A compañía coruñesa Pisando ovos presenta dentro do ciclo de Danza 2015, ‘Que volvan as flores’. Será hoxe, martes 14 de abril, ás 20.30h no Teatro Principal. Creada e dirixida por Rut Balbís con Janet Novás como axudante de dirección conta con iluminación de Alfonso Castro. As entraads teñen un prezo de 6 euros e poden mercarse no despacho de billetes do Teatro Principal (aberto de 18.00 a 21.00h) ou en entradas.abanca.com e no 902 434 443.
Que volvan as flores é unha práctica sobre a creación de imaxes no momento. A peza reconstrúese cada vez que se representa e a variación é unha característica constante na súa recreación. Partindo do concepto do desapego ás accións e inmersa nesta rutina de “refacer”, Rut Balbís enfróntase en cada exposición da obra a un momento diferente do que quere facer partícipe ao público.
En Que volvan as flores son 25 cadeiras as que dan volume ás imaxes que se constrúen e deconstrúen invitando ao espectador a encher coa súa mirada os ocos baleiros. Que volvan as flores é o último traballo creado e protagonizado por Rut Balbís para Pisando ovos, compañía residente no Teatro Ensalle de Vigo cuxa dirección asumiu en solitario en 2008… Unha peza aberta e viva que se transforma a medida que pasa o tempo.
Rut Balbís creación e dirección
Janet Novás axuda dirección
Afonso Castro iluminación
Pisando ovos / Vigo 50’
Ningún comentario:
Publicar un comentario