Tordoia – campaña “un sorriso para Aitana”

O CONCELLO DE TORDOIA HABILITA UN PUNTO DE RECOLLIDA PARA COLABORAR NA CAMPAÑA “UN SORRISO PARA AITANA”

A iniciativa de recollida de tapóns de plástico está orientada a sufragar o custe da operación que precisa a nena, valorada en 300.000 euros

8 de novembro de 2011.- O Concello de Tordoia, e no seu nome o seu alcalde, Antonio Pereiro, anima aos veciños e veciñas do municipio a colaborar coa Campaña de Reciclaxe Solidaria “Un sorriso para Aitana”. O obxectivo é recadar o maior número de tapóns de plástico, que serán postos a disposición dunha empresa de reciclaxe para poder costear unha intervención quirúrxica para Aitana, unha nena de nove anos de Tarazona (Zaragoza) que sofre unha complexa dolencia cardíaca, e que así poderá costear unha operación que costa 300.000 euros. Por cada tonelada de de tapóns recollidos a recicladora entrega 300€.

Aitana naceu cunha cardiopatía conxénita - atresia pulmonar sin tronco pulmonar con colaterales.civ, comunicación interventricular e fisura paulatina. Tras varias operacións, seis cateterismos e múltiple probas médicas dende o ano 2006, a única solución que lle aportan os médicos é un dobre trasplante de pulmón e corazón que cree posible o doutor Pedro del Nido do Chilcren´s Hospital de Boston.

As veciñas e veciños que o desexen, poden deixar os tapóns no lugar habilitado nos Servizos Sociais municipais (Centro Médico).

Ningún comentario: