Psoe Teo – melloras no colexio rural

MELLORAS NO COLEXIO RURAL AGRUPADO DE TEO

Uxía Lemus, concelleira do PSdeG-PSOE no Concello de Teo ven de presentar unha iniciativa para mellorar as instalacións do Colexio Rural Agrupado (CRA) de Teo.

Nos últimos tempos recibíronse pola Agrupación socialista de Teo diversas queixas sobre o estado de varios centros que compoñen o CRA de Teo. As necesidades dos/as usuarios/as son moi concretas e pasamos a describilas:

- REIS: Paso de peóns que de servizo aos nenos/as e familiares; acondicionamento dos baños.

- RECESENDE: Retirar as tubaxes da antiga calefacción; construír un cuberto para os días de choiva; Podar a herba no patio.

- CASALONGA: Arranxar a placa do segundo piso.

- RAXÓ: Arranxar o portal da entrada; acondicionamento nos baños.

- CACHEIRAS: Un novo baño.

- SOLLÁNS: Arranxo do conxunto das instalacións; material: un novo ordenador, un fax e una fotocopiadora en cor.

Así mesmo, os Socialistas de Teo queremos facer notar a necesidade de melloras na conexión a internet, estudando a posibilidade da instalación de WIFI nos centros.

Sendo as instalación de titularidade municipal e dada a importancia destes centros para os e as teenses, consideramos que o Concello de Teo debe comprometerse a acometer, no menor tempo posible, as reformas que sexan de urxencia, é dicir, aquelas que supoñan melloras para a seguridade dos/as nenos/as e familiares tanto na contorna dos centros como no interior dos mesmos.

Por outro lado, sería necesario un estudo das necesidades dos/as usuarios/as dos centros que forman o CRA de Teo, cunha planificación a longo prazo das melloras a acometer.

Os Socialistas de Teo consideramos que a existencia deste tipo de planificación evitaría que no futuro teñamos que esperar a recepción de queixas para actuar neste tema de tanta relevancia.

Ningún comentario: