Manuel Anxo Fernández Baz, portavoz do BNG de Teo, vai presentar una moción no Concello na que insta ao Goberno español a non traspasar o Rexistro Civil aos rexistros da propiedade e mercantís, e a derrogación do real decreto que contempla este traspaso. Así mesmo, insta á Xunta a que garanta o servizo público, a atención nos xulgados de paz e a gratuidade futura nas funcións que prestan os rexistros civís.
O goberno do PP en Madrid aprobou o pasado ano o Real decreto-Lei 8/2014, do 4 de xullo, que leva aparellado o traspaso dos rexistros civís aos rexistros mercantís. Neste sentido, Fernández Baz afirma que o traspaso dos rexistros civís aos rexistros mercantís suporá que “un servizo até o de agora gratuíto acabará converténdose con case total seguranza en de pago obrigado” ao ser privatizado”.
Do mesmo xeito, o portavoz nacionalista, afirma tamén que as persoas usuarias “en moitos casos terán que facer longos e custosos desprazamentos, pois recentemente confirmouse que o Rexistro vai ser asumido unicamente por aqueles que teñen competencias mercantís”.
Así pois, o mapa na Galiza quedaría reducido aos rexistros da Coruña, Santiago, Lugo, Ourense e Pontevedra, fronte á actual presenza dos rexistros civís en todos os concellos galegos. Deste xeito o actual Rexistro teense pasaría ao concello de Santiago quedando os veciños e veciñas de Teo sen o servizo existente actualmente.
Ningún comentario:
Publicar un comentario