proxectarase “A Fazaña da Liberdade” sobre a vida de Alexandre Bóveda; e haberá obradoiros, danza e teatro para as crianzas. Mais, sobre todo, o Festigal converteuse nun lugar de encontro e de referencia para celebrar a gran festa do nacionalismo galego.
A Quenlla
A Quenlla, formada en 1984, é unha das formacións clásicas da nosa música, nove persoas que interpretan cancións tradicionais e de autor desde unha postura crítica e un compromiso activo e claro diante dos acontecementos que vive o noso país. Poderiamos dicir que A Quenlla non canta por cantar, senón que o fai para expresar o seu propio punto de vista, mostrar a riqueza da nosa música e cultura e manterse leal á defensa do noso idioma e da nosa Matria.
Sés
Sés é talento, forza, carisma: a gran revelación da música galega nos últimos anos. Aos poucos e grazas á transmisión boca-orella, a súa intensa personalidade e honestidade á hora de manifestarse foi conquistando o público cun caudal de enerxía que chama pola unión e o cuestionamento do estabelecido. “Co xenio destrozado”, o seu último disco, é un traballo feito desde o orgullo identitario, con frescura, vitalidade e actitude, temas de cantautora vestidos de blues, rock e sons do continente americano.
Nao
Nao preséntanse a si mesmos como unha “idea transformada en son, actitude e amizade”. Unha idea, tamén, transformadora, metáfora axitadora e rebelde que medra entre escenarios e estradas. Convertidos xa nunha referencia indiscutíbel da escena hadcore galega, esta banda da Estrada presentará o seu novo traballo “Cartas no caderno”.
Festicultores
Festa, humor, música, baile. Os Festicultores Troupe son unha banda galega totalmente atípica, que non deixan indiferente ninguén. Levan máis de 350 actuacións nos seus sete anos de existencia, en que compartiron escenario con artistas como Fanfare Ciocarlia, Gogol Bordello, Manu Chao ou Ojos de Brujo e tocaron –e foron premiados– en festivais internacionais de diferentes países como Polonia, Francia, Serbia ou Portugal. Co seu sadomusiquismo,a diversión e o baile están garantidos.
García MC
García Mc (Ghamberros, Dios Ke Te Crew, Labregos do Tempo dos Sputniks...) presenta "Abaixo e De Pé", un traballo en que amosa amor e rabia, unha mirada rebelde e zapatista que conduce a través dos ciclos naturais: a expresión das loitas de abaixo, as apegadas á terra. Será este un concerto de ritmo e oralidade, en que camiñaremos por Ordes, o Bronx ou a Selva Lacandona, acompañado por DJ Mil, todo desde unha posición clara: abaixo e de pé.
Os da Ría
Os da Ría Íntimos nace pola necesidade do público galego de conseguir un maior contacto con estes dous grandes divos da canción. Atendendo este reclamo, Arturito Puy e Fabián Santomé decidiron percorrer bares, salas e pubs coa maior parte do seu repertorio, adaptada neste caso á música dos teclados de Suso Pián. Eles tres son, pois, Os da Ría Íntimos... tres artistazos cos que o público non só gozará de boa música e divertidas letras senón tamén do contacto próximo directo cos 'admirados' artistas.
Grampoder
Grampoder son Le Roi e Martin Wu, antigos compoñentes de bandas como The Homens, Stay Pretty ou Fame Neghra. Fan rock portátil, pop campestre, folk psicodélico, punk acústico, hardcore comeflores. O seu set cabe nun Seat Ibiza e din que tanto poden tocar no Carnegie Hall como no hall dun piso de protección oficial. De feito, na súa curta traxectoria xa tiveron ocasión de actuar en bares, restaurantes, chiringuitos, museos de arte contemporánea, tendas de discos, galpóns e salas de estar. Porque o concepto é ese: facer boas cancións, con melodía, enerxía e compromiso, e poder adaptalas a calquera escenario. Presentarán “Golf Whiskey”.
Bouba
Bouba son cinco mozas pandereteiras que centran os seus esforzos en recoller a música tradicional do país para logo poder mostrar polo mundo adiante o poderío dos nosos vellos e das nosas vellas coa forza da nosa música. Coma din elas, festa? a nosa!!!
