A Cámara de Comercio, Industria, Servizos e Navegación de Santiago de Compostela inicia a execución do Plan de Promoción Internacional para 2015, no que hai encadradas oito accións para pequenas e medianas empresas que queiran internacionalizar os seus produtos e servizos.
As accións a desenvolver consisten principalmente en misións comerciais directas, encontros empresariais e asistencia a feiras internacionais en mercados como Turquía, Alxeria, Perú, Colombia, Singapur, Emiratos Arabes, Qatar, Cuba, etc. Tamén se inclúen accións de promoción de turismo en Italia e Reino Unido.
Estas accións realízanse con fondos FEDER provenientes da Unión Europea e enmárcanse dentro do Plan FOEXGA 2015, organizadas polas Cámaras de Comercio de Galicia e o IGAPE.
Ningún comentario:
Publicar un comentario