Javier Tolentino presenta "El cine que me importa" na libraría NUMAX
Este venres 17 ás 20.30h, na libraría NUMAX, contaremos coa presencia de Javier Tolentino, director do programa de Radio 3 El Séptimo Vicio, para falar connosco do seu libro El cine que me importa, no que fai un repaso ao que el chama "cinema pequeno" a través dunha selección de filmes de cinematografías alonxadas que conviven con outros que son fitos na historia do cinema e que dalgún xeito ou outro se cruzaron na súa vida. Acompañarano na presentación José Manuel Sande e Ramiro Ledo.
Programación en NUMAX do 16 ao 23 de abril
Canda ás de Puro Vicio, seguimos coas proxeccións Timbuktú e Clan Salvaxe (que entra na carteleira este venres despois da preestrea do mércores 15 coa presenza do seu director, Jean-Charles Hue) e introducimos dous títulos novos na nosa programación: Terra de ninguém e E agora? Lembra-me.
Un escenario neutral. Terra de ninguén. Un home sentado nunha cadeira, contando a súa vida. De mozo foi soldado nun comando de elite portugués durante as guerras coloniais en Mozambique e Angola. Após a revolución dos Cravos, traballou de gardacostas en Portugal e máis tarde de mercenario da CIA en El Salvador, até rematar asasinando por encomenda para os GAL. O monstroso das atrocidades que descrebe contrponse ao minimalismo formal do filme e ao xeito que o personaxe ten de se presentar a si propio.
Joaquim Pinto, afectado polo VIH e o VHC, comeza un tratamento experimental en Madrid o mesmo día que o PP de Rajoy gana as eleccións de 2011. O cineasta portugués, a carón do seu marido Nuno, grava a súa terapia durante un ano. Desde o íntimo do rexistro en primeira persoa, Pinto trata asuntos universais coma a sanidade pública, a crise económica, a historia do cinema e as formas múltiples do amor. Cercano sen ser exhibicionista, conmovedor sen ser aleccionador, extraordinario desde a súa normalidade, este vídeodiario, que xustifica plenamente o seu formato, arrasou nas listas do mellor de 2013.
Xoves 16 de abril12:00 - Puro vicio (VOSE)16:00 - Terra de ninguém (VOSE) 17:45 - Timbuktú (VOSE) 19:45 - Puro vicio (VOSE) 22:30 - Timbuktú (VOSE) Venres 17 de abril12:00 - Timbuktú (VOSE)16:00 - Timbuktú (VOSE) 18:15 - Terra de ninguém (VOSE) 20:00 - Clan salvaxe (VOSE) 22:00 - Clan salvaxe (VOSE) Sábado 18 de abril12:00 - Terra de ninguém (VOSE)16:00 - Timbuktú (VOSE) 18:00 - Clan salvaxe (VOSE) 20:00 - Timbuktú (VOSE) 22:00 - Clan salvaxe (VOSE) Domingo 19 de abril12:00 - Clan salvaxe (VOSE)16:00 - Clan salvaxe (VOSE) 18:00 - Timbuktú (VOSE) 20:00 - Terra de ninguém (VOSE) 22:00 - Clan salvaxe (VOSE) |
Martes 21 de abril12:00 - Clan salvaxe (VOSE)16:00 - Timbuktú (VOSE) 18:00 - Clan salvaxe (VOSE) 20:00 - Timbuktú (VOSE) 22:00 - Terra de ninguém (VOSE) Mércores 22 de abril12:00 - Timbuktú (VOSE)16:00 - Clan salvaxe (VOSE) 17:45 - Timbuktú (VOSE) 19:30 - E agora? Lembra-me (VOSE) 22:30 - Clan salvaxe (VOSE) Xoves 23 de abril12:00 - Clan Salvaxe (VOSE)16:00 - E agora? Lembra-me (VOSE) 19:00 - Clan Salvaxe (VOSE) 20:45 - Clan Salvaxe (VOSE) 22:30 - Timbuktú (VOSE) |
Ningún comentario:
Publicar un comentario