Festigal - Tasmina Ahmed, do Scotish National Party, participa na Galería das Ideas
Tasmina Ahmed, do Scotish National Party, participa na Galería das Ideas do Festigal 2014
Os debates ofrecerán argumentos a favor dos procesos soberanistas
O Festigal 2014, ademais de música e de tendencias, ten unha Galería das Ideas que se desenvolverá mediante debates cun compoñente a favor da soberanía e do dereito dos pobos a decidir o seu futuro.
“Voces para outra Europa, os procesos de autodeterminación” será o título do debate previsto para o 25 de xullo ás 18:00 horas no campus sur de Santiago de Compostela. Ademais do presidente da Fundación Galiza Sempre, Guillerme Vázquez, encargado de moderalo, intervirán Josep Huguet Biosca, presidente da Fundació Josep Irla, e Tasmina Ahmed Sheik, asesora executiva da campaña Yes Scotland e representante da National Women's Officer, do Scotish National Party.
O Festigal tamén fai especial fincapé na necesidade de dotar Galiza de “Medios propios, país propio”, que será o título doutro foro moderado pola vicepresidenta da Fundación Galiza Sempre, Ana Luísa Bouza, xunto coas intervencións de Xosé Mexuto, director de Sermos Galiza, de Iñaki Soto, director de Gara, e de Guillem Ramos-Salvat, de Nació Digital.
Ambas as palestras desta edición do Festigal contribuirán a ofrecer argumentos e puntos de vista a favor dos procesos soberanistas encamiñados á liberación dos pobos mediante a creación de estados propios que preserven cadansúa identidade, cultura e intereses económicos.
Festigal - A edición do 2014 terá zona de acampada
O Festigal 2014 terá zona de acampada
Entregaráselle a cada campista unha tarxeta personalizada, previo depósito de 3 euros, para facilitarlle a estancia en Compostela na véspera do Día da Patria
O Festigal 2014 recupera a zona de acampada para facilitarlles ás mozas e os mozos a estancia na noite do 24 de xullo en Santiago de Compostela, despois de asistiren aos concertos de Nao, Sés, Festicultores e A Quenlla.
As persoas interesadas poden inscribirse co envío dos seus datos nun correo electrónico a info@festigal.com ou no teléfono 981 554 200 (de 09:00 a 14:00 horas).
Para participar na acampada deberán levar cadanseu saco de durmir, colchoneta, toalla e produtos de aseo persoal. Galiza Nova entregaralle a cada campista unha tarxeta personalizada, previo depósito de 3 euros, con copia para o seu rexistro. O lugar de acampada será pavillón polideportivo da USC, situado no campus sur, e estará aberto dende as 22:00 horas do día 24 até as 10:00 horas do 25 de xullo.
No propio recinto do Festigal, o 25 de xullo, habilitarase un espazo cuberto no espazo de organización para que as persoas que participen na acampada deixen as súas mochilas en horario de 9.30 a 10.30 horas, que poderán ser retiradas de 15:00 a 23:30 horas, para facilitar a asistencia ás máis de 100 actividades programadas neste grande evento cultural que combina música, libros, charlas, concertos e obradoiros.
Festigal - Obradoiros e contacontos para os máis pequenos
Obradoiros e contacontos amenizarán a zona infantil do Festigal 2014
Poderán ver os espectáculos “O galo Quirico”, da compañía Seis Dedos, e “A música as árbores”, de Anxo Moure
Nenas e nenos contan con espazo de seu para xogar e aprender no Festigal 2014. Despois do xantar do Día da Patria terán oportunidade de participar en obradoiros de música, danza, teatro e maquillaxe, ademais de contacontos, títeres e xogos tradicionais galegos para o seu entretemento.
Entre as actividades relacionadas co folclore tradicional, destacan os obradoiros de construción de xoguetes sonoros e instrumentos vexetais, guiados por Pablo Carpinteiro coa colaboración da Asociación de Gaiteiros Galegos.
O tempo para mover o esqueleto ao ritmo da música será a partir das 17:30 horas, co obradoiro de bailes, cancións tradicionais e de xogos bailados, tamén coa Asociación de Gaiteiros Galegos, desta vez da man de Olga Kirk.
Haberá tamén obradoiros de globoflexia e de maquillaxe, coa Asociación Lusco-Fusco de Lugo, onde farán as formas máis divertidas e imaxinativas que ademais contribuirán a fomentar a creatividade das crianzas.
Para quen prefira contacontos, dende as 16:30 horas poderán escoitar “O neno e a estrela”, coa colaboración do colectivo Fabaloba; e o espectáculo “A música das árbores” presentado polo Cabalo con botas, con Anxo Moure, ás 17:00 horas. A arte de contar historias, concibida como un elemento da tradición oral de cada pobo que se transmite de xeración en xeración para compartir unha mensaxe, será un dos atractivos para os máis pequenos e pequenas neste Festigal 2014, ao tempo que exercitan a narración oral, aprenden a escoitar e a interpretar unha explicación máxica para resolver a trama de cada conto.
Para as nenas e os nenos máis teatreiros, ás 18:30 a compañía Seis Dedos exhibirá o espectáculo “O galo Quirico”; e as crianzas máis buligueiras teñen unha cita coa compañía de danza Cisma que presentará ás 19:30 “Entre nanas e cascallos”.
Trátase, pois, dun amplo programa de lecer e de aprendizaxe para cativos e cativas, que terán na sesión de tarde da celebración do Día da Patria no campus sur de Santiago de Compostela un espazo para o seu entretemento.
Festigal - Presentación da edición 2014 (con audio)
O Festigal 2014 será un escaparate “da música reivindicativa do país”
Nao, Sés, Festicultores, A Quenlla, Os da Ría, Grampoder e Habelas Hainas son algúns dos grupos que actuarán este 24 e 25 de xullo en Compostela
Máis de cen actividades programadas nesta edición do Festigal 2014 encherán de creatividade cultural e artística o campus sur de Compostela o 24 e 25 de xullo, cunha oferta de lecer gratuíta destinada á mocidade que serve de escaparate “da música reivindicativa do país”.
Na rolda de prensa de presentación do Festigal, Alberte Mera (Galiza Nova), Tania Ameneiro (Fundación Galiza Sempre) e Saleta Chao (BNG) coincidiron en destacar “o carácter reivindicativo, festeiro e de encontro deste evento” que, ademais, pretende complementar a celebración do Día da Patria.
Segundo explicou Tania Ameneiro, “o Festigal é espazo de encontro para a tradición e a vangarda”, por iso estará Sés, que definiu como “a rachadora rockeira e bluseira de referencia”; Nao, que presentará o seu último traballo “Cartas no caderno”; a Troupe dos Festicultores e mais A Quenlla o xoves 24 de xullo. O café concerto do 25 de xullo comezará coa frescura da música tradicional das mozas de Habelas Hainas; Os da Ría; García MC con "Abaixo e de pé", que é o título do seu último traballo; e Grampoder co seu disco “GolfWhiskey”.
Saleta Chao manifestou o compromiso da comisión organizadora do Festigal cun espazo “que conxugue música, cultura, lecer, letras e ideas”. Subliñou tamén que os debates nesta edición versarán “sobre a actualidade política e os procesos soberanistas de Catalunya e de Escocia e tamén sobre medios de comunicación”. Avanzou entre as novidades un espazo dedicado aos “Produtos da Terra”.
Concederase un espazo aos centros sociais “que desenvolven un traballo incansábel e exemplar”, ademais de contar con actividades deportivas que irán dende unha exhibición de esgrima antiga e xogo de pau, un aberto de billarda ou un partido de fútbol gaélico, “que segue a sumar equipas e seareiras no noso país”, sinalou.
Alberte Mera fixo mención do espazo de xantar, obradoiros infantís, danzas e xogos tradicionais, tendas de artesanía, asociacións e librarías. “Isto converte o Festigal nunha das feiras culturais de referencia en Galiza e, sobre todo, nun lugar de encontro para milleiros de persoas que cada ano se congregan en Santiago de Compostela para celebraren o Día da Patria”, explicou.
O Festigal contribuíu ao lanzamento de novos talentos musicais así como á proxección de bandas consolidadas. Por este escenario pasaron Kepa Junkera, Mercedes Peón, Ulträqäns, Susana Seivane, Deus ke te Crew ou Lamatumbá e artistas internacionais como Pablo Milanés ou La Phaze, lembrou o secretario xeral de Galiza Nova.
O Festigal 2014 será un escaparate “da música reivindicativa do país” Nao, Sés, Festicultores, A Quenlla, Os da Ría, Grampoder e Habelas Hainas son algúns dos grupos que actuarán este 24 e 25 de xullo en Compostela Santiago de Compostela, 3 de xullo de 2014.- Máis de cen actividades programadas nesta edición do Festigal 2014 encherán de creatividade cultural e artística o campus sur de Compostela o 24 e 25 de xullo, cunha oferta de lecer gratuíta destinada á mocidade que serve de escaparate “da música reivindicativa do país”. Na rolda de prensa de presentación do Festigal, Alberte Mera (Galiza Nova), Tania Ameneiro (Fundación Galiza Sempre) e Saleta Chao (BNG) coincidiron en destacar “o carácter reivindicativo, festeiro e de encontro deste evento” que, ademais, pretende complementar a celebración do Día da Patria. Segundo explicou Tania Ameneiro, “o Festigal é espazo de encontro para a tradición e a vangarda”, por iso estará Sés, que definiu como “a rachadora rockeira e bluseira de referencia”; Nao, que presentará o seu último traballo “Cartas no caderno”; a Troupe dos Festicultores e mais A Quenlla o xoves 24 de xullo. O café concerto do 25 de xullo comezará coa frescura da música tradicional das mozas de Habelas Hainas; Os da Ría; García MC con "Abaixo e de pé", que é o título do seu último traballo; e Grampoder co seu disco “GolfWhiskey”. Saleta Chao manifestou o compromiso da comisión organizadora do Festigal cun espazo “que conxugue música, cultura, lecer, letras e ideas”. Subliñou tamén que os debates nesta edición versarán “sobre a actualidade política e os procesos soberanistas de Catalunya e de Escocia e tamén sobre medios de comunicación”. Avanzou entre as novidades un espazo dedicado aos “Produtos da Terra”. Concederase un espazo aos centros sociais “que desenvolven un traballo incansábel e exemplar”, ademais de contar con actividades deportivas que irán dende unha exhibición de esgrima antiga e xogo de pau, un aberto de billarda ou un partido de fútbol gaélico, “que segue a sumar equipas e seareiras no noso país”, sinalou. Alberte Mera fixo mención do espazo de xantar, obradoiros infantís, danzas e xogos tradicionais, tendas de artesanía, asociacións e librarías. “Isto converte o Festigal nunha das feiras culturais de referencia en Galiza e, sobre todo, nun lugar de encontro para milleiros de persoas que cada ano se congregan en Santiago de Compostela para celebraren o Día da Patria”, explicou. O Festigal contribuíu ao lanzamento de novos talentos musicais así como á proxección de bandas consolidadas. Por este escenario pasaron Kepa Junkera, Mercedes Peón, Ulträqäns, Susana Seivane, Deus ke te Crew ou Lamatumbá e artistas internacionais como Pablo Milanés ou La Phaze, lembrou o secretario xeral de Galiza Nova.
Festigal - Actividades para todos na XII Edición do Festigal
A cita coa música máis reivindicativa chega á XII edición do Festigal, un evento consolidado no calendario de concertos do verán que sempre vén acompañado de actividades como presentacións editoriais, charlas, humor, venda de artesanía e zona de xantar.
Festigal - Este ano o Festigal estará cheo de rebeldía
O Festigal trae a música galega máis reivindicativa de Sés, Nao, Festicultores e A Quenlla
Na súa XII edición, este encontro anual coa creación artística servirá de escaparate ao activismo político e sociocultural de Galiza
FESTIGAL - segunda xornada do festigal
NEIRA VILAS, MANUEL
BRAGADO, VICTOR FREIXANES, FRANCISCO JORQUERA, TERESA MOURE, SUSO DE TORO E CAMILO
NOGUEIRA
PARTICIPAN NA GALERIA
DAS LETRAS
A
MÚSICA DE SÉS, A CADA CANTO E TERBUTALINA PECHA O FESTIGAL NO DIA DA PATRIA
GALEGA
Subscribirse a:
Publicacións (Atom)


